လုကာ 15
15
သွိုꩻထိုꩻမား
(မတဲ ၁၈:၁၂–၁၄)
1 # လု ၅:၂၉၊၃၀။ တနီꩻသား အခွဉ်ႏကောက်သားဖုံႏ အာငါႏတွမ်ႏ လိုꩻဝင်ꩻကပယ်ႏထန်ႏထိုꩻသားဖုံႏ အီႏလွဉ်နာႏ ဗွေႏယေသျု တရာꩻငဝ်းချိန်ႏ၊ 2ဖါရိသဲဖုံႏတွမ်ႏ ကျမ်ꩻဒါႏ ဆရာႏဖုံႏစတဲင် သောင်ခြင်ꩻထာꩻ၊ “ပါꩻခိုယိုနဝ်ꩻ ရပ်ကျိုႏဆွုမ်ႏစွဉ်ႏ လိုꩻဝင်ꩻကပယ်ႏသားတဲင် လဲင်ꩻအံႏအွꩻငီꩻတွမ်ႏ ဝွေꩻသီးနုဲင်းမုဲင်ꩻ” နုဲင်းနဝ်ꩻသွူ။ 3နဝ်ꩻမꩻ ဗွေႏယေသျု ဒေါ့ꩻနယ်ဖေႏဝွေꩻသီး တွမ်ႏဥပမာႏနုဲင်းယိုသွူ။
4“ရိုꩻခန်းသီကို ပါꩻတဖြာꩻ အသွိုꩻအဝ်ႏ အဗာႏတရျာꩻတဲင် ထိုꩻမားထိုꩻတဗာႏနဝ်ꩻ သီအီႏမာꩻ နုဲင်းမုဲင်ꩻဟောင်း။ သီအွဉ်ႏကုဲင်ထိုꩻအလင် ကွတ်ꩻဆီကွတ်ꩻဗာႏ အဆာႏတကြက်ꩻ ဟဝ်ကိုတဲင် ဗꩻတွိုႏစွဉ်ႏ သီကမော့ꩻချာနဝ်ꩻ ထန်ႏလွေꩻထုမ်ႏစွဉ်ႏ ကထိုꩻမားထိုꩻဒါႏ တဗာႏနဝ်ꩻ မွေးတဝ်းနဲ့။ 5သီထွိုင်ႏမော့ꩻချိန်ႏ သီသပျောႏငါႏတဲင် သွိုꩻနဝ်ꩻ သီအွဉ်ႏဒင်ႏ သီပြေင်လောင်းတွော့ꩻ 6အီသဲင်ꩻချာလမ်းနဝ်ꩻသွူ။ နဝ်ꩻထွူ သီဟဲ့ꩻစုဗူႏ သီသွꩻဖုံႏတွမ်ႏ သီလိုꩻအသောင်အထျꩻ သားဖုံႏတွော့ꩻ ရိုꩻဖေႏဝွေꩻသီး၊ ‘ ခွေသွိုꩻထိုꩻမားနဝ်ꩻ ခွေမော့ꩻချာယင်းလဲဉ်း၊ နဝ်ꩻမꩻ ခွေသꩻပျောႏငါႏ။ လွဉ်ဟုဲင်း၊ နီမာꩻတွမ် ပွယ်ꩻမွန်းပျောႏ’ နုဲင်းနဝ်ꩻသွူ။ 7ဗွိုန်နုဲင်းနဝ်ꩻနေနေ ခွေဒေါ့ꩻဖေႏသီ ခမ်းထီမို့ꩻလောင်းကို အပဲစ်သားတဖြာꩻ လꩻထာꩻကော့ꩻမာႏနဝ်ꩻ အီႏပျောႏကယ်ꩻလဲဉ်းက လိုꩻဂွုဏ်ႏသရေႏအဝ်ႏသား တအဝ်ႏလိုႏလꩻတဝ်း ထာꩻကော့ꩻမာႏ ကွတ်ꩻဆီကွတ်ꩻဖြာꩻနဝ်ꩻသွူ။။
ရွဉ်ဒင်္ဂါꩻထိုꩻမား
