တမန်ႏတောႏ 14
14
အဝ်ႏသော့ꩻဝေင်ꩻဣကောနိကို
1ဝေင်ꩻဣကောနိကိုတဲ့ ထွာဗွိုန် နုဲင်းနဝ်ꩻသွူ။ ပေါလုတွမ်ႏ ဗာနာဗ လွေꩻတရာꩻစရွပ်ကိုတဲင် ဒေါ့ꩻဖေႏစွဉ်ႏအနယ်ꩻ အစား နုဲင်းနဝ်ꩻတွော့ꩻ ဂျူးလိုꩻမျိုꩻဖုံႏတွမ်ႏ လိုꩻမျိုꩻလင်ဖုံႏ ကယွုမ်းလွဉ်သားနဝ်ꩻ အဖြာꩻအာငါႏနဝ်ꩻသွူ။ 2ကွဲႏတွော့ꩻ တယွုမ်းတဝ်းဒါႏ ဂျူးလိုꩻမျိုꩻနဝ်ꩻ ဖေႏနေးကဆန်ချာ လိုꩻကယွုမ်းသားဖုံႏနဝ်ꩻ ဝွေꩻသီး တမာဖေႏအာႏစွဉ်ႏ လိုꩻမျိုꩻလင်ဖုံႏသွူ။ 3တမန်ႏတောႏဖုံႏ အုံနဝ်ꩻကို ညတန်တဲင် ဒေါ့ꩻရုဲင်း ဖေႏမွေးနေးစွဉ်ႏ ဗွေႏဘုရာꩻ ခရာႏနဝ်ꩻသွူ၊ ဝွေꩻသီး ကဟော်ꩻဒါႏ ဝွေꩻဗွေႏ ကေꩻဇူꩻတရာꩻ ခရာႏနဝ်ꩻ မွေးမဲဉ်ႏဒျာႏကျောင်ꩻ ဖေႏကထွာ သက်သေႏနဝ်ꩻ ဖေႏမွေးစွဉ်ႏ ဝွေꩻသီးတန်ꩻခိုꩻ ဖေႏကမာꩻနယ်နွောင်ꩻ နိမိတ်လက္ခဏာႏစွဉ်ႏ ထာꩻအံႏဖြာႏခရာႏဖုံႏ နဝ်ꩻသွူ။ 4လိုꩻဝေင်ꩻကိုသားဖုံႏနဝ်ꩻ သꩻသဘော်ꩻ ကွဲꩻလို့စွဉ်ႏဝင်ꩻ နီစွိုꩻနဝ်ꩻသွူ။ ယင်ဟန်ႏသားဖုံႏနဝ်ꩻ ပါသော့ꩻ ဂျူးလိုꩻမျိုꩻဖုံႏဖဲ့ꩻ၊ အလင်ဖုံႏနဝ်ꩻ ပါသော့ꩻငီꩻစွဉ်ႏ တမန်ႏတောႏဖုံႏဖဲ့ꩻ နဝ်ꩻသွူ။
5နဝ်ꩻထွူ လိုꩻမျိုꩻလင်ဖုံႏ ယင်ဟန်ႏတွမ်ႏ ဂျူးလိုꩻမျိုꩻဖုံႏ ကအဝ်ႏစုဗူႏဒါႏ စွဉ်ႏဝွေꩻသီး ခေါင်းဆောင် လိုꩻတန်ဖုံႏနဝ်ꩻ ဆွုံꩻဖျတ် ရေႏနစ်စက်စွဉ်ႏ တမန်ႏတောႏဖုံႏတွော့ꩻ တွမ်ႏလုံးတူႏဖုံႏနဝ်ꩻ ရေꩻနုဲင်ႏနို ဝွေꩻသီးသွူ။ 6တမန်ႏတောႏဖုံႏ ထွိုင်ႏသေထွꩻလꩻ နဝ်ꩻခရာႏနဝ်ꩻ ဝွေꩻသီး ဖင်းသျောင်ႏလဲ့ ထိုꩻစွဉ်ႏ လုကောနိခမ်း ဝေင်ꩻလုတ္တရတွမ်ႏ ဝေင်ꩻဒေရဗေတွမ်ႏ နယ်ႏအသောင်အထျꩻဖုံႏသွူ။ 7နဝ်ꩻကိုနဝ်ꩻ ဝွေꩻသီး ဟော်ꩻဖေႏ သတင်ꩻဟဝ်ဖုံႏနဝ်ꩻသွူ။
အဝ်ႏသော့ꩻဝေင်ꩻလုတ္တရတွမ်ႏဝေင်ꩻဒေရဗေကို
