တမန်ႏတောႏ 17
17
အဝ်ႏသော့ꩻဝေင်ꩻတဲက်သာလောနိတ်ကို
1ပေါလုစွဉ်ႏ သိလ လွေꩻသွုပ်တဖူꩻ ဖျတ်ကာႏစွဉ်ႏ ဝေင်ꩻအံဖိပေါလိတွမ်ႏ ဝေင်ꩻအာပေါလောနိတဲင် ဖျော်လွဉ်စွဉ်ႏ ဝေင်ꩻတဲက်သာလောနိတ်၊ နဝ်ꩻကိုနဝ်ꩻ တရာꩻစရွပ် အဝ်ႏတဖြုံႏသွူ။ 2နုဲင်းဝွေꩻအဝ်ႏမာꩻကျင်ꩻ သေႏသေႏဒါႏအတွိုင်ꩻ ပေါလုလွေꩻစွဉ်ႏ တရာꩻစရွပ်ကိုနဝ်ꩻသွူ။ ဥပုသ်မွူးနီꩻ သွံနီꩻလွုမ်းယံတွင်ꩻ ဝွေꩻဖျော်လွဉ် အုံကွံတွမ်ႏ လိုꩻဖုံႏသွူ။ ထောက်နယ်ဖေႏတွော့ꩻ၊ 3သျင်ꩻနယ် ဖေႏနေးစွဉ်ႏ ကျမ်ꩻချက်ဖုံႏတဲင် ကျမ်ꩻချက်ဖုံႏကိုနဝ်ꩻ မေသျိယ အီႏခံႏဗာႏ ထာꩻဒုက္ခတွော့ꩻ အဝ်ႏထာꩻသီကို ထွိုင်ႏမွန်လွဉ်ချာ ဗာႏနဝ်ꩻသွူ။ ပေါလုဒေါ့ꩻ၊ “နီကကေႏညာႏဖေႏဒါႏသီ ဗွေႏယေသျု ယိုနဝ်ꩻထွာဒျာႏ မေသျိယ” နုဲင်းနဝ်ꩻသွူ။ 4ဝွေꩻသီး လိုꩻယင်ဟန်ႏနဝ်ꩻ လက်ခံႏတဲင် ပေါင်ꩻငီꩻ ပေါလုစွဉ်ႏ သိလနဝ်ꩻသွူ။ လိုꩻမူႏ ခေါင်းဆောင်ဖုံႏ အာငါႏတွမ်ႏ ကဝုဲင်ႏကိုꩻကွယ်ႏဒါႏ ဗွေႏဘုရာꩻ၊ ဂရိလိုꩻမျိုꩻ အစွိုꩻတန် တစွိုꩻနဝ်ꩻတဲ့ အဝ်ႏပေါင်ꩻငီꩻသွူ။
5ကွဲႏတွော့ꩻ ဂျူးလိုꩻမျိုꩻဖုံႏ ယင်ဟန်ႏနဝ်ꩻ တကေးတဲင် စုဗူႏလို့စွဉ်ႏ လိုꩻလွင်ꩻ လိုꩻကုဲင်ဖုံႏ ကအဝ်ႏ တဖူꩻလောင်းတွော့ꩻ မာꩻထွာစွဉ်ႏ လိုꩻစွိုꩻ အစွိုꩻတန်တဲင် ဝွေꩻသီး ထွိုင်ႏရောင်သျွုတ်စွဉ်ႏ တဝေင်ꩻလွုမ်းတွော့ꩻ နွို့ထုမ်ႏစွဉ်ႏ ပါꩻတဖြာꩻ အမဉ်ꩻယာသုန်နဝ်ꩻ အလမ်းကိုတဲင် ကျံႏတရွစ်ꩻထန်ႏစွဉ်ႏ ပေါလု တွမ်ႏသိလ လိုꩻအမျာꩻငါနဝ်ꩻသွူ။ 6ကွဲႏတွော့ꩻ ဝွေꩻသီး ထွိုင်ႏမော့ꩻတဝ်း ပေါလုစွဉ်ႏ သိလနဝ်ꩻ၊ ဝွေꩻသီး တွာႏထန်ႏလွဉ် ယာသုန်တွမ်ႏ လိုꩻယွုမ်းသား အလင်ဖုံႏ ယင်ဟန်ႏ ဝေင်ꩻအာႏဏာႏပဲင်ႏသားဖုံႏ ဆꩻငါတဲင် ဝွေꩻသီးခြောဝ်၊ “လိုꩻစားယိုဖုံႏနဝ်ꩻ အဝ်ႏမာꩻဒုက္ခထာꩻ ခင်ႏလမ်းစွုမ်ႏထွောင်း၊ ယိုခါ ဝွေꩻသီး အဝ်ႏဖျော်လွဉ်သော့ꩻလဲဉ်း နီဝေင်ꩻကိုတဲင်၊ 7ယာသုန်နဝ်ꩻ အဝ်ႏလက္ခံႏ ဝွေꩻသီး အလမ်းကို။ ဝွေꩻသီး အဝ်ႏယားကုဲင်ထိုꩻ ဧကရာဇ်ခွန် ဥပဒေႏဖုံႏတွော့ꩻ အဝ်ႏရိုꩻဒျာႏ ခွန်တန် အလင်တပါꩻမဉ်ꩻ ယေသျုနဝ်ꩻအဝ်ႏ” နုဲင်းနဝ်ꩻသွူ။ 8စွဉ်ႏငဝ်းယိုဖုံႏနဝ်ꩻ ဝွေꩻသီးမာꩻ သျွုတ်တရေင် လိုꩻဖုံႏတွမ်ႏ ဝေင်ꩻအာႏဏာႏ ပဲင်ႏသားဖုံႏနဝ်ꩻသွူ။ 9ယာသုန်တွမ်ႏ လိုꩻလင်ဖုံႏ ဖေႏကလွစ်နဝ်ꩻ အာႏဏာႏ ပဲင်ႏသားဖုံႏ တွဲႏတံႏ ရွဉ်ယောႏထွူ အွဉ်ႏစွꩻလွစ်ဖေႏစွဉ်ႏ ဝွေꩻသီးနဝ်ꩻသွူ။
အဝ်ႏသော့ꩻဝေင်ꩻဗေရိကို
