Matiyo 3
3
Ya pag-ubat-ubat ni Juan na Magba͡utismuway
1Paglabay da na madég na umay, si Juan na Magba͡utismuway migpalekat mig-ubat-ubat adti kaligbinan dun ni probinsiya na Judiya, aw miglong sakanan adti manga utaw, 2“Pagselsel kamu sa manga salaꞌ mayu! Kay ya Paghariꞌ na Tyumanem sa Kasakupan nan malapit da.”
3Si Juan saba ya pyalabet asini muna na propita na si Isayas na miglong,
“Awun utaw na magtatawag adti kaligbinan.
Aw yeiy ya un nan paglongun:
‘Tagilana mayu ya agiyanan na kanaten Tyumanem!
Pakadyawa mayu ya dalan na un nan agiyan!’ ” #3:3 Mabasa adti Isayas 40:3.
4Na, ya pigsut ni Juan pig-imoꞌ lekat adti bulbul na kamilyo, aw ya elen nan uman lekat adti kindal na baka. Aw ya kanan pagkanen, yan ya dulun aw degaꞌ.
5Aw madég ya utaw na nyadtu ni kan Juan na lekat adti Jérusalim aw ya kadakulaꞌ na probinsiya na Judiya aw kadég na banwa na nyakapalibed adti tubig na Jordan. 6Aw pig-ubat nilan ya kanilan manga salaꞌ adti Tyumanem aw pigba͡utismuwan silan ni Juan dun ni tubig na Jordan.
7Manang dyumateng dun uman ya madég na utaw na Parisiyo aw Sadusiyo pada magpaba͡utismu silan kan Juan.#3:7 Ya manga Parisiyo aw Sadusiyo, alag silan mangkalangkaw adti manga utaw na Judiyu, aw alag silan sakup adti matas na pag-usayan nilan. Aw sa pagkitaꞌ nan kanilan, pig-usip nan silan, “Kamu na manga migtallalingu, anangaꞌ kamu madi? Ya bet mayu kasiling saba na ulud! Singalan kaꞌ ya miglong kamayu na makapalaguy kamu lekat adti pa-emel-emel na Tyumanem na malapit da dumateng? 8Kun kaliman mayu makaluwaꞌ dun, pakita͡an mayu ya bunga na kamayu pagselsel. 9Unu kaꞌ, mig-anenganeng kamu na diliꞌ kamu nan pa-emel-emelen asuntu na buwadbuwad kamu ni Abraham? Paglongun ta kamu: Mabatug saba na Tyumanem ya pag-imoꞌ sa manga batu ini na palangad mangayseꞌ ni Abraham na un pagsayu kamayu! 10Aw pangkay adun, pigtagilan da ya palakul na un pagsakap sa manga kawuy na walaꞌ pamunga sa madyaw, aw agbel adti atulun. 11Aku ya magba͡utismu kamayu magi sa tubig na yan ya pangilala na migselsel da kamu sa kamayu manga salaꞌ. Manang awun pa sambuk na makamoli kanak, aw yan ya magba͡utismu kamayu sa Ispiritu Santo aw atulun. Yan ya to-o pa kanak matas, aw diliꞌ aku makatumbuk kanan. Pangkay ya sandal nan diliꞌ aku umbaꞌ magbitbit. 12Aw dun ni pag-ukum nan, taniyen nan ya kanan manga utaw, kasiling saba na utaw na migbulus sa trigu. Magi dun ni pagbulus nan, matani ya tipig aw matani uman ya awun seled. Panimunun nan ya awun seled aw dayaw betang adti pul. Manang ya tipig, ubusun nan panimunun aw asag adti atulun na diliꞌ pagkapatayan.”
Ya pagba͡utismu kan Jisus
13Talana ni Juan migba͡utismu sa manga utaw dun ni tubig na Jordan, dyumateng si Jisus lekat adti banwa na Galiliya na un magpaba͡utismu kanan. 14Manang si Juan diliꞌ galu malim magba͡utismu kan Jisus, aw miglong sakanan, “Aku galu ya ka-ilangan ba͡utismuwan mu. Anangaꞌ na ikaw da baling ya ba͡utismuwan ku?”
15Aw tyumubag si Jisus kanan, “Imo-a la adun yeiy, pada matuman ya piglong na Tyumanem.” Yanagaw tyumandeꞌ si Juan, aw pigba͡utismuwan nan si Jisus.
16Pagkatigkas na pagba͡utismu kan Jisus, tyumaklang sakanan lekat adti tubig. Aw tigkan nyabekaꞌ ya langit. Aw kyinitaꞌ nan ya Ispiritu Santo na lekat adti tas na kasiling na kalupati na maputiꞌ na lyumugsad adti kanan. 17Aw awun tingeg na lekat adti tas na langit na miglong, “Yeiy saba ya kanak Iseꞌ na to-o ku pigginawa͡an, aw to-o aku kyatutukan kanan.”
ទើបបានជ្រើសរើសហើយ៖
Matiyo 3: klgv
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2024, Wycliffe Bible Translators, Inc. All rights reserved.
