ကမ္ဘာႏစ 35
35
ဗွေႏဘုရာꩻဖေႏယာကုပ်မင်္ဂလာႏ
1 #
ကမ္ဘာႏ ၂၈:၁၁–၁၇။ ဗွေႏဘုရာꩻ မိန်းဖေႏယာကုပ် “ယိုခါ နာꩻလွေꩻ ဗေသလတွော့ꩻ အုံသွော့ နဝ်ꩻကို၊ နာꩻကအဝ်ႏဖင်းလဲ့ သျောင်ႏညာꩻဗာႏ နာꩻဝေးခို ဧသောချိန်ႏ ကပေါႏနယ်ဒါႏ ခွေနမ်းဘုရာꩻ ယိုအတာႏ တယ်ႏဖေႏသွော့ ယဇ်ပလ္လင်ႏ တဗာႏဟုဲင်း။”
2နဝ်ꩻမꩻ ယာကုပ်ဒေါ့ꩻဖေႏ ဝွေꩻတမွိုးဖါပိုစွိုꩻတွမ်ႏ လိုꩻကအဝ်ႏငီꩻဒါႏဝွေꩻ “သီထျꩻ ဘုရာꩻအလင်ဖုံႏနဝ်ꩻ စွဥ်ꩻထိုꩻခန်း၊ မာꩻကြောင်းကြောင်းနမ်းတဲင် ကွဉ်ကꩻသွော့ ခွမ်ꩻလာꩻကြောင်းဖုံႏဟုဲင်း။ 3နီအဝ်ႏယိုကို အီႏထန်ႏတဲင် အီႏလွေꩻဗာႏ ဗေသလအရပ်သွူ၊ ခွေမော့ꩻ ထာꩻယပ်ꩻဒုက္ခချိန်ႏ ကယ်ႏခွေတဲင် ခွေလွေꩻမုဲင်ꩻကိုတဲ့ ကအဝ်ႏငီꩻဒါႏ ဗွေႏဘုရာꩻနဝ်ꩻအတာႏ ခွေအီႏလွေꩻတယ်ႏ ယဇ်ပလ္လင်ႏတဗာႏ ခင်ႏလမ်း နဝ်ꩻကိုရပ်သွူ။” 4နဝ်ꩻမꩻ ဝွေꩻသီးထျꩻ ကအဝ်ႏဒါႏ ဘုရာꩻအလင်ဖုံႏတဲ့နဝ်ꩻ ဝွေꩻသီႏ ကအဝ်ႏဆွဒါႏ နားခေင်းဖုံႏတဲ့နဝ်ꩻ ဖေႏလို့စွဉ်ႏ ယာကုပ်သွူ။ ထာꩻခြိုꩻဖုံႏနဝ်ꩻနဝ်ꩻ ယာကုပ်အွဉ်ႏလို့ꩻသေꩻစွဉ်ႏ ဝဲစ်တစ်ဆ သေင်ႏမွူးခင်ႏထျꩻ ကအဝ်ႏဗော့ꩻဒါႏ သျေခိမ်ဝေင်ꩻနဝ်ꩻသွူ။
5ယာကုပ်တွမ်ႏ ဝွေꩻပိုခိုဖုံႏ ထန်ႏလွေꩻချိန်ႏ၊ လိုꩻကအဝ်ႏဒါႏ ဝေင်ꩻကိုဖုံႏ ကအဝ်ႏဗော့ꩻဒါႏ ဝေင်ꩻအသောင်အရင်ꩻဖုံႏနဝ်ꩻ ငမ်းသꩻ ယာကုပ်သီးနဝ်ꩻမꩻ ခြေင်းတွိုက်ꩻလွဉ်ꩻ တဗွိုန်ႏတဝ်းသွူ။ 6ယာကုပ်တွမ်ႏ ဝွေꩻသီး လိုꩻစွိုꩻဖုံႏနဝ်ꩻ ဖျော်လွဉ် လုဇဝေင်ꩻ၊ ယိုခါ ကဟဲ့ꩻတွင်ႏဒါႏ ခါနန်ခမ်းကို ဗေသလဝေင်ꩻနဝ်ꩻသွူ။ 7နဝ်ꩻကိုနဝ်ꩻ ဝွေꩻတယ်ႏ ယဇ်ပလ္လင်ႏ တဗာႏတဲင် ခင်ႏလမ်းနဝ်ꩻနဝ်ꩻ ဝွေꩻဟဲ့ꩻဖန် ဗေသလသွူ။ ဝွေꩻကဖင်းညာꩻဒါႏ အဝေးခိုချိန်ႏ ကွပ်ပွိုး ဝွေꩻထီႏဗာႏ ဗွေႏဘုရာꩻနမ်း ပေါႏနယ်ဝွေꩻ နဝ်ꩻကိုသွူ။ 8ကအဝ်ႏထိန်ꩻထွားဒါႏ ရီဗက္က ဒေဗောရနဝ်ꩻ သီထိုꩻတဲင် သင်္ဂြိုဟ်ႏ ဗေသလဆနဝ် ဝဲစ်တစ်ဆ သေင်ႏမွူး ဆꩻလသွူ။ ကွပ်နဝ်ꩻမꩻ ဖန်ဟဲ့ꩻဖေႏအမဉ်ꩻ မဲ့ထီရီႏ ဝဲစ်တစ်ဆမွူး နုဲင်းနဝ်ꩻသွူ။
9ယာကုပ်အဝ်ႏ မဲက်သိုပိုတေးမီးယားခမ်း ထွိုင်ႏသဲင်ꩻလွဉ်ချာချိန်ႏ၊ ဗွေႏဘုရာꩻနမ်း ပေါႏနယ်ဖေႏဖျင်ယင်း ဝွေꩻတလဲင်ႏတဲင် ဖေႏဝွေꩻမင်္ဂလာႏ၊ 10#ကမ္ဘာႏ ၃၂:၂၈။ ဗွေႏဘုရာꩻ မိန်းဖေႏဝွေꩻ “နာꩻမဉ်ꩻနဝ်ꩻ ယာကုပ်ဒျာႏ ကွဲႏတွော့ꩻ တယ်ႏယိုမာꩻငါ နာꩻမဉ်ꩻနဝ်ꩻ အီႏဟဲ့ꩻဗာႏဒျာႏ ဣသရေး” နုဲင်းနဝ်ꩻသွူ။ ကွပ်နဝ်ꩻမꩻ ယာကုပ်နဝ်ꩻ ဗွေႏဘုရာꩻ ဖန်ဟဲ့ꩻဖေႏတော ဝွေꩻမဉ်ꩻ ဣသရေးနဝ်ꩻသွူ။ 11#ကမ္ဘာႏ ၁၇:၄–၈။ ဗွေႏဘုရာꩻ မိန်းဖေႏဝွေꩻ “ခွေနဝ်ꩻ အနန္တတန်ꩻခိုꩻ အဗွေႏ ဗွေႏဘုရာꩻသွူ။ ဖေႏနာꩻကလꩻအာ ပိုဖုံႏ။ နာꩻပိုလီꩻစွိုးခွိုꩻနဝ်ꩻ ဖေႏနေး ကထွာသွော့ လိုꩻအမျိုꩻမျိုꩻဖုံႏ အဝ်ႏနာꩻစွိုးခွိုꩻကိုနဝ်ꩻ ခွန်ဖုံႏ အီႏပေါႏလွဉ်သွူ။ 12ခွေကဖေႏဒါႏ အဗြာဟံတွမ်ႏ ဣသဲစ်ခမ်းနဝ်ꩻ ခွေအီႏဖေႏသွုပ်နာꩻတွမ်ႏ နာꩻပိုလီꩻစွိုးခွိုꩻဖုံႏ” နုဲင်းနဝ်ꩻသွူ။ 13နဝ်ꩻထွူ ဗွေႏဘုရာꩻ အဝ်ႏဝွေꩻထျꩻ ကျွꩻလွေꩻထိုꩻသွူ။ 14#ကမ္ဘာႏ ၂၈:၁၈–၁၉။ ဗွေႏဘုရာꩻ ကအဝ်ႏဒေါ့ꩻရီဝွေꩻ ခင်ႏလမ်းနဝ်ꩻ ယာကုပ်ဆို့ꩻသေꩻခါꩻ အမတ်ထွန်ႏထွူ ဆူလူး ဝုဲင်တွမ်ႏ နမ်းမန်ꩻတဲင် ဝွေꩻကပ်လူႏထင်ႏ ဘုရာꩻထျꩻသွူ။ 15ခင်ႏလမ်း အရပ်နဝ်ꩻနဝ်ꩻ ဝွေꩻဖန်ဟဲ့ꩻအမဉ်ꩻ ဗေသလသွူ။
ရာခေလသီထိုꩻ
16ယာကုပ်တွမ်ႏ ဝွေꩻတမွိုးဖါပိုစွိုꩻနဝ်ꩻ အဝ်ႏဗေသလအရပ် ထန်ႏလွေꩻတဖူꩻတဲင် ဝွေꩻသီးအဝ်ႏညာꩻနေဒွိုန်းက ဧဖရတ်ဝေင်ꩻတွင်ꩻ အဝ်ႏညာꩻဒျာႏဒွိုန်းက၊ ရာခေလ လွူးပိုချိန်ႏတွိုႏတဲင် ဟို့ꩻခြေ့သန် လွူးပိုယပ်ꩻငါႏနဝ်ꩻသွူ။ 17ဆာခြေ့သန် ငါႏလွဉ်ꩻနဝ်ꩻမꩻ မော်မူႏဒေါ့ꩻဖေႏဝွေꩻ “ရာခေလ၊ တွမ်ႏငမ်းမွိုန်း နာꩻလꩻထဲင်းယင်းလဲဉ်း ပိုခိုတဖြာꩻ” နုဲင်းနဝ်ꩻသွူ။ 18ကွဲႏတွော့ꩻ ဝွေꩻမူႏ အီႏသီ အဝ်ႏသာပင်ႏထာꩻတွင်ꩻ ဝွေꩻဖန်ဟဲ့ꩻဖေႏ အပိုခိုမဉ်ꩻ ဗေနောနိသွူ။ ကွဲႏတွော့ꩻ အဖါနဝ်ꩻ ဖန်ဖေႏဒျာႏ ဗေင်ယာမိန် နုဲင်းနဝ်ꩻသွူ။
19ရာခေလ ထွိုင်ႏသီထွူ၊ သင်္ဂြိုဟ်ႏဝွေꩻ တဖူꩻကလွေꩻဒါႏ ဧဖရက်ဝေင်ꩻ ယိုခါ မဉ်ꩻကတွင်ႏဒါႏ ဗဲက်လဟဲမ်ဝေင်ꩻနဝ်ꩻသွူ။ 20ယာကုပ်တယ်ႏ အမတ်လုံးထွန်ႏ သင်ႏခဲင်ꩻအောင်လောင်းတဲင် ဗꩻတွိုႏစွဉ်ႏဟန်ႏနီꩻယို အဝ်ႏဟဲ့ꩻ ရာခေလသဲင်ႏခဲင်ꩻ အထိန်ꩻအမတ်ထွန်ႏ နုဲင်းနဝ်ꩻသွူ။ 21နဝ်ꩻထွူ ယာကုပ်ခြုဲင်းလွေꩻ ချꩻပင် အဲဒါ ရန်းခြေင်ႏတွိုက်ထို ခꩻတဖဲ့ꩻသွူ။
ယာကုပ်ပိုဖုံႏ
(၁ရာႏဇဝင်ႏချုပ် ၂:၁–၂)
22 #
ကမ္ဘာႏ ၄၉:၄။ ယာကုပ်အုံ ခမ်းနဝ်ꩻကိုတွင်ꩻ၊ ရုဗေင်နဝ်ꩻ ဗေင်ႏငီꩻချာတွမ်ႏ အဖါမာပေႏ ဗိလဟာသွူ။ ပွိုင်းဝွို့တွမ်ႏ ယိုခရာႏနဝ်ꩻ ယာကုပ်ဟွိုန်တဲင် သꩻလျား မွေးစွဉ်ႏထာꩻသွူ။
ယာကုပ်နဝ်ꩻ ပိုခိုအဝ်ႏ တဆီနီဖြာꩻသွူ။ 23တွမ်ႏအမာလေအာ ကလꩻဒါႏ ပိုခိုဖုံႏနဝ်ꩻ ရုဗေင်( ယာကုပ်ပိုခိုယင်းသွူ။) နဝ်ꩻထွူ သိမောင်၊ လေဝိ၊ ယုဒ၊ ဣသခါတွမ်ႏ သေဗုလုံသွူ။ 24ရာခေလ ပိုခိုဖုံႏနဝ်ꩻ ယောသပ်တွမ်ႏ ဗေင်ယာမိန်သွူ။ 25ရာခေလသွဉ်းမူႏ ဗိလဟာပိုခိုဖုံႏနဝ်ꩻ ဒန်တွမ်ႏ နပ်တလိသွူ။ 26အမာပေႏ လေအာအသွဉ်းမူႏ သိလဖပိုခိုဖုံႏနဝ်ꩻ ဂဒ်တွမ်ႏ အာသျာသွူ။ ပိုခိုနဝ်ꩻဖုံႏနဝ်ꩻ လွူးဒျာႏ မဲက်သိုပိုတေးမီးယား ခမ်းကိုသွူ။
