မာကု 5
5
ဗွေႏယေသျုလုမ်ꩻလာꩻဟဝ်ဖေႏလူꩻကုဲင်ကစောင်ꩻဒါႏပါꩻတဖြာꩻ
(မတဲ ၈:၂၈–၃၄။ လုကာ ၈:၂၆–၃၉)
1ဗွေႏယေသျုတွမ်ႏ ဝွေꩻဗွေႏ တပဲ့တောႏဖုံႏ ဖျော်လွဉ် ကာလိလဲ ထီနောင်ဖင်ႏ ခတဖဲ့ꩻ ဂါရသနယ်ႏကိုနဝ်ꩻသွူ။ 2ဗွေႏယေသျု အဝ်ႏဖြီကို ထန်ႏလွဉ် တဆင်ႏနဝ်ꩻ ဝွေꩻဗွေႏ မော့ꩻခွဲစွဉ်ႏ ပါꩻခိုတဖြာꩻ အဝ်ႏသဲင်ႏခဲင်ꩻ မုတ်အောင်ခါႏ ထန်ႏလွဉ်နဝ်ꩻသွူ။ ပါꩻခိုယိုနဝ်ꩻ ဝိညာဉ်ႏကုဲင် အဝ်ႏစောင်ꩻသော့ꩻ ဝွေꩻအကိုတဲင်၊ 3အဝ်ႏအုံ သော့ꩻဒျာႏ သဲင်ႏခဲင်ꩻမုတ်အောင် ခါႏဖုံႏနဝ်ꩻသွူ။ ပါꩻမုဲင်ꩻတဖြာꩻတဲ့ ဆွမ်ꩻစွိုင်ထဲင်းဝွေꩻ တွမ်ႏပသီႏချင်ꩻ တလꩻတဝ်းသွူ။ 4ဝွေꩻခင်ႏဖုံႏတွမ်ႏ ဝွေꩻစူဖုံႏနဝ်ꩻ တဆင်ႏဆင်ႏ အဝ်ႏစွိုင်အာဗာႏဖိုလဲဉ်း၊ ကွဲႏတွော့ꩻ စွုမ်ႏလဲင်ႏ ဝွေꩻမာꩻဖြတ်ꩻထိုꩻ ပသီႏချင်ꩻဖုံႏတဲင် မာꩻဖွန်ႏထိုꩻစွဉ်ႏ ပသီႏ ဝွေꩻခင်ႏဖုံႏလောင်းနဝ်ꩻသွူ။ ဝွေꩻအာႏ တလာငါႏလွဉ်ꩻ နဝ်ꩻမꩻ ပါꩻမုဲင်ꩻတဖြာꩻတဲ့ တထိန်ꩻနွောင်ꩻတဝ်း ဝွေꩻနဝ်ꩻသွူ။ 5နီꩻနီꩻနာꩻနာꩻ ဝွေꩻအဝ်ႏဒျာႏ သဲင်ႏခဲင်ꩻမုတ်အောင်ခါႏဖုံႏတွမ်ႏ ကောင်ပူႏပေႏဖုံႏ လောင်းတွော့ꩻ ခြောဝ်ဒျာႏ အငဝ်းတဲင် တွမ်ႏလုံးတူႏစဲင်ႏဖုံႏနဝ်ꩻ ဖြဲ့ꩻချာဒျာႏ အနမ်းသွူ။
6ဝွေꩻအဝ်ႏညာꩻ ပသာႏနေကချိန်ႏ ဝွေꩻထီႏ ဗွေႏယေသျုနဝ်ꩻမꩻ ဝွေꩻဖင်းလွေꩻတဲင် အုံအွပ်ꩻလင်ꩻစွဉ်ႏ ဗွေႏယေသျု ဆꩻငါတွော့ꩻ 7ခြောဝ်သန်စွဉ်ႏ အငဝ်း၊ “အထိုသွတ်ꩻ ဗွေႏဘုရာꩻပိုခို ဗွေႏယေသျု၊ နီဗွေႏ အဝ်ႏလိုႏခွေသွဉ်း တမုဲင်ꩻဟောင်း၊ ကွပ်စွဉ်ႏ ဗွေႏဘုရာꩻအတွက် ခွေတောင်ꩻပြန်ႏဒျာႏ နီဗွေႏ တွမ်ႏဖေႏတံႏမွိုန်းခွေ” နုဲင်းနဝ်ꩻသွူ။ ( 8ဝွေꩻကခြဝ်ဗာႏ နုဲင်းယိုနဝ်ꩻ ပွိုးတွော့ꩻ ဗွေႏယေသျု အဝ်ႏမိန်းဖေႏ၊ “လူꩻကုဲင် အဝ်ႏပါꩻခိုယိုအကို ထန်ႏထိုꩻဟုဲင်း”) နုဲင်းနဝ်ꩻအတွက်သွူ။ 9နဝ်ꩻမꩻ ဗွေႏယေသျုရီဝွေꩻ၊ “နာꩻမဉ်ꩻ တမုဲင်ꩻဟောင်း” နုဲင်းနဝ်ꩻသွူ။
ပါꩻခိုလဝ်းချာ၊ “ခွေမဉ်ꩻနဝ်ꩻထွာ ‘မွုပ်’ ၊ ပွိုးနီနဝ်ꩻ အဝ်ႏသော့ꩻအာငါႏ နဝ်ꩻကို” နုဲင်းနဝ်ꩻတဲင် 10အဝ်ႏအရပ်နဝ်ꩻကို ဖေႏကအွဉ်ႏစွꩻထန်ႏ ထိုꩻမွိုန်း ဝိညာဉ်ႏကုဲင်ဖုံႏနဝ်ꩻ ဝွေꩻအဝ်ႏတောင်ꩻပြန်ႏသွုပ် ဗွေႏယေသျုသွူ။
