မာကု 16
16
အဝ်ႏထာꩻသီထွိုင်ႏမွန်လွဉ်ချာ
(မတဲ ၂၈:၁–၈။ လုကာ ၂၄:၁–၁၂။ ယောဟန် ၂၀:၁–၁၀)
1ဥပုသ်မွူးနီꩻ ထွိုင်ႏလဲဉ်းနဝ်ꩻ မာဂဒလ ဝေင်ꩻသားမူႏ မာရိ၊ ယာကုပ်အမွိုး မာရိတွမ်ႏ သာလိုမီနဝ်ꩻ ထူႏနမ်းမန်ꩻဟွမ်တွော့ꩻ လွေꩻတဲင် အီႏသူႏဖေႏ ဗွေႏယေသျု ရုပ်ခန္ဓာႏနဝ်ꩻသွူ။ 2တနင်ꩻနွေႏရဝ်ꩻ စဝ်းစဝ်း မွူးထန်ႏစနဝ်ꩻ ဝွေꩻသီးလွေꩻ သဲင်ႏခဲင်ꩻနဝ်ꩻသွူ။ 3-4တဖူꩻလောင်းနဝ်ꩻ ဝွေꩻသီး တဖြာꩻစွဉ်ႏတဖြာꩻ ဒေါ့ꩻဖေႏလို့ဝင်ꩻ၊ “လုံးတူႏတန် ကအဝ်ႏဒို့ꩻဒါႏ သဲင်ႏခဲင်ꩻအောင်နဝ်ꩻ ပါꩻမုဲင်ꩻ အီႏအွဉ်ႏတကြွီႏ ထိုꩻဖေႏနီဟောင်း” နုဲင်းနဝ်ꩻသွူ။ (လုံးတူႏနဝ်ꩻ တန်ငါႏနဝ်ꩻသွူ)။ နဝ်ꩻထွူ ဝွေꩻသီးထွိုင်ႏထွားနဝ်ꩻ ထီႏဗာႏ လုံးတူႏနဝ်ꩻ အဝ်ႏတကြွီႏညာꩻ ထိုꩻလဲဉ်းနဝ်ꩻသွူ။ 5နဝ်ꩻမꩻ ဝွေꩻသီးနွို့သော့ꩻ သဲင်ႏခဲင်ꩻကိုတဲင် ဝွေꩻသီး ထီႏဗာႏစွဉ်ႏ လိုꩻယွဲတဖြာꩻ အဝ်ႏအုံလင်ꩻထာꩻ အထွေဖဲ့ꩻ အဝ်ႏကွဉ်ကꩻစွဉ်ႏ ခွမ်ꩻလာꩻဗွာ ယွုံးဆွာꩻတဲင် ဝွေꩻသီး သꩻဝꩻစွဉ်ႏနဝ်ꩻသွူ။
6ဝွေꩻဒေါ့ꩻ၊ “တွမ်ႏငမ်းသꩻမွိုန်း၊ သီအဝ်ႏထုမ်ႏ နာဇရဲစ်ဝေင်ꩻသား ဗွေႏယေသျု ပါꩻကတွဲႏဒပ်ဒါႏ ကင်းထွန်ႏလောင်းနဝ်ꩻ ခွေအဝ်ႏသေ။ ဝွေꩻနဝ်ꩻ အဲဉ်ထဝ်းဒွုမ်ယိုကို၊ ဝွေꩻထွိုင်ႏမွန်လဲဉ်း။ ထွားဟုဲင်း ယိုနဝ်ꩻထွာဒျာႏ ကအဝ်ႏအွဉ်ႏခါꩻဒါႏဝွေꩻ ခင်ႏလမ်းသွူ။ 7#မ ၂၆:၃၂၊ မာ ၁၄:၂၈။ ယိုခါလွေꩻတဲင် ငဝ်းသတင်ꩻယိုနဝ်ꩻ ဒေါ့ꩻဖေႏသွော့ ဝွေꩻဗွေႏ တပဲ့တောႏဖုံႏတွမ်ႏ ပေတရုနဝ်ꩻဟုဲင်း။ ‘ဝွေꩻဗွေႏနဝ်ꩻ လွေꩻရီးလဲဉ်းသီ ကာလိလဲခမ်း။ နုဲင်းဝွေꩻဗွေႏ ကအဝ်ႏဒေါ့ꩻ သေꩻခါꩻလဲဉ်း သီအတွိုင်ꩻ သီအီႏထီႏဗာႏ ဝွေꩻဗွေႏနဝ်ꩻကို’” နုဲင်းနဝ်ꩻသွူ။
8နဝ်ꩻမꩻ ဝွေꩻသီးအဝ်ႏစွဉ်ႏ ထာꩻသꩻကုဲင်တွမ်ႏ ထာꩻငမ်းတဲင် အဝ်ႏသဲင်ႏခဲင်ꩻအောင်ကိုနဝ်ꩻ ထန်ႏတဲင် ဖင်းထိုꩻစွဉ်ႏသွူ။ ကွပ်ပွိုး ဝွေꩻသီး ငမ်းသꩻငါႏနဝ်ꩻမꩻ ဝွေꩻသီး တဒေါ့ꩻဖေႏတဝ်း ပါꩻတဖြာꩻဖြာꩻနဝ်ꩻသွူ။
သတင်ꩻဟဝ်ကျမ်ꩻအလီꩻတစောင်ႏနဝ်ꩻအွဉ်ႏသွတ်ꩻယိုကိုသွူ
၁၆:၉–၂၀
ဗွေႏယေသျုပေါႏနယ်ဖေႏမာဂဒလဝေင်ꩻသားမူႏမာရိ
(မတဲ၂၈:၉–၁၀။ ယောဟန် ၂၀:၁၁–၁၈)
[ 9တနင်ꩻနွေႏရဝ်ꩻ စဝ်းစဝ်းနဝ်ꩻ ဗွေႏယေသျု အဝ်ႏထာꩻသီကို ထွိုင်ႏမွန်လွဉ်ချာထွူ ဝွေꩻဗွေႏ ပေါႏနယ်ဖေႏ မာဂဒလ ဝေင်ꩻသားမူႏ မာရိ၊ ပါꩻမူႏ ဝွေꩻဗွေႏ ကအဝ်ႏဝါးထန်ႏထိုꩻ ဖေႏလဲဉ်းဒါႏ လူꩻကုဲင်ဖုံႏ ဝင်ꩻနွတ်ꩻနဝ်ꩻသွူ။ 10ဝွေꩻမူႏလွေꩻတဲင် အွဉ်ႏဒေါ့ꩻနယ် အသွꩻစွိုꩻဖုံႏသွူ။ ဝွေꩻသီး အဝ်ႏသꩻပေႏ သောင်ခြင်ꩻထာꩻတဲင် အဝ်ႏငွိုးထာꩻဖုံႏနဝ်ꩻသွူ။ 11နဝ်ꩻမꩻ ဝွေꩻသီး ထွိုင်ႏဟွိုန် ဝွေꩻမူႏကဒေါ့ꩻဒါႏ ဗွေႏယေသျု အသက်အဝ်ႏမွန်ဒျာႏတွော့ꩻ ဝွေꩻမူႏထီႏဗာႏလဲဉ်း ဝွေꩻဗွေႏကျောင်ꩻနဝ်ꩻ ဝွေꩻသီး တယွုမ်းတဝ်း ဝွေꩻမူႏငဝ်းသွူ။
ဗွေႏယေသျုပေါႏနယ်ထေ့ဖေႏတပဲ့တောႏဝင်ꩻနီ
(လုကာ ၂၄:၁၃–၃၅)
12ယိုထွူ ဗွေႏယေသျု မာꩻဆန်ꩻအနမ်း ပေါႏနယ်ဖေႏ ဝွေꩻသီး ဝင်ꩻနီကျာꩻနဝ်ꩻ ဝွေꩻသီး အဝ်ႏတဖူꩻလောင်း ကလွေꩻဒါႏဒုံနဝ်ꩻသွူ။ 13ဝွေꩻသီး သဲင်ꩻချာတဲင် ဒေါ့ꩻနယ်ဖေႏ လိုꩻလင်ဖုံႏ၊ ကွဲႏတွော့ꩻ ထာꩻယိုနဝ်ꩻ အတယွုမ်းတဝ်းနဝ်ꩻသွူ။
ဗွေႏယေသျုပေါႏနယ်ဖေႏတပဲ့တောႏတဆီပုဲင်ဖြာꩻ
(မတဲ ၂၈:၁၆–၂၀။ လုကာ ၂၄:၃၆–၄၉။ ယောဟန် ၂၀:၁၉–၂၃။ တ ၁:၆–၈)
