တမန်ႏတောႏ 15
15
မော့ꩻခွဲအုံကွံလို့ဝင်ꩻဝေင်ꩻယေရုသလမ်ႏ
1 #
ဝိ ၁၂:၃။ လိုꩻယင်ဟန်ႏ အဝ်ႏယုဒခမ်းလွဉ် ဝေင်ꩻအန္တိအုတ်တဲင် သွဉ်သင် စဖေႏ လိုꩻယွုမ်းသားဖုံႏ၊ “နုဲင်းမောသျေ ပညတ်ကျမ်ꩻ အတွိုင်ꩻ ပေါႏသီတသွို့ꩻတဝ်း လိုꩻခိုအင်္ဂါႏနာပီ မင်္ဂလာႏနဝ်ꩻ သီတလꩻနွောင်ꩻတဝ်း ထာꩻကယ်ႏတင်ႏ” နုဲင်းနဝ်ꩻသွူ။ 2ပွိုင်းဝွို့တွမ်ႏ ကိစ္စယိုနဝ်ꩻ ပေါလုတွမ်ႏ ဗာနာဗ ထေင်ငဝ်းအာဗာႏဝင်ꩻ တွမ်ႏဝွေꩻသီး၊ နဝ်ꩻမꩻ ပေါလု၊ ဗာနာဗစွဉ်ႏ လိုꩻလင် ဝေင်ꩻအန္တိအုတ်ကိုသား ယင်ဟန်ႏနဝ်ꩻ လွေꩻဗာႏ ဝေင်ꩻယေရုသလမ်ႏတဲင် ကိစ္စယိုခရာႏ ဖေႏကမော့ꩻခွဲစွဉ်ႏ တမန်ႏတောဖုံႏတွမ်ႏ လိုꩻတန်ဖုံႏနဝ်ꩻ ဆွုံꩻဖျတ်စွဉ်ႏသွူ။
3အသေန်းတောႏသားနဝ်ꩻ ပသာတွိုႏ ဝွေꩻသီး တဖူꩻလောင်းတဲင် နုဲင်းဝွေꩻသီး ကဖျတ်ကာႏ လွေꩻဒါႏဖိုနီးသျားခမ်းတွမ်ႏ သျာမရိခမ်းနဝ်ꩻ လိုꩻမျိုꩻလင်ဖုံႏ အဝ်ႏပြောင်ꩻကြုဲင်ꩻလွဉ် ဗွေႏဘုရာꩻထျꩻ ခွိုင်းကားမုဲင်ꩻနဝ်ꩻ ဝွေꩻသီးဒင်ႏ အွဉ်ႏဟွိုန်ချာသွူ။ သတင်ꩻယိုနဝ်ꩻ မာꩻသꩻဟဝ် သꩻရေꩻမွေးနေးစွဉ်ႏ လိုꩻကယွုမ်းသားဖုံႏ ကားကအဝ်ႏနဝ်ꩻသွူ။ 4ဝွေꩻသီး ထွိုင်ႏဖျော်လွဉ်သော့ꩻ ဝေင်ꩻယေရုသလမ်ႏကိုချိန်ႏ အသေန်းတောႏ၊ တမန်ႏတောႏဖုံႏ၊ လိုꩻတန်ဖုံႏနဝ်ꩻ ကျိုႏဆွုမ်ႏဟဝ်မွေးစွဉ်ႏ ဝွေꩻသီးသွူ။ ဗွေႏဘုရာꩻ ကမာꩻဖေႏလဲဉ်း ဝွေꩻသီး ခွိုင်းကားမုဲင်ꩻ ခရာႏဖုံႏနဝ်ꩻ ဝွေꩻသီး ဒေါ့ꩻနယ်ဖေႏလို့စွဉ်ႏသွူ။ 5ကွဲႏတွော့ꩻ ဖါရိသဲဖုံႏ စွုမ်ꩻစွိုꩻကို ကောယွုမ်းလွဉ် ဗွေႏယေသျုသား ယင်ဟန်ႏနဝ်ꩻ အုံထွိုင်ႏတဲင်ဒေါ့ꩻ၊ “လိုꩻမျိုꩻလင်ဖုံႏနဝ်ꩻ ခံႏထူႏဗာႏမွေး သွို့ꩻလိုꩻခို အင်္ဂါႏနာပီ မင်္ဂလာႏတဲင် လွောက်ꩻနာႏမာꩻလွဉ်ꩻဗာႏ မောသျေပညတ် တရာꩻ” နုဲင်းနဝ်ꩻသွူ။
6တမန်ႏတောႏဖုံႏတွမ်ႏ လိုꩻတန်ဖုံႏနဝ်ꩻ အီႏရီငဝ်းရီ နုဲင်းယိုနဝ်ꩻ အဝ်ႏစုဗူႏလို့ဝင်ꩻသွူ။ 7#တ ၁၀:၁–၄၃။ ထေင်ညလို့ဝင်ꩻ ထွိုင်ႏထွူ၊ ပေတရု အုံထွိုင်ႏတဲင်ဒေါ့ꩻ၊ “ခွေသွꩻဖုံႏ၊ ဖေႏကဟော်ꩻဖေႏ လိုꩻမျိုꩻလင်ဖုံႏ သတင်ꩻဟဝ်တဲင် ဖေႏနေး ဝွေꩻသီး ကဟွိုန်ဗာႏတွော့ꩻ ကယွုမ်းဗာႏနဝ်ꩻ ရီးခါကာႏ အဝ်ႏသီကို ဗွေႏဘုရာꩻ လွိုက်ခွေနဝ်ꩻ သီအဝ်ႏသေဒျာႏသွူ။ 8#တ ၁၀:၄၄၊ တ ၂:၄။ ဗွေႏဘုရာꩻ ကသေလို့ဒါႏ လိုꩻစွုမ်ႏဖြာꩻ အသꩻထာꩻယူႏနဝ်ꩻ၊ ဗွိုန်နုဲင်း ဝွေꩻဗွေႏ ကဖေႏလဲဉ်းဒါႏ နီအတွိုင်ꩻ စွဉ်ႏကအဝ်ႏဖေႏဒါႏ ဝွေꩻသီးကြောင်းစင် ဝိညာဉ်ႏတောႏနဝ်ꩻ ဝွေꩻဗွေႏကျွိုက် နစ်သက် လိုꩻမျိုꩻလင်ဖုံႏကျောင်ꩻ အွဉ်ႏနယ် ထင်ႏသျာꩻလဲဉ်း