11နဝ်ꩻကိုနဝ်ꩻ ထော့ꩻအာငါႏ တစွိုꩻ အဝ်ႏဗော့ꩻနဝ်ꩻကို အဝ်ႏအံႏ အဆာႏ ကောင်ထျꩻနဝ်ꩻသွူ။ 12နဝ်ꩻမꩻ ဝိညာဉ်ႏကုဲင်ဖုံႏနဝ်ꩻ တောင်ꩻပြန်ႏ ဗွေႏယေသျု၊ “ဖေႏကအွဉ်ႏစွꩻလွေꩻနီ ထော့ꩻဖုံႏထျꩻတဲင် ဖေႏနီကနွို့သော့ꩻဗာႏ ထော့ꩻဖုံႏကို” နုဲင်းနဝ်ꩻသွူ။ 13ဝွေꩻဗွေႏ အွဉ်ႏစွꩻလွေꩻ ဝွေꩻသီးတဲင် ဝိညာဉ်ႏကုဲင်ဖုံႏ အဝ်ႏပါꩻခိုကိုနဝ်ꩻ ထန်ႏထိုꩻတဲင် နွို့သော့ꩻစွဉ်ႏ ထော့ꩻဖုံႏကိုသွူ။ ထော့ꩻတဖုံႏလွုမ်း ကားကအဝ်ႏ အဗာႏနီရေင်ရပ်နဝ်ꩻ ဖင်းတနဲဉ်လင်ꩻဝင်ꩻ နောင်ဖင်ႏ လဲင်းဖဲ့ꩻတွော့ꩻ ထဲ့လင်ꩻစွဉ်ႏ ထီနောင်ကိုတဲင် ဗဉ်သီထိုꩻလို့စွဉ်ႏ ထီနဝ်ꩻသွူ။ 14ပါꩻခို ကအဝ်ႏတီဒါႏထော့ꩻဖုံႏနဝ်ꩻ ဖင်းညာꩻထိုꩻတဲင် ဒေါ့ꩻကေႏညာႏ စွစ်ꩻစဲစ်ꩻစွဉ်ႏသတင်ꩻ ဝေင်ꩻကိုစွဉ်ႏ ခြံတုံးဖုံႏသွူ။ ဖေႏကထီႏ နုဲင်းထာꩻကထွာလွဉ်လဲဉ်း ဒါႏဖုံႏနဝ်ꩻ လိုꩻဖုံႏထန်ႏလွေꩻတဲင်၊ 15ဝွေꩻသီး ထွိုင်ႏဖျော်လွဉ် ဗွေႏယေသျုထျꩻချိန်ႏ ဝွေꩻသီးထီႏပါꩻ ‘မွုပ်’ လူꩻကုဲင် ကနွို့သော့ꩻဒါႏ ဝွေꩻအကိုသွူ။ ဝွေꩻအဝ်ႏအုံလင်ꩻထာꩻ နဝ်ꩻကို ကွဉ်ကꩻခွမ်ꩻလာꩻတွော့ꩻ ဝွေꩻသꩻမဲဉ်ႏလဲဉ်းနဝ်ꩻ ဝွေꩻသီး ကားကအဝ်ႏ ငမ်းသꩻငါႏနဝ်ꩻသွူ။ 16ပါꩻခို လူꩻကုဲင်ဖုံႏ ကစောင်ꩻဒါႏ စွဉ်ႏထော့ꩻဖုံႏ ထွာလွဉ်ထာꩻ နုဲင်းမုဲင်ꩻခရာႏ လိုꩻကထီႏဗာႏ လဲဉ်းသားဖုံႏနဝ်ꩻ အွဉ်ႏဒေါ့ꩻနယ်စွဉ်ႏ လိုꩻဖုံႏနဝ်ꩻသွူ။ 17နဝ်ꩻမꩻ ဖေႏကထန်ႏထိုꩻ ဝွေꩻသီး နယ်ႏကိုနဝ်ꩻ ဝွေꩻသီးတောင်ꩻပြန်ႏ ဗွေႏယေသျုနဝ်ꩻသွူ။ 18နုဲင်းဗွေႏယေသျု ကအဝ်ႏနွို့သော့ꩻဖြီကိုချိန်ႏ ပါꩻခိုလူꩻကုဲင် ကစောင်ꩻဗာႏဖိုလဲဉ်းဒါႏနဝ်ꩻ တောင်ꩻပြန်ႏဝွေꩻဗွေႏ၊ “ဖေႏခွေအခွင်ꩻ လွေꩻလွဉ်ꩻနီဗွေႏမွိုင်” နုဲင်းနဝ်ꩻသွူ။ 19ကွဲႏတွော့ꩻ ဗွေႏယေသျု ဖေႏလွေꩻလွဉ်ꩻတဝ်း ဝွေꩻနဝ်ꩻသွူ။ ကွပ်စွဉ်ႏ ဝွေꩻဗွေႏ အီႏဖေႏလွေꩻလွဉ်ꩻနဝ်ꩻ ဝွေꩻဗွေႏ ဒေါ့ꩻဖေႏတောဒျာႏဝွေꩻ၊ “ထာဝရဘုရာꩻ မာꩻဖေႏလဲဉ်းသွူ နာꩻတာႏ ခွိုင်းကားမုဲင်ꩻတွော့ꩻ ဝွေꩻဗွေႏ သညင်ꩻငါႏလဲဉ်း နာꩻလောင်း ခွိုင်းကားမုဲင်ꩻနဝ်ꩻ သဲင်ꩻချာလမ်း နာꩻတမွိုးဖါပိုစွိုꩻ ထျꩻတွော့ꩻ ဒေါ့ꩻနယ်ဖေႏသွော့ ဝွေꩻသီးဟုဲင်း” နုဲင်းနဝ်ꩻသွူ။
20နဝ်ꩻမꩻ ပါꩻခိုနဝ်ꩻထန်ႏတွော့ꩻ ဖျတ်လွေꩻစွဉ်ႏ ဝေင်ꩻအဖြုံႏ တဆီတဲင် နုဲင်းဗွေႏယေသျု ကမာꩻဖေႏလဲဉ်း ဝွေꩻတာႏနဝ်ꩻ ဒေါ့ꩻနယ်ဖေႏစွဉ်ႏသွူ။ လိုꩻကဟွိုန်ဗာႏ နဝ်ꩻဖုံႏသား ကားကအဝ်ႏနဝ်ꩻ အံႏဖြာႏမွေးနေးစွဉ်ႏ နဝ်ꩻသွူ။
ယာဣရုပိုမူႏတွမ်ႏပါꩻမူႏကခွိုင်းဒါႏဗွေႏယေသျုဆဲင်ꩻယွုံးတန်
(မတဲ ၉:၁၈–၂၆။ လုကာ ၈:၄၀–၅၆)
21ဗွေႏယေသျု ဖျတ်ကာႏ သဲင်ꩻချာယင်း ထီနောင်ဖင်ႏ ခတဖဲ့ꩻနဝ်ꩻသွူ။ ထီနောင်ဖင်ႏထျꩻနဝ်ꩻ လိုꩻစွိုꩻအာဖုံႏ စုဗူႏခူစွဉ်ႏ ဝွေꩻဗွေႏနဝ်ꩻသွူ။ 22တရာꩻစရွပ်လိုꩻတန် တဖြာꩻ ကမဉ်ယာဣရုနဝ်ꩻ ဖျော်လွဉ်တဲင် ဝွေꩻထွိုင်ႏထီႏ ဗွေႏယေသျုချိန်ႏ ဝွေꩻအွပ်ꩻလင်ꩻစွဉ်ႏ ဝွေꩻဗွေႏခင်ႏထျꩻတဲင်၊၊ 23ကွီတောင်ꩻပြန်ꩻ မွေးနေးစွဉ်ႏ ဝွေꩻဗွေႏ၊ “ခွေပိုမူႏပေႏနဝ်ꩻ အဝ်ႏဆော့တဝ် မွေးနေးစွဉ်ႏထာꩻ နဝ်ꩻသွူ။ မာꩻကေꩻဇူꩻတဲင် ကျွꩻလွဉ်တွော့ꩻ ဖေႏနေး ဝွေꩻမူႏ ကဟဝ်ချာ အသက် ဖေႏကမွန်ချာယင်းနဝ်ꩻ နီဗွေႏစူဖုံႏနဝ်ꩻ အွဉ်ႏဒင်ႏဖေႏ ဝွေꩻမူႏလောင်းမွိုင်” နုဲင်းနဝ်ꩻသွူ။ 24နဝ်ꩻထွူ ဗွေႏယေသျုစတဲင် လွေꩻလွဉ်ꩻစွဉ်ႏဝွေꩻ နဝ်ꩻသွူ။ လိုꩻဖုံႏ ကအဝ်ႏလွေꩻလွဉ်ꩻဒါႏစွဉ်ႏ ဗွေႏယေသျုနဝ်ꩻ အာငါႏလွဉ်ꩻနဝ်ꩻမꩻ ဝွေꩻသီး အဝ်ႏတနဲဉ်ခူ ဝွေꩻဗွေႏ စွုမ်ႏဖဲ့ꩻနဝ်ꩻသွူ။
25နဝ်ꩻကို ပါꩻမူႏတဖြာꩻ ခံႏစာꩻဗာႏမွေး ဟဝ်ငမ်းခရာႏ သွီႏအဝ်ႏထောက်ꩻရောႏဂါႏ လꩻတဆီနီနေင်ႏ အဝ်ႏနဝ်ꩻသွူ၊ 26ဝွေꩻမူႏနဝ်ꩻ လဲင်ꩻလုမ်ꩻလာꩻလဲဉ်းသွူ စွဉ်ႏ တသီႏဆရာႏဝွန်ႏဖုံႏနဝ်ꩻ အာငါႏသွူ။၊ ဝွေꩻမူႏခံႏလို့ ရွဉ်ဖုံႏနဝ်ꩻ အာငါႏလဲဉ်း၊ ကွဲႏတွော့ꩻ ကွပ်စွဉ်ႏ အီႏဟဝ်နဝ်ꩻ ဝွေꩻမူႏထာꩻဆာနဝ်ꩻ ယိန်းဟုဲင်းလွဉ်ထဲင်း တောဒျာႏနဝ်ꩻသွူ၊၊ 27ဝွေꩻမူႏအဝ်ႏဟွိုန် ဗွေႏယေသျုခရာႏ၊ နဝ်ꩻမꩻ ဝွေꩻမူႏလွဉ်သော့ꩻ လိုꩻစွိုꩻကို ဝွေꩻဗွေႏ ဆꩻချာနဝ်ꩻသွူ။၊ 28ဝွေꩻမူႏဒေါ့ꩻချာ အသꩻကို၊ “ခွေမဉ်ႏခွိုင်းဗာႏငါ ဝွေꩻဗွေႏ ခွမ်ꩻလာꩻဖုံႏငါနဝ်ꩻ ခွေအီႏဟဝ်ရေꩻဒျာႏ” နုဲင်းနဝ်ꩻသွူ။ 29ဝွေꩻမူႏနဝ်ꩻ ခွိုင်းဝွေꩻဗွေႏ ခွမ်ꩻလာꩻတဲင် ဝွေꩻမူႏသွီႏယွုတ်ꩻ ထိုꩻစွဉ်ႏ တလဲင်ႏချင်ꩻနဝ်ꩻသွူ။ နဝ်ꩻမꩻ ဝွေꩻမူႏထာꩻဒုက္ခ ဟဝ်ရေꩻလဲဉ်းနဝ်ꩻ ဝွေꩻမူႏ အဝ်ႏစံႏစာꩻဗာႏ အသꩻကိုသွူ။ 30တန်ꩻခိုꩻအဝ်ႏ ဝွေꩻဗွေႏကို ထန်ႏထိုꩻနဝ်ꩻ တလဲင်ႏချင်ꩻ ဗွေႏယေသျု အဝ်ႏသေနဝ်ꩻသွူ။ နဝ်ꩻမꩻ ဝွေꩻဗွေႏခွယ်ႏချာ လိုꩻစွိုꩻကိုတဲင်ရီ၊ “ပါꩻမုဲင်ꩻခွိုင်း ခွေခွမ်ꩻလာꩻဟောင်း” နုဲင်းနဝ်ꩻသွူ။
31ဝွေꩻဗွေႏ တပဲ့တောႏဖုံႏ လဝ်းချာ၊ “နီဗွေႏအဝ်ႏထီႏဒျာႏ လိုꩻဖုံႏအဝ်ႏတနဲဉ် နီဗွေႏသွူ။ ပွိုးတမုဲင်ꩻ နီဗွေႏရီဗာႏတွိုႏ ပါꩻမုဲင်ꩻခွိုင်းနီဗွေႏ နုဲင်းမုဲင်ꩻဟောင်း။”
32ကွဲႏတွော့ꩻ ဖေႏကထီႏ ပါꩻကခွိုင်းလဲဉ်းသားနဝ်ꩻ ဗွေႏယေသျု အဝ်ႏထွားခူသွုပ်ဒျာႏ နဝ်ꩻသွူ။ 33တွိုႏနဝ်ꩻ နုဲင်းဝွေꩻမူႏ ကအဝ်ႏထွာလဲဉ်းနဝ်ꩻ ဝွေꩻမူႏ သေစဲင်းချာ နဝ်ꩻမꩻ ဝွေꩻမူႏအဝ်ႏစွဉ်ႏ ထာꩻငမ်းသꩻတဲင် လွဉ်အွပ်ꩻလင်ꩻစွဉ်ႏ ဝွေꩻဗွေႏ ခင်ႏထျꩻတွော့ꩻ ဒေါ့ꩻနယ်စွဉ်ႏ ဝွေꩻဗွေႏ အမဲဉ်ႏအတွိုင်ꩻ နဝ်ꩻသွူ။၊ 34ဗွေႏယေသျု ဒေါ့ꩻဖေႏဝွေꩻမူႏ၊ “ခွေပိုမူႏ၊ နာꩻထာꩻယွုမ်းနဝ်ꩻ မာꩻဟဝ်လဲဉ်းနာꩻသွူ။ စွဉ်ႏထာꩻငိမ်ꩻခွꩻနဝ်ꩻ လွေꩻသꩻခွꩻခွꩻတဲင် နာꩻထာꩻဒုက္ခ အီႏဟဝ်ရေꩻဒျာႏ” နုဲင်းနဝ်ꩻသွူ။
