Bakalatiya 1
1
Paulo álamusa ebemeresi be'Kalatiya
1-2Nyono Paulo, ndumwa* ya Yesu Kirisito, ala'uma na banyaketu bemeresi boshi ba nyìri nabo, tu twábǎnjikira mu bemeresi bo'mwa chio che'Kalatiya. Nyono, kwa kuba ndumwa*, ndálondolibwaa na bandu nesi ndárengeraa ku mundu. Si Yesu Kirisito na Ongo Tata iwámwômolaa mwa bafu, bu bányiirire kuba ndumwa*.
3Ongo Tata na Enawetu Yesu Kirisito béndaa bábaahanyira na kuberesa ebôlo! 4Kirisito* áchanaa yeine bushi ne'bibi byetu, chasiya àtukule mwa myasi ibi ye'butala bwa lwarero, kukulikana ne'kuhonda kwa Ongo Tata. 5Ongo éndaa átongibwa esuku ne'mango! Bibe bacha.
Kutali unji Mwasi Mubuya-buya
6Nàsomerwe busese bushi nenyu. Bushi Ongo àbâmaalaa kurengera ebonjo bwa Kirisito*, si mwabo mùtemangire kumureka na mwákulikira unji mwasi ola uchírembire kuba Mwasi Mubuya-buya.#1:6 Unji mwasi Mubuya-buya: Ba béndee báhubanganya oyu Mwasi, béndee báhubanganya kanangana eMwasi Mubuya-buya wa Yesu Kirisito, si béndee bátalika ku inji myasi era ìtenganyire ne'miomba* ye'Mwaso wa Musa. Nga'kuno ekumonyisibwa. 7Kanangana, kutáli unji Mwasi Mubuya-buya, si kùli bandu bauma ba bénjire bábasungulisa ebwenge na kuhonda babíndule eMwasi Mubuya-buya wa Kirisito*. 8Si akaba tubano, nesi malaika* ola wátenga kwa nguba, àngabahubanganyisa Mwasi Mubuya-buya ola utáli ngo'la twabáhubanganyisaa, áfe shambyo! 9Twabáa twàbabwirire ene myasi mira, si náhuba kubabura'i: akaba mundu murebe àngabahubanganyisa Mwasi Mubuya-buya, ola utáli ngo'la mweméreraa, áfe shambyo!
10Mwáanyisa mbu nàbabwirire bacha, bushi náhonda ebandu banyítonge? Nânga! Náhonda Ongo yeine i'unyítongaa. Nesi mwáanyisa mbu náhonda kunde násimisa ebandu? Akaba nyingénjire náhonda kusimisa ebandu, ndàngabere muanda wa Kirisito*.
Ongo iwálondolaa Paulo
11Banyaketu, nábabura kwe'Mwasi Mubuya-buya ola nabáhubanganyisaa, atáirwaa na mundu, 12ndèresibwaa'o na mundu murebe, nesi ndakángirisibwaa'o na mundu, si Yesu Kirisito yeine iwànyibihuliraa'o.
13Mômvire emwasi mira kute néndee náchitola mango nábaa nyichíri mwa tini* lye'Chiyuta. Si mwìshi kute néndee nálosa eluhu lwa Ongo kwa kasibu, na kuchisesa kuhandula'lo! 14Nábaa náendekera kubuya busese mwe'ri tini* lyetu lye'Chiyuta, kurenza ebanji bandu boshi bo'mwa lubaa lwetu, ba nábaa nyìri luero luuma nabo. Néndee náchisesa busese kurenza'bo mwa kutunda emyanya era bahokulu betu báturekeraa.
15Si Ongo ányilondolaa era muhondo se'kubutwa kwanyi, era kunyamáala kurengera ebonjo bwai. Era kulola kwa kukomire 16ànyilose eMwana wai, chasiya nyínde náhubanganyisa ebandu ba bàtatula Bayuta eMwasi Mubuya-buya wai. Mwa'ko kahangi, kutáli mundu ola náyaa kwéma eáno. 17Nesi ndérukiraa eYerusalemu kwa kuya kuhambala na ba bátangiraa kuba ndumwa* era muhondo sanyi, si nera kuya mwa chio che'Arabiya. Chasinda, nera kuhuba kanji mwa musi we'Tamasiki.
18Ábere kwàrenga myaka ehatu, nera kwérukira eYerusalemu, nyíye kuchikangana era mwa Petero. Nera kumala suku ekumi ne'tano mwa mwai. 19Kutáli inji ndumwa* era nálolaa'ko kureka Yakobo, munyakabo Enawetu. 20Ene myasi nábǎnjikira, nábabura era muhondo sa Ongo kwa itá ya bisha.
21Era nyuma se'bi, nera kwire náya mwa bimbi bye'chio che'Suriya, ne'che'Kirikiya. 22Mwe'si suku, ebemeresi bo'mwa chio che'Yuteya bábaa bàtasa kunyimenya. 23Si mwasi ibábaa bénjire bánômva mbu: «Ola mulume wabáa wénjire wátulosa kwa kasibu, nai era énjire áhubanganyisa ebandu emyasi ye'bwemeresi bwa abáa énjire áhandula.» 24Rero, bera kunde bátonga Ongo bushi nanyi.
ទើបបានជ្រើសរើសហើយ៖
Bakalatiya 1: tbt
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2017 Wycliffe Bible Translators, Inc.
