رسولؤن اعمال 18
18
پولُس قُرِنْتُس میئن
1بعد ای، پولُس آتنَ ترک بوئده و قُرِنْتُس شهر بشو. 2اوره یکته یهودی مرداک امره که آكیلا ایسم داشت،و پونتوس منطقه شی بو آشنا بوبؤ. آکیلا خوشه زناک پْریسكیلا أمره تازه ایتالیا جی بمأبو، چون که كلودیوس امپراطور دستور بده بو که یهودی أن همته روم جی بوشوئن. پولُس اوشون دِئنه به بوشو، 3و اینه واسه که اونم ایشون مورسون سابقه خیمه دوزی داشت، اوشونه ورجه بِیسه و مشغول به كار بوبؤ. 4پولس هرته مقدس شنبه عبادتگاه دیرون یهودی أن و یونانی أن أمره بحث گود و حقسعی گود تا اوشونِ قانع بکونی.
5وقتی سیلاس و تیموتائوس مقدونیه جی بومئن، پولُس خوش تمام وقتِ خدا كلام به بنه بو ، یهودی أنِ گواهی دائ که مسیح موعود هو عیسی ایسه. 6اما وختی یهودیون، پولس أمره مخالفت بودن و عیسی فحش بدئن، پولس او شهر گرد و خاکه ضد اوشون خوش رخته جی فلاکنه و اوشونه بوته: «شیمه خون شیمه گردنه! مو تقصیرکار نیم! بزین، غیریهودی أن ورجه شنَم.»
7بازین عبادتگاهَ جی بیرون بوما و تیتوس یوستوس خانه بوشو که یکته خداپرست مرداک بو و عبادتگاه كنار خونه داشت. 8كْریسپوس، عبادتگاه رئیس، تمام خوشه خونه آدمؤن أمره خداوندِ ایمؤن بأردن. هیطورم خیلی از قُرِنْتُس آدمون وختی ای پیغؤم بشتؤسَن، ایمؤن بأردن و غسل تعمید هیتن.
9یکته شؤ خداوند رویا دیرون پولُس بوته: «واهیمه ندار! گب بزن و ساكت نَیس! 10چونکه مو تی أمره ایسّم و هیچ كس تی طرف حمله نوکوئنه تا تَه آسیب برسؤنی، چون مو ایی شهر میئن خیلی آدم دئنم.» 11پس پولُس یك سال و نیم اوره بِیسه و خدا كلام اوشونه تعلیم دء.
12اما وقتی که گالیو، اَخائیه ولایت فرماندار بو، یهودی أن همدست بوبوئن، پولُس سر دکالسَن و اونه محکمه بئردن 13اوشون بوتَن: «ایی آدم مردم قانع کوئنه که خدا، خلاف شریعت پرستش بکونَن.» 14بزین وقتی پولُس خوأس گب بزنی، گالیو یهودی أنِ بوته: « ای یهودیون اگر جرم و جنایتی در كار ببی، دلیلی دأنم شیمه شكایت بشتوئَم. 15ولی چونکه، ای مسئله، كلمه‌أن و ایسمؤن و شمه شریعتشی ایسه، پس خودتون اونه حل وفصل بکونین. نخوانَم ایجور چیزون باره داوری بكونم.» 16پس اوشونِ محکمه ا جی بیرونَ گوده. 17اوشؤنم همه سوستِنیس سر که عبادتگاه رئیس بو حمله بودن و اونه محکمه جلو بزِئن. اما گالیو خوشه به ننَه.
پولُس اَنطاكیه وگردنه
18پولُس بعدِ اینکه خیلی قُرِنْتُس میئن بیسَه، برأرؤن أمره خداحافظی بوده و دریا جی سوریه سو بشو. ایی سفر میئن، پْریسكیلا و آكیلام اونه أمره بوئن.پولس كِنخْریه دیرون خوشه سر بتأشته، چون ایطوری نذر بودِه بو. 19وختی اَفِسُس شهر برسه، پولس خو همسفرؤنِ جی جدا بوبو و خودوش عبادتگاه بوشو بینا بوده یهودی أن أمره گب زئن. 20هو موقع که اوشون پولُس جی بخواسّن انی بیشتر ایشؤنه أمره بَیسی، پولس قبول نؤده. 21ولی وقتی ایشون أمره خدافظی کادبو بوته: «اگه خدا بخوای هنده شیمه ورجه وگردنم.» بازین کشتیِ سوارَ بو و افسوسَ جی بوشؤ. 22هو وقت که قیصریه دیرون کشتی جی پیاده بوبو بشو کلیسا آدمون بینه و بزون انطاکیه سو راه دکته. 23أنی اوره بیسَه و هنده راهی سفر بوبو و سرتاسر غلاطیه و فریجیه منطقه أن گرس و همه شاگردونِ ایمون میئن تقویت گود.