နဝ်ꩻသွူ။ 9ဝွေꩻဗွေႏနဝ်ꩻ တခွယ်ꩻချာꩻတဝ်း နီတွမ်ႏ ဝွေꩻသီးသွူ။ ကွပ်ပွိုး ဝွေꩻသီးယွုမ်း နဝ်ꩻမꩻ ဝွေꩻဗွေႏ အွဉ်ႏစွꩻလွစ်ဖေႏ ဝွေꩻသီးအပဲစ်သွူ။ 10နဝ်ꩻမꩻ ယိုခါ သီနဝ်ꩻ မဉ်စမ်ꩻထွားဗာႏတွိုႏ ဗွေႏဘုရာꩻ နုဲင်းမုဲင်ꩻဟောင်း။ နီမွိုးဖြား ဖါဖြားသီး တဲ့နဝ်ꩻ၊ နီနမ်းဖုံႏတဲ့နဝ်ꩻ တထမ်ႏနွောင်ꩻတဝ်း ဝွန်ႏနဝ်ꩻ ပွိုးတမုဲင်ꩻ အွဉ်ႏဒင်ႏထွူႏဗာႏတွိုႏ လိုꩻကယွုမ်းသားဖုံႏ လောင်းဟောင်း၊ 11ဗွိုန်နုဲင်း နီကယွုမ်းနဝ်ꩻ ဝွေꩻသီးတဲ့ ယွုမ်းနဝ်ꩻမꩻ စွဉ်ႏဗွေႏယေသျု ကေꩻဇူꩻတောႏနဝ်ꩻ လꩻထာꩻကယ်ႏတင်ႏ” နုဲင်းနဝ်ꩻသွူ။
12နုဲင်းဝွေꩻသီး ကဟွိုန်ဗာႏ ဗွေႏဘုရာꩻ ကမာꩻနယ်ဒါႏ ဝွေꩻသီး လိုꩻမျိုꩻလင်ဖုံႏကို နိမိတ်လက္ခဏာႏစွဉ်ႏ ထာꩻအံႏဖြာႏခရာႏ ကားကအဝ်ႏ၊ ဗာနာဗတွမ်ႏ ပေါလု ကဒင်ႏအွဉ်ႏဟွိုန်ချာ ဖေႏဒါႏနဝ်ꩻ လိုꩻတစွိုꩻလွုမ်း အုံတေ့ꩻ နာႏစွူလို့ထာꩻသွူ။ 13ဝွေꩻသီး ထွိုင်ႏအွဉ်ႏထွူ ထာꩻဒေါ့ꩻချိန်ႏ၊ ယာကုပ်ဒေါ့ꩻထန်ႏ၊ “ခွေသွꩻဖုံႏ၊ နာႏသွော့ ခွေငဝ်းဟုဲင်း၊ 14လိုꩻမျိုꩻလင်ဖုံႏအကို ဝွေꩻသီးနဝ်ꩻ ဗွေႏဘုရာꩻ လွိုက်ထူႏ အရီးသွတ်ꩻ ဖေႏကထွာ ဝွေꩻဗွေႏ အလိုꩻပဲင်ႏတဲင် ဗွေႏဘုရာꩻ အွဉ်ႏရေꩻဒျာႏ ကျောင်ꩻနဝ်ꩻ သိမုန် သျင်ꩻနယ်ဖေႏလဲဉ်းနဝ်ꩻသွူ။ 15ပရောဖဲစ်ငဝ်းဖုံႏ နဝ်ꩻတဲ့ သဘော်ꩻတူႏမွေးစွဉ်ႏ အချက်ယိုသွူ။ နုဲင်းလိတ်ကျမ်ꩻကရိုꩻ၊
16 #
အာ ၉:၁၁၊ ၁၂ (LXX)။ ‘ဗွေႏဘုရာꩻနဝ်ꩻရိုꩻ၊ ယိုထွူ ခွေအီႏသဲင်ꩻလွဉ်ချာတဲင်၊
ဒါဝိဒ်ခမ်းထီ နဲင်ႏငံႏနဝ်ꩻ အီႏဖေႏချာယင်းသွူ။
အကုဲင်ပြင်ꩻဖုံႏနဝ်ꩻ ခွေအီႏဖျင်ချာယင်းတဲင်၊
မာꩻခွေါင်ခံႏချာယင်း တလဲင်ႏသွူ။
17နဝ်ꩻမꩻ ကအဝ်ႏကုဲင်ဒါႏ လိုꩻမျိုꩻဖုံႏ ကားကအဝ်ႏနဝ်ꩻ အီႏသဲင်ꩻလွဉ်ထေ့ ခွေထျꩻ၊
လိုꩻမျိုꩻလင်ဖုံႏ ကားကအဝ်ႏ ဖေႏကထွာ ခွေလိုꩻပဲင်ႏနဝ်ꩻ ခွေအဝ်ႏဟဲ့ꩻနဝ်ꩻသွူ။
18နဝ်ꩻမꩻ ထာဝရဘုရာꩻရိုꩻ ကအွဉ်ႏသေဒါႏယိုနဝ်ꩻ ညငါႏလဲဉ်း။’
19ယာကုပ်ဒေါ့ꩻသွုပ်၊ “မဉ်ႏနုဲင်းခွေသဘော်ꩻနဝ်ꩻ လိုꩻမျိုꩻလင် ကပြောင်ꩻကြုဲင်ꩻလွဉ်ဒါႏ ဗွေႏဘုရာꩻထျꩻသားနဝ်ꩻ နီတဟဝ်မာꩻ ဒုက္ခတဝ်းသွူ။ 20#ထလ ၃၄:၁၅–၁၇၊ ဝိ ၁၈:၆–၂၃၊ ဝိ ၁၇:၁၀–၁၆။ ကွပ်စွဉ်ႏမာꩻ နုဲင်းနဝ်ꩻနဝ်ꩻ ဖေႏကအံႏမွိုန်း ထာꩻအံႏ တကြောင်းစင်တဝ်း၊ ကွပ်ပွိုး ထာꩻအံႏနဝ်ꩻနဝ်ꩻ ပူႏဇောႏဖေႏလဲဉ်း ရွုတ်တုဖုံႏအတွက်၊ ဖေႏကလွူꩻလောႏ ပဲစ်မာႏမွိုန်း ဝင်ꩻပိုမာဖုံႏ၊ ဖေႏကအံႏမွိုန်း ထာꩻသား ကတလိန်ႏသီနေး အငွဉ်ꩻ မဉ်ႏမွေးတဝ်း အသွီႏတစိꩻစိꩻ၊ ဖေႏကထိန်ꩻချာဒါႏ အနမ်းဖုံႏနဝ်ꩻ နီဟဝ်တဲမ်းလိတ် တစောင်ႏတွော့ꩻ ဒေါ့ꩻနယ်ဖေႏ ဝွေꩻသီးသွူ။ 21အွိုးစခါကာႏ မောသျေ ပညတ်ကျမ်ꩻနဝ်ꩻ အဝ်ႏဖတ်သော့ꩻ တရာꩻစရွပ်ကို စွုမ်ႏဖြုံႏ၊ ဥပုသ်မွူးနီꩻ စွုမ်ႏပတ်တဲင် ဝွေꩻတရာꩻငဝ်းနဝ်ꩻ အဝ်ႏဟော်ꩻသော့ꩻလဲဉ်း ဝေင်ꩻစွုမ်ႏဝေင်ꩻကို” နုဲင်းနဝ်ꩻသွူ။