10ထာꩻထွိုင်ႏခေ့ꩻလွဉ် တလဲင်ႏချင်ꩻ လိုꩻယွုမ်းသားဖုံႏနဝ်ꩻ ပသာထိုꩻ ပေါလုတွမ်ႏ သိလ ဝေင်ꩻဗေရိနဝ်ꩻသွူ။ ဝွေꩻသီး ထွိုင်ႏဖျော်လွဉ်ချိန်ႏ ဝွေꩻသီး နွို့လွေꩻစွဉ်ႏ တရာꩻစရွပ်နဝ်ꩻသွူ။ 11လိုꩻနဝ်ꩻကို သားဖုံႏနဝ်ꩻ သဘော်ꩻ ဗွောင်ကယ်ꩻက လိုꩻဝေင်ꩻ တဲက်သာလောနိတ် သားဖုံႏသွူ။ ဝွေꩻသီး စွဉ်ႏသွိုန်ႏပါသꩻပါ နာႏမွေးနေးစွဉ်ႏ တရာꩻတဲင် နုဲင်းပေါလု ကဒေါ့ꩻနဝ်ꩻ မဲဉ်ႏနဲ့တမဲဉ်ႏတဝ်းနဲ့ ဖေႏကသေနဝ်ꩻ စွုမ်ႏနီꩻ ဝွေꩻသီး ဖတ်ထွားမွေးစွဉ်ႏ လိတ်ကျမ်ꩻဖုံႏသွူ။ 12ဝွေꩻသီးကိုနဝ်ꩻ ကောယွုမ်းသားဖုံႏ အာလွဉ်တဲင် ဂရိလိုꩻမူႏ အဆင်ႏရန်း ထိုသားဖုံႏတွမ်ႏ ဂရိလိုꩻခိုဖုံႏ နဝ်ꩻတဲ့ ယွုမ်းလွဉ်သွူ။ 13ကွဲႏတွော့ꩻ ပေါလု အဝ်ႏဟော်ꩻသော့ꩻပါက ဗွေႏဘုရာꩻ တရာꩻငဝ်း ဝေင်ꩻဗေရိကိုနဝ်ꩻ ဂျူးလိုꩻမျိုꩻဖုံႏ ကအဝ်ႏဒါႏ ဝေင်ꩻတဲက်သာလောနိတ် ကိုသား ထွိုင်ႏဟွိုန်ချိန်ႏ ဝွေꩻသီး လွဉ်နဝ်ꩻကိုတဲင် ဖေႏနေး ကထွိုင်ႏသျွုတ် တရေင်ထာꩻနဝ်ꩻ တမာဖေႏအာႏစစွဉ်ႏ လိုꩻစွိုꩻဖုံႏသွူ။ 14တလဲင်ႏချင်ꩻ လိုꩻကယွုမ်းသားဖုံႏ ပသာညာꩻထိုꩻ ပေါလု ပင်ႏလယ်ႏဖင်ႏထျꩻနဝ်ꩻသွူ။ ကွဲႏတွော့ꩻ သိလတွမ်ႏ တိမောတေဝင်ꩻနီ အုံကုဲင်သော့ꩻဒျာႏ ဝေင်ꩻဗေရိကိုနဝ်ꩻသွူ။ 15ပါꩻခိုဖုံႏ ကပသာလွဉ်ꩻဒါႏ ဝွေꩻနဝ်ꩻ တွိုႏညာꩻလွေꩻ ဝေင်ꩻအေတေင်တဲင် မဉ်ႏထွာနွောင်ꩻ တလဲင်ႏချင်ꩻ သိလတွမ်ႏ တိမောတေသီး ဖေႏကလွဉ်ပေါင်ꩻငီꩻ စွဉ်ႏဝွေꩻနဝ်ꩻ ပေါလုထွန်ႏ နုဲင်းနဝ်ꩻတဲင် သဲင်ꩻလွဉ်ချာစွဉ်ႏ ဝေင်ꩻဗေရိသွူ။
အဝ်ႏသော့ꩻဝေင်ꩻအေတေင်ကို
16ပေါလုအဝ်ႏအုံပွေါး သိလတွမ်ႏ တိမောတေ ဝေင်ꩻအေတေင်ကျာꩻ ဝွေꩻထွိုင်ႏထီႏ ဝေင်ꩻကို အဝ်ႏဗွေသော့ꩻဒျာႏ ရွုတ်တုဖုံႏနဝ်ꩻ ဝွေꩻသꩻကုဲင် မွေးနေးစွဉ်ႏထာꩻနဝ်ꩻသွူ။ 17နဝ်ꩻမꩻ စွဉ်ႏဂျူးလိုꩻမျိုꩻဖုံႏတွမ်ႏ လိုꩻမျိုꩻလင်ဖုံႏ ကဝုဲင်ႏကိုꩻကွယ်ႏဒါႏ ဗွေႏဘုရာꩻသားဖုံႏ ပါစွဉ်ႏ လိုꩻအမျာꩻ စွုမ်ႏနီꩻ ကလွေꩻသဲင်ꩻဒါႏ ခင်ႏလမ်း ကွင်ꩻခြေင်ကိုသားဖုံႏနဝ်ꩻ အုံကွံသော့ꩻစွဉ်ႏ တရာꩻစရွပ်ကိုသွူ။ 18ဧပိကုရုတွမ်ႏ သတောအိ ထာꩻယူႏထာꩻတွေꩻ ပညာႏဗွေႏစွိုꩻဖုံႏ နဝ်ꩻတဲ့ အဝ်ႏဒေါ့ꩻထေင်ညင်ꩻ အုံကွံစွဉ်ႏ ဝွေꩻနဝ်ꩻသွူ။ ဝွေꩻသီးကို ယင်ဟန်ႏသားရီ၊ “ပါꩻတလီꩻဖွိုင်ꩻတန်ယို အဝ်ႏရိုꩻ တမုဲင်ꩻဟောင်း” နုဲင်းနဝ်ꩻတဲင်၊
