انجیل مَتّی 7
7
کضاوت کِردَهِ بَکیَه
1«کضاوت مَکنی، تا شما هم کضاوت نِبی. 2اَسِی که وَ هر حُکمی که اُ بَکیَه کضاوت بِکنی، اُ شما هم کضاوت اَبِه، و خاد هر کِئلَه‌ای که کِئلَه بِکنی اَسِی شما کِئلَه اَبِه. 3اَسِی چه تِکَه کاهی که تِک چَشِ کاکَتوئِه اَبِنِش، ولی کُندَه درختی که تِک چَشُتِ نابِنِش؟ 4یا چینا تَشابِه اُ کاکَتو بِگائِش، ”بِهِر تِکَه کاها از تِک چَشُت دَر بیارام“ وَختی کُندَه درختی تِک چَشُتِ؟ 5اَی ریاکار، اوّل کُندَه درختا از تِک چَشُت دَر بیا مِ موکَوا بِهتَه اَبِنِش تا تِکَه کاها از چَشِ کاکَتو دَر بیارِش.
6«چِی که مکدّسِه، اُ سگیا مَتی و مرواریدیاتو جلووِ خوکیا مَبِئی، نِکو یَک وَخت اُ آنایا زِرِ پا هُنِسِت و واگَردِت اُ شما حملَه بِکنِت.
تُبِئِه، بِگَردی، دَر بِزنی
7«تُبِئِه، که اُ شما دَدَ اَبِه؛ بِگَردی، که اَدَجُری، بِزنی، که تُنُزلو واز اَدَبِه. 8اَسِی که هرکَه اُشبِئِه، اُ دست دارِ و هرکَه بِگَردِ، اَدَجُرِ و هرکَه بِزاد، دَر از لوش واز اَدَبِه. 9چه یَک از شما اَگَه پُسُش از آنا نو اُشبِئِه، سنگ اُ آنا اَدَ؟ 10یا اَگَه مَهی اُشبِئِه، مار اُ آنا اَدَ؟ 11پَ اَگَه شما که شریر هی اَدانی که چینا، هَدیَه‌ئِی خَشا اُ بَچیاتو هاتی، چاد بِشتَه باتو که تِی آسِموئِه اُ آنایاکِه از آنا شُبِئِه چِی‌یَی خَش اَدَ. 12پَ خاد مردم هَمونا رفتار بِکنی که تُئِه آنایا خاد خوتو رفتار بِکنِت. اِئِه، خلاصَهِ تورات و نوشتَه‌ئِی پیغامبریا.
دَرِ تاگ
13«از دَرِ تاگ جا اُچی، اَسِی که دَری که فِراخِه و رَهی که آسونِه اُ طرف نابودی اَچِه و کسِی که جا اَچِت بُری هِت. 14ولی مِ دَری که تاگِه و رَهی که سختِه اُ طرف زندگی اَچِه، و کسِی که آنا اَدَجُرِت، کامِت.
درخت و میوَش
15«از انبیای دارُوی دوری بِکنی. آنایا تِی جُمَهِ کَهریا حَدِ شما دِئِت، ولی تِی باطن، گرگِی وحشی هِت. 16اُ آنایا از میوَه‌یّاشو اَشناسی، مَ اَبِه از بُتَّهِ خار انگور و از خار بیابو انجیر واچِنی؟ 17پَ هَمینا، هر درخت سالم میوَه خَش اَدَ، ولی درخت دردی میوَه بَد اَدَ. 18درخت سالم اُشناشابِه میوَه بَد هادَ و درخت دردی هم اُشناشابِه میوَه خَش هادَ. 19هر درختی که میوَه خَش نِدَ بُلِدَ اَبِه و تِی تَش بِستَه اَبِه. 20پَ اُ آنایا از میوَه‌یّاشو اَشناسی.