14အဆုဲင်ꩻသွတ်ꩻ တပဲ့တောႏ တဆီပုဲင်တဖြာꩻ အဝ်ႏအံႏ ထာꩻအံႏချိန်ႏနဝ်ꩻ ဗွေႏယေသျု ပေါႏနယ်ဖေႏ ဝွေꩻသီးသွူ။ ပွိုးတွော့ꩻ ဝွေꩻသီး ထာꩻယွုမ်း အဲဉ်ထဝ်းတဲင် ဝွေꩻသီး သꩻနုတ်ငါႏလွဉ်ꩻ အတွက် လိုꩻဖုံႏထီႏဗာႏလဲဉ်း ဝွေꩻဗွေႏအသက် အဝ်ႏမွန်ကျောင်ꩻနဝ်ꩻ တယွုမ်းတဝ်းနဝ်ꩻမꩻ ဝွေꩻဗွေႏခွန်းနယ်ꩻ ဝွေꩻသီးသွူ။ 15#တ ၁:၈။ ဝွေꩻဗွေႏ ဒေါ့ꩻဖေႏဝွေꩻသီး၊ “လွေꩻစွစ်ꩻစဲစ်ꩻ တဟံႏတန်လွုမ်းတဲင် ဟော်ꩻဖေႏသွော့ လိုꩻကားကအဝ်ႏ သတင်ꩻဟဝ်ဟုဲင်း။ 16ပါꩻမုဲင်ꩻယွုမ်းတဲင် ခံႏဗတ္တိဇံႏထီ မင်္ဂလာႏသားဖုံႏနဝ်ꩻ အီႏလꩻထာꩻကယ်ႏတင်ႏသွူ။ ပါꩻမုဲင်ꩻ မဉ်ႏတယွုမ်းတဝ်းနဝ်ꩻ အီႏခံႏဗာႏ အပဲစ်တံႏ ထာꩻစီႏရင်ႏနဝ်ꩻသွူ။ 17လိုꩻကယွုမ်းသားဖုံႏနဝ်ꩻ ဖေႏကမာꩻနယ်နွောင်ꩻ နိမိတ်လက္ခဏာႏ ထာꩻအံႏဖြာႏခရာႏနဝ်ꩻ အီႏဖေႏတန်ꩻခိုꩻနဝ်ꩻသွူ။ စွဉ်ႏခွေအမဉ်ꩻနာႏမနဝ်ꩻ ဝွေꩻသီး အီႏဝါးထန်ႏထိုꩻ လူꩻကုဲင်ဖုံႏသွူ။ ဝွေꩻသီး အီႏဒေါ့ꩻနွောင်ꩻ ငဝ်းထူꩻဆန်ဖုံႏသွူ။ 18ဝွေꩻသီးမဉ်ႏဆွမ်ꩻ ရူးတဲ့နဝ်ꩻ အွꩻအစွူႏ တစွိုးစွိုးတဲ့နဝ်ꩻ ဝွေꩻသီး အီႏတဆာဗာႏတဝ်းသွူ။ ဝွေꩻသီး အီႏအွဉ်ႏဒင်ႏ အစူ လိုꩻဆာလောင်းတဲင် ထာꩻဆာဖုံႏယို အီႏဟဝ်ရေꩻ” နုဲင်းနဝ်ꩻသွူ။
ဗွေႏယေသျုကျွꩻထင်ႏခမ်းထီမို့ꩻလောင်း
(လုကာ ၂၃:၅၀–၅၃။ တ ၁:၉–၁၁)
19 #
တ ၁:၉–၁၁။ ထာဝရဘုရာꩻ ဗွေႏယေသျု ဒေါ့ꩻဖေႏဝွေꩻသီး ထွိုင်ႏထွူနဝ်ꩻ ဝွေꩻဗွေႏကျွꩻထင်ႏ ခမ်းထီမို့ꩻလောင်းတဲင် အုံလင်ဗွေႏဘုရာꩻ စူထွေဖဲ့ꩻသွူ။ 20တပဲ့တောႏဖုံႏနဝ်ꩻ လွေꩻတွော့ꩻ ဟော်ꩻစွဉ်ႏတရာꩻ ခင်ႏလမ်းစွုမ်ႏထွောင်းတဲင်၊ ထာဝရဘုရာꩻ အဝ်ႏမာꩻငီꩻထာꩻမာꩻ တွမ်ႏဝွေꩻသီးတွော့ꩻ မာꩻနယ်နေးစွဉ်ႏ နိမိတ်လက္ခဏာႏတဲင် ဝွေꩻသီး ကအဝ်ႏဟော်ꩻနဝ်ꩻ အဝ်ႏမဲဉ်ႏဒျာႏကျောင်ꩻ ခံႏဖေႏသက်သေႏသွူ။]
