اِنجیل مَتّی 24
24
آخِر زمانی نیشونه اِن
1وختی که عیسی معبدی کا اومَه بِرون، هِنته که بَشی، چَیی شاگِردِن اومینَه چَیی وَر تا معبدی بینا اون اَیی نیشون بِدَن. 2امّا عیسی اَوون نَه واتِشه: «گِرد اِم بینا اون بَویندیرون؟ حقیقتن شِمَه نَه بَواتیم، دِ سِنگی، سِنگی سَر باقی نِمونِه، بَلکَم گِرد ویبون.»
3وختی عیسی زیتون کوه سَری کا نِشت بَه، چَیی شاگِردن خَلوتَکی اومینَه چَیی وَر و اَیینَه واتِشونَه: «بَمون نَه بوآج، کَینی اِم چییِن اِتِفاق دَلَکِن و اِشتِه اومِه نیشونه و آخِر زمانی نیشونه چَه؟» 4عیسی جَواو دوشَه: «ویرا بِبییَه کسی شِمَه گمراه مَکَرِه. 5چوم وِر کَسِن چِمِن نومی نَه بومَین و بَواتین، ”اَز مسیح موعود اِستیمَه،“ و وِر کَسون گمراه بَکَردین. 6شِمَه جَنگون خَوَری دَرَسَه و جَنگون شایعه شِمَه گوش آرَستِه. ویرا بِبییَه که تَشویش مَبییَه، چوم بَسی اِم اِتِفاقِن دَلَکِن، امّا حَلا دنیا آخِر نییَه. 7اِنتَه که ایلَه میلَّتی دییَر میلَّتی نَه و ایلَه مَملکتی دییَر مَملکتی نَه جنگ بَکَردین و جور بَه جوره جِگا اون کا قَحطی بَبی و زلزله بومَی. 8امّا گِرد اِم چییِن فقط زایمانی داجی شروع بییِه اِستَه که داجون فاصله کمتر و کمتر بَبی.
9«اَ زمانی کا، شِمَه دِشمِنی تسلیم بَکَردین تا شِمَه شِكنجه بِکَرِن و بِکِشِن. گِرد میلّتِن چِمِن نومی واسی شِمَه کا بیزار بَبین. 10اَ روزون کا وِر کَسِن اِشتَن ایمانی کا آگَردِن و یَندی خیانت بَکَردین و یَندی کا بیزار بَبین. 11وِر دوروعَه پیغمبرِن بومَین، وِر کَسون گمراه بَکَردین. 12هِندی شِرارت وِر بَبی که، وِرکَسون محبت نسبت بِه یَندی سَرد بَبی. 13امّا هَر کسی تا آخِر تاو بواَرِه، نِجات پیدا بَکَردی. 14خِدا پاُتشایی خوشَ خَوَر گِردِ دنیا مردمی را اِعلام بَبی تا گِردِ میلتون را شهادتی بِبو. چَیی پَش دنیا بِه آخِر آرَستِه.
15«بَس وختی ویندِرونَه که اَ ’خَراوهَ کَره زِشت و نِجِسی‘ که دانیال پیغمبر چَیی درباره نیویشتَشه، نوعَشونَه مقدّس جِگا کا، 16اَ موقع دِ کسونی که یهودیه ولایتی کا مَندینَه، دَوَزِن کوه اون را؛ 17و هَر کسی که اِشتَن کَ بومی سَری کا بِبو، چیی پِگِتِه را ما جیر کَ دیلَه؛ 18و هَر کسی که مزرعه کا مَندَه، اِشتَن اَبا پِگِتِه را آمَگردِه کَ. 19وای بِه حال ژِنکونی که اَ روزون کا حامیله اینَه و ژِنکونی که خِردَن شِت بَداین! 20دعا بِکَرَه كه شِمَه دَوَشتِه زوموستونی کا و یا مقدّس شنبه روزی کا مَبو. 21چوم اَ زمانی کا هِنتَه بَرکَ مصیبتی بَبی که دنیا صِفته نَه تا اوری نَه روز چَیی شیوار بَه نییَه، و هَرگز نی نییَب. 22اَگم خِدا اَ روزون کِتا مَکَری، هیچ بَشری سالمَ جان بِه دَر نِبَری، امّا اَ کسونی واسی که اِنتخاب بَیینَه، خِدا اَ روزون کِتا آکَرِه.
