မာကု 6
6
ဝေင်ꩻနာဇရဲစ်လက္ခံႏတဝ်းဗွေႏယေသျု
(မတဲ ၁၃:၅၃–၅၈။ လုကာ ၄:၁၆–၃၀)
1ဗွေႏယေသျု အဝ်ႏခင်ႏလမ်းနဝ်ꩻကို ထန်ႏထိုꩻတဲင် ကသဲင်ꩻချာဒါႏ ဝွေꩻဗွေႏအဝေင်ꩻနဝ်ꩻ ဝွေꩻဗွေႏ တပဲ့တောႏဖုံႏတဲ့ သဲင်ꩻလွဉ်ꩻနဝ်ꩻသွူ။ 2ဥပုသ်မွူးနီꩻကိုနဝ်ꩻ ဝွေꩻဗွေႏ သွဉ်သင်စစွဉ်ႏ တရာꩻစရွပ်ကိုသွူ။ နဝ်ꩻကိုနဝ်ꩻ လိုꩻဖုံႏအဝ်ႏအာငါႏတဲင် ဝွေꩻသီး ထွိုင်ႏဟွိုန် ဝွေꩻဗွေႏငဝ်းချိန်ႏ ဝွေꩻသီး အံႏဖြာႏငါႏနဝ်ꩻသွူ။ ဝွေꩻသီးရီ၊ “ထာꩻယိုဖုံႏ ကားကအဝ်ႏနဝ်ꩻ ဝွေꩻလꩻလွဉ် မုဲင်ꩻကိုဟောင်း။ ဉာဏ်ႏပညာႏနုဲင်းယိုနဝ်ꩻ ပါꩻမုဲင်ꩻဖေႏဝွေꩻဟောင်း။ ဝွေꩻလဲင်ꩻမာꩻနယ် နွောင်ꩻစွဉ်ႏ ဟဝ်အံႏဖြာႏခရာႏ နိမိတ်လက္ခဏာႏ နုဲင်းမုဲင်ꩻဟောင်း။ 3ဝွေꩻနဝ်ꩻထွာဒျာႏ လက်သမာꩻ၊ မာရိအပိုခိုတွော့ꩻ ဝွေꩻဖူးခိုဖုံႏနဝ်ꩻ ထွာဒျာႏ ယာကုပ်၊ ယောသပ်၊ ယုဒတွမ်ႏ သိမုန်သီးဖုံႏ တမွေးတဝ်းဟောင်း။ ဝွေꩻဖူးမူႏဖုံႏနဝ်ꩻ အဝ်ႏအုံဗော့ꩻဒျာႏယိုကို တမွေးတဝ်းဟောင်း” နုဲင်းနဝ်ꩻတဲင် ဝွေꩻသီး ပယ်ႏထိုꩻစွဉ်ႏ ဝွေꩻဗွေႏသွူ။
4 #
ယော ၄:၄၄။ ဗွေႏယေသျု ဒေါ့ꩻဖေႏဝွေꩻသီး၊ “ပရောဖဲစ်ဖုံႏနဝ်ꩻ ပေါႏလွိုသွူ ဝွေꩻသီး အဝေင်ꩻစွဉ်ႏ ဝွေꩻသီးဖူးဝေးတွမ်ႏ ဝွေꩻသီး တမွိုးဖါပိုစွိုꩻနဝ်ꩻ ခင်ႏလမ်းစွုမ်ႏထွောင်း ဝင်ꩻအဝ်ႏရိုႏသေႏဒျာႏ” နုဲင်းနဝ်ꩻသွူ။
5နဝ်ꩻကိုနဝ်ꩻ ပေါႏလွိုသွူ ဝွေꩻဗွေႏ အွဉ်ႏဒင်ႏဖေႏစူ လိုꩻဆာဖုံႏလောင်းတွော့ꩻ လုမ်ꩻလာꩻဟဝ်ဖေႏ လိုꩻဆာတစိꩻနဝ်ꩻ ဝွေꩻဗွေႏ တမာꩻနယ်တဝ်း ထာꩻအံႏဖြာႏခရာႏ တစွိုးစွိုးသွူ။ 6လိုꩻဖုံႏနဝ်ꩻ ကွပ်ပွိုး ထာꩻယွုမ်းအဲဉ်ထဝ်း နဝ်ꩻမꩻ ဝွေꩻဗွေႏ အံႏဖြာႏမွေးနေးစွဉ်ႏ နဝ်ꩻသွူ။
ဗွေႏယေသျုအွဉ်ႏစွꩻထန်ႏလွေꩻတပဲ့တောႏဖုံႏတဆီနီဖြာꩻ
(မတဲ ၁၀:၅–၁၅။ လုကာ ၉:၁–၆)
နဝ်ꩻထွူ ဗွေႏယေသျုလွေꩻဒုံဖုံႏ ကအဝ်ႏခူဒါႏ အရပ်နဝ်ꩻကိုတဲင် သွဉ်သင်ဖေႏလိုꩻဖုံႏသွူ။ 7ဝွေꩻဗွေႏဟဲ့ꩻစုဗူႏ တပဲ့တောႏ တဆီနီဖြာꩻတဲင် အွဉ်ႏစွꩻထန်ႏလွေꩻ ဝွေꩻသီး ဝင်ꩻနီစီႏနဝ်ꩻသွူ။ ဖေႏကဝါးထန်ႏနွောင်ꩻ လူꩻကုဲင်ဖုံႏနဝ်ꩻ ဝွေꩻဗွေႏဖေႏ ဝွေꩻသီး တန်ꩻခိုꩻအာဏာႏတဲင်၊ 8#လု ၁၀:၄–၁၁။ မိန်းဖေႏဝွေꩻသီး၊ “သီကထန်ႏလွေꩻ တဖူꩻလောင်းနဝ်ꩻ ပေါႏလွိုသွူ ခွဉ်းထောက်တလီး၊ တခိုးတဲ့နဝ်ꩻ၊ တောင်းပွိုလားတဲ့နဝ်ꩻ၊ သီဆဲင်ꩻထုံꩻဖုံႏကို ရွဉ်တဲ့နဝ်ꩻ၊ တစွိုးစွိုးတဲ့ တွမ်ႏအီလွေꩻမွိုန်း။ 9ထုမ်းသွော့ ခင်ႏဖါႏဖုံႏ၊ ကွဲႏတွော့ꩻ ဆဲင်ꩻဆုပ်ꩻလွို တဖွူꩻငါတဲ့ အီလွေꩻမွိုန်းဟုဲင်း” နုဲင်းနဝ်ꩻသွူ။ 10ဝွေꩻဗွေႏမိန်းဖေႏပါက ဝွေꩻသီး၊ “ကရပ်ကျိုႏဆွုမ်ႏဒါႏသီ ခင်ႏလမ်းမုဲင်ꩻကို တယဝ်း၊ အုံဗော့ꩻလမ်းနဝ်ꩻ ဗꩻတွိုႏစွဉ်ႏ သီကထန်ႏထိုꩻ ခင်ႏလမ်းနဝ်ꩻဟုဲင်း။ 11#တ ၁၃:၅၁။ သီမဉ်ႏလွဉ် ဝေင်ꩻတဖြုံႏတွော့ꩻ လိုꩻနဝ်ꩻကို မဉ်ႏရပ်ကျိုႏဆွုမ်ႏ တဝ်းသီတဲ့နဝ်ꩻ၊ မဉ်ႏတနာႏတဝ်း သီငဝ်းတဲ့နဝ်ꩻ၊ ထန်ႏထိုꩻ ဝေင်ꩻနဝ်ꩻတွော့ꩻ နုဲင်းအီႏထွာ ဖေႏသတိꩻ ဝွေꩻသီးအနေႏ တဒေါက်ꩻထိုꩻသွော့ ဟံႏဖွန်ႏ၊ ကဗွို့ꩻဒါႏ သီခင်ႏဖုံႏနဝ်ꩻဟုဲင်း” နုဲင်းနဝ်ꩻသွူ။
12နဝ်ꩻမꩻ ဝွေꩻသီးထန်ႏလွေꩻတဲင် လိုꩻဖုံႏ ဝွေꩻသီး အဝ်ႏအပဲစ်ကို ဖေႏကလꩻ ထာꩻကော့ꩻမာႏနဝ်ꩻ ဟော်ꩻဖေႏစွဉ်ႏ တရာꩻနဝ်ꩻသွူ။ 13#ယာ ၅:၁၄။ ဝွေꩻသီး ဝါးထန်ႏ လူꩻကုဲင်ဖုံႏ အာငါႏတဲင် စွဉ်ႏသံလွေင်နမ်းမန်ꩻနဝ်ꩻ သူႏဖေႏ လိုꩻဆာဖုံႏတွော့ꩻ လုမ်ꩻလာꩻဟဝ်ဖေႏ လိုꩻအာဖုံႏနဝ်ꩻသွူ။
ဗတ္တိဇံႏဆရာႏယောဟန်သီ
(မတဲ ၁၄:၁–၁၂။ လုကာ ၉:၇–၉)
14 #
