انجیل مَتّی 28
28
زندَه آبُدَئِه عیسی
1بعد از رازِ شنبه مکدّس یهودِنیا، اوّلین رازِ هفتَه، صبح شَفَک مریمِ مَجْدَلیَّه و آن مریمِ دِگَه چِدِت که مَکبَرَه‌وا بِبِنِت. 2یَکدَفَه زلزلَه گاتی اُمَ، اَسِی که یَک فرشتَه خداوند از آسِمو زیر اُمَ و مِ سنگ گاتا از جلووِ مَکبَرَه شُ لَرد زاد و لِی آنا شَست. 3شَکل مِ فرشتَه‌وا چُنِ بَرک آسِمو بَلَلَک شَکِه و جُمَش چُنِ برف، سَفید هاد. 4وَختی نگهبونیا اُ آنا شُدی از تِرس لَرزَه شُن جو اُفتَه و چُنِ مُردَیّا بُدِت! 5ولی مِ فرشتَه‌وا شُ زِنیا گُت: «مَتِرسی! اَسِی که اَدانام که اَزدُمِ عیسایی هی که شُن صلیب کِه. 6آنا اِکا نی، اَسِی که هَموناکِه اُشگُت، زندَه آبُدِ! بِلگی و جَی که جَسدُش شُنَدِستادا بِبِنی، 7بعد جِخُو اُچی و اُ شاگردیاش بِگائی که ”آنا از مُردَیّا زندَه آبُدِ و کَبل از شما اُ منطکَهِ جلیل اَچِه و آنکا شَبِنی.“ بِبِنی مُ شما گُتِه!» 8پَ زِنیا وَ تِرس و خارامِنِ گاتی جِخُو از مَکبَرَه دَر اُندِت و شُنخیزکِه تا اِ اتفاکا اُ شاگردِی عیسی خبر هاتِت. 9یَکدَفَه عیسی خاد آنایا روبَرو بو و اُشگُت: «سلام!» زِنیا جلو اُندِت و اُ پَئِی عیسی اُفتَدِت و اُ آنا پَرستِش شُکِه. 10مِ موکَوا عیسی شُ آنایا گُت: «مَتِرسی! اُچی و اُ کاکَیّام بِگائی که اُ جلیل اُچِت. آنکا مَبِنِت.»
گزارش نگهبونیا
11موکَه‌ای که زِنیا تِی رَه هادِت، چَنتا از نگهبونیا اُ شهر چِدِت و هَمَهِ اتفاکِی که اُفتَدِستاد، شُن کاهِنِی گَپ معبد گُت. 12بعد از اِکِه کاهِنِی گَپ و شیخیا جمع آبُدِت و اُمرَییَه شُور شُکِه، بُری پول شُن سربازیا دَ، 13و شُن آنایا گُت: «اُ مردم بِگائی که ”شاگردیاش موکَهِ شُو اُندِت و وَختی که اَما خَتِستادِم، جَسد آنا شُدُزی.“ 14و اَگَه اِ خبرا اُ گاش فَرموندار بِرَسِه، اَما خومو راضی شَکنِم و ناهِرِم اَسِی شما مشکلی پیش بیاد.» 15پَ نگهبونیا پولا شُناسِه و کَری که آنایا شُگُتِستاد، اَنجوم شُدَ. اِ کِصَه‌وا تا وَ اِراز بین یهودِنیا هَه.
مأموریت گات
16مِ موکَوا یازدَه شاگرد عیسی اُ جلیل، اُ کاوی که عیسی شُ آنایا گُتِستاد، چِدِت. 17آنایا وَختی اُ عیسی شُدی، اُ آنا پرستش شُکِه. ولی بعضیا شَک شُکِه. 18عیسی اُمَ و شُ آنایا گُت: «هَمَهِ کُدرت تِی آسِمو و لِی زِمی اُ ما دَدَ بُدِ. 19پَ اُچی و اُ هَمَهِ ملتیا شاگرد بِکنی، و اُ آنایا وَ اسم با، پُس و روح کدّوس خدا غُسل تعمید هاتی 20و اُ آنایا تعلیم هاتی تا هَمَهِ فَرمونِی که مُ شما دَدِ، اَنجوم هاتِت. بِبِنی ما همیشَه تا آخر اِ دُنیَه‌وا خاد شما هام!»
