2 Bakorindo NDANGIRISO
NDANGIRISO
Paulo, ndumwa ya Yesu Kirisito iwáanjikiraa ebemeresi be'Korindo mano maruba. Áanjikaa'mo era nyuma sa suku singàika ku mwaka muuma kutengera mango áanjikiraa'bo emaruba ma Bakorindo babere-bere. Mwa mano maruba, Paulo áendekera kuteta kwa buuma bwai na besha Korindo bwábaa butaserire mwe'si suku.
Era nyuma se'kuanjika emaruba mabere-bere ma Bakorindo, Paulo era kuya kutangula'bo. Era kubuana mwa kachi-kachi kabo mùli myasi ya kulwisa ebukulu-kulu bwai, bushi bábaa báshiirisibwa ne'bandu ba béndee bákangirisa emyasi ye'bisha. Chasinda, era kwire ákaliira'bo mwa mano maruba. Ei myasi ye'bukali ìri mu maruba ma àhambere'ko mwa chimbi 2:3-4 ne'chimbi cha 7:8. Si amu maruba ma màhamberwe'ko mwe'bi bimbi máeraa. Chasinjire, Tito iwêkeraa'bo mano maruba me'bukali, era kwire ábuana Paulo mwa chio che'Maketoniya. Era kumubalira mwasi mubuya mbu besha Korindo bômvaa'mo kubuya. Banene mubo bera kubinduka kutenga mwa bibi byabo. Mango Paulo ábaa àli eMaketoniya mu mango éraa áanjika mano maruba kwa kubabura mbu akoko na kusesa'bo emuchima era nyuma se'suku sisibu sa bárengeraa'mo (2 Bakorindo 1-7). Mwa chimbi cha munane kuikira kwa cha mwenda, Paulo êresise'bo emano kwa kumalirisa emuholore we'kuya kuasa ebemeresi bakene bo'mwa musi we'Yerusalemu. (1 Bakorindo 16).
Si chiro bacha, mwa chikembe che'bemeresi be'Korindo mwábaa munáchiri bandu ba bábaa bachíri bálwisa Paulo. Bushi no'ku, mwa'mano maruba, Paulo áchitetera kwa kulosa ebukulu-kulu bwai bwe'kuba ndumwa (2 Bakorindo 10-13). Ábaa éte chifufu chinene kwa muchima mango ábaa áanjika mano maruba. Kanji àbikire mu myasi inene era ìhambere era luulu sai, nga'kuno emalibuko ma árengaa'mo ne'myasi yai ye'byabunya biroto.
ទើបបានជ្រើសរើសហើយ៖
2 Bakorindo NDANGIRISO: tbt
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2017 Wycliffe Bible Translators, Inc.