35ဗွေႏယေသျု အဝ်ႏဒေါ့ꩻ နုဲင်းယိုကျာꩻနဝ်ꩻ သတင်ꩻဖေႏသား ယင်ဟန်ႏ အဝ်ႏယာဣရုလမ်း ဖျော်လွဉ်တဲင် ဒေါ့ꩻဖေႏဝွေꩻ၊ “နာꩻပိုမူႏနဝ်ꩻ သီထိုꩻလဲဉ်း၊ ပွိုးတမုဲင်ꩻ နာꩻအဝ်ႏမာꩻယပ်ꩻထဲင်း ဗာႏတွိုႏ ဆရာႏ နုဲင်းမုဲင်ꩻဟောင်း။
36နုဲင်းဝွေꩻသီး ကအဝ်ႏဒေါ့ꩻနဝ်ꩻ ဗွေႏယေသျု တနန်းခီတဝ်းတဲင် ဒေါ့ꩻဖေႏဝွေꩻ၊ “တွမ်ႏငမ်းသꩻမွိုန်း၊ ထာꩻယွုမ်းအဝ်ႏငါ” နုဲင်းနဝ်ꩻသွူ။ 37တွိုႏနဝ်ꩻ ပေါႏလွိုသွူ ပေတရု၊ ယာကုပ်တွမ်ႏ ဝွေꩻဖူးခို ယောဟန်နဝ်ꩻ လိုꩻလင် ဝွေꩻဗွေႏ တဖေႏလွေꩻလွဉ်ꩻတဝ်း တဖြာꩻဖြာꩻနဝ်ꩻသွူ။ 38ဝွေꩻသီး ထွိုင်ႏဖျော် ယာဣရုလမ်း ကိုနဝ်ꩻ ဗွေႏယေသျုထီႏ လိုꩻအဝ်ႏသျွုတ် တရေင်ထာꩻတဲင် အဝ်ႏငွိုးခြောဝ်သန်ထာꩻ၊ အဝ်ႏငွိုးကော့ꩻ ထာꩻဖုံႏနဝ်ꩻသွူ၊၊ 39ဝွေꩻဗွေႏနွို့သော့ꩻ ကောင်းကိုတဲင် ဒေါ့ꩻဖေႏဝွေꩻသီး၊ “ပွိုးတမုဲင်ꩻ သီအဝ်ႏသျွုတ် တရေင်ဗာႏတွိုႏထာꩻ နုဲင်းယိုဟောင်း။ ပွိုးတမုဲင်ꩻ သီအဝ်ႏငွိုး ဗာႏတွိုႏထာꩻဟောင်း။ လိုꩻပေႏနဝ်ꩻ တသီတဝ်း၊ ဝွေꩻမူႏ အဝ်ႏဗေင်ႏအွီႏဒျာႏထာꩻ” နုဲင်းနဝ်ꩻသွူ။
40ဝွေꩻသီးစတဲင် ပျက်သွမ်ꩻ ငရောင်စွဉ်ႏ ဝွေꩻဗွေႏ၊ နဝ်ꩻမꩻ ဝွေꩻဗွေႏ အွဉ်ႏထန်ႏထိုꩻလို့ ဝွေꩻသီး ကားကအဝ်ႏတွော့ꩻ ဟဲ့ꩻပါꩻမူႏပေႏ အဖါစွဉ်ႏ အမွိုး တွမ်ႏတပဲ့တောႏ ဝင်ꩻသွံတွော့ꩻ နွို့လွေꩻသော့ꩻစွဉ်ႏ အခန်ꩻကို၊ ပါꩻမူႏပေႏ ကအဝ်ႏဗေင်ႏလင်ꩻထာꩻ ခင်ႏလမ်းနဝ်ꩻသွူ။ 41တွမ်ႏဝွေꩻဗွေႏစူနဝ်ꩻ စွီႏပါꩻမူႏပေႏတဲင် ဒေါ့ꩻဖေႏပါꩻမူႏပေႏ၊ “တလိတကုမိ” အဓိပ္ပါယ်ႏနဝ်ꩻ ပါꩻမူႏပေႏ၊ ခွေဒေါ့ꩻဖေႏနာꩻ ထွိုင်ႏဟုဲင်း” နုဲင်းနဝ်ꩻသွူ။
42ဝွေꩻမူႏ ထွိုင်ႏစွဉ်ႏ တလဲင်ႏချင်ꩻတဲင် ထောင်လွေꩻခူစွဉ်ႏထာꩻနဝ်ꩻသွူ။ (ဝွေꩻမူႏနဝ်ꩻ အသက်အဝ်ႏလဲဉ်း တဆီနီနေင်ႏသွူ။) ထွိုင်ႏထွာထာꩻ နုဲင်းယိုချိန်ႏ ဝွေꩻသီး အံႏဖြာႏမွေးနေးစွဉ်ႏ နဝ်ꩻသွူ။ 43ကွဲႏတွော့ꩻ ဖေႏဝွေꩻသီး ကအွဉ်ႏဒေါ့ꩻနယ်မွိုန်း ပါꩻတဖြာꩻဖြာꩻနဝ်ꩻ ဗွေႏယေသျု မိန်းခြေင်းတဲင် ဝွေꩻဗွေႏဒေါ့ꩻ၊ “ဖေႏသွော့ ဝွေꩻမူႏ ထာꩻအံႏ တစွိုးစွိုးဟုဲင်း” နုဲင်းနဝ်ꩻသွူ။
ទើបបានជ្រើសរើសហើយ៖
မာကု 5: PBCL
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Pao Bible Common Language© Bible Society of Myanmar, 2019.
မာကု 5
5
ဗွေႏယေသျုလုမ်ꩻလာꩻဟဝ်ဖေႏလူꩻကုဲင်ကစောင်ꩻဒါႏပါꩻတဖြာꩻ
(မတဲ ၈:၂၈–၃၄။ လုကာ ၈:၂၆–၃၉)
1ဗွေႏယေသျုတွမ်ႏ ဝွေꩻဗွေႏ တပဲ့တောႏဖုံႏ ဖျော်လွဉ် ကာလိလဲ ထီနောင်ဖင်ႏ ခတဖဲ့ꩻ ဂါရသနယ်ႏကိုနဝ်ꩻသွူ။ 2ဗွေႏယေသျု အဝ်ႏဖြီကို ထန်ႏလွဉ် တဆင်ႏနဝ်ꩻ ဝွေꩻဗွေႏ မော့ꩻခွဲစွဉ်ႏ ပါꩻခိုတဖြာꩻ အဝ်ႏသဲင်ႏခဲင်ꩻ မုတ်အောင်ခါႏ ထန်ႏလွဉ်နဝ်ꩻသွူ။ ပါꩻခိုယိုနဝ်ꩻ ဝိညာဉ်ႏကုဲင် အဝ်ႏစောင်ꩻသော့ꩻ ဝွေꩻအကိုတဲင်၊ 3အဝ်ႏအုံ သော့ꩻဒျာႏ သဲင်ႏခဲင်ꩻမုတ်အောင် ခါႏဖုံႏနဝ်ꩻသွူ။ ပါꩻမုဲင်ꩻတဖြာꩻတဲ့ ဆွမ်ꩻစွိုင်ထဲင်းဝွေꩻ တွမ်ႏပသီႏချင်ꩻ တလꩻတဝ်းသွူ။ 4ဝွေꩻခင်ႏဖုံႏတွမ်ႏ ဝွေꩻစူဖုံႏနဝ်ꩻ တဆင်ႏဆင်ႏ အဝ်ႏစွိုင်အာဗာႏဖိုလဲဉ်း၊ ကွဲႏတွော့ꩻ စွုမ်ႏလဲင်ႏ ဝွေꩻမာꩻဖြတ်ꩻထိုꩻ ပသီႏချင်ꩻဖုံႏတဲင် မာꩻဖွန်ႏထိုꩻစွဉ်ႏ ပသီႏ ဝွေꩻခင်ႏဖုံႏလောင်းနဝ်ꩻသွူ။ ဝွေꩻအာႏ တလာငါႏလွဉ်ꩻ နဝ်ꩻမꩻ ပါꩻမုဲင်ꩻတဖြာꩻတဲ့ တထိန်ꩻနွောင်ꩻတဝ်း ဝွေꩻနဝ်ꩻသွူ။ 5နီꩻနီꩻနာꩻနာꩻ ဝွေꩻအဝ်ႏဒျာႏ သဲင်ႏခဲင်ꩻမုတ်အောင်ခါႏဖုံႏတွမ်ႏ ကောင်ပူႏပေႏဖုံႏ လောင်းတွော့ꩻ ခြောဝ်ဒျာႏ အငဝ်းတဲင် တွမ်ႏလုံးတူႏစဲင်ႏဖုံႏနဝ်ꩻ ဖြဲ့ꩻချာဒျာႏ အနမ်းသွူ။
6ဝွေꩻအဝ်ႏညာꩻ ပသာႏနေကချိန်ႏ ဝွေꩻထီႏ ဗွေႏယေသျုနဝ်ꩻမꩻ ဝွေꩻဖင်းလွေꩻတဲင် အုံအွပ်ꩻလင်ꩻစွဉ်ႏ ဗွေႏယေသျု ဆꩻငါတွော့ꩻ 7ခြောဝ်သန်စွဉ်ႏ အငဝ်း၊ “အထိုသွတ်ꩻ ဗွေႏဘုရာꩻပိုခို ဗွေႏယေသျု၊ နီဗွေႏ အဝ်ႏလိုႏခွေသွဉ်း တမုဲင်ꩻဟောင်း၊ ကွပ်စွဉ်ႏ ဗွေႏဘုရာꩻအတွက် ခွေတောင်ꩻပြန်ႏဒျာႏ နီဗွေႏ တွမ်ႏဖေႏတံႏမွိုန်းခွေ” နုဲင်းနဝ်ꩻသွူ။ ( 8ဝွေꩻကခြဝ်ဗာႏ နုဲင်းယိုနဝ်ꩻ ပွိုးတွော့ꩻ ဗွေႏယေသျု အဝ်ႏမိန်းဖေႏ၊ “လူꩻကုဲင် အဝ်ႏပါꩻခိုယိုအကို ထန်ႏထိုꩻဟုဲင်း”) နုဲင်းနဝ်ꩻအတွက်သွူ။ 9နဝ်ꩻမꩻ ဗွေႏယေသျုရီဝွေꩻ၊ “နာꩻမဉ်ꩻ တမုဲင်ꩻဟောင်း” နုဲင်းနဝ်ꩻသွူ။
ပါꩻခိုလဝ်းချာ၊ “ခွေမဉ်ꩻနဝ်ꩻထွာ ‘မွုပ်’ ၊ ပွိုးနီနဝ်ꩻ အဝ်ႏသော့ꩻအာငါႏ နဝ်ꩻကို” နုဲင်းနဝ်ꩻတဲင် 10အဝ်ႏအရပ်နဝ်ꩻကို ဖေႏကအွဉ်ႏစွꩻထန်ႏ ထိုꩻမွိုန်း ဝိညာဉ်ႏကုဲင်ဖုံႏနဝ်ꩻ ဝွေꩻအဝ်ႏတောင်ꩻပြန်ႏသွုပ် ဗွေႏယေသျုသွူ။