မ ၁၆:၁၄၊ မာ ၈:၂၈၊ လု ၉:၁၉။ ပွိုးတွော့ꩻ ဗွေႏယေသျု မဉ်ꩻသတင်ꩻနဝ်ꩻ ကျော်ႏစွစ်ꩻစဲစ် ခင်ႏလမ်းစွုမ်ႏထောင်း နဝ်ꩻမꩻ ပွိုင်းဝွို့တွမ်ႏ ယိုခရာႏနဝ်ꩻ ယိုခါ ဟွိုန်တွိုႏလွဉ်စွဉ်ႏ ခွန်တန်ဟေရုဒ်နားသွူ။ လိုꩻဖုံႏယင်ဟန်ႏနဝ်ꩻရိုꩻ၊ “ဗတ္တိဇံႏဆရာႏ ယောဟန်နဝ်ꩻ ထွိုင်ႏမွန်လွဉ်ချာဒျာႏ၊ ကွပ်နဝ်ꩻမ ဝွေꩻတန်ꩻခိုꩻ နုဲင်းယိုအဝ်ႏတဲင် မာꩻနယ်နွောင်ꩻ ထာꩻအံႏဖြာႏခရာႏဖုံႏ” နုဲင်းနဝ်ꩻသွူ။
15ကွဲႏတွော့ꩻ အလင်ဖုံႏနဝ်ꩻဒေါ့ꩻ၊ “ဝွေꩻနဝ်ꩻထွာ ဧလိယဒျာႏ” နုဲင်းနဝ်ꩻတဲင်၊
အလင်ဖုံႏနဝ်ꩻဒေါ့ꩻ၊ “ဝွေꩻနဝ်ꩻထွာ ပရောဖဲစ်တပါꩻပါꩻ၊ ဗွိုန်နုဲင်းပရောဖဲစ်ဖုံႏစခါ တပါꩻဒျာႏ” နုဲင်းနဝ်ꩻသွူ။
16ဟေရုဒ်ထွိုင်ႏဟွိုန်နဝ်ꩻ ဝွေꩻဒေါ့ꩻ၊ “ဝွေꩻနဝ်ꩻထွာ ဗတ္တိဇံႏဆရာႏ ယောဟန်နဲ့၊ ဝွေꩻကတူႏနဝ်ꩻ ခွေဓွေါ့ꩻတပွတ်ꩻထိုꩻလဲဉ်း၊ ကွဲႏတွော့ꩻ ဝွေꩻထွိုင်ႏမွန်လွဉ်ချာကနဲ့” နုဲင်းနဝ်ꩻသွူ။ 17#လု ၃:၁၉၊ ၂၀။ ဟေရုဒ်နမ်းအဝ်ႏ ဖေႏလဲဉ်းအမိန်း ဆွမ်ꩻယောဟန်တွော့ꩻ အွဉ်ႏစွိုင်လဲဉ်းသွူ ဝွေꩻတဲင် အွဉ်ႏခံသော့ꩻလဲဉ်းဝွေꩻ ထောင်ႏကိုသွူ။ ကွပ်ပွိုး ဟေရုဒ်နဝ်ꩻ တောႏလမ်းထိုꩻ ဝွေꩻဖူးခို ဖိလိပ္ပုနဝ်ꩻမာ ဟေရောဒိနဝ်ꩻမꩻ ဟေရုဒ်မာꩻထာꩻ နုဲင်းယိုနဝ်ꩻသွူ။ 18ဗတ္တိဇံႏဆရာႏ ယောဟန်နဝ်ꩻ ဒေါ့ꩻဟေရုဒ်၊ “ပွိုးနာꩻကတောႏလမ်းဒါႏ နာꩻဖူးခိုမာနဝ်ꩻ တမဲဉ်ႏတဝ်း” နုဲင်းနဝ်ꩻသွူ။
19နဝ်ꩻမꩻ ဟေရောဒိနဝ်ꩻ အဝ်ႏခုဆန်တေ့ꩻ ယောဟန်တဲင် မဉ်မာꩻသီထိုꩻ ဝွေꩻနဝ်ꩻသွူ။ ကွဲႏတွော့ꩻ ကွပ်ပွိုး ဟေရုဒ်နဝ်ꩻမꩻ ဝွေꩻမူႏမာꩻ တလꩻတဝ်းနဝ်ꩻသွူ။ 20ယောဟန်နဝ်ꩻထွာ လိုꩻဟဝ်တဲင် ထွာလိုꩻကြောင်းစင်နဝ်ꩻ ပွိုးဝွေꩻအဝ်ႏသေ နဝ်ꩻမꩻ၊ ဟေရုဒ်အဝ်ႏငမ်းသꩻ ယောဟန်တဲင် ဝွေꩻအွဉ်ႏလုမ်းဗဉ်ႏဖေႏ ယောဟန်နဝ်ꩻသွူ။ ဝွေꩻဟွိုန်ဗာႏ ယောဟန် ဟော်ꩻတရာꩻ စွုမ်ႏလဲင်ႏ ခွိုက်ဆာ မွေးနေးစွဉ်ႏဝွေꩻတဲ့ ဝွေꩻအဝ်ႏမဉ် နာႏဒျာႏ ယောဟန်တရာꩻနဝ်ꩻသွူ။
21ဟေရောဒိနဝ်ꩻ အဆုဲင်ꩻသွတ်ꩻ ဝွေꩻမူႏလꩻ အခွင်ꩻအရေꩻသွူ။ နဝ်ꩻနဝ်ꩻထွာ ဟေရုဒ် လွူးမွူးနီꩻ။ ဝွေꩻထွိုင်ႏမာꩻဖေႏ အစိုႏရ အာႏဏာႏပဲင်ႏ အထိုသွတ်ꩻသားဖုံႏ၊ စဲ့ꩻပိုႏတန်ဖုံႏတွမ်ႏ ကာလိလဲ ခမ်းရင်ꩻသား ခေါင်းဆောင် လိုꩻတန်ဖုံႏတာႏ ပွယ်ꩻတဖြုံႏချိန်ႏသွူ။ 22ဟေရောဒိ အပိုမူႏနဝ်ꩻ နွို့လွဉ်တဲင် ကျူႏထာꩻတွော့ꩻ ဟေရုဒ်တွမ်ႏ ဝွေꩻထဉ်ႏဖုံႏနဝ်ꩻ ကျွိုက်နစ်သက် မွေးနေးစွဉ်ႏ နဝ်ꩻသွူ။ နဝ်ꩻမꩻ ခွန်တန်နဝ်ꩻ ဒေါ့ꩻဖေႏပါꩻမူႏ၊ “နာꩻမဉ်လꩻ တမုဲင်ꩻဟောင်း။ နာꩻမဉ်လꩻထာꩻ အစွိုးမုဲင်ꩻတဲ့ ခွေအီႏဖေႏဒျာႏနာꩻ” နုဲင်းနဝ်ꩻသွူ။ 23စွဉ်ႏငဝ်းကဉ်ႏစာႏဖုံႏနဝ်ꩻ ဝွေꩻဒေါ့ꩻဖေႏ ပါꩻမူႏပေႏ အာငါႏတဲင်၊ “နာꩻထာꩻကွီတာႏ လဲင်ꩻကွီနေးစွဉ်ႏ ခွေခမ်းထီ တထာႏဝတဲ့ ခွေအီႏဖေႏဒျာႏ စွုမ်ႏစွိုးနဝ်ꩻ ခွေတွိုင်ႏတယ်ႏနေး” နုဲင်းနဝ်ꩻသွူ။
24နဝ်ꩻမꩻ ပါꩻမူႏပေႏ ထန်ႏလွေꩻတဲင် ရီဝွေꩻမူႏအမွိုးနဝ်ꩻ၊ “ခွေအီႏကွီဗာႏ တမုဲင်ꩻဟောင်း” နုဲင်းနဝ်ꩻသွူ။
ဝွေꩻမူႏမွိုးလဝ်းချာ၊ “ဗတ္တိဇံႏဆရာႏ ယောဟန်ကတူႏ” နုဲင်းနဝ်ꩻသွူ။
25ပါꩻမူႏပေႏနဝ်ꩻ သဲင်ꩻလွဉ်ထေ့ချာမွိုင် ခွန်တန် တလဲင်ႏချင်ꩻတဲင် ကွီစွဉ်ႏ၊ “ဗတ္တိဇံႏဆရာႏ ယောဟန် ကတူႏနဝ်ꩻ သော့ꩻဖေႏ ဗျတ်တဗီႏကိုတွော့ꩻ ယိုခါ ခွေမဉ်ꩻအွဉ်ႏ နီဗွေႏဖေႏ ခွေသွဉ်းမူႏ ယိုကို” နုဲင်းနဝ်ꩻသွူ။
26ယိုနဝ်ꩻ အမာꩻသꩻကုဲင် မွေးနေးစွဉ်ႏ ခွန်တန်သွူ။ ပွိုးတွော့ꩻ ဝွေꩻမာꩻလဲဉ်းသွူ ငဝ်းဂတိ ဝွေꩻထဉ်ႏဖုံႏ ဆꩻငါအတွက် ဝွေꩻပယ်ႏထိုꩻ ပါꩻမူႏနဝ်ꩻငဝ်း တလꩻတဝ်းသွူ။ 27နဝ်ꩻမꩻ တလဲင်ꩻချင်ꩻ ဝွေꩻအွဉ်ႏစွꩻလွေꩻ စဲ့ꩻပွေါးသား စွဉ်ႏအမိန်း ဖေႏကထူႏလွဉ် ယောဟန် ကတူႏနဝ်ꩻသွူ။ စဲ့ꩻပွေါးသား ထန်ႏလွေꩻထောင်ႏတွော့ꩻ ဓွေါ့ꩻတပွတ်ꩻထိုꩻစွဉ်ႏ ယောဟန်ကတူႏသွူ။ 28နဝ်ꩻထွူ ဝွေꩻအီလွဉ်သော့ꩻ ဗျတ်တဗီႏကိုတဲင် ဖေႏထိုꩻစွဉ်ႏ ပါꩻမူႏပေႏသွူ။ ကတူႏနဝ်ꩻ ဝွေꩻမူႏဖေႏထိုꩻစွဉ်ႏ အမွိုးသွူ။ 29ယောဟန်တပဲ့ဖုံႏ ထွိုင်ႏဟွိုန် ထာꩻယိုခရာႏနဝ်ꩻ ဝွေꩻသီးလွဉ်တဲင် ထူႏဝွေꩻရုပ်ခန္ဓာႏတွော့ꩻ သင်္ဂြိုဟ်ႏထိုꩻစွဉ်ႏ နဝ်ꩻသွူ။
