SAHRUOTHUNA 28
28
1Isak ta Jakob kha thluechiy a pi khutaata, “Kanaan zaanung ca napuv ta chiy'a vaciy. 2Ata hingta a pachie la Paddan-aram lie a awpa, na nung a paa Bethuel ing luo kha si la, na nung caapaapa Laban sacanung zaw chung taa khata pakha kha napuv ta va chiy tie. 3Lesyice Khazing ta thluechiy ca pi sala sacanung sacapaa a hluvsa ca pi se. Ca papungzaa sala mingphang lepa ca pacuo sa se. 4#Sah 17.4-8 Ama ta nama hne na samingsahlaa kha Abraham thluechiy kha ca pi yi sala, Khazing ta Abraham a pipa ruo, ata lie mingpe ta na awnapa ruo hing nama huopa ta pacuo sa mang sue,” a ta. 5Cahaacata Isak ta Jakob ca Paddan-aram lie a awpa Aramean ming Bethuel sacapaa Laban'a luo kha a pathlie. Laban ca Jakob hne Esau nung Rebekah caapaapa khata a cuo.
Esau Ta Ishmael Sacanung Kha Napuv Ta A Chiy
6Isak ta Jakob kha thluechiy pi te na, napuv va chiy riypata Paddan-aram luo a pathlie tapa kha cuose, thluechiy a pi ningta, “Kanaan zaanung ca napuv ta chiy'a vaciy,” a tapa kha cuose, 7Jakob ta a nung hne a paa ri kha a ngie te Paddan-aram luo a sipa kha cuose, Esau ta a pachang. 8Esau ta Kanaan zaa zaw hingta a paa Isak palung patluo va yi tapa kha a pachang tiyta, 9Ishmael'a luo kha si te, a hnyi ciepa a napuv zaw thing taa khata Abraham sacapaa Ishmael sacanung, Nebaioth sietanung Mahalath kha napuv ta a chiy.
Bethel Lie Jakob Muo
10Jakob ca Beer-sheba taa khata a tha te Haran luo kha a si. 11Suv kha luo a chiypa khata ning a tla nakawta capa lie ca zuo kha aa ri. Alung suokha kha la te, lahya ta a hy te aa zie. 12#Jhn 1.51 Muo sa te, a muo cata alyi taata avuo te a phapa hlyidaw suokha aw te, capa hlyidaw lie ca Khazing avuoming kie yi cung yi ama tapa kha a hmung. 13#Sah 13.14,15 Abyipa kha aa thaalie a daa te, “Kama ca na paa Abraham Khazing hne Isak Khazing, Abyipa tana i cuo. Ata naa zienapa alyi hing nama hne na samingsahlaa zaw kha ca pi'a yi angte, 14#Sah 12.3; 22.18 na samingsahlaa zaw ca alyi lie buvcing zaa ama ta aa. Ningchiy, ningtla, sungluo hne chaluo ta a ze diy'a ung cate, chuelyi mingphang bangkhuo ca nama hne na samingsahlaa zaw thueta thluechiy pipa ama cuo aa. 15Khaapa luo na cakuo zaw nama kha ca awpuo'a angte, hingpa ruo luo hing ica vya kaakhyi pakhaa aa; tahematapakieca bie ica kuopa hing i tue diyna te ta ca thuse'a va ang,” a ta. 16Cakhutaa cata Jakob ca a kya cha te, “Hingpa hmang lie hing Abyipa na a aw hrahring, i za pachang va muo!” a ta. 17Kya ciy pathingsa te, “Hingpa hmang hing kha tluv tama ciy aa chiy! A hrangpa cuo vade, Khazing ing hne vuoruo chiypakaa ta muo a va cuo ta,” a ta.
18Caacuonakawta Jakob ca mawdiy ta thu te, lahya ta aa hypa alung kha la te, lungbang ta a bang khutaata a daw taa khata chiytiy a bya. 19Capa hmang ca Bethel ta pata ming a sa. Ahluo ta ca, capa khy a ming ca Luz tapa tana a za cuo. 20Cakhutaa cata Jakob ta, “Khazing ca kama kha na awpuo te, i sinapa luopuv lie kha na mangchiy te, ning riypa sa hne a buv a se riypa cawsie kha na pi te, 21i paa ing luo thlaalungna hne i vya kaa pakhaa khu kieca Abyipa ca i Khazing ta a cuo aa. 22Hingpa alung, lungbang ta i bangpa hing Khazing ing ta cuo'a te, nama ta ina pipa bangkhuo chung taa hingta chehraachekha ica pi aa,” ta pata bie aa kuo.
ទើបបានជ្រើសរើសហើយ៖
SAHRUOTHUNA 28: LNT
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Lutuv Holy Bible © Bible Society of Myanmar, 2023.