8ဝေင်ꩻလုတ္တရကိုနဝ်ꩻ ပါꩻခိုခင်ႏပနဲဉ်ႏ လွူးလွဉ်ခါကာႏ မာႏရေႏတဲင် လွေꩻထာꩻ တလꩻနွောင်ꩻဖိုတဝ်း အဝ်ႏတဖြာꩻသွူ။ 9ဝွေꩻအုံလင်ꩻ နဝ်ꩻကိုတွော့ꩻ အဝ်ႏနာႏ ပေါလု ဟော်တရာꩻငဝ်းသွူ။ ဝွေꩻထာꩻယွုမ်းနဝ်ꩻ ထာꩻဆာဟဝ်ရေꩻ အီနွောင်ꩻကျောင်ꩻ ပေါလုထီႏ၊ နဝ်ꩻမꩻ ပေါလုထွားစဲင်း ဝွေꩻတဲင်၊ 10ဒေါ့ꩻသန်နေး ငဝ်းတငွါ၊ “အုံထွိုင်ႏစွဉ်ႏစွဉ်ႏ နာꩻခင်ႏလောင်းဟုဲင်း” နုဲင်းနဝ်ꩻတဲင် ပါꩻခိုနဝ်ꩻ ပကျောက်ꩻထွိုင်ႏတွော့ꩻ ထောင်ခူဝစ်စွဉ်ႏ ထာꩻနဝ်ꩻသွူ။ 11နုဲင်းပေါလု ကမာꩻလဲဉ်းဒါႏနဝ်ꩻ လိုꩻစွိုꩻဖုံႏထွိုင်ႏထီႏ၊ တွမ်ႏဝွေꩻသီး လုကောနိ လိုꩻမျိုꩻငဝ်းနဝ်ꩻ ဝွေꩻသီး ခြောဝ်ထန်ႏစစွဉ်ႏ၊ “လူꩻဘုရာꩻ မာꩻအနမ်း ဗွိုန်နုဲင်းလိုꩻတဲင် အဝ်ႏကျွꩻလင်ꩻလွဉ်လဲဉ်း နီထျꩻကွေး” နုဲင်းနဝ်ꩻသွူ။ 12ဗာနာဗနဝ်ꩻ ဝွေꩻသီး ဖန်ဖေႏအမဉ်ꩻ သိယပ်တဲင် ပေါလုနဝ်ꩻ ဖန်ဖေႏအမဉ်ꩻ ဟေရမေ၊ ပွိုးတွော့ꩻ ဝွေꩻနဝ်ꩻ အဝ်ႏထွာ တရာꩻဟော်ꩻသား အတန်သွတ်ꩻအတွက်သွူ။ 13သိယပ် လူꩻဘုရာꩻကျောင်ꩻနဝ်ꩻ အဝ်ႏဝေင်ꩻကောင်းထန်ႏဖဲ့ꩻတဲင် သိယပ် အယဇ်ပရောဟိတ်နဝ်ꩻ အီလွဉ်ဖိုးထီးဖုံႏတွမ်ႏ ကဝ်ႏဖုံႏ တခါꩻတန်ထျꩻတွော့ꩻ ဝွေꩻတွမ်ႏ လိုꩻစွိုꩻဖုံႏနဝ်ꩻ မဉ်ပူႏဇောႏ တမန်ႏတောႏဖုံႏနဝ်ꩻသွူ။
14နုဲင်းကအီႏလွဉ် ပူႏဇောႏဒါႏ ဝွေꩻသီးခရာႏနဝ်ꩻ ဗာနာဗတွမ်ႏ ပေါလု ထွိုင်ႏဟွိုန် ဝွေꩻသီးအဲ့ꩻသဲ့ချာ ဝွေꩻသီးခွမ်ꩻလာꩻဖုံႏတဲင် ဖင်းနွို့သော့ꩻစွဉ်ႏ လိုꩻစွိုꩻဖုံႏ အကဲဉ်ကို ခြောဝ်စွဉ်ႏငဝ်း၊ 15#ထလ ၂၀:၁၁၊ သာ ၁၄၆:၆။ “ပွိုးတမုဲင်ꩻ သီမာꩻဗာႏတွိုႏ နုဲင်းယိုဟောင်း။ နီနမ်းနဝ်ꩻတဲ့ ထွာဒျာႏ လိုꩻရိုꩻရိုꩻလွုမ်ꩻ ဗွိုန်နုဲင်းဒျာႏသီ။ အဝ်ႏထာꩻအကျိုꩻ တအဲဉ်ထဝ်းဖုံႏ ဖေႏသီကလꩻချာ ထာꩻကော့ꩻမာႏတွော့ꩻ ဖေႏကသဲင်ꩻထေ့ချာ သက်မွန်ဗွေႏဘုရာꩻ ကဖန်ဆင်ꩻ မာꩻထွာဒါႏ မို့ꩻ၊ ဟံႏတန်၊ ပင်ႏလယ်ႏတွမ်ႏ ထာꩻကအဝ်ႏသော့ꩻဒါႏ နဝ်ꩻကိုဖုံႏ ကားကအဝ်ႏနဝ်ꩻ နီလွဉ်ယိုကိုတွော့ꩻ ကေႏညာႏဖေႏဒျာႏ သတင်ꩻဟဝ်ဖုံႏသွူ။ 16ကလဲဉ်းခိုႏချာ လိုꩻမျိုꩻဖုံႏ ကားကအဝ်ႏနဝ်ꩻ နုဲင်းဝွေꩻသီးနမ်း ထာꩻကျွိုက် ကမဉ်မာꩻနဝ်ꩻ ဝွေꩻဗွေႏဖေႏဒျာႏ အခွင်ꩻသွူ။ 17ကွဲႏတွော့ꩻ ဝွေꩻဗွေႏအဝ်ႏကျောင်ꩻ စွဉ်ႏဝွေꩻဗွေႏ ကမာꩻလဲဉ်းဒါႏ ထာꩻဟဝ်မျတ်ဖုံႏနဝ်ꩻ ဝွေꩻဗွေႏအွဉ်ႏနယ် သေႏသေႏဖေႏ သက်သေႏသွူ။ အဝ်ႏခမ်းထီမို့ꩻလောင်းနဝ်ꩻ ဝွေꩻဗွေႏ အွဉ်ႏလော့လင်ꩻဖေႏ ခမ်းတွော့ꩻ အချိန်ႏမဉ်ႏတွိုႏ အွဉ်ႏရာႏဖေႏ အရာႏဖုံႏ၊ ဝွေꩻဗွေႏဖေႏသီ ထာꩻအံႏတဲင် စွဉ်ႏထာꩻပျောႏသွင်ႏဖုံႏနဝ်ꩻ သော့ꩻဗွေဖေႏ သီသရာႏကို” နုဲင်းနဝ်ꩻသွူ။ 18လိုꩻစွိုꩻဖုံႏ ကအီႏလူႏ ပူႏဇောႏဖေႏဒါႏ ဝွေꩻသီး ယဇ်ထာꩻပူႏဇောႏတာႏနဝ်ꩻ လဲင်ꩻဒေါ့ꩻဖေႏစွဉ်ႏ ငဝ်းဖုံႏ နုဲင်းယိုစွဉ်ႏတဲ့ တမန်ႏတောႏဖုံႏ ကအီႏရဲဆီꩻနွောင်ꩻ လိုꩻစွိုꩻနဝ်ꩻ ယပ်ꩻခုဲင်ႏငါႏသွူ။
19ဂျူးလိုꩻမျိုꩻဖုံႏ ယင်ဟန်ႏ ကအဝ်ႏပိသိဒိခမ်း၊ ဝေင်ꩻအန္တိအုတ်တွမ်ႏ ဝေင်ꩻဣကောနိနဝ်ꩻ လွဉ်တဲင် လိုꩻစွိုꩻဖုံႏ ဖေႏကပါ ဝွေꩻသီးဖဲ့ꩻနဝ်ꩻ ၊ ဝွေꩻသီးအော်တွော့ꩻ တွမ်ႏလုံးတူႏ နုဲင်ႏနိုစွဉ်ႏ ပေါလုတဲင် ထင်းဒျာႏ ဝွေꩻသီထိုꩻလဲဉ်း နဝ်ꩻမꩻ တွာႏထန်ႏထိုꩻဝွေꩻ ဝေင်ꩻကောင်းထန်ႏသွူ။ 20ကွဲႏတွော့ꩻ လိုꩻကယွုမ်းသားဖုံႏ စုဗူႏအုံခူဝွေꩻတွော့ꩻ ဝွေꩻထွိုင်ႏတဲင် သဲင်ꩻနွို့ချာသော့ꩻစွဉ်ႏ ဝေင်ꩻကိုနဝ်ꩻသွူ။ ဆုဲင်ꩻတနီꩻ ဝွေꩻတွမ်ႏ ဗာနာဗနဝ်ꩻ လွေꩻထိုꩻစွဉ်ႏ ဝေင်ꩻဒေရဗေနဝ်ꩻသွူ။
သဲင်ꩻချာသီးရီးယားခမ်းဝေင်ꩻအန္တိအုတ်ကို
