Јарадылыш 16
16
Һәҹәр вә Исмаил
1Ибрамын арвады Сарајын ушағы олмурду. Онун Һәҹәр адында Мисирли бир гарабашы вар иди. 2Сарај Ибрама деди: «Бах Рәбб мәним бәтними бағлады ки, ушағым олмасын. Гарабашымла јахынлыг ет, гој о мәним үчүн ушаг доғсун». Ибрам Сарајын сөэүнә гулаг асды. 3Ибрамын арвады Сарај гарабашы Мисирли Һәҹәри ҝөтүрүб әри Ибрама арвад олмаг үчүн верди; бу әһвалат Ибрам Кәнан торпағында он ил јашадыгдан сонра баш верди. 4Ибрам Һәҹәрлә јахынлыг етди вә Һәҹәр һамилә олду. Һәҹәр һамилә олдуғуну ҝөрәндә ханымына һәгарәтлә бахмаға башлады. 5Сарај Ибрама деди: «Мәним тәһгир олунмағыма сән сәбәб олдун. Мән гарабашымы сәнин гојнуна вердим, о да һамилә олдуғуну ҝөрәндә мәнә һәгарәтлә бахмаға башлады. Гој сәнинлә мәним арамда Рәбб һөкм етсин». 6Ибрам Сараја деди: «Гарабашыны сәнин ихтијарына верирәм, она нә истәјирсән, елә». Сарај гарабашы илә сәрт рәфтар етмәјә башлады вә гарабашы онун јанындан гачды.
7Рәббин мәләји Шур јолундакы чөлдә олан булағын јанында ону тапды. 8Мәләк ондан сорушду: «Еј Сарајын гарабашы Һәҹәр, һарадан ҝәлиб, һараја ҝедирсән?» Һәҹәр деди: «Мән ханымым Сарајын јанындан гачырам». 9Рәббин мәләји она деди: «Ханымынын јанына гајыт вә она табе ол». 10Рәббин мәләји сөэүнә давам етди: «Сәнин нәслини лап чохалдаҹағам, чохлуғуна ҝөрә сајы-һесабы билинмәјәҹәк». 11Сонра Рәббин мәләји она деди:
«Бах сән һамиләсән,
Бир оғул доғаҹагсан.
Онун адыны Исмаил#16:11 Исмаил – ибрани дилиндә Аллаһ ешидир. гојарсан,
Чүнки Рәбб әэијјәт ичиндә
фәрјадыны ешитди.
12О, инсанлар арасында
Вәһши ешшәк кими олаҹаг:
О һамыја,
Һамы исә она гаршы чыхаҹаг,
Бүтүн гардашлары илә јола ҝетмәјәрәк јашајаҹаг».
13Һәҹәр онунла данышан Рәбби «Сән Ел-Роисән»#16:13 Ел-Рои – ибрани мәтниндә Мәни ҝөрән Аллаһ. адландырды, чүнки о сөјләмишди: «Доғрудан да, бурада мәни ҝөрән Аллаһы ҝөрдүм». 14Буна ҝөрә дә һәмин булаг Беер-Лахај-Рои#16:14 Беер-Лахај-Рои – ибрани дилиндә мәни ҝөрән Вар Оланын булағы. адланыр. О, Гадешлә Бередин арасында јерләшир.
15 #
Гал. 4:22
Һәҹәр Ибрама бир оғул доғду вә Ибрам Һәҹәрдән олан оғлунун адыны Исмаил гојду. 16Һәҹәр она Исмаили доғанда Ибрамын сәксән алты јашы вар иди.
ទើបបានជ្រើសរើសហើយ៖
Јарадылыш 16: MK2012Cy
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The Azeri Bible © United Bible Societies 2009, 2013.
Мүгəддəс Китаб © United Bible Societies, 2009, 2013.