Markos 1
1
Ya pag-ubat-ubat ni Juan na Magba͡utismuway
1-2Yeiy ya Madyaw na Ubat-ubat kan Jisu-Kristu na Iseꞌ na Tyumanem. Ya pag-ubat-ubat seiy, migpalekat asini muna kasiling na pigpasulat na Tyumanem sa propita nan na si Isayas, kay dun ni pigsulat nan miglong ya Tyumanem adti Iseꞌ nan:
“Un ku pa-una͡en kanmu ya kanak mag-ubat-ubatay
pada tagilanen nan ya un mu agiyan.#1:2 Mabasa adti Malakiyas 3:1.
3 Magtatawag sakanan adti kaligbinan, aw yeiy ya un nan paglongun:
‘Tagilana mayu ya agiyanan na kanaten Tyumanem!
Pakadyawa mayu ya dalan na un nan agiyan!’ ”#1:3 Mabasa adti Isayas 40:3.
4Nyatuman yeiy dun ni pagkadtu ni Juan na Magba͡utismuway adti kaligbinan, aw pig-ubat-ubat nan na magpaba͡utismu ya manga utaw aw magselsel silan pada lanasen na Tyumanem ya kanilan manga salaꞌ. 5Aw nyadtu ni kan Juan ya madég na manga utaw na lekat adti kadakulaꞌ na Judiya aw Jérusalim. Aw pig-ubat nilan ya kanilan manga salaꞌ adti Tyumanem aw pigba͡utismuwan silan ni Juan dun ni tubig na Jordan. 6Na, ya pigsut ni Juan pig-imoꞌ lekat adti bulbul na kamilyo, aw ya elen nan uman lekat adti kindal na baka. Aw ya kanan pagkanen, yan ya dulun aw degaꞌ. 7Aw yeiy ya pig-ubat-ubat ni Juan: “Awun pa sambuk na makamoli kanak na to-o pa matas, aw diliꞌ aku makatumbuk kanan. Pangkay ya pag-ubad sa eket na sandal nan diliꞌ aku umbaꞌ. 8Aku ya magba͡utismu kamayu magi sa tubig, manang ya un dumateng, yan ya magba͡utismu kamayu sa Ispiritu Santo.”
Ya pagba͡utismu kan Jisus aw ya pagtandaꞌ kanan ni Satanas
9Talana ni Juan migba͡utismu sa manga utaw dun ni tubig na Jordan, dyumateng si Jisus lekat adti Nazarit sakup na Galiliya, aw migpaba͡utismu sakanan kan Juan. 10Aw sa pagtaklang da ni Jisus lekat adti tubig, kyinitaꞌ nan na nyabekaꞌ ya langit aw ya Ispiritu Santo na lyumugsad adti kanan kasiling na kalupati. 11Aw awun tingeg na lekat adti tas na langit na miglong, “Ikaw ya Iseꞌ ku na to-o ku pigginawa͡an, aw to-o aku kyatutukan kanmu.”
12Aw maksay si Jisus pigpa-agad na Ispiritu Santo adti kaligbinan na laganasen, 13aw adtu sakanan seled na kapatan (40) ya allaw, aw gayed pigtandaꞌ ni Satanas. Aw awun manga ayep na iyalas dun, aw pigsanggilaꞌ na manga anghil si Jisus.
Ya pag-ubat-ubat ni Jisus migpalekat adti Galiliya
14Na, pagkatigkas na pagkalabusu kan Juan, walaꞌ kadugay nyuliꞌ si Jisus adti Galiliya. Aw pigpa-edeꞌ nan ya Madyaw na Ubat-ubat na lekat adti Tyumanem, 15law nan, “Nyatuman da ya piglong na manga propita asini muna. Ya Paghariꞌ na Tyumanem sa Kasakupan nan malapit da. Yanagaw pagselsel kamu aw pangintu-uwi mayu ya Madyaw na Ubat-ubat!”
