SAHRUOTHUNA 14
14
Abram Ta Lot A Pacha
1Capa cuo ning cata Shinar siepahruo Amrafel, Ellasar siepahruo Ariok, Elam siepahruo Khedorlaomer hne Goiim siepahruo Tidal zaw khata, 2Sodom siepahruo Bera, Gomorrah siepahruo Birsha, Admah siepahruo Shinab, Zeboiim siepahruo Shemeber hne Bela (Zoar ama tapa) siepahruo tie kha rie amaa du. 3Iema bangkhuo hing Siddim (Riyliy Thiypa ama tapa) bawphie lie kha amaa hmya. 4Kung hraa hlyihning chung bangkhuo Khedorlaomer kuv rawlie za aw yi te kung hraa hlyithungnapa lie ama kha amaa du. 5Kung hraa hlyipaliynapa lieta Khedorlaomer hne ama kuo luo ta a daapa siepahruo tie kha a vaw hnue yi te, Refaim ming kha Ashteroth-karnaim lie, Zuzim ming kha Ham lie, Emim ming kha Shaveh-kiriathaim lie, 6Hor ming kha Seir tluocung ruo lie kha a du yi te ama te khutaata ruocaapa kielie a awpa El-paran khy te khata amaa cade. 7Cakhutaa cata hnangluo vya kaa yi te En-mishpat (Kadesh ama tapa), hne Amalek ming ruo bangkhuo hne Hazazon-tamar lie a awpa Amor ming ruo bangkhuo kha a du yi te ama te. 8Cakhutaa cata Sodom siepahruo, Gomorrah siepahruo, Admah siepahruo, Zeboiim siepahruo hne Bela (Zoar ama tapa) siepahruo tie khata 9Elam siepahruo Khedorlaomer, Goiim siepahruo Tidal, Shinar siepahruo Amrafel hne Ellasar siepahruo Ariok tie kha Siddim bawphie lie kha rie amaa vya du. 10Siddim bawphie ca kattazaa khue aa thuvsapa ta a bi. Sodom siepahruo hne Gomorrah siepahruo tie kha amaa ruo ca, chekha ca capa khue luo ca tla yi te, chekha ca tluocung ruo chung luo kha amaa ruo. 11Caacuonakawta carie tie ta Sodom hne Gomorrah lie a awpa chechiy bangkhuo hne sa bangkhuo kha la yi te ama sikhyi. 12Sodom lie a awpa, Abram a uvta sacapaa Lot zaw kha a chechiy bangkhuo hneta ama sikhyi ra.
13Carie kuv taata a lawpa pakha kha a vaw te Eshkol hne Aner uvnupa, Amor ming Mamre mathliy diy kielie a awpa Hebru ming Abram kha capa kaw ca a vya chang. Iema ca Abram a daakhyipa tie ta ama cuo. 14Abram ta a uvta sacapaa ama sikhyipa kha a thyi tiyta, a ing lie a puvpa, a phata tah a pacuvpa cawsaa 318 kha ku yi te carie tie ca Dan te amaa cade. 15Abram ta a cawsaa kha phuv hning ta che yi te zuo ta ama carie tie kha a du yi te ama te. Damaskas khy chaluo ta a awpa Hobah khy te khata amaa cade. 16Ama chechiy bangkhuo, a uvta sacapaa Lot chechiy bangkhuo, hne canung zaw hne cawsaa zaw kha a vya sikhyi pakhaa yi.
Melkhizedek Ta Abram Thluechiy A Pi
(Heb 7.1-2)
17Abram ca Khedorlaomer hne ama kuo luota a daapa siepahruo tie kha a te khutaa yi ta a vya kaaluo lie kha Sodom siepahruo ta Shaveh bawphie (Siepahruo bawphie ama tapa) lie kha a taw riypata aa kya hladaw. 18#Heb 7.1-10 Cungnungce Khazing tluobyi, Salem Siepahruo Melkhizedek ta viechuo hne mingsuvtiy kha vya cyi te, 19Abram kha hing haa hingta thluechiy a pi:
“Alyi hne avuo a satuv Cungnungce Khazing ta,
Abram ca thluechiy pi se;
20Na carie tie kha na kuv luo caa pituv
Cungnungce Khazing ca thluechiypa ta cuo mang sue!” a ta.
Abram ta hmangting bangkhuo chung taa khata chehraachekha a pi. 21Cakhutaa cata Sodom siepahruo ta Abram kha, “Cawsaa zaw kha na pi la chechiy hing ca a la tie,” a ta. 22Cuorasala Abram ta Sodom siepahruo kyihuo khata, “Alyi hne avuo a satuv Abyipa, Cungnungce Khazing'a luo kha chie i sa tli. 23Nama ta, ‘Abram ca kama thueta na a hnyi a rung,’ ina ta li riypa cata na huopa a cuopa bangkhuo, lariy riy kha hne phanaah riy taata pathu pata suokha hmuo a la'a va ang,” a ta. 24Kama ca khaapahmuo a la'a va ang, cuorasala satlie tie ning ciepa hne kama hne a vya si rapa tie ama cuvu dyina i la aa. Aner, Eshkol hne Mamre ta ama cuvu kha a la ra yi se, a ta.
ទើបបានជ្រើសរើសហើយ៖
SAHRUOTHUNA 14: LNT
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Lutuv Holy Bible © Bible Society of Myanmar, 2023.