အလင်ဖုံႏနဝ်ꩻ လဝ်းချာ၊ “ထွားဝွေꩻနဝ်ꩻ နုဲင်းစွဉ်ႏ အဒေါ့ꩻဒျာႏ ခမ်းလင်သားဖုံႏ ဘုရာꩻခရာႏတန်” နုဲင်းနဝ်ꩻသွူ။ ပွိုးတွော့ꩻ ပေါလု အဝ်ႏဟော်ꩻနယ်ဖေႏ ဗွေႏယေသျု ခရာႏတဲင် အဝ်ႏထာꩻသီကို ထွိုင်ႏမွန်လွဉ်ချာ ခရာႏအတွက် ဝွေꩻသီး ဒေါ့ꩻဗာႏထာꩻ နုဲင်းယိုနဝ်ꩻသွူ။ 19ကွပ်နဝ်ꩻမ ဝွေꩻသီးဟဲ့ꩻဖစ် ပေါလု၊ ပင်ꩻလွေꩻဝွေꩻ အာရီယိုပါကတ် ကထွာ ဝေင်ꩻတောႏ ကောင်စီရွုမ်ꩻ ဆꩻငါတဲင်ဒေါ့ꩻ၊ “ပွိုင်းဝွို့တွမ်ႏ နာꩻကအဝ်ႏဒေါ့ꩻသွဉ်သင် ဖေႏဒါႏသတင်ꩻ နဝ်ꩻခရာႏနဝ်ꩻ နီမဉ်သေငါႏသွူ။ 20နီကဟွိုန်ဗာႏငဝ်း ကရိုꩻဒါႏ ထာꩻယင်ဟန်ႏဖုံႏနဝ်ꩻ နီအတာႏထွာ ထာꩻထူꩻဆန်ꩻတဲင် ထာꩻနဝ်ꩻဖုံႏနဝ်ꩻ မဉ်ရိုꩻ အဓိပ္ပါယ်ႏ နုဲင်းမုဲင်ꩻနဝ်ꩻ နီမဉ်သေ” နုဲင်းနဝ်ꩻသွူ။ (21ပွိုးတွော့ꩻ အေတေင် ဝေင်ꩻသားဖုံႏတွမ်ႏ လိုꩻခမ်းလင်သားဖုံႏ ကအုံသော့ꩻဒါႏ ဝေင်ꩻနဝ်ꩻကိုဖုံႏနဝ်ꩻ ဝွေꩻသီး အချိန်ႏလို့အီဗော့ꩻဒျာႏ ဒေါ့ꩻတဲင် နာႏသတင်ꩻတသာ ခရာႏနဝ်ꩻသွူ။)
22ပေါလုအုံထွိုင်ႏ ဝေင်ꩻတောႏ ကောင်စီရွုမ်ꩻ ဆꩻငါတဲင်ဒေါ့ꩻ၊ “ထောက်ထွား ထာꩻမာꩻစွုမ်ႏစွိုးနဝ်ꩻ သီလိုꩻဝေင်ꩻ အေတေင်သားဖုံႏနဝ်ꩻ ရိုႏသေႏငါႏ ဘုရာꩻတရာꩻကျောင်ꩻ ခွေထီႏဗာႏသွူ။ 23နုဲင်းခွေ ကထောင်ဖျတ်ကာႏ သီဝေင်ꩻတောႏတွော့ꩻ ထွားသီကဝုဲင်ႏ ကိုꩻကွယ်ႏဒါႏ ခင်ႏလမ်းချိန်ႏနဝ်ꩻ ခွေထီႏဗာႏ ပလ္လင်ႏတဖြုံႏလောင်း အဝ်ႏတဲမ်းခါꩻ၊ ‘နီတသေတဝ်း ဗွေႏဘုရာꩻတပါꩻ၊’ နုဲင်းနဝ်ꩻသွူ။ နဝ်ꩻထွူ သီလဲင်ꩻတသေတဝ်းတွော့ꩻ သီကအဝ်ႏဝုဲင်ႏ ကိုကွယ်ႏဒါႏ ဗွေႏဘုရာꩻနဝ်ꩻ ထွာဒျာႏယိုခါ ခွေကအဝ်ႏ ကေႏညာႏဖေႏဒါႏ သီနဝ်ꩻသွူ။ 24#၁ရာႏ ၈:၂၇၊ ဟေသျာ ၄၂:၅၊ တ ၇:၄၈။ ဗွေႏဘုရာꩻ ကဖန်ဆင်ꩻ မာꩻထွာလွဉ်ဒါႏ ကမ္ဘာႏလောကစွဉ်ႏ ဟံႏတန်ကို ကအဝ်ႏသော့ꩻဒါႏ ထာꩻကာအဝ်ႏနဝ်ꩻ ထွာဒျာႏ မို့ꩻတွမ်ႏဟံႏ အဗွေႏနဝ်ꩻမꩻ စွဉ်ႏလိုꩻစူ ကမာꩻနေးဒါႏ ဗိမာန်ႏတောႏ ကျောင်ꩻကိုနဝ်ꩻ တကိန်ꩻသော့ꩻတဝ်းသွူ။ 25တယ်ႏစွဉ်ႏ ဗွေႏကဖေႏဒါႏ လိုꩻစွုမ်ႏဖြာꩻ အသက်စွဉ်ႏ ထာꩻသာ တွမ်ႏကအဝ်ႏလိုႏဒါႏ ထာꩻအလင်ဖုံႏ ကားကအဝ်ႏနဝ်ꩻ ထွာဒျာႏ ဝွေꩻဗွေႏနမ်းသွူ၊ နဝ်ꩻမꩻ ကအဝ်ႏမာꩻဖေႏဒါႏ ဝွေꩻဗွေႏတာႏ ဝွေꩻဗွေႏ တအဝ်ႏလိုႏတဝ်း နီစွဲကမ်းကို တစွိုးစွိုးသွူ။ 26တယ်ႏစစွဉ်ႏ လိုꩻတဖြာꩻတွော့ꩻ ဝွေꩻဗွေႏ ဖန်ဆင်ꩻ မာꩻထွာလွဉ် လိုꩻမျိုꩻဖုံႏ ကားကအဝ်ႏတဲင် အွဉ်ႏဝွေꩻသီး အုံဗွေစွစ်ꩻစွဉ်ႏ တဟံႏတန်လွုမ်းသွူ။ ဝွေꩻသီး အီႏအုံအဝ်ႏ သက်မွန်ဗာႏ ခင်ႏလမ်းစွဉ်ႏ အချိန်ႏကာႏလဖုံႏနဝ်ꩻ ဝွေꩻဗွေႏနမ်း ထွော့ခါꩻရီးဖေႏသွူ။ 27ဝွေꩻဗွေႏ ကမာꩻဗာႏ နုဲင်းယိုနဝ်ꩻ ဖေႏနေး လိုꩻဖုံႏ ကထုမ်ႏ ဝွေꩻဗွေႏတဲင် နုဲင်းဝွေꩻသီး ကအဝ်ႏထုမ်ႏဒါႏ ဝွေꩻဗွေႏ အတွိုင်ꩻ မဲ့ꩻကုဲင်းမော့ꩻဒါႏ ဝွေꩻဗွေႏသွူ။ ကွဲႏတွော့ꩻ အမဲဉ်ႏနဝ်ꩻ ဗွေႏဘုရာꩻ တအဝ်ႏညာꩻတဝ်း စွဉ်ႏနီ တဖြာꩻဖြာꩻသွူ။ 28နုဲင်းပါꩻတဖြာꩻဖြာꩻ ကအဝ်ႏဒေါ့ꩻလဲဉ်းဒါႏ အတွိုင်ꩻ၊