ဗွေႏယေသျုလွူးလိုꩻငတ်ꩻရေင်ထာꩻအံႏ
(မတဲ ၁၄:၁၃–၂၁။ လုကာ ၉:၁၀–၁၇။ ယောဟန် ၆:၁–၁၄)
30တမန်ႏတောႏဖုံႏ သဲင်ꩻလွဉ်ချာတွော့ꩻ မော့ꩻခွဲစွဉ်ႏ ဗွေႏယေသျုတဲင် ဝွေꩻသီး ကအဝ်ႏမာꩻလဲဉ်းဖုံႏတွမ်ႏ ကသွဉ်သင်ဖေႏလဲဉ်း ကားကအဝ်ႏနဝ်ꩻ ဒေါ့ꩻနယ်ဖေႏလို့ ဝွေꩻဗွေႏနဝ်ꩻသွူ။ 31နဝ်ꩻကိုနဝ်ꩻ လိုꩻအာဖုံႏ အဝ်ႏလွေꩻလွေꩻ၊ သဲင်ꩻသဲင်ꩻထာꩻ နဝ်ꩻမꩻ ဗွေႏယေသျုတွမ်ႏ အတပဲ့တောႏဖုံႏ အီႏအံႏငါ ထာꩻအံႏတဲ့ အချိန်ႏ လဲင်ꩻတအဲဉ်ထဝ်းသွူ။ နဝ်ꩻမꩻ ဝွေꩻဗွေႏဒေါ့ꩻဖေႏ ဝွေꩻသီး၊ “နီထန်ႏလွေꩻတွမ် နီရင်ꩻ၊ ခင်ႏလမ်းယဉ်ကို တထွောင်းထွောင်း၊ ဖေႏကအဝ်ႏငါ နီလွုမ်ꩻငါတွော့ꩻ ဖေႏနေး သီကအုံပဆားဗာႏ တဆင်ႏငါႏ” နုဲင်းနဝ်ꩻသွူ။ 32နဝ်ꩻမꩻ ဝွေꩻသီး နွို့စသော့ꩻ ဖြီတဆွိုင်ꩻကိုတဲင် လွေꩻထိုꩻစွဉ်ႏ ခင်ႏလမ်းယဉ် တထွောင်းနဝ်ꩻသွူ။
33ကွဲႏတွော့ꩻ လိုꩻအာဖုံႏထွိုင်ႏထီႏ ဝွေꩻသီး ထန်ႏလွေꩻနဝ်ꩻ တလဲင်ႏချင်ꩻ အဝ်ႏသေ ဝွေꩻသီးလွေꩻ ခင်ႏလမ်းနဝ်ꩻမꩻ ဝွေꩻသီးကာႏလွေꩻ ဝေင်ꩻဖုံႏ ကားကအဝ်ႏတွော့ꩻ ဖင်းငါကရီး ခင်ႏလမ်းနဝ်ꩻတဲင် တွိုႏဖျော်ရီးစွဉ်ႏ ဗွေႏယေသျုတွမ်ႏ ဝွေꩻဗွေႏတပဲ့တောႏဖုံႏ ကလွေꩻဒါႏ ခင်ႏလမ်းနဝ်ꩻသွူ။ 34#ကွ ၂၇:၁၇၊ ၁ရာႏ ၂၂:၁၇၊ ၂ရာႏချုပ် ၁၈:၁၆၊ ဧသ ၃၄:၅၊ မ ၉:၃၆။ ဗွေႏယေသျု ထွိုင်ႏအဝ်ႏဖြီကို ထန်ႏလွဉ်ချိန်ႏနဝ်ꩻ ဝွေꩻဗွေႏထီႏ လိုꩻစွိုꩻယိုဖုံႏ အာငါႏတဲင် ပွိုးတွော့ꩻ ဝွေꩻသီးနဝ်ꩻ ဗွိုန်နုဲင်း သွိုꩻအတီသား တအဲဉ်ထဝ်း၊ သွိုꩻဖုံႏနဝ်ꩻမꩻ ဝွေꩻသီးတာႏ ဝွေꩻဗွေႏသꩻကို အဝ်ႏဗွေစွဉ်ႏ ထာꩻသꩻညင်ꩻနဝ်ꩻသွူ။ နဝ်ꩻမꩻ ဝွေꩻဗွေႏ သွဉ်သင်စဖေႏ ဝွေꩻသီး အာစွိုးငါႏသွူ။ 35အချိန်ႏထွိုင်ႏလွဉ်ꩻနဝ်ꩻ ဝွေꩻဗွေႏ တပဲ့တောႏဖုံႏ လွဉ်ဝွေꩻဗွေႏထျꩻတဲင် ဒေါ့ꩻ၊ “ယိုခါ အချိန်ႏလွဉ်ꩻထိုꩻ ငါႏလဲဉ်းတဲင် ယိုကိုနဝ်ꩻထွာဒျာႏ ခင်ႏလမ်းယဉ် တထွောင်းသွူ။ 36အွဉ်ႏစွꩻထိုꩻခန်း လိုꩻဖုံႏတဲင်၊ မိန်းဖေႏခန်း ဝွေꩻသီး ကလွေꩻဖြေꩻအံႏချာ အထာꩻအံႏ တစွိုးတမျိုꩻ ဗော့ꩻရာꩻ ခြံတုံးတွမ်ႏ ဒုံဖုံႏမွိုင်” နုဲင်းနဝ်ꩻသွူ။
37ဗွေႏယေသျုလဝ်းချာ၊ “သီနမ်းကိုယ်ႏတဲင်ႏ ဖေႏဝွေꩻသီး ထာꩻအံႏ တစွိုးစွိုးဟုဲင်း” နုဲင်းနဝ်ꩻသွူ။
ဝွေꩻသီးရီ၊ “နီဗွေႏ မဉ်အွဉ်ႏနီ ဖေႏကလွေꩻတဲင် စုဲင်ႏရွဉ်ယာႏဒင်္ဂါꩻ နီစွဲတွော့ꩻ ဖြေꩻတခိုးပေါင်မုတ် ဖေႏကလွူး ဝွေꩻသီးနဲ့ဟောင်း” နုဲင်းနဝ်ꩻသွူ။
38နဝ်ꩻမꩻ ဗွေႏယေသျုရီ ဝွေꩻသီး၊ “သီတခိုးပေါင်မုတ် အဝ်ႏခွိုင်းကားမုဲင်ꩻဟောင်း။ လွေꩻတဲင် ထုမ်ႏထွားဟုဲင်း” နုဲင်းနဝ်ꩻသွူ။
ဝွေꩻသီး ထွိုင်ႏမော့ꩻနဝ်ꩻ ဝွေꩻသီး ဒေါ့ꩻနယ်ဝွေꩻဗွေႏ၊ “တခိုးငတ်ꩻဖြုံႏတွမ်ႏ ထပေႏနီဗာႏ” နုဲင်းနဝ်ꩻသွူ။
39နဝ်ꩻထွူ ဗွေႏယေသျု ဒေါ့ꩻဖေႏ ဝွေꩻဗွေႏ တပဲ့တောႏဖုံႏ၊ လိုꩻဖုံႏကားကအဝ်ႏနဝ်ꩻ ဖနေး ပဉ်စွိုꩻစွိုꩻတဲင် အွဉ်ႏအုံလင်ꩻ ထာꩻအီႏသွမ်ႏဖုံႏလောင်းနဝ်ꩻသွူ။ 40နဝ်ꩻမꩻလိုꩻဖုံႏနဝ်ꩻ အုံလင်ꩻ ပဉ်စဲဉ်ႏစဲဉ်ႏနေးတွော့ꩻ အဖြာꩻတရျာꩻစွိုꩻစွဉ်ႏ အဖြာꩻငတ်ꩻဆီစွိုꩻနဝ်ꩻသွူ။ 41နဝ်ꩻထွူ ဗွေႏယေသျုထူႏ တခိုးငတ်ꩻဖြုံႏတွမ်ႏ ထပေႏနီဗာႏ ထွားထင်ႏကီ ခမ်းထီမို့ꩻလောင်းတဲင် အုပ်ꩻထင်ႏ ဗွေႏဘုရာꩻ ကေꩻဇူꩻတောႏထွူ၊ ဝွေꩻဗွေႏ အဲ့ꩻတခိုးတဲင် တခိုးနဝ်ꩻ ဖေႏဝွေꩻဗွေႏ တပဲ့တောႏဖုံႏတွော့ꩻ အွဉ်ႏဖန်းဝေႏဖေႏစွဉ်ႏ လိုꩻဖုံႏနဝ်ꩻသွူ။ ဝွေꩻဗွေႏအဲ့ꩻပါ ထပေႏနီဗာႏတွော့ꩻ ဝေႏဖေႏဝွေꩻသီး ကားကအဝ်ႏနဝ်ꩻသွူ။ 42လိုꩻစွုမ်ႏဖြာꩻနဝ်ꩻ အံႏဗာႏ ကွို့ꩻလို့စွဉ်ႏဖုံႏသွူ။ 43နဝ်ꩻထွူ တပဲ့တောႏဖုံႏ တွမ်ထူႏယင်း တခိုးစွဉ်ႏ ထပေႏ ကအဝ်ႏကုဲင်နဝ်ꩻ လꩻယင်း တဆီနီခြောင်း ဗွေဗွေနဝ်ꩻသွူ။ 44လိုꩻခိုကအံႏလဲဉ်းဒါႏ ထာꩻအံႏနဝ်ꩻ အဝ်ႏအဖြာꩻ ၅၀ဝဝနဝ်ꩻသွူ။
