လုကာ 14
14
ဗွေႏယေသျုလုမ်ꩻလာꩻဟဝ်ဖေႏလိုꩻဆာတဖြာꩻ
1ဥပုသ်မွူးနီꩻ တနီꩻသားနဝ်ꩻ ဗွေႏယေသျု အီႏလွေꩻအံႏထာꩻအံႏ ဖါရိသဲ ခေါင်းဆောင် လိုꩻတန်တဖြာꩻ အလမ်းနဝ်ꩻမꩻ လိုꩻဖုံႏနဝ်ꩻ အဝ်ႏပွေါးချောင်ꩻ ထွားတေ့ꩻ ဗွေႏယေသျုနဝ်ꩻသွူ။ 2ပါꩻခိုတဖြာꩻ အခင်ႏတွမ်ႏ အစူဖုံႏယော့ꩻဘော်ꩻ တထွဉ်ႏနဝ်ꩻ လွဉ်ထေ့ ဗွေႏယေသျုသွူ။ 3တဲင်ဗွေႏယေသျုရီ ကျမ်ꩻဒါႏ ဆရာႏဖုံႏတွမ်ႏ ဖါရိသဲဖုံႏ၊ “နီပညတ်နဝ်ꩻ ဥပုသ်မွူးနီꩻကို ဖေႏနေအခွင်ꩻ လုမ်ꩻလာꩻဟဝ်ဟောင်း၊ မဉ်ႏတမွေးတဝ်း ဖေႏတဝ်းအခွင်ꩻဟောင်း” နုဲင်းနဝ်ꩻသွူ။
4ကွဲႏတွော့ꩻ ဝွေꩻသီးဒေါ့ꩻချာတဝ်း တငွါငွါသွူ။ ဗွေႏယေသျု ဟဲ့ꩻပါꩻခို လုမ်ꩻလာꩻဟဝ်ဖေႏဝွေꩻတဲင် အွဉ်ႏစွꩻလွေꩻညာꩻထိုꩻစွဉ်ႏ ဝွေꩻသွူ။ 5#မ ၁၂:၁၁။ နဝ်ꩻထွူ ဝွေꩻဗွေႏဒေါ့ꩻဖေႏ ဝွေꩻသီး၊ “ဥပုသ်မွူးနီꩻကိုနဝ်ꩻ သီအကိုတဖြာꩻ ပို၊ မဉ်ႏတမွေးတဝ်း ဖိုးထီးတဗာႏ မဉ်ႏထဲ့သော့ꩻ ထီအုံႏကိုနဝ်ꩻ တလဲင်ႏချင်ႏ သီအီႏတထွို့ꩻထန်ႏထိုꩻတဝ်း ဥပုသ်မွူးနီꩻကိုနဝ်ꩻ အဝ်ႏနေဟောင်း” နုဲင်းနဝ်ꩻသွူ။
6ကွဲႏတွော့ꩻ ယိုခရာႏနဝ်ꩻ ဝွေꩻသီး တလဝ်းချာနွောင်ꩻတဝ်း ဝွေꩻဗွေႏသွူ။
အွဉ်ႏချဖွိုႏသꩻစွဉ်ႏဝွတ်ပတ်ထဉ်ႏ
7ထဉ်ႏယင်ဟန်ႏဖုံႏ လွိုက်ဒျာႏ ခင်ႏလမ်းဟဝ်ဖုံႏနဝ်ꩻ ဗွေႏယေသျု အဝ်ႏသေ၊ နဝ်ꩻမꩻ ဝွေꩻဗွေႏဒေါ့ꩻဖေႏ ဝွေꩻသီး ကားကအဝ်ႏ စွဉ်ႏငဝ်းဥပမာႏ နုဲင်းယိုသွူ။ 8#ပညာႏ ၂၅:၆၊ ၇။ “ပါꩻတဖြာꩻဖြာꩻ မဉ်ႏဖစ်ဟဲ့ꩻသီ ပွယ်ꩻတောႏလမ်း မင်္ဂလာႏကိုချိန်ႏနဝ်ꩻ တွမ်ႏအုံလင်ꩻသော့ꩻမွိုန်း ခင်ႏလမ်း အဟဝ်သွတ်ꩻကိုဟုဲင်း။ ကဖစ်လွဉ်ဒါႏအကို ပါꩻဂွုဏ်ႏသရေႏ တန်ကယ်ꩻနာꩻ မဉ်ႏပါလွဉ်နဝ်ꩻ၊ 9ပွယ်ꩻတကာႏ လွဉ်နာꩻထျꩻတွမ်ႏ ဝွေꩻနဝ်ꩻထျꩻတွော့ꩻ ရိုꩻဖေႏနာꩻ ‘ ခင်ႏလမ်းယိုနဝ်ꩻ ဖေႏဝွေꩻဟုဲင်း၊’ နုဲင်းနဝ်ꩻထွူ နာꩻအီႏလꩻ ထာꩻဝင်ꩻသꩻတဲင် အီႏအုံလင်ꩻထိုꩻဗာႏ ခင်ႏလမ်း အဖွိုႏသွတ်ꩻကိုနဝ်ꩻသွူ။ 10ခလားကမာꩻ နုဲင်းနဝ်ꩻနဝ်ꩻ မဉ်ႏဖစ်ပင်ꩻနာꩻချိန်ႏ လွေꩻတဲင် အုံလင်သွော့ အဖွိုႏသွတ်ꩻ ခင်ႏလမ်းဟုဲင်း၊ နဝ်ꩻမꩻ ပွယ်ꩻတကာႏ အီႏလွဉ်နာꩻထျꩻတဲင်ရိုꩻ၊ ‘ခွေသွꩻ၊ ထင်ႏကီအုံလင်ꩻ ခင်ႏလမ်းဟဝ်ကိုယိုဟုဲင်း’ နုဲင်းနဝ်ꩻထွူ နာꩻအီႏလꩻ ဂွုဏ်ႏသရေႏ ထဉ်ႏအလင်ဖုံႏ ကားကအဝ်ႏ ဆꩻငါနဝ်ꩻသွူ။ 11#မ ၂၃:၁၂၊ လု ၁၈:၁၄။ ပွိုးလိုꩻကအွဉ်ႏတန် အနမ်းသားနဝ်ꩻ အီႏထဲ့ဖွိုႏထိုꩻတဲင် လိုꩻကချဖွိုႏဒါႏ အနမ်းသားနဝ်ꩻ အီႏခံႏဗာႏ အပင်ႏထို” နုဲင်းနဝ်ꩻသွူ။
12နဝ်ꩻထွူ ဗွေႏယေသျုဒေါ့ꩻဖေႏ ကောကဖစ်ဒါႏ ဝွေꩻဗွေႏ ပွယ်ꩻတကာႏသား၊ “နာꩻကဖစ်ဟဲ့ꩻအံႏဒါႏ ဒဲဉ်ယာတဲ့နဝ်ꩻ ဒဲဉ်ဟာတဲ့နဝ်ꩻ တွမ်ႏဖစ်မွိုန်း နာꩻသွꩻဖုံႏ၊ မဉ်ႏတမွေးတဝ်း နာꩻဖူးနာꩻဝေးဖုံႏ၊ နာꩻစွိုးခွိုꩻဖုံႏ၊ မဉ်ႏတမွေးတဝ်း လိုꩻခြွေ နာꩻလမ်းသောင် လမ်းထျꩻဖုံႏဟုဲင်း၊ မဉ်ႏဖစ်ဟဲ့ꩻနဝ်ꩻ ပွိုးဝွေꩻသီး အီႏဖြော်ချာ နာꩻကေꩻဇူꩻတဲင် ဖစ်ပင်ꩻဖေႏအံႏအွꩻ ချာယင်းနာꩻနဝ်ꩻသွူ။ 13နာꩻမဉ်ႏမာꩻပွယ်ꩻနဝ်ꩻ ဖစ်ပင်ꩻ ဖေႏအံႏဖေႏအွꩻသွော့ လိုꩻကေန်ꩻခြောဖုံႏ၊ လိုꩻဒုက္ခိတဖုံႏ၊ လိုꩻမာႏရေႏ၊ စူသီခင်ႏသီ၊ လိုꩻမဲ့ခေ့ꩻဖုံႏဟုဲင်း။ 14နဝ်ꩻမꩻ နာꩻအီႏလꩻမင်္ဂလာႏ၊ ပွိုးဝွေꩻသီးနဝ်ꩻ အီႏတဖြော်ချာနွောင်ꩻတဝ်း နာꩻကေꩻဇူꩻတဲင် အဝ်ႏထာꩻသီကို လိုꩻဟဝ်ဖုံႏ မဉ်ႏထွိုင်ႏမွန်ချာ အနီꩻနဝ်ꩻ ဗွေႏဘုရာꩻ အီႏဖြော်ဖေႏဒျာႏနာꩻ” နုဲင်းနဝ်ꩻသွူ။
ပွယ်ꩻတန်ခံႏထဉ်ႏဥပမာႏ
(မတဲ ၂၂:၁–၁၀)
15ထဉ်ႏဖုံႏကိုတဖြာꩻ ကအဝ်ႏအုံလင်ꩻဒါႏ ထာꩻအံႏခွုံႏထျꩻ ထွိုင်ႏဟွိုန် နုဲင်းယိုချိန်ႏနဝ်ꩻ၊ ဝွေꩻဒေါ့ꩻဖေႏ ဗွေႏယေသျု၊ “လိုꩻကနွို့ အီႏအုံလင်သော့ꩻဗာႏပွယ်ꩻ ဗွေႏဘုရာꩻ ခမ်းထီကိုနဝ်ꩻ မင်္ဂလာႏအဝ်ႏငါႏ ခွိုင်းကားမုဲင်ꩻ” နုဲင်းနဝ်ꩻသွူ။
16ဗွေႏယေသျုဒေါ့ꩻဖေႏဝွေꩻ၊ “တလဲင်ႏသား ပါꩻခိုတဖြာꩻ မာꩻပွယ်ꩻတန်တွော့ꩻ ဝွေꩻဖစ်ပင်ꩻလိုꩻဖုံႏ အာဖြာꩻငါႏသွူ။ 17အချိန်ႏအံႏအွꩻ ထွိုင်ႏတွိုႏ ဝွေꩻအွဉ်ႏစွꩻလွေꩻအသွဉ်း ဖေႏကလွေꩻ အွဉ်ႏဒေါ့ꩻထဉ်ႏ ကဖစ်ပင်ꩻ သေꩻခါꩻလဲဉ်းသားဖုံႏ ‘ဖေႏနေးကကျွꩻလွဉ်ခန်း၊ ပွိုးတွော့ꩻ ကားကအဝ်ႏ ဖျင်ရဲဉ်ꩻထွူလဲဉ်း၊’ နုဲင်းနဝ်ꩻသွူ။ 18ကွဲႏတွော့ꩻ ဝွေꩻသီး ကားကအဝ်ႏ တဖြာꩻထွူတဖြာꩻ တောင်ꩻပြန်ႏဆွုမ်ႏဒျာႏ နဝ်ꩻသွူ။ အရီးသွတ်ꩻ တဖြာꩻနဝ်ꩻ ဒေါ့ꩻဖေႏသွဉ်း၊ ‘ခွေဖြေꩻသေꩻခါꩻလဲဉ်း ခြံတဟိုႏ၊ နဝ်ꩻမꩻ ခွေအီႏလွေꩻထွားဗာႏ။ ခွေတောင်ꩻပြန်ႏဒျာႏ ခွင်ꩻလွစ်ဖေႏခွေဟုဲင်း’ နုဲင်းနဝ်ꩻသွူ။ 19အလင်တဖြာꩻနဝ်ꩻဒေါ့ꩻ၊ ‘ခွေဖြေꩻသေꩻခါꩻလဲဉ်း ဖိုးလောငတ်ꩻစွုံႏ ခွေအီႏလွေꩻဝါး ထွားစမ်ꩻဗာႏသွူ။ နဝ်ꩻမꩻ ခွေတောင်ꩻပြန်ႏဒျာႏနာꩻ ခွင်ꩻလွစ်ဖေႏဗဲင်း’ နုဲင်းနဝ်ꩻသွူ။ 20တဲင်အလင်တဖြာꩻနဝ်ꩻရိုꩻ၊ ‘ခွေစတောႏလမ်း မင်္ဂလာႏ နဝ်ꩻမꩻ ခွေလွဉ်နွောင်ꩻတဝ်း’ နုဲင်းနဝ်ꩻသွူ။
21ပွိုးနုဲင်းနဝ်ꩻ သွဉ်းနဝ်ꩻ သဲင်ꩻချာတဲင် ယိုဖုံႏကားကအဝ်ႏနဝ်ꩻ ဒေါ့ꩻနယ် လို့စွဉ်ႏ ဝွေꩻအဗွေႏသွူ။ အဗွေႏနဝ်ꩻ သꩻလျားငါႏတဲင် ဒေါ့ꩻဖေႏအသွဉ်း၊ ‘ထန်ႏလွေꩻမွိုင်မွိုင် ဝေင်ꩻကို တဖူꩻတန်လောင်း တဖူꩻပေႏလောင်းတဲင် ဟဲ့ꩻလွဉ်သွော့ လိုꩻကေန်ꩻခြော၊ လိုꩻဒုက္ခိတ၊ လိုꩻမဲ့ခေ့ꩻတွမ်ႏ လိုꩻမာႏရေႏဖုံႏဟုဲင်း’ နုဲင်းနဝ်ꩻသွူ။ 22တညတဝ်း သွဉ်းနဝ်ꩻ ဒေါ့ꩻဟွိုန်ချာ၊ ‘နီဗွေႏကဖေႏ အမိန်းအတွိုင်ꩻနဝ်ꩻ ခွေသွဉ်းမာꩻထွူလို့လဲဉ်း။ ဗွေႏ၊ ကွဲႏတွော့ꩻ အခန်ꩻနဝ်ꩻ အဝ်ႏခြေင်နေဒွိုန်းက’” နုဲင်းနဝ်ꩻသွူ။ 23နဝ်ꩻမꩻ အဗွေႏနဝ်ꩻ ဒေါ့ꩻဖေႏအသွဉ်း၊ ‘ထန်ႏလွေꩻတဖူꩻ ဒုံဖုံႏတွော့ꩻ ဖေႏကဗွေသော့ꩻ လမ်းကိုနဝ်ꩻ ဟဲ့ꩻလွဉ်လꩻလꩻလိုꩻဖုံႏ။ 24ခွေဒေါ့ꩻဖေႏနာꩻ၊ ခွေကဖစ်ပင်ꩻရီးလဲဉ်းဒါႏ လိုꩻဖုံႏနဝ်ꩻ တဖြာꩻငါတဲ့ ဖေႏကအံႏ ထွားစမ်ꩻဗာႏမွိုန်း ခွေဒဲဉ်ဟန်ႏ’” နုဲင်းနဝ်ꩻသွူ။
ထွာတပဲ့တောႏတဖြာꩻကအီႏဖေႏဗာႏအခꩻ
(မတဲ ၁၀:၃၇–၃၈)
25တလဲင်ႏသားနဝ်ꩻ လိုꩻစွိုꩻအာဖုံႏ အဝ်ႏလွေꩻငီꩻတွမ်ႏ ဗွေႏယေသျုချိန်ႏ ဝွေꩻဗွေႏခွယ်ချာတဲင် ဒေါ့ꩻဖေႏဝွေꩻသီး၊ 26#မ ၁၀:၃၇။ “လိုꩻကလွဉ်ဒါႏ ခွေထျꩻနဝ်ꩻ ဝွေꩻကရက်ခွေ ပေါႏတလွိုကယ်ꩻတဝ်း ကရက်ဒါႏ အမွိုးဖါ၊ အမာ၊ တွမ်ႏအပိုဖုံႏ၊ အဖူးဝေးဖုံႏ၊ အဖူးမူႏ၊ ဝေးမူႏဖုံႏတွမ်ႏ ဝွေꩻနမ်းနဝ်ꩻ တထွာနွောင်ꩻတဝ်း ခွေတပဲ့တောႏသွူ။ 27#မ ၁၀:၃၈၊ ၁၆:၂၄၊ မာ ၈:၃၄၊ လု ၉:၂၃။ လိုꩻတထမ်ႏတဝ်း ဝွေꩻသီးနမ်း ကင်းထွန်ႏတွော့ꩻ ကလွေꩻလွဉ်ꩻဒါႏ ခွေဆꩻချာနဝ်ꩻ အီႏတထွာနွောင်ꩻတဝ်း ခွေတပဲ့တောဖုံႏသွူ။