လိတ်ဖေႏထေ့လိုꩻမျိုꩻလင်ကယွုမ်းသားဖုံႏထျꩻ
22နဝ်ꩻထွူ တမန်ႏတောဖုံႏတွမ်ႏ အသေန်း လိုꩻတန်ဖုံႏနဝ်ꩻ စုဗူႏလို့ဝင်ꩻ တသေန်းလွုမ်း အဝ်ႏလိုꩻစွိုꩻကိုနဝ်ꩻလွိုက် လိုꩻယင်ဟန်ႏတဲင် ဖေႏကလွေꩻလွဉ်ꩻစွဉ်ႏ ပေါလုတွမ်ႏ ဗာနာဗ ဝေင်ꩻအန္တိအုတ်ကို ဆွုံꩻဖျတ်စွဉ်ႏနဝ်ꩻသွူ။ ဝွေꩻသီးလွိုက် လိုꩻခိုဝင်ꩻနီ၊ လိုꩻကယွုမ်းသားဖုံႏ ကရိုႏသေႏငါႏ ယုဒကဟဲ့ꩻဒါႏ ဗာသျာဗတွမ်ႏ သိလနဝ်ꩻသွူ။ 23နဝ်ꩻတဲင် ဝွေꩻသီး ပသာလွဉ်ꩻစွဉ်ႏ ဝွေꩻသီးလိတ် နုဲင်းဆꩻလယိုသွူ။
“နီတမန်ႏတောႏဖုံႏတွမ်ႏ အသေန်းတောႏ လိုꩻတန်ဖုံႏ၊ စွဉ်ႏသီဖူးဝေးဖုံႏ ငဝ်းနုတ်ဆက်နဝ်ꩻ ပသာလွဉ်ထေ့ နီဖူးဝေး လိုꩻမျိုꩻလင်ဖုံႏ၊ ကလွူးလွဉ် ကအုံသော့ꩻဒါႏ ဝေင်ꩻအန္တိအုတ်၊ သီရီးယားခမ်းကိုစွဉ်ႏ ကိလီဂိ ခမ်းကိုသားဖုံႏ ကားကအဝ်ႏထျꩻသွူ။ 24နီအစွိုꩻကို လိုꩻယင်ဟန်ႏနဝ်ꩻ စွဉ်ႏဝွေꩻသီး ထာꩻဒေါ့ꩻငဝ်း အဝ်ႏမာꩻဒုက္ခ၊ မာꩻသꩻကုဲင်သီနဝ်ꩻ နီအဝ်ႏဟွိုန်လဲဉ်းသွူ။ ကွဲႏတွော့ꩻ ဝွေꩻသီးလꩻ ငဝ်းထွန်ႏချက် နီထျꩻ တမွေးတဝ်းသွူ။ 25နဝ်ꩻမꩻ နီနဝ်ꩻ စုဗူႏလို့ဝင်ꩻတွော့ꩻ လွိုက်သတင်ꩻဖေႏသား ယင်ဟန်ႏတဲင် ပသာလွေꩻ ဝွေꩻသီး သီထျꩻနဝ်ꩻ ကားကအဝ်ႏ သဘော်ꩻတူႏလဲဉ်း နဝ်ꩻသွူ။ ဝွေꩻသီးနဝ်ꩻ အီႏလွေꩻငီꩻစွဉ်ႏ နီကရက်ငါႏသွꩻဟဝ် ဗာနာဗတွမ်ႏ ပေါလု၊ 26ကမာꩻဒါႏ နီဗွေႏယေသျု ခရစ်တောႏ အမုထာꩻမာꩻကို ကစွဉ်ꩻနေးဒါႏ ဝွေꩻသီး အသက်ဖုံႏနဝ်ꩻသွူ။ 27နဝ်ꩻထွူ နီအွဉ်ႏစွꩻလွဉ်ဖေႏ သီတာႏ ယုဒတွမ်ႏ သိလ၊ နုဲင်းနီကတဲမ်းဒါႏ လိတ်ကိုအတွိုင်ꩻ ပုဂ္ဂိုလ်ႏနဝ်ꩻနဝ်ꩻ အီႏဒေါ့ꩻနယ်ဖေႏ သီသွူ။ 28လွိုတဲင် နုဲင်းဆꩻလယိုနဝ်ꩻ နီတအွဉ်ႏဒင်ႏ ထွူႏတဝ်းဝွန်ႏ သီအလောင်း တမုဲင်ꩻမုဲင်ꩻနဝ်ꩻ ကြောင်းစင် ဝိညာဉ်ႏတောႏတွမ်ႏ နီ သဘော်ꩻတူႏ ထွူလို့လဲဉ်း ဝင်ꩻနဝ်ꩻသွူ။ 29တွမ်ႏအံႏမွိုန်း ထာꩻအံႏ ကပူႏဇောႏလဲဉ်းဒါႏ ရွုတ်တုဖုံႏ၊ တွမ်ႏအံႏမွိုန်းတဝ်း သွီႏ၊ အံႏမွိုန်းတဝ်း ထာꩻသား ကတလိန်ႏသီနေးဒါႏ အငွဉ်ꩻဖုံႏဟုဲင်း။ ဖေႏကလွူꩻလောႏ ပဲစ်မာႏမွိုန်းတဝ်း ဝင်ꩻပိုမာဖုံႏနဝ်ꩻ ထိန်ꩻချာသွော့သီနမ်း။ သီမဉ်ꩻထိန်ꩻသိမ်ꩻ မဉ်ႏမာꩻတဝ်း ထာꩻယိုဖုံႏနဝ်ꩻ သီမာꩻလဲဉ်း ထာꩻဟဝ်။ စွဉ်ႏနီသꩻ အဟဝ်သွတ်ꩻနဝ်ꩻ ဆုတောင်ꩻဖေႏဒျာႏ” နုဲင်းနဝ်ꩻသွူ။