အွဉ်ႏသွတ်ꩻခန်ꩻအလီꩻအလင်
(၁၆:၉–၁၀)
[ 9ပါꩻမူႏဖုံႏ လွေꩻထေ့ ပေတရုစွဉ်ႏ ဝွေꩻအသွꩻဖုံႏထျꩻတဲင် ဝွေꩻသီး ကအဝ်ႏဒေါ့ꩻနယ်ဒါႏဖုံႏ ကားကအဝ်ႏနဝ်ꩻ ဒေါ့ꩻနယ်ဖေႏ ဝွေꩻသီး အချုပ်နဝ်ꩻသွူ။ 10ယိုထွူနဝ်ꩻ ဓမ္မဝွတ်တွမ်ႏ အသက်ကအဝ်ႏမွန်ဒါႏ ထာဝရ ထာꩻကယ်ႏတင်ႏ ငဝ်းသတင်ꩻနဝ်ꩻ ဗွေႏယေသျုနမ်း အွဉ်ႏစွꩻထန်ႏ ဝွေꩻဗွေႏတပဲ့တောႏဖုံႏ ဆꩻကွဉ်ႏဖဲ့ꩻ ဆꩻတွို့ꩻဖဲ့ꩻသွူ။]
ទើបបានជ្រើសរើសហើយ៖
မာကု 16: PBCL
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Pao Bible Common Language© Bible Society of Myanmar, 2019.
မာကု 16
16
အဝ်ႏထာꩻသီထွိုင်ႏမွန်လွဉ်ချာ
(မတဲ ၂၈:၁–၈။ လုကာ ၂၄:၁–၁၂။ ယောဟန် ၂၀:၁–၁၀)
1ဥပုသ်မွူးနီꩻ ထွိုင်ႏလဲဉ်းနဝ်ꩻ မာဂဒလ ဝေင်ꩻသားမူႏ မာရိ၊ ယာကုပ်အမွိုး မာရိတွမ်ႏ သာလိုမီနဝ်ꩻ ထူႏနမ်းမန်ꩻဟွမ်တွော့ꩻ လွေꩻတဲင် အီႏသူႏဖေႏ ဗွေႏယေသျု ရုပ်ခန္ဓာႏနဝ်ꩻသွူ။ 2တနင်ꩻနွေႏရဝ်ꩻ စဝ်းစဝ်း မွူးထန်ႏစနဝ်ꩻ ဝွေꩻသီးလွေꩻ သဲင်ႏခဲင်ꩻနဝ်ꩻသွူ။ 3-4တဖူꩻလောင်းနဝ်ꩻ ဝွေꩻသီး တဖြာꩻစွဉ်ႏတဖြာꩻ ဒေါ့ꩻဖေႏလို့ဝင်ꩻ၊ “လုံးတူႏတန် ကအဝ်ႏဒို့ꩻဒါႏ သဲင်ႏခဲင်ꩻအောင်နဝ်ꩻ ပါꩻမုဲင်ꩻ အီႏအွဉ်ႏတကြွီႏ ထိုꩻဖေႏနီဟောင်း” နုဲင်းနဝ်ꩻသွူ။ (လုံးတူႏနဝ်ꩻ တန်ငါႏနဝ်ꩻသွူ)။ နဝ်ꩻထွူ ဝွေꩻသီးထွိုင်ႏထွားနဝ်ꩻ ထီႏဗာႏ လုံးတူႏနဝ်ꩻ အဝ်ႏတကြွီႏညာꩻ ထိုꩻလဲဉ်းနဝ်ꩻသွူ။ 5နဝ်ꩻမꩻ ဝွေꩻသီးနွို့သော့ꩻ သဲင်ႏခဲင်ꩻကိုတဲင် ဝွေꩻသီး ထီႏဗာႏစွဉ်ႏ လိုꩻယွဲတဖြာꩻ အဝ်ႏအုံလင်ꩻထာꩻ အထွေဖဲ့ꩻ အဝ်ႏကွဉ်ကꩻစွဉ်ႏ ခွမ်ꩻလာꩻဗွာ ယွုံးဆွာꩻတဲင် ဝွေꩻသီး သꩻဝꩻစွဉ်ႏနဝ်ꩻသွူ။
6ဝွေꩻဒေါ့ꩻ၊ “တွမ်ႏငမ်းသꩻမွိုန်း၊ သီအဝ်ႏထုမ်ႏ နာဇရဲစ်ဝေင်ꩻသား ဗွေႏယေသျု ပါꩻကတွဲႏဒပ်ဒါႏ ကင်းထွန်ႏလောင်းနဝ်ꩻ ခွေအဝ်ႏသေ။ ဝွေꩻနဝ်ꩻ အဲဉ်ထဝ်းဒွုမ်ယိုကို၊ ဝွေꩻထွိုင်ႏမွန်လဲဉ်း။ ထွားဟုဲင်း ယိုနဝ်ꩻထွာဒျာႏ ကအဝ်ႏအွဉ်ႏခါꩻဒါႏဝွေꩻ ခင်ႏလမ်းသွူ။ 7#မ ၂၆:၃၂၊ မာ ၁၄:၂၈။ ယိုခါလွေꩻတဲင် ငဝ်းသတင်ꩻယိုနဝ်ꩻ ဒေါ့ꩻဖေႏသွော့ ဝွေꩻဗွေႏ တပဲ့တောႏဖုံႏတွမ်ႏ ပေတရုနဝ်ꩻဟုဲင်း။ ‘ဝွေꩻဗွေႏနဝ်ꩻ လွေꩻရီးလဲဉ်းသီ ကာလိလဲခမ်း။ နုဲင်းဝွေꩻဗွေႏ ကအဝ်ႏဒေါ့ꩻ သေꩻခါꩻလဲဉ်း သီအတွိုင်ꩻ သီအီႏထီႏဗာႏ ဝွေꩻဗွေႏနဝ်ꩻကို’” နုဲင်းနဝ်ꩻသွူ။
8နဝ်ꩻမꩻ ဝွေꩻသီးအဝ်ႏစွဉ်ႏ ထာꩻသꩻကုဲင်တွမ်ႏ ထာꩻငမ်းတဲင် အဝ်ႏသဲင်ႏခဲင်ꩻအောင်ကိုနဝ်ꩻ ထန်ႏတဲင် ဖင်းထိုꩻစွဉ်ႏသွူ။ ကွပ်ပွိုး ဝွေꩻသီး ငမ်းသꩻငါႏနဝ်ꩻမꩻ ဝွေꩻသီး တဒေါ့ꩻဖေႏတဝ်း ပါꩻတဖြာꩻဖြာꩻနဝ်ꩻသွူ။
သတင်ꩻဟဝ်ကျမ်ꩻအလီꩻတစောင်ႏနဝ်ꩻအွဉ်ႏသွတ်ꩻယိုကိုသွူ
၁၆:၉–၂၀
ဗွေႏယေသျုပေါႏနယ်ဖေႏမာဂဒလဝေင်ꩻသားမူႏမာရိ
(မတဲ၂၈:၉–၁၀။ ယောဟန် ၂၀:၁၁–၁၈)
[ 9တနင်ꩻနွေႏရဝ်ꩻ စဝ်းစဝ်းနဝ်ꩻ ဗွေႏယေသျု အဝ်ႏထာꩻသီကို ထွိုင်ႏမွန်လွဉ်ချာထွူ ဝွေꩻဗွေႏ ပေါႏနယ်ဖေႏ မာဂဒလ ဝေင်ꩻသားမူႏ မာရိ၊ ပါꩻမူႏ ဝွေꩻဗွေႏ ကအဝ်ႏဝါးထန်ႏထိုꩻ ဖေႏလဲဉ်းဒါႏ လူꩻကုဲင်ဖုံႏ ဝင်ꩻနွတ်ꩻနဝ်ꩻသွူ။ 