رسولؤن اعمال 27
27
پولس روم شنه
1وقتی تصمیم بیتیم که دریا جی ایتالیا بشیم، پولُس و بعضی زندانی أنِ دیگه، یکته افسرِ به ایسم یولیوس، تحویل بَدئن. یولیوس امپراطور روم گردان اجی بو 2پس یکته کشتی که اَدرامیتینی و آسیا ولایت بندرؤن شوئدبو، سوار بویم و راه دکتیم. آریستارخوس مقدونی أم که تِسالونیکی شی بو اَمه أمره ایسا بو.
3فردایی صیدون شهر برسیم، یولیوس پولُس لطف بُوده، اجازه بده خو ریفقؤن ورجه بشی تا اونه احتیاجونِ فراهم بکونن. 4یه بار دء از اوره راهی دریا بوبوئیم، ولی اینه واسه که باد مخالف أمهَ دبو پس مجبور بوبوئیم قبرس او طرف که باد نماء بشیم. 5بعدِ اونکه کیلیکیه و پامفیلیه بندرؤنای بوگذشتیم، میرا بندر، که لیکیه دیرون هنه بو پیاده بوبویم. 6اوره رومی افسر یکته کشتی پیدا گوده که اسکندریه جی ایتالیا شوئدبو، و أمره اونه میئن سوار گوده. 7چند روز یواشَی پیش بوشویم و سختی أمره کْنیدوس ساحل برسیم. چون باد مخالف أمه دبو، مجبور بوبوئیم امی مسیر عوضَ کوئنیم و کرتِ جزیره او طرف ا جی که باد نماء حرکت بوئدیم وتا سالمونی شهر پیش بوشویم. 8سختی أمره ساحل کنارای بوگذشتیم و یکته جا برسیم که ’قشنگ بندرون‘ دخوندن که لاسائیه شهرِ نزدیکی بو.
9از اوره که خیلی وقت تلف بوبو بو و حتّی او روزونی که روزه گیتن هم بوگذشته بو، و الون ای وقت سالم دریا میئن سفر گودَن خطرناک بو هینه وَسه، پولُس اوشونه هشدار بده و بوته: 10«آقایؤن، تینم بینم که یکته سفر پر خطر دئنیم و ضرر زیاد نه فقط کشتی و اونه بار به، بلکه اَمه جؤنِ به هم بوجود هنه.» 11امّا رومی افسر، ناخدا گبؤن و صاحب کشتی گبؤن بیشتر توجه داشت تا پولُسِ گبؤن. 12چون او بندر مناسب نبو که زمستؤن میئن بیسَن، اینه وسه بیشتریون تصمیم ایی بوبؤ که سفرِ دومباله بدیم، ایی امید أمره که بندر فینیکس برسیم و زمستؤنِ به اوره بوگذرؤنیم. ای بندر، کِرِت میئن هنه بو و رو به شمال غربی و جنوب غربی بو.
دریا کولاک
13وقتی که جنوب باد یواش یواش ویرسه، اوشون خیال بودن که خوشون مقصد برسن؛ پس لنگرِ هکشئن و کِرِت ساحلِ کنارای جلو بوشؤئن. 14امّا خیلی نوگذشته که باد خیلی شدیدی که به باد شمال شرق معروف بو، خشکی طرف اجی اَمه طرف بومَه. 15کشتی توفانِ گرفتارِ بؤ و منیس خلاف مسیر باد پیش بشی؛ هینه وسه، خودمؤنِ به باد بسپُوردیم و اونه أمره حرکت بودیم. 16یکته کوشتای جزیره پشت که کُودا اسم داشت پناه بیتیم و زحمت أمره بتونسیم، قایق نجات سر که عقب کشتی هنه بو، بیسیم. 17وختی ملوؤنؤن قایق نجات کشتی عرشه سر بأردَن، خوشؤنِ کشتی دوروبرِ محکم لافندون أمره دوسّن تا ویلا نبوئن، و از ترس اونکه نبی کشتی سیرتیس فورش میئن گِل سر بنیشی، لنگرِ جیر بئردن و کشتی باد مسیر میئن ویلا گودن. 18چون کولاک اَمره بدجور ضربه زی، فردأیی اوشون مجبور بوبوئن کشتی بار دریا میئن فوکونن. 19سوّمی روز، خوشؤن دست أمره کشتی اساس دریا میئن فودن. 20روزؤن هیطوری گوذشت و أمه آفتاؤ و ستارگؤن رنگ ندیئم و کولاکم نِیسای، جوری که همته، ده هیچ امید نجاتِ به نداشتیم.