‘နီအသက်မွန်တွော့ꩻ ရုဲင်ꩻတသွိုးထာꩻနဝ်ꩻ ထွာလွဉ်ဒျာႏ တွမ်ဝွေꩻဗွေႏ’ နုဲင်းနဝ်ꩻသွူ။
နဝ်ꩻနဝ်ꩻထွာဒျာႏ နုဲင်းသီကဗျာ လင်္ကာႏဆရာႏ ယင်ဟန်ႏ ကအဝ်ႏဒေါ့ꩻဒါႏ၊
‘နီနဝ်ꩻတဲ့ ထွာဒျာႏ ဝွေꩻဗွေႏ အပိုဖုံႏ’ နုဲင်းနဝ်ꩻသွူ။
29တယ်ႏစွဉ်ႏ နီကအဝ်ႏထွာဒါႏ ဗွေႏဘုရာꩻ ပိုဖုံႏအတွိုင်ꩻ စွဉ်ႏလိုꩻပန်းပု အနုပညာႏစွဉ်ႏ အထာꩻဒါႏလျင်ႏဖုံႏနဝ်ꩻ မာꩻဗွိုန်နုဲင်း ဝွေꩻဗွေႏ ပွုံႏသဏ္ဌာန်ႏ တွမ်ႏခံꩻရွုတ်တု တဲ့ꩻနဝ်ꩻ၊ ရွဉ်ရွုတ်တု တဲ့နဝ်ꩻ၊ လုံးရွုတ်တု တဲ့နဝ်ꩻ၊ နီတဟဝ်မာꩻတဝ်းသွူ။ 30လိုꩻဖုံႏထွိုင်ႏ တသေငါꩻတဝ်းဒွိုန်း ဝွေꩻဗွေႏချိန်ႏနဝ်ꩻ ဗွေႏဘုရာꩻ အဝ်ႏထွားဗော့ꩻဒျာႏ နုဲင်းနဝ်ꩻ၊ ကွဲႏတွော့ꩻ ယိုခါ အဝ်ႏအရပ်ခင်ႏလမ်း စွုမ်ႏထွောင်း ဝွေꩻသီး ကအဝ်ႏမာꩻဒါႏ ထာꩻကုဲင်နယ်ꩻဖုံႏ ဖေႏကကော့ꩻမာႏချာနဝ်ꩻ ဝွေꩻဗွေႏ မိန်းဖေႏလဲဉ်း ဝွေꩻသီး ကားကအဝ်ႏနဝ်ꩻသွူ။ 31စွဉ်ႏဝွေꩻဗွေႏ ကလွိုက်သေꩻခါႏဒါႏ လိုꩻတဖြာꩻနဝ်ꩻ စွဉ်ႏတရာꩻတရျား ဝွေꩻဗွေႏ ကအီႏစီႏရင်ႏ တဟံႏတန်လွုမ်း အနီꩻနဝ်ꩻ ဝွေꩻဗွေႏ ထွော့ခါꩻထွူလဲဉ်း နဝ်ꩻသွူ။ ယိုနဝ်ꩻ စွဉ်ႏအဝ်ႏထာꩻသီ ကမာꩻထွိုင်ႏမွန်ဖေႏ လိုꩻခိုနဝ်ꩻ ဝွေꩻဗွေႏဖေႏ လိုꩻစွုမ်ႏဖြာꩻ သက်သေႏ ခွေါင်ခံႏသွူ။
32ဝွေꩻသီးထွိုင်ႏဟွိုန် ပေါလုဒေါ့ꩻ အဝ်ႏထာꩻသီ ထွိုင်ႏမွန်လွဉ်ခရာႏနဝ်ꩻ ဝွေꩻသီးကို လိုꩻယင်ဟန်ႏ ငသွမ်ꩻစွဉ်ႏဝွေꩻသွူ။ ကွဲႏတွော့ꩻ လိုꩻအလင်ဖုံႏနဝ်ꩻဒေါ့ꩻ၊ “နာꩻကဒေါ့ꩻဒါႏ ထာꩻယိုခရာႏနဝ်ꩻ နီမဉ်ဟွိုန်ဖျင်ယင်း တလဲင်ႏ” နုဲင်းနဝ်ꩻသွူ။ 33နဝ်ꩻမꩻ ပေါလု အဝ်ႏအုံကွံကိုနဝ်ꩻ ထန်ႏထိုꩻစွဉ်ႏသွူ။ 34ယင်ဟန်ႏသားဖုံႏနဝ်ꩻ ပေါင်ꩻငီꩻစွဉ်ႏ ဝွေꩻတဲင် ထွာလွဉ်စွဉ်ႏ လိုꩻယွုမ်းသားသွူ။ ကယွုမ်းလွဉ်သားဖုံႏကို ပါꩻတဖြာꩻမဉ်ꩻ တရောနုသိယတ်နဝ်ꩻ ထွာလွတ်တောႏ ကောင်စီစွိုꩻကို တဖြာꩻ၊ နဝ်ꩻကို ပါꩻမူႏတဖြာꩻ ကမဉ်ꩻဒမာရိတွမ်ႏ လိုꩻအလင် ယင်ဟန်ႏဖုံႏနဝ်ꩻတဲ့ အဝ်ႏပါနဝ်ꩻသွူ။
ទើបបានជ្រើសរើសហើយ៖
တမန်ႏတောႏ 17: PBCL
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Pao Bible Common Language© Bible Society of Myanmar, 2019.
