မာကု 15
15
ဗွေႏယေသျုဖျော်လွေꩻခွန်ပိလတ်ဆꩻငါ
(မတဲ ၂၇:၁–၂၊၁၁-၁၄။ လုကာ ၂၃:၁–၅။ ယောဟန် ၁၈:၂၈–၃၈)
1မွူးရဝ်ꩻခိုႏ စဝ်းစဝ်း ယဇ်ပရောဟိတ်တန်ဖုံႏ မော့ꩻခွဲမွိုင်စွဉ်ႏ လိုꩻတန်ဖုံႏ၊ ကျမ်ꩻဒါႏဆရာႏဖုံႏတွမ်ႏ ကောင်စီတစွိုꩻလွုမ်းတွော့ꩻ ဝွေꩻသီးမာꩻစွဉ်ႏ အစီႏစဲဉ်ႏသွူ။ ဝွေꩻသီးစွိုင် ဗွေႏယေသျု စွဉ်ႏတဖြွီꩻပသီႏချင်ꩻ၊ အွဉ်လွေꩻညာꩻ ဝွေꩻဗွေႏတဲင် ဝွေꩻဗွေႏနဝ်ꩻ အပ်သော့ꩻစွဉ်ႏ ခွန်ပိလတ်အစူကိုသွူ။ 2ခွန်ပိလတ်ရီ ဝွေꩻ၊ နာꩻနဝ်ꩻထွာ ဂျူးခွန်တန် မွေးနေဟောင်း” နုဲင်းနဝ်ꩻတဲင်၊
ဗွေႏယေသျု လဝ်းချာ၊ “နုဲင်းနာꩻကရိုꩻနဝ်ꩻမွေး” နုဲင်းနဝ်ꩻသွူ။
3ယဇ်ပရောဟိတ်ဖုံႏ အဝ်ႏစွဲꩻတရာꩻ ဗွေႏယေသျုနဝ်ꩻ အာစွိုးငါႏသွူ။ 4နဝ်ꩻမꩻ ခွန်ပိလတ် ရီဖျင် ဝွေꩻဗွေႏတလဲင်ႏ၊ “နာꩻတလဝ်းချာတဝ်း နုဲင်းမုဲင်ꩻဟောင်း။ ဝွေꩻသီး ကစွဲꩻတရာꩻဒါႏနာꩻ ကားကအဝ်ႏနဝ်ꩻ နာႏဟုဲင်း” နုဲင်းနဝ်ꩻသွူ။
5ဗွေႏယေသျု တလဝ်းချာထဲင်းတဝ်း ငဝ်းတငွါငွါတဲင် ခွန်ပိလတ်နဝ်ꩻ အံႏဖြာႏမွေးနေးစွဉ်ႏ နဝ်ꩻသွူ။
စီႏရင်ႏဆွုံꩻဖျတ်ဖေႏဗွေႏယေသျုထာꩻသီတံႏ
(မတဲ ၂၇:၁၅–၂၆။ လုကာ ၂၃:၁၃–၂၅။ ယောဟန် ၁၈:၃၉—၁၉:၁၆)
6ပွယ်ꩻပတ္တခါ စွုမ်ႏလဲင်ႏ ခွန်ပိလတ် အဝ်ႏအွဉ်ႏစွꩻလွစ် သေႏသေႏဖေႏဒျာႏ လိုꩻဖုံႏကကွီဒါႏ ထောင်ႏသား တဖြာꩻဖြာꩻနဝ်ꩻသွူ။ 7အချိန်ႏနဝ်ꩻနဝ်ꩻ ပါꩻခိုတဖြာꩻ ကမဉ်ဗာရဗ္ဗနဝ်ꩻ အဝ်ႏတောႏလန်ႏ၊ မာꩻသျွုတ်တရေင်ထာꩻ၊ အပဲစ်သားတဖြာꩻ ကမာꩻသီလိုꩻနဝ်ꩻ အဝ်ႏခံသော့ꩻ ထောင်ႏကိုနဝ်ꩻသွူ။ 8ပွယ်ꩻကျာꩻ နုဲင်းအစဉ်ႏ ကအဝ်ႏအတွိုင်ꩻ လိုꩻဖုံႏထွိုင်ႏစုဗူႏလို့ဝင်ꩻ အီႏကွီထေ့ ခွန်ပိလတ်ချိန်ႏ၊ 9ဝွေꩻရီဝွေꩻသီး၊ သီတာႏနဝ်ꩻ သီမဉ်အွဉ်ႏခွေ အွဉ်ႏစွꩻလွစ်ဖေႏ ဂျူးခွန်တန်နဝ်ꩻနဲ့ဟောင်း” နုဲင်းနဝ်ꩻသွူ။ 10ကွပ်ပွိုး ယဇ်ပရောဟိတ်တန်ဖုံႏနဝ်ꩻ ဝွေꩻသီးတကေး ဗွေႏယေသျု အတွက် ဆွမ်ꩻဝွေꩻဗွေႏတွော့ꩻ အပ်ဖေႏဝွေꩻကျောင်ꩻနဝ်ꩻ ခွန်ပိလတ် အဝ်ႏသေစဲင်းနဝ်ꩻသွူ။
11ကွဲႏတွော့ꩻ ယဇ်ပရောဟိတ်ဖုံႏနဝ်ꩻ တမာလိုꩻစွိုꩻဖုံႏ၊ ထွဉ်ႏကွီခွန်ပိလတ်၊ ဝွေꩻသီးတာႏနဝ်ꩻ ဖေႏကအွဉ်ႏစွꩻလွစ် တောဒျာႏ ဗာရဗ္ဗ နဝ်ꩻသွူ။ 12ခွန်ပိလတ်နဝ်ꩻ ဒေါ့ꩻဖေႏဖျင် လိုꩻစွိုꩻတလဲင်ႏ၊ “တွိုႏနဝ်ꩻ ပါꩻအဖြာꩻ သီကဟဲ့ꩻဒါႏ ဂျူးခွန်တန်နဝ်ꩻ သီမဉ်အွဉ်ႏခွေမာꩻ နုဲင်းမုဲင်ꩻဟောင်း” နုဲင်းနဝ်ꩻသွူ။
13ဝွေꩻသီးခြဝ်ချာ၊ “မာꩻသီဝွေꩻ ကင်းထွန်ႏလောင်းဟုဲင်း” နုဲင်းနဝ်ꩻသွူ။
14“ကွဲႏတွော့ꩻ၊ ဝွေꩻပဲစ်မာႏ ရာႏဇဝွတ်မုပဲစ် တမုဲင်ꩻဟောင်း” ခွန်ပိလတ်ရီ နုဲင်းနဝ်ꩻသွူ။
