Baroma 3
3
Ongo anátula wakúchinyiirwa
1Rero, ekuba Muyuta ne'kumonyisibwa kwéte mutoloke muchiye? 2Nechi, ebyera byéte mutoloke munene kwa njira soshi: kwa Bayuta tanga, bushi bu Ongo êresaa eChinwa chai chasiya běmerere'chi. 3Chi twíree twáteta kasi? Akaba bandu bauma mwa'bu Bayuta bábaa batá bakuchinyiirwa, echera chi chìngatuma Ongo nai átachiba wakúchinyiirwaa? 4Nânga chiro na hicha! Chiro mbu ebandu boshi batúla bafusi ba bisha, si Ongo yeke, kanangana ku'énde ánateta, ngo'kwa bitúla byǎnjikirwe mwa Maanjiko Mabuya-buya mbu:
«Ongo Tata! Ebandu béndaa bámenya kwa bya wénde wáteta binátula bìtungenene.
Kanji mango wásitakibwa, u'undaa wánasingana!»
5Akaba kurengera emabi ma twénde twáira, Ongo énde álorekana'ko kuba ola wénde wáira bya bìtungenene, chi twíree twáteta kasi? Ongo énde áira bya bìtatungenene mango átukemera? (Anola, náteta nga mundu.) 6Nânga chiro na hicha! Bushi akaba Ongo angénjire áira bya bìtatungenene, kute angénjire áchinjibusa ebandu be'butala?
7Si akaba kurengera ebisha byanyi, ekanangana ka Ongo kénjire kálorekana'ko kubuya ne'kulosa etunda lyai, rero chi chera chìngatuma náchinjibusibwa nga mundu wa bibi? 8Akaba ku bìri bacha, twíree twáteta mbu: «Túndaa twáira emabi chasiya amu mabi mabúte emabuya?» Bushi kuli bandu bauma ba bénjire bányisinga mbu ku nénjirre náteta bacha. Abola bu bangáchinjibusibwa, bushi kubanganairwa bacha!
Kutali mundu ola ùtungenene era muhondo sa Ongo
9Rero chi tutétaa? Tu Bayuta, chiye chi turenzise ebanji bandu? Tùtabarenzise chiro na kandu kasibya! Bushi nàbalosise mira kwe'Bayuta na ba bàtatula Bayuta, boshi banáli mwa bucha bwe'bibi. 10Kunali ngo'kwa bitúla byǎnjikirwe mwa Maanjiko Mabuya-buya mbu:
«Kutáli chiro na mundu ola utúla ùtungenene era muhondo sa Ongo,
chiro na mundu asibya.
11Kutáli chiro na mundu ola wète bwenge bwe'kûmva,
kanji kutáli chiro na muuma ola wénde wáhonda Ongo.
12Boshi bárekire enjira ibuya,
boshi báerere ala'uma.
Kutali chiro na muuma ola wénde wáira emabuya,
chiro na mundu asibya.
13Emimiro yabo ináchitulira nga shinda era ìbookere.
Enyirimi sabo sinatúla sa kwêngeera ebandu oshâo.
Kwa bieta byabo, sumu ìkaliire nga ya njoka, i'inatula'ko.
14Mwa bunu bwabo, bitaki na binwa bya kulumya ebanji emichima, bi binátula byèhwire'mo.
15Emaulu mabo, manátula ma kulibichira kushesha emikira.
16Chira ala banárengire oshi, kukumbya ku bénde bánakumbya na kureka'o buanya.
17Bàtachitulira bèshi njira ya kureta bôlo.
18Kanji bàtobaa Ongo chiro na hicha.»
19No'ku twìshi kwa bya Mwaso* atúla àtechire binátula byerékere ba běmire kuira ngo'kwa atúla àtechire. Aola, kutachiri ola ukáboola ebunu mbu áchǒkolola. Mwa bacha, ebutala boshi bukálorekana'ko kwa bwěmire kuchinjibusibwa era muhondo sa Ongo. 20Bushi kutáli ola ùngatolibwa nga mundu ùtungenene era muhondo sa Ongo bushi áira ngo'kwa Mwaso* atúla àtechire. Si eMwaso* anátula wa kuasa emundu kumenyerera kwa àkolire bibi.