21ပေါလုတွမ်ႏ ဗာနာဗနဝ်ꩻ ဟော်ꩻသတင်ꩻဟဝ်တရာꩻ ဝေင်ꩻဒေရဗေတဲင် လꩻလွဉ်အာမွေးစွဉ်ႏ တပဲ့တောႏဖုံႏသွူ။ နဝ်ꩻထွူ ဝွေꩻသီး သဲင်ꩻချာ ဝေင်ꩻလုတ္တရ၊ ဝေင်ꩻဣကောနိတွမ်ႏ ပိသိဒိခမ်းကို ဝေင်ꩻအန္တိအုတ်နဝ်ꩻသွူ။ 22ဝွေꩻသီးဖေႏအာႏ လိုꩻကယွုမ်းသားဖုံႏတဲင် ထာꩻယွုမ်း ဖေႏကမဲဉ်ႏ တဉ်ႏခွေါင်နဝ်ꩻ တမာဖေႏအာႏ နိုꩻဆော်ႏဝွေꩻသီးသွူ။ “ကအီႏနွို့သော့ꩻဗာႏ ဗွေႏဘုရာꩻ ခမ်းထီကိုနဝ်ꩻ နီအီႏကာႏလွေꩻဗာႏ အာငါႏ ထာꩻဒုက္ခဖုံႏ” ဝွေꩻသီး သွဉ်သင်ဖေႏ နုဲင်းနဝ်ꩻသွူ။ 23အသေန်းတောႏ တသေန်းစီႏနဝ်ꩻ ခန်ꩻသေꩻခါꩻဖေႏ အသေန်းလိုꩻတန်ဖုံႏတဲင် တွမ်ႏထာꩻဆုတောင်ꩻ၊ စွဉ်ႏထာꩻသျောင်ႏကံနေး ထာꩻအံႏတွော့ꩻ ဝွေꩻသီး ဆယ်ꩻကပ် အပ်ဖေႏ ဝွေꩻသီး အသေန်းတောႏစွိုꩻ၊ ဝွေꩻသီး ကယွုမ်းအာႏကွိုꩻဒါႏ ဗွေႏဘုရာꩻ အစူကိုနဝ်ꩻသွူ။
24ဖျတ်ကာႏလွေꩻ ပိသိဒိခမ်းထွူ ဝွေꩻသီး ဖျော်လွဉ်စွဉ်ႏ ပံဖုလိခမ်းကိုသွူ။ 25နဝ်ꩻကို ဝွေꩻသီး ဟော်ꩻတရာꩻ ဝေင်ꩻပေရဂေကိုထွူ လွေꩻထိုꩻ ဝေင်ꩻအာတလိတဲင်၊ 26အဝ်ႏနဝ်ꩻကို ဝွေꩻသီး ထုမ်းသင်္ဘောꩻ သဲင်ꩻချာ ဝေင်ꩻအန္တိအုတ်၊ နဝ်ꩻကိုနဝ်ꩻထွာ ဝွေꩻသီး ကမိန်းဖေႏလဲဉ်းဒါႏ ယိုခါ ဝွေꩻသီး မာꩻထွူလို့လဲဉ်း ထာꩻမာꩻအတာႏ အွဉ်ႏထိန်ꩻသိမ်ꩻ ထွားဟဝ်ဒါႏ ဗွေႏဘုရာꩻ ကေꩻဇူꩻတောႏ ခင်ႏလမ်းနဝ်ꩻသွူ။
27ဝွေꩻသီး ထွိုင်ႏဖျော်လွဉ် ဝေင်ꩻအန္တိအုတ်ချိန်ႏ ဝွေꩻသီးစုဗူႏလို့ အသေန်းသားဖုံႏတဲင် ပွိုင်းဝွို့တွမ်ႏ ဗွေႏဘုရာꩻ အဝ်ႏမာꩻငီꩻလဲဉ်းတွမ်ႏ ဝွေꩻသီးတွော့ꩻ လိုꩻမျိုꩻလင်ဖုံႏ ဖေႏကယွုမ်းတာႏ ဝွေꩻဗွေႏဗွောင် ဖေႏလဲဉ်းတဖူꩻ ခွိုင်းကားမုဲင်ꩻနဝ်ꩻ ဒေါ့ꩻနယ်ဖေႏ ဝွေꩻသီးသွူ။ 28နဝ်ꩻထွူ ဝွေꩻသီး အုံငီꩻစွဉ်ႏ လိုꩻကယွုမ်းသားနဝ်ꩻကို ညတန်သွူ။
ទើបបានជ្រើសរើសហើយ៖
တမန်ႏတောႏ 14: PBCL
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Pao Bible Common Language© Bible Society of Myanmar, 2019.