30အွဉ်ႏစွꩻလွေꩻ သတင်ꩻဖေႏသားတဲင် လွေꩻထိုꩻ ဝေင်ꩻအန္တိအုတ်၊ နဝ်ꩻကို ဝွေꩻသီးစုဗူႏ လိုꩻကယွုမ်းသား တစွိုꩻလွုမ်းတွော့ꩻ ဖေႏအပ် ဝွေꩻသီးလိတ်နဝ်ꩻသွူ။ 31လိုꩻဖုံႏ ထွိုင်ႏဖတ်လိတ် နဝ်ꩻချိန်ႏ စွဉ်ႏသတင်ꩻ ဖေႏအာႏချက်ဖုံႏနဝ်ꩻ ဝွေꩻသီး အဝ်ႏဗွေစွဉ်ႏ ထာꩻသꩻဟဝ် သꩻရေꩻဖုံႏနဝ်ꩻသွူ။ 32ယုဒတွမ်ႏ သိလနဝ်ꩻ နုဲင်းဝွေꩻသီးထွာ ပရောဖဲစ်ဖုံႏအတွိုင်ꩻ ဒေါ့ꩻဖေႏဝွေꩻသီးနဝ်ꩻ ညတန်တဲင် တမာဖေႏအာႏ ဝွေꩻသီး ဖေႏကခွေါင်ခံႏနဝ်ꩻသွူ။ 33အုံနဝ်ꩻကို အချိန်ႏညပသာႏ လိုꩻကယွုမ်းသားဖုံႏနဝ်ꩻ နုတ်ဆက် ပသာငိမ်ꩻချမ်ꩻ သဲင်ꩻချာဝွေꩻသီး လိုꩻကပသာလွဉ်ဒါႏ ဝွေꩻသီး ထျꩻသွူ။ 34ကွဲႏတွော့ꩻ သိလနဝ်ꩻ ဆွုံꩻဖျတ် အီႏအုံကုဲင်နဝ်ꩻကိုသွူ။
35ပေါလုတွမ်ႏ ဗာနာဗနဝ်ꩻ အုံသော့ꩻ ဝေင်ꩻအန္တိအုတ်ကို အချိန်ႏညတန်တဲင် ပါစွဉ်ႏ လိုꩻလင်ဖုံႏ အာငါႏနဝ်ꩻ ဝွေꩻသီး သွဉ်သင် ဟော်ꩻဖေႏ ဗွေႏဘုရာꩻ အတရာꩻငဝ်းနဝ်ꩻသွူ။
ပေါလုစွဉ်ႏဗာနာဗဖလို့ဝင်ꩻ
36အချိန်ႏ ထွိုင်ႏညပသာႏ ပေါလုဒေါ့ꩻဖေႏ ဗာနာဗ၊ “ဝေင်ꩻစွုမ်ႏဝေင်ꩻကို နီကဟော်ꩻ ဗွေႏဘုရာꩻ တရာꩻငဝ်း ခင်ႏလမ်းစွုမ်ႏထွောင်း ဖေႏနေးနီ ကသေဗာႏ ဝွေꩻသီး အခေႏနေႏ အဝ်ႏနုဲင်းမုဲင်ꩻနဝ်ꩻ နီသဲင်ꩻချာတဲင် မော့ꩻခွဲတွမ် လိုꩻယွုမ်းသားဖုံႏ” နုဲင်းနဝ်ꩻသွူ။ 37ဗာနာဗနဝ်ꩻ မဉ်ဟဲ့ꩻလွေꩻငီꩻပါ ယောဟန်မာကု စွဉ်ႏဝွေꩻသီး နဝ်ꩻသွူ။ 38#တ ၁၃:၁၃။ ကွဲႏတွော့ꩻ ဝွေꩻနဝ်ꩻ တအုံငီꩻသွတ်ꩻတဝ်း ဝွေꩻသီး သာႏသနာႏ ထာꩻမာꩻ အဝ်ႏဝေင်ꩻပံဖုလိနဝ်ꩻ ဝွေꩻအွဉ်ႏကုဲင်ဝွေꩻသီး ထန်ႏသဲင်ꩻချာထိုꩻဒျာႏ အတွက် ကအီႏဟဲ့ꩻလွေꩻ ဝွေꩻနဝ်ꩻ တသင်ꩻတဝ်း ပေါလုထင်း နုဲင်းနဝ်ꩻသွူ။ 39နဝ်ꩻကိုနဝ်ꩻ ဝွေꩻသီးငဝ်းအာ လို့ဝင်ꩻတဲင် ဝွေꩻသီး ဖထိုꩻလို့စွဉ်ႏ ဝင်ꩻနဝ်ꩻသွူ။ ဗာနာဗနဝ်ꩻ ဟဲ့ꩻမာကု ထုမ်းလွေꩻသင်္ဘောꩻတွော့ꩻ ထန်ႏလွေꩻထိုꩻစွဉ်ႏ သုဲင်းပရတ်ကြွန်သွူ။ 40အကျာꩻနဝ်ꩻ ပေါလုလွိုက် သိလတဲင် ထန်ႏထိုꩻစွဉ်ႏတဲင် ဖေႏကထိန်ꩻဟဝ် ဗွေႏဘုရာꩻ ကေꩻဇူꩻတောႏနဝ်ꩻ မိန်းသေဖေႏစွဉ်ႏ လိုꩻကယွုမ်းသားဖုံႏနဝ်ꩻသွူ။ 41ဝွေꩻလွေꩻထိုꩻစွဉ်ႏ သီးရီးယားခမ်းစွဉ်ႏ ကိလိဂိခမ်းတဲင် တမာဖေႏအာႏ နိုꩻဆော်ႏဖေႏစွဉ်ႏ အသေန်းတောႏဖုံႏ နဝ်ꩻသွူ။
ទើបបានជ្រើសរើសហើយ៖
တမန်ႏတောႏ 15: PBCL
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Pao Bible Common Language© Bible Society of Myanmar, 2019.
တမန်ႏတောႏ 15
15
မော့ꩻခွဲအုံကွံလို့ဝင်ꩻဝေင်ꩻယေရုသလမ်ႏ
1 #
ဝိ ၁၂:၃။ လိုꩻယင်ဟန်ႏ အဝ်ႏယုဒခမ်းလွဉ် ဝေင်ꩻအန္တိအုတ်တဲင် သွဉ်သင် စဖေႏ လိုꩻယွုမ်းသားဖုံႏ၊ “နုဲင်းမောသျေ ပညတ်ကျမ်ꩻ အတွိုင်ꩻ ပေါႏသီတသွို့ꩻတဝ်း လိုꩻခိုအင်္ဂါႏနာပီ မင်္ဂလာႏနဝ်ꩻ သီတလꩻနွောင်ꩻတဝ်း ထာꩻကယ်ႏတင်ႏ” နုဲင်းနဝ်ꩻသွူ။ 2ပွိုင်းဝွို့တွမ်ႏ ကိစ္စယိုနဝ်ꩻ ပေါလုတွမ်ႏ ဗာနာဗ ထေင်ငဝ်းအာဗာႏဝင်ꩻ တွမ်ႏဝွေꩻသီး၊ နဝ်ꩻမꩻ ပေါလု၊ ဗာနာဗစွဉ်ႏ လိုꩻလင် ဝေင်ꩻအန္တိအုတ်ကိုသား ယင်ဟန်ႏနဝ်ꩻ လွေꩻဗာႏ ဝေင်ꩻယေရုသလမ်ႏတဲင် ကိစ္စယိုခရာႏ ဖေႏကမော့ꩻခွဲစွဉ်ႏ တမန်ႏတောဖုံႏတွမ်ႏ လိုꩻတန်ဖုံႏနဝ်ꩻ ဆွုံꩻဖျတ်စွဉ်ႏသွူ။
3အသေန်းတောႏသားနဝ်ꩻ ပသာတွိုႏ ဝွေꩻသီး တဖူꩻလောင်းတဲင် နုဲင်းဝွေꩻသီး ကဖျတ်ကာႏ လွေꩻဒါႏဖိုနီးသျားခမ်းတွမ်ႏ သျာမရိခမ်းနဝ်ꩻ လိုꩻမျိုꩻလင်ဖုံႏ အဝ်ႏပြောင်ꩻကြုဲင်ꩻလွဉ် ဗွေႏဘုရာꩻထျꩻ ခွိုင်းကားမုဲင်ꩻနဝ်ꩻ ဝွေꩻသီးဒင်ႏ အွဉ်ႏဟွိုန်ချာသွူ။ သတင်ꩻယိုနဝ်ꩻ မာꩻသꩻဟဝ် သꩻရေꩻမွေးနေးစွဉ်ႏ လိုꩻကယွုမ်းသားဖုံႏ ကားကအဝ်ႏနဝ်ꩻသွူ။ 4ဝွေꩻသီး ထွိုင်ႏဖျော်လွဉ်သော့ꩻ ဝေင်ꩻယေရုသလမ်ႏကိုချိန်ႏ အသေန်းတောႏ၊ တမန်ႏတောႏဖုံႏ၊ လိုꩻတန်ဖုံႏနဝ်ꩻ ကျိုႏဆွုမ်ႏဟဝ်မွေးစွဉ်ႏ ဝွေꩻသီးသွူ။ ဗွေႏဘုရာꩻ ကမာꩻဖေႏလဲဉ်း ဝွေꩻသီး ခွိုင်းကားမုဲင်ꩻ ခရာႏဖုံႏနဝ်ꩻ ဝွေꩻသီး ဒေါ့ꩻနယ်ဖေႏလို့စွဉ်ႏသွူ။ 5ကွဲႏတွော့ꩻ ဖါရိသဲဖုံႏ စွုမ်ꩻစွိုꩻကို ကောယွုမ်းလွဉ် ဗွေႏယေသျုသား ယင်ဟန်ႏနဝ်ꩻ အုံထွိုင်ႏတဲင်ဒေါ့ꩻ၊ “လိုꩻမျိုꩻလင်ဖုံႏနဝ်ꩻ ခံႏထူႏဗာႏမွေး သွို့ꩻလိုꩻခို အင်္ဂါႏနာပီ မင်္ဂလာႏတဲင် လွောက်ꩻနာႏမာꩻလွဉ်ꩻဗာႏ မောသျေပညတ် တရာꩻ” နုဲင်းနဝ်ꩻသွူ။
6တမန်ႏတောႏဖုံႏတွမ်ႏ လိုꩻတန်ဖုံႏနဝ်ꩻ အီႏရီငဝ်းရီ နုဲင်းယိုနဝ်ꩻ အဝ်ႏစုဗူႏလို့ဝင်ꩻသွူ။ 7#တ ၁၀:၁–၄၃။ ထေင်ညလို့ဝင်ꩻ ထွိုင်ႏထွူ၊ ပေတရု အုံထွိုင်ႏတဲင်ဒေါ့ꩻ၊ “ခွေသွꩻဖုံႏ၊ ဖေႏကဟော်ꩻဖေႏ လိုꩻမျိုꩻလင်ဖုံႏ သတင်ꩻဟဝ်တဲင် ဖေႏနေး ဝွေꩻသီး ကဟွိုန်ဗာႏတွော့ꩻ ကယွုမ်းဗာႏနဝ်ꩻ ရီးခါကာႏ အဝ်ႏသီကို ဗွေႏဘုရာꩻ လွိုက်ခွေနဝ်ꩻ သီအဝ်ႏသေဒျာႏသွူ။ 8#တ ၁၀:၄၄၊ တ ၂:၄။ ဗွေႏဘုရာꩻ ကသေလို့ဒါႏ လိုꩻစွုမ်ႏဖြာꩻ အသꩻထာꩻယူႏနဝ်ꩻ၊ ဗွိုန်နုဲင်း ဝွေꩻဗွေႏ ကဖေႏလဲဉ်းဒါႏ နီအတွိုင်ꩻ စွဉ်ႏကအဝ်ႏဖေႏဒါႏ ဝွေꩻသီးကြောင်းစင် ဝိညာဉ်ႏတောႏနဝ်ꩻ ဝွေꩻဗွေႏကျွိုက် နစ်သက် လိုꩻမျိုꩻလင်ဖုံႏကျောင်ꩻ အွဉ်ႏနယ် ထင်ႏသျာꩻလဲဉ်း နဝ်ꩻသွူ။ 9ဝွေꩻဗွေႏနဝ်ꩻ တခွယ်ꩻချာꩻတဝ်း နီတွမ်ႏ ဝွေꩻသီးသွူ။ ကွပ်ပွိုး ဝွေꩻသီးယွုမ်း နဝ်ꩻမꩻ ဝွေꩻဗွေႏ အွဉ်ႏစွꩻလွစ်ဖေႏ ဝွေꩻသီးအပဲစ်သွူ။ 10နဝ်ꩻမꩻ ယိုခါ သီနဝ်ꩻ မဉ်စမ်ꩻထွားဗာႏတွိုႏ ဗွေႏဘုရာꩻ နုဲင်းမုဲင်ꩻဟောင်း။ နီမွိုးဖြား ဖါဖြားသီး တဲ့နဝ်ꩻ၊ နီနမ်းဖုံႏတဲ့နဝ်ꩻ တထမ်ႏနွောင်ꩻတဝ်း ဝွန်ႏနဝ်ꩻ ပွိုးတမုဲင်ꩻ အွဉ်ႏဒင်ႏထွူႏဗာႏတွိုႏ လိုꩻကယွုမ်းသားဖုံႏ လောင်းဟောင်း၊ 11ဗွိုန်နုဲင်း နီကယွုမ်းနဝ်ꩻ ဝွေꩻသီးတဲ့ ယွုမ်းနဝ်ꩻမꩻ စွဉ်ႏဗွေႏယေသျု ကေꩻဇူꩻတောႏနဝ်ꩻ လꩻထာꩻကယ်ႏတင်ႏ” နုဲင်းနဝ်ꩻသွူ။
12နုဲင်းဝွေꩻသီး ကဟွိုန်ဗာႏ ဗွေႏဘုရာꩻ ကမာꩻနယ်ဒါႏ ဝွေꩻသီး လိုꩻမျိုꩻလင်ဖုံႏကို နိမိတ်လက္ခဏာႏစွဉ်ႏ ထာꩻအံႏဖြာႏခရာႏ ကားကအဝ်ႏ၊ ဗာနာဗတွမ်ႏ ပေါလု ကဒင်ႏအွဉ်ႏဟွိုန်ချာ ဖေႏဒါႏနဝ်ꩻ လိုꩻတစွိုꩻလွုမ်း အုံတေ့ꩻ နာႏစွူလို့ထာꩻသွူ။ 13ဝွေꩻသီး ထွိုင်ႏအွဉ်ႏထွူ ထာꩻဒေါ့ꩻချိန်ႏ၊ ယာကုပ်ဒေါ့ꩻထန်ႏ၊ “ခွေသွꩻဖုံႏ၊ နာႏသွော့ ခွေငဝ်းဟုဲင်း၊ 14လိုꩻမျိုꩻလင်ဖုံႏအကို ဝွေꩻသီးနဝ်ꩻ ဗွေႏဘုရာꩻ လွိုက်ထူႏ အရီးသွတ်ꩻ ဖေႏကထွာ ဝွေꩻဗွေႏ အလိုꩻပဲင်ႏတဲင် ဗွေႏဘုရာꩻ အွဉ်ႏရေꩻဒျာႏ ကျောင်ꩻနဝ်ꩻ သိမုန် သျင်ꩻနယ်ဖေႏလဲဉ်းနဝ်ꩻသွူ။ 15ပရောဖဲစ်ငဝ်းဖုံႏ နဝ်ꩻတဲ့ သဘော်ꩻတူႏမွေးစွဉ်ႏ အချက်ယိုသွူ။ နုဲင်းလိတ်ကျမ်ꩻကရိုꩻ၊
16 #
အာ ၉:၁၁၊ ၁၂ (LXX)။ ‘ဗွေႏဘုရာꩻနဝ်ꩻရိုꩻ၊ ယိုထွူ ခွေအီႏသဲင်ꩻလွဉ်ချာတဲင်၊
ဒါဝိဒ်ခမ်းထီ နဲင်ႏငံႏနဝ်ꩻ အီႏဖေႏချာယင်းသွူ။
အကုဲင်ပြင်ꩻဖုံႏနဝ်ꩻ ခွေအီႏဖျင်ချာယင်းတဲင်၊
မာꩻခွေါင်ခံႏချာယင်း တလဲင်ႏသွူ။
17နဝ်ꩻမꩻ ကအဝ်ႏကုဲင်ဒါႏ လိုꩻမျိုꩻဖုံႏ ကားကအဝ်ႏနဝ်ꩻ အီႏသဲင်ꩻလွဉ်ထေ့ ခွေထျꩻ၊
လိုꩻမျိုꩻလင်ဖုံႏ ကားကအဝ်ႏ ဖေႏကထွာ ခွေလိုꩻပဲင်ႏနဝ်ꩻ ခွေအဝ်ႏဟဲ့ꩻနဝ်ꩻသွူ။
18နဝ်ꩻမꩻ ထာဝရဘုရာꩻရိုꩻ ကအွဉ်ႏသေဒါႏယိုနဝ်ꩻ ညငါႏလဲဉ်း။’
19ယာကုပ်ဒေါ့ꩻသွုပ်၊ “မဉ်ႏနုဲင်းခွေသဘော်ꩻနဝ်ꩻ လိုꩻမျိုꩻလင် ကပြောင်ꩻကြုဲင်ꩻလွဉ်ဒါႏ ဗွေႏဘုရာꩻထျꩻသားနဝ်ꩻ နီတဟဝ်မာꩻ ဒုက္ခတဝ်းသွူ။ 20#ထလ ၃၄:၁၅–၁၇၊ ဝိ ၁၈:၆–၂၃၊ ဝိ ၁၇:၁၀–၁၆။ ကွပ်စွဉ်ႏမာꩻ နုဲင်းနဝ်ꩻနဝ်ꩻ ဖေႏကအံႏမွိုန်း ထာꩻအံႏ တကြောင်းစင်တဝ်း၊ ကွပ်ပွိုး ထာꩻအံႏနဝ်ꩻနဝ်ꩻ ပူႏဇောႏဖေႏလဲဉ်း ရွုတ်တုဖုံႏအတွက်၊ ဖေႏကလွူꩻလောႏ ပဲစ်မာႏမွိုန်း ဝင်ꩻပိုမာဖုံႏ၊ ဖေႏကအံႏမွိုန်း ထာꩻသား ကတလိန်ႏသီနေး အငွဉ်ꩻ မဉ်ႏမွေးတဝ်း အသွီႏတစိꩻစိꩻ၊ ဖေႏကထိန်ꩻချာဒါႏ အနမ်းဖုံႏနဝ်ꩻ နီဟဝ်တဲမ်းလိတ် တစောင်ႏတွော့ꩻ ဒေါ့ꩻနယ်ဖေႏ ဝွေꩻသီးသွူ။ 21အွိုးစခါကာႏ မောသျေ ပညတ်ကျမ်ꩻနဝ်ꩻ အဝ်ႏဖတ်သော့ꩻ တရာꩻစရွပ်ကို စွုမ်ႏဖြုံႏ၊ ဥပုသ်မွူးနီꩻ စွုမ်ႏပတ်တဲင် ဝွေꩻတရာꩻငဝ်းနဝ်ꩻ အဝ်ႏဟော်ꩻသော့ꩻလဲဉ်း ဝေင်ꩻစွုမ်ႏဝေင်ꩻကို” နုဲင်းနဝ်ꩻသွူ။