11နဝ်ꩻကိုနဝ်ꩻ ထော့ꩻအာငါႏ တစွိုꩻ အဝ်ႏဗော့ꩻနဝ်ꩻကို အဝ်ႏအံႏ အဆာႏ ကောင်ထျꩻနဝ်ꩻသွူ။ 12နဝ်ꩻမꩻ ဝိညာဉ်ႏကုဲင်ဖုံႏနဝ်ꩻ တောင်ꩻပြန်ႏ ဗွေႏယေသျု၊ “ဖေႏကအွဉ်ႏစွꩻလွေꩻနီ ထော့ꩻဖုံႏထျꩻတဲင် ဖေႏနီကနွို့သော့ꩻဗာႏ ထော့ꩻဖုံႏကို” နုဲင်းနဝ်ꩻသွူ။ 13ဝွေꩻဗွေႏ အွဉ်ႏစွꩻလွေꩻ ဝွေꩻသီးတဲင် ဝိညာဉ်ႏကုဲင်ဖုံႏ အဝ်ႏပါꩻခိုကိုနဝ်ꩻ ထန်ႏထိုꩻတဲင် နွို့သော့ꩻစွဉ်ႏ ထော့ꩻဖုံႏကိုသွူ။ ထော့ꩻတဖုံႏလွုမ်း ကားကအဝ်ႏ အဗာႏနီရေင်ရပ်နဝ်ꩻ ဖင်းတနဲဉ်လင်ꩻဝင်ꩻ နောင်ဖင်ႏ လဲင်းဖဲ့ꩻတွော့ꩻ ထဲ့လင်ꩻစွဉ်ႏ ထီနောင်ကိုတဲင် ဗဉ်သီထိုꩻလို့စွဉ်ႏ ထီနဝ်ꩻသွူ။ 14ပါꩻခို ကအဝ်ႏတီဒါႏထော့ꩻဖုံႏနဝ်ꩻ ဖင်းညာꩻထိုꩻတဲင် ဒေါ့ꩻကေႏညာႏ စွစ်ꩻစဲစ်ꩻစွဉ်ႏသတင်ꩻ ဝေင်ꩻကိုစွဉ်ႏ ခြံတုံးဖုံႏသွူ။ ဖေႏကထီႏ နုဲင်းထာꩻကထွာလွဉ်လဲဉ်း ဒါႏဖုံႏနဝ်ꩻ လိုꩻဖုံႏထန်ႏလွေꩻတဲင်၊ 15ဝွေꩻသီး ထွိုင်ႏဖျော်လွဉ် ဗွေႏယေသျုထျꩻချိန်ႏ ဝွေꩻသီးထီႏပါꩻ ‘မွုပ်’ လူꩻကုဲင် ကနွို့သော့ꩻဒါႏ ဝွေꩻအကိုသွူ။ ဝွေꩻအဝ်ႏအုံလင်ꩻထာꩻ နဝ်ꩻကို ကွဉ်ကꩻခွမ်ꩻလာꩻတွော့ꩻ ဝွေꩻသꩻမဲဉ်ႏလဲဉ်းနဝ်ꩻ ဝွေꩻသီး ကားကအဝ်ႏ ငမ်းသꩻငါႏနဝ်ꩻသွူ။ 16ပါꩻခို လူꩻကုဲင်ဖုံႏ ကစောင်ꩻဒါႏ စွဉ်ႏထော့ꩻဖုံႏ ထွာလွဉ်ထာꩻ နုဲင်းမုဲင်ꩻခရာႏ လိုꩻကထီႏဗာႏ လဲဉ်းသားဖုံႏနဝ်ꩻ အွဉ်ႏဒေါ့ꩻနယ်စွဉ်ႏ လိုꩻဖုံႏနဝ်ꩻသွူ။ 17နဝ်ꩻမꩻ ဖေႏကထန်ႏထိုꩻ ဝွေꩻသီး နယ်ႏကိုနဝ်ꩻ ဝွေꩻသီးတောင်ꩻပြန်ႏ ဗွေႏယေသျုနဝ်ꩻသွူ။ 18နုဲင်းဗွေႏယေသျု ကအဝ်ႏနွို့သော့ꩻဖြီကိုချိန်ႏ ပါꩻခိုလူꩻကုဲင် ကစောင်ꩻဗာႏဖိုလဲဉ်းဒါႏနဝ်ꩻ တောင်ꩻပြန်ႏဝွေꩻဗွေႏ၊ “ဖေႏခွေအခွင်ꩻ လွေꩻလွဉ်ꩻနီဗွေႏမွိုင်” နုဲင်းနဝ်ꩻသွူ။ 19ကွဲႏတွော့ꩻ ဗွေႏယေသျု ဖေႏလွေꩻလွဉ်ꩻတဝ်း ဝွေꩻနဝ်ꩻသွူ။ ကွပ်စွဉ်ႏ ဝွေꩻဗွေႏ အီႏဖေႏလွေꩻလွဉ်ꩻနဝ်ꩻ ဝွေꩻဗွေႏ ဒေါ့ꩻဖေႏတောဒျာႏဝွေꩻ၊ “ထာဝရဘုရာꩻ မာꩻဖေႏလဲဉ်းသွူ နာꩻတာႏ ခွိုင်းကားမုဲင်ꩻတွော့ꩻ ဝွေꩻဗွေႏ သညင်ꩻငါႏလဲဉ်း နာꩻလောင်း ခွိုင်းကားမုဲင်ꩻနဝ်ꩻ သဲင်ꩻချာလမ်း နာꩻတမွိုးဖါပိုစွိုꩻ ထျꩻတွော့ꩻ ဒေါ့ꩻနယ်ဖေႏသွော့ ဝွေꩻသီးဟုဲင်း” နုဲင်းနဝ်ꩻသွူ။
20နဝ်ꩻမꩻ ပါꩻခိုနဝ်ꩻထန်ႏတွော့ꩻ ဖျတ်လွေꩻစွဉ်ႏ ဝေင်ꩻအဖြုံႏ တဆီတဲင် နုဲင်းဗွေႏယေသျု ကမာꩻဖေႏလဲဉ်း ဝွေꩻတာႏနဝ်ꩻ ဒေါ့ꩻနယ်ဖေႏစွဉ်ႏသွူ။ လိုꩻကဟွိုန်ဗာႏ နဝ်ꩻဖုံႏသား ကားကအဝ်ႏနဝ်ꩻ အံႏဖြာႏမွေးနေးစွဉ်ႏ နဝ်ꩻသွူ။
ယာဣရုပိုမူႏတွမ်ႏပါꩻမူႏကခွိုင်းဒါႏဗွေႏယေသျုဆဲင်ꩻယွုံးတန်
(မတဲ ၉:၁၈–၂၆။ လုကာ ၈:၄၀–၅၆)
