رسولؤن اعمال 19

پولُس اَفِسُس دیرون

1وختی که آپولُس قُرنتُس شهر دیرون ایسا بو، پولُس او ولایت راه اجی که خشکی بو ردّ بو، افِسُس شهر برسه. اوره چند ته شاگرد بیأته 2پولس ایشؤنَ جی بپورسه:«وختی که ایمؤن بأردین، روح القدس بیتین؟»

اوشون بوتن:« نه، امه حتی نشتؤسیم که روح القدس هم وجود دئنه.»

3پولس ایشؤنِ بوته: «پس، چی طو غسل تعمید بیتین؟»

اوشون بوتن: «یحیی تعمیده.»

4پولُس بوته: «یحیی تعمید، توبه تعمید بو. او قومِ گوت، اونیِ که بعدِ او هنه ایمؤن بأرَن، یعنی عیسی.» 5اوشون وقتی اینه بشتؤسَن، به ایسم عیسی خداوند غسل تعمید بیتَن. 6وختی که پولُس اوشونه سر دست بنه، روح القدس ایشؤنه سر قرار بیته، اوشون دیگر زبونون أمره گب زئن و نبوت گودن. 7او مردکؤن، حدود دوازده نفر بوئن.

8بازین پولُس یهودیونه عبادتگاه بوشو، اوره سه ماه جرأت أمره گب زئ و دلیل آبرد و خدا پادشاهی باره، اوشون قانع اگود. 9ولی بعضی أن، زیر بار نوشون و ایمؤن نأردن و همکس چشم جلو، ’اهل طریقت‘ یعنی ایمون دارون بد گوتن. پولُس اوشونِ ندئه بو گیت و شاگردؤنِ خوش أمره ویت، همته روز تیرانوس مدرسه دیرون گب زی و دلیل أبرد. 10دو سال ایطوری بوگذشته و ایی مدت میئن، تمام آسیا ولایت مردمون چی یهودی و چی یونانی، خداوندِ کلام بشتؤسَن.

اسکیوا پسرون

11خدا پولُس دست أمره عجایب غرایب معجزه أن آشکار گود، 12جوری که مردم دستمال و پیشبندؤنی که اونه تنِ برخورد، ناخوشونِ بِه بوردَن، و اوشونه ناخوشی خوبَ بو دبو و پلید ارواح ایشؤنای بیرون شو.

13پس چند ته دورَه گرد جن گیر که یهودی بوئن، حق سعی بودن عیسای خداوند ایسم کسونی بِه که پلید ارواح دأشتَن، بخونن. اوشؤن گوتن:«به او عیسایی که پولُس اونای موعظه کوئنه شمره قسم دِئنیم!» 14اوشونی کی ایطو گودَن، اِسکیوا هفتِ ریکه بوئن که یکته از پیله کاهنون یهود بو. 15ولی پلید روح اوشؤن جواب بدَه بو: «عیسی شناسم، پولُسم شناسم، ولی شمه کی ایسّین؟» 16او مردکای که پلید روح داشت اوشونِ سر واز بوده، اوشونه همته حریفَ بو. او طوری اوشونه بزه که لُخت و زخمی او خونه جی فرار بودن.

17اَفِسُس مردمون همته، چی یهودی و چی یونانی، ایی اتفاقَ جی واخوبَ بوُئن، همته بترسِئن، طوری که بعد اون عیسی خداوند ایسمِ خیلی احترؤم نائن. 18و خیلی کسؤن که ایمؤن بارده بونم، جلو بومَئن، و همه کس چشم جلو خوشونِ کارؤنِ اعتراف بودَن. 19خیلی أنم که پیشتر جادوگری گودَن، خوشؤنِ کیتابؤنِ بأردَن و همه کس جلو بسوجوئنِن. وختی او کیتابؤن قیمت حساب بودَن، پنجاه هزار نقره سکه بو. 20ایطوری بوبو که خداوندِ کلام پخشَ بو و قوّت گیت.

21بعد ایی اتفاقون، پولُس، خدا روح أمره هدایت بوبو که مقدونیه و اَخائیه راهَ جی، اورشلیم وگرده. پولس بوته: «بعد از اینکه اوره بوشوئم، بأیستی روم شهر بینَم.» 22بازین دو ته خوشه همکارون، تیموتائوس و اِراستوس مقدونیه سرا دا و خودش یه مدت آسیا میئن بِیسه.