Matiyo 3
3
Ya pag-ubat-ubat ni Juan na Magba͡utismuway
1Paglabay da na madég na umay, si Juan na Magba͡utismuway migpalekat mig-ubat-ubat adti kaligbinan dun ni probinsiya na Judiya, aw miglong sakanan adti manga utaw, 2“Pagselsel kamu sa manga salaꞌ mayu! Kay ya Paghariꞌ na Tyumanem sa Kasakupan nan malapit da.”
3Si Juan saba ya pyalabet asini muna na propita na si Isayas na miglong,
“Awun utaw na magtatawag adti kaligbinan.
Aw yeiy ya un nan paglongun:
‘Tagilana mayu ya agiyanan na kanaten Tyumanem!
Pakadyawa mayu ya dalan na un nan agiyan!’ ” #3:3 Mabasa adti Isayas 40:3.
4Na, ya pigsut ni Juan pig-imoꞌ lekat adti bulbul na kamilyo, aw ya elen nan uman lekat adti kindal na baka. Aw ya kanan pagkanen, yan ya dulun aw degaꞌ.
5Aw madég ya utaw na nyadtu ni kan Juan na lekat adti Jérusalim aw ya kadakulaꞌ na probinsiya na Judiya aw kadég na banwa na nyakapalibed adti tubig na Jordan. 6Aw pig-ubat nilan ya kanilan manga salaꞌ adti Tyumanem aw pigba͡utismuwan silan ni Juan dun ni tubig na Jordan.
7Manang dyumateng dun uman ya madég na utaw na Parisiyo aw Sadusiyo pada magpaba͡utismu silan kan Juan.#3:7 Ya manga Parisiyo aw Sadusiyo, alag silan mangkalangkaw adti manga utaw na Judiyu, aw alag silan sakup adti matas na pag-usayan nilan. Aw sa pagkitaꞌ nan kanilan, pig-usip nan silan, “Kamu na manga migtallalingu, anangaꞌ kamu madi? Ya bet mayu kasiling saba na ulud! Singalan kaꞌ ya miglong kamayu na makapalaguy kamu lekat adti pa-emel-emel na Tyumanem na malapit da dumateng? 8Kun kaliman mayu makaluwaꞌ dun, pakita͡an mayu ya bunga na kamayu pagselsel. 9Unu kaꞌ, mig-anenganeng kamu na diliꞌ kamu nan pa-emel-emelen asuntu na buwadbuwad kamu ni Abraham? Paglongun ta kamu: Mabatug saba na Tyumanem ya pag-imoꞌ sa manga batu ini na palangad mangayseꞌ ni Abraham na un pagsayu kamayu! 10Aw pangkay adun, pigtagilan da ya palakul na un pagsakap sa manga kawuy na walaꞌ pamunga sa madyaw, aw agbel adti atulun. 11Aku ya magba͡utismu kamayu magi sa tubig na yan ya pangilala na migselsel da kamu sa kamayu manga salaꞌ. Manang awun pa sambuk na makamoli kanak, aw yan ya magba͡utismu kamayu sa Ispiritu Santo aw atulun. Yan ya to-o pa kanak matas, aw diliꞌ aku makatumbuk kanan. Pangkay ya sandal nan diliꞌ aku umbaꞌ magbitbit. 12Aw dun ni pag-ukum nan, taniyen nan ya kanan manga utaw, kasiling saba na utaw na migbulus sa trigu. Magi dun ni pagbulus nan, matani ya tipig aw matani uman ya awun seled. Panimunun nan ya awun seled aw dayaw betang adti pul. Manang ya tipig, ubusun nan panimunun aw asag adti atulun na diliꞌ pagkapatayan.”
Ya pagba͡utismu kan Jisus
13Talana ni Juan migba͡utismu sa manga utaw dun ni tubig na Jordan, dyumateng si Jisus lekat adti banwa na Galiliya na un magpaba͡utismu kanan. 14Manang si Juan diliꞌ galu malim magba͡utismu kan Jisus, aw miglong sakanan, “Aku galu ya ka-ilangan ba͡utismuwan mu. Anangaꞌ na ikaw da baling ya ba͡utismuwan ku?”
15Aw tyumubag si Jisus kanan, “Imo-a la adun yeiy, pada matuman ya piglong na Tyumanem.” Yanagaw tyumandeꞌ si Juan, aw pigba͡utismuwan nan si Jisus.
16Pagkatigkas na pagba͡utismu kan Jisus, tyumaklang sakanan lekat adti tubig. Aw tigkan nyabekaꞌ ya langit. Aw kyinitaꞌ nan ya Ispiritu Santo na lekat adti tas na kasiling na kalupati na maputiꞌ na lyumugsad adti kanan. 17Aw awun tingeg na lekat adti tas na langit na miglong, “Yeiy saba ya kanak Iseꞌ na to-o ku pigginawa͡an, aw to-o aku kyatutukan kanan.”
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2024, Wycliffe Bible Translators, Inc. All rights reserved.