ဝွေꩻသီး ကားကအဝ်ႏ ကယိန်းခြောဝ်သန် ထဲင်းတဲင်၊ “တွဲႏဒပ်ဝွေꩻ ကင်းထွန်ႏလောင်း ဟုဲင်း” နုဲင်းနဝ်ꩻသွူ။
15ခွန်ပိလတ် မဉ်မာꩻပြေႏသꩻဖေႏ လိုꩻစွိုꩻဖုံႏ၊ နဝ်ꩻမꩻ ဝွေꩻသီးတာႏနဝ်ꩻ ဝွေꩻအွဉ်ႏစွꩻလွစ်ဖေႏ ဗာရဗ္ဗနဝ်ꩻသွူ။ နဝ်ꩻထွူ ဝွေꩻအွဉ်ႏတွဲႏ ဗွေႏယေသျုတဲင် ဖေႏကမာꩻသီထိုꩻ ကင်းထွန်ႏလောင်းနဝ်ꩻ အပ်စွဉ်ႏ ဝွေꩻဗွေႏနဝ်ꩻသွူ။
စဲ့ꩻသားဖုံႏပျက်သွမ်ꩻဗွေႏယေသျု
(မတဲ ၂၇:၂၇–၃၁။ ယောဟန် ၁၉: ၂-၃)
16စဲ့ꩻသားဖုံႏ ဟဲ့ꩻလွေꩻဗွေႏယေသျု ဝေင်ꩻတောႏဝွန်ႏတန် အဟော်နန်ꩻ ပတ္တဝွိုင်ꩻ ကောင်းကိုတဲင် ဟဲ့ꩻစုဗူႏစွဉ်ႏ လိုꩻစွိုꩻ ကအဝ်ႏကုဲင်ဒါႏဖုံႏနဝ်ꩻသွူ။ 17ဝွေꩻသီးအွဉ်ႏကꩻ ဗွေႏယေသျု ဆဲင်ꩻယွုံးတန် တနျာႏအွူႏတဖွူꩻ၊ မာꩻပန်ꩻကုံꩻ ထာꩻဆူႏပင်ဖုံႏ တဗာႏတဲင် အွဉ်ႏခူး ဝွေꩻဗွေႏ ကတူႏလောင်းနဝ်ꩻသွူ။ 18နဝ်ꩻထွူ ဝွေꩻသီး ဖေႏစစွဉ်ႏ ဝွေꩻဗွေႏအရိုႏသေႏ၊ “ဂျူးခွန်တန် ယံဖေႏသက်ထို စိုးဆွာꩻသွော့” နုဲင်းနဝ်ꩻသွူ။ 19စွဉ်ႏခွဉ်းတလီး ဝွေꩻသီးတွဲႏ ဝွေꩻဗွေႏ၊ ပထိုလူး ဝွေꩻဗွေႏ၊ ဝွေꩻသီးထောက်လင်ꩻ ခင်ႏလေင်းတဲင် အွပ်ꩻလင်ꩻထေ့ ဝွေꩻဗွေႏသွူ။ 20ဝွေꩻသီး မာꩻပျက်သွမ်ꩻ ဝွေꩻဗွေႏ ထွိုင်ႏထွူချိန်ႏ ဝွေꩻသီးဗွောင်ႏချာ ဆဲင်ꩻယွုံးတနျာႏအွူႏတဲင် အွဉ်ႏကꩻချာ ဝွေꩻဗွေႏနမ်း ခွမ်ꩻလာꩻဖုံႏသွူ။ နဝ်ꩻထွူ ဖေႏကမာꩻသီ ဝွေꩻဗွေႏ ကင်းထွန်ႏလောင်းနဝ်ꩻ ဝွေꩻသီး အွဉ်ထန်ႏ ဝွေꩻဗွေႏနဝ်ꩻသွူ။
တွဲႏဒပ်ဗွေႏယေသျုကင်းထွန်ႏလောင်း
(မတဲ ၂၇:၃၂–၄၄။ လုကာ ၂၃:၂၆–၄၃။ ယောဟန် ၁၉:၁၇–၂၇)
21 #
ရော ၁၆:၁၃။ တဖူꩻလောင်းနဝ်ꩻ ဝွေꩻသီး မော့ꩻခွဲဆွုမ်ႏစွဉ်ႏ ပါꩻတဖြာꩻ အမဉ်ꩻသိမုန် အဝ်ႏဒုံလွဉ်ဝေင်ꩻကိုတွော့ꩻ ဖေႏကထမ်ႏလွေꩻ ဗွေႏယေသျု ကင်းထွန်ႏနဝ်ꩻ စဲ့ꩻသားဖုံႏ ထွဉ်ႏနွိုင်ႏစွဉ်ႏဝွေꩻသွူ။ (သိမုန်နဝ်ꩻ အဝ်ႏကုရေနေခမ်းလွဉ်တဲင် ဝွေꩻနဝ်ꩻထွာဒျာႏ အလဲက်ဇန္ဒြားစွဉ်ႏ ရုဖုသီးအဖါနဝ်ꩻသွူ။) 22ဝွေꩻသီးဟဲ့ꩻလွေꩻ ဗွေႏယေသျု ခင်ႏလမ်းတထွောင်း ကဟဲ့ꩻဒါႏ ဂေါလဂေါတ အဓိပ္ပါယ်ႏနဝ်ꩻ၊ ကတူႏခြောက်ꩻခင်ႏလမ်း” နုဲင်းနဝ်ꩻသွူ။ 23နဝ်ꩻကို ဝွေꩻသီးကျံႏဖေႏအွꩻ ဝွေꩻဗွေႏဝုဲင် ကရော်ꩻနေးဒါႏ ဖင်ꩻတစွိုး ကဟဲ့ꩻမုရန်၊ ကွဲႏတွော့ꩻ ဗွေႏယေသျု တအွꩻတဝ်းနဝ်ꩻသွူ။ 24#သာ ၂၂:၁၈။ တွိုႏနဝ်ꩻ ဝွေꩻသီးတွဲႏဒပ် ဝွေꩻဗွေႏ ကင်းထွန်ႏလောင်းတဲင် ဝွေꩻဗွေႏ ဆဲင်ꩻခွမ်ꩻလာꩻဖုံႏနဝ်ꩻ ဖန်းလို့ဝင်ꩻတွော့ꩻ ဖေႏ ကသေ အဖြာꩻမုဲင်ꩻ အီႏလꩻခွမ်ꩻလာꩻ အခဝ်မုဲင်ꩻနဝ်ꩻ ဝွေꩻသီး အွဉ်ႏလင်ꩻနေး ထာꩻတောႏရာႏဖုံႏသွူ။ 25ဝွေꩻသီးကတွဲႏဒပ် ဝွေꩻဗွေႏ ကင်းထွန်ႏလောင်းချိန်ႏနဝ်ꩻ ထွာမွူးရဝ်ꩻခိုႏ ကွတ်ꩻနားရီႏချိန်ႏနဝ်ꩻသွူ။ 26တဲမ်းကေႏညာႏ စွဲꩻတရာꩻ ဆန်ချာဝွေꩻဗွေႏရိုꩻ၊ “ဂျူးခွန်တန်” နုဲင်းနဝ်ꩻသွူ။ 27ပါꩻဝင်ꩻနီ ယင်ကယ်ႏ ဝွေꩻသီးတွဲႏဒပ် ကင်းထွန်ႏလောင်း စွဉ်ႏဗွေႏယေသျု ၊ တဖြာꩻနဝ်ꩻ ဝွေꩻဗွေႏ စူထွေဖဲ့ꩻတဲင် အလင်တဖြာꩻနဝ်ꩻ ဝွေꩻဗွေႏ စူစေႏဖဲ့ꩻနဝ်ꩻသွူ။ 28တွမ်ႏအနယ်ꩻနုဲင်းယို ဗွေမဲဉ်ႏလွဉ်ꩻစွဉ်ႏ လိတ်ကျမ်ꩻကရိုꩻဒါႏ “ဝွေꩻဗွေႏနဝ်ꩻ ခံႏစာꩻဖဖေႏစွဉ်ႏ အမုပဲစ်သားဖုံႏ ကံႏကျမ္မာႏ”နဝ်ꩻသွူ။
29 #
သာ ၂၂:၇၊ ၁၀၉:၂၅၊
မာ ၁၄:၅၈၊ ယော ၂:၁၉။ လိုꩻဖုံႏ ကအဝ်ႏဖျတ်ကာႏလွေꩻထာꩻ နဝ်ꩻကိုသားဖုံႏနဝ်ꩻ ဝွေꩻသီး တရွူꩻအကတူႏတဲင် ကဲ့ꩻရဲ့ꩻ ဗွေႏယေသျု၊ “အဟား၊ နာꩻအီႏယားပြင်ꩻလင်ꩻထိုꩻ ဗိမာန်ႏတောႏကျောင်ꩻတွော့ꩻ သွံနီꩻကို နာꩻအီႏတယ်ႏချာယင်းကရိုꩻ၊၊ 30ယိုခါ အဝ်ႏကင်းထွန်ႏလောင်း လင်ꩻလွဉ်တွော့ꩻ ကယ်ႏချာသွော့ နာꩻနမ်းဟုဲင်း” နုဲင်းနဝ်ꩻသွူ။
31ဗွိုန်နုဲင်းနဝ်ꩻနေနေ ယဇ်ပရောဟိတ် တန်ဖုံႏတွမ်ႏ ကျမ်ꩻဒါႏဆရာႏဖုံႏနဝ်ꩻတဲ့ ပျက်သွမ်ꩻ ဗွေႏယေသျုတွော့ꩻ ရိုꩻဖေႏလို့ဝင်ꩻ တဖြာꩻတွမ်ႏတဖြာꩻ၊ “ဝွေꩻကယ်ႏလိုꩻလင်ဖုံႏ စွဉ်ႏတဲ့ ဝွေꩻကယ်ႏချာဝွေꩻနမ်း တလꩻတဝ်း၊ 32နီအွဉ်ဝင်ꩻထွားတွမ် မေသျိယ၊ ဣသရေးခွန်တန် အဝ်ႏကင်းထွန်ႏလောင်း လင်ꩻလွဉ်ယိုခါတွော့ꩻ နီအီႏယွုမ်းဝွေꩻ” နုဲင်းနဝ်ꩻတဲင်၊
ပါꩻဝင်ꩻနီ ကတွဲႏဒပ်ဒါႏ စွဉ်ႏဗွေႏယေသျုနဝ်ꩻတဲ့ အဝ်ႏသဲ့ꩻသွမ်ꩻပါက ဝွေꩻဗွေႏသွူ။
ဗွေႏယေသျုသီထိုꩻ
(မတဲ ၂၇:၄၅–၅၆။ လုကာ ၂၃:၄၄–၄၉။ ယောဟန် ၁၉:၂၈–၃၀)
33တယ်ႏမွူးယာခိုႏ တခမ်းလွုမ်း ထာꩻခေ့ꩻကရစ်ꩻ အဝ်ႏဒို့ꩻနဝ်ꩻ ညစွဉ်ႏ သွံနားရီႏနဝ်ꩻသွူ။ 34#သာ ၂၂:၁။ သွံနားရီႏချိန်ႏ ဗွေႏယေသျု ခြောဝ်ထန်ႏသန် အငဝ်း၊ ဧလိ၊ ဧလိ၊ လီမာ သာဗာတနိ၊” အဓိပ္ပါယ်ႏနဝ်ꩻ “ခွေဗွေႏဘုရာꩻ၊ ခွေဗွေႏဘုရာꩻ၊ ပွိုးတမုဲင်ꩻ နီဗွေႏ စွဉ်ꩻကုဲင်ထိုꩻဗာႏတွိုႏ ခွေဟောင်း” နုဲင်းနဝ်ꩻသွူ။
35လိုꩻနဝ်ꩻကိုသား ယင်ဟန်ႏ ဟွိုန်ဝွေꩻဗွေႏငဝ်းတဲင်ဒေါ့ꩻ၊ “နာႏဟုဲင်း၊ ဝွေꩻအဝ်ႏဟဲ့ꩻ ဧလိယ” နုဲင်းနဝ်ꩻသွူ။ 36#သာ ၆၉:၂၁။ ဝွေꩻသီးကို ပါꩻတဖြာꩻနဝ်ꩻ ဖင်းထွိုင်ႏထူႏ ဝင်ꩻကစုပ်ꩻအီထီ နဝ်ꩻတွော့ꩻ အစုပ်ꩻသော့ꩻ ဝုဲင် ဝုဲင်ညံးကိုတဲင် အွဉ်ႏဖွို့လူး ခွဉ်းနာတလီးလောင်းသွူ။ နဝ်ꩻထွူ ဝွေꩻအွဉ်ႏယွဉ်ႏထင်ႏ အွဉ်ႏမိုꩻ ဗွေႏယေသျု ဖြောင်းလောင်းတဲင်ဒေါ့ꩻ၊ “ဧလိယနဝ်ꩻ အီႏလင်ꩻလွဉ်တွော့ꩻ ဝွေꩻအဝ်ႏ ကင်းထွန်ႏလောင်းနဝ်ꩻ အီႏကယ်ႏထိုꩻဝွေꩻနဲ့ တကယ်ႏတဝ်းနဲ့နဝ်ꩻ နီအုံပွေါးထွား” နုဲင်းနဝ်ꩻသွူ။