8“ရိုꩻခန်း ပါꩻမူႏတဖြာꩻနဝ်ꩻ အရွဉ်ဒင်္ဂါꩻ အဝ်ႏအဗီႏတဆီတွော့ꩻ ထိုꩻမားထိုꩻ တဗီႏတဲင် ပါꩻမူႏနဝ်ꩻ အီႏမာꩻနုဲင်းမုဲင်ꩻဟောင်း။ ဝွေꩻမူႏတဲစ်ꩻ မေႏတေန်ꩻတဖြုံႏ၊ ဖွစ်ꩻဖျိုး ဝွေꩻမူႏလမ်းတဲင် ဗꩻတွိုႏစွဉ်ႏ ဝွေꩻမူႏကမော့ꩻချာ ရွဉ်ဒင်္ဂါꩻနဝ်ꩻ ထုမ်ႏထွားစွစ်ꩻစဲစ်ꩻစွဉ်ႏသွူ။ 9ဝွေꩻမူႏ ထွိုင်ႏမော့ꩻချာ ရွဉ်ဒင်္ဂါꩻနဝ်ꩻ ဝွေꩻမူႏဟဲ့ꩻအသွꩻ လမ်းသောင် လမ်းထျꩻဖုံႏတဲင် ရိုꩻဖေႏဝွေꩻသီး၊ ‘ ခွေရွဉ်ထိုꩻမားနဝ်ꩻ ခွေမော့ꩻချာယင်းလဲဉ်း၊ နဝ်ꩻမꩻ ခွေသပျောႏငါႏ။ လွဉ်ဟုဲင်း နီမာꩻတွမ် ပွယ်ꩻမွန်းပျောႏ၊’နုဲင်းနဝ်ꩻသွူ။ 10ဗွိုန်နုဲင်းနဝ်ꩻနေနေ ခွေဒေါ့ꩻဖေႏသီ အပဲစ်သားတဖြာꩻ ကလꩻထာꩻကော့ꩻမာႏနဝ်ꩻ ဗွေႏဘုရာꩻ မို့ꩻလောင်းတမန်ႏဖုံႏ သပျောႏငါႏ” နုဲင်းနဝ်ꩻသွူ။
ပိုခိုထိုꩻမာႏ
11ဗွေႏယေသျုဒေါ့ꩻသွုပ်၊ “တလဲင်ႏသား ပါꩻခိုတဖြာꩻနဝ်ꩻ အပိုခို အဝ်ႏဝင်ꩻနီသွူ။ 12အဖြာꩻပေႏနဝ်ꩻ ဒေါ့ꩻဖေႏအဖါ၊ ‘ဖါ၊ ခွေကလꩻထွိုက်ဒါႏ အမွီႏဥစ္စာႏ ထာꩻခြိုꩻဖုံႏနဝ်ꩻ ဖေႏခန်းခွေ ယိုခါမွိုင်’ နုဲင်းနဝ်ꩻမꩻ ပါꩻခိုနဝ်ꩻ ဖဖေႏထိုꩻခန်း ဝွေꩻဥစ္စာႏပစ္စေꩻ ဝွေꩻပိုခိုဝင်ꩻနီတာႏနဝ်ꩻသွူ။ 13ဆုဲင်ꩻမွူးနီꩻတပေါႏညတဝ်း ဝွေꩻပိုခိုပေႏနဝ်ꩻ ထူႏဝွေꩻအထာꩻခြိုꩻတဲင် စာထိုꩻတွော့ꩻ တွမ်ႏဝွေꩻအရွဉ်ဖုံႏနဝ်ꩻ ထန်ႏလွေꩻညာꩻထိုꩻစွဉ်ႏ ခမ်းညာꩻတခမ်း၊ ဝွေꩻနဝ်ꩻ သꩻဝင်ႏစာꩻဒျာႏ ထာꩻပျောႏတဲင် ဖျုန်ꩻထိုꩻစွဉ်ႏ ဝွေꩻရွဉ်နဝ်ꩻသွူ။ 14ဝွေꩻဖျုန်ꩻလို့ အရွဉ်ဖုံႏ ကားကအဝ်ႏထွူ၊ ခမ်းထီ ဝွေꩻကအုံနဝ်ꩻတဲ့ ထာꩻအံႏအွꩻခြောတဲင် ဝွေꩻထာꩻခြိုꩻ တစွိုးတမျိုꩻငါတဲ့ အဝ်ႏကုဲင်ဒွုမ်သွူ။ 15နဝ်ꩻမꩻ ဝွေꩻအီႏလွေꩻမာꩻထာꩻမာꩻ ခမ်းရင်ꩻသားနဝ်ꩻကို တဖြာꩻထျꩻတဲင် အီႏမာꩻထာꩻမာꩻနဝ်ꩻ ဖေႏဝွေꩻကတီဖေႏ အထော့ꩻဖုံႏနဝ်ꩻ အွဉ်ႏစွꩻပသာလွေꩻစွဉ်ႏ ဝွေꩻခြံတုံးသွူ။ 16ထော့ꩻဖုံႏကအံႏဒါႏ ဗာႏရာႏနဝ်ꩻ ဝွေꩻမဉ်အံႏမွေးငါႏ၊ ကွဲႏတွော့ꩻ ပါꩻမုဲင်ꩻတဲ့ တဖေႏအံႏတဝ်းဝွေꩻ ထာꩻအံႏတစွိုးစွိုးသွူ။ 