လိတ်ဖေႏထေ့လိုꩻမျိုꩻလင်ကယွုမ်းသားဖုံႏထျꩻ
22နဝ်ꩻထွူ တမန်ႏတောဖုံႏတွမ်ႏ အသေန်း လိုꩻတန်ဖုံႏနဝ်ꩻ စုဗူႏလို့ဝင်ꩻ တသေန်းလွုမ်း အဝ်ႏလိုꩻစွိုꩻကိုနဝ်ꩻလွိုက် လိုꩻယင်ဟန်ႏတဲင် ဖေႏကလွေꩻလွဉ်ꩻစွဉ်ႏ ပေါလုတွမ်ႏ ဗာနာဗ ဝေင်ꩻအန္တိအုတ်ကို ဆွုံꩻဖျတ်စွဉ်ႏနဝ်ꩻသွူ။ ဝွေꩻသီးလွိုက် လိုꩻခိုဝင်ꩻနီ၊ လိုꩻကယွုမ်းသားဖုံႏ ကရိုႏသေႏငါႏ ယုဒကဟဲ့ꩻဒါႏ ဗာသျာဗတွမ်ႏ သိလနဝ်ꩻသွူ။ 23နဝ်ꩻတဲင် ဝွေꩻသီး ပသာလွဉ်ꩻစွဉ်ႏ ဝွေꩻသီးလိတ် နုဲင်းဆꩻလယိုသွူ။
“နီတမန်ႏတောႏဖုံႏတွမ်ႏ အသေန်းတောႏ လိုꩻတန်ဖုံႏ၊ စွဉ်ႏသီဖူးဝေးဖုံႏ ငဝ်းနုတ်ဆက်နဝ်ꩻ ပသာလွဉ်ထေ့ နီဖူးဝေး လိုꩻမျိုꩻလင်ဖုံႏ၊ ကလွူးလွဉ် ကအုံသော့ꩻဒါႏ ဝေင်ꩻအန္တိအုတ်၊ သီရီးယားခမ်းကိုစွဉ်ႏ ကိလီဂိ ခမ်းကိုသားဖုံႏ ကားကအဝ်ႏထျꩻသွူ။ 24နီအစွိုꩻကို လိုꩻယင်ဟန်ႏနဝ်ꩻ စွဉ်ႏဝွေꩻသီး ထာꩻဒေါ့ꩻငဝ်း အဝ်ႏမာꩻဒုက္ခ၊ မာꩻသꩻကုဲင်သီနဝ်ꩻ နီအဝ်ႏဟွိုန်လဲဉ်းသွူ။ ကွဲႏတွော့ꩻ ဝွေꩻသီးလꩻ ငဝ်းထွန်ႏချက် နီထျꩻ တမွေးတဝ်းသွူ။ 25နဝ်ꩻမꩻ နီနဝ်ꩻ စုဗူႏလို့ဝင်ꩻတွော့ꩻ လွိုက်သတင်ꩻဖေႏသား ယင်ဟန်ႏတဲင် ပသာလွေꩻ ဝွေꩻသီး သီထျꩻနဝ်ꩻ ကားကအဝ်ႏ သဘော်ꩻတူႏလဲဉ်း နဝ်ꩻသွူ။ ဝွေꩻသီးနဝ်ꩻ အီႏလွေꩻငီꩻစွဉ်ႏ နီကရက်ငါႏသွꩻဟဝ် ဗာနာဗတွမ်ႏ ပေါလု၊ 26ကမာꩻဒါႏ နီဗွေႏယေသျု ခရစ်တောႏ အမုထာꩻမာꩻကို ကစွဉ်ꩻနေးဒါႏ ဝွေꩻသီး အသက်ဖုံႏနဝ်ꩻသွူ။ 27နဝ်ꩻထွူ နီအွဉ်ႏစွꩻလွဉ်ဖေႏ သီတာႏ ယုဒတွမ်ႏ သိလ၊ နုဲင်းနီကတဲမ်းဒါႏ လိတ်ကိုအတွိုင်ꩻ ပုဂ္ဂိုလ်ႏနဝ်ꩻနဝ်ꩻ အီႏဒေါ့ꩻနယ်ဖေႏ သီသွူ။ 28လွိုတဲင် နုဲင်းဆꩻလယိုနဝ်ꩻ နီတအွဉ်ႏဒင်ႏ ထွူႏတဝ်းဝွန်ႏ သီအလောင်း တမုဲင်ꩻမုဲင်ꩻနဝ်ꩻ ကြောင်းစင် ဝိညာဉ်ႏတောႏတွမ်ႏ နီ သဘော်ꩻတူႏ ထွူလို့လဲဉ်း ဝင်ꩻနဝ်ꩻသွူ။ 29တွမ်ႏအံႏမွိုန်း ထာꩻအံႏ ကပူႏဇောႏလဲဉ်းဒါႏ ရွုတ်တုဖုံႏ၊ တွမ်ႏအံႏမွိုန်းတဝ်း သွီႏ၊ အံႏမွိုန်းတဝ်း ထာꩻသား ကတလိန်ႏသီနေးဒါႏ အငွဉ်ꩻဖုံႏဟုဲင်း။ ဖေႏကလွူꩻလောႏ ပဲစ်မာႏမွိုန်းတဝ်း ဝင်ꩻပိုမာဖုံႏနဝ်ꩻ ထိန်ꩻချာသွော့သီနမ်း။ သီမဉ်ꩻထိန်ꩻသိမ်ꩻ မဉ်ႏမာꩻတဝ်း ထာꩻယိုဖုံႏနဝ်ꩻ သီမာꩻလဲဉ်း ထာꩻဟဝ်။ စွဉ်ႏနီသꩻ အဟဝ်သွတ်ꩻနဝ်ꩻ ဆုတောင်ꩻဖေႏဒျာႏ” နုဲင်းနဝ်ꩻသွူ။