21«اینا نی که هرکَه اُ ما ”سَرورُم، سَرورُم“ بِگِه اُ پادشاهِنِ آسِمو اَچِه، بلکه کسی اُ پادشاهِنِ آسِمو اَچِه که خواستَهِ بامو که تِی آسِموئِه، اَنجوم هادَ. 22خیلیا تِی مِ رازا اُ ما اَگائِت: ”خداوندا، خداوندا، مَ اَما وَ اسم تو پیشگویی مُنِکِه؟ مَ وَ اسم تو دیویا از آدامیا مُن دَر نِکِه؟ مَ وَ اسم تو بُری معجزه‌یّا اَنجوم مُنِدَ؟“ 23مِ موکَوا واضح اُ آنایا اَگام، ”هِسوَخت اُمنِشناسِدِستی. اَی بَدکاریا از ما دور آبی!“
معمار دانا و معمار نادون
24«پَ هرکَه اِ حرفِی ما بِشناوِ و اُ آنایا عمل بِکو، چُنِ مرد دانائیه که خونَش لِی سنگ نَک اُشکِه. 25باد و بَرو اُمَ، سیل اُمَ و اُ مِ خونَه‌وا فشار شَئو، ولی مِ خونَه‌وا خراب نِبو اَسِی که شالدَش شُن لِی سنگ نَدِستاد. 26ولی هرکَه اِ حرفِی ما بِشناوِ و اُ آنایا عمل نِکو، چُنِ مرد نادونیه که خونَش لِی شِن نَک اُشکِه. 27باد و بَرو اُمَ، سیل اُمَ و اُ مِ خونَه‌وا فشار شَئو، مِ خونَه‌وا تُمبِئِست و خرابیش بُری گات هاد!»
28وَختی عیسی اِ حرفیَه‌وا تَموم شاکِه، جماعت از تعلیم آنا هُشکشو اُشزادِستاد، 29اَسِی که آنا وَ اِکتدار تعلیم شَدَ، نِه چُنِ معلمِی تورات آنایا.
ទើបបានជ្រើសរើសហើយ៖
انجیل مَتّی 7: LAB
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
@ 2024 Korpu Company
انجیل مَتّی 7
7
کضاوت کِردَهِ بَکیَه
1«کضاوت مَکنی، تا شما هم کضاوت نِبی. 2اَسِی که وَ هر حُکمی که اُ بَکیَه کضاوت بِکنی، اُ شما هم کضاوت اَبِه، و خاد هر کِئلَه‌ای که کِئلَه بِکنی اَسِی شما کِئلَه اَبِه. 3اَسِی چه تِکَه کاهی که تِک چَشِ کاکَتوئِه اَبِنِش، ولی کُندَه درختی که تِک چَشُتِ نابِنِش؟ 4یا چینا تَشابِه اُ کاکَتو بِگائِش، ”بِهِر تِکَه کاها از تِک چَشُت دَر بیارام“ وَختی کُندَه درختی تِک چَشُتِ؟ 5اَی ریاکار، اوّل کُندَه درختا از تِک چَشُت دَر بیا مِ موکَوا بِهتَه اَبِنِش تا تِکَه کاها از چَشِ کاکَتو دَر بیارِش.
6«چِی که مکدّسِه، اُ سگیا مَتی و مرواریدیاتو جلووِ خوکیا مَبِئی، نِکو یَک وَخت اُ آنایا زِرِ پا هُنِسِت و واگَردِت اُ شما حملَه بِکنِت.