23«اَ موقع اَگم کسی شِمَه نَه بوآجِه، ”دَیِسه مسیح موعود اییا کایَه!“ یا ”اوآکایَه!“ باوَر مَکَرَه. 24چوم دروعَه مسیح اِن و دروعَه پیغمبرِن بومَین، و اِنتَه یالَ نیشونه اونی بواَردین و معجزه اونی بَکَردین که اَگم بِشان، حتی اَ کسونی که اِنتخاب بَیینَه نی گمراه بِکَرِن. 25دَیِسه، نارنارِه شِمَه نَه واتَمه. 26بَس اَگم شِمَه نَه بوآجِن كه دَیِسه ”مسیح موعود ویاوونی کایَه،“ مَشه اوآ؛ و اَگم بوآجِن دَیِسه ”مَسیح موعود اتاقی دیلَه کایَه،“ باوَر مَکَرَه. 27چوم هَتَه که آسِمونی شَرقی طرفی نَه گِرخونَه ژَنه و چَیی نور تا غَرب آرَستِه، اِنسانی زوعَه اومِه نی هَته بَبی. 28هَر جِگا کا لاشه ای بِبو، لاشخورِن اوآ کا جَمع آبون.
29«اَلبَحَل، اَ روزون مصیبَتَ پَش
«”آفتاو تاریک آبو
و مانگ دِ نور نِده؛
ستاره اِن آسِمونی کا وِیبون،
و اَ قدرتِنی که آسِمونی محکم غَم بَردین، لَرزِن.“
30اِم موقع اِنسانی زوعَه نیشونه، آسِمونی کا ظاهر آبو و زمینی قبیله اِن گِرد شیون بَکَردین و اِنسانی زوعَه بَویندین كه قدرت و بَرک جلالی نَه، آسِمونی خِرون سَری نَه بومَی. 31اِنسانی زوعَه اِشتَن ملائیکه اون شیپوری بِلنده سَسی نَه ویسا آکَرِه و ملائیکه اِن، اَ کسونی که خِدا اَوون انتخاب کَردشَه دنیا چار گوشه نَه، آسِمونی اِم سَر تا اَ سَری نَه، جمع آکَرِن.
32«حِسَه اَنجیل داری کا اِم دَرسی باموجَه: هِنتَه که چَیی لاخه اِن جوونَه ژَنِن و لیو بواَردین، شِمَه بَزنیرون كه تاووستون نِزدیکه. 33هِنتَه نی وختی گِرد اِم چییون بَویندیرون، بِزونَه كه اِنسانی زوعَه نِزدیکَه، بَری وَری کا مَندَه. 34حقیقتن شِمَه نَه بَواتیم، تا گِرد اِم چییِن اِتِفاق مَدَلَکِن، اِم نَسل اَز بیِن نِشون. 35آسِمون و زمین اَز بِین بَشین، امّا چِمِن گفِن هَرگز اَز بین نِشون.
کسی اَ روز و اَ ساعتی کا خَوَر نیشَه
36«آسِمونی یَه دَده غیراز، هیچکس اَ روز و اَ ساعتی نیمَزنِه؛ حتّی آسِمونی ملائیکه اِن و زوعَه نی اَیی کا خَوَر نِدارِن. 37اِنسانی زوعَه اومِه زمان، نوح پیغمبری زمانی شیوار بَبی. 38چوم اَ روزون کا، تا پیش از اِم که سیل با، مردم هَرین و هِنجین، ژِن بَبَردین و شو بَکَردین، تا اَ روزی که نوح دَشه کَشتی دیلَه، 39و اَوِن نیمَزنین که چِه پیش بومَی. تا اِم که سیل اومَه و اَوون گِردی اِشتَن نَه بَردِشه. اِنسانی زوعَه اومِه نی هِنتَه بَبی. 40اَ زمانی کا دِ گِلَه مِردی کا كه مزرعه کا اِستینَه، ایی نَفری بَبَردین و اَ ایلَه بَمَندی. 41و دِ گِله ژِنی کا كه یَندی نَه دَس آسیا بَکَردین ایلَه بَبَردین و اَ ایلَه بَمَندی. 42بَس آگا بِبییَه، چوم نیمَزنَه شِمَه خِداوند چِه روزی کا بومَی. 43اِمی بِزونَه اَگم کَ صاحیب بَزنی که دِزد شَوی چِه ساعتی کا بومَی، آگا بَمَندی و نییَرزی دِزد چَیی کَ کا دِزدی بِکَرِه. 44بَس شِمَه نی بَسی حاضیر بِبییَه چوم اِنسانی زوعَه، اَ ساعتی بومَی که شِمَه اِنتظار نِدارَه.
45«بس اَ، عَقلمَند و وَفادارَه نوکَر کییَه که، چَیی اَرباب اَیی اِشتَن کَ اَهالی سَرپرست بِکَرِه تا چَوون غذا موقع نَه اَوون آدَه؟ 46خَسَه بِبو اَ نوکَری که وختی چَیی اَرباب بومَی، اَیی، هَتَه که اَرباب واتَشه مشغول بِه کار بِوینِه. 47حقیقتن شِمَه نَه بَواتیم، که چَیی اَرباب، اِشتَن گِردِ دارایی آدَه چَیی دَس. 48امّا اَگم اَ نوکَر، شَرور بِبو و اِشتَن نَه بوآجِه، ”چِمِن اَرباب اِم زودیون نا،“ 49و بقیه نوکَرون بِژَنِه و عرق هَرون نَه بَرِه و بِنجِه، 50ایی روز که چَیی اِنتظاری نیشَه و اَ ساعتی که نیمَزنِه، چَیی اَرباب بومَی 51و اَئی تیکه تیکه بَکَردی، و اَیی دِ دیمون نَه دَرَفَنه ایی جِگا دیلَه. جِگایی که داد بَکَردین و دَندون دَندونی سَری کا فیشار بَداین.
ទើបបានជ្រើសរើសហើយ៖
اِنجیل مَتّی 24: ITB
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
@ 2024 Korpu Company
اِنجیل مَتّی 24
24
آخِر زمانی نیشونه اِن
1وختی که عیسی معبدی کا اومَه بِرون، هِنته که بَشی، چَیی شاگِردِن اومینَه چَیی وَر تا معبدی بینا اون اَیی نیشون بِدَن. 2امّا عیسی اَوون نَه واتِشه: «گِرد اِم بینا اون بَویندیرون؟ حقیقتن شِمَه نَه بَواتیم، دِ سِنگی، سِنگی سَر باقی نِمونِه، بَلکَم گِرد ویبون.»
3وختی عیسی زیتون کوه سَری کا نِشت بَه، چَیی شاگِردن خَلوتَکی اومینَه چَیی وَر و اَیینَه واتِشونَه: «بَمون نَه بوآج، کَینی اِم چییِن اِتِفاق دَلَکِن و اِشتِه اومِه نیشونه و آخِر زمانی نیشونه چَه؟» 4عیسی جَواو دوشَه: «ویرا بِبییَه کسی شِمَه گمراه مَکَرِه. 5چوم وِر کَسِن چِمِن نومی نَه بومَین و بَواتین، ”اَز مسیح موعود اِستیمَه،“ و وِر کَسون گمراه بَکَردین. 6شِمَه جَنگون خَوَری دَرَسَه و جَنگون شایعه شِمَه گوش آرَستِه. ویرا بِبییَه که تَشویش مَبییَه، چوم بَسی اِم اِتِفاقِن دَلَکِن، امّا حَلا دنیا آخِر نییَه. 7اِنتَه که ایلَه میلَّتی دییَر میلَّتی نَه و ایلَه مَملکتی دییَر مَملکتی نَه جنگ بَکَردین و جور بَه جوره جِگا اون کا قَحطی بَبی و زلزله بومَی. 8امّا گِرد اِم چییِن فقط زایمانی داجی شروع بییِه اِستَه که داجون فاصله کمتر و کمتر بَبی.
