SAHRUOTHUNA 15
15
Khazing Ta Abram Hne A Tuepa Biekuo
1Cakhutaa cata Abram muocuo lie kha Abyipa a luo te, “Abram, ciy khah, Kama ca na cuota phya tana i cuo; na lawmuo ca a le hringhruo aa,” a ta. 2Cuorasala Abram ta, “Vya Abyipa Khazing, khaapama ina pi'a ciy, kama ca saata a hnyi lipa ta cuo angte, i ru naa cu riypa ca Damaskas khypa Eliezer hing tana a cuo,” a ta. 3“Samingsahlaa ina pi li nakaw ca ta i ing lie a puvpa i sii pakha na i ru naa cu aa,” a ta. 4Cuorasala Abyipa bie ca Abram luo kha a zuv te, “Hingpa paa hing na rucutuv ta cuo'a vyi; na sapa na saata hrahring na na ru caa cu aa,” a ta. 5#Rom 4.18; Heb 11.12 Ale luo kha pyakhyi te, “Avuo khiy mang la aasiy khiy ri tie, na ri khu kie ri tie,” a ta. Cakhutaa cata, “Na ciypathla zaw ca khiypa aasiy zaa khiy ama ta aa,” a ta. 6#Rom 4.3; Gal 3.6; Jei 2.23 Abram ta Abyipa ca zang te, Abyipa ta capa a zangna ca adangna ta a cuhluopa.
7Cakhutaa cata Abyipata, “Kama ca hingpa ruo hing nama pi riypata Khaldi ruo Ur taata caa vya sikhyituv Abyipa tana i cuo,” a ta. 8Cuorasala Abram ta, “Vya Abyipa Khazing, hingpa ruo hing kama huopa tana a cuo aa, tapa ca tuokhaatama i pachang aa?” a ta. 9Abyipa ta, “Kung thung a tapa cuelaanung sakha, kung thung a tapa mielaanung sakha, kung thung a tapa tuvtungpa sakha, thuvruv sakha hne valale sakha kha kama'a luo vya cyi tie,” a ta. 10Capa bangkhuo ca Khazing'a luo ca a vya cyi. Buv hning ta tepachung te kuo vyicuo ta a pahlaa. Pavaa ca tepachung vyi. 11Luotaa zaw ta za tlachiy yi te Abram ta aa cade yi.
12 #
Job 4.13,14 Ning a vya tla nguoluolepa khata Abram ca khuopuv ta a hmung te a cunglie kha ciy aa chiypa zingna a tlung. 13#Pya 1.1-14; Lct 7.6 Cakhutaa cata Abyipa ta Abram kyihuo khata, “Na samingsahlaa zaw ca ama ruo a cuo lipa lie khyche ta ama cuo aa. Capa lie ca sii ta cuo'a yi te kung zapaliy chung hrisaa pata ama cuo aa. 14#Pya 12.40,41; Lct 7.7 Cuorasala ama re ama hriepapa mingphang tie kha duo te'a yi angte, cakhutaa cata iema ca suethiy a hluvsa hneta ama pya aa. 15Nama ca na macuosana te ta hring'a cate thlaalungna hneta mingchingmingvuo tie'a luo na si aa. 16Amor ming pha lina ca a dena te a pha li lie nakawta na samingsahlaa tie ca chuopaliynapa lieta hingpa luo hing ama vya kaa pakhaa aa,” a ta.
17Ning tla te a vya zing ca a khuv a khuvpa myi bi suokha hne aa hlaa nguoluopa myisaa taw kha capa saa tepachungpa tie alalalie kha amaa khiele. 18#Lct 7.5 Capa ning lie ca Abyipa ta Abram hneta biekuona tue te, “Na ciypathla zaw ca hingpa ruo hing i pi'a yi. Izipt cavaa taata cavaa lesapa Zufrates cavaa te, 19Ken ming ruo, Keniz ming ruo, Kadmon ming ruo, 20Hit ming ruo, Periz ming ruo, Refaim ming ruo, 21Amor ming ruo, Kanaan ming ruo, Girgash ming ruo hne Jebus ming ruo zaw bangkhuo hing,” a ta.
ទើបបានជ្រើសរើសហើយ៖
SAHRUOTHUNA 15: LNT
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Lutuv Holy Bible © Bible Society of Myanmar, 2023.