တမန်ႏတောႏ 17
17
အဝ်ႏသော့ꩻဝေင်ꩻတဲက်သာလောနိတ်ကို
1ပေါလုစွဉ်ႏ သိလ လွေꩻသွုပ်တဖူꩻ ဖျတ်ကာႏစွဉ်ႏ ဝေင်ꩻအံဖိပေါလိတွမ်ႏ ဝေင်ꩻအာပေါလောနိတဲင် ဖျော်လွဉ်စွဉ်ႏ ဝေင်ꩻတဲက်သာလောနိတ်၊ နဝ်ꩻကိုနဝ်ꩻ တရာꩻစရွပ် အဝ်ႏတဖြုံႏသွူ။ 2နုဲင်းဝွေꩻအဝ်ႏမာꩻကျင်ꩻ သေႏသေႏဒါႏအတွိုင်ꩻ ပေါလုလွေꩻစွဉ်ႏ တရာꩻစရွပ်ကိုနဝ်ꩻသွူ။ ဥပုသ်မွူးနီꩻ သွံနီꩻလွုမ်းယံတွင်ꩻ ဝွေꩻဖျော်လွဉ် အုံကွံတွမ်ႏ လိုꩻဖုံႏသွူ။ ထောက်နယ်ဖေႏတွော့ꩻ၊ 3သျင်ꩻနယ် ဖေႏနေးစွဉ်ႏ ကျမ်ꩻချက်ဖုံႏတဲင် ကျမ်ꩻချက်ဖုံႏကိုနဝ်ꩻ မေသျိယ အီႏခံႏဗာႏ ထာꩻဒုက္ခတွော့ꩻ အဝ်ႏထာꩻသီကို ထွိုင်ႏမွန်လွဉ်ချာ ဗာႏနဝ်ꩻသွူ။ ပေါလုဒေါ့ꩻ၊ “နီကကေႏညာႏဖေႏဒါႏသီ ဗွေႏယေသျု ယိုနဝ်ꩻထွာဒျာႏ မေသျိယ” နုဲင်းနဝ်ꩻသွူ။ 4ဝွေꩻသီး လိုꩻယင်ဟန်ႏနဝ်ꩻ လက်ခံႏတဲင် ပေါင်ꩻငီꩻ ပေါလုစွဉ်ႏ သိလနဝ်ꩻသွူ။ လိုꩻမူႏ ခေါင်းဆောင်ဖုံႏ အာငါႏတွမ်ႏ ကဝုဲင်ႏကိုꩻကွယ်ႏဒါႏ ဗွေႏဘုရာꩻ၊ ဂရိလိုꩻမျိုꩻ အစွိုꩻတန် တစွိုꩻနဝ်ꩻတဲ့ အဝ်ႏပေါင်ꩻငီꩻသွူ။
5ကွဲႏတွော့ꩻ ဂျူးလိုꩻမျိုꩻဖုံႏ ယင်ဟန်ႏနဝ်ꩻ တကေးတဲင် စုဗူႏလို့စွဉ်ႏ လိုꩻလွင်ꩻ လိုꩻကုဲင်ဖုံႏ ကအဝ်ႏ တဖူꩻလောင်းတွော့ꩻ မာꩻထွာစွဉ်ႏ လိုꩻစွိုꩻ အစွိုꩻတန်တဲင် ဝွေꩻသီး ထွိုင်ႏရောင်သျွုတ်စွဉ်ႏ တဝေင်ꩻလွုမ်းတွော့ꩻ နွို့ထုမ်ႏစွဉ်ႏ ပါꩻတဖြာꩻ အမဉ်ꩻယာသုန်နဝ်ꩻ အလမ်းကိုတဲင် ကျံႏတရွစ်ꩻထန်ႏစွဉ်ႏ ပေါလု တွမ်ႏသိလ လိုꩻအမျာꩻငါနဝ်ꩻသွူ။ 6ကွဲႏတွော့ꩻ ဝွေꩻသီး ထွိုင်ႏမော့ꩻတဝ်း ပေါလုစွဉ်ႏ သိလနဝ်ꩻ၊ ဝွေꩻသီး တွာႏထန်ႏလွဉ် ယာသုန်တွမ်ႏ လိုꩻယွုမ်းသား အလင်ဖုံႏ ယင်ဟန်ႏ ဝေင်ꩻအာႏဏာႏပဲင်ႏသားဖုံႏ ဆꩻငါတဲင် ဝွေꩻသီးခြောဝ်၊ “လိုꩻစားယိုဖုံႏနဝ်ꩻ အဝ်ႏမာꩻဒုက္ခထာꩻ ခင်ႏလမ်းစွုမ်ႏထွောင်း၊ ယိုခါ ဝွေꩻသီး အဝ်ႏဖျော်လွဉ်သော့ꩻလဲဉ်း နီဝေင်ꩻကိုတဲင်၊ 7ယာသုန်နဝ်ꩻ အဝ်ႏလက္ခံႏ ဝွေꩻသီး အလမ်းကို။ ဝွေꩻသီး အဝ်ႏယားကုဲင်ထိုꩻ ဧကရာဇ်ခွန် ဥပဒေႏဖုံႏတွော့ꩻ အဝ်ႏရိုꩻဒျာႏ ခွန်တန် အလင်တပါꩻမဉ်ꩻ ယေသျုနဝ်ꩻအဝ်ႏ” နုဲင်းနဝ်ꩻသွူ။ 8စွဉ်ႏငဝ်းယိုဖုံႏနဝ်ꩻ ဝွေꩻသီးမာꩻ သျွုတ်တရေင် လိုꩻဖုံႏတွမ်ႏ ဝေင်ꩻအာႏဏာႏ ပဲင်ႏသားဖုံႏနဝ်ꩻသွူ။ 9ယာသုန်တွမ်ႏ လိုꩻလင်ဖုံႏ ဖေႏကလွစ်နဝ်ꩻ အာႏဏာႏ ပဲင်ႏသားဖုံႏ တွဲႏတံႏ ရွဉ်ယောႏထွူ အွဉ်ႏစွꩻလွစ်ဖေႏစွဉ်ႏ ဝွေꩻသီးနဝ်ꩻသွူ။
အဝ်ႏသော့ꩻဝေင်ꩻဗေရိကို