တမန်ႏတောႏ 14
14
အဝ်ႏသော့ꩻဝေင်ꩻဣကောနိကို
1ဝေင်ꩻဣကောနိကိုတဲ့ ထွာဗွိုန် နုဲင်းနဝ်ꩻသွူ။ ပေါလုတွမ်ႏ ဗာနာဗ လွေꩻတရာꩻစရွပ်ကိုတဲင် ဒေါ့ꩻဖေႏစွဉ်ႏအနယ်ꩻ အစား နုဲင်းနဝ်ꩻတွော့ꩻ ဂျူးလိုꩻမျိုꩻဖုံႏတွမ်ႏ လိုꩻမျိုꩻလင်ဖုံႏ ကယွုမ်းလွဉ်သားနဝ်ꩻ အဖြာꩻအာငါႏနဝ်ꩻသွူ။ 2ကွဲႏတွော့ꩻ တယွုမ်းတဝ်းဒါႏ ဂျူးလိုꩻမျိုꩻနဝ်ꩻ ဖေႏနေးကဆန်ချာ လိုꩻကယွုမ်းသားဖုံႏနဝ်ꩻ ဝွေꩻသီး တမာဖေႏအာႏစွဉ်ႏ လိုꩻမျိုꩻလင်ဖုံႏသွူ။ 3တမန်ႏတောႏဖုံႏ အုံနဝ်ꩻကို ညတန်တဲင် ဒေါ့ꩻရုဲင်း ဖေႏမွေးနေးစွဉ်ႏ ဗွေႏဘုရာꩻ ခရာႏနဝ်ꩻသွူ၊ ဝွေꩻသီး ကဟော်ꩻဒါႏ ဝွေꩻဗွေႏ ကေꩻဇူꩻတရာꩻ ခရာႏနဝ်ꩻ မွေးမဲဉ်ႏဒျာႏကျောင်ꩻ ဖေႏကထွာ သက်သေႏနဝ်ꩻ ဖေႏမွေးစွဉ်ႏ ဝွေꩻသီးတန်ꩻခိုꩻ ဖေႏကမာꩻနယ်နွောင်ꩻ နိမိတ်လက္ခဏာႏစွဉ်ႏ ထာꩻအံႏဖြာႏခရာႏဖုံႏ နဝ်ꩻသွူ။ 4လိုꩻဝေင်ꩻကိုသားဖုံႏနဝ်ꩻ သꩻသဘော်ꩻ ကွဲꩻလို့စွဉ်ႏဝင်ꩻ နီစွိုꩻနဝ်ꩻသွူ။ ယင်ဟန်ႏသားဖုံႏနဝ်ꩻ ပါသော့ꩻ ဂျူးလိုꩻမျိုꩻဖုံႏဖဲ့ꩻ၊ အလင်ဖုံႏနဝ်ꩻ ပါသော့ꩻငီꩻစွဉ်ႏ တမန်ႏတောႏဖုံႏဖဲ့ꩻ နဝ်ꩻသွူ။
5နဝ်ꩻထွူ လိုꩻမျိုꩻလင်ဖုံႏ ယင်ဟန်ႏတွမ်ႏ ဂျူးလိုꩻမျိုꩻဖုံႏ ကအဝ်ႏစုဗူႏဒါႏ စွဉ်ႏဝွေꩻသီး ခေါင်းဆောင် လိုꩻတန်ဖုံႏနဝ်ꩻ ဆွုံꩻဖျတ် ရေႏနစ်စက်စွဉ်ႏ တမန်ႏတောႏဖုံႏတွော့ꩻ တွမ်ႏလုံးတူႏဖုံႏနဝ်ꩻ ရေꩻနုဲင်ႏနို ဝွေꩻသီးသွူ။ 6တမန်ႏတောႏဖုံႏ ထွိုင်ႏသေထွꩻလꩻ နဝ်ꩻခရာႏနဝ်ꩻ ဝွေꩻသီး ဖင်းသျောင်ႏလဲ့ ထိုꩻစွဉ်ႏ လုကောနိခမ်း ဝေင်ꩻလုတ္တရတွမ်ႏ ဝေင်ꩻဒေရဗေတွမ်ႏ နယ်ႏအသောင်အထျꩻဖုံႏသွူ။ 7နဝ်ꩻကိုနဝ်ꩻ ဝွေꩻသီး ဟော်ꩻဖေႏ သတင်ꩻဟဝ်ဖုံႏနဝ်ꩻသွူ။
အဝ်ႏသော့ꩻဝေင်ꩻလုတ္တရတွမ်ႏဝေင်ꩻဒေရဗေကို
8ဝေင်ꩻလုတ္တရကိုနဝ်ꩻ ပါꩻခိုခင်ႏပနဲဉ်ႏ လွူးလွဉ်ခါကာႏ မာႏရေႏတဲင် လွေꩻထာꩻ တလꩻနွောင်ꩻဖိုတဝ်း အဝ်ႏတဖြာꩻသွူ။ 9ဝွေꩻအုံလင်ꩻ နဝ်ꩻကိုတွော့ꩻ အဝ်ႏနာႏ ပေါလု ဟော်တရာꩻငဝ်းသွူ။ ဝွေꩻထာꩻယွုမ်းနဝ်ꩻ ထာꩻဆာဟဝ်ရေꩻ အီနွောင်ꩻကျောင်ꩻ ပေါလုထီႏ၊ နဝ်ꩻမꩻ ပေါလုထွားစဲင်း ဝွေꩻတဲင်၊ 10ဒေါ့ꩻသန်နေး ငဝ်းတငွါ၊ “အုံထွိုင်ႏစွဉ်ႏစွဉ်ႏ နာꩻခင်ႏလောင်းဟုဲင်း” နုဲင်းနဝ်ꩻတဲင် ပါꩻခိုနဝ်ꩻ ပကျောက်ꩻထွိုင်ႏတွော့ꩻ ထောင်ခူဝစ်စွဉ်ႏ ထာꩻနဝ်ꩻသွူ။ 11နုဲင်းပေါလု ကမာꩻလဲဉ်းဒါႏနဝ်ꩻ လိုꩻစွိုꩻဖုံႏထွိုင်ႏထီႏ၊ တွမ်ႏဝွေꩻသီး လုကောနိ လိုꩻမျိုꩻငဝ်းနဝ်ꩻ ဝွေꩻသီး ခြောဝ်ထန်ႏစစွဉ်ႏ၊ “လူꩻဘုရာꩻ မာꩻအနမ်း ဗွိုန်နုဲင်းလိုꩻတဲင် အဝ်ႏကျွꩻလင်ꩻလွဉ်လဲဉ်း နီထျꩻကွေး” နုဲင်းနဝ်ꩻသွူ။ 12ဗာနာဗနဝ်ꩻ ဝွေꩻသီး ဖန်ဖေႏအမဉ်ꩻ သိယပ်တဲင် ပေါလုနဝ်ꩻ ဖန်ဖေႏအမဉ်ꩻ ဟေရမေ၊ ပွိုးတွော့ꩻ ဝွေꩻနဝ်ꩻ အဝ်ႏထွာ တရာꩻဟော်ꩻသား အတန်သွတ်ꩻအတွက်သွူ။ 13သိယပ် လူꩻဘုရာꩻကျောင်ꩻနဝ်ꩻ အဝ်ႏဝေင်ꩻကောင်းထန်ႏဖဲ့ꩻတဲင် သိယပ် အယဇ်ပရောဟိတ်နဝ်ꩻ အီလွဉ်ဖိုးထီးဖုံႏတွမ်ႏ ကဝ်ႏဖုံႏ တခါꩻတန်ထျꩻတွော့ꩻ ဝွေꩻတွမ်ႏ လိုꩻစွိုꩻဖုံႏနဝ်ꩻ မဉ်ပူႏဇောႏ တမန်ႏတောႏဖုံႏနဝ်ꩻသွူ။
14နုဲင်းကအီႏလွဉ် ပူႏဇောႏဒါႏ ဝွေꩻသီးခရာႏနဝ်ꩻ ဗာနာဗတွမ်ႏ ပေါလု ထွိုင်ႏဟွိုန် ဝွေꩻသီးအဲ့ꩻသဲ့ချာ ဝွေꩻသီးခွမ်ꩻလာꩻဖုံႏတဲင် ဖင်းနွို့သော့ꩻစွဉ်ႏ လိုꩻစွိုꩻဖုံႏ အကဲဉ်ကို ခြောဝ်စွဉ်ႏငဝ်း၊ 15#ထလ ၂၀:၁၁၊ သာ ၁၄၆:၆။ “ပွိုးတမုဲင်ꩻ သီမာꩻဗာႏတွိုႏ နုဲင်းယိုဟောင်း။ နီနမ်းနဝ်ꩻတဲ့ ထွာဒျာႏ လိုꩻရိုꩻရိုꩻလွုမ်ꩻ ဗွိုန်နုဲင်းဒျာႏသီ။ အဝ်ႏထာꩻအကျိုꩻ တအဲဉ်ထဝ်းဖုံႏ ဖေႏသီကလꩻချာ ထာꩻကော့ꩻမာႏတွော့ꩻ ဖေႏကသဲင်ꩻထေ့ချာ သက်မွန်ဗွေႏဘုရာꩻ ကဖန်ဆင်ꩻ မာꩻထွာဒါႏ မို့ꩻ၊ ဟံႏတန်၊ ပင်ႏလယ်ႏတွမ်ႏ ထာꩻကအဝ်ႏသော့ꩻဒါႏ နဝ်ꩻကိုဖုံႏ ကားကအဝ်ႏနဝ်ꩻ နီလွဉ်ယိုကိုတွော့ꩻ ကေႏညာႏဖေႏဒျာႏ သတင်ꩻဟဝ်ဖုံႏသွူ။ 16ကလဲဉ်းခိုႏချာ လိုꩻမျိုꩻဖုံႏ ကားကအဝ်ႏနဝ်ꩻ နုဲင်းဝွေꩻသီးနမ်း ထာꩻကျွိုက် ကမဉ်မာꩻနဝ်ꩻ ဝွေꩻဗွေႏဖေႏဒျာႏ အခွင်ꩻသွူ။ 17ကွဲႏတွော့ꩻ ဝွေꩻဗွေႏအဝ်ႏကျောင်ꩻ စွဉ်ႏဝွေꩻဗွေႏ ကမာꩻလဲဉ်းဒါႏ ထာꩻဟဝ်မျတ်ဖုံႏနဝ်ꩻ ဝွေꩻဗွေႏအွဉ်ႏနယ် သေႏသေႏဖေႏ သက်သေႏသွူ။ အဝ်ႏခမ်းထီမို့ꩻလောင်းနဝ်ꩻ ဝွေꩻဗွေႏ အွဉ်ႏလော့လင်ꩻဖေႏ ခမ်းတွော့ꩻ အချိန်ႏမဉ်ႏတွိုႏ အွဉ်ႏရာႏဖေႏ အရာႏဖုံႏ၊ ဝွေꩻဗွေႏဖေႏသီ ထာꩻအံႏတဲင် စွဉ်ႏထာꩻပျောႏသွင်ႏဖုံႏနဝ်ꩻ သော့ꩻဗွေဖေႏ သီသရာႏကို” နုဲင်းနဝ်ꩻသွူ။ 18လိုꩻစွိုꩻဖုံႏ ကအီႏလူႏ ပူႏဇောႏဖေႏဒါႏ ဝွေꩻသီး ယဇ်ထာꩻပူႏဇောႏတာႏနဝ်ꩻ လဲင်ꩻဒေါ့ꩻဖေႏစွဉ်ႏ ငဝ်းဖုံႏ နုဲင်းယိုစွဉ်ႏတဲ့ တမန်ႏတောႏဖုံႏ ကအီႏရဲဆီꩻနွောင်ꩻ လိုꩻစွိုꩻနဝ်ꩻ ယပ်ꩻခုဲင်ႏငါႏသွူ။
19ဂျူးလိုꩻမျိုꩻဖုံႏ ယင်ဟန်ႏ ကအဝ်ႏပိသိဒိခမ်း၊ ဝေင်ꩻအန္တိအုတ်တွမ်ႏ ဝေင်ꩻဣကောနိနဝ်ꩻ လွဉ်တဲင် လိုꩻစွိုꩻဖုံႏ ဖေႏကပါ ဝွေꩻသီးဖဲ့ꩻနဝ်ꩻ ၊ ဝွေꩻသီးအော်တွော့ꩻ တွမ်ႏလုံးတူႏ နုဲင်ႏနိုစွဉ်ႏ ပေါလုတဲင် ထင်းဒျာႏ ဝွေꩻသီထိုꩻလဲဉ်း နဝ်ꩻမꩻ တွာႏထန်ႏထိုꩻဝွေꩻ ဝေင်ꩻကောင်းထန်ႏသွူ။ 20ကွဲႏတွော့ꩻ လိုꩻကယွုမ်းသားဖုံႏ စုဗူႏအုံခူဝွေꩻတွော့ꩻ ဝွေꩻထွိုင်ႏတဲင် သဲင်ꩻနွို့ချာသော့ꩻစွဉ်ႏ ဝေင်ꩻကိုနဝ်ꩻသွူ။ ဆုဲင်ꩻတနီꩻ ဝွေꩻတွမ်ႏ ဗာနာဗနဝ်ꩻ လွေꩻထိုꩻစွဉ်ႏ ဝေင်ꩻဒေရဗေနဝ်ꩻသွူ။
သဲင်ꩻချာသီးရီးယားခမ်းဝေင်ꩻအန္တိအုတ်ကို