9«اَ زمانی کا، شِمَه دِشمِنی تسلیم بَکَردین تا شِمَه شِكنجه بِکَرِن و بِکِشِن. گِرد میلّتِن چِمِن نومی واسی شِمَه کا بیزار بَبین. 10اَ روزون کا وِر کَسِن اِشتَن ایمانی کا آگَردِن و یَندی خیانت بَکَردین و یَندی کا بیزار بَبین. 11وِر دوروعَه پیغمبرِن بومَین، وِر کَسون گمراه بَکَردین. 12هِندی شِرارت وِر بَبی که، وِرکَسون محبت نسبت بِه یَندی سَرد بَبی. 13امّا هَر کسی تا آخِر تاو بواَرِه، نِجات پیدا بَکَردی. 14خِدا پاُتشایی خوشَ خَوَر گِردِ دنیا مردمی را اِعلام بَبی تا گِردِ میلتون را شهادتی بِبو. چَیی پَش دنیا بِه آخِر آرَستِه.
15«بَس وختی ویندِرونَه که اَ ’خَراوهَ کَره زِشت و نِجِسی‘ که دانیال پیغمبر چَیی درباره نیویشتَشه، نوعَشونَه مقدّس جِگا کا، 16اَ موقع دِ کسونی که یهودیه ولایتی کا مَندینَه، دَوَزِن کوه اون را؛ 17و هَر کسی که اِشتَن کَ بومی سَری کا بِبو، چیی پِگِتِه را ما جیر کَ دیلَه؛ 18و هَر کسی که مزرعه کا مَندَه، اِشتَن اَبا پِگِتِه را آمَگردِه کَ. 19وای بِه حال ژِنکونی که اَ روزون کا حامیله اینَه و ژِنکونی که خِردَن شِت بَداین! 20دعا بِکَرَه كه شِمَه دَوَشتِه زوموستونی کا و یا مقدّس شنبه روزی کا مَبو. 21چوم اَ زمانی کا هِنتَه بَرکَ مصیبتی بَبی که دنیا صِفته نَه تا اوری نَه روز چَیی شیوار بَه نییَه، و هَرگز نی نییَب. 22اَگم خِدا اَ روزون کِتا مَکَری، هیچ بَشری سالمَ جان بِه دَر نِبَری، امّا اَ کسونی واسی که اِنتخاب بَیینَه، خِدا اَ روزون کِتا آکَرِه.
23«اَ موقع اَگم کسی شِمَه نَه بوآجِه، ”دَیِسه مسیح موعود اییا کایَه!“ یا ”اوآکایَه!“ باوَر مَکَرَه. 24چوم دروعَه مسیح اِن و دروعَه پیغمبرِن بومَین، و اِنتَه یالَ نیشونه اونی بواَردین و معجزه اونی بَکَردین که اَگم بِشان، حتی اَ کسونی که اِنتخاب بَیینَه نی گمراه بِکَرِن. 25دَیِسه، نارنارِه شِمَه نَه واتَمه. 26بَس اَگم شِمَه نَه بوآجِن كه دَیِسه ”مسیح موعود ویاوونی کایَه،“ مَشه اوآ؛ و اَگم بوآجِن دَیِسه ”مَسیح موعود اتاقی دیلَه کایَه،“ باوَر مَکَرَه. 27چوم هَتَه که آسِمونی شَرقی طرفی نَه گِرخونَه ژَنه و چَیی نور تا غَرب آرَستِه، اِنسانی زوعَه اومِه نی هَته بَبی. 28هَر جِگا کا لاشه ای بِبو، لاشخورِن اوآ کا جَمع آبون.
29«اَلبَحَل، اَ روزون مصیبَتَ پَش
«”آفتاو تاریک آبو
و مانگ دِ نور نِده؛
ستاره اِن آسِمونی کا وِیبون،
و اَ قدرتِنی که آسِمونی محکم غَم بَردین، لَرزِن.“
30اِم موقع اِنسانی زوعَه نیشونه، آسِمونی کا ظاهر آبو و زمینی قبیله اِن گِرد شیون بَکَردین و اِنسانی زوعَه بَویندین كه قدرت و بَرک جلالی نَه، آسِمونی خِرون سَری نَه بومَی. 31اِنسانی زوعَه اِشتَن ملائیکه اون شیپوری بِلنده سَسی نَه ویسا آکَرِه و ملائیکه اِن، اَ کسونی که خِدا اَوون انتخاب کَردشَه دنیا چار گوشه نَه، آسِمونی اِم سَر تا اَ سَری نَه، جمع آکَرِن.
