Mariko 13
13
Yesu áteta kwa eLuhu lwa Ongo lungáhundulibwa
(Mat 24:1-2; Luk 21:5-6)
1Mango Yesu ábaa era átenga mwa chibuwa che'Luhu lwa Ongo*, mwanafunzi* wai muuma era kumubura mbu: «Mukangirisi, ulólaa kwê'ne nyumba ingana! Ulólaa no'kwa makoi ma baímbire'mo makomire!» 2Yesu nai mbu: «Uséne kwe'i nyumba yoshi? Rero, kutashibe koi era luulu sa lirikabo, byoshi bingáhandulibwa!»
Bya bikáika mwa suku se'businda
(Mat 24:3-14; Luk 21:7-19)
3Mango Yesu ábaa ékese kwa ndulungu ye'Miseituni, kwa lunda lwe'ra Luhu lwa Ongo* lùli, Petero, na Yakobo, na Yowani, na Andereya, bera kumuikira ala ábaa àli yeine. Bera kumubusa mbu: 4«Enawetu! Utúburaa, mangochi ei myasi ikába, na kalorero kachiye, ku'kakátulosa kwa ebi byoshi byáhonda kuba.»
5Yesu era kutangirisa ábabura mbu: «Muményaa! Kùtabaa mundu asibya ola ukábengeera! 6Bushi bandu banene bakábaha mwe'sina lyanyi. Abu bandu, bakénde báchitonga mbu: ‹Nyono nyi Kirisito*!› Bakêngeera bandu banene. 7Mwe'si suku, mukômva ebandu báteteresa era luulu se'bita mwa bisiki byoshi, si mùtobaa bushi ebi byoshi kwěmire biíke. Si ebyera, bikába bìtatechire mbu ebusinda bwe'butala bwaíkire. 8Chio chiuma chikáya kutabalira echinji. Na bwami buuma bukáya kutabalira ebunji. Mu'bisiki binene, mukárenga misisi, mukáika na bulio. Ebi byoshi, bikánaba nga ndangiriso ye'mukero.
9«Si mwabo, muchilángaa bushi mungénde mwêkibwa era muhondo se'baishi be'manja babáchinjibuse. Bangénde bábapúnjira mwa mashenge, na kunde mwêkibwa era muhondo se'bakulu-kulu be'chio, ne'ra muhondo se'bami bushi nanyi. Bushi no'ku, mungába babei banyi era muhondo sabo. 10Bushi byěmire eMwasi Mubuya-buya àhubanganyisibwe tanga kwa bandu be'mbaa soshi.
11«Na mango bangénde bábasimba chasiya babêke era muhondo se'baishi be'manja, muténdaa mwáchibusa mbu chi mungáteta. Si ebinwa bya mungêresibwa mwe'chi chihangi bi munátetaa. Ne'bi binwa, bitátenge mwa ndanda senyu, si eMuchima Mubuya-buya i'ungáberesa'bi.
12«Emundu àkêchisa munyakabo. Ne'she we'mwana àkêchisa emwana wai. Ne'bana nabo, bakáhuba ngabo se'basere babo, na kubechisa. 13Ebandu boshi, bakábahomba bushi nanyi. Si ola ukásesa emuchima kuikira kwa businda, akánunulibwa.»
Emalibuko masibu
(Mat 24:15-28; Luk 21:20-24)
14Yesu era kuendekera áteta mbu: «Mwe'si suku mukálola kwo'la bénde bérika mbu "Mubalasi we'kuhandula"#13:14 Somaa Tanyeri 9:27; 11:31; 12:11. eménze mwa chisiki cha ábaa àtemire kuba'mo. Ola wasoma ene myasi, àmenyereraa kwa ìtechire. Rero, ba bakába bàli eYuteya, baháiraa mwa miruko. 15No'la ukába ùli kwa butala-tala bwe'nyumba yai, àtachândaalaa mbu áya kutola kandu mwa nyumba. 16No'la ukába ùli mwe'hwa, nai àtachifulukaa kwa wai mbu áya kutola ekochi lyai.
