Lukas 6
6
Ya piglong ni Jisus sa Allaw na Paglagdeng
1Na, sambuk na Allaw na Paglagdeng, nyanaw si Jisus aw ya kanan manga umagakan dun ni dalan na nyaka-agi adti tengaꞌ na pawaꞌ na awun trigu na agpet da aniyen. Aw nyanaplus ya manga umagakan nan sa trigu aw pigtebteb nilan. 2Manang awun manga Parisiyo na nyusip, “Anangaꞌ mayu lakadan ya suguꞌ dun ni Uldin sa Allaw na Paglagdeng?” 3Tyumubag si Jisus kanilan, “Unu kaꞌ, walaꞌ mayu kabasa ya pigpasulat na Tyumanem sa pig-imoꞌ ni Dabid? Pagkagetem nan aw ya kanan manga eped, 4syumeled sakanan adti Balay na Tyumanem, aw pigkamang nan ya pan na pig-atag da adti Tyumanem. Aw pigkan ni Dabid aw pig-atagan nan uman ya kanan manga eped, aw kyalakadan nilan ya Uldin kay yan saba oloꞌ ya makakan ya manga magdadugsu-ay.”#6:4 Mabasa adti 1 Samwél 21:1-6. 5Aw miglong pa uman kanilan si Jisus, “Aku na Iseꞌ na Utaw, pig-atag da kanak ya pagbayaꞌ sa unu ya madyaw imo-un sa Allaw na Paglagdeng.”
Ya pagpaguliꞌ ni Jisus sa utaw na kimay
6Na, sambuk uman na Allaw na Paglagdeng, syumeled si Jisus adti sinagoga aw migpalna-u, aw dun ya sambuk na eseg na kimay ya kalintu na bekten nan. 7Aw dun uman ya manga Parisiyo aw manga magpalna-uway sa Uldin na manga Judiyu na migbantay sa un imo-un ni Jisus, kun guli-en nan ya bekten na utaw dun ni Allaw na Paglagdeng. Kay kaliman nilan na awun puliba maglimanda kanan. 8Manang kya-ede-an ni Jisus ya adti anenganeng nilan. Yanagaw pigtawag nan ya eseg na kimay, law nan, “Adi kaw aw indeg kaw asini asdangan na kadég na utaw.” Aw nyindeg ya utaw yan dun ni asdangan nilan. 9Aw miglong si Jisus adti manga Parisiyo aw manga magpalna-uway, “Awun usip ku kamayu: Adti Uldin, unu ya pigtumbay na imo-un dun ni Allaw na Paglagdeng, ya pag-imoꞌ sa madyaw aw ya pag-imoꞌ sa malatay? Aw kun paluwa-en ya utaw lekat adti pagti-is aw kalaten baling sakanan?” 10Pig-inunu ni Jisus ya kadég nilan, aw tigkas yan piglongan nan ya eseg na kimay, “Ulada ya bekten mu.” Aw pig-ulad nan ya kanan bekten, aw dayaw migkadyaw. 11Manang ya manga Parisiyo aw manga magpalna-uway sa Uldin, to-o silan nyadaman aw pigbalawbalawan nilan kun unu ya un nilan imo-un kan Jisus.
Ya pagpamalliꞌ ni Jisus sa sampuluꞌ tag duwa (12) ya apostolés
12Na, dun ni manga allaw yan, tyumukud si Jisus adti buntud na un manawagtawag. Aw sanggabi nan nyanawagtawag adti Tyumanem. 13Aw sa pagkamaselem da, pigtawag ni Jisus adti kanan ya manga umagakan nan. Aw pigpamalliꞌ nan ya sampuluꞌ tag duwa (12) ya eseg aw pigngalanan nan silan na manga apostolés. 14Ini ya manga pigpamalliꞌ nan: Si Simon na pigngalanan ni Jisus na Pédro, aw ya inulug nan na si Andrés, aw si Santiago, si Juan, si Pilipi, si Bartolomi, 15aw si Matiyo,#6:15 Ya sambuk na ngalan ni Matiyo si Libi. si Tomas, si Santiago na iseꞌ ni Alpiyo, si Simon na Zéloti, 16si Judas na iseꞌ ni Santiago, aw si Judas Iskariyoti na yan ya un maglubid kan Jisus.