10ဝွေꩻမူႏလွေꩻတဲင် အွဉ်ႏဒေါ့ꩻနယ် အသွꩻစွိုꩻဖုံႏသွူ။ ဝွေꩻသီး အဝ်ႏသꩻပေႏ သောင်ခြင်ꩻထာꩻတဲင် အဝ်ႏငွိုးထာꩻဖုံႏနဝ်ꩻသွူ။ 11နဝ်ꩻမꩻ ဝွေꩻသီး ထွိုင်ႏဟွိုန် ဝွေꩻမူႏကဒေါ့ꩻဒါႏ ဗွေႏယေသျု အသက်အဝ်ႏမွန်ဒျာႏတွော့ꩻ ဝွေꩻမူႏထီႏဗာႏလဲဉ်း ဝွေꩻဗွေႏကျောင်ꩻနဝ်ꩻ ဝွေꩻသီး တယွုမ်းတဝ်း ဝွေꩻမူႏငဝ်းသွူ။
ဗွေႏယေသျုပေါႏနယ်ထေ့ဖေႏတပဲ့တောႏဝင်ꩻနီ
(လုကာ ၂၄:၁၃–၃၅)
12ယိုထွူ ဗွေႏယေသျု မာꩻဆန်ꩻအနမ်း ပေါႏနယ်ဖေႏ ဝွေꩻသီး ဝင်ꩻနီကျာꩻနဝ်ꩻ ဝွေꩻသီး အဝ်ႏတဖူꩻလောင်း ကလွေꩻဒါႏဒုံနဝ်ꩻသွူ။ 13ဝွေꩻသီး သဲင်ꩻချာတဲင် ဒေါ့ꩻနယ်ဖေႏ လိုꩻလင်ဖုံႏ၊ ကွဲႏတွော့ꩻ ထာꩻယိုနဝ်ꩻ အတယွုမ်းတဝ်းနဝ်ꩻသွူ။
ဗွေႏယေသျုပေါႏနယ်ဖေႏတပဲ့တောႏတဆီပုဲင်ဖြာꩻ
(မတဲ ၂၈:၁၆–၂၀။ လုကာ ၂၄:၃၆–၄၉။ ယောဟန် ၂၀:၁၉–၂၃။ တ ၁:၆–၈)
14အဆုဲင်ꩻသွတ်ꩻ တပဲ့တောႏ တဆီပုဲင်တဖြာꩻ အဝ်ႏအံႏ ထာꩻအံႏချိန်ႏနဝ်ꩻ ဗွေႏယေသျု ပေါႏနယ်ဖေႏ ဝွေꩻသီးသွူ။ ပွိုးတွော့ꩻ ဝွေꩻသီး ထာꩻယွုမ်း အဲဉ်ထဝ်းတဲင် ဝွေꩻသီး သꩻနုတ်ငါႏလွဉ်ꩻ အတွက် လိုꩻဖုံႏထီႏဗာႏလဲဉ်း ဝွေꩻဗွေႏအသက် အဝ်ႏမွန်ကျောင်ꩻနဝ်ꩻ တယွုမ်းတဝ်းနဝ်ꩻမꩻ ဝွေꩻဗွေႏခွန်းနယ်ꩻ ဝွေꩻသီးသွူ။ 15#တ ၁:၈။ ဝွေꩻဗွေႏ ဒေါ့ꩻဖေႏဝွေꩻသီး၊ “လွေꩻစွစ်ꩻစဲစ်ꩻ တဟံႏတန်လွုမ်းတဲင် ဟော်ꩻဖေႏသွော့ လိုꩻကားကအဝ်ႏ သတင်ꩻဟဝ်ဟုဲင်း။ 16ပါꩻမုဲင်ꩻယွုမ်းတဲင် ခံႏဗတ္တိဇံႏထီ မင်္ဂလာႏသားဖုံႏနဝ်ꩻ အီႏလꩻထာꩻကယ်ႏတင်ႏသွူ။ ပါꩻမုဲင်ꩻ မဉ်ႏတယွုမ်းတဝ်းနဝ်ꩻ အီႏခံႏဗာႏ အပဲစ်တံႏ ထာꩻစီႏရင်ႏနဝ်ꩻသွူ။ 17လိုꩻကယွုမ်းသားဖုံႏနဝ်ꩻ ဖေႏကမာꩻနယ်နွောင်ꩻ နိမိတ်လက္ခဏာႏ ထာꩻအံႏဖြာႏခရာႏနဝ်ꩻ အီႏဖေႏတန်ꩻခိုꩻနဝ်ꩻသွူ။ စွဉ်ႏခွေအမဉ်ꩻနာႏမနဝ်ꩻ ဝွေꩻသီး အီႏဝါးထန်ႏထိုꩻ လူꩻကုဲင်ဖုံႏသွူ။ ဝွေꩻသီး အီႏဒေါ့ꩻနွောင်ꩻ ငဝ်းထူꩻဆန်ဖုံႏသွူ။ 18ဝွေꩻသီးမဉ်ႏဆွမ်ꩻ ရူးတဲ့နဝ်ꩻ အွꩻအစွူႏ တစွိုးစွိုးတဲ့နဝ်ꩻ ဝွေꩻသီး အီႏတဆာဗာႏတဝ်းသွူ။ ဝွေꩻသီး အီႏအွဉ်ႏဒင်ႏ အစူ လိုꩻဆာလောင်းတဲင် ထာꩻဆာဖုံႏယို အီႏဟဝ်ရေꩻ” နုဲင်းနဝ်ꩻသွူ။
ဗွေႏယေသျုကျွꩻထင်ႏခမ်းထီမို့ꩻလောင်း
(လုကာ ၂၃:၅၀–၅၃။ တ ၁:၉–၁၁)
19 #
တ ၁:၉–၁၁။ ထာဝရဘုရာꩻ ဗွေႏယေသျု ဒေါ့ꩻဖေႏဝွေꩻသီး ထွိုင်ႏထွူနဝ်ꩻ ဝွေꩻဗွေႏကျွꩻထင်ႏ ခမ်းထီမို့ꩻလောင်းတဲင် အုံလင်ဗွေႏဘုရာꩻ စူထွေဖဲ့ꩻသွူ။ 20တပဲ့တောႏဖုံႏနဝ်ꩻ လွေꩻတွော့ꩻ ဟော်ꩻစွဉ်ႏတရာꩻ ခင်ႏလမ်းစွုမ်ႏထွောင်းတဲင်၊ ထာဝရဘုရာꩻ အဝ်ႏမာꩻငီꩻထာꩻမာꩻ တွမ်ႏဝွေꩻသီးတွော့ꩻ မာꩻနယ်နေးစွဉ်ႏ နိမိတ်လက္ခဏာႏတဲင် ဝွေꩻသီး ကအဝ်ႏဟော်ꩻနဝ်ꩻ အဝ်ႏမဲဉ်ႏဒျာႏကျောင်ꩻ ခံႏဖေႏသက်သေႏသွူ။]
အွဉ်ႏသွတ်ꩻခန်ꩻအလီꩻအလင်
(၁၆:၉–၁၀)
[ 9ပါꩻမူႏဖုံႏ လွေꩻထေ့ ပေတရုစွဉ်ႏ ဝွေꩻအသွꩻဖုံႏထျꩻတဲင် ဝွေꩻသီး ကအဝ်ႏဒေါ့ꩻနယ်ဒါႏဖုံႏ ကားကအဝ်ႏနဝ်ꩻ ဒေါ့ꩻနယ်ဖေႏ ဝွေꩻသီး အချုပ်နဝ်ꩻသွူ။ 10ယိုထွူနဝ်ꩻ ဓမ္မဝွတ်တွမ်ႏ အသက်ကအဝ်ႏမွန်ဒါႏ ထာဝရ ထာꩻကယ်ႏတင်ႏ ငဝ်းသတင်ꩻနဝ်ꩻ ဗွေႏယေသျုနမ်း အွဉ်ႏစွꩻထန်ႏ ဝွေꩻဗွေႏတပဲ့တောႏဖုံႏ ဆꩻကွဉ်ႏဖဲ့ꩻ ဆꩻတွို့ꩻဖဲ့ꩻသွူ။]
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Pao Bible Common Language© Bible Society of Myanmar, 2019.