SAHRUOTHUNA 29
29
Jakob Ta Rachel Aa Taw
1Cakhutaa cata Jakob ca a khytlaw kha pazue te ningchiyluo cawsaa tie ruo luo kha a chiy. 2Hmiehmie a pase ca ruo lieta takhue suokha kha hmung te tuvrung rung thung ta a kie lie amaa bupuopa kha a hmung. Tahematapakieca capa takhue taa cata tuv tie kha tiy ama padang taw. Takhue ama pahruvpa alung ca a lesa nakawta 3tuvrung bangkhuo amaa vya hmya diy taa khata takhue ama pahruvpa alung ca tuvkhietuv tie ta hnyi yi te, tuv kha tiy ama padang khutaata takhue kha ama pahruv siy pakhaa taw.
4Jakob ta iema kha, “I uvnu zaw, khaapa taata ma namaa vaw?” a ta yi. Iema ta, “Haran taa tana maa vaw,” ama ta. 5Ama ta, “Nahor sacapaa Laban kha nama pachang ma?” a ta yi. Iema ta, “Ma pachang,” ama ta. 6Ama ta, “A hnaa tluo ma?” a ta yi. Iema ta, “A tluo, a sacanung Rachel zaw a tuv hne aa vaw hing,” ama ta. 7Ama ta, “Ata hing ning a suosa kalie te tuv pahmya tiy ta valie de, tiy padang ung la patle pakhaa caw tie nie ung,” a ta yi. 8Cuorasala iema ta, “Tuvrung bangkhuo hing ma pahmya diy khu hluo li hne takhue pahruvpa alung hing ma hnyi khu hluo li ca tiy kha padang khu'a vapuv, cakhutaata kie kyalya dyina ma tuv ca tiy ma padang khu aa,” a ma ta.
9Bie ama ri nguoluopa cata Rachel ca a paa tuv hneta a vya chiy, tahematapakieca ama ca tuvkhietuv tana a cuo. 10Jakob ca a nung caapaapa Laban sacanung Rachel hne a nung caapaapa Laban tuv zaw kha a hmung tiyta, vaa te, takhue ama pahruvpa alung kha hnyi te a nung caapaapa Laban tuv kha tiy a padang yi. 11Cakhutaata Jakob ta Rachel kha pahnuo te khuosa ta a caa. 12Jakob ca ta Rachel kha, ama ca Rebekah sacapaa ta cuo te a paa tuvpaapa ta a cuopa kha a chang ca vaa ruo te a paa kha a va chang.
13Laban ta a sietanung sacapaa Jakob kaw kha a thyi ca a taw riypata a vya ruo te, a paw te a pahnuo. Cakhutaa cata a ing luo aa chiyle. Jakob ta Laban ca hmang chiycuona bangkhuo kha a chang. 14Cakhutaa cata Laban ta, “Nama ca i ruv hne i saa hrahring tana na cuo,” a ta. Cakhutaata ama'a lie ca thla kha a aw.
Jakob Ta Laban Sacanung Zaw Kha A Chiy Yi
15Laban ta Jakob kha, “Nama ca i tieriy na cuo zaw ta, i re ca a sepa ta hrie'a vaciy? Na thavie muo khaapama a cuo aa? tapa kha na chang tie,” a ta. 16Laban ta sacanung pahning hnyi te, a uvthyi nung ca Leah ta yi te, a syinung ca Rachel ama ta. 17Leah ca a ming a puvthesa, Rachel ca a pangruepa a puvthesa nakawta khing a chiysa. 18Jakob ta Rachel kha a khing nakawta, “Na sacanung a syinung Rachel vuopa hingta na re kung sariy chung i hrie aa,” a ta. 19Laban ta, “Cawsaa hrangpa i pipa laata nama ica pipa ca a pha vie, kama'a lie ca aw tie,” a ta. 20Caacuonakawta Rachel a hlaw khu riypata kung sariy re a hrie. Cuorasala Rachel kha a khingsa nakawta ama cuota ca ning cawta haa tana a ri.