Ekutunganana era muhondo sa Ongo
21Rero Ongo érire álosa ebandu enjira era ìngatuma bátunganana era muhondo sai, busira kurengera kwa Mwaso*. Ebi byoshi binátula bilósibwe mwa Mwaso* no'mwa Maanjiko me'barebi*. 22Ebandu ba Ongo énde átola nga bu bàtungenene era muhondo sai, bàli ba batúsa ebwemeresi mwa ndanda sa Yesu Kirisito. Ende áira bacha busira kalondo, kwa bandu boshi ba bàmwêmerere. 23Bushi ebandu boshi báirire ebibi, bérire báina ebulangare bwa Ongo. 24Si Ongo mwa bubuya bwai, énde áira'bo kuba ba bàtungenene era muhondo sai kwa buha, kurengera Yesu Kirisito iwénde wánunula'bo mwa bibi. 25Oyu Kirisito i'Ongo ânaa kuba mitulo*, chasiya kurengera emikira yai, ba bàmwêmerere bénde bábabalirwa ebibi byabo. Ongo áiraa bacha kwa kulosa kwa yeke énde ánaira bya bìtungenene. Kwa mira, éndee ába ngo'la ùtasene kwa bibi bya bandu béndee báira, bushi ábaa atúsa muchima wakúlinjirira. 26Si mwe'sine suku, érire álosa kwa yeke énde áira bya bìtungenene, chasiya alórekane'ko kwa anátula àtungenene, na ba bèmerere Yesu Kirisito énde áira'bo kuba ba bàtungenene era muhondo sai.
27Ewashe! Kunachiri cha chìngatuma mundu áchitonga? Nânga chiro na hicha! Bushi na chiye? Bushi emwasi ola wète mufa kuta kuira ngo'kwa Mwaso* atúla àtechire, si ekwêmerera Yesu oshâo. 28Bushi twáanyisa kwa mundu énde átolibwa ngo'la ùtungenene era muhondo sa Ongo kurengera ebwemeresi, si atá kurengera ekuíra ngo'kwa Mwaso atúla àtechire kweine. 29Ongo anátula Ongo we'Bayuta beine? Àtatula Ongo we'banji bandu nabo? Nechi, anátula Ongo we'banji bandu nabo. 30Bushi Ongo anátula muuma oshâo. Na i'ukáira ebandu ba bámwemerere kuba ba bàtungenene era muhondo sai, ábe Muyuta nesi ola utá Muyuta. 31Rero, mwáanyisa mbu bushi twéte ebwemeresi twíree twátola eMwaso* nga kandu ka katéte mufa? Nânga chiro na hicha! Mwa kuata ebwemeresi mu twénjire twéresa eMwaso* emufa wai woshi.
ទើបបានជ្រើសរើសហើយ៖
Baroma 3: tbt
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2017 Wycliffe Bible Translators, Inc.
Baroma 3
3
Ongo anátula wakúchinyiirwa
1Rero, ekuba Muyuta ne'kumonyisibwa kwéte mutoloke muchiye? 2Nechi, ebyera byéte mutoloke munene kwa njira soshi: kwa Bayuta tanga, bushi bu Ongo êresaa eChinwa chai chasiya běmerere'chi. 3Chi twíree twáteta kasi? Akaba bandu bauma mwa'bu Bayuta bábaa batá bakuchinyiirwa, echera chi chìngatuma Ongo nai átachiba wakúchinyiirwaa? 4Nânga chiro na hicha! Chiro mbu ebandu boshi batúla bafusi ba bisha, si Ongo yeke, kanangana ku'énde ánateta, ngo'kwa bitúla byǎnjikirwe mwa Maanjiko Mabuya-buya mbu:
«Ongo Tata! Ebandu béndaa bámenya kwa bya wénde wáteta binátula bìtungenene.
Kanji mango wásitakibwa, u'undaa wánasingana!»
5Akaba kurengera emabi ma twénde twáira, Ongo énde álorekana'ko kuba ola wénde wáira bya bìtungenene, chi twíree twáteta kasi? Ongo énde áira bya bìtatungenene mango átukemera? (Anola, náteta nga mundu.) 6Nânga chiro na hicha! Bushi akaba Ongo angénjire áira bya bìtatungenene, kute angénjire áchinjibusa ebandu be'butala?
7Si akaba kurengera ebisha byanyi, ekanangana ka Ongo kénjire kálorekana'ko kubuya ne'kulosa etunda lyai, rero chi chera chìngatuma náchinjibusibwa nga mundu wa bibi? 8Akaba ku bìri bacha, twíree twáteta mbu: «Túndaa twáira emabi chasiya amu mabi mabúte emabuya?» Bushi kuli bandu bauma ba bénjire bányisinga mbu ku nénjirre náteta bacha. Abola bu bangáchinjibusibwa, bushi kubanganairwa bacha!