17«Mwe'si suku, bukába buanya kwa bakasi ba bakába bète emakure na ba bakába bônza! 18Ebi byoshi, mundaa mwéma Ongo chasiya bìtabaa mwa suku se'mbeo. 19Bushi esi suku, sikába sa malibuko manene busese ma màtafuraa kuba, kutengera mango Ongo ábumbaa ebutala kuikira lwarero. Kutákachibe na manji malibuko ma màli nga'mo. 20Rero esi suku, akaba Enawetu àtangaírire'si kuba sieke, kutangabere chiro na mundu asibya ola ùnganunulibwe. Si ásiirire sieke bushi ne'bandu bai ba áchilóndorere.
21«Rero mwe'si suku, akaba mundu murebe àngababura mbu: ‹Mulólaa! Kirisito* yono ùli wano!› nesi mbu: ‹Mulólaa! Yola ulí wala!› mùtamwêmereraa. 22Bushi kukaulukira bandu ba bakénde báfula bisha mbu bu bera "Kirisito*", kwanaulukira na barebi ba bisha. Abu boshi, bakénde báira bisomerano, chasiya akaba bìngaalikana běngeere ne'bandu ba Ongo álondwere. 23Si mwabo, muményaa bushi nàbabwirire ei myasi yoshi mira!»
Ekubaha kwe'Mwana we'Mundu
(Mat 24:29-31; Luk 21:25-28)
24Yesu era kuteta kanji mbu: «Mwe'si suku, era nyuma sa'mu malibuko,
‹Esuba, likáhuba musimya.
Ne'mwesi, atákachikole.
25Engununu nasi, sikátowanga kwa nguba.
Na byoshi bya byète ebuashi kwa nguba, bikálingitana.› #13:24-35 Somaa Isaya 13:10; 34:4.
26«Chasinda mwe'si suku, ebandu bakálola kwa nyi Mwana we'Mundu, něshire mwa lumbumbu, nyéte na buashi bunene na bulangare. 27Nyikátuma ebamalaika* banyi bahándabane mwa butala boshi, no'kwa nguba yoshi chasiya babúanyanye ebandu boshi ba nálondwere.»
Emuanyi we'muchi we'tini
(Mat 24:32-35; Luk 21:29-33)
28«Muchikángirisaa kurengera emuanyi we'muchi we'tini: oyu muchi, mango ematabi mao ménde mátanganyika ne'bichi byao byátabaana, mwénde mwámenyerera kwa kasi echianyiro chibuya chìri ofu. 29Kuno'ku, mango mukálola kwe'i myasi yoshi, mwánamenyerera kwa nyi Mwana we'Mundu nera nyìri ofu busese. 30Kubinali, nábabura kwe'bandu be'sine suku batáfe boshi era muhondo ei myasi yoshi ìtasa kuba. 31Enguba ne'butala bikárenga, si emyasi yanyi yeke, itákarenge chiro na hicha.»
Ongo yeine i'unêshi elusuku lwe'businda
(Mat 24:36-44)
32«Kutáli mundu asibya ola wìshi olu lusuku nesi echihangi cha ei myasi ikába. Anabe ne'bamalaika* bo'kwa nguba, nanyi nyi Mwana we'Mundu, kutáli ola wìshi, si Tata yeine i'ùnêshi.
33«Muményaa! Muchilángaa bushi mùteshi mangochi ei myasi ikába.
34«Ebyera bikába nga muanyi wa mundu muuma ola wábaa wábalama. Oyu mundu, era kurékera ebaanda bai enyumba, chasiya běmangire'i. Era kwêresa chira mukosi ewai mulimo. Chasinda, era kubura emulanzi we'lwisi mbu àchilanga-langaa.
35«Rero nenyu muchilanga-langaa! Bushi mùteshi ebihangi bya ena enyumba akáfuluka. Kuli mango angáika luolo-olo, nesi kachi-kachi ka butufu, nesi mango enyaasi sénde sábika, nesi mishangya-shangya. 36Bushi no'ku, muchilanga-langaa angesha kubapamukira'ko chimbate, ánababuana mwàonjire. 37Ei myasi nàbabwirire, naítechire bushi ne'bandu boshi: Muchilanga-langaa!»
ទើបបានជ្រើសរើសហើយ៖
Mariko 13: tbt
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2017 Wycliffe Bible Translators, Inc.