Ya pagpalna-u ni Jisus aw ya pagpangguliꞌ nan sa madég na utaw
17Pagkatigkas yan, tyumubang si Jisus aw ya kanan manga umagakan adti kalatagan, kay tyumagad dun ya madég na utaw na dyumalug kanan. Aw dun uman pagkatipun ya madég pa to-o na manga utaw na lekat adti kadakulaꞌ na Judiya dala ya syudad na Jérusalim, aw awun uman lekat adti manga syudad na Tiro aw Sidon na apit adti ligad na dagat. 18Nyangkadtu silan ni kan Jisus na un magpakanyeg kanan aw pada guli-en ya manga magkedel nilan. Aw nyangkadtu uman ya manga utaw na syeledan na manga busaw, aw pyangkaguli-an silan. 19Aw migtibagseg ya kadég na utaw na maka-awid silan kan Jisus kay kya-ede-an nilan na awun katulus na lekat adti kanan, aw alag silan kyaguli-an.
Ya pag-ubat-ubat ni Jisus sa manga utaw dun ni kalatagan
20Aw pig-inunu ni Jisus ya kanan manga umagakan, aw miglong sakanan:
“Madyaw ya kamayu na walaꞌ ya pagkamangan, kay nyaka-akup da kamu adti Kasakupan na Pighari-an na Tyumanem.
21“Madyaw ya kamayu na nyagetem adun, kay pakabiyagen kamu kagaya.
“Madyaw ya kamayu na migsugaw adun, kay pakaganen ya ginawa mayu kagaya.
22“Madyaw ya kamayu kun dumutan kamu na eped asuntu sa pagdalug mayu kanak na Iseꞌ na Utaw, pangkay kele͡an kamu nilan aw supla͡en aw kalaten ya kamayu dengeg. 23To-o kamu pagleya dun ni allaw yan kay dakulaꞌ saba ya madawat mayu na pigtagilan da adti tas na langit. Maynan saba ya pig-imoꞌ na manga tyugbulan nilan adti manga propita na Tyumanem asini muna.
24“Manang kamu na mangkayaman, malatay ya un mayu datengan, kay nyatagtun da mayu adun ya madyaw na pagpakabetang.
25“Kamu na nyangkabiyag adun, malatay ya un mayu datengan, kay dumateng ya allaw na magetem kamu.
“Kamu na nyaka-ikel adun, malatay ya un mayu datengan, kay magkalat saba ya ginawa mayu kagaya aw to-o kamu magsugaw.
26“Kamu na pigsayaꞌ adun na madég na utaw, malatay ya un mayu datengan. Maynan saba uman pigsayaꞌ na manga tyugbulan nilan ya manga sallong kunu propita asini muna.
Ya pagginawa sa manga po-on
27“Manang ini ya kanak paglongun kamayu na manga migpakanyeg: Ginawayi mayu ya kamayu manga po-on. Aw imo-a mayu ya mangkadyaw adti manga utaw na migdumut kamayu. 28Pagsekat kamu adti Tyumanem na pakadyawun nan ya manga utaw na migtullun kamayu, aw panawagtawagi adti kanan ya manga migpakalat kamayu. 29Kun awun magsampal sa gya mu, pasampalan uman kanan ya sangkilid. Aw kun awun magkamang sa sambuk na kadégkadég mu, na, atagan kanan. Kun kamangen pa nan uman ya kanmu kamisita, atagan uman kanan. 30Atagi mayu ya pangkay singalan na migsekat kamayu sa tabang. Aw kun awun utaw na kumamang sa kamayu pametang, diliꞌ da mayu pagbawi-en. 31Kun kaliman mayu pakadyawun na eped na utaw, na, una͡a mayu silan pakadyawa.
32“Kun yan oloꞌ ya pigginawa͡an mayu ya manga gyuminawa kamayu, ayin da ya kadyaw na pig-imoꞌ mayu? Pangkay ya manga makasasalaꞌ, pigginawa͡an saba nilan ya manga gyuminawa kanilan. 33Aw kun yan oloꞌ ya pakadyawun mayu ya manga utaw na mig-imoꞌ kamayu sa madyaw, ayin da ya kadyaw na pig-imoꞌ mayu? Pangkay ya manga makasasalaꞌ mig-imoꞌ uman sa maynan. 34Aw kun yan oloꞌ ya pabelesen mayu ya eped na pig-iman mayu na makasayu kamayu, ayin da ya kadyaw na pig-imoꞌ mayu? Pangkay ya manga makasasalaꞌ migpabeles saba adti manga eped nilan na makasasalaꞌ, asal nan kya-ede-an nilan na makasayu ya nyeles adti kanilan. 35Manang ginawayi mayu baling ya kamayu manga po-on. Aw imo-a mayu ya madyaw adti kanilan. Pabelesa mayu silan na walaꞌ ya pag-iman na sayuwan kamu nilan. Kun imo-un mayu ya kadég yeiy, dakulaꞌ saba ya madawat mayu, aw pakitaꞌ mayu na iseꞌ kamu na Tyumanem na To-o Matas. Kay ya Tyumanem magkallat saba, pangkay sa manga utaw na diliꞌ magpasalamat kanan aw pangkay sa manga utaw na malatay ya bet. 36Yanagaw pagkallatan mayu ya kadég, kasiling na pagkallat na Tyumanem na kamayu Ama.