Kutali mundu ola ùtungenene era muhondo sa Ongo
9Rero chi tutétaa? Tu Bayuta, chiye chi turenzise ebanji bandu? Tùtabarenzise chiro na kandu kasibya! Bushi nàbalosise mira kwe'Bayuta na ba bàtatula Bayuta, boshi banáli mwa bucha bwe'bibi. 10Kunali ngo'kwa bitúla byǎnjikirwe mwa Maanjiko Mabuya-buya mbu:
«Kutáli chiro na mundu ola utúla ùtungenene era muhondo sa Ongo,
chiro na mundu asibya.
11Kutáli chiro na mundu ola wète bwenge bwe'kûmva,
kanji kutáli chiro na muuma ola wénde wáhonda Ongo.
12Boshi bárekire enjira ibuya,
boshi báerere ala'uma.
Kutali chiro na muuma ola wénde wáira emabuya,
chiro na mundu asibya.
13Emimiro yabo ináchitulira nga shinda era ìbookere.
Enyirimi sabo sinatúla sa kwêngeera ebandu oshâo.
Kwa bieta byabo, sumu ìkaliire nga ya njoka, i'inatula'ko.
14Mwa bunu bwabo, bitaki na binwa bya kulumya ebanji emichima, bi binátula byèhwire'mo.
15Emaulu mabo, manátula ma kulibichira kushesha emikira.
16Chira ala banárengire oshi, kukumbya ku bénde bánakumbya na kureka'o buanya.
17Bàtachitulira bèshi njira ya kureta bôlo.
18Kanji bàtobaa Ongo chiro na hicha.»
19No'ku twìshi kwa bya Mwaso* atúla àtechire binátula byerékere ba běmire kuira ngo'kwa atúla àtechire. Aola, kutachiri ola ukáboola ebunu mbu áchǒkolola. Mwa bacha, ebutala boshi bukálorekana'ko kwa bwěmire kuchinjibusibwa era muhondo sa Ongo. 20Bushi kutáli ola ùngatolibwa nga mundu ùtungenene era muhondo sa Ongo bushi áira ngo'kwa Mwaso* atúla àtechire. Si eMwaso* anátula wa kuasa emundu kumenyerera kwa àkolire bibi.
Ekutunganana era muhondo sa Ongo
21Rero Ongo érire álosa ebandu enjira era ìngatuma bátunganana era muhondo sai, busira kurengera kwa Mwaso*. Ebi byoshi binátula bilósibwe mwa Mwaso* no'mwa Maanjiko me'barebi*. 22Ebandu ba Ongo énde átola nga bu bàtungenene era muhondo sai, bàli ba batúsa ebwemeresi mwa ndanda sa Yesu Kirisito. Ende áira bacha busira kalondo, kwa bandu boshi ba bàmwêmerere. 23Bushi ebandu boshi báirire ebibi, bérire báina ebulangare bwa Ongo. 24Si Ongo mwa bubuya bwai, énde áira'bo kuba ba bàtungenene era muhondo sai kwa buha, kurengera Yesu Kirisito iwénde wánunula'bo mwa bibi. 25Oyu Kirisito i'Ongo ânaa kuba mitulo*, chasiya kurengera emikira yai, ba bàmwêmerere bénde bábabalirwa ebibi byabo. Ongo áiraa bacha kwa kulosa kwa yeke énde ánaira bya bìtungenene. Kwa mira, éndee ába ngo'la ùtasene kwa bibi bya bandu béndee báira, bushi ábaa atúsa muchima wakúlinjirira. 26Si mwe'sine suku, érire álosa kwa yeke énde áira bya bìtungenene, chasiya alórekane'ko kwa anátula àtungenene, na ba bèmerere Yesu Kirisito énde áira'bo kuba ba bàtungenene era muhondo sai.
27Ewashe! Kunachiri cha chìngatuma mundu áchitonga? Nânga chiro na hicha! Bushi na chiye? Bushi emwasi ola wète mufa kuta kuira ngo'kwa Mwaso* atúla àtechire, si ekwêmerera Yesu oshâo. 28Bushi twáanyisa kwa mundu énde átolibwa ngo'la ùtungenene era muhondo sa Ongo kurengera ebwemeresi, si atá kurengera ekuíra ngo'kwa Mwaso atúla àtechire kweine. 29Ongo anátula Ongo we'Bayuta beine? Àtatula Ongo we'banji bandu nabo? Nechi, anátula Ongo we'banji bandu nabo. 30Bushi Ongo anátula muuma oshâo. Na i'ukáira ebandu ba bámwemerere kuba ba bàtungenene era muhondo sai, ábe Muyuta nesi ola utá Muyuta. 31Rero, mwáanyisa mbu bushi twéte ebwemeresi twíree twátola eMwaso* nga kandu ka katéte mufa? Nânga chiro na hicha! Mwa kuata ebwemeresi mu twénjire twéresa eMwaso* emufa wai woshi.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2017 Wycliffe Bible Translators, Inc.