بلوا افِسُس دیرون

23هی میئنه، ضد اهل ’طریقت‘ یعنی ایمون دارون، یکته پیله بلوا برپا بوبؤ. 24یکته نقره کار که اینه ایسم دیمیتریوس بو، نقره ای چیزونِ آرتمیسِ معبد به چاگود و ایی راهَ جی صنعتگرونِ به خیلی درآمد کسب بُوده بو. 25دیمیتریوس صنعتکارؤن و ای جور کارونه صاحبؤنِ جومَه گوده و اوشونه بوته: «ای آقاأن، دؤنین که امی درآمد ای راه اجی ایسه . 26امّا هیطوکه اینین و ایشتؤنین، ایی پولُس نه فقط افسُس شهر دیرون بلکه تقریباً سرتاسر آسیا میئن، خیلی از مردمونه قانع و گمراه بُوده. او گونه خداأنی که آدم دست أمره چاگوده بوبؤ، خداأن نین. 27و ایی خطر هنه که نه فقط اَمه کاسبی رونق جی دَکای، بلکه اَمه معبد پیله الهه آرتمیسم هیچ ببی و حتی خو عظمت از دست بدی. الهه ای که سرتاسر آسیا و دنیا میئن پرستش کوئنن.»

28وختی اوشون اینه بیشتوسَن، خیلی عصبؤنی بوبوئن، داد بزئن که«پیله ایسه افسُسیان آرتمیس!» 29تموم شهر دیرون بلوا بوبؤ! مردم همدیگر أمره همدست بوبوئن و میدون مسابقه سو حمله بودَن. اوشن، گایوس و آریستاخوس که مقدونیه شی بوئن و پولُس همراهی گودَن، هکش هکش خوشؤنِ أمره ببوردَن. 30پولُس خوأس جماعت دیرون بشی، امّا شاگردؤن نوگذاشتن. 31حتی بعضی از آسیا ولایت حاکمون که پولُس ریفق بوئن، اونه بِه پیغؤم سرا دئن، خوأهش بودن که خو پا میدؤنِ مسابقه میئن ننای.

32جماعت دیرون غوغا بوبو و مردم گیجا بوئن. همه داد زئن و هر کس یه چی گوت و بیشتر مردم نودؤنسَن چی بِه جومَه بوئن. 33بعضیون، گمان گودن که اسکندر مسئول ایسه چونکه یهودیان اسکندر پیش تؤوده بون، و بعضی أن جماعت میئنَ جی اونه دستورؤنی دئن. اسکندر خوش دست توکون بده، مردم جی بخواسّه ساکت بوئن و حقسعی بُوده تا خوشه جی دفاع بکونی. 34ولی وختی مردم بفهمسن که یهودی ایسّه، همته یکصدا، حدود دو ساعت فریاد زئن:«پیله ایسه افسُسیان آرتمیس»

35داروغه شهر مردم آرؤم گوده و بوته:«ای افِسُس مردَکؤن، کیسه که نودؤنی افِسُس شهر، پیله آرتمیسِ معبد نگهبؤنه؟ کیسه که ندوئنه افسس شهر، مقدس سنگ نگهبون ایسه که آسمون جی جیر بکته؟ 36پس وختی که نبنه ایی چیزون حاشا گودن، بأیستی آرؤم ببین و تاتادی کار نکونین. 37چونکه شمه ای مردَکؤنِ که اِره بأردین، نه اَمه معبد بی حرمتی بودَن و نه اَمه الهه کفر بوتَن. 38پس اگه دیمیتریوس و صنعتگرونی که اونه همکارن، از کسی شکایت دئنَن، محکمه أنِ در بازِ و فرماندارونم حاضرن. تینن خوشؤنِ شکایتِ اوره ببورن. 39ولی اگه شکایت دیگه ایی دئنین، بأیستی اونه شهر انجمن دیرون حل و فصل بکونین. 40چون راس راسه ای خطر دیرون ایسایم که امروز جریونون واسه متهم به شورش ببیم. اگه ایطوری ببی، ای بلوا واسه منیم دلیلی بأریم.» 41وقتی که داروغه این بوته، مردمِ پخش گوده.

ទើបបានជ្រើសរើសហើយ៖

رسولؤن اعمال 19: EGB

គំនូសចំណាំ

ចែករំលែក

ចម្លង