17အဆုဲင်ꩻသွတ်ꩻ ဝွေꩻသေချာယင်း ထာꩻအမဲဉ်ႏတဲင်ရိုꩻ၊ ခွေဖါလိုꩻစင်းဖုံႏ ကားကအဝ်ႏနဝ်ꩻ အံႏအွꩻဗာႏကွို့ꩻဒျာႏတဲင် ခွေနဝ်ꩻ အံႏမဗာႏဒျာႏထာꩻ ယိုကိုနုဲင်းမုဲင်ꩻ။ 18ခွေအီႏထွိုင်ႏ လွေꩻထေ့ ခွေဖါတဲင်ရိုꩻ၊ “ဖါ၊ ခွေပဲစ်မာႏ ဆန်ချာလဲဉ်း ဗွေႏဘုရာꩻတွမ်ႏ ဆန်ချာဒျာႏနီဖါသွူ။ 19ခွေနဝ်ꩻ တဟဲ့ꩻထွိုက်တဝ်းဒွုမ် နီဖါအပိုခိုသွူ။ မတ်သွော့ခွေ နုဲင်းနီဖါ လိုꩻစင်းတဖြာꩻဟုဲင်း’ ”ရိုꩻချာနုဲင်းနဝ်ꩻသွူ။ 20နဝ်ꩻမꩻ ဝွေꩻထွိုင်ႏတဲင် သဲင်ꩻထေ့ချာစွဉ်ႏ ဝွေꩻဖါထျꩻနဝ်ꩻသွူ။
“ဝွေꩻအဝ်ႏညာꩻနေကလမ်း တဖူꩻလောင်း ဝွေꩻဖါထွိုင်ႏထီႏ ဝွေꩻချိန်ႏ၊ အဖါအဝ်ႏ ဗွေစွဉ်ႏ ထာꩻသꩻညင်ꩻတဲင် ဖင်းလွေꩻတွော့ꩻ စွဉ်ႏအစူ တဖေါ့ခူ ဝွေꩻပိုခိုတဲင် နို့ꩻစွဉ်ႏဝွေꩻနဝ်ꩻသွူ။ 21ပိုခိုဒေါ့ꩻ၊ ‘ဖါ’ ခွေပဲစ်မာႏဆန်ချာလဲဉ်း ဗွေႏဘုရာꩻတွမ်ႏ ဆန်ချာလဲဉ်း နီဖါနဝ်ꩻသွူ။ ခွေနဝ်ꩻ တထွိုက်ဟဲ့ꩻတဝ်းဒွုမ် နီဖါပိုခို’ နုဲင်းနဝ်ꩻသွူ။ 22ကွဲႏတွော့ꩻ အဖါနဝ်ꩻ ဟဲ့ꩻဝွေꩻသွဉ်းဖုံႏတဲင်ဒေါ့ꩻ၊ ‘မာꩻမွိုင်မွိုင်၊ ထူႏလွဉ် ဆဲင်ꩻတန်ဆွာꩻ အယံသွတ်ꩻနဝ်ꩻတဲင် အွဉ်ႏကꩻဖေႏသွော့ဝွေꩻ၊ ထူႏလွဉ်စူသွို့ꩻ ဖေႏဆွဝွေꩻစူနုန်လောင်း၊ ထူႏလွဉ်ခင်ႏဖါႏဆွုပ် အွဉ်ႏထုမ်းဝွေꩻခင်ႏဟုဲင်း။ 23နဝ်ꩻထွူ လွေꩻထူႏ ဖိုးထီးယံတဲင် မာꩻသီတွော့ꩻ နီအွဉ်ဝင်ꩻမာꩻတွမ် ပွယ်ꩻတဖြုံႏ။ 24ပွိုးခွေပိုခိုယိုနဝ်ꩻ သီထိုꩻလဲဉ်း၊ ကွဲႏတွော့ꩻ ယိုခါဝွေꩻနဝ်ꩻ အသက်အဝ်ႏမွန်ချာလဲဉ်းသွူ။ ဝွေꩻနဝ်ꩻထိုꩻမားလဲဉ်း၊ ကွဲႏတွော့ꩻ ယိုခါ ဝွေꩻနဝ်ꩻ မော့ꩻချာလဲဉ်း’ နဝ်ꩻမꩻ မာꩻစွဉ်ႏ ပွယ်ꩻနဝ်ꩻသွူ။ 25‘အချိန်ႏနဝ်ꩻ ပိုခိုတန် အဝ်ႏခြံကို ထန်ႏသဲင်ꩻလွဉ်ချာ၊ ဝွေꩻထွိုင်ႏသဲင်ꩻဗော့ꩻ အလမ်းနဝ်ꩻ ဝွေꩻဟွိုန် ရွစ်သချင်ꩻငဝ်းတွမ်ႏ ဝင်ꩻအဝ်ႏကျူႏထာꩻငဝ်း နဝ်ꩻသွူ။ 26နဝ်ꩻမꩻ ဝွေꩻဟဲ့ꩻစွဉ်ႏ အသွဉ်းတဖြာꩻတဲင် ရီဝွေꩻ၊ ‘အမာꩻတမုဲင်ꩻဖုံႏဟောင်း’ နုဲင်းနဝ်ꩻသွူ။ 27အသွဉ်းလဝ်းချာ၊ ‘နာꩻဖူးခို ဖျော်သဲင်ꩻ လွဉ်ချာလဲဉ်းလမ်း၊ နဝ်ꩻမꩻ ကွပ်ပွိုး ဘေꩻကင်ꩻရန်ႏသျင်ꩻ ဖျော်သဲင်ꩻချာ နဝ်ꩻမꩻ၊ သီဖါမာꩻသီ ဖိုးထီးထွိုက်ꩻယံ တဗာႏနဝ်ꩻသွူ။
28ပွိုးနုဲင်းနဝ်ꩻ အဝေးခို သꩻလျား မွေးစွဉ်ႏထာꩻတဲင် တနွို့သော့ꩻတဝ်းဒွုမ် လမ်းကိုနဝ်ꩻမꩻ ဖေႏကနွို့သော့ꩻ လမ်းကိုနဝ်ꩻ ဝွေꩻဖါ ထန်ႏလွဉ် ချနားဖေႏဝွေꩻသွူ။ 29ကွဲႏတွော့ꩻ ဝွေꩻဒေါ့ꩻချာဖေႏ အဖါ၊ ‘ထွားမွိုင်၊ ခွေကမာꩻဖေႏ နီဖါအတာႏ နုဲင်းသွဉ်းတဖြာꩻနဝ်ꩻ နေင်ႏပေါင်အာငါႏလဲဉ်း၊ မုဲင်ꩻခါတဲ့ ခွေတလွိုတဝ်း နီဖါငဝ်း၊ နီဖါဖေႏဖိုခွေ တမုဲင်ꩻဟောင်း။ တွမ်ႏခွေသွꩻဖုံႏ ကအီႏအံႏပျောႏတာႏနဝ်ꩻ ဗဲပေႏတဗာႏငါတဲ့ နီဖါ တဖို့ꩻဖေႏဖိုတဝ်းခွေ။ 30ကွဲႏတွော့ꩻ ပိုခိုယိုနဝ်ꩻ ဖျုန်ꩻလို့ နီဖါထာꩻခြိုꩻဥစ္စာႏတွမ်ႏ လိုꩻမူႏ တဟဝ်တဝ်းတဲင် ဝွေꩻထွိုင်ႏသဲင်ꩻ ဖျော်ချာလမ်းနဝ်ꩻ ဝွေꩻတာႏ နီဖါဖို့ꩻဖေႏစွဉ်ႏ ဖိုးထီးထွိုက်ꩻယံ အငိုꩻတန်နုဲင်းမုဲင်ꩻ။ 31အဖါလဝ်းချာ၊ ‘ခွေပိုခို၊ နာꩻနဝ်ꩻ အဝ်ႏငီꩻသေႏသေႏ တွမ်ႏခွေ လမ်းယိုတဲင် ခွေထာꩻခြိုꩻဖုံႏ ကားကအဝ်ႏနဝ်ꩻ နာꩻပဲင်ႏဒျာႏ။ 32ပွိုးတွော့ꩻ နာꩻဖူးခိုနဝ်ꩻ ရီးခါသီထိုꩻလဲဉ်း၊ ကွဲႏတွော့ꩻ ယိုခါ ဝွေꩻမွန်လွဉ်ချာလဲဉ်း။ ရီးခါ ဝွေꩻထိုꩻမားထိုꩻလဲဉ်း၊ ကွဲႏတွော့ꩻ ယိုခါ မော့ꩻချာလဲဉ်း ဝွေꩻနဝ်ꩻမꩻ နီမာꩻဗာႏ ပွယ်ꩻမွန်းပျောႏ’” နုဲင်းနဝ်ꩻသွူ။
ទើបបានជ្រើសរើសហើយ៖
လုကာ 15: PBCL
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Pao Bible Common Language© Bible Society of Myanmar, 2019.
