Akëtë 28
28
‑Saragbili nröröa' Maalëtëa dugba 'lɩ
1A sɔa' 'lɩ 'mlɩ nɩ, 'a ‑plɩɩ a 'nu 'sɩrɩ 'ü 'daraa' ‑plɩɩlɩ Maalëtëa dugba. 2Nyüülü kʋ ɩa' 'ia ‑plɩɩlɩ nɩ#28.2 Nyüülü kʋ ɩa' 'ia ‑plɩɩlɩ nɩ: Grɛɛkëwii 'lɩ 'üü 'ü 'dara «'klʋɛɛa nyüü (barbares)» ‑gögbiiwii 'lɩ, 'asɩ 'ü ma were nyüülü 'nyɩa' grɛɛkënyüü nyra rɔmënyüü bä. 'ü 'kʋɛɛlɩ amɩ 'mʋfasa. 'Ünya ‑srara kapu sɩɔa ‑gʋ, 'be 'nʋŋlʋ da ɩ. 3'Pɔɔlë nya 'bütö ‑gbalë jie 'ɔnya 'pie kapu 'klɩ. Kapua ‑gʋ 'mëmlɛ nya 'cie, 'ɛnya ‑fifra 'ɔa 'darʋ 'ɛnya mlu 'ɔɔn. 4Nyüülü 'järäa' 'ɔa 'darʋ ‑gba trɔɔ nɩ, 'ü ‑nëma: «Nyɔɔlɔ kʋa' ‑pɩ nya nyüüblaanyɔɔ bäa; 'ɔ 'a 'tanie mlɩ sɔ ‑maa ‑Gätʋnyɔsʋa#28.4 ‑Gätʋnyɔsʋa: 'Üa ‑wäsɛlɛ bäa' 'üa nyɔsʋa 'ü 'daraa' 'Cɩcasa, 'ɛɛ 'ü 'daa. 'Be 'ü nɩnɩa 'ɛnyɩ 'lɩ ‑a bɩa ɛ 'cɛrɛ ‑balʋnyɔɔ ‑wälɩ. ‑nëmä 'ɔɔn ‑wälɩ ‑a 'cɛrɛ.» 5'Pɔɔlë nya 'fɩ 'ɔa 'darʋ kapu 'klɩ, 'unya blö 'lɩ, dɛɛ 'nyɩ 'ɔɔn nʋ ‑a nʋ. 6Nyüüa plɛɛ 'ɔnya ɩ ‑fʋflʋ 'lɩ 'jraa, 'aiɛ 'ɔnya ɩ blöa 'kä 'ɔnya jä. ‑Maa 'ü tɛa' 'ɔɔn 'klɩ tɛ tɛ, ‑bɛ dɛɛ 'nyɩ nʋa' 'ɔɔn nɩ, 'ünya 'cici 'üa bobowli 'ü ‑nëma: «Nyɔsʋa kʋ ‑pɩ!»
7‑Tʋtʋpɛ 'dee bä ɩ ‑plɩɩlɩa 'mlɩ, dugba 'lɩa 'cifilɔ 'ü 'daraa' Publiusë 'ɔɔ kä 'lɩ. 'Ɔ 'kʋɛɛlɩ amɩ 'mʋfasa. 'Ɔ 'kpla amɩ ‑wlajüsa jrüü tääa 'mlɩ. 8Publiusëa tʋ 'pi ‑tʋtʋ 'wʋ, ‑tumlɩ nyra 'fʋgbalʋ 'kpla 'ɔɔn. 'Pɔɔlë nya pa 'ɔɔn dɛrɩ 'ɔnya 'pie 'ɔɔn 'dari ‑gälɩ, 'ɔnya bibie Nyɔsʋa, nyɔɔlɔ nya 'pʋ. 9'I ‑sia' nɩ, nyüü ‑mülü bä ɩa' dugbaläa 'mlɩ ‑bɛ ‑wusu 'blaa ɩa' nɩ, 'ünya jö jö 'ünya 'pʋ. 10'Ünya nʋ käkädii 'kɔkɔmlɛ 'ünya 'bʋala amɩ. A möa' 'mɩɩ 'lɩ 'jra nɩ, 'ünya ‑nyɩ amɩ diili anyɩa' 'klaa.
