SAHRUOTHUNA 46
46
Jakob Ta A Ingchungkhue Kha Izipt Luo A Zaa Chiy Yi
(Pya 6. 14-25)
1Israel ca a hnyipa hmang bangkhuo hne khata a tha te Beer-sheba luo a chiy tiyta, a paa Isak Khazing'a lie kha hriykhungrina a tue. 2Khazing ta Israel ca zuo ta muocuo pahmung sa te a chaw. “Jakob, Jakob,” ta te, ama ta, “Hingpa lie hingna i aw,” a ta. 3Cakhutaa cata, “Kama ca Khazing, na paa Khazing tana i cuo. Izipt luo si riypa hing ciy khah, tahematapakieca Kama na capa ruo lie ca mingphang lepa ta caa tue'a ang. 4Kama hrahring nama hne Izipt luo si'a angte, kama ta ica kya kaakhyi pakhaa aa. Na thiy tiyta Josef hrahring na a kuv ta na ming caa pahruv aa,” a ta.
5Jakob ca Beer-sheba taata aa tha. Israel sacapaa zaw ca ta ama paa Jakob hne ama saata zaw hne ama napuv zaw kha Faro ta a kya paphyapa aruole lie kha ama patu sa. 6#Lct 7.15 Kanaan lie ama hnyipa sahring hne chechiy bangkhuo hne khata Izipt ruo luo ca ama si. Jakob ca ama hne a samingsahlaa zaw ta a cuopa, 7a sacapaa zaw, a sacapaa tie sacapaa zaw, a sacanung zaw, a sacapaa tie sacanung zaw, a samingsahlaa bangkhuo kha ama hneta a za sikhyi diy yi.
8Jakob hne a samingsahlaa, Izipt luo zaa sipa Israel ming ming ca hing haa hing tana a cuo. Jakob sacapaa uvthyi Reuben, 9hne Reuben saata zaw ta a cuopa Hanok, Pallu, Hezron, hne Karmi. 10Simeon saata zaw: Jemuel, Jamin, Ohad, Jachin, Zohar, hne Kanaan zaanung sacapaa Shaul. 11Levi saata zaw: Gershon, Kohath, hne Merari. 12Judah saata zaw: Er, Onan, Shelah, Perez, hne Zerah (Er hne Onan ca Kanaan ruo lieta a ma thiy); hne Perez saata zaw ca Hezron hne Hamul ta ama cuo. 13Issakhar saata zaw ca: Tola, Puvah, Jashub, hne Shimron. 14Zebulun saata zaw ca: Sered, Elon, hne Jahleel 15(Iema hing ama siicanung Dinah hneta Paddan-aram lieta Leah ta Jakob a sapapa yi sacapaa zaw ta ama cuo. A sacapaa hne a sacanung zaw ama bangkhuo ta sawthung pathung ama ta). 16Gad saata zaw: Zifion, Haggi, Shuni, Ezbon, Eri, Arodi, hne Areli. 17Asher saata zaw: Imnah, Ishvah, Ishvi, Beriah, hne ama sietanung Serah. Beriah saata zaw: Heber hne Malkhiel. 18(Hingpa tie hing Laban ta a sacanung Leah a pipa Zilpah ta Jakob a sapapa saata zaw ta ama cuo. Ama bangkhuo ta pahraa hlyicaruv ama ta). 19Jakob napuvnung Rachel saata zaw: Josef hne Benjamin. 20#Sah 41.50-52 Potifera tluobyipa On sacanung Asenath ta Izipt ruo lie Josef a sapapa Manasseh hne Efraim. 21Benjamin saata zaw: Bela, Bekher, Ashbel, Gera, Naaman, Ehi, Rosh, Muppim, Huppim, hne Ard. 22(Hingpa tie hing Rachel ta Jakob a sapapa saata zaw ta ama cuo, ama bangkhuo ta pahraa hlyipaliy ama ta). 23Dan saata zaw: Hashum. 24Naftali saata zaw: Jahzeel, Guni, Jezer, hne Shillem. 25(Hingpa tie hing Laban ta a sacanung Rachel a pipa Bilhah ta Jakob a sapapa sacapaa zaw tana ama cuo. Ama bangkhuo ta pasariy ama ta). 26A sacapaa napuv zaw ripuo li pata Izipt luo zaa sipa Jakob samingsahlaa zaw ca ama bangkhuo ta sawcaruv pacaruv ama ta. 27#Lct 7.14 Izipt lieta a puvpa Josef sacapaa zaw pahning ta yi te, Izipt luo zaa sipa Jakob ingchungkhue cawsaa ama bangkhuo ta sawsariy ama ta.
Jakob Ca Goshen Lie Khy A Sa
28Israel ta Judah kha Goshen luo silu riypata Josef'a luo kha a pathlie. 29Goshen luo ama pha tiyta, 30Israel ta Josef kyihuo khata, “Kama hrahring na hring kaliepa ica hmung tli nakaw hingta i thiy a pahuo'a mangtli,” a ta. 31Josef ta a uvta zaw'a nata a paa ingchungkhue tie kha, “Faro'a luo kha khaw'a angte, ‘Kanaan lie a awpa i uvta zaw hne i paa ingchungkhue tie na zaa chiy yi. 32Iema ca tuvkhietuv ta cuo yi te sahring a khiepa tana ama cuo. Ama sahring hne ama hnyipa bangkhuo kha ama za sikhyi diy,’ ta pata i kya chang aa. 33Faro ta ca u'a yi te, ‘Khaapa re ma nama hrie?’ aca ta kie yi ca, 34‘Ma mingchingmingvuo tie zaw ama za hriepa haata na changtaapa zaw hing ma cawta baataata ata tepa hingta sahring a khiepa tana ma cuo,’ nama ta aa. Cakiedyina Goshen lie khy nama sa the aa, tahematapakieca tuvkhietuv bangkhuo ca Izipt ming ta ama duvpa tana a cuo,” a ta yi.
ទើបបានជ្រើសរើសហើយ៖
SAHRUOTHUNA 46: LNT
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Lutuv Holy Bible © Bible Society of Myanmar, 2023.