Ya pagtawag ni Jisus sa upat ya mangisda-ay
16Na, sambuk na allaw, nyanaw si Jisus adti baklayan na Danaw na Galiliya,#1:16 Ya kalawig na Danaw na Galiliya 23 ka kilomitro, aw ya kalakbang nan 11 ka kilomitro, aw ya kalalem nan 48 ka mitro. Ya danaw pig-iligan na tubig na Jordan aw lyumos ya tubig na Jordan adti sangkilid na danaw. aw kyinitaꞌ nan si Simon aw ya inulug nan na si Andrés na nyamiyala kay mangisda-ay saba silan. 17Aw miglong si Jisus kanilan, “Agad kamu kanak, kay imo-un ta kamu mangisda-ay sa manga utaw!” 18Aw maksay nilan pig-ayawan ya manga biyala nilan aw nyagad silan kan Jisus. 19Migpadeleg silan nyanaw adti baklayan, aw kyinitaꞌ uman ni Jisus si Santiago aw ya inulug nan na si Juan na alag iseꞌ ni Zibidiyo. Dun silan ni kanilan balangay mig-uman sa manga biyala. 20Aw maksay nan pigtawag na magad silan kanan. Aw pig-ayawan nilan ya kanilan ama aw ya manga magtalabahuway dun ni balangay, aw nyagad silan kan Jisus.
Ya pag-alilin ni Jisus sa busaw na syumeled adti utaw
21Aw nyadtu silan ni lunsud na Kapirna-um. Pagdateng na Allaw na Paglagdeng, syumeled si Jisus adti sinagoga aw migpalekat migpalna-u sa manga utaw. 22Aw ya kadég na dyumengeg sa palna-u nan, alag silan nya-enneng-enneng kay awun katulus na kanan pagpalna-u aw diliꞌ kasiling na pagpalna-u na kanilan manga magpalna-uway sa Uldin.
23Na, dun ni sinagoga awun sambuk na eseg na pigseledan na busaw. Aw miglong sa mabagseg na tingeg, 24law nan, “Kay Jisus na taga Nazarit, unu ya tud mu kanami? Unu, nyadi kaw na un apnasen ya kadég nami? Pigkilala ta kaw! Ikaw saba ya pigpadala na Tyumanem!” 25Manang pigsagda ni Jisus ya busaw, law nan, “Katinep kaw aw luwaꞌ kaw dun ni kanan!” 26Aw pigpatakig to-o na busaw ya utaw, aw mig-ulangag aw lyumuwaꞌ ya busaw. 27Aw ya kadég na manga utaw dun, alag silan nya-enneng-enneng. Aw migpan-usip-usipay silan, law nilan, “Unu yeiy? Bagu na palna-u? Awun katulus nan magsuguꞌ sa manga busaw aw pagka͡agadan nilan sakanan!” 28Yanagaw maksay nyabekkal ya pig-imoꞌ ni Jisus dun ni banwa na Galiliya.
Ya pagguliꞌ ni Jisus sa madég na utaw
29Pagkatigkas yan, maksay si Jisus nyindeg aw ya manga eped nan adti sinagoga dala si Santiago aw si Juan, aw nyadtu silan adti balay ni Simon aw ni Andrés. 30Pagdateng nilan dun, maksay nilan pig-ubatan si Jisus na kyedelan ya ugangan ni Simon na ka͡ubayan, aw gayed sakanan kyumulang asuntu na to-o migkapasuꞌ. 31Yanagaw, migpalapit si Jisus adti kanan aw pig-awidan nan ya bekten aw pigbangun nan. Aw dayaw pig-uwasan sa kapasuꞌ nan, aw pagkatigkas yan, pigsanggilaꞌ nan silan.
32Pagsallep da na sega, pigpandala adti kan Jisus ya kadég na kyedelan aw manga utaw na syeledan na busaw.#1:32 Sa Allaw na Paglagdeng, diliꞌ magtalabahu ya manga utaw pada diliꞌ nilan kalakadan ya suguꞌ dun ni Uldin na mabasa adti Éxudo 20:8-11. Aw pigtagadan nilan na sumallep ya sega pada makakadtu silan adti kan Jisus. 33Aw madég ya manga utaw na taga Kapirna-um na migkatipun adti gisakan na balay. 34Yanagaw pigpangguliꞌ nan ya madég na punganan na manga magkedel, aw pig-alilinan nan uman ya madég na busaw na syumeled adti manga utaw. Aw walaꞌ ni Jisus tumbayan na maglong ya manga busaw kay kya-ede-an da nilan kun singalan sakanan.
Ya pag-ubat-ubat ni Jisus sa manga utaw dun ni Galiliya
35Na, pagkamaselem da, to-o nyaselem si Jisus migbangun aw migpasinan sakanan adti kaligbinan aw nyanawagtawag adti Tyumanem. 36Aw pigpaninaw ni Simon aw manga eped nan si Jisus. 37Aw sa pagkitaꞌ nilan kanan, law nilan, “Ya kadég na manga utaw alag nyaninaw kanmu!” 38Manang miglong si Jisus kanilan, “Madtu kitadun adti manga lunsud na malapit asini, pada pa-ede-en silan sa Madyaw na Ubat-ubat, kay yeiy ya du-an na pigpadala aku asini tas na lupaꞌ.” 39Aw piglegeb ni Jisus ya banwa na Galiliya, aw gayed migpalna-u adti manga sinagoga na manga Judiyu. Aw pig-alilinan nan ya manga busaw na syumeled adti manga utaw.