Mariko 13
13
Yesu áteta kwa eLuhu lwa Ongo lungáhundulibwa
(Mat 24:1-2; Luk 21:5-6)
1Mango Yesu ábaa era átenga mwa chibuwa che'Luhu lwa Ongo*, mwanafunzi* wai muuma era kumubura mbu: «Mukangirisi, ulólaa kwê'ne nyumba ingana! Ulólaa no'kwa makoi ma baímbire'mo makomire!» 2Yesu nai mbu: «Uséne kwe'i nyumba yoshi? Rero, kutashibe koi era luulu sa lirikabo, byoshi bingáhandulibwa!»
Bya bikáika mwa suku se'businda
(Mat 24:3-14; Luk 21:7-19)
3Mango Yesu ábaa ékese kwa ndulungu ye'Miseituni, kwa lunda lwe'ra Luhu lwa Ongo* lùli, Petero, na Yakobo, na Yowani, na Andereya, bera kumuikira ala ábaa àli yeine. Bera kumubusa mbu: 4«Enawetu! Utúburaa, mangochi ei myasi ikába, na kalorero kachiye, ku'kakátulosa kwa ebi byoshi byáhonda kuba.»
5Yesu era kutangirisa ábabura mbu: «Muményaa! Kùtabaa mundu asibya ola ukábengeera! 6Bushi bandu banene bakábaha mwe'sina lyanyi. Abu bandu, bakénde báchitonga mbu: ‹Nyono nyi Kirisito*!› Bakêngeera bandu banene. 7Mwe'si suku, mukômva ebandu báteteresa era luulu se'bita mwa bisiki byoshi, si mùtobaa bushi ebi byoshi kwěmire biíke. Si ebyera, bikába bìtatechire mbu ebusinda bwe'butala bwaíkire. 8Chio chiuma chikáya kutabalira echinji. Na bwami buuma bukáya kutabalira ebunji. Mu'bisiki binene, mukárenga misisi, mukáika na bulio. Ebi byoshi, bikánaba nga ndangiriso ye'mukero.
9«Si mwabo, muchilángaa bushi mungénde mwêkibwa era muhondo se'baishi be'manja babáchinjibuse. Bangénde bábapúnjira mwa mashenge, na kunde mwêkibwa era muhondo se'bakulu-kulu be'chio, ne'ra muhondo se'bami bushi nanyi. Bushi no'ku, mungába babei banyi era muhondo sabo. 10Bushi byěmire eMwasi Mubuya-buya àhubanganyisibwe tanga kwa bandu be'mbaa soshi.
11«Na mango bangénde bábasimba chasiya babêke era muhondo se'baishi be'manja, muténdaa mwáchibusa mbu chi mungáteta. Si ebinwa bya mungêresibwa mwe'chi chihangi bi munátetaa. Ne'bi binwa, bitátenge mwa ndanda senyu, si eMuchima Mubuya-buya i'ungáberesa'bi.
12«Emundu àkêchisa munyakabo. Ne'she we'mwana àkêchisa emwana wai. Ne'bana nabo, bakáhuba ngabo se'basere babo, na kubechisa. 13Ebandu boshi, bakábahomba bushi nanyi. Si ola ukásesa emuchima kuikira kwa businda, akánunulibwa.»
Emalibuko masibu
(Mat 24:15-28; Luk 21:20-24)
14Yesu era kuendekera áteta mbu: «Mwe'si suku mukálola kwo'la bénde bérika mbu "Mubalasi we'kuhandula"#13:14 Somaa Tanyeri 9:27; 11:31; 12:11. eménze mwa chisiki cha ábaa àtemire kuba'mo. Ola wasoma ene myasi, àmenyereraa kwa ìtechire. Rero, ba bakába bàli eYuteya, baháiraa mwa miruko. 15No'la ukába ùli kwa butala-tala bwe'nyumba yai, àtachândaalaa mbu áya kutola kandu mwa nyumba. 16No'la ukába ùli mwe'hwa, nai àtachifulukaa kwa wai mbu áya kutola ekochi lyai.
