Baroma NDANGIRISO
NDANGIRISO
Paulo, ndumwa ya Yesu Kirisito iwáanjikiraa ebemeresi bo'mwa musi we'Roma mano maruba. Áanjikiraa'bo tanga (Baroma 1-11) era luulu se'myasi era yète mufa munene, era ìtechire era luulu se'bwemeresi nga'kuno: ebandu boshi běmire kufa bushi báirire bibi, Ongo álosise ebubuya bwai mwa kuíra ebandu kuba ba bàtungenene kurengera ebwemeresi mu Yesu Kirisito, ebandu bábaa běmire kuchinjibusibwa bushi ne'bibi byabo, si Yesu era kwire áchinjibusibwa mwe'twe lyabo, mango ámanyikibwaa kwa musalaba, emwaso we'Bayuta énde álosa ebandu ebibi byabo ne'kutunganana kwa Ongo, ekuira ngo'kwa mwaso atúla àtechire atá ku kwénde kwánunula ebandu, si ebwemeresi bu bwénde bwánunula'bo, Ongo ábikire eMuchima Mubuya-buya mwa kalamo ka chira mwemeresi. Oyu Muchima Mubuya-buya iwénde wêresa'bo ekalamo na kuíra'bo kuba ba bahúhire Yesu. Chasinda, mwa chimbi che'kumi na bibiri kuikira kwa che'kumi na ndatu, Paulo alósise kute ebemeresi běmire kunde báchitola mwa kuata myanya era ìtungenene kukulikana na bya Ongo áiriraa'bo.
Mwa chitabo che'Mikolo ye'ndumwa, bàhambere era luulu se'kubinduka kwa Paulo átenga mwa bibi. Oyu Paulo éndee álwisa ebandu ba béndee báhubanganya eMwasi Mubuya-buya. Si era nyuma se'kubinduka kwai, era kwire ába ndumwa ya Yesu Kirisito na átangirisa kunde áhubanganya oyu Mwasi Mubuya-buya mwa bisiki byoshi.
Mango Paulo áanjikaa mano maruba, mwa musi we'Korindo mu ábaa àli. Ábaa àtafuraa kuika mwa musi we'Roma. Mwa suku sa Paulo, eRoma, iwábaa musi munene mwa butala. Kanji iwábaa musi munene we'chio cha chábaa chibikire ebinji bio byoshi byo'kwa musike se'nyanja inene ye'Metiteraneya mwa bucha. Mango Paulo ábaa áanjikira ebemeresi be'Roma mano maruba, ábaa àlangalire kuya kubatangula. Ábaa era atúla eshi bauma mubo, na kwa businda bwa mano maruba, àkesise'bo.
ទើបបានជ្រើសរើសហើយ៖
Baroma NDANGIRISO: tbt
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2017 Wycliffe Bible Translators, Inc.