21ပေါလုတွမ်ႏ ဗာနာဗနဝ်ꩻ ဟော်ꩻသတင်ꩻဟဝ်တရာꩻ ဝေင်ꩻဒေရဗေတဲင် လꩻလွဉ်အာမွေးစွဉ်ႏ တပဲ့တောႏဖုံႏသွူ။ နဝ်ꩻထွူ ဝွေꩻသီး သဲင်ꩻချာ ဝေင်ꩻလုတ္တရ၊ ဝေင်ꩻဣကောနိတွမ်ႏ ပိသိဒိခမ်းကို ဝေင်ꩻအန္တိအုတ်နဝ်ꩻသွူ။ 22ဝွေꩻသီးဖေႏအာႏ လိုꩻကယွုမ်းသားဖုံႏတဲင် ထာꩻယွုမ်း ဖေႏကမဲဉ်ႏ တဉ်ႏခွေါင်နဝ်ꩻ တမာဖေႏအာႏ နိုꩻဆော်ႏဝွေꩻသီးသွူ။ “ကအီႏနွို့သော့ꩻဗာႏ ဗွေႏဘုရာꩻ ခမ်းထီကိုနဝ်ꩻ နီအီႏကာႏလွေꩻဗာႏ အာငါႏ ထာꩻဒုက္ခဖုံႏ” ဝွေꩻသီး သွဉ်သင်ဖေႏ နုဲင်းနဝ်ꩻသွူ။ 23အသေန်းတောႏ တသေန်းစီႏနဝ်ꩻ ခန်ꩻသေꩻခါꩻဖေႏ အသေန်းလိုꩻတန်ဖုံႏတဲင် တွမ်ႏထာꩻဆုတောင်ꩻ၊ စွဉ်ႏထာꩻသျောင်ႏကံနေး ထာꩻအံႏတွော့ꩻ ဝွေꩻသီး ဆယ်ꩻကပ် အပ်ဖေႏ ဝွေꩻသီး အသေန်းတောႏစွိုꩻ၊ ဝွေꩻသီး ကယွုမ်းအာႏကွိုꩻဒါႏ ဗွေႏဘုရာꩻ အစူကိုနဝ်ꩻသွူ။
24ဖျတ်ကာႏလွေꩻ ပိသိဒိခမ်းထွူ ဝွေꩻသီး ဖျော်လွဉ်စွဉ်ႏ ပံဖုလိခမ်းကိုသွူ။ 25နဝ်ꩻကို ဝွေꩻသီး ဟော်ꩻတရာꩻ ဝေင်ꩻပေရဂေကိုထွူ လွေꩻထိုꩻ ဝေင်ꩻအာတလိတဲင်၊ 26အဝ်ႏနဝ်ꩻကို ဝွေꩻသီး ထုမ်းသင်္ဘောꩻ သဲင်ꩻချာ ဝေင်ꩻအန္တိအုတ်၊ နဝ်ꩻကိုနဝ်ꩻထွာ ဝွေꩻသီး ကမိန်းဖေႏလဲဉ်းဒါႏ ယိုခါ ဝွေꩻသီး မာꩻထွူလို့လဲဉ်း ထာꩻမာꩻအတာႏ အွဉ်ႏထိန်ꩻသိမ်ꩻ ထွားဟဝ်ဒါႏ ဗွေႏဘုရာꩻ ကေꩻဇူꩻတောႏ ခင်ႏလမ်းနဝ်ꩻသွူ။
27ဝွေꩻသီး ထွိုင်ႏဖျော်လွဉ် ဝေင်ꩻအန္တိအုတ်ချိန်ႏ ဝွေꩻသီးစုဗူႏလို့ အသေန်းသားဖုံႏတဲင် ပွိုင်းဝွို့တွမ်ႏ ဗွေႏဘုရာꩻ အဝ်ႏမာꩻငီꩻလဲဉ်းတွမ်ႏ ဝွေꩻသီးတွော့ꩻ လိုꩻမျိုꩻလင်ဖုံႏ ဖေႏကယွုမ်းတာႏ ဝွေꩻဗွေႏဗွောင် ဖေႏလဲဉ်းတဖူꩻ ခွိုင်းကားမုဲင်ꩻနဝ်ꩻ ဒေါ့ꩻနယ်ဖေႏ ဝွေꩻသီးသွူ။ 28နဝ်ꩻထွူ ဝွေꩻသီး အုံငီꩻစွဉ်ႏ လိုꩻကယွုမ်းသားနဝ်ꩻကို ညတန်သွူ။
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Pao Bible Common Language© Bible Society of Myanmar, 2019.