37ဗွေႏယေသျု ခြောဝ်သင်ႏသန်အငဝ်း သီထိုꩻစွဉ်ႏသွူ။
38 #
ထလ ၂၆:၃၁–၃၃။ ဖုဲင်ကင်း အဝ်ႏယွိုင်ႏဖွို့ဒါႏထာꩻ ဗိမာန်ႏတောႏ ကျောင်ꩻကိုနဝ်ꩻ အဝ်ႏဆꩻကီ ဗꩻလင်ꩻလအကင် သဲ့ပꩻစွဉ်ႏ နီခဝ်နဝ်ꩻသွူ။ 39စဲ့ꩻပိုႏ ကအဝ်ႏအုံထွိုင်ႏထာꩻ ကင်းထွန်ႏဆꩻငါနဝ်ꩻ ဗွေႏယေသျုသီထာꩻ နုဲင်းမုဲင်ꩻကျောင်ꩻ ထီႏဗာႏစွဉ်ႏနဝ်ꩻသွူ။ ဝွေꩻဒေါ့ꩻ၊ “ပါꩻခိုယိုနဝ်ꩻ ထွာမွေး ဗွေႏဘုရာꩻပိုဒျာႏရင်ꩻ” နုဲင်းနဝ်ꩻသွူ။
40 # လု ၈:၂ ၊၃။ လိုꩻမူႏယင်ဟန်ႏ အဝ်ႏအညာꩻ ထွားလွေꩻနေးဖုံႏသွူ။ ဝွေꩻသီးကိုနဝ်ꩻ ထွာမာဂဒလ ဝေင်ꩻသားမူႏ မာရိ ၊ ယာကုပ်တွမ်ႏ ယောသပ်သီး အမွိုး မာရိ စွဉ်ႏသာလိုမီနဝ်ꩻသွူ။ 41ဗွေႏယေသျု အဝ်ႏကာလိလဲ ခမ်းကိုကျာꩻကာႏ ဝွေꩻသီး အဝ်ႏလွေꩻလွဉ်ꩻ ဝွေꩻဗွေႏတဲင် အဝ်ႏစွဲကို ဝွေꩻဗွေႏဖုံႏသွူ။ လိုꩻမူႏအလင်ဖုံႏ ကအဝ်ႏ ဝေင်ꩻယေရုသလမ်ႏ ကလွဉ်လွဉ်ꩻစွဉ်ႏ ဝွေꩻဗွေႏဖုံႏနဝ်ꩻတဲ့ အဝ်ႏနဝ်ꩻကိုနေနေသွူ။
သင်္ဂြိုဟ်ႏဗွေႏယေသျု
(မတဲ ၂၇:၅၇–၆၁။ လုကာ ၂၃:၅၀–၅၆။ ယောဟန် ၁၉:၃၈–၄၂)
42-43မွူးထွိုင်ႏဟာလင်ꩻချိန်ႏ လိုꩻဝေင်ꩻ အရိမတဲ ယောသပ်နဝ်ꩻ ဖျော်လွဉ်သွူ။ ဝွေꩻနဝ်ꩻထွာ လိုꩻကောင်စီ စွုမ်ꩻစွိုꩻသားဖုံႏကို တဖြာꩻ အဝ်ႏရိုႏသေႏ အဝ်ႏမောင်ꩻ ဗွေႏဘုရာꩻခမ်းထီ တယ်ႏလွဉ်နဝ်ꩻသွူ။ အနီꩻနဝ်ꩻထွာဒျာႏ အဝ်ႏဖျင်နီꩻ (အနီꩻနဝ်ꩻထွာ ဥပုသ်ဖစ်နီꩻနဝ်ꩻသွူ။) နဝ်ꩻမꩻ ယောသပ် နွို့လွေꩻရုဲင်းသော့ꩻစွဉ်ႏ ခွန်ပိလတ်ဆꩻငါတဲင် ကွီဝွေꩻ၊ ဗွေႏယေသျု ရုပ်ခန္ဓာႏနဝ်ꩻသွူ။ 44ခွန်ပိလတ် ထွိုင်ႏဟွိုန် ဗွေႏယေသျု သီထိုꩻလဲဉ်းနဝ်ꩻ အံႏဖြာႏငါႏသွူ။ ဝွေꩻဟဲ့ꩻ စဲ့ꩻပိုႏတန်တဲင် ရီဝွေꩻ၊ ဗွေႏယေသျု သီညလဲဉ်းနဲ့ နုဲင်းနဝ်ꩻသွူ။ 45ထွိုင်ႏဟွိုန် စဲ့ꩻပိုႏကအွဉ်ႏဟွိုန်ချာနဝ်ꩻ ခွန်ပိလတ်ဒေါ့ꩻဖေႏ ယောသပ်၊ ဝွေꩻထူႏလွေꩻ နွောင်ꩻဒျာႏကျောင်ꩻ နဝ်ꩻသွူ။ 46ယောသပ်ဖြေꩻ ပိတ်ယာႏချော်ꩻ တသာတဖွူꩻ၊ ထူႏလင်ꩻ ရုပ်ခန္ဓာႏ လွမ်တွမ်ႏ ပိတ်ယာႏကိုတဲင် ရုပ်ခန္ဓာႏနဝ်ꩻ အွဉ်ႏသော့ꩻစွဉ်ႏ သဲင်ႏခဲင်ꩻအောင် ကဒိုနေးဒါႏ လုံးတူႏတန် ဆွော့ꩻကိုနဝ်ꩻသွူ။ နဝ်ꩻထွူ၊ ဝွေꩻအွဉ်ႏတကြွီႏ လုံးတူႏတန်တဖြုံႏ အွဉ်ႏပေ့ꩻခါꩻစွဉ်ႏ သဲင်ႏခဲင်ꩻအောင်ငွါနဝ်ꩻသွူ။ 47မာဂဒလ ဝေင်ꩻသားမူႏ မာရိတွမ်ႏ ယောသပ်မွိုး မာရိနဝ်ꩻ အဝ်ႏအုံပွေါးထွားတဲင် ထီႏဗာႏ ကသင်္ဂြိုဟ်ႏဒါႏ ဗွေႏယေသျု ခင်ႏလမ်းနဝ်ꩻသွူ။
ទើបបានជ្រើសរើសហើយ៖
မာကု 15: PBCL
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Pao Bible Common Language© Bible Society of Myanmar, 2019.