Ya pag-ukum sa manga eped
37“Diliꞌ kamu mag-ukum sa eped na utaw, pada diliꞌ kamu uman ukuman. Diliꞌ mayu pagpasala-en ya eped, pada diliꞌ kamu uman pasala-en. Pasinsiyayi mayu ya eped na utaw, aw pasinsiya͡an kamu uman. 38Pagkanimbet kamu dun ni pag-atag mayu adti manga eped, aw atagan kamu uman na Tyumanem. Aw kun yan ya mag-atag, dayaw nan pagdaseken aw pag-eyengen aw pagdugangan mendaꞌ na to-o lumapya ya betanganan. Kay kun unu ya kadakulaꞌ na pig-atag mayu, maynan uman ya atag na Tyumanem kamayu.”
39Pagkatigkas yan, miglong pa uman si Jisus adti umagakan nan sa pundinganan, law nan, “Diliꞌ mabatug na buta ya pagguyud sa eped nan na buta, kay alag silan molug adti gawang. 40Ya pigpalna-uwan diliꞌ matas sa migpalna-u kanan. Manang kun nyalingeb da ya pagpalna-u kanan, masiling da ya katadeng nan sa migpalna-u kanan.
41“Anangaꞌ kaw magtulliꞌ sa puling na awun ni mata na kanmu eped manang pigpabaya-an mu baling ya dakulaꞌ na batang na nyakabalabag dun ni kanmu mata? 42Anangaꞌ kaw maglong sa eped mu, ‘Nateꞌ kamangen ya kanmu puling’ manang walaꞌ mu kita-a ya kanmu puling na kasiling na batang ya kadakulaꞌ? Migtallalingu kaw! Una͡a saba kamanga ya puling mu pada mabangal da ya pag-inunu mu aw mabatug da mu ya pagkamang sa puling na kanmu eped.”
Ya kawuy pagka-ede-an adti bunga nan
43Aw migpadeleg si Jisus miglong, “Ya madyaw na kawuy diliꞌ mamunga sa malat, aw ya malat na kawuy diliꞌ mamunga sa madyaw. 44Kay ya tagsambuksambuk na kawuy ka-ede-an magi sa bunga nan. Diliꞌ kaw maka-ipuꞌ sa bunga na igira adti kawuy na suksukun, aw diliꞌ kaw uman maka-ipuꞌ sa bunga na paras adti sampinit. 45Aw maynan uman ya utaw. Pangkay unu ya awun ni anenganeng nan, yan uman ya kanan paglongun. Kun gayed madyaw ya pig-anenganeng na utaw, madyaw uman ya imo-unun nan. Manang kun malatay ya pig-anenganeng nan, malatay uman ya paglongun nan.
Ya duwa ya utaw na migtulluk sa balay
46“Anangaꞌ aku mayu pagtawagen na ‘Matas na Pangulu’ manang walaꞌ mayu daluga ya palna-u ku? 47Pangkay singalan ya dumulud kanak aw magpakanyeg sa palna-u ku aw dalugun nan, kasiling sakanan na utaw asini pundinganan 48na migtulluk sa balay nan. Una sakanan migkutkut mendaꞌ na dyumateng adti batu na sumalem aw dun sakanan pagtulluk sa balay. Aw pagbuntul na baꞌ, pigtuluy ya balay yan manang walaꞌ kalukad, kay to-o masalig ya kyatullukan. 49Manang ya utaw na dyumengeg sa palna-u ku aw walaꞌ nan daluga, kasiling uman sakanan na utaw na migtulluk sa balay dun ni tullukanan na diliꞌ masalig. Aw pagbuntul na baꞌ, pigtuluy ya balay yan aw dayaw nyalukad aw to-o migkalat.”
ទើបបានជ្រើសរើសហើយ៖
Lukas 6: klgv
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2024, Wycliffe Bible Translators, Inc. All rights reserved.