آپولس افسُس دیرون جرأت أمره گب زی
24هو روزون یکته یهودی، که آپولس ایسم داشت و اسکندریه شی بو، اَفِسُس شهر بومه. او گب زیئن میئن اوستاد بو و مقدس بنویشته أن جی خیلی خوب دوئنست؛ 25خداوندِ راه میئن تعلیم هیته بو و شورو شوق أمره گب زی و عیسی باره درست تعلیم داء، هرچند که فقط یحیی تعمیدَ جی خبر داشت. 26آپولُس جرعت أمره یهود عبادتگاه میئن گب زئنِ شروع بوده. ولی وختی پْریسکیلا و آکیلا، آپولُس گبونِ بشتوسن اونه یکته گوشه ببردن و خدا راهِ درست تر اونه باموتَن.
27وقتی آپولس تصمیم بیته بشی اَخائیه، برارون اونه تشویق بودَن و شاگردونِ به بنویشتن تا اونه بقایده پذیرایی بکونن. وختی آپولس اخائیه برسه، اوشونیِ که بواسطه فیض ایمون بارده بوئن، خیلی کمک بوده. 28چون همه کس چشم جلو، یهودی أنِ أمره گب زی و اوشونِ عقایدِ قوت أمره رد گود و مقدس بنویشته أن أمره ثابت گود که مسیح موعود هو عیسی ایسّه.
ទើបបានជ្រើសរើសហើយ៖
رسولؤن اعمال 18: EGB
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
@ 2024 Korpu Company
رسولؤن اعمال 18
18
پولُس قُرِنْتُس میئن
1بعد ای، پولُس آتنَ ترک بوئده و قُرِنْتُس شهر بشو. 2اوره یکته یهودی مرداک امره که آكیلا ایسم داشت،و پونتوس منطقه شی بو آشنا بوبؤ. آکیلا خوشه زناک پْریسكیلا أمره تازه ایتالیا جی بمأبو، چون که كلودیوس امپراطور دستور بده بو که یهودی أن همته روم جی بوشوئن. پولُس اوشون دِئنه به بوشو، 3و اینه واسه که اونم ایشون مورسون سابقه خیمه دوزی داشت، اوشونه ورجه بِیسه و مشغول به كار بوبؤ. 4پولس هرته مقدس شنبه عبادتگاه دیرون یهودی أن و یونانی أن أمره بحث گود و حقسعی گود تا اوشونِ قانع بکونی.
5وقتی سیلاس و تیموتائوس مقدونیه جی بومئن، پولُس خوش تمام وقتِ خدا كلام به بنه بو ، یهودی أنِ گواهی دائ که مسیح موعود هو عیسی ایسه. 6اما وختی یهودیون، پولس أمره مخالفت بودن و عیسی فحش بدئن، پولس او شهر گرد و خاکه ضد اوشون خوش رخته جی فلاکنه و اوشونه بوته: «شیمه خون شیمه گردنه! مو تقصیرکار نیم! بزین، غیریهودی أن ورجه شنَم.»
7بازین عبادتگاهَ جی بیرون بوما و تیتوس یوستوس خانه بوشو که یکته خداپرست مرداک بو و عبادتگاه كنار خونه داشت. 8كْریسپوس، عبادتگاه رئیس، تمام خوشه خونه آدمؤن أمره خداوندِ ایمؤن بأردن. هیطورم خیلی از قُرِنْتُس آدمون وختی ای پیغؤم بشتؤسَن، ایمؤن بأردن و غسل تعمید هیتن.
