Mariko 11
11
Yesu êngirira mwa musi we'Yerusalemu
(Mat 21:1-11; Luk 19:28-40; Yow 12:12-19)
1Mango Yesu ne'banafunzi* bai bábaa báhonda kuika mwa musi we'Yerusalemu, bera kuika mwa bimbi bye'musi we'Betefake ne'we'Betaniya, ofu ne'ndulungu ye'Miseituni. Yesu era kutuma banafunzi* bai babiri. 2Era kubabura mbu: «Muyáa mwa musi yola ulí era muhondo senyu. Mango mungáika'mo, mungábuana chana cha ndokomu chìminyirwe, chìtafuraa kwérukibwa'ko na mundu. Rero, mubóolaa'chi mwánanyiretera'chi. 3Na kukába mundu ola ungábabusa mbu: ‹chi chátuma mwáira bacha?›, mumwákulaa mbu: ‹Enawetu éte bwera bwachi, si àtêmange kufulusa'chi.›»
4Abu banafunzi* bera kunachiuma, bera kunabúana cha chana che'ndokomu chìminyírirwe ku chiso cha nyumba nguma, kwa musike se'njira. Ábere bera banáboola'chi, 5bandu bauma mwa ba bábaa bàli aola, bera kubabusa mbu: «Era! Chi mwáboorera echi chana che'ndokomu?» 6Nabo bera kubǎkula ngo'kwa Yesu ánababuraa. Abu bandu bera kubareka baénde.
7Ábere bera bàreteraa Yesu echi chana che'ndokomu, bera kuhashika kwe'njimba sabo, chasinda Yesu era kwekala ku'chi. 8Bandu banene bera kuhashikanga enjimba sabo mwa njira, ne'banji bera kuya kuishanga ematabi me'michi mwa mahwa na bátangirisa bámahashikanga mwa njira kwa kumuhuukasa ne'tunda. 9Ebandu ba bábaa bahóndorere Yesu na ba bábaa bamúkulikire, bábaa báenda báteta na murenge munene mbu:
«Hosana!#11:9 Hosana: Mwa Chieburaniya, hosana kukuteta mbu wíree wátununula. Somaa Saburi 86:2, Yeremiya 31:7.
Ono wàbahire kwe'sina lya Enawetu, àahanyirwaa!#11:9 Somaa Saburi 118:25-26.
10Ne'bwami bwa hokulu wetu Tauti bwa bwěshire
nabo, buáhanyirwaa.
Ongo atóngwe kwa nguba!»
11Mango Yesu ábaa era àikaa mwa musi we'Yerusalemu, era kwêngirira mwa chibuwa che'Luhu lwa Ongo*. Era kusonga byoshi bya byábaa biri'mo. Bushi lwábaa lwera luolo-olo, era kwire áya mwa musi we'Betaniya ala'uma ne'ndumwa* sai ekumi ne'biri.
Yesu átakira emuchi we'tini
(Mat 21:18-19)
12Ábere mwe'i mishangya, mango bábaa bera bátenga eBetaniya, Yesu era kufa businya. 13Era kulola ku muchi muuma wa tini kwa marerere. Oyu muchi ábaa éte bihoho binene. Era kwire áya kuhona eri àngabona ku bifuma. Si mango àikaa ofu nao, chiro ákabuana ku kandu kasibya, si ebi bihoho byeine oshâo, bushi sitábaa suku se'muchi we'tini kwêka bifuma. 14Bushi no'ku ola muchi, Yesu era kutakira'o mbu: «Kutengera lwarero, si kùtachibaa chiro na mundu asibya ola ukálya kwa bifuma byao!» Ei myasi, ebanafunzi* bai bera kunômva kui.
Yesu ákolokanya ebachimbusi mwa Luhu lwa Ongo
(Mat 21:12-17; Luk 19:45-48; Yow 2:13-22)
15Era nyuma se'bi, Yesu ne'banafunzi* bai bera kuika mwa musi we'Yerusalemu. Era kwêngirira mwa chibuwa che'Luhu lwa Ongo*, na átangirisa ákolokanya ba bábaa báusa ebindu na ba bábaa bábiula. Era kubindulanga emesa ma ba bábaa báinganyanga ebuteya, ne'bifumbi bya ba bábaa báusa ebiruka. 16Mwe'chi chibuwa che'Luhu lwa Ongo*, Yesu chiro ákanachemerera mbu kubáa mundu ola wáhuba kurengana'mo kandu.
