1 Bakorindo 16
16
Emuholore we'kuasa ebemeresi be'Yerusalemu
1Rero, bushi ne'muholore we'kuasa ebandu ba Ongo bo'mwa musi we'Yerusalemu, nenyu munáiraa ngo'kwa nàburaa ebemeresi bo'mwa chio che'Kalatiya. 2Chira lwe'inga, chira muuma mu mwabo ěmire kunde ábika mwango kwa bikulo byai, kukulikana no'kwa àbonaa. Mwa bacha mango nyingáika, kutáchibe myasi ya kuholosa. 3Mango nyingáika, nyingêsa ebandu ba mungába mwalóndwere emaruba kwa kwéka emuholore wenyu eYerusalemu. 4Akaba kukomire nanyi nyíye'yi, bangábalama ala'uma nanyi.
Paulo ákunganya enyibalamo sai
5Nyingáika eyi mwenyu mango nyingába nàtengire eMaketoniya, bushi eyi Maketoniya yi náhonda nyiréngere. 6Kuli mango nyingámala suku burebe ala'uma nenyu, nesi nyingánarenzesa esuku soshi se'mbeo eyi mwenyu, chasiya munyiase nyiéndekere ne'lubalamo lwanyi. 7Ndáhonda nyìbalole'ko mwa kunaulukana oshâo. Bushi nyéte munyiiro kwa nyingámala suku burebe ala'uma nenyu, akaba Enawetu ahónjire.
8Si nyichíri muno musi we'Efeso, kuikira kwa lusuku lukulu lwe'Pendekosite*. 9Bushi mwo'no musi, Ongo anyíboorere enjira ye'kukòla mulimo munene, chiro angaba mbu ebarenda bàli banene.
10Timoteo ákaika eyi mwenyu, Muchisesaa kumuhuukasa kubuya, bushi nai énjire ánakola emulimo wa Enawetu kuuma nanyi. 11Kùtabaa chiro na mundu asibya ola ùmukenaa! Si kumuasa ku mumúasaa aéndekere ne'lubalamo lwai mwa bôlo, chasiya afúluke ene nyìri. Bushi nyono, ala'uma na banyaketu bemeresi twámulinjira.
12Rero bushi ne'myasi era yèrekere munyaketu Apolo, namwémaa busese mbu àyaa eyi mwenyu ala'uma ne'banji banyaketu bemeresi. Si àtahondaa kuya eyera mwa'kano kabiri. Achíri angábaha mango angábona ebihangi.
Emyasi ye'kulaana
13Mundaa mwáchilanga-langa na kusimika busese mwa bwemeresi. Kanji mundaa mwáchisimba nga balume, na kuata misi. 14Mundaa mwáira byoshi mwa nzii.
15Si mwìshi kwa mwa chio choshi che'Akaya, Sitefanasi ala'uma na besha mwa mwai bu bábaa babere-bere kwêmerera Kirisito*. Kanji bénde báchana kwa kukorera ebandu ba Ongo. Bushi no'ku banyaketu, náběma busese, 16mundaa mwátunda ebandu ba bàli nga'bu. Mundaa mwátunda ne'banji boshi ba bénjire bákola busese ala'uma nabo.
17Nàmoire busese bushi ne'kuika kwa Sitefanasi na Foritunato, na Akaiko. Abu bandu baíre mwe'twe lyenyu kwa kunyiasa, 18bushi banyísesise emuchima ngo'kwa nenyu banábasesaa'o. Rero, ebandu ba bàli nga'bano, mundaa mwámenyerera emufa wabo.
19Ebemeresi bo'mwa chio che'Asiya bàbalamusise. Akila na Purisila, ala'uma ne'bemeresi ba bénjire bábuanana mwa mwabo, nabo bàbalamusise busese kwe'sina lya Enawetu. 20Banyaketu bemeresi boshi ba bàli anola, nabo bàbalamusise. Mulámusanyaa mwa kuoberana nga bauma.
21Ene myasi ye'kubalamusa, nyono Paulo nyi nàbaanjikirire'i ne'mino yanyi nyeine.
22Akaba mundu murebe àtatula asímire Enawetu, áfe shambyo!
Maranata! #16:22 Maranata: Mwa Chiarameya, maranata kukuteta mbu Enawetu ubáhaa! Enawetu ubáhaa!
23Enawetu Yesu éndaa ábaahanyira!
24Nyibasimire muboshi kurengera ebuuma bwetu na Yesu Kirisito.
ទើបបានជ្រើសរើសហើយ៖
1 Bakorindo 16: tbt
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2017 Wycliffe Bible Translators, Inc.