21Jakob ta Laban kha, “I napuvnung ca i hlaw the riypata na pi paatie, tahematapakieca i cuo ca a tling tli,” a ta. 22Caacuonakawta Laban ta capa hmang lie a awpa bangkhuo kha ku pakiy yi te pyi a tue. 23Cuorasala capa zuo cata a sacanung Leah kha Jakob ca pi te Jakob ca ta aa ziekhyi. 24(Laban ta a siizaanung Zilpah kha a mangchiytuv riypata a sacanung Leah kha a pi). 25Maw khy a vya dyi ca Leah ta a cuo! Caacuonakawta Jakob ta Laban kha, “I cunglie na tuepa hmang hing khaapatama a cuo? Rachel cu riypata na re kha hrie va ang ma? Khaapanakawma ina dung ciy?” a ta. 26Laban ta, “Kiema ruo lie ca a uvthyi vie tungtuv hluota a syi vie ta tungtuv phung cuo vyi. 27Ata zaa kha hing patling sa la, a hrangpa kung sariy i re na hrie vie kieca Rachel zaw hing ica pi aa,” a ta. 28Jakob ca a naa a tla. Leah hne amaa chiyhienapa ningzaa zaa kha a tling tiyta Laban ta a sacanung Rachel ca napuv riypata a pi. 29(Laban ta a siizaanung Bilhah kha a mangchiytuv riypata a sacanung Rachel kha a pi). 30Jakob ta Rachel zaw kha a ziekhyi te Rachel ca Leah laa khata a due vie. A hrangpa kung sariy chung Laban re kha a hrie pakhaa.
31 Abyipa ta Leah ca due uo lipa a cuopa kha a hmung tiyta saa sa khuna pi te, cuorasala Rachel ca saata hnyi khu li pata a aw. 32Leah ca nu phya te, sacapaa pakha sa te Reuben ta pata ming a sa. Tahematapakieca ama ta, “Khazing na i riethyivuosuona kha naa hmungpa tli; i navaapa ta i na due'a tli,” a ta. 33Nu phya pakhaa te, sacapaa pakha sa pakhaa te Simeon ta pata ming a sa. Tahematapakieca ama ta, “Kama ca huepa ta i cuopa hing Abyipa ta na hmung tena hingpa sacapaa hing ina pi,” a ta. 34Nu phya pakhaa hyi te, sacapaa pakha sa pakhaa te Levi ta pata ming a sa. Tahematapakieca ama ta, “Sacapaa pathung i sapa tli nakawta i navaapa hing kama hing inaa viesaa vie'a tli,” a ta. 35Nu phya pakhaa ngiethie te sacapaa pakha a sa pakhaa. “Ata hing ca Khazing na i pathuosa aa,” ta te, Judah ta pata ming a sa. Cakhutaata ca saata sa va tli.
ទើបបានជ្រើសរើសហើយ៖
SAHRUOTHUNA 29: LNT
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Lutuv Holy Bible © Bible Society of Myanmar, 2023.
SAHRUOTHUNA 29
29
Jakob Ta Rachel Aa Taw
1Cakhutaa cata Jakob ca a khytlaw kha pazue te ningchiyluo cawsaa tie ruo luo kha a chiy. 2Hmiehmie a pase ca ruo lieta takhue suokha kha hmung te tuvrung rung thung ta a kie lie amaa bupuopa kha a hmung. Tahematapakieca capa takhue taa cata tuv tie kha tiy ama padang taw. Takhue ama pahruvpa alung ca a lesa nakawta 3tuvrung bangkhuo amaa vya hmya diy taa khata takhue ama pahruvpa alung ca tuvkhietuv tie ta hnyi yi te, tuv kha tiy ama padang khutaata takhue kha ama pahruv siy pakhaa taw.
4Jakob ta iema kha, “I uvnu zaw, khaapa taata ma namaa vaw?” a ta yi. Iema ta, “Haran taa tana maa vaw,” ama ta. 5Ama ta, “Nahor sacapaa Laban kha nama pachang ma?” a ta yi. Iema ta, “Ma pachang,” ama ta. 6Ama ta, “A hnaa tluo ma?” a ta yi. Iema ta, “A tluo, a sacanung Rachel zaw a tuv hne aa vaw hing,” ama ta. 7Ama ta, “Ata hing ning a suosa kalie te tuv pahmya tiy ta valie de, tiy padang ung la patle pakhaa caw tie nie ung,” a ta yi. 8Cuorasala iema ta, “Tuvrung bangkhuo hing ma pahmya diy khu hluo li hne takhue pahruvpa alung hing ma hnyi khu hluo li ca tiy kha padang khu'a vapuv, cakhutaata kie kyalya dyina ma tuv ca tiy ma padang khu aa,” a ma ta.
9Bie ama ri nguoluopa cata Rachel ca a paa tuv hneta a vya chiy, tahematapakieca ama ca tuvkhietuv tana a cuo. 10Jakob ca a nung caapaapa Laban sacanung Rachel hne a nung caapaapa Laban tuv zaw kha a hmung tiyta, vaa te, takhue ama pahruvpa alung kha hnyi te a nung caapaapa Laban tuv kha tiy a padang yi. 11Cakhutaata Jakob ta Rachel kha pahnuo te khuosa ta a caa. 12Jakob ca ta Rachel kha, ama ca Rebekah sacapaa ta cuo te a paa tuvpaapa ta a cuopa kha a chang ca vaa ruo te a paa kha a va chang.