32«حِسَه اَنجیل داری کا اِم دَرسی باموجَه: هِنتَه که چَیی لاخه اِن جوونَه ژَنِن و لیو بواَردین، شِمَه بَزنیرون كه تاووستون نِزدیکه. 33هِنتَه نی وختی گِرد اِم چییون بَویندیرون، بِزونَه كه اِنسانی زوعَه نِزدیکَه، بَری وَری کا مَندَه. 34حقیقتن شِمَه نَه بَواتیم، تا گِرد اِم چییِن اِتِفاق مَدَلَکِن، اِم نَسل اَز بیِن نِشون. 35آسِمون و زمین اَز بِین بَشین، امّا چِمِن گفِن هَرگز اَز بین نِشون.
کسی اَ روز و اَ ساعتی کا خَوَر نیشَه
36«آسِمونی یَه دَده غیراز، هیچکس اَ روز و اَ ساعتی نیمَزنِه؛ حتّی آسِمونی ملائیکه اِن و زوعَه نی اَیی کا خَوَر نِدارِن. 37اِنسانی زوعَه اومِه زمان، نوح پیغمبری زمانی شیوار بَبی. 38چوم اَ روزون کا، تا پیش از اِم که سیل با، مردم هَرین و هِنجین، ژِن بَبَردین و شو بَکَردین، تا اَ روزی که نوح دَشه کَشتی دیلَه، 39و اَوِن نیمَزنین که چِه پیش بومَی. تا اِم که سیل اومَه و اَوون گِردی اِشتَن نَه بَردِشه. اِنسانی زوعَه اومِه نی هِنتَه بَبی. 40اَ زمانی کا دِ گِلَه مِردی کا كه مزرعه کا اِستینَه، ایی نَفری بَبَردین و اَ ایلَه بَمَندی. 41و دِ گِله ژِنی کا كه یَندی نَه دَس آسیا بَکَردین ایلَه بَبَردین و اَ ایلَه بَمَندی. 42بَس آگا بِبییَه، چوم نیمَزنَه شِمَه خِداوند چِه روزی کا بومَی. 43اِمی بِزونَه اَگم کَ صاحیب بَزنی که دِزد شَوی چِه ساعتی کا بومَی، آگا بَمَندی و نییَرزی دِزد چَیی کَ کا دِزدی بِکَرِه. 44بَس شِمَه نی بَسی حاضیر بِبییَه چوم اِنسانی زوعَه، اَ ساعتی بومَی که شِمَه اِنتظار نِدارَه.
45«بس اَ، عَقلمَند و وَفادارَه نوکَر کییَه که، چَیی اَرباب اَیی اِشتَن کَ اَهالی سَرپرست بِکَرِه تا چَوون غذا موقع نَه اَوون آدَه؟ 46خَسَه بِبو اَ نوکَری که وختی چَیی اَرباب بومَی، اَیی، هَتَه که اَرباب واتَشه مشغول بِه کار بِوینِه. 47حقیقتن شِمَه نَه بَواتیم، که چَیی اَرباب، اِشتَن گِردِ دارایی آدَه چَیی دَس. 48امّا اَگم اَ نوکَر، شَرور بِبو و اِشتَن نَه بوآجِه، ”چِمِن اَرباب اِم زودیون نا،“ 49و بقیه نوکَرون بِژَنِه و عرق هَرون نَه بَرِه و بِنجِه، 50ایی روز که چَیی اِنتظاری نیشَه و اَ ساعتی که نیمَزنِه، چَیی اَرباب بومَی 51و اَئی تیکه تیکه بَکَردی، و اَیی دِ دیمون نَه دَرَفَنه ایی جِگا دیلَه. جِگایی که داد بَکَردین و دَندون دَندونی سَری کا فیشار بَداین.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
@ 2024 Korpu Company