1 Bakorindo 16
16
Emuholore we'kuasa ebemeresi be'Yerusalemu
1Rero, bushi ne'muholore we'kuasa ebandu ba Ongo bo'mwa musi we'Yerusalemu, nenyu munáiraa ngo'kwa nàburaa ebemeresi bo'mwa chio che'Kalatiya. 2Chira lwe'inga, chira muuma mu mwabo ěmire kunde ábika mwango kwa bikulo byai, kukulikana no'kwa àbonaa. Mwa bacha mango nyingáika, kutáchibe myasi ya kuholosa. 3Mango nyingáika, nyingêsa ebandu ba mungába mwalóndwere emaruba kwa kwéka emuholore wenyu eYerusalemu. 4Akaba kukomire nanyi nyíye'yi, bangábalama ala'uma nanyi.
Paulo ákunganya enyibalamo sai
5Nyingáika eyi mwenyu mango nyingába nàtengire eMaketoniya, bushi eyi Maketoniya yi náhonda nyiréngere. 6Kuli mango nyingámala suku burebe ala'uma nenyu, nesi nyingánarenzesa esuku soshi se'mbeo eyi mwenyu, chasiya munyiase nyiéndekere ne'lubalamo lwanyi. 7Ndáhonda nyìbalole'ko mwa kunaulukana oshâo. Bushi nyéte munyiiro kwa nyingámala suku burebe ala'uma nenyu, akaba Enawetu ahónjire.
8Si nyichíri muno musi we'Efeso, kuikira kwa lusuku lukulu lwe'Pendekosite*. 9Bushi mwo'no musi, Ongo anyíboorere enjira ye'kukòla mulimo munene, chiro angaba mbu ebarenda bàli banene.
10Timoteo ákaika eyi mwenyu, Muchisesaa kumuhuukasa kubuya, bushi nai énjire ánakola emulimo wa Enawetu kuuma nanyi. 11Kùtabaa chiro na mundu asibya ola ùmukenaa! Si kumuasa ku mumúasaa aéndekere ne'lubalamo lwai mwa bôlo, chasiya afúluke ene nyìri. Bushi nyono, ala'uma na banyaketu bemeresi twámulinjira.
12Rero bushi ne'myasi era yèrekere munyaketu Apolo, namwémaa busese mbu àyaa eyi mwenyu ala'uma ne'banji banyaketu bemeresi. Si àtahondaa kuya eyera mwa'kano kabiri. Achíri angábaha mango angábona ebihangi.
Emyasi ye'kulaana
13Mundaa mwáchilanga-langa na kusimika busese mwa bwemeresi. Kanji mundaa mwáchisimba nga balume, na kuata misi. 14Mundaa mwáira byoshi mwa nzii.
15Si mwìshi kwa mwa chio choshi che'Akaya, Sitefanasi ala'uma na besha mwa mwai bu bábaa babere-bere kwêmerera Kirisito*. Kanji bénde báchana kwa kukorera ebandu ba Ongo. Bushi no'ku banyaketu, náběma busese, 16mundaa mwátunda ebandu ba bàli nga'bu. Mundaa mwátunda ne'banji boshi ba bénjire bákola busese ala'uma nabo.
17Nàmoire busese bushi ne'kuika kwa Sitefanasi na Foritunato, na Akaiko. Abu bandu baíre mwe'twe lyenyu kwa kunyiasa, 18bushi banyísesise emuchima ngo'kwa nenyu banábasesaa'o. Rero, ebandu ba bàli nga'bano, mundaa mwámenyerera emufa wabo.
19Ebemeresi bo'mwa chio che'Asiya bàbalamusise. Akila na Purisila, ala'uma ne'bemeresi ba bénjire bábuanana mwa mwabo, nabo bàbalamusise busese kwe'sina lya Enawetu. 20Banyaketu bemeresi boshi ba bàli anola, nabo bàbalamusise. Mulámusanyaa mwa kuoberana nga bauma.
21Ene myasi ye'kubalamusa, nyono Paulo nyi nàbaanjikirire'i ne'mino yanyi nyeine.
22Akaba mundu murebe àtatula asímire Enawetu, áfe shambyo!
Maranata! #16:22 Maranata: Mwa Chiarameya, maranata kukuteta mbu Enawetu ubáhaa! Enawetu ubáhaa!
23Enawetu Yesu éndaa ábaahanyira!
24Nyibasimire muboshi kurengera ebuuma bwetu na Yesu Kirisito.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2017 Wycliffe Bible Translators, Inc.