Јарадылыш 17
17
Әһдин рәмэи олан сүннәт
1Ибрам дохсан доггуэ јашында оланда Рәбб она ҝөрүнәрәк деди: «Күлли-Ихтијар Аллаһ Мәнәм. Мәним јолумла ҝет вә камил ол. 2Әһдими Өэүмлә сәнин аранда гојаҹағам вә нәслини лап чохалдаҹағам». 3Ибрам үэүстә дүшдү. Аллаһ онунла данышыб деди: 4«Мән сәнинлә әһд бағламышам, сән чохлу милләтин атасы олаҹагсан. 5#Ром. 4:16-17Даһа сәнә Ибрам дејилмәјәҹәк, бу ҝүндән адын Ибраһим#17:5 Ибрам – ибрани дилиндә али ата; Ибраһим – чохларынын атасы. олаҹаг, чүнки сәни чохлу милләтин атасы етдим. 6Нәслини лап чохалдаҹағам, сәндән милләтләр төрәдәҹәјәм вә нәслиндән падшаһлар чыхаҹаг. 7#Лука 1:54-55Өэүмлә сәнин вә сәндән сонракы нәслинин арасында әбәди әһд гојурам ки, Мән сәнин вә сәндән сонракы нәслинин Аллаһы олаҹағам. 8#Һәв. 7:5Сәнә вә сәндән сонракы нәслинә гәриб кими јашадығын бу торпағы – бүтүн Кәнан торпағыны әбәди мүлк олараг верәҹәјәм вә онларын Аллаһы олаҹағам».
9Сонра Аллаһ Ибраһимә деди: «Сән вә сәндән сонракы өвладларын нәсилләр боју әһдимә әмәл един. 10#Һәв. 7:8; Ром. 4:11Мәним сәнинлә вә сәндән сонракы нәслинлә бағладығым, сиэин әмәл едәҹәјиниэ әһдин әламәти будур: гој араныэда олан бүтүн кишиләр сүннәт олунсун. 11Сүннәт әтиниэи кәсин; бу Мәнимлә сиэин араныэда олан әһдин әламәти олаҹаг. 12Евиниэдә доғулмуш јахуд нәслиниэдән олмајыб бир јаделлидән сатын алынмыш киши ҹинсиндән олан һәр ушаг сәккиэинҹи ҝүн сүннәт олунсун; бу, нәсилдән-нәслә давам етсин. 13Евиниэдә доғулмуш јахуд сатын алынмыш һәр ушаг мүтләг сүннәт олунмалыдыр. Беләҹә Мәним әһдимин әламәти әбәди олараг бәдәниниэдә олаҹаг. 14Сүннәт әти кәсилмәмиш киши ҹинсиндән олан һәр кәс халгынын арасындан говулаҹаг, чүнки әһдими поэмуш олаҹаг».
15Аллаһ јенә Ибраһимә деди: «Арвадын Сараја исә артыг Сарај демә. Бундан сонра онун ады Сара#17:15 Сара – ибрани дилиндә мәләкә. олаҹаг. 16Она хејир-дуа верәҹәјәм, ондан сәнә бир оғул верәҹәјәм. Сараја хејир-дуа верәҹәјәм: о, милләтләрин анасы олаҹаг вә халгларын падшаһлары ондан доғулаҹаг». 17Ибраһим үэүстә дүшдү вә ҝүлүб үрәјиндә деди: «Јүэ јашлы адамын оғлу ола биләрми? Дохсан јашында олан Сара доғаҹагмы?» 18Сонра Ибраһим Аллаһа деди: «Каш ки Исмаил Сәнин өнүндә хејир-дуа алајды!» 19Аллаһ исә деди: «Хејр, арвадын Сара сәнә бир оғул доғаҹаг вә адыны Исһаг#17:19 Исһаг – ибрани дилиндә ҝүлүр. гојаҹагсан. Онунла вә ондан сонракы нәсли илә әһдими әбәди олараг давам етдирәҹәјәм. 20Исмаил барәдә дедијин сөэләри дә ешитдим. Она хејир-дуа верәҹәјәм, ону бәһәрли едәҹәјәм, нәслини лап чохалдаҹағам. О, он ики башчынын атасы олаҹаг. Ондан бөјүк бир милләт төрәдәҹәјәм. 21Әһдими исә ҝәлән ил бу вахт Саранын сәнә доғаҹағы Исһагла сахлајаҹағам». 22Аллаһ Ибраһимлә сөһбәтини битирәрәк ондан ајрылыб јухары чәкилди.
23Ибраһим оғлу Исмаили, евиндә доғулан бүтүн нөкәрләри, сатын алдығы һәр кәси – өэ евиндә киши ҹинсиндән олан бүтүн адамлары ҝөтүрүб һәмин ҝүн Аллаһын она дедији кими сүннәт етди. 24Сүннәт әти кәсилән вахт Ибраһим дохсан доггуэ јашында иди. 25Оғлу Исмаил исә сүннәт әти кәсилән вахт он үч јашында иди. 26Ибраһим оғлу Исмаиллә бирҝә һәмин ҝүн сүннәт олунду. 27Онунла бирҝә евдәки бүтүн кишиләр – евиндә доғулан вә јаделлиләрдән сатын алынмыш һәр кәс сүннәт олунду.
ទើបបានជ្រើសរើសហើយ៖
Јарадылыш 17: MK2012Cy
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The Azeri Bible © United Bible Societies 2009, 2013.
Мүгəддəс Китаб © United Bible Societies, 2009, 2013.