ទើបបានជ្រើសរើសហើយ៖
انجیل مَتّی 28: LAB
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
@ 2024 Korpu Company
انجیل مَتّی 28
28
زندَه آبُدَئِه عیسی
1بعد از رازِ شنبه مکدّس یهودِنیا، اوّلین رازِ هفتَه، صبح شَفَک مریمِ مَجْدَلیَّه و آن مریمِ دِگَه چِدِت که مَکبَرَه‌وا بِبِنِت. 2یَکدَفَه زلزلَه گاتی اُمَ، اَسِی که یَک فرشتَه خداوند از آسِمو زیر اُمَ و مِ سنگ گاتا از جلووِ مَکبَرَه شُ لَرد زاد و لِی آنا شَست. 3شَکل مِ فرشتَه‌وا چُنِ بَرک آسِمو بَلَلَک شَکِه و جُمَش چُنِ برف، سَفید هاد. 4وَختی نگهبونیا اُ آنا شُدی از تِرس لَرزَه شُن جو اُفتَه و چُنِ مُردَیّا بُدِت! 5ولی مِ فرشتَه‌وا شُ زِنیا گُت: «مَتِرسی! اَسِی که اَدانام که اَزدُمِ عیسایی هی که شُن صلیب کِه. 6آنا اِکا نی، اَسِی که هَموناکِه اُشگُت، زندَه آبُدِ! بِلگی و جَی که جَسدُش شُنَدِستادا بِبِنی، 7بعد جِخُو اُچی و اُ شاگردیاش بِگائی که ”آنا از مُردَیّا زندَه آبُدِ و کَبل از شما اُ منطکَهِ جلیل اَچِه و آنکا شَبِنی.“ بِبِنی مُ شما گُتِه!» 8پَ زِنیا وَ تِرس و خارامِنِ گاتی جِخُو از مَکبَرَه دَر اُندِت و شُنخیزکِه تا اِ اتفاکا اُ شاگردِی عیسی خبر هاتِت. 9یَکدَفَه عیسی خاد آنایا روبَرو بو و اُشگُت: «سلام!» زِنیا جلو اُندِت و اُ پَئِی عیسی اُفتَدِت و اُ آنا پَرستِش شُکِه. 10مِ موکَوا عیسی شُ آنایا گُت: «مَتِرسی! اُچی و اُ کاکَیّام بِگائی که اُ جلیل اُچِت. آنکا مَبِنِت.»
گزارش نگهبونیا
11موکَه‌ای که زِنیا تِی رَه هادِت، چَنتا از نگهبونیا اُ شهر چِدِت و هَمَهِ اتفاکِی که اُفتَدِستاد، شُن کاهِنِی گَپ معبد گُت. 12بعد از اِکِه کاهِنِی گَپ و شیخیا جمع آبُدِت و اُمرَییَه شُور شُکِه، بُری پول شُن سربازیا دَ، 13و شُن آنایا گُت: «اُ مردم بِگائی که ”شاگردیاش موکَهِ شُو اُندِت و وَختی که اَما خَتِستادِم، جَسد آنا شُدُزی.“ 14و اَگَه اِ خبرا اُ گاش فَرموندار بِرَسِه، اَما خومو راضی شَکنِم و ناهِرِم اَسِی شما مشکلی پیش بیاد.» 15پَ نگهبونیا پولا شُناسِه و کَری که آنایا شُگُتِستاد، اَنجوم شُدَ. اِ کِصَه‌وا تا وَ اِراز بین یهودِنیا هَه.
مأموریت گات
16مِ موکَوا یازدَه شاگرد عیسی اُ جلیل، اُ کاوی که عیسی شُ آنایا گُتِستاد، چِدِت. 17آنایا وَختی اُ عیسی شُدی، اُ آنا پرستش شُکِه. ولی بعضیا شَک شُکِه. 18عیسی اُمَ و شُ آنایا گُت: «هَمَهِ کُدرت تِی آسِمو و لِی زِمی اُ ما دَدَ بُدِ. 19پَ اُچی و اُ هَمَهِ ملتیا شاگرد بِکنی، و اُ آنایا وَ اسم با، پُس و روح کدّوس خدا غُسل تعمید هاتی 20و اُ آنایا تعلیم هاتی تا هَمَهِ فَرمونِی که مُ شما دَدِ، اَنجوم هاتِت. بِبِنی ما همیشَه تا آخر اِ دُنیَه‌وا خاد شما هام!»
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
@ 2024 Korpu Company