ဗွေႏယေသျုထောင်လွေꩻထီခိုႏလောင်း
(မတဲ ၁၄:၂၂–၃၃။ ယောဟန် ၆:၁၅–၂၁)
45ဝွေꩻဗွေႏ အွဉ်ႏစွꩻသဲင်ꩻညာꩻထိုꩻ လိုꩻဖုံႏကျာꩻ တလဲင်ႏချင်ꩻ ဗွေႏယေသျု အွဉ်ႏဝွေꩻဗွေႏ တပဲ့တောႏဖုံႏ နွို့သော့ꩻဖြီကိုတဲင် ဝွေꩻဗွေႏ အွဉ်ႏလွေꩻရီး ဝေင်ꩻဗဲက်သဲဒ ကအဝ်ႏဒါႏ နောင်ဖင်ႏခတဖဲ့ꩻနဝ်ꩻသွူ။ 46ဝွေꩻဗွေႏ နုတ်ဆက်လိုꩻဖုံႏထွူ အီႏဆုတောင်ꩻနဝ်ꩻ ထန်ႏလွေꩻညာꩻထိုꩻ ကောင်ပူႏပေႏ တဖြုံႏလောင်းနဝ်ꩻသွူ။ 47မွူးထွိုင်ႏဟာလွဉ်ချိန်ႏ ဖြီကအဝ်ႏသော့ꩻ ထီနောင်ကဲဉ်ကိုကျာꩻနဝ်ꩻ ဗွေႏယေသျု တပါꩻဒျာႏ အဝ်ႏကုဲင် ဟံႏသဲင်လောင်းသွူ။ 48ပွိုးတွော့ꩻ ဝွေꩻသီး အဝ်ႏဖြုဲင်ꩻဆန်ဗာႏ တလီꩻအတွက် တပဲ့တောႏဖုံႏ အဝ်ႏကျိုꩻစာꩻဖြုဲင်ꩻ အဖြီဖုံႏ ရွိုးငါႏနဝ်ꩻ ဝွေꩻဗွေႏ အဝ်ႏထီႏနဝ်ꩻသွူ။ အချိန်ႏနဝ်ꩻ အီႏထွာ မွူးရဝ်ꩻခိုႏ သွံနားရီႏစွဉ်ႏ သူနားရီႏခါႏနဝ်ꩻသွူ။ ဝွေꩻဗွေႏလွဉ် ဝွေꩻသီးထျꩻ ထောင်ခင်ႏလွဉ်နေး ထီခိုႏလောင်းနဝ်ꩻသွူ။ ဝွေꩻဗွေႏ အဝ်ႏကာႏ တကတ်ꩻငါ ဝွေꩻသီးနဝ်ꩻသွူ။ 49ကွဲႏတွော့ꩻ ဝွေꩻသီးထွိုင်ႏထီႏ ဝွေꩻဗွေႏ အဝ်ႏထောင်ခင်ႏလွဉ်ထာꩻ ထီခိုႏလောင်းနဝ်ꩻ ဝွေꩻသီးထင်ႏ၊ “နဝ်ꩻနဝ်ꩻ ထာꩻကုဲင်လောက်ꩻ” နုဲင်းနဝ်ꩻတဲင် ခြောဝ်စွဉ်ႏ အငဝ်းဖုံႏနဝ်ꩻသွူ။ 50ဝွေꩻသီးထွိုင်ႏထီႏ ဝွေꩻဗွေႏချိန်ႏ ဝွေꩻသီး ကားကအဝ်ႏ ငမ်းမွေးနေးစွဉ်ႏဖုံႏသွူ။
တလဲင်ႏချင်ꩻ ဗွေႏယေသျုဒေါ့ꩻဖေႏ ဝွေꩻသီး၊ ဝွေꩻဗွေႏဒေါ့ꩻဖေႏ၊ “အွဉ်ႏဆွော့ꩻဆွော့ꩻသꩻ၊ “ခွေဒျာႏ၊ တွမ်ႏငမ်းမွိုန်း” နုဲင်းနဝ်ꩻသွူ။ 51နဝ်ꩻထွူ ဝွေꩻဗွေႏ နွို့သော့ꩻငီꩻစွဉ်ႏ ဝွေꩻသီးဖြီကိုတဲင် တလီꩻနဝ်ꩻ ယဉ်လင်ꩻထိုꩻစွဉ်ႏသွူ။ တပဲ့တောႏဖုံႏနဝ်ꩻ အံႏဖြာႏ မွေးနေးစွဉ်ႏနဝ်ꩻသွူ။ 52ကွပ်ပွိုး ဝွေꩻဗွေႏ ကလွူးဒါႏ လိုꩻ၅၀ဝဝ တခိုးချိန်ႏ အဓိပ္ပါယ်ႏ အမဲဉ်ႏနဝ်ꩻ ဝွေꩻသီး တသေနာႏတဝ်းသွူ။ ဝွေꩻသီး သꩻယူႏစဉ်ꩻစာꩻ တထွꩻလွဉ်ꩻနွောင်ꩻတဝ်း နဝ်ꩻသွူ။
ဗွေႏယေသျုလုမ်ꩻလာꩻမာꩻဟဝ်ဖေႏလိုꩻဆာဝေင်ꩻကဲန်နေသရဲစ်ကို
(မတဲ ၁၄:၃၄–၃၆)
53ဝွေꩻသီး ဖျတ်ကာႏ ထီနောင်တဲင် ဖျော်လွေꩻစွဉ်ႏ ဝေင်ꩻကဲန်နေသရဲစ် ဟံႏနယ်ႏကို၊ ဝွေꩻသီး စွိုင်သေꩻခါꩻဖြီ နဝ်ꩻကိုသွူ။ 54နုဲင်းဝွေꩻသီး ကအဝ်ႏဖြီကို ထန်ႏလွဉ်ကျာꩻ လိုꩻဖုံႏနဝ်ꩻ တောင်ꩻစွဉ်ႏ ဗွေႏယေသျု တလဲင်ႏချင်ꩻနဝ်ꩻသွူ။ 55နဝ်ꩻမꩻ ဝွေꩻသီး ဖင်းကာႏစွစ်ꩻစဲစ်စွဉ်ႏ တနယ်ႏလွုမ်းတဲင် ဝွေꩻသီးဟွိုန် ဝွေꩻဗွေႏ အဝ်ႏမုဲင်ꩻကိုတဲ့ လိုꩻဆာဖုံႏနဝ်ꩻ အွဉ်ႏဗေင်ႏသော့ꩻ ဝွေꩻသီး အတွေဖုံႏကိုတွော့ꩻ ဝွေꩻသီး အီလွဉ်စွဉ်ႏ ဝွေꩻဗွေႏထျꩻသွူ။ 56နဝ်ꩻမꩻ ဗွေႏယေသျု လွေꩻစွဉ်ႏ ဒုံမုဲင်ꩻ၊ ဝေင်ꩻမုဲင်ꩻ၊ ခြံတုံးမုဲင်ꩻတွမ်ႏ ဆေꩻတန်ꩻခါႏ မုဲင်ꩻကိုတယဝ်းနဝ်ꩻ အဆေ့ꩻသွတ်ꩻ ဖေႏကခွိုင်းဗာႏ ဝွေꩻဗွေႏဆဲင်ꩻမော့နဝ်ꩻ တောင်ꩻပြန်ႏ ဝွေꩻဗွေႏနဝ်ꩻသွူ။ ကခွိုင်းဗာႏဒါႏသားဖုံႏ ကားကအဝ်ႏနဝ်ꩻ ဟဝ်ရေꩻလို့စွဉ်ႏသွူ။
ទើបបានជ្រើសរើសហើយ៖
မာကု 6: PBCL
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Pao Bible Common Language© Bible Society of Myanmar, 2019.
