1 Bakorindo 8

Enyama sa bandu bàtulaa ebasimu

1Rero, kukulikana ne'bya byerékere enyama sa bandu bàtulaa ebasimu,#8:1 Esi nyama, sìri sa bandu béndee bátula ebasimu. Mwango muuma éndee óchibwa na kulibwa unao-unao, na unji mwango béndee bêresaa'o ebakuhanyi, ne'unji mwango musinda, béndee bêresaa'o banya nyama, nesi kuusa'o mwe'soko. Echera chi chéndee chátuma ebemeresi báchibusa eri ekulya enyama sa sìri nge'si, kwábaa kuta kuba luuma-luuma ne'basimu nesi nânga. Somaa Mikolo ye'ndumwa 15:20, 29. twìshi kwa mwénde mwáteta mbu: «Tuboshi tutúla twìshi myasi.» Si ekumenya emyasi kwénde kwátuma emundu áata erume. Si enzii yeke, yénde yátuma ebandu bákula mwa bwemeresi. 2Akaba mundu àngachichinga mbu eshi kandu karebe, eri àtasa kumenya'ko ngo'kwa byěmire kumenyerera. 3Si emundu ola ùsimire Ongo, oyola iwìshibwe na Ongo.

4Rero kukulikana ne'mwasi wèrekere ekulya enyama sa bandu bàtulaa ebasimu, twìshi kwe'basimu katá kandu muno butala. Kanji twìshi kanangana kwa kunátula Ongo muuma pwere. 5Kanangana, mwa chanya kwa nguba no'kuno butala kùli bindu binene bye'bandu batúla bàtolire nga baongo. Kanji kùli baongo banene, kwánaba na benawetu banene. 6Si chiro bacha, tubano tunátusa Ongo muuma oshâo. Oyola i'Tata ola wábumbaa byoshi. Kanji tùli bauma-uma bushi nai. Kutúla na Enawetu muuma oshâo, i'Yesu Kirisito. No'mwa kumurengera'ko, Ongo ábumbaa ebindu byoshi, ne'buashi bwai bu butúmire twába bauma-uma.

7Si oyu mwasi, atá ebemeresi boshi bu beshi'o. Bushi kùli bauma mubo ba bábaa bàkomere kunde bêra ebasimu. Kuikira lwarero, abu bandu mwa kulya esi enyama, bénjire báanyisa kanangana mbu sátulwaa ebasimu. Mwa kuba bera balyáa'si, bánatangirisa báchiaya mwa michima yabo, bushi bénde báchumva nga'ba bàchâkire esinga. 8Si kanangana, ebiryo bìtangatuma twába ofu na Ongo. Akaba tùnganana kulya'bi, kutáli cha tùngaba twàesise. Na akaba tùngalya'bi, kutáli cha tùngaba twaíngukire.

9Si muményaa, ebuhuru bwenyu bungesha kutuma ba bàtasimikire mwa bwemeresi báya mwa mabi. 10Bushi akaba emundu ola ùtasimikire mwa bwemeresi àngalola kwa u mundu wìshi myasi wálira enyama mwa kahumiro, ùtasene kwa echera chìngatuma nai álya enyama sa bandu bàtulaa ebasimu? 11Rero bushi no'ku kumenya emyasi kwao, kwanatuma oyu munyakenyu mwemeresi ola ùtasimikire áya mwa muero, no'ku Kirisito* ámufiraa! 12Mango mwénde mwáirira abu banyakenyu bemeresi emabi, na kutuma bálibukira mwa michima, muményaa kwa Yesu Kirisito yeine imwénde mwába mwáirira emabi. 13Bushi no'ku, akaba biryo birebe bìngatuma munyaketu mwemeresi áya mwa mabi, ndákachirye nyama chiro na hicha, nyingesha kutuma oyu munyaketu áya mwa mabi.

ទើបបានជ្រើសរើសហើយ៖

1 Bakorindo 8: tbt

គំនូសចំណាំ

ចែករំលែក

ចម្លង

ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល

ស្វែងយល់បន្ថែមទៀតអំពី Echilaano Chiyayaya