Lukas 6
6
Ya piglong ni Jisus sa Allaw na Paglagdeng
1Na, sambuk na Allaw na Paglagdeng, nyanaw si Jisus aw ya kanan manga umagakan dun ni dalan na nyaka-agi adti tengaꞌ na pawaꞌ na awun trigu na agpet da aniyen. Aw nyanaplus ya manga umagakan nan sa trigu aw pigtebteb nilan. 2Manang awun manga Parisiyo na nyusip, “Anangaꞌ mayu lakadan ya suguꞌ dun ni Uldin sa Allaw na Paglagdeng?” 3Tyumubag si Jisus kanilan, “Unu kaꞌ, walaꞌ mayu kabasa ya pigpasulat na Tyumanem sa pig-imoꞌ ni Dabid? Pagkagetem nan aw ya kanan manga eped, 4syumeled sakanan adti Balay na Tyumanem, aw pigkamang nan ya pan na pig-atag da adti Tyumanem. Aw pigkan ni Dabid aw pig-atagan nan uman ya kanan manga eped, aw kyalakadan nilan ya Uldin kay yan saba oloꞌ ya makakan ya manga magdadugsu-ay.”#6:4 Mabasa adti 1 Samwél 21:1-6. 5Aw miglong pa uman kanilan si Jisus, “Aku na Iseꞌ na Utaw, pig-atag da kanak ya pagbayaꞌ sa unu ya madyaw imo-un sa Allaw na Paglagdeng.”
Ya pagpaguliꞌ ni Jisus sa utaw na kimay
6Na, sambuk uman na Allaw na Paglagdeng, syumeled si Jisus adti sinagoga aw migpalna-u, aw dun ya sambuk na eseg na kimay ya kalintu na bekten nan. 7Aw dun uman ya manga Parisiyo aw manga magpalna-uway sa Uldin na manga Judiyu na migbantay sa un imo-un ni Jisus, kun guli-en nan ya bekten na utaw dun ni Allaw na Paglagdeng. Kay kaliman nilan na awun puliba maglimanda kanan. 8Manang kya-ede-an ni Jisus ya adti anenganeng nilan. Yanagaw pigtawag nan ya eseg na kimay, law nan, “Adi kaw aw indeg kaw asini asdangan na kadég na utaw.” Aw nyindeg ya utaw yan dun ni asdangan nilan. 9Aw miglong si Jisus adti manga Parisiyo aw manga magpalna-uway, “Awun usip ku kamayu: Adti Uldin, unu ya pigtumbay na imo-un dun ni Allaw na Paglagdeng, ya pag-imoꞌ sa madyaw aw ya pag-imoꞌ sa malatay? Aw kun paluwa-en ya utaw lekat adti pagti-is aw kalaten baling sakanan?” 10Pig-inunu ni Jisus ya kadég nilan, aw tigkas yan piglongan nan ya eseg na kimay, “Ulada ya bekten mu.” Aw pig-ulad nan ya kanan bekten, aw dayaw migkadyaw. 11Manang ya manga Parisiyo aw manga magpalna-uway sa Uldin, to-o silan nyadaman aw pigbalawbalawan nilan kun unu ya un nilan imo-un kan Jisus.
Ya pagpamalliꞌ ni Jisus sa sampuluꞌ tag duwa (12) ya apostolés
12Na, dun ni manga allaw yan, tyumukud si Jisus adti buntud na un manawagtawag. Aw sanggabi nan nyanawagtawag adti Tyumanem. 13Aw sa pagkamaselem da, pigtawag ni Jisus adti kanan ya manga umagakan nan. Aw pigpamalliꞌ nan ya sampuluꞌ tag duwa (12) ya eseg aw pigngalanan nan silan na manga apostolés. 14Ini ya manga pigpamalliꞌ nan: Si Simon na pigngalanan ni Jisus na Pédro, aw ya inulug nan na si Andrés, aw si Santiago, si Juan, si Pilipi, si Bartolomi, 15aw si Matiyo,#6:15 Ya sambuk na ngalan ni Matiyo si Libi. si Tomas, si Santiago na iseꞌ ni Alpiyo, si Simon na Zéloti, 16si Judas na iseꞌ ni Santiago, aw si Judas Iskariyoti na yan ya un maglubid kan Jisus.