မာကု 6
6
ဝေင်ꩻနာဇရဲစ်လက္ခံႏတဝ်းဗွေႏယေသျု
(မတဲ ၁၃:၅၃–၅၈။ လုကာ ၄:၁၆–၃၀)
1ဗွေႏယေသျု အဝ်ႏခင်ႏလမ်းနဝ်ꩻကို ထန်ႏထိုꩻတဲင် ကသဲင်ꩻချာဒါႏ ဝွေꩻဗွေႏအဝေင်ꩻနဝ်ꩻ ဝွေꩻဗွေႏ တပဲ့တောႏဖုံႏတဲ့ သဲင်ꩻလွဉ်ꩻနဝ်ꩻသွူ။ 2ဥပုသ်မွူးနီꩻကိုနဝ်ꩻ ဝွေꩻဗွေႏ သွဉ်သင်စစွဉ်ႏ တရာꩻစရွပ်ကိုသွူ။ နဝ်ꩻကိုနဝ်ꩻ လိုꩻဖုံႏအဝ်ႏအာငါႏတဲင် ဝွေꩻသီး ထွိုင်ႏဟွိုန် ဝွေꩻဗွေႏငဝ်းချိန်ႏ ဝွေꩻသီး အံႏဖြာႏငါႏနဝ်ꩻသွူ။ ဝွေꩻသီးရီ၊ “ထာꩻယိုဖုံႏ ကားကအဝ်ႏနဝ်ꩻ ဝွေꩻလꩻလွဉ် မုဲင်ꩻကိုဟောင်း။ ဉာဏ်ႏပညာႏနုဲင်းယိုနဝ်ꩻ ပါꩻမုဲင်ꩻဖေႏဝွေꩻဟောင်း။ ဝွေꩻလဲင်ꩻမာꩻနယ် နွောင်ꩻစွဉ်ႏ ဟဝ်အံႏဖြာႏခရာႏ နိမိတ်လက္ခဏာႏ နုဲင်းမုဲင်ꩻဟောင်း။ 3ဝွေꩻနဝ်ꩻထွာဒျာႏ လက်သမာꩻ၊ မာရိအပိုခိုတွော့ꩻ ဝွေꩻဖူးခိုဖုံႏနဝ်ꩻ ထွာဒျာႏ ယာကုပ်၊ ယောသပ်၊ ယုဒတွမ်ႏ သိမုန်သီးဖုံႏ တမွေးတဝ်းဟောင်း။ ဝွေꩻဖူးမူႏဖုံႏနဝ်ꩻ အဝ်ႏအုံဗော့ꩻဒျာႏယိုကို တမွေးတဝ်းဟောင်း” နုဲင်းနဝ်ꩻတဲင် ဝွေꩻသီး ပယ်ႏထိုꩻစွဉ်ႏ ဝွေꩻဗွေႏသွူ။
4 #
ယော ၄:၄၄။ ဗွေႏယေသျု ဒေါ့ꩻဖေႏဝွေꩻသီး၊ “ပရောဖဲစ်ဖုံႏနဝ်ꩻ ပေါႏလွိုသွူ ဝွေꩻသီး အဝေင်ꩻစွဉ်ႏ ဝွေꩻသီးဖူးဝေးတွမ်ႏ ဝွေꩻသီး တမွိုးဖါပိုစွိုꩻနဝ်ꩻ ခင်ႏလမ်းစွုမ်ႏထွောင်း ဝင်ꩻအဝ်ႏရိုႏသေႏဒျာႏ” နုဲင်းနဝ်ꩻသွူ။
5နဝ်ꩻကိုနဝ်ꩻ ပေါႏလွိုသွူ ဝွေꩻဗွေႏ အွဉ်ႏဒင်ႏဖေႏစူ လိုꩻဆာဖုံႏလောင်းတွော့ꩻ လုမ်ꩻလာꩻဟဝ်ဖေႏ လိုꩻဆာတစိꩻနဝ်ꩻ ဝွေꩻဗွေႏ တမာꩻနယ်တဝ်း ထာꩻအံႏဖြာႏခရာႏ တစွိုးစွိုးသွူ။ 6လိုꩻဖုံႏနဝ်ꩻ ကွပ်ပွိုး ထာꩻယွုမ်းအဲဉ်ထဝ်း နဝ်ꩻမꩻ ဝွေꩻဗွေႏ အံႏဖြာႏမွေးနေးစွဉ်ႏ နဝ်ꩻသွူ။
ဗွေႏယေသျုအွဉ်ႏစွꩻထန်ႏလွေꩻတပဲ့တောႏဖုံႏတဆီနီဖြာꩻ
(မတဲ ၁၀:၅–၁၅။ လုကာ ၉:၁–၆)
နဝ်ꩻထွူ ဗွေႏယေသျုလွေꩻဒုံဖုံႏ ကအဝ်ႏခူဒါႏ အရပ်နဝ်ꩻကိုတဲင် သွဉ်သင်ဖေႏလိုꩻဖုံႏသွူ။ 7ဝွေꩻဗွေႏဟဲ့ꩻစုဗူႏ တပဲ့တောႏ တဆီနီဖြာꩻတဲင် အွဉ်ႏစွꩻထန်ႏလွေꩻ ဝွေꩻသီး ဝင်ꩻနီစီႏနဝ်ꩻသွူ။ ဖေႏကဝါးထန်ႏနွောင်ꩻ လူꩻကုဲင်ဖုံႏနဝ်ꩻ ဝွေꩻဗွေႏဖေႏ ဝွေꩻသီး တန်ꩻခိုꩻအာဏာႏတဲင်၊ 8#လု ၁၀:၄–၁၁။ မိန်းဖေႏဝွေꩻသီး၊ “သီကထန်ႏလွေꩻ တဖူꩻလောင်းနဝ်ꩻ ပေါႏလွိုသွူ ခွဉ်းထောက်တလီး၊ တခိုးတဲ့နဝ်ꩻ၊ တောင်းပွိုလားတဲ့နဝ်ꩻ၊ သီဆဲင်ꩻထုံꩻဖုံႏကို ရွဉ်တဲ့နဝ်ꩻ၊ တစွိုးစွိုးတဲ့ တွမ်ႏအီလွေꩻမွိုန်း။ 9ထုမ်းသွော့ ခင်ႏဖါႏဖုံႏ၊ ကွဲႏတွော့ꩻ ဆဲင်ꩻဆုပ်ꩻလွို တဖွူꩻငါတဲ့ အီလွေꩻမွိုန်းဟုဲင်း” နုဲင်းနဝ်ꩻသွူ။ 10ဝွေꩻဗွေႏမိန်းဖေႏပါက ဝွေꩻသီး၊ “ကရပ်ကျိုႏဆွုမ်ႏဒါႏသီ ခင်ႏလမ်းမုဲင်ꩻကို တယဝ်း၊ အုံဗော့ꩻလမ်းနဝ်ꩻ ဗꩻတွိုႏစွဉ်ႏ သီကထန်ႏထိုꩻ ခင်ႏလမ်းနဝ်ꩻဟုဲင်း။ 11#တ ၁၃:၅၁။ သီမဉ်ႏလွဉ် ဝေင်ꩻတဖြုံႏတွော့ꩻ လိုꩻနဝ်ꩻကို မဉ်ႏရပ်ကျိုႏဆွုမ်ႏ တဝ်းသီတဲ့နဝ်ꩻ၊ မဉ်ႏတနာႏတဝ်း သီငဝ်းတဲ့နဝ်ꩻ၊ ထန်ႏထိုꩻ ဝေင်ꩻနဝ်ꩻတွော့ꩻ နုဲင်းအီႏထွာ ဖေႏသတိꩻ ဝွေꩻသီးအနေႏ တဒေါက်ꩻထိုꩻသွော့ ဟံႏဖွန်ႏ၊ ကဗွို့ꩻဒါႏ သီခင်ႏဖုံႏနဝ်ꩻဟုဲင်း” နုဲင်းနဝ်ꩻသွူ။
12နဝ်ꩻမꩻ ဝွေꩻသီးထန်ႏလွေꩻတဲင် လိုꩻဖုံႏ ဝွေꩻသီး အဝ်ႏအပဲစ်ကို ဖေႏကလꩻ ထာꩻကော့ꩻမာႏနဝ်ꩻ ဟော်ꩻဖေႏစွဉ်ႏ တရာꩻနဝ်ꩻသွူ။ 13#ယာ ၅:၁၄။ ဝွေꩻသီး ဝါးထန်ႏ လူꩻကုဲင်ဖုံႏ အာငါႏတဲင် စွဉ်ႏသံလွေင်နမ်းမန်ꩻနဝ်ꩻ သူႏဖေႏ လိုꩻဆာဖုံႏတွော့ꩻ လုမ်ꩻလာꩻဟဝ်ဖေႏ လိုꩻအာဖုံႏနဝ်ꩻသွူ။
ဗတ္တိဇံႏဆရာႏယောဟန်သီ
(မတဲ ၁၄:၁–၁၂။ လုကာ ၉:၇–၉)
14 #
မ ၁၆:၁၄၊ မာ ၈:၂၈၊ လု ၉:၁၉။ ပွိုးတွော့ꩻ ဗွေႏယေသျု မဉ်ꩻသတင်ꩻနဝ်ꩻ ကျော်ႏစွစ်ꩻစဲစ် ခင်ႏလမ်းစွုမ်ႏထောင်း နဝ်ꩻမꩻ ပွိုင်းဝွို့တွမ်ႏ ယိုခရာႏနဝ်ꩻ ယိုခါ ဟွိုန်တွိုႏလွဉ်စွဉ်ႏ ခွန်တန်ဟေရုဒ်နားသွူ။ လိုꩻဖုံႏယင်ဟန်ႏနဝ်ꩻရိုꩻ၊ “ဗတ္တိဇံႏဆရာႏ ယောဟန်နဝ်ꩻ ထွိုင်ႏမွန်လွဉ်ချာဒျာႏ၊ ကွပ်နဝ်ꩻမ ဝွေꩻတန်ꩻခိုꩻ နုဲင်းယိုအဝ်ႏတဲင် မာꩻနယ်နွောင်ꩻ ထာꩻအံႏဖြာႏခရာႏဖုံႏ” နုဲင်းနဝ်ꩻသွူ။
15ကွဲႏတွော့ꩻ အလင်ဖုံႏနဝ်ꩻဒေါ့ꩻ၊ “ဝွေꩻနဝ်ꩻထွာ ဧလိယဒျာႏ” နုဲင်းနဝ်ꩻတဲင်၊
အလင်ဖုံႏနဝ်ꩻဒေါ့ꩻ၊ “ဝွေꩻနဝ်ꩻထွာ ပရောဖဲစ်တပါꩻပါꩻ၊ ဗွိုန်နုဲင်းပရောဖဲစ်ဖုံႏစခါ တပါꩻဒျာႏ” နုဲင်းနဝ်ꩻသွူ။
16ဟေရုဒ်ထွိုင်ႏဟွိုန်နဝ်ꩻ ဝွေꩻဒေါ့ꩻ၊ “ဝွေꩻနဝ်ꩻထွာ ဗတ္တိဇံႏဆရာႏ ယောဟန်နဲ့၊ ဝွေꩻကတူႏနဝ်ꩻ ခွေဓွေါ့ꩻတပွတ်ꩻထိုꩻလဲဉ်း၊ ကွဲႏတွော့ꩻ ဝွေꩻထွိုင်ႏမွန်လွဉ်ချာကနဲ့” နုဲင်းနဝ်ꩻသွူ။ 17#လု ၃:၁၉၊ ၂၀။ ဟေရုဒ်နမ်းအဝ်ႏ ဖေႏလဲဉ်းအမိန်း ဆွမ်ꩻယောဟန်တွော့ꩻ အွဉ်ႏစွိုင်လဲဉ်းသွူ ဝွေꩻတဲင် အွဉ်ႏခံသော့ꩻလဲဉ်းဝွေꩻ ထောင်ႏကိုသွူ။ ကွပ်ပွိုး ဟေရုဒ်နဝ်ꩻ တောႏလမ်းထိုꩻ ဝွေꩻဖူးခို ဖိလိပ္ပုနဝ်ꩻမာ ဟေရောဒိနဝ်ꩻမꩻ ဟေရုဒ်မာꩻထာꩻ နုဲင်းယိုနဝ်ꩻသွူ။ 18ဗတ္တိဇံႏဆရာႏ ယောဟန်နဝ်ꩻ ဒေါ့ꩻဟေရုဒ်၊ “ပွိုးနာꩻကတောႏလမ်းဒါႏ နာꩻဖူးခိုမာနဝ်ꩻ တမဲဉ်ႏတဝ်း” နုဲင်းနဝ်ꩻသွူ။
19နဝ်ꩻမꩻ ဟေရောဒိနဝ်ꩻ အဝ်ႏခုဆန်တေ့ꩻ ယောဟန်တဲင် မဉ်မာꩻသီထိုꩻ ဝွေꩻနဝ်ꩻသွူ။ ကွဲႏတွော့ꩻ ကွပ်ပွိုး ဟေရုဒ်နဝ်ꩻမꩻ ဝွေꩻမူႏမာꩻ တလꩻတဝ်းနဝ်ꩻသွူ။ 20ယောဟန်နဝ်ꩻထွာ လိုꩻဟဝ်တဲင် ထွာလိုꩻကြောင်းစင်နဝ်ꩻ ပွိုးဝွေꩻအဝ်ႏသေ နဝ်ꩻမꩻ၊ ဟေရုဒ်အဝ်ႏငမ်းသꩻ ယောဟန်တဲင် ဝွေꩻအွဉ်ႏလုမ်းဗဉ်ႏဖေႏ ယောဟန်နဝ်ꩻသွူ။ ဝွေꩻဟွိုန်ဗာႏ ယောဟန် ဟော်ꩻတရာꩻ စွုမ်ႏလဲင်ႏ ခွိုက်ဆာ မွေးနေးစွဉ်ႏဝွေꩻတဲ့ ဝွေꩻအဝ်ႏမဉ် နာႏဒျာႏ ယောဟန်တရာꩻနဝ်ꩻသွူ။
21ဟေရောဒိနဝ်ꩻ အဆုဲင်ꩻသွတ်ꩻ ဝွေꩻမူႏလꩻ အခွင်ꩻအရေꩻသွူ။ နဝ်ꩻနဝ်ꩻထွာ ဟေရုဒ် လွူးမွူးနီꩻ။ ဝွေꩻထွိုင်ႏမာꩻဖေႏ အစိုႏရ အာႏဏာႏပဲင်ႏ အထိုသွတ်ꩻသားဖုံႏ၊ စဲ့ꩻပိုႏတန်ဖုံႏတွမ်ႏ ကာလိလဲ ခမ်းရင်ꩻသား ခေါင်းဆောင် လိုꩻတန်ဖုံႏတာႏ ပွယ်ꩻတဖြုံႏချိန်ႏသွူ။ 22ဟေရောဒိ အပိုမူႏနဝ်ꩻ နွို့လွဉ်တဲင် ကျူႏထာꩻတွော့ꩻ ဟေရုဒ်တွမ်ႏ ဝွေꩻထဉ်ႏဖုံႏနဝ်ꩻ ကျွိုက်နစ်သက် မွေးနေးစွဉ်ႏ နဝ်ꩻသွူ။ နဝ်ꩻမꩻ ခွန်တန်နဝ်ꩻ ဒေါ့ꩻဖေႏပါꩻမူႏ၊ “နာꩻမဉ်လꩻ တမုဲင်ꩻဟောင်း။ နာꩻမဉ်လꩻထာꩻ အစွိုးမုဲင်ꩻတဲ့ ခွေအီႏဖေႏဒျာႏနာꩻ” နုဲင်းနဝ်ꩻသွူ။ 23စွဉ်ႏငဝ်းကဉ်ႏစာႏဖုံႏနဝ်ꩻ ဝွေꩻဒေါ့ꩻဖေႏ ပါꩻမူႏပေႏ အာငါႏတဲင်၊ “နာꩻထာꩻကွီတာႏ လဲင်ꩻကွီနေးစွဉ်ႏ ခွေခမ်းထီ တထာႏဝတဲ့ ခွေအီႏဖေႏဒျာႏ စွုမ်ႏစွိုးနဝ်ꩻ ခွေတွိုင်ႏတယ်ႏနေး” နုဲင်းနဝ်ꩻသွူ။
24နဝ်ꩻမꩻ ပါꩻမူႏပေႏ ထန်ႏလွေꩻတဲင် ရီဝွေꩻမူႏအမွိုးနဝ်ꩻ၊ “ခွေအီႏကွီဗာႏ တမုဲင်ꩻဟောင်း” နုဲင်းနဝ်ꩻသွူ။
ဝွေꩻမူႏမွိုးလဝ်းချာ၊ “ဗတ္တိဇံႏဆရာႏ ယောဟန်ကတူႏ” နုဲင်းနဝ်ꩻသွူ။
25ပါꩻမူႏပေႏနဝ်ꩻ သဲင်ꩻလွဉ်ထေ့ချာမွိုင် ခွန်တန် တလဲင်ႏချင်ꩻတဲင် ကွီစွဉ်ႏ၊ “ဗတ္တိဇံႏဆရာႏ ယောဟန် ကတူႏနဝ်ꩻ သော့ꩻဖေႏ ဗျတ်တဗီႏကိုတွော့ꩻ ယိုခါ ခွေမဉ်ꩻအွဉ်ႏ နီဗွေႏဖေႏ ခွေသွဉ်းမူႏ ယိုကို” နုဲင်းနဝ်ꩻသွူ။