ဣသဲစ်သီထိုꩻ
27 #
ကမ္ဘာႏ ၁၃:၁၈။ ယာကုပ်တွိုႏလွေꩻ အဖါဣသဲစ် ကအုံဒါႏ မံရေအရပ် ဟေဗြုန်ဝေင်ꩻထျꩻသွူ။ ခင်ႏလမ်းနဝ်ꩻနဝ်ꩻ အဗြာဟံတွမ်ႏ ဣသဲစ် ကအဝ်ႏအုံဒါႏ ခင်ႏလမ်းသွူ။ 28ဣသဲစ်နဝ်ꩻ သက်လꩻနေင်ႏ ၁၈၀သွူ။ 29ဝွေꩻဖြားငါႏလွဉ်ꩻနဝ်ꩻမꩻ မောင်ꩻကြော့ꩻ သီထိုꩻတဲင် ဝွေꩻပိုခိုဧသောတွမ်ႏ ယာကုပ်နဝ်ꩻ သင်္ဂြိုဟ်ႏဝွေꩻသွူ။
ទើបបានជ្រើសរើសហើយ៖
ကမ္ဘာႏစ 35: PBCL
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Pao Bible Common Language© Bible Society of Myanmar, 2019.
ကမ္ဘာႏစ 35
35
ဗွေႏဘုရာꩻဖေႏယာကုပ်မင်္ဂလာႏ
1 #
ကမ္ဘာႏ ၂၈:၁၁–၁၇။ ဗွေႏဘုရာꩻ မိန်းဖေႏယာကုပ် “ယိုခါ နာꩻလွေꩻ ဗေသလတွော့ꩻ အုံသွော့ နဝ်ꩻကို၊ နာꩻကအဝ်ႏဖင်းလဲ့ သျောင်ႏညာꩻဗာႏ နာꩻဝေးခို ဧသောချိန်ႏ ကပေါႏနယ်ဒါႏ ခွေနမ်းဘုရာꩻ ယိုအတာႏ တယ်ႏဖေႏသွော့ ယဇ်ပလ္လင်ႏ တဗာႏဟုဲင်း။”
2နဝ်ꩻမꩻ ယာကုပ်ဒေါ့ꩻဖေႏ ဝွေꩻတမွိုးဖါပိုစွိုꩻတွမ်ႏ လိုꩻကအဝ်ႏငီꩻဒါႏဝွေꩻ “သီထျꩻ ဘုရာꩻအလင်ဖုံႏနဝ်ꩻ စွဥ်ꩻထိုꩻခန်း၊ မာꩻကြောင်းကြောင်းနမ်းတဲင် ကွဉ်ကꩻသွော့ ခွမ်ꩻလာꩻကြောင်းဖုံႏဟုဲင်း။ 3နီအဝ်ႏယိုကို အီႏထန်ႏတဲင် အီႏလွေꩻဗာႏ ဗေသလအရပ်သွူ၊ ခွေမော့ꩻ ထာꩻယပ်ꩻဒုက္ခချိန်ႏ ကယ်ႏခွေတဲင် ခွေလွေꩻမုဲင်ꩻကိုတဲ့ ကအဝ်ႏငီꩻဒါႏ ဗွေႏဘုရာꩻနဝ်ꩻအတာႏ ခွေအီႏလွေꩻတယ်ႏ ယဇ်ပလ္လင်ႏတဗာႏ ခင်ႏလမ်း နဝ်ꩻကိုရပ်သွူ။” 4နဝ်ꩻမꩻ ဝွေꩻသီးထျꩻ ကအဝ်ႏဒါႏ ဘုရာꩻအလင်ဖုံႏတဲ့နဝ်ꩻ ဝွေꩻသီႏ ကအဝ်ႏဆွဒါႏ နားခေင်းဖုံႏတဲ့နဝ်ꩻ ဖေႏလို့စွဉ်ႏ ယာကုပ်သွူ။ ထာꩻခြိုꩻဖုံႏနဝ်ꩻနဝ်ꩻ ယာကုပ်အွဉ်ႏလို့ꩻသေꩻစွဉ်ႏ ဝဲစ်တစ်ဆ သေင်ႏမွူးခင်ႏထျꩻ ကအဝ်ႏဗော့ꩻဒါႏ သျေခိမ်ဝေင်ꩻနဝ်ꩻသွူ။
5ယာကုပ်တွမ်ႏ ဝွေꩻပိုခိုဖုံႏ ထန်ႏလွေꩻချိန်ႏ၊ လိုꩻကအဝ်ႏဒါႏ ဝေင်ꩻကိုဖုံႏ ကအဝ်ႏဗော့ꩻဒါႏ ဝေင်ꩻအသောင်အရင်ꩻဖုံႏနဝ်ꩻ ငမ်းသꩻ ယာကုပ်သီးနဝ်ꩻမꩻ ခြေင်းတွိုက်ꩻလွဉ်ꩻ တဗွိုန်ႏတဝ်းသွူ။ 6ယာကုပ်တွမ်ႏ ဝွေꩻသီး လိုꩻစွိုꩻဖုံႏနဝ်ꩻ ဖျော်လွဉ် လုဇဝေင်ꩻ၊ ယိုခါ ကဟဲ့ꩻတွင်ႏဒါႏ ခါနန်ခမ်းကို ဗေသလဝေင်ꩻနဝ်ꩻသွူ။ 7နဝ်ꩻကိုနဝ်ꩻ ဝွေꩻတယ်ႏ ယဇ်ပလ္လင်ႏ တဗာႏတဲင် ခင်ႏလမ်းနဝ်ꩻနဝ်ꩻ ဝွေꩻဟဲ့ꩻဖန် ဗေသလသွူ။ ဝွေꩻကဖင်းညာꩻဒါႏ အဝေးခိုချိန်ႏ ကွပ်ပွိုး ဝွေꩻထီႏဗာႏ ဗွေႏဘုရာꩻနမ်း ပေါႏနယ်ဝွေꩻ နဝ်ꩻကိုသွူ။ 8ကအဝ်ႏထိန်ꩻထွားဒါႏ ရီဗက္က ဒေဗောရနဝ်ꩻ သီထိုꩻတဲင် သင်္ဂြိုဟ်ႏ ဗေသလဆနဝ် ဝဲစ်တစ်ဆ သေင်ႏမွူး ဆꩻလသွူ။ ကွပ်နဝ်ꩻမꩻ ဖန်ဟဲ့ꩻဖေႏအမဉ်ꩻ မဲ့ထီရီႏ ဝဲစ်တစ်ဆမွူး နုဲင်းနဝ်ꩻသွူ။
9ယာကုပ်အဝ်ႏ မဲက်သိုပိုတေးမီးယားခမ်း ထွိုင်ႏသဲင်ꩻလွဉ်ချာချိန်ႏ၊ ဗွေႏဘုရာꩻနမ်း ပေါႏနယ်ဖေႏဖျင်ယင်း ဝွေꩻတလဲင်ႏတဲင် ဖေႏဝွေꩻမင်္ဂလာႏ၊ 10#ကမ္ဘာႏ ၃၂:၂၈။ ဗွေႏဘုရာꩻ မိန်းဖေႏဝွေꩻ “နာꩻမဉ်ꩻနဝ်ꩻ ယာကုပ်ဒျာႏ ကွဲႏတွော့ꩻ တယ်ႏယိုမာꩻငါ နာꩻမဉ်ꩻနဝ်ꩻ အီႏဟဲ့ꩻဗာႏဒျာႏ ဣသရေး” နုဲင်းနဝ်ꩻသွူ။ ကွပ်နဝ်ꩻမꩻ ယာကုပ်နဝ်ꩻ ဗွေႏဘုရာꩻ ဖန်ဟဲ့ꩻဖေႏတော ဝွေꩻမဉ်ꩻ ဣသရေးနဝ်ꩻသွူ။ 11#ကမ္ဘာႏ ၁၇:၄–၈။ ဗွေႏဘုရာꩻ မိန်းဖေႏဝွေꩻ “ခွေနဝ်ꩻ အနန္တတန်ꩻခိုꩻ အဗွေႏ ဗွေႏဘုရာꩻသွူ။ ဖေႏနာꩻကလꩻအာ ပိုဖုံႏ။ နာꩻပိုလီꩻစွိုးခွိုꩻနဝ်ꩻ ဖေႏနေး ကထွာသွော့ လိုꩻအမျိုꩻမျိုꩻဖုံႏ အဝ်ႏနာꩻစွိုးခွိုꩻကိုနဝ်ꩻ ခွန်ဖုံႏ အီႏပေါႏလွဉ်သွူ။ 12ခွေကဖေႏဒါႏ အဗြာဟံတွမ်ႏ ဣသဲစ်ခမ်းနဝ်ꩻ ခွေအီႏဖေႏသွုပ်နာꩻတွမ်ႏ နာꩻပိုလီꩻစွိုးခွိုꩻဖုံႏ” နုဲင်းနဝ်ꩻသွူ။ 13နဝ်ꩻထွူ ဗွေႏဘုရာꩻ အဝ်ႏဝွေꩻထျꩻ ကျွꩻလွေꩻထိုꩻသွူ။ 14#ကမ္ဘာႏ ၂၈:၁၈–၁၉။ ဗွေႏဘုရာꩻ ကအဝ်ႏဒေါ့ꩻရီဝွေꩻ ခင်ႏလမ်းနဝ်ꩻ ယာကုပ်ဆို့ꩻသေꩻခါꩻ အမတ်ထွန်ႏထွူ ဆူလူး ဝုဲင်တွမ်ႏ နမ်းမန်ꩻတဲင် ဝွေꩻကပ်လူႏထင်ႏ ဘုရာꩻထျꩻသွူ။ 15ခင်ႏလမ်း အရပ်နဝ်ꩻနဝ်ꩻ ဝွေꩻဖန်ဟဲ့ꩻအမဉ်ꩻ ဗေသလသွူ။
ရာခေလသီထိုꩻ
16ယာကုပ်တွမ်ႏ ဝွေꩻတမွိုးဖါပိုစွိုꩻနဝ်ꩻ အဝ်ႏဗေသလအရပ် ထန်ႏလွေꩻတဖူꩻတဲင် ဝွေꩻသီးအဝ်ႏညာꩻနေဒွိုန်းက ဧဖရတ်ဝေင်ꩻတွင်ꩻ အဝ်ႏညာꩻဒျာႏဒွိုန်းက၊ ရာခေလ လွူးပိုချိန်ႏတွိုႏတဲင် ဟို့ꩻခြေ့သန် လွူးပိုယပ်ꩻငါႏနဝ်ꩻသွူ။ 17ဆာခြေ့သန် ငါႏလွဉ်ꩻနဝ်ꩻမꩻ မော်မူႏဒေါ့ꩻဖေႏဝွေꩻ “ရာခေလ၊ တွမ်ႏငမ်းမွိုန်း နာꩻလꩻထဲင်းယင်းလဲဉ်း ပိုခိုတဖြာꩻ” နုဲင်းနဝ်ꩻသွူ။ 18ကွဲႏတွော့ꩻ ဝွေꩻမူႏ အီႏသီ အဝ်ႏသာပင်ႏထာꩻတွင်ꩻ ဝွေꩻဖန်ဟဲ့ꩻဖေႏ အပိုခိုမဉ်ꩻ ဗေနောနိသွူ။ ကွဲႏတွော့ꩻ အဖါနဝ်ꩻ ဖန်ဖေႏဒျာႏ ဗေင်ယာမိန် နုဲင်းနဝ်ꩻသွူ။