13Laban ta a sietanung sacapaa Jakob kaw kha a thyi ca a taw riypata a vya ruo te, a paw te a pahnuo. Cakhutaa cata a ing luo aa chiyle. Jakob ta Laban ca hmang chiycuona bangkhuo kha a chang. 14Cakhutaa cata Laban ta, “Nama ca i ruv hne i saa hrahring tana na cuo,” a ta. Cakhutaata ama'a lie ca thla kha a aw.
Jakob Ta Laban Sacanung Zaw Kha A Chiy Yi
15Laban ta Jakob kha, “Nama ca i tieriy na cuo zaw ta, i re ca a sepa ta hrie'a vaciy? Na thavie muo khaapama a cuo aa? tapa kha na chang tie,” a ta. 16Laban ta sacanung pahning hnyi te, a uvthyi nung ca Leah ta yi te, a syinung ca Rachel ama ta. 17Leah ca a ming a puvthesa, Rachel ca a pangruepa a puvthesa nakawta khing a chiysa. 18Jakob ta Rachel kha a khing nakawta, “Na sacanung a syinung Rachel vuopa hingta na re kung sariy chung i hrie aa,” a ta. 19Laban ta, “Cawsaa hrangpa i pipa laata nama ica pipa ca a pha vie, kama'a lie ca aw tie,” a ta. 20Caacuonakawta Rachel a hlaw khu riypata kung sariy re a hrie. Cuorasala Rachel kha a khingsa nakawta ama cuota ca ning cawta haa tana a ri.
21Jakob ta Laban kha, “I napuvnung ca i hlaw the riypata na pi paatie, tahematapakieca i cuo ca a tling tli,” a ta. 22Caacuonakawta Laban ta capa hmang lie a awpa bangkhuo kha ku pakiy yi te pyi a tue. 23Cuorasala capa zuo cata a sacanung Leah kha Jakob ca pi te Jakob ca ta aa ziekhyi. 24(Laban ta a siizaanung Zilpah kha a mangchiytuv riypata a sacanung Leah kha a pi). 25Maw khy a vya dyi ca Leah ta a cuo! Caacuonakawta Jakob ta Laban kha, “I cunglie na tuepa hmang hing khaapatama a cuo? Rachel cu riypata na re kha hrie va ang ma? Khaapanakawma ina dung ciy?” a ta. 26Laban ta, “Kiema ruo lie ca a uvthyi vie tungtuv hluota a syi vie ta tungtuv phung cuo vyi. 27Ata zaa kha hing patling sa la, a hrangpa kung sariy i re na hrie vie kieca Rachel zaw hing ica pi aa,” a ta. 28Jakob ca a naa a tla. Leah hne amaa chiyhienapa ningzaa zaa kha a tling tiyta Laban ta a sacanung Rachel ca napuv riypata a pi. 29(Laban ta a siizaanung Bilhah kha a mangchiytuv riypata a sacanung Rachel kha a pi). 30Jakob ta Rachel zaw kha a ziekhyi te Rachel ca Leah laa khata a due vie. A hrangpa kung sariy chung Laban re kha a hrie pakhaa.
31 Abyipa ta Leah ca due uo lipa a cuopa kha a hmung tiyta saa sa khuna pi te, cuorasala Rachel ca saata hnyi khu li pata a aw. 32Leah ca nu phya te, sacapaa pakha sa te Reuben ta pata ming a sa. Tahematapakieca ama ta, “Khazing na i riethyivuosuona kha naa hmungpa tli; i navaapa ta i na due'a tli,” a ta. 33Nu phya pakhaa te, sacapaa pakha sa pakhaa te Simeon ta pata ming a sa. Tahematapakieca ama ta, “Kama ca huepa ta i cuopa hing Abyipa ta na hmung tena hingpa sacapaa hing ina pi,” a ta. 34Nu phya pakhaa hyi te, sacapaa pakha sa pakhaa te Levi ta pata ming a sa. Tahematapakieca ama ta, “Sacapaa pathung i sapa tli nakawta i navaapa hing kama hing inaa viesaa vie'a tli,” a ta. 35Nu phya pakhaa ngiethie te sacapaa pakha a sa pakhaa. “Ata hing ca Khazing na i pathuosa aa,” ta te, Judah ta pata ming a sa. Cakhutaata ca saata sa va tli.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Lutuv Holy Bible © Bible Society of Myanmar, 2023.