28သီကိုတဖြာꩻ မဉ်ႏရေႏတယ်ႏ ရန်းခြေင်ႏတွိုက်ထို တဖြုံႏ၊ ဗꩻတွိုႏစွဉ်ႏ ထာꩻမာꩻကထွူ ဖေႏကသေ သီရွဉ်အီႏလုမ်းနဲ့ တလုမ်းတဝ်းနဲ့နဝ်ꩻ အရီးသွတ်ꩻ သီအီႏအုံလင်ꩻတွော့ꩻ တတွက်ထွားတဝ်းနဲ့။ 29နာꩻမဉ်ႏ တတွက်ရီးတဝ်း ကချရီးဒါႏ ရန်းခြေင်ႏတွိုက်ထို ခင်ႏဖါနဝ်ꩻ နာꩻအီႏတတယ်ႏထင်ႏ ထွူနွောင်ꩻတဝ်းတဲင် ကထီႏဗာႏ လိုꩻကားကအဝ်ႏနဝ်ꩻ အီႏငနာꩻနဝ်ꩻသွူ။ 30ဝွေꩻသီးအီႏရိုꩻ ‘နာꩻနဝ်ꩻ တယ်ႏလꩻစွဉ်ႏ အစလွုမ်ꩻ တအွဉ်ႏထွူနွောင်ꩻတဝ်း ထာꩻမာꩻ၊’ နုဲင်းနဝ်ꩻသွူ။
31ခွန်တန်တပါꩻတွမ်ႏ အစဲ့ꩻသား တသောင်ႏ မဉ်ႏတွိုက်ဆွုမ်ႏ ခွန်တန် အလင်တပါꩻ၊ တွမ်ႏအစဲ့ꩻသား နီသောင်ႏ ကအဝ်ႏလွဉ်တွိုက်ꩻ ဆန်ချာဒါႏဝွေꩻနဝ်ꩻ ဝွေꩻအီႏခုခံႏ တွိုက်ꩻဆွုမ်ႏနွောင်ꩻ နေဟောင်းနဝ်ꩻ အရီးသွတ်ꩻ ဝွေꩻအီႏအုံလင်ꩻတွော့ꩻ တစဉ်ꩻစာꩻ ဆွုံꩻဖျတ်တဝ်းနဲ့။ 32ဝွေꩻမဉ်ႏ တခုခံႏ နွောင်ꩻတဝ်းနဝ်ꩻ ခွန်ကအဝ်ႏလွဉ် တွိုက်ꩻဒါႏဝွေꩻ အဝ်ႏညာꩻနေကချိန်ႏ ဖေႏကငိမ်ꩻချမ်ꩻ သဲင်ꩻချာထိုꩻဗာႏနဝ်ꩻ ဝွေꩻအီႏအွဉ်ႏစွꩻလွေꩻ သတင်ꩻဖေႏသားတဲင် ဖေႏကမော့ꩻခွဲတွမ်ႏ ခွန်အလင်တွော့ꩻ တောင်ꩻပြန်ႏဆွုမ်ႏသွူ။ 33ဗွိုန်နုဲင်းနဝ်ꩻနေနေ၊ ပါꩻမုဲင်ꩻတရိုꩻတဝ်း ပေါႏသီ တအွဉ်ႏကုဲင်ထိုꩻတဝ်း သီကအဝ်ႏဒါႏ ကားကအဝ်ႏနဝ်ꩻ သီအီႏတထွာနွောင်ꩻတဝ်း ခွေတပဲ့တောႏ၊” ဗွေႏယေသျု အွဉ်ႏသွတ်ꩻ အထာꩻဒေါ့ꩻ နုဲင်းနဝ်ꩻသွူ။
တန်ဖိုꩻတအဲဉ်တဝ်းတသာႏ
(မတဲ ၅:၁၃။ မာကု ၉:၅၀)
34“တသာႏနဝ်ꩻ ဟဝ်ဒျာႏ၊ ကွဲႏတွော့ꩻ မဉ်ႏတဆုမ်တဝ်းနဝ်ꩻ ကအီႏမာꩻဆုမ်ချာ ဖျင်ယင်းနဝ်ꩻ အနယ်ꩻတအဲဉ်ထဝ်းသွူ။ 35နဝ်ꩻနဝ်ꩻ ဟံႏအတာႏတဲ့နဝ်ꩻ ဟံႏဩႏဇာႏပြုန်ႏတာႏ တဲ့နဝ်ꩻ တဟဝ်တဝ်းသွူ။ တသာႏနဝ်ꩻ လꩻဒျာႏ နုဲင်ႏညာꩻထိုꩻလွုမ်ꩻသွူ။ နဝ်ꩻထွူ သီနားဖုံႏ မဉ်ႏအဝ်ႏနဝ်ꩻ နာႏလွသွော့” နုဲင်းနဝ်ꩻသွူ။
ទើបបានជ្រើសរើសហើយ៖
လုကာ 14: PBCL
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Pao Bible Common Language© Bible Society of Myanmar, 2019.