မာကု 15
15
ဗွေႏယေသျုဖျော်လွေꩻခွန်ပိလတ်ဆꩻငါ
(မတဲ ၂၇:၁–၂၊၁၁-၁၄။ လုကာ ၂၃:၁–၅။ ယောဟန် ၁၈:၂၈–၃၈)
1မွူးရဝ်ꩻခိုႏ စဝ်းစဝ်း ယဇ်ပရောဟိတ်တန်ဖုံႏ မော့ꩻခွဲမွိုင်စွဉ်ႏ လိုꩻတန်ဖုံႏ၊ ကျမ်ꩻဒါႏဆရာႏဖုံႏတွမ်ႏ ကောင်စီတစွိုꩻလွုမ်းတွော့ꩻ ဝွေꩻသီးမာꩻစွဉ်ႏ အစီႏစဲဉ်ႏသွူ။ ဝွေꩻသီးစွိုင် ဗွေႏယေသျု စွဉ်ႏတဖြွီꩻပသီႏချင်ꩻ၊ အွဉ်လွေꩻညာꩻ ဝွေꩻဗွေႏတဲင် ဝွေꩻဗွေႏနဝ်ꩻ အပ်သော့ꩻစွဉ်ႏ ခွန်ပိလတ်အစူကိုသွူ။ 2ခွန်ပိလတ်ရီ ဝွေꩻ၊ နာꩻနဝ်ꩻထွာ ဂျူးခွန်တန် မွေးနေဟောင်း” နုဲင်းနဝ်ꩻတဲင်၊
ဗွေႏယေသျု လဝ်းချာ၊ “နုဲင်းနာꩻကရိုꩻနဝ်ꩻမွေး” နုဲင်းနဝ်ꩻသွူ။
3ယဇ်ပရောဟိတ်ဖုံႏ အဝ်ႏစွဲꩻတရာꩻ ဗွေႏယေသျုနဝ်ꩻ အာစွိုးငါႏသွူ။ 4နဝ်ꩻမꩻ ခွန်ပိလတ် ရီဖျင် ဝွေꩻဗွေႏတလဲင်ႏ၊ “နာꩻတလဝ်းချာတဝ်း နုဲင်းမုဲင်ꩻဟောင်း။ ဝွေꩻသီး ကစွဲꩻတရာꩻဒါႏနာꩻ ကားကအဝ်ႏနဝ်ꩻ နာႏဟုဲင်း” နုဲင်းနဝ်ꩻသွူ။
5ဗွေႏယေသျု တလဝ်းချာထဲင်းတဝ်း ငဝ်းတငွါငွါတဲင် ခွန်ပိလတ်နဝ်ꩻ အံႏဖြာႏမွေးနေးစွဉ်ႏ နဝ်ꩻသွူ။
စီႏရင်ႏဆွုံꩻဖျတ်ဖေႏဗွေႏယေသျုထာꩻသီတံႏ
(မတဲ ၂၇:၁၅–၂၆။ လုကာ ၂၃:၁၃–၂၅။ ယောဟန် ၁၈:၃၉—၁၉:၁၆)
6ပွယ်ꩻပတ္တခါ စွုမ်ႏလဲင်ႏ ခွန်ပိလတ် အဝ်ႏအွဉ်ႏစွꩻလွစ် သေႏသေႏဖေႏဒျာႏ လိုꩻဖုံႏကကွီဒါႏ ထောင်ႏသား တဖြာꩻဖြာꩻနဝ်ꩻသွူ။ 7အချိန်ႏနဝ်ꩻနဝ်ꩻ ပါꩻခိုတဖြာꩻ ကမဉ်ဗာရဗ္ဗနဝ်ꩻ အဝ်ႏတောႏလန်ႏ၊ မာꩻသျွုတ်တရေင်ထာꩻ၊ အပဲစ်သားတဖြာꩻ ကမာꩻသီလိုꩻနဝ်ꩻ အဝ်ႏခံသော့ꩻ ထောင်ႏကိုနဝ်ꩻသွူ။ 8ပွယ်ꩻကျာꩻ နုဲင်းအစဉ်ႏ ကအဝ်ႏအတွိုင်ꩻ လိုꩻဖုံႏထွိုင်ႏစုဗူႏလို့ဝင်ꩻ အီႏကွီထေ့ ခွန်ပိလတ်ချိန်ႏ၊ 9ဝွေꩻရီဝွေꩻသီး၊ သီတာႏနဝ်ꩻ သီမဉ်အွဉ်ႏခွေ အွဉ်ႏစွꩻလွစ်ဖေႏ ဂျူးခွန်တန်နဝ်ꩻနဲ့ဟောင်း” နုဲင်းနဝ်ꩻသွူ။ 10ကွပ်ပွိုး ယဇ်ပရောဟိတ်တန်ဖုံႏနဝ်ꩻ ဝွေꩻသီးတကေး ဗွေႏယေသျု အတွက် ဆွမ်ꩻဝွေꩻဗွေႏတွော့ꩻ အပ်ဖေႏဝွေꩻကျောင်ꩻနဝ်ꩻ ခွန်ပိလတ် အဝ်ႏသေစဲင်းနဝ်ꩻသွူ။
11ကွဲႏတွော့ꩻ ယဇ်ပရောဟိတ်ဖုံႏနဝ်ꩻ တမာလိုꩻစွိုꩻဖုံႏ၊ ထွဉ်ႏကွီခွန်ပိလတ်၊ ဝွေꩻသီးတာႏနဝ်ꩻ ဖေႏကအွဉ်ႏစွꩻလွစ် တောဒျာႏ ဗာရဗ္ဗ နဝ်ꩻသွူ။ 12ခွန်ပိလတ်နဝ်ꩻ ဒေါ့ꩻဖေႏဖျင် လိုꩻစွိုꩻတလဲင်ႏ၊ “တွိုႏနဝ်ꩻ ပါꩻအဖြာꩻ သီကဟဲ့ꩻဒါႏ ဂျူးခွန်တန်နဝ်ꩻ သီမဉ်အွဉ်ႏခွေမာꩻ နုဲင်းမုဲင်ꩻဟောင်း” နုဲင်းနဝ်ꩻသွူ။
13ဝွေꩻသီးခြဝ်ချာ၊ “မာꩻသီဝွေꩻ ကင်းထွန်ႏလောင်းဟုဲင်း” နုဲင်းနဝ်ꩻသွူ။
14“ကွဲႏတွော့ꩻ၊ ဝွေꩻပဲစ်မာႏ ရာႏဇဝွတ်မုပဲစ် တမုဲင်ꩻဟောင်း” ခွန်ပိလတ်ရီ နုဲင်းနဝ်ꩻသွူ။
ဝွေꩻသီး ကားကအဝ်ႏ ကယိန်းခြောဝ်သန် ထဲင်းတဲင်၊ “တွဲႏဒပ်ဝွေꩻ ကင်းထွန်ႏလောင်း ဟုဲင်း” နုဲင်းနဝ်ꩻသွူ။
15ခွန်ပိလတ် မဉ်မာꩻပြေႏသꩻဖေႏ လိုꩻစွိုꩻဖုံႏ၊ နဝ်ꩻမꩻ ဝွေꩻသီးတာႏနဝ်ꩻ ဝွေꩻအွဉ်ႏစွꩻလွစ်ဖေႏ ဗာရဗ္ဗနဝ်ꩻသွူ။ နဝ်ꩻထွူ ဝွေꩻအွဉ်ႏတွဲႏ ဗွေႏယေသျုတဲင် ဖေႏကမာꩻသီထိုꩻ ကင်းထွန်ႏလောင်းနဝ်ꩻ အပ်စွဉ်ႏ ဝွေꩻဗွေႏနဝ်ꩻသွူ။
စဲ့ꩻသားဖုံႏပျက်သွမ်ꩻဗွေႏယေသျု
(မတဲ ၂၇:၂၇–၃၁။ ယောဟန် ၁၉: ၂-၃)
16စဲ့ꩻသားဖုံႏ ဟဲ့ꩻလွေꩻဗွေႏယေသျု ဝေင်ꩻတောႏဝွန်ႏတန် အဟော်နန်ꩻ ပတ္တဝွိုင်ꩻ ကောင်းကိုတဲင် ဟဲ့ꩻစုဗူႏစွဉ်ႏ လိုꩻစွိုꩻ ကအဝ်ႏကုဲင်ဒါႏဖုံႏနဝ်ꩻသွူ။ 17ဝွေꩻသီးအွဉ်ႏကꩻ ဗွေႏယေသျု ဆဲင်ꩻယွုံးတန် တနျာႏအွူႏတဖွူꩻ၊ မာꩻပန်ꩻကုံꩻ ထာꩻဆူႏပင်ဖုံႏ တဗာႏတဲင် အွဉ်ႏခူး ဝွေꩻဗွေႏ ကတူႏလောင်းနဝ်ꩻသွူ။ 18နဝ်ꩻထွူ ဝွေꩻသီး ဖေႏစစွဉ်ႏ ဝွေꩻဗွေႏအရိုႏသေႏ၊ “ဂျူးခွန်တန် ယံဖေႏသက်ထို စိုးဆွာꩻသွော့” နုဲင်းနဝ်ꩻသွူ။ 19စွဉ်ႏခွဉ်းတလီး ဝွေꩻသီးတွဲႏ ဝွေꩻဗွေႏ၊ ပထိုလူး ဝွေꩻဗွေႏ၊ ဝွေꩻသီးထောက်လင်ꩻ ခင်ႏလေင်းတဲင် အွပ်ꩻလင်ꩻထေ့ ဝွေꩻဗွေႏသွူ။ 20ဝွေꩻသီး မာꩻပျက်သွမ်ꩻ ဝွေꩻဗွေႏ ထွိုင်ႏထွူချိန်ႏ ဝွေꩻသီးဗွောင်ႏချာ ဆဲင်ꩻယွုံးတနျာႏအွူႏတဲင် အွဉ်ႏကꩻချာ ဝွေꩻဗွေႏနမ်း ခွမ်ꩻလာꩻဖုံႏသွူ။ နဝ်ꩻထွူ ဖေႏကမာꩻသီ ဝွေꩻဗွေႏ ကင်းထွန်ႏလောင်းနဝ်ꩻ ဝွေꩻသီး အွဉ်ထန်ႏ ဝွေꩻဗွေႏနဝ်ꩻသွူ။
တွဲႏဒပ်ဗွေႏယေသျုကင်းထွန်ႏလောင်း
(မတဲ ၂၇:၃၂–၄၄။ လုကာ ၂၃:၂၆–၄၃။ ယောဟန် ၁၉:၁၇–၂၇)
21 #
ရော ၁၆:၁၃။ တဖူꩻလောင်းနဝ်ꩻ ဝွေꩻသီး မော့ꩻခွဲဆွုမ်ႏစွဉ်ႏ ပါꩻတဖြာꩻ အမဉ်ꩻသိမုန် အဝ်ႏဒုံလွဉ်ဝေင်ꩻကိုတွော့ꩻ ဖေႏကထမ်ႏလွေꩻ ဗွေႏယေသျု ကင်းထွန်ႏနဝ်ꩻ စဲ့ꩻသားဖုံႏ ထွဉ်ႏနွိုင်ႏစွဉ်ႏဝွေꩻသွူ။ (သိမုန်နဝ်ꩻ အဝ်ႏကုရေနေခမ်းလွဉ်တဲင် ဝွေꩻနဝ်ꩻထွာဒျာႏ အလဲက်ဇန္ဒြားစွဉ်ႏ ရုဖုသီးအဖါနဝ်ꩻသွူ။) 22ဝွေꩻသီးဟဲ့ꩻလွေꩻ ဗွေႏယေသျု ခင်ႏလမ်းတထွောင်း ကဟဲ့ꩻဒါႏ ဂေါလဂေါတ အဓိပ္ပါယ်ႏနဝ်ꩻ၊ ကတူႏခြောက်ꩻခင်ႏလမ်း” နုဲင်းနဝ်ꩻသွူ။ 23နဝ်ꩻကို ဝွေꩻသီးကျံႏဖေႏအွꩻ ဝွေꩻဗွေႏဝုဲင် ကရော်ꩻနေးဒါႏ ဖင်ꩻတစွိုး ကဟဲ့ꩻမုရန်၊ ကွဲႏတွော့ꩻ ဗွေႏယေသျု တအွꩻတဝ်းနဝ်ꩻသွူ။ 24#သာ ၂၂:၁၈။ တွိုႏနဝ်ꩻ ဝွေꩻသီးတွဲႏဒပ် ဝွေꩻဗွေႏ ကင်းထွန်ႏလောင်းတဲင် ဝွေꩻဗွေႏ ဆဲင်ꩻခွမ်ꩻလာꩻဖုံႏနဝ်ꩻ ဖန်းလို့ဝင်ꩻတွော့ꩻ ဖေႏ ကသေ အဖြာꩻမုဲင်ꩻ အီႏလꩻခွမ်ꩻလာꩻ အခဝ်မုဲင်ꩻနဝ်ꩻ ဝွေꩻသီး အွဉ်ႏလင်ꩻနေး ထာꩻတောႏရာႏဖုံႏသွူ။ 25ဝွေꩻသီးကတွဲႏဒပ် ဝွေꩻဗွေႏ ကင်းထွန်ႏလောင်းချိန်ႏနဝ်ꩻ ထွာမွူးရဝ်ꩻခိုႏ ကွတ်ꩻနားရီႏချိန်ႏနဝ်ꩻသွူ။ 26တဲမ်းကေႏညာႏ စွဲꩻတရာꩻ ဆန်ချာဝွေꩻဗွေႏရိုꩻ၊ “ဂျူးခွန်တန်” နုဲင်းနဝ်ꩻသွူ။ 27ပါꩻဝင်ꩻနီ ယင်ကယ်ႏ ဝွေꩻသီးတွဲႏဒပ် ကင်းထွန်ႏလောင်း စွဉ်ႏဗွေႏယေသျု ၊ တဖြာꩻနဝ်ꩻ ဝွေꩻဗွေႏ စူထွေဖဲ့ꩻတဲင် အလင်တဖြာꩻနဝ်ꩻ ဝွေꩻဗွေႏ စူစေႏဖဲ့ꩻနဝ်ꩻသွူ။ 28တွမ်ႏအနယ်ꩻနုဲင်းယို ဗွေမဲဉ်ႏလွဉ်ꩻစွဉ်ႏ လိတ်ကျမ်ꩻကရိုꩻဒါႏ “ဝွေꩻဗွေႏနဝ်ꩻ ခံႏစာꩻဖဖေႏစွဉ်ႏ အမုပဲစ်သားဖုံႏ ကံႏကျမ္မာႏ”နဝ်ꩻသွူ။
29 #
သာ ၂၂:၇၊ ၁၀၉:၂၅၊
မာ ၁၄:၅၈၊ ယော ၂:၁၉။ လိုꩻဖုံႏ ကအဝ်ႏဖျတ်ကာႏလွေꩻထာꩻ နဝ်ꩻကိုသားဖုံႏနဝ်ꩻ ဝွေꩻသီး တရွူꩻအကတူႏတဲင် ကဲ့ꩻရဲ့ꩻ ဗွေႏယေသျု၊ “အဟား၊ နာꩻအီႏယားပြင်ꩻလင်ꩻထိုꩻ ဗိမာန်ႏတောႏကျောင်ꩻတွော့ꩻ သွံနီꩻကို နာꩻအီႏတယ်ႏချာယင်းကရိုꩻ၊၊ 30ယိုခါ အဝ်ႏကင်းထွန်ႏလောင်း လင်ꩻလွဉ်တွော့ꩻ ကယ်ႏချာသွော့ နာꩻနမ်းဟုဲင်း” နုဲင်းနဝ်ꩻသွူ။
31ဗွိုန်နုဲင်းနဝ်ꩻနေနေ ယဇ်ပရောဟိတ် တန်ဖုံႏတွမ်ႏ ကျမ်ꩻဒါႏဆရာႏဖုံႏနဝ်ꩻတဲ့ ပျက်သွမ်ꩻ ဗွေႏယေသျုတွော့ꩻ ရိုꩻဖေႏလို့ဝင်ꩻ တဖြာꩻတွမ်ႏတဖြာꩻ၊ “ဝွေꩻကယ်ႏလိုꩻလင်ဖုံႏ စွဉ်ႏတဲ့ ဝွေꩻကယ်ႏချာဝွေꩻနမ်း တလꩻတဝ်း၊ 32နီအွဉ်ဝင်ꩻထွားတွမ် မေသျိယ၊ ဣသရေးခွန်တန် အဝ်ႏကင်းထွန်ႏလောင်း လင်ꩻလွဉ်ယိုခါတွော့ꩻ နီအီႏယွုမ်းဝွေꩻ” နုဲင်းနဝ်ꩻတဲင်၊
ပါꩻဝင်ꩻနီ ကတွဲႏဒပ်ဒါႏ စွဉ်ႏဗွေႏယေသျုနဝ်ꩻတဲ့ အဝ်ႏသဲ့ꩻသွမ်ꩻပါက ဝွေꩻဗွေႏသွူ။
ဗွေႏယေသျုသီထိုꩻ
(မတဲ ၂၇:၄၅–၅၆။ လုကာ ၂၃:၄၄–၄၉။ ယောဟန် ၁၉:၂၈–၃၀)
33တယ်ႏမွူးယာခိုႏ တခမ်းလွုမ်း ထာꩻခေ့ꩻကရစ်ꩻ အဝ်ႏဒို့ꩻနဝ်ꩻ ညစွဉ်ႏ သွံနားရီႏနဝ်ꩻသွူ။ 34#သာ ၂၂:၁။ သွံနားရီႏချိန်ႏ ဗွေႏယေသျု ခြောဝ်ထန်ႏသန် အငဝ်း၊ ဧလိ၊ ဧလိ၊ လီမာ သာဗာတနိ၊” အဓိပ္ပါယ်ႏနဝ်ꩻ “ခွေဗွေႏဘုရာꩻ၊ ခွေဗွေႏဘုရာꩻ၊ ပွိုးတမုဲင်ꩻ နီဗွေႏ စွဉ်ꩻကုဲင်ထိုꩻဗာႏတွိုႏ ခွေဟောင်း” နုဲင်းနဝ်ꩻသွူ။
35လိုꩻနဝ်ꩻကိုသား ယင်ဟန်ႏ ဟွိုန်ဝွေꩻဗွေႏငဝ်းတဲင်ဒေါ့ꩻ၊ “နာႏဟုဲင်း၊ ဝွေꩻအဝ်ႏဟဲ့ꩻ ဧလိယ” နုဲင်းနဝ်ꩻသွူ။ 36#သာ ၆၉:၂၁။ ဝွေꩻသီးကို ပါꩻတဖြာꩻနဝ်ꩻ ဖင်းထွိုင်ႏထူႏ ဝင်ꩻကစုပ်ꩻအီထီ နဝ်ꩻတွော့ꩻ အစုပ်ꩻသော့ꩻ ဝုဲင် ဝုဲင်ညံးကိုတဲင် အွဉ်ႏဖွို့လူး ခွဉ်းနာတလီးလောင်းသွူ။ နဝ်ꩻထွူ ဝွေꩻအွဉ်ႏယွဉ်ႏထင်ႏ အွဉ်ႏမိုꩻ ဗွေႏယေသျု ဖြောင်းလောင်းတဲင်ဒေါ့ꩻ၊ “ဧလိယနဝ်ꩻ အီႏလင်ꩻလွဉ်တွော့ꩻ ဝွေꩻအဝ်ႏ ကင်းထွန်ႏလောင်းနဝ်ꩻ အီႏကယ်ႏထိုꩻဝွေꩻနဲ့ တကယ်ႏတဝ်းနဲ့နဝ်ꩻ နီအုံပွေါးထွား” နုဲင်းနဝ်ꩻသွူ။