26ယိုနဝ်ꩻ အမာꩻသꩻကုဲင် မွေးနေးစွဉ်ႏ ခွန်တန်သွူ။ ပွိုးတွော့ꩻ ဝွေꩻမာꩻလဲဉ်းသွူ ငဝ်းဂတိ ဝွေꩻထဉ်ႏဖုံႏ ဆꩻငါအတွက် ဝွေꩻပယ်ႏထိုꩻ ပါꩻမူႏနဝ်ꩻငဝ်း တလꩻတဝ်းသွူ။ 27နဝ်ꩻမꩻ တလဲင်ꩻချင်ꩻ ဝွေꩻအွဉ်ႏစွꩻလွေꩻ စဲ့ꩻပွေါးသား စွဉ်ႏအမိန်း ဖေႏကထူႏလွဉ် ယောဟန် ကတူႏနဝ်ꩻသွူ။ စဲ့ꩻပွေါးသား ထန်ႏလွေꩻထောင်ႏတွော့ꩻ ဓွေါ့ꩻတပွတ်ꩻထိုꩻစွဉ်ႏ ယောဟန်ကတူႏသွူ။ 28နဝ်ꩻထွူ ဝွေꩻအီလွဉ်သော့ꩻ ဗျတ်တဗီႏကိုတဲင် ဖေႏထိုꩻစွဉ်ႏ ပါꩻမူႏပေႏသွူ။ ကတူႏနဝ်ꩻ ဝွေꩻမူႏဖေႏထိုꩻစွဉ်ႏ အမွိုးသွူ။ 29ယောဟန်တပဲ့ဖုံႏ ထွိုင်ႏဟွိုန် ထာꩻယိုခရာႏနဝ်ꩻ ဝွေꩻသီးလွဉ်တဲင် ထူႏဝွေꩻရုပ်ခန္ဓာႏတွော့ꩻ သင်္ဂြိုဟ်ႏထိုꩻစွဉ်ႏ နဝ်ꩻသွူ။
ဗွေႏယေသျုလွူးလိုꩻငတ်ꩻရေင်ထာꩻအံႏ
(မတဲ ၁၄:၁၃–၂၁။ လုကာ ၉:၁၀–၁၇။ ယောဟန် ၆:၁–၁၄)
30တမန်ႏတောႏဖုံႏ သဲင်ꩻလွဉ်ချာတွော့ꩻ မော့ꩻခွဲစွဉ်ႏ ဗွေႏယေသျုတဲင် ဝွေꩻသီး ကအဝ်ႏမာꩻလဲဉ်းဖုံႏတွမ်ႏ ကသွဉ်သင်ဖေႏလဲဉ်း ကားကအဝ်ႏနဝ်ꩻ ဒေါ့ꩻနယ်ဖေႏလို့ ဝွေꩻဗွေႏနဝ်ꩻသွူ။ 31နဝ်ꩻကိုနဝ်ꩻ လိုꩻအာဖုံႏ အဝ်ႏလွေꩻလွေꩻ၊ သဲင်ꩻသဲင်ꩻထာꩻ နဝ်ꩻမꩻ ဗွေႏယေသျုတွမ်ႏ အတပဲ့တောႏဖုံႏ အီႏအံႏငါ ထာꩻအံႏတဲ့ အချိန်ႏ လဲင်ꩻတအဲဉ်ထဝ်းသွူ။ နဝ်ꩻမꩻ ဝွေꩻဗွေႏဒေါ့ꩻဖေႏ ဝွေꩻသီး၊ “နီထန်ႏလွေꩻတွမ် နီရင်ꩻ၊ ခင်ႏလမ်းယဉ်ကို တထွောင်းထွောင်း၊ ဖေႏကအဝ်ႏငါ နီလွုမ်ꩻငါတွော့ꩻ ဖေႏနေး သီကအုံပဆားဗာႏ တဆင်ႏငါႏ” နုဲင်းနဝ်ꩻသွူ။ 32နဝ်ꩻမꩻ ဝွေꩻသီး နွို့စသော့ꩻ ဖြီတဆွိုင်ꩻကိုတဲင် လွေꩻထိုꩻစွဉ်ႏ ခင်ႏလမ်းယဉ် တထွောင်းနဝ်ꩻသွူ။
33ကွဲႏတွော့ꩻ လိုꩻအာဖုံႏထွိုင်ႏထီႏ ဝွေꩻသီး ထန်ႏလွေꩻနဝ်ꩻ တလဲင်ႏချင်ꩻ အဝ်ႏသေ ဝွေꩻသီးလွေꩻ ခင်ႏလမ်းနဝ်ꩻမꩻ ဝွေꩻသီးကာႏလွေꩻ ဝေင်ꩻဖုံႏ ကားကအဝ်ႏတွော့ꩻ ဖင်းငါကရီး ခင်ႏလမ်းနဝ်ꩻတဲင် တွိုႏဖျော်ရီးစွဉ်ႏ ဗွေႏယေသျုတွမ်ႏ ဝွေꩻဗွေႏတပဲ့တောႏဖုံႏ ကလွေꩻဒါႏ ခင်ႏလမ်းနဝ်ꩻသွူ။ 34#ကွ ၂၇:၁၇၊ ၁ရာႏ ၂၂:၁၇၊ ၂ရာႏချုပ် ၁၈:၁၆၊ ဧသ ၃၄:၅၊ မ ၉:၃၆။ ဗွေႏယေသျု ထွိုင်ႏအဝ်ႏဖြီကို ထန်ႏလွဉ်ချိန်ႏနဝ်ꩻ ဝွေꩻဗွေႏထီႏ လိုꩻစွိုꩻယိုဖုံႏ အာငါႏတဲင် ပွိုးတွော့ꩻ ဝွေꩻသီးနဝ်ꩻ ဗွိုန်နုဲင်း သွိုꩻအတီသား တအဲဉ်ထဝ်း၊ သွိုꩻဖုံႏနဝ်ꩻမꩻ ဝွေꩻသီးတာႏ ဝွေꩻဗွေႏသꩻကို အဝ်ႏဗွေစွဉ်ႏ ထာꩻသꩻညင်ꩻနဝ်ꩻသွူ။ နဝ်ꩻမꩻ ဝွေꩻဗွေႏ သွဉ်သင်စဖေႏ ဝွေꩻသီး အာစွိုးငါႏသွူ။ 35အချိန်ႏထွိုင်ႏလွဉ်ꩻနဝ်ꩻ ဝွေꩻဗွေႏ တပဲ့တောႏဖုံႏ လွဉ်ဝွေꩻဗွေႏထျꩻတဲင် ဒေါ့ꩻ၊ “ယိုခါ အချိန်ႏလွဉ်ꩻထိုꩻ ငါႏလဲဉ်းတဲင် ယိုကိုနဝ်ꩻထွာဒျာႏ ခင်ႏလမ်းယဉ် တထွောင်းသွူ။ 36အွဉ်ႏစွꩻထိုꩻခန်း လိုꩻဖုံႏတဲင်၊ မိန်းဖေႏခန်း ဝွေꩻသီး ကလွေꩻဖြေꩻအံႏချာ အထာꩻအံႏ တစွိုးတမျိုꩻ ဗော့ꩻရာꩻ ခြံတုံးတွမ်ႏ ဒုံဖုံႏမွိုင်” နုဲင်းနဝ်ꩻသွူ။
37ဗွေႏယေသျုလဝ်းချာ၊ “သီနမ်းကိုယ်ႏတဲင်ႏ ဖေႏဝွေꩻသီး ထာꩻအံႏ တစွိုးစွိုးဟုဲင်း” နုဲင်းနဝ်ꩻသွူ။
ဝွေꩻသီးရီ၊ “နီဗွေႏ မဉ်အွဉ်ႏနီ ဖေႏကလွေꩻတဲင် စုဲင်ႏရွဉ်ယာႏဒင်္ဂါꩻ နီစွဲတွော့ꩻ ဖြေꩻတခိုးပေါင်မုတ် ဖေႏကလွူး ဝွေꩻသီးနဲ့ဟောင်း” နုဲင်းနဝ်ꩻသွူ။
38နဝ်ꩻမꩻ ဗွေႏယေသျုရီ ဝွေꩻသီး၊ “သီတခိုးပေါင်မုတ် အဝ်ႏခွိုင်းကားမုဲင်ꩻဟောင်း။ လွေꩻတဲင် ထုမ်ႏထွားဟုဲင်း” နုဲင်းနဝ်ꩻသွူ။
ဝွေꩻသီး ထွိုင်ႏမော့ꩻနဝ်ꩻ ဝွေꩻသီး ဒေါ့ꩻနယ်ဝွေꩻဗွေႏ၊ “တခိုးငတ်ꩻဖြုံႏတွမ်ႏ ထပေႏနီဗာႏ” နုဲင်းနဝ်ꩻသွူ။