SAHRUOTHUNA 14
14
Abram Ta Lot A Pacha
1Capa cuo ning cata Shinar siepahruo Amrafel, Ellasar siepahruo Ariok, Elam siepahruo Khedorlaomer hne Goiim siepahruo Tidal zaw khata, 2Sodom siepahruo Bera, Gomorrah siepahruo Birsha, Admah siepahruo Shinab, Zeboiim siepahruo Shemeber hne Bela (Zoar ama tapa) siepahruo tie kha rie amaa du. 3Iema bangkhuo hing Siddim (Riyliy Thiypa ama tapa) bawphie lie kha amaa hmya. 4Kung hraa hlyihning chung bangkhuo Khedorlaomer kuv rawlie za aw yi te kung hraa hlyithungnapa lie ama kha amaa du. 5Kung hraa hlyipaliynapa lieta Khedorlaomer hne ama kuo luo ta a daapa siepahruo tie kha a vaw hnue yi te, Refaim ming kha Ashteroth-karnaim lie, Zuzim ming kha Ham lie, Emim ming kha Shaveh-kiriathaim lie, 6Hor ming kha Seir tluocung ruo lie kha a du yi te ama te khutaata ruocaapa kielie a awpa El-paran khy te khata amaa cade. 7Cakhutaa cata hnangluo vya kaa yi te En-mishpat (Kadesh ama tapa), hne Amalek ming ruo bangkhuo hne Hazazon-tamar lie a awpa Amor ming ruo bangkhuo kha a du yi te ama te. 8Cakhutaa cata Sodom siepahruo, Gomorrah siepahruo, Admah siepahruo, Zeboiim siepahruo hne Bela (Zoar ama tapa) siepahruo tie khata 9Elam siepahruo Khedorlaomer, Goiim siepahruo Tidal, Shinar siepahruo Amrafel hne Ellasar siepahruo Ariok tie kha Siddim bawphie lie kha rie amaa vya du. 10Siddim bawphie ca kattazaa khue aa thuvsapa ta a bi. Sodom siepahruo hne Gomorrah siepahruo tie kha amaa ruo ca, chekha ca capa khue luo ca tla yi te, chekha ca tluocung ruo chung luo kha amaa ruo. 11Caacuonakawta carie tie ta Sodom hne Gomorrah lie a awpa chechiy bangkhuo hne sa bangkhuo kha la yi te ama sikhyi. 12Sodom lie a awpa, Abram a uvta sacapaa Lot zaw kha a chechiy bangkhuo hneta ama sikhyi ra.
13Carie kuv taata a lawpa pakha kha a vaw te Eshkol hne Aner uvnupa, Amor ming Mamre mathliy diy kielie a awpa Hebru ming Abram kha capa kaw ca a vya chang. Iema ca Abram a daakhyipa tie ta ama cuo. 14Abram ta a uvta sacapaa ama sikhyipa kha a thyi tiyta, a ing lie a puvpa, a phata tah a pacuvpa cawsaa 318 kha ku yi te carie tie ca Dan te amaa cade. 15Abram ta a cawsaa kha phuv hning ta che yi te zuo ta ama carie tie kha a du yi te ama te. Damaskas khy chaluo ta a awpa Hobah khy te khata amaa cade. 16Ama chechiy bangkhuo, a uvta sacapaa Lot chechiy bangkhuo, hne canung zaw hne cawsaa zaw kha a vya sikhyi pakhaa yi.
Melkhizedek Ta Abram Thluechiy A Pi
(Heb 7.1-2)
17Abram ca Khedorlaomer hne ama kuo luota a daapa siepahruo tie kha a te khutaa yi ta a vya kaaluo lie kha Sodom siepahruo ta Shaveh bawphie (Siepahruo bawphie ama tapa) lie kha a taw riypata aa kya hladaw. 18#Heb 7.1-10 Cungnungce Khazing tluobyi, Salem Siepahruo Melkhizedek ta viechuo hne mingsuvtiy kha vya cyi te, 19Abram kha hing haa hingta thluechiy a pi:
“Alyi hne avuo a satuv Cungnungce Khazing ta,
Abram ca thluechiy pi se;
20Na carie tie kha na kuv luo caa pituv
Cungnungce Khazing ca thluechiypa ta cuo mang sue!” a ta.
Abram ta hmangting bangkhuo chung taa khata chehraachekha a pi. 21Cakhutaa cata Sodom siepahruo ta Abram kha, “Cawsaa zaw kha na pi la chechiy hing ca a la tie,” a ta. 22Cuorasala Abram ta Sodom siepahruo kyihuo khata, “Alyi hne avuo a satuv Abyipa, Cungnungce Khazing'a luo kha chie i sa tli. 23Nama ta, ‘Abram ca kama thueta na a hnyi a rung,’ ina ta li riypa cata na huopa a cuopa bangkhuo, lariy riy kha hne phanaah riy taata pathu pata suokha hmuo a la'a va ang,” a ta. 24Kama ca khaapahmuo a la'a va ang, cuorasala satlie tie ning ciepa hne kama hne a vya si rapa tie ama cuvu dyina i la aa. Aner, Eshkol hne Mamre ta ama cuvu kha a la ra yi se, a ta.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Lutuv Holy Bible © Bible Society of Myanmar, 2023.