19ရာခေလ ထွိုင်ႏသီထွူ၊ သင်္ဂြိုဟ်ႏဝွေꩻ တဖူꩻကလွေꩻဒါႏ ဧဖရက်ဝေင်ꩻ ယိုခါ မဉ်ꩻကတွင်ႏဒါႏ ဗဲက်လဟဲမ်ဝေင်ꩻနဝ်ꩻသွူ။ 20ယာကုပ်တယ်ႏ အမတ်လုံးထွန်ႏ သင်ႏခဲင်ꩻအောင်လောင်းတဲင် ဗꩻတွိုႏစွဉ်ႏဟန်ႏနီꩻယို အဝ်ႏဟဲ့ꩻ ရာခေလသဲင်ႏခဲင်ꩻ အထိန်ꩻအမတ်ထွန်ႏ နုဲင်းနဝ်ꩻသွူ။ 21နဝ်ꩻထွူ ယာကုပ်ခြုဲင်းလွေꩻ ချꩻပင် အဲဒါ ရန်းခြေင်ႏတွိုက်ထို ခꩻတဖဲ့ꩻသွူ။
ယာကုပ်ပိုဖုံႏ
(၁ရာႏဇဝင်ႏချုပ် ၂:၁–၂)
22 #
ကမ္ဘာႏ ၄၉:၄။ ယာကုပ်အုံ ခမ်းနဝ်ꩻကိုတွင်ꩻ၊ ရုဗေင်နဝ်ꩻ ဗေင်ႏငီꩻချာတွမ်ႏ အဖါမာပေႏ ဗိလဟာသွူ။ ပွိုင်းဝွို့တွမ်ႏ ယိုခရာႏနဝ်ꩻ ယာကုပ်ဟွိုန်တဲင် သꩻလျား မွေးစွဉ်ႏထာꩻသွူ။
ယာကုပ်နဝ်ꩻ ပိုခိုအဝ်ႏ တဆီနီဖြာꩻသွူ။ 23တွမ်ႏအမာလေအာ ကလꩻဒါႏ ပိုခိုဖုံႏနဝ်ꩻ ရုဗေင်( ယာကုပ်ပိုခိုယင်းသွူ။) နဝ်ꩻထွူ သိမောင်၊ လေဝိ၊ ယုဒ၊ ဣသခါတွမ်ႏ သေဗုလုံသွူ။ 24ရာခေလ ပိုခိုဖုံႏနဝ်ꩻ ယောသပ်တွမ်ႏ ဗေင်ယာမိန်သွူ။ 25ရာခေလသွဉ်းမူႏ ဗိလဟာပိုခိုဖုံႏနဝ်ꩻ ဒန်တွမ်ႏ နပ်တလိသွူ။ 26အမာပေႏ လေအာအသွဉ်းမူႏ သိလဖပိုခိုဖုံႏနဝ်ꩻ ဂဒ်တွမ်ႏ အာသျာသွူ။ ပိုခိုနဝ်ꩻဖုံႏနဝ်ꩻ လွူးဒျာႏ မဲက်သိုပိုတေးမီးယား ခမ်းကိုသွူ။
ဣသဲစ်သီထိုꩻ
27 #
ကမ္ဘာႏ ၁၃:၁၈။ ယာကုပ်တွိုႏလွေꩻ အဖါဣသဲစ် ကအုံဒါႏ မံရေအရပ် ဟေဗြုန်ဝေင်ꩻထျꩻသွူ။ ခင်ႏလမ်းနဝ်ꩻနဝ်ꩻ အဗြာဟံတွမ်ႏ ဣသဲစ် ကအဝ်ႏအုံဒါႏ ခင်ႏလမ်းသွူ။ 28ဣသဲစ်နဝ်ꩻ သက်လꩻနေင်ႏ ၁၈၀သွူ။ 29ဝွေꩻဖြားငါႏလွဉ်ꩻနဝ်ꩻမꩻ မောင်ꩻကြော့ꩻ သီထိုꩻတဲင် ဝွေꩻပိုခိုဧသောတွမ်ႏ ယာကုပ်နဝ်ꩻ သင်္ဂြိုဟ်ႏဝွေꩻသွူ။
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Pao Bible Common Language© Bible Society of Myanmar, 2019.