လုကာ 15
15
သွိုꩻထိုꩻမား
(မတဲ ၁၈:၁၂–၁၄)
1 # လု ၅:၂၉၊၃၀။ တနီꩻသား အခွဉ်ႏကောက်သားဖုံႏ အာငါႏတွမ်ႏ လိုꩻဝင်ꩻကပယ်ႏထန်ႏထိုꩻသားဖုံႏ အီႏလွဉ်နာႏ ဗွေႏယေသျု တရာꩻငဝ်းချိန်ႏ၊ 2ဖါရိသဲဖုံႏတွမ်ႏ ကျမ်ꩻဒါႏ ဆရာႏဖုံႏစတဲင် သောင်ခြင်ꩻထာꩻ၊ “ပါꩻခိုယိုနဝ်ꩻ ရပ်ကျိုႏဆွုမ်ႏစွဉ်ႏ လိုꩻဝင်ꩻကပယ်ႏသားတဲင် လဲင်ꩻအံႏအွꩻငီꩻတွမ်ႏ ဝွေꩻသီးနုဲင်းမုဲင်ꩻ” နုဲင်းနဝ်ꩻသွူ။ 3နဝ်ꩻမꩻ ဗွေႏယေသျု ဒေါ့ꩻနယ်ဖေႏဝွေꩻသီး တွမ်ႏဥပမာႏနုဲင်းယိုသွူ။
4“ရိုꩻခန်းသီကို ပါꩻတဖြာꩻ အသွိုꩻအဝ်ႏ အဗာႏတရျာꩻတဲင် ထိုꩻမားထိုꩻတဗာႏနဝ်ꩻ သီအီႏမာꩻ နုဲင်းမုဲင်ꩻဟောင်း။ သီအွဉ်ႏကုဲင်ထိုꩻအလင် ကွတ်ꩻဆီကွတ်ꩻဗာႏ အဆာႏတကြက်ꩻ ဟဝ်ကိုတဲင် ဗꩻတွိုႏစွဉ်ႏ သီကမော့ꩻချာနဝ်ꩻ ထန်ႏလွေꩻထုမ်ႏစွဉ်ႏ ကထိုꩻမားထိုꩻဒါႏ တဗာႏနဝ်ꩻ မွေးတဝ်းနဲ့။ 5သီထွိုင်ႏမော့ꩻချိန်ႏ သီသပျောႏငါႏတဲင် သွိုꩻနဝ်ꩻ သီအွဉ်ႏဒင်ႏ သီပြေင်လောင်းတွော့ꩻ 6အီသဲင်ꩻချာလမ်းနဝ်ꩻသွူ။ နဝ်ꩻထွူ သီဟဲ့ꩻစုဗူႏ သီသွꩻဖုံႏတွမ်ႏ သီလိုꩻအသောင်အထျꩻ သားဖုံႏတွော့ꩻ ရိုꩻဖေႏဝွေꩻသီး၊ ‘ ခွေသွိုꩻထိုꩻမားနဝ်ꩻ ခွေမော့ꩻချာယင်းလဲဉ်း၊ နဝ်ꩻမꩻ ခွေသꩻပျောႏငါႏ။ လွဉ်ဟုဲင်း၊ နီမာꩻတွမ် ပွယ်ꩻမွန်းပျောႏ’ နုဲင်းနဝ်ꩻသွူ။ 7ဗွိုန်နုဲင်းနဝ်ꩻနေနေ ခွေဒေါ့ꩻဖေႏသီ ခမ်းထီမို့ꩻလောင်းကို အပဲစ်သားတဖြာꩻ လꩻထာꩻကော့ꩻမာႏနဝ်ꩻ အီႏပျောႏကယ်ꩻလဲဉ်းက လိုꩻဂွုဏ်ႏသရေႏအဝ်ႏသား တအဝ်ႏလိုႏလꩻတဝ်း ထာꩻကော့ꩻမာႏ ကွတ်ꩻဆီကွတ်ꩻဖြာꩻနဝ်ꩻသွူ။။
ရွဉ်ဒင်္ဂါꩻထိုꩻမား