Bakalatiya 1
1
Paulo álamusa ebemeresi be'Kalatiya
1-2Nyono Paulo, ndumwa* ya Yesu Kirisito, ala'uma na banyaketu bemeresi boshi ba nyìri nabo, tu twábǎnjikira mu bemeresi bo'mwa chio che'Kalatiya. Nyono, kwa kuba ndumwa*, ndálondolibwaa na bandu nesi ndárengeraa ku mundu. Si Yesu Kirisito na Ongo Tata iwámwômolaa mwa bafu, bu bányiirire kuba ndumwa*.
3Ongo Tata na Enawetu Yesu Kirisito béndaa bábaahanyira na kuberesa ebôlo! 4Kirisito* áchanaa yeine bushi ne'bibi byetu, chasiya àtukule mwa myasi ibi ye'butala bwa lwarero, kukulikana ne'kuhonda kwa Ongo Tata. 5Ongo éndaa átongibwa esuku ne'mango! Bibe bacha.
Kutali unji Mwasi Mubuya-buya
6Nàsomerwe busese bushi nenyu. Bushi Ongo àbâmaalaa kurengera ebonjo bwa Kirisito*, si mwabo mùtemangire kumureka na mwákulikira unji mwasi ola uchírembire kuba Mwasi Mubuya-buya.#1:6 Unji mwasi Mubuya-buya: Ba béndee báhubanganya oyu Mwasi, béndee báhubanganya kanangana eMwasi Mubuya-buya wa Yesu Kirisito, si béndee bátalika ku inji myasi era ìtenganyire ne'miomba* ye'Mwaso wa Musa. Nga'kuno ekumonyisibwa. 7Kanangana, kutáli unji Mwasi Mubuya-buya, si kùli bandu bauma ba bénjire bábasungulisa ebwenge na kuhonda babíndule eMwasi Mubuya-buya wa Kirisito*. 8Si akaba tubano, nesi malaika* ola wátenga kwa nguba, àngabahubanganyisa Mwasi Mubuya-buya ola utáli ngo'la twabáhubanganyisaa, áfe shambyo! 9Twabáa twàbabwirire ene myasi mira, si náhuba kubabura'i: akaba mundu murebe àngabahubanganyisa Mwasi Mubuya-buya, ola utáli ngo'la mweméreraa, áfe shambyo!
10Mwáanyisa mbu nàbabwirire bacha, bushi náhonda ebandu banyítonge? Nânga! Náhonda Ongo yeine i'unyítongaa. Nesi mwáanyisa mbu náhonda kunde násimisa ebandu? Akaba nyingénjire náhonda kusimisa ebandu, ndàngabere muanda wa Kirisito*.
Ongo iwálondolaa Paulo
11Banyaketu, nábabura kwe'Mwasi Mubuya-buya ola nabáhubanganyisaa, atáirwaa na mundu, 12ndèresibwaa'o na mundu murebe, nesi ndakángirisibwaa'o na mundu, si Yesu Kirisito yeine iwànyibihuliraa'o.
13Mômvire emwasi mira kute néndee náchitola mango nábaa nyichíri mwa tini* lye'Chiyuta. Si mwìshi kute néndee nálosa eluhu lwa Ongo kwa kasibu, na kuchisesa kuhandula'lo! 14Nábaa náendekera kubuya busese mwe'ri tini* lyetu lye'Chiyuta, kurenza ebanji bandu boshi bo'mwa lubaa lwetu, ba nábaa nyìri luero luuma nabo. Néndee náchisesa busese kurenza'bo mwa kutunda emyanya era bahokulu betu báturekeraa.
15Si Ongo ányilondolaa era muhondo se'kubutwa kwanyi, era kunyamáala kurengera ebonjo bwai. Era kulola kwa kukomire 16ànyilose eMwana wai, chasiya nyínde náhubanganyisa ebandu ba bàtatula Bayuta eMwasi Mubuya-buya wai. Mwa'ko kahangi, kutáli mundu ola náyaa kwéma eáno. 17Nesi ndérukiraa eYerusalemu kwa kuya kuhambala na ba bátangiraa kuba ndumwa* era muhondo sanyi, si nera kuya mwa chio che'Arabiya. Chasinda, nera kuhuba kanji mwa musi we'Tamasiki.
18Ábere kwàrenga myaka ehatu, nera kwérukira eYerusalemu, nyíye kuchikangana era mwa Petero. Nera kumala suku ekumi ne'tano mwa mwai. 19Kutáli inji ndumwa* era nálolaa'ko kureka Yakobo, munyakabo Enawetu. 20Ene myasi nábǎnjikira, nábabura era muhondo sa Ongo kwa itá ya bisha.
21Era nyuma se'bi, nera kwire náya mwa bimbi bye'chio che'Suriya, ne'che'Kirikiya. 22Mwe'si suku, ebemeresi bo'mwa chio che'Yuteya bábaa bàtasa kunyimenya. 23Si mwasi ibábaa bénjire bánômva mbu: «Ola mulume wabáa wénjire wátulosa kwa kasibu, nai era énjire áhubanganyisa ebandu emyasi ye'bwemeresi bwa abáa énjire áhandula.» 24Rero, bera kunde bátonga Ongo bushi nanyi.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2017 Wycliffe Bible Translators, Inc.