17«Mwe'si suku, bukába buanya kwa bakasi ba bakába bète emakure na ba bakába bônza! 18Ebi byoshi, mundaa mwéma Ongo chasiya bìtabaa mwa suku se'mbeo. 19Bushi esi suku, sikába sa malibuko manene busese ma màtafuraa kuba, kutengera mango Ongo ábumbaa ebutala kuikira lwarero. Kutákachibe na manji malibuko ma màli nga'mo. 20Rero esi suku, akaba Enawetu àtangaírire'si kuba sieke, kutangabere chiro na mundu asibya ola ùnganunulibwe. Si ásiirire sieke bushi ne'bandu bai ba áchilóndorere.
21«Rero mwe'si suku, akaba mundu murebe àngababura mbu: ‹Mulólaa! Kirisito* yono ùli wano!› nesi mbu: ‹Mulólaa! Yola ulí wala!› mùtamwêmereraa. 22Bushi kukaulukira bandu ba bakénde báfula bisha mbu bu bera "Kirisito*", kwanaulukira na barebi ba bisha. Abu boshi, bakénde báira bisomerano, chasiya akaba bìngaalikana běngeere ne'bandu ba Ongo álondwere. 23Si mwabo, muményaa bushi nàbabwirire ei myasi yoshi mira!»
Ekubaha kwe'Mwana we'Mundu
(Mat 24:29-31; Luk 21:25-28)
24Yesu era kuteta kanji mbu: «Mwe'si suku, era nyuma sa'mu malibuko,
‹Esuba, likáhuba musimya.
Ne'mwesi, atákachikole.
25Engununu nasi, sikátowanga kwa nguba.
Na byoshi bya byète ebuashi kwa nguba, bikálingitana.› #13:24-35 Somaa Isaya 13:10; 34:4.
26«Chasinda mwe'si suku, ebandu bakálola kwa nyi Mwana we'Mundu, něshire mwa lumbumbu, nyéte na buashi bunene na bulangare. 27Nyikátuma ebamalaika* banyi bahándabane mwa butala boshi, no'kwa nguba yoshi chasiya babúanyanye ebandu boshi ba nálondwere.»
Emuanyi we'muchi we'tini
(Mat 24:32-35; Luk 21:29-33)
28«Muchikángirisaa kurengera emuanyi we'muchi we'tini: oyu muchi, mango ematabi mao ménde mátanganyika ne'bichi byao byátabaana, mwénde mwámenyerera kwa kasi echianyiro chibuya chìri ofu. 29Kuno'ku, mango mukálola kwe'i myasi yoshi, mwánamenyerera kwa nyi Mwana we'Mundu nera nyìri ofu busese. 30Kubinali, nábabura kwe'bandu be'sine suku batáfe boshi era muhondo ei myasi yoshi ìtasa kuba. 31Enguba ne'butala bikárenga, si emyasi yanyi yeke, itákarenge chiro na hicha.»
Ongo yeine i'unêshi elusuku lwe'businda
(Mat 24:36-44)
32«Kutáli mundu asibya ola wìshi olu lusuku nesi echihangi cha ei myasi ikába. Anabe ne'bamalaika* bo'kwa nguba, nanyi nyi Mwana we'Mundu, kutáli ola wìshi, si Tata yeine i'ùnêshi.
33«Muményaa! Muchilángaa bushi mùteshi mangochi ei myasi ikába.
34«Ebyera bikába nga muanyi wa mundu muuma ola wábaa wábalama. Oyu mundu, era kurékera ebaanda bai enyumba, chasiya běmangire'i. Era kwêresa chira mukosi ewai mulimo. Chasinda, era kubura emulanzi we'lwisi mbu àchilanga-langaa.
35«Rero nenyu muchilanga-langaa! Bushi mùteshi ebihangi bya ena enyumba akáfuluka. Kuli mango angáika luolo-olo, nesi kachi-kachi ka butufu, nesi mango enyaasi sénde sábika, nesi mishangya-shangya. 36Bushi no'ku, muchilanga-langaa angesha kubapamukira'ko chimbate, ánababuana mwàonjire. 37Ei myasi nàbabwirire, naítechire bushi ne'bandu boshi: Muchilanga-langaa!»
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2017 Wycliffe Bible Translators, Inc.