SAHRUOTHUNA 28
28
1Isak ta Jakob kha thluechiy a pi khutaata, “Kanaan zaanung ca napuv ta chiy'a vaciy. 2Ata hingta a pachie la Paddan-aram lie a awpa, na nung a paa Bethuel ing luo kha si la, na nung caapaapa Laban sacanung zaw chung taa khata pakha kha napuv ta va chiy tie. 3Lesyice Khazing ta thluechiy ca pi sala sacanung sacapaa a hluvsa ca pi se. Ca papungzaa sala mingphang lepa ca pacuo sa se. 4#Sah 17.4-8 Ama ta nama hne na samingsahlaa kha Abraham thluechiy kha ca pi yi sala, Khazing ta Abraham a pipa ruo, ata lie mingpe ta na awnapa ruo hing nama huopa ta pacuo sa mang sue,” a ta. 5Cahaacata Isak ta Jakob ca Paddan-aram lie a awpa Aramean ming Bethuel sacapaa Laban'a luo kha a pathlie. Laban ca Jakob hne Esau nung Rebekah caapaapa khata a cuo.
Esau Ta Ishmael Sacanung Kha Napuv Ta A Chiy
6Isak ta Jakob kha thluechiy pi te na, napuv va chiy riypata Paddan-aram luo a pathlie tapa kha cuose, thluechiy a pi ningta, “Kanaan zaanung ca napuv ta chiy'a vaciy,” a tapa kha cuose, 7Jakob ta a nung hne a paa ri kha a ngie te Paddan-aram luo a sipa kha cuose, Esau ta a pachang. 8Esau ta Kanaan zaa zaw hingta a paa Isak palung patluo va yi tapa kha a pachang tiyta, 9Ishmael'a luo kha si te, a hnyi ciepa a napuv zaw thing taa khata Abraham sacapaa Ishmael sacanung, Nebaioth sietanung Mahalath kha napuv ta a chiy.
Bethel Lie Jakob Muo
10Jakob ca Beer-sheba taa khata a tha te Haran luo kha a si. 11Suv kha luo a chiypa khata ning a tla nakawta capa lie ca zuo kha aa ri. Alung suokha kha la te, lahya ta a hy te aa zie. 12#Jhn 1.51 Muo sa te, a muo cata alyi taata avuo te a phapa hlyidaw suokha aw te, capa hlyidaw lie ca Khazing avuoming kie yi cung yi ama tapa kha a hmung. 13#Sah 13.14,15 Abyipa kha aa thaalie a daa te, “Kama ca na paa Abraham Khazing hne Isak Khazing, Abyipa tana i cuo. Ata naa zienapa alyi hing nama hne na samingsahlaa zaw kha ca pi'a yi angte, 14#Sah 12.3; 22.18 na samingsahlaa zaw ca alyi lie buvcing zaa ama ta aa. Ningchiy, ningtla, sungluo hne chaluo ta a ze diy'a ung cate, chuelyi mingphang bangkhuo ca nama hne na samingsahlaa zaw thueta thluechiy pipa ama cuo aa. 15Khaapa luo na cakuo zaw nama kha ca awpuo'a angte, hingpa ruo luo hing ica vya kaakhyi pakhaa aa; tahematapakieca bie ica kuopa hing i tue diyna te ta ca thuse'a va ang,” a ta. 16Cakhutaa cata Jakob ca a kya cha te, “Hingpa hmang lie hing Abyipa na a aw hrahring, i za pachang va muo!” a ta. 17Kya ciy pathingsa te, “Hingpa hmang hing kha tluv tama ciy aa chiy! A hrangpa cuo vade, Khazing ing hne vuoruo chiypakaa ta muo a va cuo ta,” a ta.
18Caacuonakawta Jakob ca mawdiy ta thu te, lahya ta aa hypa alung kha la te, lungbang ta a bang khutaata a daw taa khata chiytiy a bya. 19Capa hmang ca Bethel ta pata ming a sa. Ahluo ta ca, capa khy a ming ca Luz tapa tana a za cuo. 20Cakhutaa cata Jakob ta, “Khazing ca kama kha na awpuo te, i sinapa luopuv lie kha na mangchiy te, ning riypa sa hne a buv a se riypa cawsie kha na pi te, 21i paa ing luo thlaalungna hne i vya kaa pakhaa khu kieca Abyipa ca i Khazing ta a cuo aa. 22Hingpa alung, lungbang ta i bangpa hing Khazing ing ta cuo'a te, nama ta ina pipa bangkhuo chung taa hingta chehraachekha ica pi aa,” ta pata bie aa kuo.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Lutuv Holy Bible © Bible Society of Myanmar, 2023.