Psalms 122
122
1"ဘုရားရှင်၏အိမ်တော်သို့ သွားကြပါစို့" ဟု ငါ့ကိုပြောကြသောအခါ ငါသည် ဝမ်းမြောက်၏။ 2အို... ဂျေရုဆလင်မြို့၊ ငါတို့ခြေသည် သင်၏တံခါးတို့အတွင်း၌ ရပ်နေကြ၏။ 3ဂျေရုဆလင်မြို့ကို ကျစ်လျစ်စုစည်းသောမြို့အဖြစ် တည်ဆောက်ထား၏။ 4လူမျိုးစုတည်းဟူသော ထာဝရဘုရား၏ လူမျိုးစုတို့သည် အစ္စရေးအမျိုး၌ထားရှိသော်မူသော သက်သေခံချက်နှင့်အညီ ထာဝရဘုရား၏ နာမတော်ကို ချီးမွမ်းရန် ထိုအရပ်သို့တက်ကြ၏။ 5အကြောင်းမူကား ထိုအရပ်၌ တရားစီရင်ရာပလ္လင်များတည်းဟူသော ဒါဝိဒ်အမျိုးအနွယ်၏ပလ္လင်များရှိ၏။ 6"သင့်ကိုမြတ်နိုးသောသူတို့သည် ကောင်းစားကြပါစေသော။ ငြိမ်းချမ်းသာယာခြင်းရှိပါစေသော်။ 7သင်၏ခံတပ်များအတွင်း၌ လုံခြုံစိတ်ချမှုရှိပါစေသော်" ဟုဂျေရုဆလင်မြို့တို့၏ ငြိမ်းချမ်းသာယာခြင်းအတွက် ဆုတောင်းကြလော့။ 8ငါ၏ညီအကိုများနှင့် ငါ၏မိတ်ဆွေများကို ထောက်ထား၍ "သင်အထဲ၌ ငြိမ်းချမ်းမှုရှိပါစေသော်" ဟုငါဆိုမည်။ 9ငါတို့၏ဘုရားရှင်၏ အိမ်တော်ကိုထောက်ထား၍ သင်၏ကောင်းကျိုးချမ်းသာကို ငါရှာမည်။
ទើបបានជ្រើសរើសហើយ៖
Psalms 122: TPV-RV
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
This translation of the TPV-RV is © 2024 by DMS-Dhamma Mate Swe Association. It may not be reproduced in whole or in part in any form or by any means without the prior written permission of DMS-Dhamma Mate Swe Association.