Baefeso 5

Ekuba mwa bulangare

1Rero bushi mùli bana basiirwa ba Ongo, mundaa mwámweya. 2Mundaa mwásimana mwa kalamo kenyu ngo'kwa Kirisito* nai ánatusimaa. Ânaa ekalamo kai bushi netu nga mitulo* kanji nga mitulo* era yénde yásiresibwa kwa kahaha*, era yáuka kubuya kanji ìsimise Ongo.

3Rero kukulikana no'kwa ebandu ba Ongo bémire kuba, emyasi ye'lusingi na chira mwasi wa buhungu, ne'buhuma-huma, biténdaa byômvikala mwa kachi-kachi kenyu. 4Kanji mwa kachi-kachi kenyu, muténdaa mwômvikala myasi ya ngambo, nesi ya buha-buha, nesi ya honyi, bushi ebyera bìtakomire. Si cha chikomire, kuli ekutonga Ongo. 5Muményereraa kanangana kwa chira musingisi, ne'chihungu, ne'muhuma-huma we'bikulo batákêngirire mwa bwami bwa Kirisito* na Ongo. Bushi ebuhuma-huma ináli njira ya kwêra ebihuhanyi.

6Kùtabaa mundu ola wábengeera na myasi ya buha-buha. Bushi emyasi era ìri nge'i iyénde yátuma Ongo àsibukira ebandu ba bàtatula bamútunjire. 7Rero ebandu ba bàli nga'bu, mùtakomeranaa nabo. 8Kwa mira, mwábaa mutúla mwa musimya. Si mwera mùli mwa bulangare bushi mùli mwa buuma na Enawetu. Bushi no'ku, mundaa mwáchitola nga bana ba bulangare. 9Ebulangare bu bwénde bwábuta emabuya, ne'myasi era ìtungenene ne'ye'kanangana. 10Muchisesaa kunde mwámenyerera emyasi era ìsimise Enawetu. 11Muténdaa mwêngirira mwa myasi ye'musimya era itéte mufa, si mundaa mwálosa'i changanama. 12Bushi bya abu bandu bénde báira mwa bubisho-bisho, byénde byêta honyi mwa kubihambala'ko. 13Si mango ei myasi yénde yálosibwa changanama, yánalorekana'ko mwa bulangare. 14Bushi byoshi bya byénde byálorekana'ko mwa bulangare, byénde byáhuba bulangare. Echera chi chénde chátuma báteta mbu:

«Sùkaa, u'ùli mwa tulo!

Òmwokaa uténge mwa bafu,

na Kirisito* angákulomekera.»

15Rero muchilángaa kwa myanya yenyu. Muténdaa mwáchitola nga mbuta, si mundaa mwáchitola nga bandu ba bèshi myasi. 16Mundaa mwákoresa kubuya ebihangi bya mwàbonyire, bushi sine suku tùli'mo sìri sibi. 17Bushi no'ku, mùtabaa mbuta, si muchisesaa kumenya bya Enawetu áhonda múnde mwáira.

18Muténdaa mwátamira etifai, bushi ebutamisi bwénde bwátuma ebandu báira bya bìtalongomanyire. Si mundaa mwákoresibwa ne'Muchima Mubuya-buya. 19Mundaa mwásesanya emichima mwa kwêmba enyimbo se'kutonga Enawetu na sinji nyimbo se'kumwèra sa sìtenganyire ne'Muchima Mubuya-buya. Mundaa mwámwembira na kumutonga kwa muchima wenyu woshi. 20Esuku soshi, mundaa mwáteta mbu akoko era mwa Ongo Tata mu chira mwasi, kwe'sina lya Enawetu Yesu Kirisito.

Máno kwa bahosi

21Mundaa mwêresanya etunda, bushi ne'tunda lya mutúsa ku Kirisito*.

22Mu bakasi, mundaa mwátunda be'ba benyu, ngo'kwa mutúla mùtunjire Enawetu. 23Bushi emulume li'twe lye'mukasi ngo'kwa Kirisito* li'twe lye'bemeresi. Kanji yeine i'Mununusi wa'bu bemeresi, bu bàli mubiri wai. 24Rero, ngo'kwa bemeresi bénde bátunda Kirisito*, kuno'ku ku ebakasi nabo bémire kunde bátunda be'ba babo mu chira mwasi.

25Nenyu mu balume, mundaa mwásima bakasi benyu ngo'kwa Kirisito* nai ásimaa ebemeresi, kuikira echihangi âna ekalamo kai bushi nabo. 26Áiraa bacha, chasiya aíre'bo kuba babuya-buya na kubakomya kurengera emeshi#5:26 Kukomya kurengera emeshi: Anola kuli kuteta mbu bubatiso. Somaa Tito 3:5. na kurengera eChinwa.#5:26 Somaa Yowani 15:3. 27Ábaa áhonda àchêrese yeine ebemeresi ba bète bulangare kanji babuya-buya, ba batéte ne'singa, nesi mifunyenye, nesi burema busibya. 28Kuno'ku kwe'balume nabo bémire kunde básima bakasi babo ngo'kwa beine batúla bàsimire emibiri yabo. Bushi ola ùsimire mukai, eri àchisimire yeine. 29Bushi kutáli ola utúla ùhombire emubiri wai! Si énde álisa'o, na kulanga'o kubuya, ngo'kwa Kirisito* nai énde áirira ebemeresi, 30bushi tùli bitera bye'mubiri wai. 31eMaanjiko Mabuya-buya matúla màtechire mbu: «Echera chi chénde chatuma emulume áreka eshe na nyina, ánaba mwa buuma na mukai. Abu babiri bánere bába mundu muuma.»#5:31 Ndangiriso 2:24. 32Ono mwasi àbishire bindu binene, si nyono náteta era luulu sa Kirisito* ne'bemeresi. 33Si chiro bacha, kwa bya bibêrekere nenyu, chira mulume ěmire kunde ásima mukai, ngo'kwa atúla àchisimire yeine. Na chira mukasi ěmire kunde átunda eba.

ទើបបានជ្រើសរើសហើយ៖

Baefeso 5: tbt

គំនូសចំណាំ

ចែករំលែក

ចម្លង