21از اوره که خیلی زمت بو که غذا نخورده بوئن، پولُس ایشؤنِ میئن بِیسه و بوته: «آقایؤن، شمه بأیستی می گبؤن گوش بُوده بین و کْرِتَ جی نومابین تا او هَمه زیان و ضرر نینید. 22الؤنم شمرای تشویق کوئنم که شیمه دیل قرص ببی، چونکه هی کس جون آسیب نرسنه؛ فقط کشتی از بین شنه. 23چون هی دیشؤ یکته از خدا فرشته، اوخدایی که اونه شی ایسم و اونه خدمت کائدرم، می ورجه بِیسه 24و بوته: ”پولُس، واهیمه ندار. تو باء محاکمه بِه، امپراطور ورجه حاضیرَ بی، و حتم بدار، خدا تی تموم همسفرؤنِ جؤنِ تَه ببخشه.“ 25پس ای مرداکون، شمه دل قرص ببی، چون خدا ایمؤن دئنم که هوطو که مه بوته، بنه. 26ولی اَمه کشتی باء یکته جزیره میئن به گِل بَنیشی.»
27چهاردهمی شؤ، حلِه باد اَمره دریای آدریاتیک دیرون، ایی طرف اوطرف بورد، حدود نیصفِ شؤ، ملوؤنؤن احساس بودن که خشکیِ نزدیکَ بوئدرن. 28پس آؤ قد بیتن و بفهمسن که چهل متره، اَنی ده هنده قد بیتن، بدِئن که سی متر ایسه. 29و چون ترسئن که صخره أنِ برخورد بکونیم، کشتی عقبای چهار ته لنگر تؤئدَن، و دعا گودن که هر چی زودتر روزَ بی. 30ملوؤنؤن خواستن کشتی جی فرار بکوئنن، قایق نجات دریا تؤئدَن، به ایی بهونه که خوائنن چند ته لنگر از کشتی جلو دریا میئن تؤئدَن 31پولُس افسر و سربازؤنِ بوته:«اگه ایی مَردکؤن کشتی میئن نِیسن، منین نجات پیدا کونین.» 32بزین سربازؤن لافندونی که قایق نجات داشتنِ ببِئن و قایق ویلَه گودَن.
33اَنی پیشتر از اونکه آفتاؤ جور بای، پولُس همته تشویق بوئده که یچی بوخورن. بوته:«امروز چهارده روز ایسه که انتظار کشِئدرین و هیچی نوخوردین، بی غذا بومُنسین. 34پس خواهش کوئنم غذا بوخورین، چون که شمهَ قوت هدئنه. چونکه یکته مو هی کس سرای کمَ نبنه.» 35وختی پولُس ای چیزون بوته، نون ویته و همه کس جلو خدا شُکر بوده و نون پاره بوده، شروع بوده خوردن. 36بزون همه کس دیل گرمَ بؤ و غذا بوخوردن. 37سرجمع کشتی میئن دویست و هفتاد و شیش نفر بیم. 38وختی سیرَ بوئن، بقیه غله دریا میئن فودن و کشتی سبکَ گودَن.
39وختی که روزَ بو، خُشکیِ نشنأختن، امّا یکته کوشتای خلیج که اونه ساحل فورش أمره پورا گوده بوئن بدِئن. پس تصمیم بیتن که اگه بتونن کشتیِ اوره گِل سر بنیشونَن. 40لنگرؤنِ لافندِ ببِئن و اوشونه دریا میئن ویلَه گودَن و لافندونی که سُکّانِ داشت، اوشؤنم باز گودن. بازین، کشتی جلو بادبؤنِ، بادِ سو جؤر هکشئن و ساحل سو بوشئن. 41امّا کشتی آؤ جی یکته از کولؤنِ بوخورده و گل سر بنیشته. کشتی جلو ثابت و بی حرکت بومؤنسه، امّا اونه عقب کولون ضربه أن وسه بشکسه.
42سربازؤن تصمیم بیتن که زندانی أنِ بکوشن تا نوگزارَن کسی شنا بکونی و فرار بکونی. 43امّا رومی افسر که خوأس پولُسِ جؤن نجات بدای، اوشونِ جلوء ایی کارَ جی بیته، و دستور بده اوّل اوشونی که تینن شنا بکونن، خوشونِ دریا میئن تؤدئن، خُشکیِ برسونِن. 44بقیه أنم بأء الوارؤنِ رو یا کشتی چوبِ تیکه أن سر، خوشؤنِ خشکیِ برسوئنن. ایطوری همته سالم خُشکیِ برسِئن.
ទើបបានជ្រើសរើសហើយ៖
رسولؤن اعمال 27: EGB
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
@ 2024 Korpu Company