17Chasinda, era kutangirisa ábakangirisa mbu: «eMaanjiko Mabuya-buya bacha ku matúla màtechire:
‹Enyumba yanyi, ikénde yérikibwa nyumba ya memo kwa bandu be'mbaa soshi.#11:17 Somaa Isaya 56:7. Si mwabo, mwérire mwáihubya kuba chisiki cha bihumusi!›#11:17 Somaa Yeremiya 7:11. »
18Ebakulu-kulu be'bakuhanyi*, ne'bakangirisi be'Mwaso*, bômvire kwe'i myasi, bera kutangirisa báhonda kute bàngeta Yesu. Si bera kumwobaa, bushi ebandu boshi béndee básanwa busese ne'byéndee ákangirisa. 19Ábere lwera luolo-olo, Yesu ne'banafunzi* bai bera kutenga mwo'yu musi.
Yesu ákangirisa era luulu se'kwéma Ongo ne'bwemeresi
(Mat 21:20-22)
20Ábere mwe'i mishangya-shangya, mango Yesu ne'banafunzi* bai bábaa bárenga, bera kulola kwo'la muchi we'tini omíre mira kuikira kwanamisi-misi. 21Petero kukwera kukengera kwa Yesu àtakiraa oyu muchi. Era kumubura mbu: «Mukangirisi! Ulólaa, ola muchi we'tini wàtakiraa omíre!»
22Yesu era kwire ábura ebanafunzi* bai mbu: «Mwêmereraa Ongo. 23Kubinali, nábabura kwa emundu àngabura ene ndulungu mbu: ‹Tèngaa anola ùchiume mwa nyanja.› Akaba àngateta ei myasi busira kuhungwa-hungwa mwa muchima, si éte bwemeresi kwe'bi àtechire bingánaba, kuika binábe. 24Bushi no'ku, nábabura kwa chira kandu ka mwéma Ongo, mundaa mwáata ebwemeresi kwa mwàbonyire'ko mira. Aola, mwánere mwêresibwa'ko.
25«Na mango mungénde mwéma Ongo, mwéte na mwasi na mundu murebe, mumúbabaliraa tanga. Aola, Eho wenyu ola utúla kwa nguba, nai ánere ábabalira emabi menyu. [ 26Si akaba mùtangende mwábababalira ebanji, nenyu Eho ola utúla kwa nguba atákababalire emabi menyu.]»
Ebandu bábusa Yesu era luulu se'buashi bwai
(Mat 21:23-27; Luk 20:1-8)
27Yesu ne'banafunzi* bai bera kuhuba kuya mwa musi we'Yerusalemu. Ábere era ásungula mwa chibuawa che'Luhu lwa Ongo*, ebakulu-kulu be'bakuhanyi*, ne'bakangirisi be'Mwaso*, ala'uma ne'bashamuka be'Bayuta* bera kumuikira. 28Bera kumubusa mbu: «Ewashe, bine wénjire wáira, wábiira ku loso luchiye? Na nde iwàkuwere'lo?» 29Yesu nai mbu: «Nanyi nábabusa mwasi muuma. Na múkanyǎkula kuo, nanyi nyingábabura ku loso luchiye ku nénjire náira ene myasi. 30Eloso lwa Yowani éndee ábatisa mwe'bandu nalo, ngai u'lwátengeraa? Era mwa Ongo nesi kwa bandu? Munyákulaa!»
31Abu bakulu-kulu bera kuya nama. Bera kutangirisa báburana mbu: «Tukámwǎkula mbu era mwa Ongo yi lwátengeraa, nai angátubusa mbu: ‹Chi cheraa chátuma tútamwêmerera?› 32Na túkamwǎkula mbu kwa bandu ku lwátengeraa...» Bátetaa bacha, bushi bábaa bôbaa ebandu, bushi boshi bábaa bàtolire Yowani nga murebi* wa kanangana. 33Bushi no'ku, bera kwire bákula Yesu mbu: «Tùteshi.»
Nai era kwire ábabura mbu: «Nanyi, ndábabure ku loso luchiye ku nénjire náira ene myasi.»
ទើបបានជ្រើសរើសហើយ៖
Mariko 11: tbt
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2017 Wycliffe Bible Translators, Inc.