SAHRUOTHUNA 15
15
Khazing Ta Abram Hne A Tuepa Biekuo
1Cakhutaa cata Abram muocuo lie kha Abyipa a luo te, “Abram, ciy khah, Kama ca na cuota phya tana i cuo; na lawmuo ca a le hringhruo aa,” a ta. 2Cuorasala Abram ta, “Vya Abyipa Khazing, khaapama ina pi'a ciy, kama ca saata a hnyi lipa ta cuo angte, i ru naa cu riypa ca Damaskas khypa Eliezer hing tana a cuo,” a ta. 3“Samingsahlaa ina pi li nakaw ca ta i ing lie a puvpa i sii pakha na i ru naa cu aa,” a ta. 4Cuorasala Abyipa bie ca Abram luo kha a zuv te, “Hingpa paa hing na rucutuv ta cuo'a vyi; na sapa na saata hrahring na na ru caa cu aa,” a ta. 5#Rom 4.18; Heb 11.12 Ale luo kha pyakhyi te, “Avuo khiy mang la aasiy khiy ri tie, na ri khu kie ri tie,” a ta. Cakhutaa cata, “Na ciypathla zaw ca khiypa aasiy zaa khiy ama ta aa,” a ta. 6#Rom 4.3; Gal 3.6; Jei 2.23 Abram ta Abyipa ca zang te, Abyipa ta capa a zangna ca adangna ta a cuhluopa.
7Cakhutaa cata Abyipata, “Kama ca hingpa ruo hing nama pi riypata Khaldi ruo Ur taata caa vya sikhyituv Abyipa tana i cuo,” a ta. 8Cuorasala Abram ta, “Vya Abyipa Khazing, hingpa ruo hing kama huopa tana a cuo aa, tapa ca tuokhaatama i pachang aa?” a ta. 9Abyipa ta, “Kung thung a tapa cuelaanung sakha, kung thung a tapa mielaanung sakha, kung thung a tapa tuvtungpa sakha, thuvruv sakha hne valale sakha kha kama'a luo vya cyi tie,” a ta. 10Capa bangkhuo ca Khazing'a luo ca a vya cyi. Buv hning ta tepachung te kuo vyicuo ta a pahlaa. Pavaa ca tepachung vyi. 11Luotaa zaw ta za tlachiy yi te Abram ta aa cade yi.
12 #
Job 4.13,14 Ning a vya tla nguoluolepa khata Abram ca khuopuv ta a hmung te a cunglie kha ciy aa chiypa zingna a tlung. 13#Pya 1.1-14; Lct 7.6 Cakhutaa cata Abyipa ta Abram kyihuo khata, “Na samingsahlaa zaw ca ama ruo a cuo lipa lie khyche ta ama cuo aa. Capa lie ca sii ta cuo'a yi te kung zapaliy chung hrisaa pata ama cuo aa. 14#Pya 12.40,41; Lct 7.7 Cuorasala ama re ama hriepapa mingphang tie kha duo te'a yi angte, cakhutaa cata iema ca suethiy a hluvsa hneta ama pya aa. 15Nama ca na macuosana te ta hring'a cate thlaalungna hneta mingchingmingvuo tie'a luo na si aa. 16Amor ming pha lina ca a dena te a pha li lie nakawta na samingsahlaa tie ca chuopaliynapa lieta hingpa luo hing ama vya kaa pakhaa aa,” a ta.
17Ning tla te a vya zing ca a khuv a khuvpa myi bi suokha hne aa hlaa nguoluopa myisaa taw kha capa saa tepachungpa tie alalalie kha amaa khiele. 18#Lct 7.5 Capa ning lie ca Abyipa ta Abram hneta biekuona tue te, “Na ciypathla zaw ca hingpa ruo hing i pi'a yi. Izipt cavaa taata cavaa lesapa Zufrates cavaa te, 19Ken ming ruo, Keniz ming ruo, Kadmon ming ruo, 20Hit ming ruo, Periz ming ruo, Refaim ming ruo, 21Amor ming ruo, Kanaan ming ruo, Girgash ming ruo hne Jebus ming ruo zaw bangkhuo hing,” a ta.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Lutuv Holy Bible © Bible Society of Myanmar, 2023.