Ya pagpaguliꞌ ni Jisus sa utaw na ibungun
40Na, awun eseg na ibungun na dyumulud kan Jisus. Lyumuhud sakanan aw to-o nyanginayuꞌ, law nan, “Kay Sir, kun malim kaw, guli-a beg ya ibung ku, pada kalinisan da ya lawas ku.”#1:40 Ya ibung, yan ya magkedel na magpambutu aw magpangkalandak ya kindal na lawas. 41Aw to-o si Jisus nyallat kanan. Yanagaw, pig-awidan nan ya eseg yan aw miglong, “Kaliman ku saba. Na, kaguli-an da kaw!” 42Aw dayaw nyalanas ya kanan ibung, aw kyalinisan da ya lawas nan. 43Tigkas yan, maksay sakanan pigpapanaw ni Jisus aw piglongan nan, 44“Ya-i pag-ubatan adti pangkay singalan utawa ya nya-imoꞌ kanmu adun! Manang kadtu kaw baling ni Témplo aw patanawan ya lawas mu adti magdadugsu-ay, aw yan ya magmatinaw na nyaguliꞌ da ya ibung mu. Aw dala͡en mu kanan ya umbaꞌ na pagdugsuꞌ na pigsuguꞌ ni Moysis, pada ka-ede-an na manga utaw na kyalinisan da kaw.” 45Manang sa pagpanaw da nan, pig-ubat nan adti madég na utaw ya nya-imoꞌ kanan, yanagaw nyabekkal baling ya ubat-ubat kanan. Aw yan ya du-an na walaꞌ si Jisus pakaseled adti manga lunsud aw adtu pa sakanan pag-eyaꞌ ni kaligbinan. Aw pangkay nyeyaꞌ sakanan dun, manang kenneꞌ na manga utaw adti eped na manga banwa nyadtu ni sayid nan.
ទើបបានជ្រើសរើសហើយ៖
Markos 1: klgv
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2024, Wycliffe Bible Translators, Inc. All rights reserved.
Markos 1
1
Ya pag-ubat-ubat ni Juan na Magba͡utismuway
1-2Yeiy ya Madyaw na Ubat-ubat kan Jisu-Kristu na Iseꞌ na Tyumanem. Ya pag-ubat-ubat seiy, migpalekat asini muna kasiling na pigpasulat na Tyumanem sa propita nan na si Isayas, kay dun ni pigsulat nan miglong ya Tyumanem adti Iseꞌ nan:
“Un ku pa-una͡en kanmu ya kanak mag-ubat-ubatay
pada tagilanen nan ya un mu agiyan.#1:2 Mabasa adti Malakiyas 3:1.
3 Magtatawag sakanan adti kaligbinan, aw yeiy ya un nan paglongun:
‘Tagilana mayu ya agiyanan na kanaten Tyumanem!
Pakadyawa mayu ya dalan na un nan agiyan!’ ”#1:3 Mabasa adti Isayas 40:3.
4Nyatuman yeiy dun ni pagkadtu ni Juan na Magba͡utismuway adti kaligbinan, aw pig-ubat-ubat nan na magpaba͡utismu ya manga utaw aw magselsel silan pada lanasen na Tyumanem ya kanilan manga salaꞌ. 5Aw nyadtu ni kan Juan ya madég na manga utaw na lekat adti kadakulaꞌ na Judiya aw Jérusalim. Aw pig-ubat nilan ya kanilan manga salaꞌ adti Tyumanem aw pigba͡utismuwan silan ni Juan dun ni tubig na Jordan. 6Na, ya pigsut ni Juan pig-imoꞌ lekat adti bulbul na kamilyo, aw ya elen nan uman lekat adti kindal na baka. Aw ya kanan pagkanen, yan ya dulun aw degaꞌ. 7Aw yeiy ya pig-ubat-ubat ni Juan: “Awun pa sambuk na makamoli kanak na to-o pa matas, aw diliꞌ aku makatumbuk kanan. Pangkay ya pag-ubad sa eket na sandal nan diliꞌ aku umbaꞌ. 8Aku ya magba͡utismu kamayu magi sa tubig, manang ya un dumateng, yan ya magba͡utismu kamayu sa Ispiritu Santo.”
Ya pagba͡utismu kan Jisus aw ya pagtandaꞌ kanan ni Satanas
9Talana ni Juan migba͡utismu sa manga utaw dun ni tubig na Jordan, dyumateng si Jisus lekat adti Nazarit sakup na Galiliya, aw migpaba͡utismu sakanan kan Juan. 10Aw sa pagtaklang da ni Jisus lekat adti tubig, kyinitaꞌ nan na nyabekaꞌ ya langit aw ya Ispiritu Santo na lyumugsad adti kanan kasiling na kalupati. 11Aw awun tingeg na lekat adti tas na langit na miglong, “Ikaw ya Iseꞌ ku na to-o ku pigginawa͡an, aw to-o aku kyatutukan kanmu.”
12Aw maksay si Jisus pigpa-agad na Ispiritu Santo adti kaligbinan na laganasen, 13aw adtu sakanan seled na kapatan (40) ya allaw, aw gayed pigtandaꞌ ni Satanas. Aw awun manga ayep na iyalas dun, aw pigsanggilaꞌ na manga anghil si Jisus.
Ya pag-ubat-ubat ni Jisus migpalekat adti Galiliya
14Na, pagkatigkas na pagkalabusu kan Juan, walaꞌ kadugay nyuliꞌ si Jisus adti Galiliya. Aw pigpa-edeꞌ nan ya Madyaw na Ubat-ubat na lekat adti Tyumanem, 15law nan, “Nyatuman da ya piglong na manga propita asini muna. Ya Paghariꞌ na Tyumanem sa Kasakupan nan malapit da. Yanagaw pagselsel kamu aw pangintu-uwi mayu ya Madyaw na Ubat-ubat!”
Ya pagtawag ni Jisus sa upat ya mangisda-ay
16Na, sambuk na allaw, nyanaw si Jisus adti baklayan na Danaw na Galiliya,#1:16 Ya kalawig na Danaw na Galiliya 23 ka kilomitro, aw ya kalakbang nan 11 ka kilomitro, aw ya kalalem nan 48 ka mitro. Ya danaw pig-iligan na tubig na Jordan aw lyumos ya tubig na Jordan adti sangkilid na danaw. aw kyinitaꞌ nan si Simon aw ya inulug nan na si Andrés na nyamiyala kay mangisda-ay saba silan. 17Aw miglong si Jisus kanilan, “Agad kamu kanak, kay imo-un ta kamu mangisda-ay sa manga utaw!” 18Aw maksay nilan pig-ayawan ya manga biyala nilan aw nyagad silan kan Jisus. 19Migpadeleg silan nyanaw adti baklayan, aw kyinitaꞌ uman ni Jisus si Santiago aw ya inulug nan na si Juan na alag iseꞌ ni Zibidiyo. Dun silan ni kanilan balangay mig-uman sa manga biyala. 20Aw maksay nan pigtawag na magad silan kanan. Aw pig-ayawan nilan ya kanilan ama aw ya manga magtalabahuway dun ni balangay, aw nyagad silan kan Jisus.
Ya pag-alilin ni Jisus sa busaw na syumeled adti utaw
21Aw nyadtu silan ni lunsud na Kapirna-um. Pagdateng na Allaw na Paglagdeng, syumeled si Jisus adti sinagoga aw migpalekat migpalna-u sa manga utaw. 22Aw ya kadég na dyumengeg sa palna-u nan, alag silan nya-enneng-enneng kay awun katulus na kanan pagpalna-u aw diliꞌ kasiling na pagpalna-u na kanilan manga magpalna-uway sa Uldin.
23Na, dun ni sinagoga awun sambuk na eseg na pigseledan na busaw. Aw miglong sa mabagseg na tingeg, 24law nan, “Kay Jisus na taga Nazarit, unu ya tud mu kanami? Unu, nyadi kaw na un apnasen ya kadég nami? Pigkilala ta kaw! Ikaw saba ya pigpadala na Tyumanem!” 25Manang pigsagda ni Jisus ya busaw, law nan, “Katinep kaw aw luwaꞌ kaw dun ni kanan!” 26Aw pigpatakig to-o na busaw ya utaw, aw mig-ulangag aw lyumuwaꞌ ya busaw. 27Aw ya kadég na manga utaw dun, alag silan nya-enneng-enneng. Aw migpan-usip-usipay silan, law nilan, “Unu yeiy? Bagu na palna-u? Awun katulus nan magsuguꞌ sa manga busaw aw pagka͡agadan nilan sakanan!” 28Yanagaw maksay nyabekkal ya pig-imoꞌ ni Jisus dun ni banwa na Galiliya.