تُبِئِه، بِگَردی، دَر بِزنی
7«تُبِئِه، که اُ شما دَدَ اَبِه؛ بِگَردی، که اَدَجُری، بِزنی، که تُنُزلو واز اَدَبِه. 8اَسِی که هرکَه اُشبِئِه، اُ دست دارِ و هرکَه بِگَردِ، اَدَجُرِ و هرکَه بِزاد، دَر از لوش واز اَدَبِه. 9چه یَک از شما اَگَه پُسُش از آنا نو اُشبِئِه، سنگ اُ آنا اَدَ؟ 10یا اَگَه مَهی اُشبِئِه، مار اُ آنا اَدَ؟ 11پَ اَگَه شما که شریر هی اَدانی که چینا، هَدیَه‌ئِی خَشا اُ بَچیاتو هاتی، چاد بِشتَه باتو که تِی آسِموئِه اُ آنایاکِه از آنا شُبِئِه چِی‌یَی خَش اَدَ. 12پَ خاد مردم هَمونا رفتار بِکنی که تُئِه آنایا خاد خوتو رفتار بِکنِت. اِئِه، خلاصَهِ تورات و نوشتَه‌ئِی پیغامبریا.
دَرِ تاگ
13«از دَرِ تاگ جا اُچی، اَسِی که دَری که فِراخِه و رَهی که آسونِه اُ طرف نابودی اَچِه و کسِی که جا اَچِت بُری هِت. 14ولی مِ دَری که تاگِه و رَهی که سختِه اُ طرف زندگی اَچِه، و کسِی که آنا اَدَجُرِت، کامِت.
درخت و میوَش
15«از انبیای دارُوی دوری بِکنی. آنایا تِی جُمَهِ کَهریا حَدِ شما دِئِت، ولی تِی باطن، گرگِی وحشی هِت. 16اُ آنایا از میوَه‌یّاشو اَشناسی، مَ اَبِه از بُتَّهِ خار انگور و از خار بیابو انجیر واچِنی؟ 17پَ هَمینا، هر درخت سالم میوَه خَش اَدَ، ولی درخت دردی میوَه بَد اَدَ. 18درخت سالم اُشناشابِه میوَه بَد هادَ و درخت دردی هم اُشناشابِه میوَه خَش هادَ. 19هر درختی که میوَه خَش نِدَ بُلِدَ اَبِه و تِی تَش بِستَه اَبِه. 20پَ اُ آنایا از میوَه‌یّاشو اَشناسی.
21«اینا نی که هرکَه اُ ما ”سَرورُم، سَرورُم“ بِگِه اُ پادشاهِنِ آسِمو اَچِه، بلکه کسی اُ پادشاهِنِ آسِمو اَچِه که خواستَهِ بامو که تِی آسِموئِه، اَنجوم هادَ. 22خیلیا تِی مِ رازا اُ ما اَگائِت: ”خداوندا، خداوندا، مَ اَما وَ اسم تو پیشگویی مُنِکِه؟ مَ وَ اسم تو دیویا از آدامیا مُن دَر نِکِه؟ مَ وَ اسم تو بُری معجزه‌یّا اَنجوم مُنِدَ؟“ 23مِ موکَوا واضح اُ آنایا اَگام، ”هِسوَخت اُمنِشناسِدِستی. اَی بَدکاریا از ما دور آبی!“
معمار دانا و معمار نادون
24«پَ هرکَه اِ حرفِی ما بِشناوِ و اُ آنایا عمل بِکو، چُنِ مرد دانائیه که خونَش لِی سنگ نَک اُشکِه. 25باد و بَرو اُمَ، سیل اُمَ و اُ مِ خونَه‌وا فشار شَئو، ولی مِ خونَه‌وا خراب نِبو اَسِی که شالدَش شُن لِی سنگ نَدِستاد. 26ولی هرکَه اِ حرفِی ما بِشناوِ و اُ آنایا عمل نِکو، چُنِ مرد نادونیه که خونَش لِی شِن نَک اُشکِه. 27باد و بَرو اُمَ، سیل اُمَ و اُ مِ خونَه‌وا فشار شَئو، مِ خونَه‌وا تُمبِئِست و خرابیش بُری گات هاد!»
28وَختی عیسی اِ حرفیَه‌وا تَموم شاکِه، جماعت از تعلیم آنا هُشکشو اُشزادِستاد، 29اَسِی که آنا وَ اِکتدار تعلیم شَدَ، نِه چُنِ معلمِی تورات آنایا.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
@ 2024 Korpu Company