လုကာ 14
14
ဗွေႏယေသျုလုမ်ꩻလာꩻဟဝ်ဖေႏလိုꩻဆာတဖြာꩻ
1ဥပုသ်မွူးနီꩻ တနီꩻသားနဝ်ꩻ ဗွေႏယေသျု အီႏလွေꩻအံႏထာꩻအံႏ ဖါရိသဲ ခေါင်းဆောင် လိုꩻတန်တဖြာꩻ အလမ်းနဝ်ꩻမꩻ လိုꩻဖုံႏနဝ်ꩻ အဝ်ႏပွေါးချောင်ꩻ ထွားတေ့ꩻ ဗွေႏယေသျုနဝ်ꩻသွူ။ 2ပါꩻခိုတဖြာꩻ အခင်ႏတွမ်ႏ အစူဖုံႏယော့ꩻဘော်ꩻ တထွဉ်ႏနဝ်ꩻ လွဉ်ထေ့ ဗွေႏယေသျုသွူ။ 3တဲင်ဗွေႏယေသျုရီ ကျမ်ꩻဒါႏ ဆရာႏဖုံႏတွမ်ႏ ဖါရိသဲဖုံႏ၊ “နီပညတ်နဝ်ꩻ ဥပုသ်မွူးနီꩻကို ဖေႏနေအခွင်ꩻ လုမ်ꩻလာꩻဟဝ်ဟောင်း၊ မဉ်ႏတမွေးတဝ်း ဖေႏတဝ်းအခွင်ꩻဟောင်း” နုဲင်းနဝ်ꩻသွူ။
4ကွဲႏတွော့ꩻ ဝွေꩻသီးဒေါ့ꩻချာတဝ်း တငွါငွါသွူ။ ဗွေႏယေသျု ဟဲ့ꩻပါꩻခို လုမ်ꩻလာꩻဟဝ်ဖေႏဝွေꩻတဲင် အွဉ်ႏစွꩻလွေꩻညာꩻထိုꩻစွဉ်ႏ ဝွေꩻသွူ။ 5#မ ၁၂:၁၁။ နဝ်ꩻထွူ ဝွေꩻဗွေႏဒေါ့ꩻဖေႏ ဝွေꩻသီး၊ “ဥပုသ်မွူးနီꩻကိုနဝ်ꩻ သီအကိုတဖြာꩻ ပို၊ မဉ်ႏတမွေးတဝ်း ဖိုးထီးတဗာႏ မဉ်ႏထဲ့သော့ꩻ ထီအုံႏကိုနဝ်ꩻ တလဲင်ႏချင်ႏ သီအီႏတထွို့ꩻထန်ႏထိုꩻတဝ်း ဥပုသ်မွူးနီꩻကိုနဝ်ꩻ အဝ်ႏနေဟောင်း” နုဲင်းနဝ်ꩻသွူ။
6ကွဲႏတွော့ꩻ ယိုခရာႏနဝ်ꩻ ဝွေꩻသီး တလဝ်းချာနွောင်ꩻတဝ်း ဝွေꩻဗွေႏသွူ။
အွဉ်ႏချဖွိုႏသꩻစွဉ်ႏဝွတ်ပတ်ထဉ်ႏ
7ထဉ်ႏယင်ဟန်ႏဖုံႏ လွိုက်ဒျာႏ ခင်ႏလမ်းဟဝ်ဖုံႏနဝ်ꩻ ဗွေႏယေသျု အဝ်ႏသေ၊ နဝ်ꩻမꩻ ဝွေꩻဗွေႏဒေါ့ꩻဖေႏ ဝွေꩻသီး ကားကအဝ်ႏ စွဉ်ႏငဝ်းဥပမာႏ နုဲင်းယိုသွူ။ 8#ပညာႏ ၂၅:၆၊ ၇။ “ပါꩻတဖြာꩻဖြာꩻ မဉ်ႏဖစ်ဟဲ့ꩻသီ ပွယ်ꩻတောႏလမ်း မင်္ဂလာႏကိုချိန်ႏနဝ်ꩻ တွမ်ႏအုံလင်ꩻသော့ꩻမွိုန်း ခင်ႏလမ်း အဟဝ်သွတ်ꩻကိုဟုဲင်း။ ကဖစ်လွဉ်ဒါႏအကို ပါꩻဂွုဏ်ႏသရေႏ တန်ကယ်ꩻနာꩻ မဉ်ႏပါလွဉ်နဝ်ꩻ၊ 9ပွယ်ꩻတကာႏ လွဉ်နာꩻထျꩻတွမ်ႏ ဝွေꩻနဝ်ꩻထျꩻတွော့ꩻ ရိုꩻဖေႏနာꩻ ‘ ခင်ႏလမ်းယိုနဝ်ꩻ ဖေႏဝွေꩻဟုဲင်း၊’ နုဲင်းနဝ်ꩻထွူ နာꩻအီႏလꩻ ထာꩻဝင်ꩻသꩻတဲင် အီႏအုံလင်ꩻထိုꩻဗာႏ ခင်ႏလမ်း အဖွိုႏသွတ်ꩻကိုနဝ်ꩻသွူ။ 10ခလားကမာꩻ နုဲင်းနဝ်ꩻနဝ်ꩻ မဉ်ႏဖစ်ပင်ꩻနာꩻချိန်ႏ လွေꩻတဲင် အုံလင်သွော့ အဖွိုႏသွတ်ꩻ ခင်ႏလမ်းဟုဲင်း၊ နဝ်ꩻမꩻ ပွယ်ꩻတကာႏ အီႏလွဉ်နာꩻထျꩻတဲင်ရိုꩻ၊ ‘ခွေသွꩻ၊ ထင်ႏကီအုံလင်ꩻ ခင်ႏလမ်းဟဝ်ကိုယိုဟုဲင်း’ နုဲင်းနဝ်ꩻထွူ နာꩻအီႏလꩻ ဂွုဏ်ႏသရေႏ ထဉ်ႏအလင်ဖုံႏ ကားကအဝ်ႏ ဆꩻငါနဝ်ꩻသွူ။ 11#မ ၂၃:၁၂၊ လု ၁၈:၁၄။ ပွိုးလိုꩻကအွဉ်ႏတန် အနမ်းသားနဝ်ꩻ အီႏထဲ့ဖွိုႏထိုꩻတဲင် လိုꩻကချဖွိုႏဒါႏ အနမ်းသားနဝ်ꩻ အီႏခံႏဗာႏ အပင်ႏထို” နုဲင်းနဝ်ꩻသွူ။
12နဝ်ꩻထွူ ဗွေႏယေသျုဒေါ့ꩻဖေႏ ကောကဖစ်ဒါႏ ဝွေꩻဗွေႏ ပွယ်ꩻတကာႏသား၊ “နာꩻကဖစ်ဟဲ့ꩻအံႏဒါႏ ဒဲဉ်ယာတဲ့နဝ်ꩻ ဒဲဉ်ဟာတဲ့နဝ်ꩻ တွမ်ႏဖစ်မွိုန်း နာꩻသွꩻဖုံႏ၊ မဉ်ႏတမွေးတဝ်း နာꩻဖူးနာꩻဝေးဖုံႏ၊ နာꩻစွိုးခွိုꩻဖုံႏ၊ မဉ်ႏတမွေးတဝ်း လိုꩻခြွေ နာꩻလမ်းသောင် လမ်းထျꩻဖုံႏဟုဲင်း၊ မဉ်ႏဖစ်ဟဲ့ꩻနဝ်ꩻ ပွိုးဝွေꩻသီး အီႏဖြော်ချာ နာꩻကေꩻဇူꩻတဲင် ဖစ်ပင်ꩻဖေႏအံႏအွꩻ ချာယင်းနာꩻနဝ်ꩻသွူ။ 13နာꩻမဉ်ႏမာꩻပွယ်ꩻနဝ်ꩻ ဖစ်ပင်ꩻ ဖေႏအံႏဖေႏအွꩻသွော့ လိုꩻကေန်ꩻခြောဖုံႏ၊ လိုꩻဒုက္ခိတဖုံႏ၊ လိုꩻမာႏရေႏ၊ စူသီခင်ႏသီ၊ လိုꩻမဲ့ခေ့ꩻဖုံႏဟုဲင်း။ 14နဝ်ꩻမꩻ နာꩻအီႏလꩻမင်္ဂလာႏ၊ ပွိုးဝွေꩻသီးနဝ်ꩻ အီႏတဖြော်ချာနွောင်ꩻတဝ်း နာꩻကေꩻဇူꩻတဲင် အဝ်ႏထာꩻသီကို လိုꩻဟဝ်ဖုံႏ မဉ်ႏထွိုင်ႏမွန်ချာ အနီꩻနဝ်ꩻ ဗွေႏဘုရာꩻ အီႏဖြော်ဖေႏဒျာႏနာꩻ” နုဲင်းနဝ်ꩻသွူ။
ပွယ်ꩻတန်ခံႏထဉ်ႏဥပမာႏ
(မတဲ ၂၂:၁–၁၀)
15ထဉ်ႏဖုံႏကိုတဖြာꩻ ကအဝ်ႏအုံလင်ꩻဒါႏ ထာꩻအံႏခွုံႏထျꩻ ထွိုင်ႏဟွိုန် နုဲင်းယိုချိန်ႏနဝ်ꩻ၊ ဝွေꩻဒေါ့ꩻဖေႏ ဗွေႏယေသျု၊ “လိုꩻကနွို့ အီႏအုံလင်သော့ꩻဗာႏပွယ်ꩻ ဗွေႏဘုရာꩻ ခမ်းထီကိုနဝ်ꩻ မင်္ဂလာႏအဝ်ႏငါႏ ခွိုင်းကားမုဲင်ꩻ” နုဲင်းနဝ်ꩻသွူ။
16ဗွေႏယေသျုဒေါ့ꩻဖေႏဝွေꩻ၊ “တလဲင်ႏသား ပါꩻခိုတဖြာꩻ မာꩻပွယ်ꩻတန်တွော့ꩻ ဝွေꩻဖစ်ပင်ꩻလိုꩻဖုံႏ အာဖြာꩻငါႏသွူ။ 17အချိန်ႏအံႏအွꩻ ထွိုင်ႏတွိုႏ ဝွေꩻအွဉ်ႏစွꩻလွေꩻအသွဉ်း ဖေႏကလွေꩻ အွဉ်ႏဒေါ့ꩻထဉ်ႏ ကဖစ်ပင်ꩻ သေꩻခါꩻလဲဉ်းသားဖုံႏ ‘ဖေႏနေးကကျွꩻလွဉ်ခန်း၊ ပွိုးတွော့ꩻ ကားကအဝ်ႏ ဖျင်ရဲဉ်ꩻထွူလဲဉ်း၊’ နုဲင်းနဝ်ꩻသွူ။ 18ကွဲႏတွော့ꩻ ဝွေꩻသီး ကားကအဝ်ႏ တဖြာꩻထွူတဖြာꩻ တောင်ꩻပြန်ႏဆွုမ်ႏဒျာႏ နဝ်ꩻသွူ။ အရီးသွတ်ꩻ တဖြာꩻနဝ်ꩻ ဒေါ့ꩻဖေႏသွဉ်း၊ ‘ခွေဖြေꩻသေꩻခါꩻလဲဉ်း ခြံတဟိုႏ၊ နဝ်ꩻမꩻ ခွေအီႏလွေꩻထွားဗာႏ။ ခွေတောင်ꩻပြန်ႏဒျာႏ ခွင်ꩻလွစ်ဖေႏခွေဟုဲင်း’ နုဲင်းနဝ်ꩻသွူ။ 19အလင်တဖြာꩻနဝ်ꩻဒေါ့ꩻ၊ ‘ခွေဖြေꩻသေꩻခါꩻလဲဉ်း ဖိုးလောငတ်ꩻစွုံႏ ခွေအီႏလွေꩻဝါး ထွားစမ်ꩻဗာႏသွူ။ နဝ်ꩻမꩻ ခွေတောင်ꩻပြန်ႏဒျာႏနာꩻ ခွင်ꩻလွစ်ဖေႏဗဲင်း’ နုဲင်းနဝ်ꩻသွူ။ 20တဲင်အလင်တဖြာꩻနဝ်ꩻရိုꩻ၊ ‘ခွေစတောႏလမ်း မင်္ဂလာႏ နဝ်ꩻမꩻ ခွေလွဉ်နွောင်ꩻတဝ်း’ နုဲင်းနဝ်ꩻသွူ။
21ပွိုးနုဲင်းနဝ်ꩻ သွဉ်းနဝ်ꩻ သဲင်ꩻချာတဲင် ယိုဖုံႏကားကအဝ်ႏနဝ်ꩻ ဒေါ့ꩻနယ် လို့စွဉ်ႏ ဝွေꩻအဗွေႏသွူ။ အဗွေႏနဝ်ꩻ သꩻလျားငါႏတဲင် ဒေါ့ꩻဖေႏအသွဉ်း၊ ‘ထန်ႏလွေꩻမွိုင်မွိုင် ဝေင်ꩻကို တဖူꩻတန်လောင်း တဖူꩻပေႏလောင်းတဲင် ဟဲ့ꩻလွဉ်သွော့ လိုꩻကေန်ꩻခြော၊ လိုꩻဒုက္ခိတ၊ လိုꩻမဲ့ခေ့ꩻတွမ်ႏ လိုꩻမာႏရေႏဖုံႏဟုဲင်း’ နုဲင်းနဝ်ꩻသွူ။ 22တညတဝ်း သွဉ်းနဝ်ꩻ ဒေါ့ꩻဟွိုန်ချာ၊ ‘နီဗွေႏကဖေႏ အမိန်းအတွိုင်ꩻနဝ်ꩻ ခွေသွဉ်းမာꩻထွူလို့လဲဉ်း။ ဗွေႏ၊ ကွဲႏတွော့ꩻ အခန်ꩻနဝ်ꩻ အဝ်ႏခြေင်နေဒွိုန်းက’” နုဲင်းနဝ်ꩻသွူ။ 23နဝ်ꩻမꩻ အဗွေႏနဝ်ꩻ ဒေါ့ꩻဖေႏအသွဉ်း၊ ‘ထန်ႏလွေꩻတဖူꩻ ဒုံဖုံႏတွော့ꩻ ဖေႏကဗွေသော့ꩻ လမ်းကိုနဝ်ꩻ ဟဲ့ꩻလွဉ်လꩻလꩻလိုꩻဖုံႏ။ 24ခွေဒေါ့ꩻဖေႏနာꩻ၊ ခွေကဖစ်ပင်ꩻရီးလဲဉ်းဒါႏ လိုꩻဖုံႏနဝ်ꩻ တဖြာꩻငါတဲ့ ဖေႏကအံႏ ထွားစမ်ꩻဗာႏမွိုန်း ခွေဒဲဉ်ဟန်ႏ’” နုဲင်းနဝ်ꩻသွူ။
ထွာတပဲ့တောႏတဖြာꩻကအီႏဖေႏဗာႏအခꩻ
(မတဲ ၁၀:၃၇–၃၈)
25တလဲင်ႏသားနဝ်ꩻ လိုꩻစွိုꩻအာဖုံႏ အဝ်ႏလွေꩻငီꩻတွမ်ႏ ဗွေႏယေသျုချိန်ႏ ဝွေꩻဗွေႏခွယ်ချာတဲင် ဒေါ့ꩻဖေႏဝွေꩻသီး၊ 26#မ ၁၀:၃၇။ “လိုꩻကလွဉ်ဒါႏ ခွေထျꩻနဝ်ꩻ ဝွေꩻကရက်ခွေ ပေါႏတလွိုကယ်ꩻတဝ်း ကရက်ဒါႏ အမွိုးဖါ၊ အမာ၊ တွမ်ႏအပိုဖုံႏ၊ အဖူးဝေးဖုံႏ၊ အဖူးမူႏ၊ ဝေးမူႏဖုံႏတွမ်ႏ ဝွေꩻနမ်းနဝ်ꩻ တထွာနွောင်ꩻတဝ်း ခွေတပဲ့တောႏသွူ။ 27#မ ၁၀:၃၈၊ ၁၆:၂၄၊ မာ ၈:၃၄၊ လု ၉:၂၃။ လိုꩻတထမ်ႏတဝ်း ဝွေꩻသီးနမ်း ကင်းထွန်ႏတွော့ꩻ ကလွေꩻလွဉ်ꩻဒါႏ ခွေဆꩻချာနဝ်ꩻ အီႏတထွာနွောင်ꩻတဝ်း ခွေတပဲ့တောဖုံႏသွူ။