21ဗွေႏယေသျု ဖျတ်ကာႏ သဲင်ꩻချာယင်း ထီနောင်ဖင်ႏ ခတဖဲ့ꩻနဝ်ꩻသွူ။ ထီနောင်ဖင်ႏထျꩻနဝ်ꩻ လိုꩻစွိုꩻအာဖုံႏ စုဗူႏခူစွဉ်ႏ ဝွေꩻဗွေႏနဝ်ꩻသွူ။ 22တရာꩻစရွပ်လိုꩻတန် တဖြာꩻ ကမဉ်ယာဣရုနဝ်ꩻ ဖျော်လွဉ်တဲင် ဝွေꩻထွိုင်ႏထီႏ ဗွေႏယေသျုချိန်ႏ ဝွေꩻအွပ်ꩻလင်ꩻစွဉ်ႏ ဝွေꩻဗွေႏခင်ႏထျꩻတဲင်၊၊ 23ကွီတောင်ꩻပြန်ꩻ မွေးနေးစွဉ်ႏ ဝွေꩻဗွေႏ၊ “ခွေပိုမူႏပေႏနဝ်ꩻ အဝ်ႏဆော့တဝ် မွေးနေးစွဉ်ႏထာꩻ နဝ်ꩻသွူ။ မာꩻကေꩻဇူꩻတဲင် ကျွꩻလွဉ်တွော့ꩻ ဖေႏနေး ဝွေꩻမူႏ ကဟဝ်ချာ အသက် ဖေႏကမွန်ချာယင်းနဝ်ꩻ နီဗွေႏစူဖုံႏနဝ်ꩻ အွဉ်ႏဒင်ႏဖေႏ ဝွေꩻမူႏလောင်းမွိုင်” နုဲင်းနဝ်ꩻသွူ။ 24နဝ်ꩻထွူ ဗွေႏယေသျုစတဲင် လွေꩻလွဉ်ꩻစွဉ်ႏဝွေꩻ နဝ်ꩻသွူ။ လိုꩻဖုံႏ ကအဝ်ႏလွေꩻလွဉ်ꩻဒါႏစွဉ်ႏ ဗွေႏယေသျုနဝ်ꩻ အာငါႏလွဉ်ꩻနဝ်ꩻမꩻ ဝွေꩻသီး အဝ်ႏတနဲဉ်ခူ ဝွေꩻဗွေႏ စွုမ်ႏဖဲ့ꩻနဝ်ꩻသွူ။
25နဝ်ꩻကို ပါꩻမူႏတဖြာꩻ ခံႏစာꩻဗာႏမွေး ဟဝ်ငမ်းခရာႏ သွီႏအဝ်ႏထောက်ꩻရောႏဂါႏ လꩻတဆီနီနေင်ႏ အဝ်ႏနဝ်ꩻသွူ၊ 26ဝွေꩻမူႏနဝ်ꩻ လဲင်ꩻလုမ်ꩻလာꩻလဲဉ်းသွူ စွဉ်ႏ တသီႏဆရာႏဝွန်ႏဖုံႏနဝ်ꩻ အာငါႏသွူ။၊ ဝွေꩻမူႏခံႏလို့ ရွဉ်ဖုံႏနဝ်ꩻ အာငါႏလဲဉ်း၊ ကွဲႏတွော့ꩻ ကွပ်စွဉ်ႏ အီႏဟဝ်နဝ်ꩻ ဝွေꩻမူႏထာꩻဆာနဝ်ꩻ ယိန်းဟုဲင်းလွဉ်ထဲင်း တောဒျာႏနဝ်ꩻသွူ၊၊ 27ဝွေꩻမူႏအဝ်ႏဟွိုန် ဗွေႏယေသျုခရာႏ၊ နဝ်ꩻမꩻ ဝွေꩻမူႏလွဉ်သော့ꩻ လိုꩻစွိုꩻကို ဝွေꩻဗွေႏ ဆꩻချာနဝ်ꩻသွူ။၊ 28ဝွေꩻမူႏဒေါ့ꩻချာ အသꩻကို၊ “ခွေမဉ်ႏခွိုင်းဗာႏငါ ဝွေꩻဗွေႏ ခွမ်ꩻလာꩻဖုံႏငါနဝ်ꩻ ခွေအီႏဟဝ်ရေꩻဒျာႏ” နုဲင်းနဝ်ꩻသွူ။ 29ဝွေꩻမူႏနဝ်ꩻ ခွိုင်းဝွေꩻဗွေႏ ခွမ်ꩻလာꩻတဲင် ဝွေꩻမူႏသွီႏယွုတ်ꩻ ထိုꩻစွဉ်ႏ တလဲင်ႏချင်ꩻနဝ်ꩻသွူ။ နဝ်ꩻမꩻ ဝွေꩻမူႏထာꩻဒုက္ခ ဟဝ်ရေꩻလဲဉ်းနဝ်ꩻ ဝွေꩻမူႏ အဝ်ႏစံႏစာꩻဗာႏ အသꩻကိုသွူ။ 30တန်ꩻခိုꩻအဝ်ႏ ဝွေꩻဗွေႏကို ထန်ႏထိုꩻနဝ်ꩻ တလဲင်ႏချင်ꩻ ဗွေႏယေသျု အဝ်ႏသေနဝ်ꩻသွူ။ နဝ်ꩻမꩻ ဝွေꩻဗွေႏခွယ်ႏချာ လိုꩻစွိုꩻကိုတဲင်ရီ၊ “ပါꩻမုဲင်ꩻခွိုင်း ခွေခွမ်ꩻလာꩻဟောင်း” နုဲင်းနဝ်ꩻသွူ။
31ဝွေꩻဗွေႏ တပဲ့တောႏဖုံႏ လဝ်းချာ၊ “နီဗွေႏအဝ်ႏထီႏဒျာႏ လိုꩻဖုံႏအဝ်ႏတနဲဉ် နီဗွေႏသွူ။ ပွိုးတမုဲင်ꩻ နီဗွေႏရီဗာႏတွိုႏ ပါꩻမုဲင်ꩻခွိုင်းနီဗွေႏ နုဲင်းမုဲင်ꩻဟောင်း။”
32ကွဲႏတွော့ꩻ ဖေႏကထီႏ ပါꩻကခွိုင်းလဲဉ်းသားနဝ်ꩻ ဗွေႏယေသျု အဝ်ႏထွားခူသွုပ်ဒျာႏ နဝ်ꩻသွူ။ 33တွိုႏနဝ်ꩻ နုဲင်းဝွေꩻမူႏ ကအဝ်ႏထွာလဲဉ်းနဝ်ꩻ ဝွေꩻမူႏ သေစဲင်းချာ နဝ်ꩻမꩻ ဝွေꩻမူႏအဝ်ႏစွဉ်ႏ ထာꩻငမ်းသꩻတဲင် လွဉ်အွပ်ꩻလင်ꩻစွဉ်ႏ ဝွေꩻဗွေႏ ခင်ႏထျꩻတွော့ꩻ ဒေါ့ꩻနယ်စွဉ်ႏ ဝွေꩻဗွေႏ အမဲဉ်ႏအတွိုင်ꩻ နဝ်ꩻသွူ။၊ 34ဗွေႏယေသျု ဒေါ့ꩻဖေႏဝွေꩻမူႏ၊ “ခွေပိုမူႏ၊ နာꩻထာꩻယွုမ်းနဝ်ꩻ မာꩻဟဝ်လဲဉ်းနာꩻသွူ။ စွဉ်ႏထာꩻငိမ်ꩻခွꩻနဝ်ꩻ လွေꩻသꩻခွꩻခွꩻတဲင် နာꩻထာꩻဒုက္ခ အီႏဟဝ်ရေꩻဒျာႏ” နုဲင်းနဝ်ꩻသွူ။