37ဗွေႏယေသျု ခြောဝ်သင်ႏသန်အငဝ်း သီထိုꩻစွဉ်ႏသွူ။
38 #
ထလ ၂၆:၃၁–၃၃။ ဖုဲင်ကင်း အဝ်ႏယွိုင်ႏဖွို့ဒါႏထာꩻ ဗိမာန်ႏတောႏ ကျောင်ꩻကိုနဝ်ꩻ အဝ်ႏဆꩻကီ ဗꩻလင်ꩻလအကင် သဲ့ပꩻစွဉ်ႏ နီခဝ်နဝ်ꩻသွူ။ 39စဲ့ꩻပိုႏ ကအဝ်ႏအုံထွိုင်ႏထာꩻ ကင်းထွန်ႏဆꩻငါနဝ်ꩻ ဗွေႏယေသျုသီထာꩻ နုဲင်းမုဲင်ꩻကျောင်ꩻ ထီႏဗာႏစွဉ်ႏနဝ်ꩻသွူ။ ဝွေꩻဒေါ့ꩻ၊ “ပါꩻခိုယိုနဝ်ꩻ ထွာမွေး ဗွေႏဘုရာꩻပိုဒျာႏရင်ꩻ” နုဲင်းနဝ်ꩻသွူ။
40 # လု ၈:၂ ၊၃။ လိုꩻမူႏယင်ဟန်ႏ အဝ်ႏအညာꩻ ထွားလွေꩻနေးဖုံႏသွူ။ ဝွေꩻသီးကိုနဝ်ꩻ ထွာမာဂဒလ ဝေင်ꩻသားမူႏ မာရိ ၊ ယာကုပ်တွမ်ႏ ယောသပ်သီး အမွိုး မာရိ စွဉ်ႏသာလိုမီနဝ်ꩻသွူ။ 41ဗွေႏယေသျု အဝ်ႏကာလိလဲ ခမ်းကိုကျာꩻကာႏ ဝွေꩻသီး အဝ်ႏလွေꩻလွဉ်ꩻ ဝွေꩻဗွေႏတဲင် အဝ်ႏစွဲကို ဝွေꩻဗွေႏဖုံႏသွူ။ လိုꩻမူႏအလင်ဖုံႏ ကအဝ်ႏ ဝေင်ꩻယေရုသလမ်ႏ ကလွဉ်လွဉ်ꩻစွဉ်ႏ ဝွေꩻဗွေႏဖုံႏနဝ်ꩻတဲ့ အဝ်ႏနဝ်ꩻကိုနေနေသွူ။
သင်္ဂြိုဟ်ႏဗွေႏယေသျု
(မတဲ ၂၇:၅၇–၆၁။ လုကာ ၂၃:၅၀–၅၆။ ယောဟန် ၁၉:၃၈–၄၂)
42-43မွူးထွိုင်ႏဟာလင်ꩻချိန်ႏ လိုꩻဝေင်ꩻ အရိမတဲ ယောသပ်နဝ်ꩻ ဖျော်လွဉ်သွူ။ ဝွေꩻနဝ်ꩻထွာ လိုꩻကောင်စီ စွုမ်ꩻစွိုꩻသားဖုံႏကို တဖြာꩻ အဝ်ႏရိုႏသေႏ အဝ်ႏမောင်ꩻ ဗွေႏဘုရာꩻခမ်းထီ တယ်ႏလွဉ်နဝ်ꩻသွူ။ အနီꩻနဝ်ꩻထွာဒျာႏ အဝ်ႏဖျင်နီꩻ (အနီꩻနဝ်ꩻထွာ ဥပုသ်ဖစ်နီꩻနဝ်ꩻသွူ။) နဝ်ꩻမꩻ ယောသပ် နွို့လွေꩻရုဲင်းသော့ꩻစွဉ်ႏ ခွန်ပိလတ်ဆꩻငါတဲင် ကွီဝွေꩻ၊ ဗွေႏယေသျု ရုပ်ခန္ဓာႏနဝ်ꩻသွူ။ 44ခွန်ပိလတ် ထွိုင်ႏဟွိုန် ဗွေႏယေသျု သီထိုꩻလဲဉ်းနဝ်ꩻ အံႏဖြာႏငါႏသွူ။ ဝွေꩻဟဲ့ꩻ စဲ့ꩻပိုႏတန်တဲင် ရီဝွေꩻ၊ ဗွေႏယေသျု သီညလဲဉ်းနဲ့ နုဲင်းနဝ်ꩻသွူ။ 45ထွိုင်ႏဟွိုန် စဲ့ꩻပိုႏကအွဉ်ႏဟွိုန်ချာနဝ်ꩻ ခွန်ပိလတ်ဒေါ့ꩻဖေႏ ယောသပ်၊ ဝွေꩻထူႏလွေꩻ နွောင်ꩻဒျာႏကျောင်ꩻ နဝ်ꩻသွူ။ 46ယောသပ်ဖြေꩻ ပိတ်ယာႏချော်ꩻ တသာတဖွူꩻ၊ ထူႏလင်ꩻ ရုပ်ခန္ဓာႏ လွမ်တွမ်ႏ ပိတ်ယာႏကိုတဲင် ရုပ်ခန္ဓာႏနဝ်ꩻ အွဉ်ႏသော့ꩻစွဉ်ႏ သဲင်ႏခဲင်ꩻအောင် ကဒိုနေးဒါႏ လုံးတူႏတန် ဆွော့ꩻကိုနဝ်ꩻသွူ။ နဝ်ꩻထွူ၊ ဝွေꩻအွဉ်ႏတကြွီႏ လုံးတူႏတန်တဖြုံႏ အွဉ်ႏပေ့ꩻခါꩻစွဉ်ႏ သဲင်ႏခဲင်ꩻအောင်ငွါနဝ်ꩻသွူ။ 47မာဂဒလ ဝေင်ꩻသားမူႏ မာရိတွမ်ႏ ယောသပ်မွိုး မာရိနဝ်ꩻ အဝ်ႏအုံပွေါးထွားတဲင် ထီႏဗာႏ ကသင်္ဂြိုဟ်ႏဒါႏ ဗွေႏယေသျု ခင်ႏလမ်းနဝ်ꩻသွူ။
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Pao Bible Common Language© Bible Society of Myanmar, 2019.