9یکته شؤ خداوند رویا دیرون پولُس بوته: «واهیمه ندار! گب بزن و ساكت نَیس! 10چونکه مو تی أمره ایسّم و هیچ كس تی طرف حمله نوکوئنه تا تَه آسیب برسؤنی، چون مو ایی شهر میئن خیلی آدم دئنم.» 11پس پولُس یك سال و نیم اوره بِیسه و خدا كلام اوشونه تعلیم دء.
12اما وقتی که گالیو، اَخائیه ولایت فرماندار بو، یهودی أن همدست بوبوئن، پولُس سر دکالسَن و اونه محکمه بئردن 13اوشون بوتَن: «ایی آدم مردم قانع کوئنه که خدا، خلاف شریعت پرستش بکونَن.» 14بزین وقتی پولُس خوأس گب بزنی، گالیو یهودی أنِ بوته: « ای یهودیون اگر جرم و جنایتی در كار ببی، دلیلی دأنم شیمه شكایت بشتوئَم. 15ولی چونکه، ای مسئله، كلمه‌أن و ایسمؤن و شمه شریعتشی ایسه، پس خودتون اونه حل وفصل بکونین. نخوانَم ایجور چیزون باره داوری بكونم.» 16پس اوشونِ محکمه ا جی بیرونَ گوده. 17اوشؤنم همه سوستِنیس سر که عبادتگاه رئیس بو حمله بودن و اونه محکمه جلو بزِئن. اما گالیو خوشه به ننَه.
پولُس اَنطاكیه وگردنه
18پولُس بعدِ اینکه خیلی قُرِنْتُس میئن بیسَه، برأرؤن أمره خداحافظی بوده و دریا جی سوریه سو بشو. ایی سفر میئن، پْریسكیلا و آكیلام اونه أمره بوئن.پولس كِنخْریه دیرون خوشه سر بتأشته، چون ایطوری نذر بودِه بو. 19وختی اَفِسُس شهر برسه، پولس خو همسفرؤنِ جی جدا بوبو و خودوش عبادتگاه بوشو بینا بوده یهودی أن أمره گب زئن. 20هو موقع که اوشون پولُس جی بخواسّن انی بیشتر ایشؤنه أمره بَیسی، پولس قبول نؤده. 21ولی وقتی ایشون أمره خدافظی کادبو بوته: «اگه خدا بخوای هنده شیمه ورجه وگردنم.» بازین کشتیِ سوارَ بو و افسوسَ جی بوشؤ. 22هو وقت که قیصریه دیرون کشتی جی پیاده بوبو بشو کلیسا آدمون بینه و بزون انطاکیه سو راه دکته. 23أنی اوره بیسَه و هنده راهی سفر بوبو و سرتاسر غلاطیه و فریجیه منطقه أن گرس و همه شاگردونِ ایمون میئن تقویت گود.
آپولس افسُس دیرون جرأت أمره گب زی
24هو روزون یکته یهودی، که آپولس ایسم داشت و اسکندریه شی بو، اَفِسُس شهر بومه. او گب زیئن میئن اوستاد بو و مقدس بنویشته أن جی خیلی خوب دوئنست؛ 25خداوندِ راه میئن تعلیم هیته بو و شورو شوق أمره گب زی و عیسی باره درست تعلیم داء، هرچند که فقط یحیی تعمیدَ جی خبر داشت. 26آپولُس جرعت أمره یهود عبادتگاه میئن گب زئنِ شروع بوده. ولی وختی پْریسکیلا و آکیلا، آپولُس گبونِ بشتوسن اونه یکته گوشه ببردن و خدا راهِ درست تر اونه باموتَن.
27وقتی آپولس تصمیم بیته بشی اَخائیه، برارون اونه تشویق بودَن و شاگردونِ به بنویشتن تا اونه بقایده پذیرایی بکونن. وختی آپولس اخائیه برسه، اوشونیِ که بواسطه فیض ایمون بارده بوئن، خیلی کمک بوده. 28چون همه کس چشم جلو، یهودی أنِ أمره گب زی و اوشونِ عقایدِ قوت أمره رد گود و مقدس بنویشته أن أمره ثابت گود که مسیح موعود هو عیسی ایسّه.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
@ 2024 Korpu Company