39နဝ်ꩻထွူ ဗွေႏယေသျု ဒေါ့ꩻဖေႏ ဝွေꩻဗွေႏ တပဲ့တောႏဖုံႏ၊ လိုꩻဖုံႏကားကအဝ်ႏနဝ်ꩻ ဖနေး ပဉ်စွိုꩻစွိုꩻတဲင် အွဉ်ႏအုံလင်ꩻ ထာꩻအီႏသွမ်ႏဖုံႏလောင်းနဝ်ꩻသွူ။ 40နဝ်ꩻမꩻလိုꩻဖုံႏနဝ်ꩻ အုံလင်ꩻ ပဉ်စဲဉ်ႏစဲဉ်ႏနေးတွော့ꩻ အဖြာꩻတရျာꩻစွိုꩻစွဉ်ႏ အဖြာꩻငတ်ꩻဆီစွိုꩻနဝ်ꩻသွူ။ 41နဝ်ꩻထွူ ဗွေႏယေသျုထူႏ တခိုးငတ်ꩻဖြုံႏတွမ်ႏ ထပေႏနီဗာႏ ထွားထင်ႏကီ ခမ်းထီမို့ꩻလောင်းတဲင် အုပ်ꩻထင်ႏ ဗွေႏဘုရာꩻ ကေꩻဇူꩻတောႏထွူ၊ ဝွေꩻဗွေႏ အဲ့ꩻတခိုးတဲင် တခိုးနဝ်ꩻ ဖေႏဝွေꩻဗွေႏ တပဲ့တောႏဖုံႏတွော့ꩻ အွဉ်ႏဖန်းဝေႏဖေႏစွဉ်ႏ လိုꩻဖုံႏနဝ်ꩻသွူ။ ဝွေꩻဗွေႏအဲ့ꩻပါ ထပေႏနီဗာႏတွော့ꩻ ဝေႏဖေႏဝွေꩻသီး ကားကအဝ်ႏနဝ်ꩻသွူ။ 42လိုꩻစွုမ်ႏဖြာꩻနဝ်ꩻ အံႏဗာႏ ကွို့ꩻလို့စွဉ်ႏဖုံႏသွူ။ 43နဝ်ꩻထွူ တပဲ့တောႏဖုံႏ တွမ်ထူႏယင်း တခိုးစွဉ်ႏ ထပေႏ ကအဝ်ႏကုဲင်နဝ်ꩻ လꩻယင်း တဆီနီခြောင်း ဗွေဗွေနဝ်ꩻသွူ။ 44လိုꩻခိုကအံႏလဲဉ်းဒါႏ ထာꩻအံႏနဝ်ꩻ အဝ်ႏအဖြာꩻ ၅၀ဝဝနဝ်ꩻသွူ။
ဗွေႏယေသျုထောင်လွေꩻထီခိုႏလောင်း
(မတဲ ၁၄:၂၂–၃၃။ ယောဟန် ၆:၁၅–၂၁)
45ဝွေꩻဗွေႏ အွဉ်ႏစွꩻသဲင်ꩻညာꩻထိုꩻ လိုꩻဖုံႏကျာꩻ တလဲင်ႏချင်ꩻ ဗွေႏယေသျု အွဉ်ႏဝွေꩻဗွေႏ တပဲ့တောႏဖုံႏ နွို့သော့ꩻဖြီကိုတဲင် ဝွေꩻဗွေႏ အွဉ်ႏလွေꩻရီး ဝေင်ꩻဗဲက်သဲဒ ကအဝ်ႏဒါႏ နောင်ဖင်ႏခတဖဲ့ꩻနဝ်ꩻသွူ။ 46ဝွေꩻဗွေႏ နုတ်ဆက်လိုꩻဖုံႏထွူ အီႏဆုတောင်ꩻနဝ်ꩻ ထန်ႏလွေꩻညာꩻထိုꩻ ကောင်ပူႏပေႏ တဖြုံႏလောင်းနဝ်ꩻသွူ။ 47မွူးထွိုင်ႏဟာလွဉ်ချိန်ႏ ဖြီကအဝ်ႏသော့ꩻ ထီနောင်ကဲဉ်ကိုကျာꩻနဝ်ꩻ ဗွေႏယေသျု တပါꩻဒျာႏ အဝ်ႏကုဲင် ဟံႏသဲင်လောင်းသွူ။ 48ပွိုးတွော့ꩻ ဝွေꩻသီး အဝ်ႏဖြုဲင်ꩻဆန်ဗာႏ တလီꩻအတွက် တပဲ့တောႏဖုံႏ အဝ်ႏကျိုꩻစာꩻဖြုဲင်ꩻ အဖြီဖုံႏ ရွိုးငါႏနဝ်ꩻ ဝွေꩻဗွေႏ အဝ်ႏထီႏနဝ်ꩻသွူ။ အချိန်ႏနဝ်ꩻ အီႏထွာ မွူးရဝ်ꩻခိုႏ သွံနားရီႏစွဉ်ႏ သူနားရီႏခါႏနဝ်ꩻသွူ။ ဝွေꩻဗွေႏလွဉ် ဝွေꩻသီးထျꩻ ထောင်ခင်ႏလွဉ်နေး ထီခိုႏလောင်းနဝ်ꩻသွူ။ ဝွေꩻဗွေႏ အဝ်ႏကာႏ တကတ်ꩻငါ ဝွေꩻသီးနဝ်ꩻသွူ။ 49ကွဲႏတွော့ꩻ ဝွေꩻသီးထွိုင်ႏထီႏ ဝွေꩻဗွေႏ အဝ်ႏထောင်ခင်ႏလွဉ်ထာꩻ ထီခိုႏလောင်းနဝ်ꩻ ဝွေꩻသီးထင်ႏ၊ “နဝ်ꩻနဝ်ꩻ ထာꩻကုဲင်လောက်ꩻ” နုဲင်းနဝ်ꩻတဲင် ခြောဝ်စွဉ်ႏ အငဝ်းဖုံႏနဝ်ꩻသွူ။ 50ဝွေꩻသီးထွိုင်ႏထီႏ ဝွေꩻဗွေႏချိန်ႏ ဝွေꩻသီး ကားကအဝ်ႏ ငမ်းမွေးနေးစွဉ်ႏဖုံႏသွူ။
တလဲင်ႏချင်ꩻ ဗွေႏယေသျုဒေါ့ꩻဖေႏ ဝွေꩻသီး၊ ဝွေꩻဗွေႏဒေါ့ꩻဖေႏ၊ “အွဉ်ႏဆွော့ꩻဆွော့ꩻသꩻ၊ “ခွေဒျာႏ၊ တွမ်ႏငမ်းမွိုန်း” နုဲင်းနဝ်ꩻသွူ။ 51နဝ်ꩻထွူ ဝွေꩻဗွေႏ နွို့သော့ꩻငီꩻစွဉ်ႏ ဝွေꩻသီးဖြီကိုတဲင် တလီꩻနဝ်ꩻ ယဉ်လင်ꩻထိုꩻစွဉ်ႏသွူ။ တပဲ့တောႏဖုံႏနဝ်ꩻ အံႏဖြာႏ မွေးနေးစွဉ်ႏနဝ်ꩻသွူ။ 52ကွပ်ပွိုး ဝွေꩻဗွေႏ ကလွူးဒါႏ လိုꩻ၅၀ဝဝ တခိုးချိန်ႏ အဓိပ္ပါယ်ႏ အမဲဉ်ႏနဝ်ꩻ ဝွေꩻသီး တသေနာႏတဝ်းသွူ။ ဝွေꩻသီး သꩻယူႏစဉ်ꩻစာꩻ တထွꩻလွဉ်ꩻနွောင်ꩻတဝ်း နဝ်ꩻသွူ။
ဗွေႏယေသျုလုမ်ꩻလာꩻမာꩻဟဝ်ဖေႏလိုꩻဆာဝေင်ꩻကဲန်နေသရဲစ်ကို
(မတဲ ၁၄:၃၄–၃၆)
53ဝွေꩻသီး ဖျတ်ကာႏ ထီနောင်တဲင် ဖျော်လွေꩻစွဉ်ႏ ဝေင်ꩻကဲန်နေသရဲစ် ဟံႏနယ်ႏကို၊ ဝွေꩻသီး စွိုင်သေꩻခါꩻဖြီ နဝ်ꩻကိုသွူ။ 54နုဲင်းဝွေꩻသီး ကအဝ်ႏဖြီကို ထန်ႏလွဉ်ကျာꩻ လိုꩻဖုံႏနဝ်ꩻ တောင်ꩻစွဉ်ႏ ဗွေႏယေသျု တလဲင်ႏချင်ꩻနဝ်ꩻသွူ။ 55နဝ်ꩻမꩻ ဝွေꩻသီး ဖင်းကာႏစွစ်ꩻစဲစ်စွဉ်ႏ တနယ်ႏလွုမ်းတဲင် ဝွေꩻသီးဟွိုန် ဝွေꩻဗွေႏ အဝ်ႏမုဲင်ꩻကိုတဲ့ လိုꩻဆာဖုံႏနဝ်ꩻ အွဉ်ႏဗေင်ႏသော့ꩻ ဝွေꩻသီး အတွေဖုံႏကိုတွော့ꩻ ဝွေꩻသီး အီလွဉ်စွဉ်ႏ ဝွေꩻဗွေႏထျꩻသွူ။ 56နဝ်ꩻမꩻ ဗွေႏယေသျု လွေꩻစွဉ်ႏ ဒုံမုဲင်ꩻ၊ ဝေင်ꩻမုဲင်ꩻ၊ ခြံတုံးမုဲင်ꩻတွမ်ႏ ဆေꩻတန်ꩻခါႏ မုဲင်ꩻကိုတယဝ်းနဝ်ꩻ အဆေ့ꩻသွတ်ꩻ ဖေႏကခွိုင်းဗာႏ ဝွေꩻဗွေႏဆဲင်ꩻမော့နဝ်ꩻ တောင်ꩻပြန်ႏ ဝွေꩻဗွေႏနဝ်ꩻသွူ။ ကခွိုင်းဗာႏဒါႏသားဖုံႏ ကားကအဝ်ႏနဝ်ꩻ ဟဝ်ရေꩻလို့စွဉ်ႏသွူ။
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Pao Bible Common Language© Bible Society of Myanmar, 2019.