Ya pagguliꞌ ni Jisus sa madég na utaw
29Pagkatigkas yan, maksay si Jisus nyindeg aw ya manga eped nan adti sinagoga dala si Santiago aw si Juan, aw nyadtu silan adti balay ni Simon aw ni Andrés. 30Pagdateng nilan dun, maksay nilan pig-ubatan si Jisus na kyedelan ya ugangan ni Simon na ka͡ubayan, aw gayed sakanan kyumulang asuntu na to-o migkapasuꞌ. 31Yanagaw, migpalapit si Jisus adti kanan aw pig-awidan nan ya bekten aw pigbangun nan. Aw dayaw pig-uwasan sa kapasuꞌ nan, aw pagkatigkas yan, pigsanggilaꞌ nan silan.
32Pagsallep da na sega, pigpandala adti kan Jisus ya kadég na kyedelan aw manga utaw na syeledan na busaw.#1:32 Sa Allaw na Paglagdeng, diliꞌ magtalabahu ya manga utaw pada diliꞌ nilan kalakadan ya suguꞌ dun ni Uldin na mabasa adti Éxudo 20:8-11. Aw pigtagadan nilan na sumallep ya sega pada makakadtu silan adti kan Jisus. 33Aw madég ya manga utaw na taga Kapirna-um na migkatipun adti gisakan na balay. 34Yanagaw pigpangguliꞌ nan ya madég na punganan na manga magkedel, aw pig-alilinan nan uman ya madég na busaw na syumeled adti manga utaw. Aw walaꞌ ni Jisus tumbayan na maglong ya manga busaw kay kya-ede-an da nilan kun singalan sakanan.
Ya pag-ubat-ubat ni Jisus sa manga utaw dun ni Galiliya
35Na, pagkamaselem da, to-o nyaselem si Jisus migbangun aw migpasinan sakanan adti kaligbinan aw nyanawagtawag adti Tyumanem. 36Aw pigpaninaw ni Simon aw manga eped nan si Jisus. 37Aw sa pagkitaꞌ nilan kanan, law nilan, “Ya kadég na manga utaw alag nyaninaw kanmu!” 38Manang miglong si Jisus kanilan, “Madtu kitadun adti manga lunsud na malapit asini, pada pa-ede-en silan sa Madyaw na Ubat-ubat, kay yeiy ya du-an na pigpadala aku asini tas na lupaꞌ.” 39Aw piglegeb ni Jisus ya banwa na Galiliya, aw gayed migpalna-u adti manga sinagoga na manga Judiyu. Aw pig-alilinan nan ya manga busaw na syumeled adti manga utaw.
Ya pagpaguliꞌ ni Jisus sa utaw na ibungun
40Na, awun eseg na ibungun na dyumulud kan Jisus. Lyumuhud sakanan aw to-o nyanginayuꞌ, law nan, “Kay Sir, kun malim kaw, guli-a beg ya ibung ku, pada kalinisan da ya lawas ku.”#1:40 Ya ibung, yan ya magkedel na magpambutu aw magpangkalandak ya kindal na lawas. 41Aw to-o si Jisus nyallat kanan. Yanagaw, pig-awidan nan ya eseg yan aw miglong, “Kaliman ku saba. Na, kaguli-an da kaw!” 42Aw dayaw nyalanas ya kanan ibung, aw kyalinisan da ya lawas nan. 43Tigkas yan, maksay sakanan pigpapanaw ni Jisus aw piglongan nan, 44“Ya-i pag-ubatan adti pangkay singalan utawa ya nya-imoꞌ kanmu adun! Manang kadtu kaw baling ni Témplo aw patanawan ya lawas mu adti magdadugsu-ay, aw yan ya magmatinaw na nyaguliꞌ da ya ibung mu. Aw dala͡en mu kanan ya umbaꞌ na pagdugsuꞌ na pigsuguꞌ ni Moysis, pada ka-ede-an na manga utaw na kyalinisan da kaw.” 45Manang sa pagpanaw da nan, pig-ubat nan adti madég na utaw ya nya-imoꞌ kanan, yanagaw nyabekkal baling ya ubat-ubat kanan. Aw yan ya du-an na walaꞌ si Jisus pakaseled adti manga lunsud aw adtu pa sakanan pag-eyaꞌ ni kaligbinan. Aw pangkay nyeyaꞌ sakanan dun, manang kenneꞌ na manga utaw adti eped na manga banwa nyadtu ni sayid nan.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2024, Wycliffe Bible Translators, Inc. All rights reserved.