28သီကိုတဖြာꩻ မဉ်ႏရေႏတယ်ႏ ရန်းခြေင်ႏတွိုက်ထို တဖြုံႏ၊ ဗꩻတွိုႏစွဉ်ႏ ထာꩻမာꩻကထွူ ဖေႏကသေ သီရွဉ်အီႏလုမ်းနဲ့ တလုမ်းတဝ်းနဲ့နဝ်ꩻ အရီးသွတ်ꩻ သီအီႏအုံလင်ꩻတွော့ꩻ တတွက်ထွားတဝ်းနဲ့။ 29နာꩻမဉ်ႏ တတွက်ရီးတဝ်း ကချရီးဒါႏ ရန်းခြေင်ႏတွိုက်ထို ခင်ႏဖါနဝ်ꩻ နာꩻအီႏတတယ်ႏထင်ႏ ထွူနွောင်ꩻတဝ်းတဲင် ကထီႏဗာႏ လိုꩻကားကအဝ်ႏနဝ်ꩻ အီႏငနာꩻနဝ်ꩻသွူ။ 30ဝွေꩻသီးအီႏရိုꩻ ‘နာꩻနဝ်ꩻ တယ်ႏလꩻစွဉ်ႏ အစလွုမ်ꩻ တအွဉ်ႏထွူနွောင်ꩻတဝ်း ထာꩻမာꩻ၊’ နုဲင်းနဝ်ꩻသွူ။
31ခွန်တန်တပါꩻတွမ်ႏ အစဲ့ꩻသား တသောင်ႏ မဉ်ႏတွိုက်ဆွုမ်ႏ ခွန်တန် အလင်တပါꩻ၊ တွမ်ႏအစဲ့ꩻသား နီသောင်ႏ ကအဝ်ႏလွဉ်တွိုက်ꩻ ဆန်ချာဒါႏဝွေꩻနဝ်ꩻ ဝွေꩻအီႏခုခံႏ တွိုက်ꩻဆွုမ်ႏနွောင်ꩻ နေဟောင်းနဝ်ꩻ အရီးသွတ်ꩻ ဝွေꩻအီႏအုံလင်ꩻတွော့ꩻ တစဉ်ꩻစာꩻ ဆွုံꩻဖျတ်တဝ်းနဲ့။ 32ဝွေꩻမဉ်ႏ တခုခံႏ နွောင်ꩻတဝ်းနဝ်ꩻ ခွန်ကအဝ်ႏလွဉ် တွိုက်ꩻဒါႏဝွေꩻ အဝ်ႏညာꩻနေကချိန်ႏ ဖေႏကငိမ်ꩻချမ်ꩻ သဲင်ꩻချာထိုꩻဗာႏနဝ်ꩻ ဝွေꩻအီႏအွဉ်ႏစွꩻလွေꩻ သတင်ꩻဖေႏသားတဲင် ဖေႏကမော့ꩻခွဲတွမ်ႏ ခွန်အလင်တွော့ꩻ တောင်ꩻပြန်ႏဆွုမ်ႏသွူ။ 33ဗွိုန်နုဲင်းနဝ်ꩻနေနေ၊ ပါꩻမုဲင်ꩻတရိုꩻတဝ်း ပေါႏသီ တအွဉ်ႏကုဲင်ထိုꩻတဝ်း သီကအဝ်ႏဒါႏ ကားကအဝ်ႏနဝ်ꩻ သီအီႏတထွာနွောင်ꩻတဝ်း ခွေတပဲ့တောႏ၊” ဗွေႏယေသျု အွဉ်ႏသွတ်ꩻ အထာꩻဒေါ့ꩻ နုဲင်းနဝ်ꩻသွူ။
တန်ဖိုꩻတအဲဉ်တဝ်းတသာႏ
(မတဲ ၅:၁၃။ မာကု ၉:၅၀)
34“တသာႏနဝ်ꩻ ဟဝ်ဒျာႏ၊ ကွဲႏတွော့ꩻ မဉ်ႏတဆုမ်တဝ်းနဝ်ꩻ ကအီႏမာꩻဆုမ်ချာ ဖျင်ယင်းနဝ်ꩻ အနယ်ꩻတအဲဉ်ထဝ်းသွူ။ 35နဝ်ꩻနဝ်ꩻ ဟံႏအတာႏတဲ့နဝ်ꩻ ဟံႏဩႏဇာႏပြုန်ႏတာႏ တဲ့နဝ်ꩻ တဟဝ်တဝ်းသွူ။ တသာႏနဝ်ꩻ လꩻဒျာႏ နုဲင်ႏညာꩻထိုꩻလွုမ်ꩻသွူ။ နဝ်ꩻထွူ သီနားဖုံႏ မဉ်ႏအဝ်ႏနဝ်ꩻ နာႏလွသွော့” နုဲင်းနဝ်ꩻသွူ။
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Pao Bible Common Language© Bible Society of Myanmar, 2019.