Mariko 11
11
Yesu êngirira mwa musi we'Yerusalemu
(Mat 21:1-11; Luk 19:28-40; Yow 12:12-19)
1Mango Yesu ne'banafunzi* bai bábaa báhonda kuika mwa musi we'Yerusalemu, bera kuika mwa bimbi bye'musi we'Betefake ne'we'Betaniya, ofu ne'ndulungu ye'Miseituni. Yesu era kutuma banafunzi* bai babiri. 2Era kubabura mbu: «Muyáa mwa musi yola ulí era muhondo senyu. Mango mungáika'mo, mungábuana chana cha ndokomu chìminyirwe, chìtafuraa kwérukibwa'ko na mundu. Rero, mubóolaa'chi mwánanyiretera'chi. 3Na kukába mundu ola ungábabusa mbu: ‹chi chátuma mwáira bacha?›, mumwákulaa mbu: ‹Enawetu éte bwera bwachi, si àtêmange kufulusa'chi.›»
4Abu banafunzi* bera kunachiuma, bera kunabúana cha chana che'ndokomu chìminyírirwe ku chiso cha nyumba nguma, kwa musike se'njira. Ábere bera banáboola'chi, 5bandu bauma mwa ba bábaa bàli aola, bera kubabusa mbu: «Era! Chi mwáboorera echi chana che'ndokomu?» 6Nabo bera kubǎkula ngo'kwa Yesu ánababuraa. Abu bandu bera kubareka baénde.
7Ábere bera bàreteraa Yesu echi chana che'ndokomu, bera kuhashika kwe'njimba sabo, chasinda Yesu era kwekala ku'chi. 8Bandu banene bera kuhashikanga enjimba sabo mwa njira, ne'banji bera kuya kuishanga ematabi me'michi mwa mahwa na bátangirisa bámahashikanga mwa njira kwa kumuhuukasa ne'tunda. 9Ebandu ba bábaa bahóndorere Yesu na ba bábaa bamúkulikire, bábaa báenda báteta na murenge munene mbu:
«Hosana!#11:9 Hosana: Mwa Chieburaniya, hosana kukuteta mbu wíree wátununula. Somaa Saburi 86:2, Yeremiya 31:7.
Ono wàbahire kwe'sina lya Enawetu, àahanyirwaa!#11:9 Somaa Saburi 118:25-26.
10Ne'bwami bwa hokulu wetu Tauti bwa bwěshire
nabo, buáhanyirwaa.
Ongo atóngwe kwa nguba!»
11Mango Yesu ábaa era àikaa mwa musi we'Yerusalemu, era kwêngirira mwa chibuwa che'Luhu lwa Ongo*. Era kusonga byoshi bya byábaa biri'mo. Bushi lwábaa lwera luolo-olo, era kwire áya mwa musi we'Betaniya ala'uma ne'ndumwa* sai ekumi ne'biri.
Yesu átakira emuchi we'tini
(Mat 21:18-19)
12Ábere mwe'i mishangya, mango bábaa bera bátenga eBetaniya, Yesu era kufa businya. 13Era kulola ku muchi muuma wa tini kwa marerere. Oyu muchi ábaa éte bihoho binene. Era kwire áya kuhona eri àngabona ku bifuma. Si mango àikaa ofu nao, chiro ákabuana ku kandu kasibya, si ebi bihoho byeine oshâo, bushi sitábaa suku se'muchi we'tini kwêka bifuma. 14Bushi no'ku ola muchi, Yesu era kutakira'o mbu: «Kutengera lwarero, si kùtachibaa chiro na mundu asibya ola ukálya kwa bifuma byao!» Ei myasi, ebanafunzi* bai bera kunômva kui.
Yesu ákolokanya ebachimbusi mwa Luhu lwa Ongo
(Mat 21:12-17; Luk 19:45-48; Yow 2:13-22)
15Era nyuma se'bi, Yesu ne'banafunzi* bai bera kuika mwa musi we'Yerusalemu. Era kwêngirira mwa chibuwa che'Luhu lwa Ongo*, na átangirisa ákolokanya ba bábaa báusa ebindu na ba bábaa bábiula. Era kubindulanga emesa ma ba bábaa báinganyanga ebuteya, ne'bifumbi bya ba bábaa báusa ebiruka. 16Mwe'chi chibuwa che'Luhu lwa Ongo*, Yesu chiro ákanachemerera mbu kubáa mundu ola wáhuba kurengana'mo kandu.
17Chasinda, era kutangirisa ábakangirisa mbu: «eMaanjiko Mabuya-buya bacha ku matúla màtechire:
‹Enyumba yanyi, ikénde yérikibwa nyumba ya memo kwa bandu be'mbaa soshi.#11:17 Somaa Isaya 56:7. Si mwabo, mwérire mwáihubya kuba chisiki cha bihumusi!›#11:17 Somaa Yeremiya 7:11. »
18Ebakulu-kulu be'bakuhanyi*, ne'bakangirisi be'Mwaso*, bômvire kwe'i myasi, bera kutangirisa báhonda kute bàngeta Yesu. Si bera kumwobaa, bushi ebandu boshi béndee básanwa busese ne'byéndee ákangirisa. 19Ábere lwera luolo-olo, Yesu ne'banafunzi* bai bera kutenga mwo'yu musi.
Yesu ákangirisa era luulu se'kwéma Ongo ne'bwemeresi
(Mat 21:20-22)
20Ábere mwe'i mishangya-shangya, mango Yesu ne'banafunzi* bai bábaa bárenga, bera kulola kwo'la muchi we'tini omíre mira kuikira kwanamisi-misi. 21Petero kukwera kukengera kwa Yesu àtakiraa oyu muchi. Era kumubura mbu: «Mukangirisi! Ulólaa, ola muchi we'tini wàtakiraa omíre!»
22Yesu era kwire ábura ebanafunzi* bai mbu: «Mwêmereraa Ongo. 23Kubinali, nábabura kwa emundu àngabura ene ndulungu mbu: ‹Tèngaa anola ùchiume mwa nyanja.› Akaba àngateta ei myasi busira kuhungwa-hungwa mwa muchima, si éte bwemeresi kwe'bi àtechire bingánaba, kuika binábe. 24Bushi no'ku, nábabura kwa chira kandu ka mwéma Ongo, mundaa mwáata ebwemeresi kwa mwàbonyire'ko mira. Aola, mwánere mwêresibwa'ko.
25«Na mango mungénde mwéma Ongo, mwéte na mwasi na mundu murebe, mumúbabaliraa tanga. Aola, Eho wenyu ola utúla kwa nguba, nai ánere ábabalira emabi menyu. [ 26Si akaba mùtangende mwábababalira ebanji, nenyu Eho ola utúla kwa nguba atákababalire emabi menyu.]»
Ebandu bábusa Yesu era luulu se'buashi bwai
(Mat 21:23-27; Luk 20:1-8)
27Yesu ne'banafunzi* bai bera kuhuba kuya mwa musi we'Yerusalemu. Ábere era ásungula mwa chibuawa che'Luhu lwa Ongo*, ebakulu-kulu be'bakuhanyi*, ne'bakangirisi be'Mwaso*, ala'uma ne'bashamuka be'Bayuta* bera kumuikira. 28Bera kumubusa mbu: «Ewashe, bine wénjire wáira, wábiira ku loso luchiye? Na nde iwàkuwere'lo?» 29Yesu nai mbu: «Nanyi nábabusa mwasi muuma. Na múkanyǎkula kuo, nanyi nyingábabura ku loso luchiye ku nénjire náira ene myasi. 30Eloso lwa Yowani éndee ábatisa mwe'bandu nalo, ngai u'lwátengeraa? Era mwa Ongo nesi kwa bandu? Munyákulaa!»
31Abu bakulu-kulu bera kuya nama. Bera kutangirisa báburana mbu: «Tukámwǎkula mbu era mwa Ongo yi lwátengeraa, nai angátubusa mbu: ‹Chi cheraa chátuma tútamwêmerera?› 32Na túkamwǎkula mbu kwa bandu ku lwátengeraa...» Bátetaa bacha, bushi bábaa bôbaa ebandu, bushi boshi bábaa bàtolire Yowani nga murebi* wa kanangana. 33Bushi no'ku, bera kwire bákula Yesu mbu: «Tùteshi.»
Nai era kwire ábabura mbu: «Nanyi, ndábabure ku loso luchiye ku nénjire náira ene myasi.»
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2017 Wycliffe Bible Translators, Inc.