35ဗွေႏယေသျု အဝ်ႏဒေါ့ꩻ နုဲင်းယိုကျာꩻနဝ်ꩻ သတင်ꩻဖေႏသား ယင်ဟန်ႏ အဝ်ႏယာဣရုလမ်း ဖျော်လွဉ်တဲင် ဒေါ့ꩻဖေႏဝွေꩻ၊ “နာꩻပိုမူႏနဝ်ꩻ သီထိုꩻလဲဉ်း၊ ပွိုးတမုဲင်ꩻ နာꩻအဝ်ႏမာꩻယပ်ꩻထဲင်း ဗာႏတွိုႏ ဆရာႏ နုဲင်းမုဲင်ꩻဟောင်း။
36နုဲင်းဝွေꩻသီး ကအဝ်ႏဒေါ့ꩻနဝ်ꩻ ဗွေႏယေသျု တနန်းခီတဝ်းတဲင် ဒေါ့ꩻဖေႏဝွေꩻ၊ “တွမ်ႏငမ်းသꩻမွိုန်း၊ ထာꩻယွုမ်းအဝ်ႏငါ” နုဲင်းနဝ်ꩻသွူ။ 37တွိုႏနဝ်ꩻ ပေါႏလွိုသွူ ပေတရု၊ ယာကုပ်တွမ်ႏ ဝွေꩻဖူးခို ယောဟန်နဝ်ꩻ လိုꩻလင် ဝွေꩻဗွေႏ တဖေႏလွေꩻလွဉ်ꩻတဝ်း တဖြာꩻဖြာꩻနဝ်ꩻသွူ။ 38ဝွေꩻသီး ထွိုင်ႏဖျော် ယာဣရုလမ်း ကိုနဝ်ꩻ ဗွေႏယေသျုထီႏ လိုꩻအဝ်ႏသျွုတ် တရေင်ထာꩻတဲင် အဝ်ႏငွိုးခြောဝ်သန်ထာꩻ၊ အဝ်ႏငွိုးကော့ꩻ ထာꩻဖုံႏနဝ်ꩻသွူ၊၊ 39ဝွေꩻဗွေႏနွို့သော့ꩻ ကောင်းကိုတဲင် ဒေါ့ꩻဖေႏဝွေꩻသီး၊ “ပွိုးတမုဲင်ꩻ သီအဝ်ႏသျွုတ် တရေင်ဗာႏတွိုႏထာꩻ နုဲင်းယိုဟောင်း။ ပွိုးတမုဲင်ꩻ သီအဝ်ႏငွိုး ဗာႏတွိုႏထာꩻဟောင်း။ လိုꩻပေႏနဝ်ꩻ တသီတဝ်း၊ ဝွေꩻမူႏ အဝ်ႏဗေင်ႏအွီႏဒျာႏထာꩻ” နုဲင်းနဝ်ꩻသွူ။
40ဝွေꩻသီးစတဲင် ပျက်သွမ်ꩻ ငရောင်စွဉ်ႏ ဝွေꩻဗွေႏ၊ နဝ်ꩻမꩻ ဝွေꩻဗွေႏ အွဉ်ႏထန်ႏထိုꩻလို့ ဝွေꩻသီး ကားကအဝ်ႏတွော့ꩻ ဟဲ့ꩻပါꩻမူႏပေႏ အဖါစွဉ်ႏ အမွိုး တွမ်ႏတပဲ့တောႏ ဝင်ꩻသွံတွော့ꩻ နွို့လွေꩻသော့ꩻစွဉ်ႏ အခန်ꩻကို၊ ပါꩻမူႏပေႏ ကအဝ်ႏဗေင်ႏလင်ꩻထာꩻ ခင်ႏလမ်းနဝ်ꩻသွူ။ 41တွမ်ႏဝွေꩻဗွေႏစူနဝ်ꩻ စွီႏပါꩻမူႏပေႏတဲင် ဒေါ့ꩻဖေႏပါꩻမူႏပေႏ၊ “တလိတကုမိ” အဓိပ္ပါယ်ႏနဝ်ꩻ ပါꩻမူႏပေႏ၊ ခွေဒေါ့ꩻဖေႏနာꩻ ထွိုင်ႏဟုဲင်း” နုဲင်းနဝ်ꩻသွူ။
42ဝွေꩻမူႏ ထွိုင်ႏစွဉ်ႏ တလဲင်ႏချင်ꩻတဲင် ထောင်လွေꩻခူစွဉ်ႏထာꩻနဝ်ꩻသွူ။ (ဝွေꩻမူႏနဝ်ꩻ အသက်အဝ်ႏလဲဉ်း တဆီနီနေင်ႏသွူ။) ထွိုင်ႏထွာထာꩻ နုဲင်းယိုချိန်ႏ ဝွေꩻသီး အံႏဖြာႏမွေးနေးစွဉ်ႏ နဝ်ꩻသွူ။ 43ကွဲႏတွော့ꩻ ဖေႏဝွေꩻသီး ကအွဉ်ႏဒေါ့ꩻနယ်မွိုန်း ပါꩻတဖြာꩻဖြာꩻနဝ်ꩻ ဗွေႏယေသျု မိန်းခြေင်းတဲင် ဝွေꩻဗွေႏဒေါ့ꩻ၊ “ဖေႏသွော့ ဝွေꩻမူႏ ထာꩻအံႏ တစွိုးစွိုးဟုဲင်း” နုဲင်းနဝ်ꩻသွူ။
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Pao Bible Common Language© Bible Society of Myanmar, 2019.