'Pɔɔlë sɔ Maalëtë 'ɔnya mi Rɔmë
11‑Söplü tää ‑sia' nɩ, anya 'jra 'mɩɩ 'lɩ anya mi Alesandriia 'blɩ ‑gälɩ. 'Ɛ ‑si dugba 'lɩ sɩɔa 'taɩn a 'fɩɔ. 'Ü ‑jɩjra 'ɛa ‑gba: «'Pou nyɔsʋaɩɩ#28.11 'Mɩɩlɛa 'klʋɩ 'ü ‑tʋ 'lɩ ‑wäsɛ, nyɔɔ 'klʋɩ 'ü ‑pa, 'iibä 'mɩɩlɛa nyɔsʋa. Grɛɛkëwii 'lɩ nö «Diosukulii»; 'ia ‑gbaa bä 'pou nyɔsʋaɩɩ. Nyɔsʋalɔ 'ü 'daraa' Susë 'ɔ 'ü 'daraa' bɩa Kasëtɔɔ 'aiɛ Polusë. ‑Irafanyüülüa plɛ nɩnɩa 'nie 'lɩa nyɔsʋaɩɩlü nɩ, 'üü ‑gäälä 'üün ‑gälɩ 'nie 'klɩ..» 12Anya 'tɔ bätälä 'ü 'daraa' Silakusë, a ‑si 'lɩ jrüü tää. 13A sɔa' ‑plɩɩ anya ‑gblaara 'kɔtʋ anya mi bätälä 'ü 'daraa' Lejio. ‑Srɩ ‑gbaa' 'kä, ‑bɛ ‑fʋflʋ jaraa' 'jrʋa 'wʋsɔrɔfa 'wʋ nɩ, a ‑si jrüü 'sɔɔ anya 'mä Pusɔlebätä 'tɔ. 14A jrä 'lɩ ‑wlajü ‑mölöö, 'ünya bibie amɩ ‑a ‑si 'üa ‑nyɛɛ jrüü ‑uunsɔɔ. 'Asɩ a nʋ anya fala Rɔmëbätäa 'pɛlɩ. 15'Cɛcɩnyüü ‑mülü bäa' Rɔmë 'nua' 'iin 'wli nɩ, 'ünya ji amɩ 'klɩ 'jrara ‑plɩɩlɩ 'ü 'daraa' Apiusëa 'Makatɩ nyra ‑plɩɩlɩ 'ü 'daraa' ‑Sisinyëka Tää. 'Pɔɔlë 'jäa' 'üün nɩ, 'ɔnya 'trɛɛ Nyɔsʋa, 'klü nya 'jra 'ɔɔn ‑gba. 16A 'tɔa' Rɔmë nɩ, 'sʋgɩaa 'kamanyɔɔ nya ‑nyɩ ‑jienyüü ‑gʋmlaa ‑gböölia#28.16 ‑gʋmlaa ‑gbööli: Grɛɛkëwii nö: «prɛtɔarë». 'kamanyɔɔlɔ kälɩ; ‑maa 'ünya bere 'Pɔɔlë 'klɩ 'ünya ‑tʋ 'ɔɔn 'sʋgɩanyɔɔ 'doo ‑gba 'ɔmä 'ɔɔn 'nyiöli ‑gäälä.
'Pɔɔlë 'palaa' nyɔsʋaawii Rɔmë
17Jrüü tää ‑sia' nɩ, 'Pɔɔlë nya we juifëa 'wliklɩanyüü. 'Ü jia' nɩ, 'ɔnya ‑gbala 'üün: «'Na ‑wlajü 'amɩ, 'nyɩ bʋbɔdɛɛ ‑a nʋ, 'nyɩ ana nyüüa ‑gʋ wii ‑a 'pa, 'nyɩ bɩa ana tʋɩɩa ‑dɔa bʋbɔnyrɩ ‑a 'pa, 'asɩɛ 'ü 'pa 'mɩ ‑jie 'lɩ Jerusalɛɛmë, 'ünya ‑nyɩ 'mɩ Rɔmënyüü kälɩ. 18'Üülü nɩ, 'ü 'betea' 'mɩ nɩ, 'ü 'bata ɩ 'na ‑wälɩcɛrɛkʋ, 'be dɛɛlɛ kä ‑gʋ 'ümä 'mɩ 'bla 'ünyɩ 'jä 'ɛmɩ 'wʋ ‑a. 19‑Maa juifëlü nɩ, 'üü blara, 'ii nʋ 'imɩ 'nyaa ‑gbala 'üün ü fa 'na wii Sesaa. ‑Bɛ 'nyɩ 'bata 'bata ‑a 'nyraa 'na ‑glügbö 'mä ‑gʋmlawii 'pa. 20‑Jää wiili kä ‑gʋ 'n 'bata ɩa' 'ana 'jäjäkʋ, 'mä 'amɩ 'iin ‑gbala. Nyɔɔlɔ Israɛɛlë 'piea' plɛ ‑gälɩ, 'ɔa ‑gʋ 'ü 'pa 'mɩ 'cɩ.»
21'Ünya ‑gbala 'ɔɔn: «Amɔlɔ nɩ, ‑pɔɔkʋ 'nyɩ Judee ‑a sɔ 'umä ‑na ‑gä 'pa. Nyɔɔ ‑kaaŋlʋ bɩa ‑nyɛɛ sɔ 'ɔmä amɩ ‑na bʋbɔnyrɩ ja. 22‑Maa a 'bata amä ‑mɩ 'nyaklipo, wiili ‑boboa' 'ia ‑gʋ; 'be ana 'fɩɔ jre 'iin 'sɩrɩ nyüüa 'fɩɔ 'nyɩa' ‑taa nyüüglügbölä kä 'mlɩ bäa' ‑wa.»
23'Ünya ‑tʋ 'lɩ jrüülü kä 'mlɩ 'üü ‑bɛ 'Pɔɔlë 'mäa' trara. 'Ia ‑srɩ jräa' 'lɩ nɩ, nyüü 'kɔkɔmlɛ ji nyukulu kä ‑wälɩ 'Pɔɔlë kʋa'. Sɔ ‑suwla ‑a ‑tɔɔ ‑gbiajrʋ 'lɩ, 'ɔ 'saralɩ 'üün wii 'kɔkɔmlɛ käläa' Nyɔsʋaa 'kamaplä ‑gba. 'Bala Moisëa ‑Dɔ ‑gälɩ, a mi nyɔsʋaamlɩpalanyüüa ‑pɔɔkɩa 'mlɩ, 'ɔnya ‑gbala 'üün 'tasɩrɩwiili bäa' 'ia 'mlɩ, i 'paaa' Jesua ‑gä, 'ümä 'iin plɛtoro. 24‑Mölöö 'dara 'iin wii, ‑maa ‑mölöö 'nyɩ 'iin wii ‑a 'dara. 25'Ünyɩa' 'wli 'nönrö ‑bɛ 'ü möa' nɩ, 'Pɔɔlë nya 'pawii 'doo, 'ɔ ‑nëma: «'Nyüna ‑Susu kä ‑gä 'taɩn 'lɩ 'u ‑sröröa' nyɔsʋaamlɩpalanyɔɔ Esaii kälɩ ‑bɛ 'u 'palaa' ana#28.25 ana: Grɛɛkë ‑kätɩpɔɔkɩ ‑mɩdooa 'mlɩ 'i ‑jɩjra: 'ana. tʋɩɩ wii ‑gba, 26'unya ‑gbala 'ɔɔn:
Mi ‑taa ‑glügbölöa 'mlɩ 'kä ‑gbala 'üün:
'Anya 'nyaklipo po, ‑maa 'a ‑nëma ‑srɩɩ 'nu ‑a 'nu;
'anya ‑pʋpɔ ‑pʋpɔ, ‑maa 'a ‑nëmä ‑srɩɩ dɛɛ 'wʋ ‑a 'jä.
27 'Be ‑taa ‑glügböläa plɛ 'a 'bʋa,
'üa 'nunukʋ 'a 'lɩkla;
'ü 'mʋmɔ 'üa 'nyü
'ü ‑pɩ 'nyü nʋ 'ü ‑pɩ 'käjä;
'ü ‑pɩ 'nyakli nʋ 'ü ‑pɩ 'nyaklipo;
'üa plɛ ‑pɩ wii 'wlinu, 'ü ‑pɩ 'na 'pɛlɩ kälɩsie 'nyɩ ‑pɩ 'üün 'pʋɔ # 28.27
Esaii 6.9-11
..
28'Ii känyrɩ, 'ba jresaa Nyɔsʋaa 'lɩmlɩwʋwʋkʋlʋ nɩ, nyüülü 'nyɩa' juifë bä 'üü 'ɔ ‑nyɩ 'ɔa ‑gogo; 'üülü nɩ, 'ünya 'ɔɔn 'nyaklipoa.» 29'Ɔ bɩaa' wiipapakʋ nɩ, juifë nya mi ‑bɛ 'ü ‑topo ‑gböösa 'üa 'kpɔa ‑tɔrʋpɩɔ#28.29 ‑Taa 'pɛlɩ (29) 'nyɩ grɛɛkë kätɩpɔɔkɩ ‑mɩdooa 'mlɩ ‑a bä..
30'Pɔɔlë nya ‑si 'ɔa nyukulu kä 'wlili 'ɔ ma 'pɛɛa' ‑sɩ 'sɔɔ. 'Ɔ ma 'kʋɛɛlɩ 'mʋfasa nyüülü kä 'fɩɔ ma jöa' 'ɔɔn 'jä. 31'Ɔ 'saralɩ nyüü Nyɔsʋaa 'kamapläa ‑gä ‑bɛ 'ɔ 'kpɩa nyüü wiili 'paa' 'Pläkänyɔɔ Jesu 'Kriisëa ‑gä. 'Inyɩ 'nɩmɩ 'ɔɔn ŋalɛ 'wʋ ‑a kä, dɛɛ 'nyɩ ka 'ɔɔn 'nyʋfɔ ‑a.
ទើបបានជ្រើសរើសហើយ៖
Akëtë 28: Bakwé
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© Wycliffe Bible Translators, Inc.