8“ရိုꩻခန်း ပါꩻမူႏတဖြာꩻနဝ်ꩻ အရွဉ်ဒင်္ဂါꩻ အဝ်ႏအဗီႏတဆီတွော့ꩻ ထိုꩻမားထိုꩻ တဗီႏတဲင် ပါꩻမူႏနဝ်ꩻ အီႏမာꩻနုဲင်းမုဲင်ꩻဟောင်း။ ဝွေꩻမူႏတဲစ်ꩻ မေႏတေန်ꩻတဖြုံႏ၊ ဖွစ်ꩻဖျိုး ဝွေꩻမူႏလမ်းတဲင် ဗꩻတွိုႏစွဉ်ႏ ဝွေꩻမူႏကမော့ꩻချာ ရွဉ်ဒင်္ဂါꩻနဝ်ꩻ ထုမ်ႏထွားစွစ်ꩻစဲစ်ꩻစွဉ်ႏသွူ။ 9ဝွေꩻမူႏ ထွိုင်ႏမော့ꩻချာ ရွဉ်ဒင်္ဂါꩻနဝ်ꩻ ဝွေꩻမူႏဟဲ့ꩻအသွꩻ လမ်းသောင် လမ်းထျꩻဖုံႏတဲင် ရိုꩻဖေႏဝွေꩻသီး၊ ‘ ခွေရွဉ်ထိုꩻမားနဝ်ꩻ ခွေမော့ꩻချာယင်းလဲဉ်း၊ နဝ်ꩻမꩻ ခွေသပျောႏငါႏ။ လွဉ်ဟုဲင်း နီမာꩻတွမ် ပွယ်ꩻမွန်းပျောႏ၊’နုဲင်းနဝ်ꩻသွူ။ 10ဗွိုန်နုဲင်းနဝ်ꩻနေနေ ခွေဒေါ့ꩻဖေႏသီ အပဲစ်သားတဖြာꩻ ကလꩻထာꩻကော့ꩻမာႏနဝ်ꩻ ဗွေႏဘုရာꩻ မို့ꩻလောင်းတမန်ႏဖုံႏ သပျောႏငါႏ” နုဲင်းနဝ်ꩻသွူ။
ပိုခိုထိုꩻမာႏ
11ဗွေႏယေသျုဒေါ့ꩻသွုပ်၊ “တလဲင်ႏသား ပါꩻခိုတဖြာꩻနဝ်ꩻ အပိုခို အဝ်ႏဝင်ꩻနီသွူ။ 12အဖြာꩻပေႏနဝ်ꩻ ဒေါ့ꩻဖေႏအဖါ၊ ‘ဖါ၊ ခွေကလꩻထွိုက်ဒါႏ အမွီႏဥစ္စာႏ ထာꩻခြိုꩻဖုံႏနဝ်ꩻ ဖေႏခန်းခွေ ယိုခါမွိုင်’ နုဲင်းနဝ်ꩻမꩻ ပါꩻခိုနဝ်ꩻ ဖဖေႏထိုꩻခန်း ဝွေꩻဥစ္စာႏပစ္စေꩻ ဝွေꩻပိုခိုဝင်ꩻနီတာႏနဝ်ꩻသွူ။ 13ဆုဲင်ꩻမွူးနီꩻတပေါႏညတဝ်း ဝွေꩻပိုခိုပေႏနဝ်ꩻ ထူႏဝွေꩻအထာꩻခြိုꩻတဲင် စာထိုꩻတွော့ꩻ တွမ်ႏဝွေꩻအရွဉ်ဖုံႏနဝ်ꩻ ထန်ႏလွေꩻညာꩻထိုꩻစွဉ်ႏ ခမ်းညာꩻတခမ်း၊ ဝွေꩻနဝ်ꩻ သꩻဝင်ႏစာꩻဒျာႏ ထာꩻပျောႏတဲင် ဖျုန်ꩻထိုꩻစွဉ်ႏ ဝွေꩻရွဉ်နဝ်ꩻသွူ။ 14ဝွေꩻဖျုန်ꩻလို့ အရွဉ်ဖုံႏ ကားကအဝ်ႏထွူ၊ ခမ်းထီ ဝွေꩻကအုံနဝ်ꩻတဲ့ ထာꩻအံႏအွꩻခြောတဲင် ဝွေꩻထာꩻခြိုꩻ တစွိုးတမျိုꩻငါတဲ့ အဝ်ႏကုဲင်ဒွုမ်သွူ။ 15နဝ်ꩻမꩻ ဝွေꩻအီႏလွေꩻမာꩻထာꩻမာꩻ ခမ်းရင်ꩻသားနဝ်ꩻကို တဖြာꩻထျꩻတဲင် အီႏမာꩻထာꩻမာꩻနဝ်ꩻ ဖေႏဝွေꩻကတီဖေႏ အထော့ꩻဖုံႏနဝ်ꩻ အွဉ်ႏစွꩻပသာလွေꩻစွဉ်ႏ ဝွေꩻခြံတုံးသွူ။ 16ထော့ꩻဖုံႏကအံႏဒါႏ ဗာႏရာႏနဝ်ꩻ ဝွေꩻမဉ်အံႏမွေးငါႏ၊ ကွဲႏတွော့ꩻ ပါꩻမုဲင်ꩻတဲ့ တဖေႏအံႏတဝ်းဝွေꩻ ထာꩻအံႏတစွိုးစွိုးသွူ။ 17အဆုဲင်ꩻသွတ်ꩻ ဝွေꩻသေချာယင်း ထာꩻအမဲဉ်ႏတဲင်ရိုꩻ၊ ခွေဖါလိုꩻစင်းဖုံႏ ကားကအဝ်ႏနဝ်ꩻ အံႏအွꩻဗာႏကွို့ꩻဒျာႏတဲင် ခွေနဝ်ꩻ အံႏမဗာႏဒျာႏထာꩻ ယိုကိုနုဲင်းမုဲင်ꩻ။ 18ခွေအီႏထွိုင်ႏ လွေꩻထေ့ ခွေဖါတဲင်ရိုꩻ၊ “ဖါ၊ ခွေပဲစ်မာႏ ဆန်ချာလဲဉ်း ဗွေႏဘုရာꩻတွမ်ႏ ဆန်ချာဒျာႏနီဖါသွူ။ 19ခွေနဝ်ꩻ တဟဲ့ꩻထွိုက်တဝ်းဒွုမ် နီဖါအပိုခိုသွူ။ မတ်သွော့ခွေ နုဲင်းနီဖါ လိုꩻစင်းတဖြာꩻဟုဲင်း’ ”ရိုꩻချာနုဲင်းနဝ်ꩻသွူ။ 20နဝ်ꩻမꩻ ဝွေꩻထွိုင်ႏတဲင် သဲင်ꩻထေ့ချာစွဉ်ႏ ဝွေꩻဖါထျꩻနဝ်ꩻသွူ။
“ဝွေꩻအဝ်ႏညာꩻနေကလမ်း တဖူꩻလောင်း ဝွေꩻဖါထွိုင်ႏထီႏ ဝွေꩻချိန်ႏ၊ အဖါအဝ်ႏ ဗွေစွဉ်ႏ ထာꩻသꩻညင်ꩻတဲင် ဖင်းလွေꩻတွော့ꩻ စွဉ်ႏအစူ တဖေါ့ခူ ဝွေꩻပိုခိုတဲင် နို့ꩻစွဉ်ႏဝွေꩻနဝ်ꩻသွူ။ 21ပိုခိုဒေါ့ꩻ၊ ‘ဖါ’ ခွေပဲစ်မာႏဆန်ချာလဲဉ်း ဗွေႏဘုရာꩻတွမ်ႏ ဆန်ချာလဲဉ်း နီဖါနဝ်ꩻသွူ။ ခွေနဝ်ꩻ တထွိုက်ဟဲ့ꩻတဝ်းဒွုမ် နီဖါပိုခို’ နုဲင်းနဝ်ꩻသွူ။ 22ကွဲႏတွော့ꩻ အဖါနဝ်ꩻ ဟဲ့ꩻဝွေꩻသွဉ်းဖုံႏတဲင်ဒေါ့ꩻ၊ ‘မာꩻမွိုင်မွိုင်၊ ထူႏလွဉ် ဆဲင်ꩻတန်ဆွာꩻ အယံသွတ်ꩻနဝ်ꩻတဲင် အွဉ်ႏကꩻဖေႏသွော့ဝွေꩻ၊ ထူႏလွဉ်စူသွို့ꩻ ဖေႏဆွဝွေꩻစူနုန်လောင်း၊ ထူႏလွဉ်ခင်ႏဖါႏဆွုပ် အွဉ်ႏထုမ်းဝွေꩻခင်ႏဟုဲင်း။ 23နဝ်ꩻထွူ လွေꩻထူႏ ဖိုးထီးယံတဲင် မာꩻသီတွော့ꩻ နီအွဉ်ဝင်ꩻမာꩻတွမ် ပွယ်ꩻတဖြုံႏ။ 24ပွိုးခွေပိုခိုယိုနဝ်ꩻ သီထိုꩻလဲဉ်း၊ ကွဲႏတွော့ꩻ ယိုခါဝွေꩻနဝ်ꩻ အသက်အဝ်ႏမွန်ချာလဲဉ်းသွူ။ ဝွေꩻနဝ်ꩻထိုꩻမားလဲဉ်း၊ ကွဲႏတွော့ꩻ ယိုခါ ဝွေꩻနဝ်ꩻ မော့ꩻချာလဲဉ်း’ နဝ်ꩻမꩻ မာꩻစွဉ်ႏ ပွယ်ꩻနဝ်ꩻသွူ။ 25‘အချိန်ႏနဝ်ꩻ ပိုခိုတန် အဝ်ႏခြံကို ထန်ႏသဲင်ꩻလွဉ်ချာ၊ ဝွေꩻထွိုင်ႏသဲင်ꩻဗော့ꩻ အလမ်းနဝ်ꩻ ဝွေꩻဟွိုန် ရွစ်သချင်ꩻငဝ်းတွမ်ႏ ဝင်ꩻအဝ်ႏကျူႏထာꩻငဝ်း နဝ်ꩻသွူ။ 26နဝ်ꩻမꩻ ဝွေꩻဟဲ့ꩻစွဉ်ႏ အသွဉ်းတဖြာꩻတဲင် ရီဝွေꩻ၊ ‘အမာꩻတမုဲင်ꩻဖုံႏဟောင်း’ နုဲင်းနဝ်ꩻသွူ။ 27အသွဉ်းလဝ်းချာ၊ ‘နာꩻဖူးခို ဖျော်သဲင်ꩻ လွဉ်ချာလဲဉ်းလမ်း၊ နဝ်ꩻမꩻ ကွပ်ပွိုး ဘေꩻကင်ꩻရန်ႏသျင်ꩻ ဖျော်သဲင်ꩻချာ နဝ်ꩻမꩻ၊ သီဖါမာꩻသီ ဖိုးထီးထွိုက်ꩻယံ တဗာႏနဝ်ꩻသွူ။
28ပွိုးနုဲင်းနဝ်ꩻ အဝေးခို သꩻလျား မွေးစွဉ်ႏထာꩻတဲင် တနွို့သော့ꩻတဝ်းဒွုမ် လမ်းကိုနဝ်ꩻမꩻ ဖေႏကနွို့သော့ꩻ လမ်းကိုနဝ်ꩻ ဝွေꩻဖါ ထန်ႏလွဉ် ချနားဖေႏဝွေꩻသွူ။ 29ကွဲႏတွော့ꩻ ဝွေꩻဒေါ့ꩻချာဖေႏ အဖါ၊ ‘ထွားမွိုင်၊ ခွေကမာꩻဖေႏ နီဖါအတာႏ နုဲင်းသွဉ်းတဖြာꩻနဝ်ꩻ နေင်ႏပေါင်အာငါႏလဲဉ်း၊ မုဲင်ꩻခါတဲ့ ခွေတလွိုတဝ်း နီဖါငဝ်း၊ နီဖါဖေႏဖိုခွေ တမုဲင်ꩻဟောင်း။ တွမ်ႏခွေသွꩻဖုံႏ ကအီႏအံႏပျောႏတာႏနဝ်ꩻ ဗဲပေႏတဗာႏငါတဲ့ နီဖါ တဖို့ꩻဖေႏဖိုတဝ်းခွေ။ 30ကွဲႏတွော့ꩻ ပိုခိုယိုနဝ်ꩻ ဖျုန်ꩻလို့ နီဖါထာꩻခြိုꩻဥစ္စာႏတွမ်ႏ လိုꩻမူႏ တဟဝ်တဝ်းတဲင် ဝွေꩻထွိုင်ႏသဲင်ꩻ ဖျော်ချာလမ်းနဝ်ꩻ ဝွေꩻတာႏ နီဖါဖို့ꩻဖေႏစွဉ်ႏ ဖိုးထီးထွိုက်ꩻယံ အငိုꩻတန်နုဲင်းမုဲင်ꩻ။ 31အဖါလဝ်းချာ၊ ‘ခွေပိုခို၊ နာꩻနဝ်ꩻ အဝ်ႏငီꩻသေႏသေႏ တွမ်ႏခွေ လမ်းယိုတဲင် ခွေထာꩻခြိုꩻဖုံႏ ကားကအဝ်ႏနဝ်ꩻ နာꩻပဲင်ႏဒျာႏ။ 32ပွိုးတွော့ꩻ နာꩻဖူးခိုနဝ်ꩻ ရီးခါသီထိုꩻလဲဉ်း၊ ကွဲႏတွော့ꩻ ယိုခါ ဝွေꩻမွန်လွဉ်ချာလဲဉ်း။ ရီးခါ ဝွေꩻထိုꩻမားထိုꩻလဲဉ်း၊ ကွဲႏတွော့ꩻ ယိုခါ မော့ꩻချာလဲဉ်း ဝွေꩻနဝ်ꩻမꩻ နီမာꩻဗာႏ ပွယ်ꩻမွန်းပျောႏ’” နုဲင်းနဝ်ꩻသွူ။
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Pao Bible Common Language© Bible Society of Myanmar, 2019.