Psalms 87
87
1အရှင်ချထားတော်မူသော အုတ်မြစ်သည် မြင့်မြတ်သော တောင်များပေါ်၌ရှိ၏။ 2ဘုရားရှင်သည် ယာကုပ်အမျိုးနေထိုင်ရာ အရပ်အားလုံးတို့ထက် ဇိအုန်၏ မြို့တံခါးတို့ကို ပို၍ နှစ်သက်တော်မူ၏။ 3အို ဘုရားရှင်၏မြို့တော်၊ သင်နှင့်ပတ်သက်သည့် ဂုဏ်ပြုချီးမွမ်းဖွယ်ရာများကို မြွက်ဆိုလျက်ရှိ၏။ 4“ငါ့ကိုသိသောသူတို့ထဲတွင် ရာဟပ်နှင့်ဘေဘီလုံကို ငါမှတ်သားထားမည်။ ဖိလိတ္တိပြည်၊ တိုင်ရာပြည်နှင့် အီသီယိုးပီးယားပြည်တို့ကိုလည်း ကြည့်ရှုလော့။ ဤသူသည် ထိုအရပ်၌ မွေးဖွား၏” ဟုမိန့်လေ၏။ 5ဇိအုန်မြို့နှင့် ပတ်သက်၍မူကား “ဤသူသည် ဇိအုန်မြို့၌မွေးဖွား၏။ ထိုသူသည် ဇိအုန်မြို့၌ မွေးဖွား၏” ဟုမြွက်ဆိုလိမ့်မည်။ အမြင့်ဆုံးသော အရှင်ကိုယ်တိုင်သည်လည်း ထိုမြို့ကိုတည်မြဲစေတော်မူလိမ့်မည်။ 6ဘုရားရှင်သည် လူမျိုးတို့ကို စာရင်းသွင်းသောအခါ “ဤသူသည် ထိုမြို့၌ မွေးဖွား၏” ဟုရေးမှတ်တော်မူလိမ့်မည်။ 7သီချင်းဆိုသူများနှင့်အတူ ကခုန်သူများကလည်း “ကျွန်ုပ်၏စမ်းရေတွင်ရှိသမျှတို့သည် သင်၌ရှိ၏” ဟုဆိုကြလိမ့်မည်။
ទើបបានជ្រើសរើសហើយ៖
Psalms 87: TPV-RV
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
This translation of the TPV-RV is © 2024 by DMS-Dhamma Mate Swe Association. It may not be reproduced in whole or in part in any form or by any means without the prior written permission of DMS-Dhamma Mate Swe Association.