10ထာꩻထွိုင်ႏခေ့ꩻလွဉ် တလဲင်ႏချင်ꩻ လိုꩻယွုမ်းသားဖုံႏနဝ်ꩻ ပသာထိုꩻ ပေါလုတွမ်ႏ သိလ ဝေင်ꩻဗေရိနဝ်ꩻသွူ။ ဝွေꩻသီး ထွိုင်ႏဖျော်လွဉ်ချိန်ႏ ဝွေꩻသီး နွို့လွေꩻစွဉ်ႏ တရာꩻစရွပ်နဝ်ꩻသွူ။ 11လိုꩻနဝ်ꩻကို သားဖုံႏနဝ်ꩻ သဘော်ꩻ ဗွောင်ကယ်ꩻက လိုꩻဝေင်ꩻ တဲက်သာလောနိတ် သားဖုံႏသွူ။ ဝွေꩻသီး စွဉ်ႏသွိုန်ႏပါသꩻပါ နာႏမွေးနေးစွဉ်ႏ တရာꩻတဲင် နုဲင်းပေါလု ကဒေါ့ꩻနဝ်ꩻ မဲဉ်ႏနဲ့တမဲဉ်ႏတဝ်းနဲ့ ဖေႏကသေနဝ်ꩻ စွုမ်ႏနီꩻ ဝွေꩻသီး ဖတ်ထွားမွေးစွဉ်ႏ လိတ်ကျမ်ꩻဖုံႏသွူ။ 12ဝွေꩻသီးကိုနဝ်ꩻ ကောယွုမ်းသားဖုံႏ အာလွဉ်တဲင် ဂရိလိုꩻမူႏ အဆင်ႏရန်း ထိုသားဖုံႏတွမ်ႏ ဂရိလိုꩻခိုဖုံႏ နဝ်ꩻတဲ့ ယွုမ်းလွဉ်သွူ။ 13ကွဲႏတွော့ꩻ ပေါလု အဝ်ႏဟော်ꩻသော့ꩻပါက ဗွေႏဘုရာꩻ တရာꩻငဝ်း ဝေင်ꩻဗေရိကိုနဝ်ꩻ ဂျူးလိုꩻမျိုꩻဖုံႏ ကအဝ်ႏဒါႏ ဝေင်ꩻတဲက်သာလောနိတ် ကိုသား ထွိုင်ႏဟွိုန်ချိန်ႏ ဝွေꩻသီး လွဉ်နဝ်ꩻကိုတဲင် ဖေႏနေး ကထွိုင်ႏသျွုတ် တရေင်ထာꩻနဝ်ꩻ တမာဖေႏအာႏစစွဉ်ႏ လိုꩻစွိုꩻဖုံႏသွူ။ 14တလဲင်ႏချင်ꩻ လိုꩻကယွုမ်းသားဖုံႏ ပသာညာꩻထိုꩻ ပေါလု ပင်ႏလယ်ႏဖင်ႏထျꩻနဝ်ꩻသွူ။ ကွဲႏတွော့ꩻ သိလတွမ်ႏ တိမောတေဝင်ꩻနီ အုံကုဲင်သော့ꩻဒျာႏ ဝေင်ꩻဗေရိကိုနဝ်ꩻသွူ။ 15ပါꩻခိုဖုံႏ ကပသာလွဉ်ꩻဒါႏ ဝွေꩻနဝ်ꩻ တွိုႏညာꩻလွေꩻ ဝေင်ꩻအေတေင်တဲင် မဉ်ႏထွာနွောင်ꩻ တလဲင်ႏချင်ꩻ သိလတွမ်ႏ တိမောတေသီး ဖေႏကလွဉ်ပေါင်ꩻငီꩻ စွဉ်ႏဝွေꩻနဝ်ꩻ ပေါလုထွန်ႏ နုဲင်းနဝ်ꩻတဲင် သဲင်ꩻလွဉ်ချာစွဉ်ႏ ဝေင်ꩻဗေရိသွူ။
အဝ်ႏသော့ꩻဝေင်ꩻအေတေင်ကို
16ပေါလုအဝ်ႏအုံပွေါး သိလတွမ်ႏ တိမောတေ ဝေင်ꩻအေတေင်ကျာꩻ ဝွေꩻထွိုင်ႏထီႏ ဝေင်ꩻကို အဝ်ႏဗွေသော့ꩻဒျာႏ ရွုတ်တုဖုံႏနဝ်ꩻ ဝွေꩻသꩻကုဲင် မွေးနေးစွဉ်ႏထာꩻနဝ်ꩻသွူ။ 17နဝ်ꩻမꩻ စွဉ်ႏဂျူးလိုꩻမျိုꩻဖုံႏတွမ်ႏ လိုꩻမျိုꩻလင်ဖုံႏ ကဝုဲင်ႏကိုꩻကွယ်ႏဒါႏ ဗွေႏဘုရာꩻသားဖုံႏ ပါစွဉ်ႏ လိုꩻအမျာꩻ စွုမ်ႏနီꩻ ကလွေꩻသဲင်ꩻဒါႏ ခင်ႏလမ်း ကွင်ꩻခြေင်ကိုသားဖုံႏနဝ်ꩻ အုံကွံသော့ꩻစွဉ်ႏ တရာꩻစရွပ်ကိုသွူ။ 18ဧပိကုရုတွမ်ႏ သတောအိ ထာꩻယူႏထာꩻတွေꩻ ပညာႏဗွေႏစွိုꩻဖုံႏ နဝ်ꩻတဲ့ အဝ်ႏဒေါ့ꩻထေင်ညင်ꩻ အုံကွံစွဉ်ႏ ဝွေꩻနဝ်ꩻသွူ။ ဝွေꩻသီးကို ယင်ဟန်ႏသားရီ၊ “ပါꩻတလီꩻဖွိုင်ꩻတန်ယို အဝ်ႏရိုꩻ တမုဲင်ꩻဟောင်း” နုဲင်းနဝ်ꩻတဲင်၊