Ya pagpalna-u ni Jisus aw ya pagpangguliꞌ nan sa madég na utaw
17Pagkatigkas yan, tyumubang si Jisus aw ya kanan manga umagakan adti kalatagan, kay tyumagad dun ya madég na utaw na dyumalug kanan. Aw dun uman pagkatipun ya madég pa to-o na manga utaw na lekat adti kadakulaꞌ na Judiya dala ya syudad na Jérusalim, aw awun uman lekat adti manga syudad na Tiro aw Sidon na apit adti ligad na dagat. 18Nyangkadtu silan ni kan Jisus na un magpakanyeg kanan aw pada guli-en ya manga magkedel nilan. Aw nyangkadtu uman ya manga utaw na syeledan na manga busaw, aw pyangkaguli-an silan. 19Aw migtibagseg ya kadég na utaw na maka-awid silan kan Jisus kay kya-ede-an nilan na awun katulus na lekat adti kanan, aw alag silan kyaguli-an.
Ya pag-ubat-ubat ni Jisus sa manga utaw dun ni kalatagan
20Aw pig-inunu ni Jisus ya kanan manga umagakan, aw miglong sakanan:
“Madyaw ya kamayu na walaꞌ ya pagkamangan, kay nyaka-akup da kamu adti Kasakupan na Pighari-an na Tyumanem.
21“Madyaw ya kamayu na nyagetem adun, kay pakabiyagen kamu kagaya.
“Madyaw ya kamayu na migsugaw adun, kay pakaganen ya ginawa mayu kagaya.
22“Madyaw ya kamayu kun dumutan kamu na eped asuntu sa pagdalug mayu kanak na Iseꞌ na Utaw, pangkay kele͡an kamu nilan aw supla͡en aw kalaten ya kamayu dengeg. 23To-o kamu pagleya dun ni allaw yan kay dakulaꞌ saba ya madawat mayu na pigtagilan da adti tas na langit. Maynan saba ya pig-imoꞌ na manga tyugbulan nilan adti manga propita na Tyumanem asini muna.
24“Manang kamu na mangkayaman, malatay ya un mayu datengan, kay nyatagtun da mayu adun ya madyaw na pagpakabetang.
25“Kamu na nyangkabiyag adun, malatay ya un mayu datengan, kay dumateng ya allaw na magetem kamu.
“Kamu na nyaka-ikel adun, malatay ya un mayu datengan, kay magkalat saba ya ginawa mayu kagaya aw to-o kamu magsugaw.
26“Kamu na pigsayaꞌ adun na madég na utaw, malatay ya un mayu datengan. Maynan saba uman pigsayaꞌ na manga tyugbulan nilan ya manga sallong kunu propita asini muna.
Ya pagginawa sa manga po-on
27“Manang ini ya kanak paglongun kamayu na manga migpakanyeg: Ginawayi mayu ya kamayu manga po-on. Aw imo-a mayu ya mangkadyaw adti manga utaw na migdumut kamayu. 28Pagsekat kamu adti Tyumanem na pakadyawun nan ya manga utaw na migtullun kamayu, aw panawagtawagi adti kanan ya manga migpakalat kamayu. 29Kun awun magsampal sa gya mu, pasampalan uman kanan ya sangkilid. Aw kun awun magkamang sa sambuk na kadégkadég mu, na, atagan kanan. Kun kamangen pa nan uman ya kanmu kamisita, atagan uman kanan. 30Atagi mayu ya pangkay singalan na migsekat kamayu sa tabang. Aw kun awun utaw na kumamang sa kamayu pametang, diliꞌ da mayu pagbawi-en. 31Kun kaliman mayu pakadyawun na eped na utaw, na, una͡a mayu silan pakadyawa.
32“Kun yan oloꞌ ya pigginawa͡an mayu ya manga gyuminawa kamayu, ayin da ya kadyaw na pig-imoꞌ mayu? Pangkay ya manga makasasalaꞌ, pigginawa͡an saba nilan ya manga gyuminawa kanilan. 33Aw kun yan oloꞌ ya pakadyawun mayu ya manga utaw na mig-imoꞌ kamayu sa madyaw, ayin da ya kadyaw na pig-imoꞌ mayu? Pangkay ya manga makasasalaꞌ mig-imoꞌ uman sa maynan. 34Aw kun yan oloꞌ ya pabelesen mayu ya eped na pig-iman mayu na makasayu kamayu, ayin da ya kadyaw na pig-imoꞌ mayu? Pangkay ya manga makasasalaꞌ migpabeles saba adti manga eped nilan na makasasalaꞌ, asal nan kya-ede-an nilan na makasayu ya nyeles adti kanilan. 35Manang ginawayi mayu baling ya kamayu manga po-on. Aw imo-a mayu ya madyaw adti kanilan. Pabelesa mayu silan na walaꞌ ya pag-iman na sayuwan kamu nilan. Kun imo-un mayu ya kadég yeiy, dakulaꞌ saba ya madawat mayu, aw pakitaꞌ mayu na iseꞌ kamu na Tyumanem na To-o Matas. Kay ya Tyumanem magkallat saba, pangkay sa manga utaw na diliꞌ magpasalamat kanan aw pangkay sa manga utaw na malatay ya bet. 36Yanagaw pagkallatan mayu ya kadég, kasiling na pagkallat na Tyumanem na kamayu Ama.