30အွဉ်ႏစွꩻလွေꩻ သတင်ꩻဖေႏသားတဲင် လွေꩻထိုꩻ ဝေင်ꩻအန္တိအုတ်၊ နဝ်ꩻကို ဝွေꩻသီးစုဗူႏ လိုꩻကယွုမ်းသား တစွိုꩻလွုမ်းတွော့ꩻ ဖေႏအပ် ဝွေꩻသီးလိတ်နဝ်ꩻသွူ။ 31လိုꩻဖုံႏ ထွိုင်ႏဖတ်လိတ် နဝ်ꩻချိန်ႏ စွဉ်ႏသတင်ꩻ ဖေႏအာႏချက်ဖုံႏနဝ်ꩻ ဝွေꩻသီး အဝ်ႏဗွေစွဉ်ႏ ထာꩻသꩻဟဝ် သꩻရေꩻဖုံႏနဝ်ꩻသွူ။ 32ယုဒတွမ်ႏ သိလနဝ်ꩻ နုဲင်းဝွေꩻသီးထွာ ပရောဖဲစ်ဖုံႏအတွိုင်ꩻ ဒေါ့ꩻဖေႏဝွေꩻသီးနဝ်ꩻ ညတန်တဲင် တမာဖေႏအာႏ ဝွေꩻသီး ဖေႏကခွေါင်ခံႏနဝ်ꩻသွူ။ 33အုံနဝ်ꩻကို အချိန်ႏညပသာႏ လိုꩻကယွုမ်းသားဖုံႏနဝ်ꩻ နုတ်ဆက် ပသာငိမ်ꩻချမ်ꩻ သဲင်ꩻချာဝွေꩻသီး လိုꩻကပသာလွဉ်ဒါႏ ဝွေꩻသီး ထျꩻသွူ။ 34ကွဲႏတွော့ꩻ သိလနဝ်ꩻ ဆွုံꩻဖျတ် အီႏအုံကုဲင်နဝ်ꩻကိုသွူ။
35ပေါလုတွမ်ႏ ဗာနာဗနဝ်ꩻ အုံသော့ꩻ ဝေင်ꩻအန္တိအုတ်ကို အချိန်ႏညတန်တဲင် ပါစွဉ်ႏ လိုꩻလင်ဖုံႏ အာငါႏနဝ်ꩻ ဝွေꩻသီး သွဉ်သင် ဟော်ꩻဖေႏ ဗွေႏဘုရာꩻ အတရာꩻငဝ်းနဝ်ꩻသွူ။
ပေါလုစွဉ်ႏဗာနာဗဖလို့ဝင်ꩻ
36အချိန်ႏ ထွိုင်ႏညပသာႏ ပေါလုဒေါ့ꩻဖေႏ ဗာနာဗ၊ “ဝေင်ꩻစွုမ်ႏဝေင်ꩻကို နီကဟော်ꩻ ဗွေႏဘုရာꩻ တရာꩻငဝ်း ခင်ႏလမ်းစွုမ်ႏထွောင်း ဖေႏနေးနီ ကသေဗာႏ ဝွေꩻသီး အခေႏနေႏ အဝ်ႏနုဲင်းမုဲင်ꩻနဝ်ꩻ နီသဲင်ꩻချာတဲင် မော့ꩻခွဲတွမ် လိုꩻယွုမ်းသားဖုံႏ” နုဲင်းနဝ်ꩻသွူ။ 37ဗာနာဗနဝ်ꩻ မဉ်ဟဲ့ꩻလွေꩻငီꩻပါ ယောဟန်မာကု စွဉ်ႏဝွေꩻသီး နဝ်ꩻသွူ။ 38#တ ၁၃:၁၃။ ကွဲႏတွော့ꩻ ဝွေꩻနဝ်ꩻ တအုံငီꩻသွတ်ꩻတဝ်း ဝွေꩻသီး သာႏသနာႏ ထာꩻမာꩻ အဝ်ႏဝေင်ꩻပံဖုလိနဝ်ꩻ ဝွေꩻအွဉ်ႏကုဲင်ဝွေꩻသီး ထန်ႏသဲင်ꩻချာထိုꩻဒျာႏ အတွက် ကအီႏဟဲ့ꩻလွေꩻ ဝွေꩻနဝ်ꩻ တသင်ꩻတဝ်း ပေါလုထင်း နုဲင်းနဝ်ꩻသွူ။ 39နဝ်ꩻကိုနဝ်ꩻ ဝွေꩻသီးငဝ်းအာ လို့ဝင်ꩻတဲင် ဝွေꩻသီး ဖထိုꩻလို့စွဉ်ႏ ဝင်ꩻနဝ်ꩻသွူ။ ဗာနာဗနဝ်ꩻ ဟဲ့ꩻမာကု ထုမ်းလွေꩻသင်္ဘောꩻတွော့ꩻ ထန်ႏလွေꩻထိုꩻစွဉ်ႏ သုဲင်းပရတ်ကြွန်သွူ။ 40အကျာꩻနဝ်ꩻ ပေါလုလွိုက် သိလတဲင် ထန်ႏထိုꩻစွဉ်ႏတဲင် ဖေႏကထိန်ꩻဟဝ် ဗွေႏဘုရာꩻ ကေꩻဇူꩻတောႏနဝ်ꩻ မိန်းသေဖေႏစွဉ်ႏ လိုꩻကယွုမ်းသားဖုံႏနဝ်ꩻသွူ။ 41ဝွေꩻလွေꩻထိုꩻစွဉ်ႏ သီးရီးယားခမ်းစွဉ်ႏ ကိလိဂိခမ်းတဲင် တမာဖေႏအာႏ နိုꩻဆော်ႏဖေႏစွဉ်ႏ အသေန်းတောႏဖုံႏ နဝ်ꩻသွူ။
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Pao Bible Common Language© Bible Society of Myanmar, 2019.