အလင်ဖုံႏနဝ်ꩻ လဝ်းချာ၊ “ထွားဝွေꩻနဝ်ꩻ နုဲင်းစွဉ်ႏ အဒေါ့ꩻဒျာႏ ခမ်းလင်သားဖုံႏ ဘုရာꩻခရာႏတန်” နုဲင်းနဝ်ꩻသွူ။ ပွိုးတွော့ꩻ ပေါလု အဝ်ႏဟော်ꩻနယ်ဖေႏ ဗွေႏယေသျု ခရာႏတဲင် အဝ်ႏထာꩻသီကို ထွိုင်ႏမွန်လွဉ်ချာ ခရာႏအတွက် ဝွေꩻသီး ဒေါ့ꩻဗာႏထာꩻ နုဲင်းယိုနဝ်ꩻသွူ။ 19ကွပ်နဝ်ꩻမ ဝွေꩻသီးဟဲ့ꩻဖစ် ပေါလု၊ ပင်ꩻလွေꩻဝွေꩻ အာရီယိုပါကတ် ကထွာ ဝေင်ꩻတောႏ ကောင်စီရွုမ်ꩻ ဆꩻငါတဲင်ဒေါ့ꩻ၊ “ပွိုင်းဝွို့တွမ်ႏ နာꩻကအဝ်ႏဒေါ့ꩻသွဉ်သင် ဖေႏဒါႏသတင်ꩻ နဝ်ꩻခရာႏနဝ်ꩻ နီမဉ်သေငါႏသွူ။ 20နီကဟွိုန်ဗာႏငဝ်း ကရိုꩻဒါႏ ထာꩻယင်ဟန်ႏဖုံႏနဝ်ꩻ နီအတာႏထွာ ထာꩻထူꩻဆန်ꩻတဲင် ထာꩻနဝ်ꩻဖုံႏနဝ်ꩻ မဉ်ရိုꩻ အဓိပ္ပါယ်ႏ နုဲင်းမုဲင်ꩻနဝ်ꩻ နီမဉ်သေ” နုဲင်းနဝ်ꩻသွူ။ (21ပွိုးတွော့ꩻ အေတေင် ဝေင်ꩻသားဖုံႏတွမ်ႏ လိုꩻခမ်းလင်သားဖုံႏ ကအုံသော့ꩻဒါႏ ဝေင်ꩻနဝ်ꩻကိုဖုံႏနဝ်ꩻ ဝွေꩻသီး အချိန်ႏလို့အီဗော့ꩻဒျာႏ ဒေါ့ꩻတဲင် နာႏသတင်ꩻတသာ ခရာႏနဝ်ꩻသွူ။)
22ပေါလုအုံထွိုင်ႏ ဝေင်ꩻတောႏ ကောင်စီရွုမ်ꩻ ဆꩻငါတဲင်ဒေါ့ꩻ၊ “ထောက်ထွား ထာꩻမာꩻစွုမ်ႏစွိုးနဝ်ꩻ သီလိုꩻဝေင်ꩻ အေတေင်သားဖုံႏနဝ်ꩻ ရိုႏသေႏငါႏ ဘုရာꩻတရာꩻကျောင်ꩻ ခွေထီႏဗာႏသွူ။ 23နုဲင်းခွေ ကထောင်ဖျတ်ကာႏ သီဝေင်ꩻတောႏတွော့ꩻ ထွားသီကဝုဲင်ႏ ကိုꩻကွယ်ႏဒါႏ ခင်ႏလမ်းချိန်ႏနဝ်ꩻ ခွေထီႏဗာႏ ပလ္လင်ႏတဖြုံႏလောင်း အဝ်ႏတဲမ်းခါꩻ၊ ‘နီတသေတဝ်း ဗွေႏဘုရာꩻတပါꩻ၊’ နုဲင်းနဝ်ꩻသွူ။ နဝ်ꩻထွူ သီလဲင်ꩻတသေတဝ်းတွော့ꩻ သီကအဝ်ႏဝုဲင်ႏ ကိုကွယ်ႏဒါႏ ဗွေႏဘုရာꩻနဝ်ꩻ ထွာဒျာႏယိုခါ ခွေကအဝ်ႏ ကေႏညာႏဖေႏဒါႏ သီနဝ်ꩻသွူ။ 24#၁ရာႏ ၈:၂၇၊ ဟေသျာ ၄၂:၅၊ တ ၇:၄၈။ ဗွေႏဘုရာꩻ ကဖန်ဆင်ꩻ မာꩻထွာလွဉ်ဒါႏ ကမ္ဘာႏလောကစွဉ်ႏ ဟံႏတန်ကို ကအဝ်ႏသော့ꩻဒါႏ ထာꩻကာအဝ်ႏနဝ်ꩻ ထွာဒျာႏ မို့ꩻတွမ်ႏဟံႏ အဗွေႏနဝ်ꩻမꩻ စွဉ်ႏလိုꩻစူ ကမာꩻနေးဒါႏ ဗိမာန်ႏတောႏ ကျောင်ꩻကိုနဝ်ꩻ တကိန်ꩻသော့ꩻတဝ်းသွူ။ 25တယ်ႏစွဉ်ႏ ဗွေႏကဖေႏဒါႏ လိုꩻစွုမ်ႏဖြာꩻ အသက်စွဉ်ႏ ထာꩻသာ တွမ်ႏကအဝ်ႏလိုႏဒါႏ ထာꩻအလင်ဖုံႏ ကားကအဝ်ႏနဝ်ꩻ ထွာဒျာႏ ဝွေꩻဗွေႏနမ်းသွူ၊ နဝ်ꩻမꩻ ကအဝ်ႏမာꩻဖေႏဒါႏ ဝွေꩻဗွေႏတာႏ ဝွေꩻဗွေႏ တအဝ်ႏလိုႏတဝ်း နီစွဲကမ်းကို တစွိုးစွိုးသွူ။ 26တယ်ႏစစွဉ်ႏ လိုꩻတဖြာꩻတွော့ꩻ ဝွေꩻဗွေႏ ဖန်ဆင်ꩻ မာꩻထွာလွဉ် လိုꩻမျိုꩻဖုံႏ ကားကအဝ်ႏတဲင် အွဉ်ႏဝွေꩻသီး အုံဗွေစွစ်ꩻစွဉ်ႏ တဟံႏတန်လွုမ်းသွူ။ ဝွေꩻသီး အီႏအုံအဝ်ႏ သက်မွန်ဗာႏ ခင်ႏလမ်းစွဉ်ႏ အချိန်ႏကာႏလဖုံႏနဝ်ꩻ ဝွေꩻဗွေႏနမ်း ထွော့ခါꩻရီးဖေႏသွူ။ 27ဝွေꩻဗွေႏ ကမာꩻဗာႏ နုဲင်းယိုနဝ်ꩻ ဖေႏနေး လိုꩻဖုံႏ ကထုမ်ႏ ဝွေꩻဗွေႏတဲင် နုဲင်းဝွေꩻသီး ကအဝ်ႏထုမ်ႏဒါႏ ဝွေꩻဗွေႏ အတွိုင်ꩻ မဲ့ꩻကုဲင်းမော့ꩻဒါႏ ဝွေꩻဗွေႏသွူ။ ကွဲႏတွော့ꩻ အမဲဉ်ႏနဝ်ꩻ ဗွေႏဘုရာꩻ တအဝ်ႏညာꩻတဝ်း စွဉ်ႏနီ တဖြာꩻဖြာꩻသွူ။ 28နုဲင်းပါꩻတဖြာꩻဖြာꩻ ကအဝ်ႏဒေါ့ꩻလဲဉ်းဒါႏ အတွိုင်ꩻ၊