Ya pag-ukum sa manga eped
37“Diliꞌ kamu mag-ukum sa eped na utaw, pada diliꞌ kamu uman ukuman. Diliꞌ mayu pagpasala-en ya eped, pada diliꞌ kamu uman pasala-en. Pasinsiyayi mayu ya eped na utaw, aw pasinsiya͡an kamu uman. 38Pagkanimbet kamu dun ni pag-atag mayu adti manga eped, aw atagan kamu uman na Tyumanem. Aw kun yan ya mag-atag, dayaw nan pagdaseken aw pag-eyengen aw pagdugangan mendaꞌ na to-o lumapya ya betanganan. Kay kun unu ya kadakulaꞌ na pig-atag mayu, maynan uman ya atag na Tyumanem kamayu.”
39Pagkatigkas yan, miglong pa uman si Jisus adti umagakan nan sa pundinganan, law nan, “Diliꞌ mabatug na buta ya pagguyud sa eped nan na buta, kay alag silan molug adti gawang. 40Ya pigpalna-uwan diliꞌ matas sa migpalna-u kanan. Manang kun nyalingeb da ya pagpalna-u kanan, masiling da ya katadeng nan sa migpalna-u kanan.
41“Anangaꞌ kaw magtulliꞌ sa puling na awun ni mata na kanmu eped manang pigpabaya-an mu baling ya dakulaꞌ na batang na nyakabalabag dun ni kanmu mata? 42Anangaꞌ kaw maglong sa eped mu, ‘Nateꞌ kamangen ya kanmu puling’ manang walaꞌ mu kita-a ya kanmu puling na kasiling na batang ya kadakulaꞌ? Migtallalingu kaw! Una͡a saba kamanga ya puling mu pada mabangal da ya pag-inunu mu aw mabatug da mu ya pagkamang sa puling na kanmu eped.”
Ya kawuy pagka-ede-an adti bunga nan
43Aw migpadeleg si Jisus miglong, “Ya madyaw na kawuy diliꞌ mamunga sa malat, aw ya malat na kawuy diliꞌ mamunga sa madyaw. 44Kay ya tagsambuksambuk na kawuy ka-ede-an magi sa bunga nan. Diliꞌ kaw maka-ipuꞌ sa bunga na igira adti kawuy na suksukun, aw diliꞌ kaw uman maka-ipuꞌ sa bunga na paras adti sampinit. 45Aw maynan uman ya utaw. Pangkay unu ya awun ni anenganeng nan, yan uman ya kanan paglongun. Kun gayed madyaw ya pig-anenganeng na utaw, madyaw uman ya imo-unun nan. Manang kun malatay ya pig-anenganeng nan, malatay uman ya paglongun nan.
Ya duwa ya utaw na migtulluk sa balay
46“Anangaꞌ aku mayu pagtawagen na ‘Matas na Pangulu’ manang walaꞌ mayu daluga ya palna-u ku? 47Pangkay singalan ya dumulud kanak aw magpakanyeg sa palna-u ku aw dalugun nan, kasiling sakanan na utaw asini pundinganan 48na migtulluk sa balay nan. Una sakanan migkutkut mendaꞌ na dyumateng adti batu na sumalem aw dun sakanan pagtulluk sa balay. Aw pagbuntul na baꞌ, pigtuluy ya balay yan manang walaꞌ kalukad, kay to-o masalig ya kyatullukan. 49Manang ya utaw na dyumengeg sa palna-u ku aw walaꞌ nan daluga, kasiling uman sakanan na utaw na migtulluk sa balay dun ni tullukanan na diliꞌ masalig. Aw pagbuntul na baꞌ, pigtuluy ya balay yan aw dayaw nyalukad aw to-o migkalat.”
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2024, Wycliffe Bible Translators, Inc. All rights reserved.