‘နီအသက်မွန်တွော့ꩻ ရုဲင်ꩻတသွိုးထာꩻနဝ်ꩻ ထွာလွဉ်ဒျာႏ တွမ်ဝွေꩻဗွေႏ’ နုဲင်းနဝ်ꩻသွူ။
နဝ်ꩻနဝ်ꩻထွာဒျာႏ နုဲင်းသီကဗျာ လင်္ကာႏဆရာႏ ယင်ဟန်ႏ ကအဝ်ႏဒေါ့ꩻဒါႏ၊
‘နီနဝ်ꩻတဲ့ ထွာဒျာႏ ဝွေꩻဗွေႏ အပိုဖုံႏ’ နုဲင်းနဝ်ꩻသွူ။
29တယ်ႏစွဉ်ႏ နီကအဝ်ႏထွာဒါႏ ဗွေႏဘုရာꩻ ပိုဖုံႏအတွိုင်ꩻ စွဉ်ႏလိုꩻပန်းပု အနုပညာႏစွဉ်ႏ အထာꩻဒါႏလျင်ႏဖုံႏနဝ်ꩻ မာꩻဗွိုန်နုဲင်း ဝွေꩻဗွေႏ ပွုံႏသဏ္ဌာန်ႏ တွမ်ႏခံꩻရွုတ်တု တဲ့ꩻနဝ်ꩻ၊ ရွဉ်ရွုတ်တု တဲ့နဝ်ꩻ၊ လုံးရွုတ်တု တဲ့နဝ်ꩻ၊ နီတဟဝ်မာꩻတဝ်းသွူ။ 30လိုꩻဖုံႏထွိုင်ႏ တသေငါꩻတဝ်းဒွိုန်း ဝွေꩻဗွေႏချိန်ႏနဝ်ꩻ ဗွေႏဘုရာꩻ အဝ်ႏထွားဗော့ꩻဒျာႏ နုဲင်းနဝ်ꩻ၊ ကွဲႏတွော့ꩻ ယိုခါ အဝ်ႏအရပ်ခင်ႏလမ်း စွုမ်ႏထွောင်း ဝွေꩻသီး ကအဝ်ႏမာꩻဒါႏ ထာꩻကုဲင်နယ်ꩻဖုံႏ ဖေႏကကော့ꩻမာႏချာနဝ်ꩻ ဝွေꩻဗွေႏ မိန်းဖေႏလဲဉ်း ဝွေꩻသီး ကားကအဝ်ႏနဝ်ꩻသွူ။ 31စွဉ်ႏဝွေꩻဗွေႏ ကလွိုက်သေꩻခါႏဒါႏ လိုꩻတဖြာꩻနဝ်ꩻ စွဉ်ႏတရာꩻတရျား ဝွေꩻဗွေႏ ကအီႏစီႏရင်ႏ တဟံႏတန်လွုမ်း အနီꩻနဝ်ꩻ ဝွေꩻဗွေႏ ထွော့ခါꩻထွူလဲဉ်း နဝ်ꩻသွူ။ ယိုနဝ်ꩻ စွဉ်ႏအဝ်ႏထာꩻသီ ကမာꩻထွိုင်ႏမွန်ဖေႏ လိုꩻခိုနဝ်ꩻ ဝွေꩻဗွေႏဖေႏ လိုꩻစွုမ်ႏဖြာꩻ သက်သေႏ ခွေါင်ခံႏသွူ။
32ဝွေꩻသီးထွိုင်ႏဟွိုန် ပေါလုဒေါ့ꩻ အဝ်ႏထာꩻသီ ထွိုင်ႏမွန်လွဉ်ခရာႏနဝ်ꩻ ဝွေꩻသီးကို လိုꩻယင်ဟန်ႏ ငသွမ်ꩻစွဉ်ႏဝွေꩻသွူ။ ကွဲႏတွော့ꩻ လိုꩻအလင်ဖုံႏနဝ်ꩻဒေါ့ꩻ၊ “နာꩻကဒေါ့ꩻဒါႏ ထာꩻယိုခရာႏနဝ်ꩻ နီမဉ်ဟွိုန်ဖျင်ယင်း တလဲင်ႏ” နုဲင်းနဝ်ꩻသွူ။ 33နဝ်ꩻမꩻ ပေါလု အဝ်ႏအုံကွံကိုနဝ်ꩻ ထန်ႏထိုꩻစွဉ်ႏသွူ။ 34ယင်ဟန်ႏသားဖုံႏနဝ်ꩻ ပေါင်ꩻငီꩻစွဉ်ႏ ဝွေꩻတဲင် ထွာလွဉ်စွဉ်ႏ လိုꩻယွုမ်းသားသွူ။ ကယွုမ်းလွဉ်သားဖုံႏကို ပါꩻတဖြာꩻမဉ်ꩻ တရောနုသိယတ်နဝ်ꩻ ထွာလွတ်တောႏ ကောင်စီစွိုꩻကို တဖြာꩻ၊ နဝ်ꩻကို ပါꩻမူႏတဖြာꩻ ကမဉ်ꩻဒမာရိတွမ်ႏ လိုꩻအလင် ယင်ဟန်ႏဖုံႏနဝ်ꩻတဲ့ အဝ်ႏပါနဝ်ꩻသွူ။
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Pao Bible Common Language© Bible Society of Myanmar, 2019.