Lukas 5
5
Ya pagtawag ni Jisus sa manga mangisda-ay
1Na, sambuk na allaw, nyindeg si Jisus adti baklayan na Danaw na Génésarét na migpalna-u sa manga utaw, aw mig-insekay silan migpalapit adti kanan kay kaliman nilan magpakanyeg sa tingeg na Tyumanem. 2Aw kyinitaꞌ ni Jisus ya duwa ya balangay adti ligad na danaw, manang ya manga mangisda-ay, nyanog pa silan pada mag-ugas sa kanilan manga pukut. 3Na, ya sambuk na balangay si Simon ya tagtun. Yanagaw nyanik dun si Jisus, aw piglongan nan si Simon na tulud tagbiꞌ ya balangay lekat adti ligad. Aw nyingkud si Jisus dun ni balangay aw pigpalna-uwan nan ya manga utaw.
4Pagkatigkas da nan magpalna-u, piglongan nan si Simon, “Pagpalawud kamu aw tontona mayu ya manga pukut pada makakamang kamu sa isdaꞌ.” 5Aw tyumubag si Simon, “Kay Magpalna-uway, sanggabi pa nami ya nyamukut aw walaꞌ ya nyakamang nami! Manang asuntu na ikaw ya miglong kanami, tontonun pa nami uman salut ya manga pukut.” 6Sa pagtonton da nilan sa kanilan manga pukut, madég to-o ya manga isdaꞌ na nyakamang nilan, aw nyangkakéséꞌ da galu ya kanilan manga pukut. 7Yanagaw pigkapay nilan ya manga eped nilan adti sambuk na balangay pada tumabang kanilan. Aw migpalapit ya manga eped nilan aw pig-atmuꞌ nilan na isdaꞌ ya duwa ya balangay aw agpet da galu malened asuntu sa kadég na nyakamang nilan. 8Pagkitaꞌ ni Simon sa nya-imoꞌ yeiy, lyumuhud sakanan dun ni asdangan ni Jisus aw piglongan nan, “Kay Magpalna-uway, pagpa-awat kaw beg kanakeꞌ kay makasasalaꞌ aku!” 9Piglong yeiy ni Simon kay nya-enneng-enneng sakanan aw ya kanan manga eped asuntu sa kadég na isdaꞌ na nyakamang nilan. 10Aw ya manga eped ni Simon na si Santiago aw si Juan na alag mangayseꞌ ni Zibidiyo, nya-enneng-enneng uman silan. Aw miglong si Jisus kan Simon, “Diliꞌ kaw magkallek. Lekat adun imo-un da ta kaw mangisda-ay sa manga utaw.” 11Pagkatigkas yan, pigguyud nilan ya kanilan manga balangay adti ligad na danaw aw pig-ayawan nilan ya kadég aw nyagad silan kan Jisus.
Ya pagpaguliꞌ ni Jisus sa utaw na ibungun
12Talana ni Jisus adti sambuk na lunsud, awun dyumulud kanan na eseg na ibungun.#5:12 Ya ibung, yan ya magkedel na magpambutu aw magpangkalandak ya kindal na lawas na utaw. Pagkitaꞌ nan kan Jisus, lyumuhud sakanan aw nyanginayuꞌ, law nan, “Kay Sir, kun malim kaw beg, guli-a ya ibung ku, pada kalinisan da ya lawas ku.” 13Aw pig-awidan ni Jisus ya eseg aw piglongan nan, “Kaliman ku saba. Na, kaguli-an da kaw!” Aw dayaw nyalanas ya ibung nan. 14Aw piglongan ni Jisus ya utaw yan na diliꞌ nan pag-ubat-ubat adti pangkay singalan utawa. Aw piglongan nan uman, “Kadtu kaw ni Témplo, aw patanawan ya lawas mu adti magdadugsu-ay, aw matinawun nan na kyaguli-an da kaw. Aw dala͡en mu kanan ya umbaꞌ na pagdugsuꞌ na pigsuguꞌ ni Moysis, pada ka-ede-an na manga utaw na kyalinisan da kaw.” 15Manang to-o pa baling nyabekkal ya ubat-ubat sa dengeg ni Jisus. Aw migkatipun adti kanan ya to-o madég na manga utaw pada magpakanyeg kanan aw pada pangguli-en ya manga magkedel nilan. 16Manang malikit si Jisus magkadtu ni kaligbinan na sayda nan pada manawagtawag adti Tyumanem.
Ya pagpaguliꞌ ni Jisus sa utaw na pulid
17Na, sambuk na allaw, talana ni Jisus migpalna-u, awun nyingkud dun na manga Parisiyo aw manga magpalna-uway sa Uldin na lekat adti madég na lunsud dun ni banwa na Galiliya aw Judiya aw syudad na Jérusalim. Aw awun ni kan Jisus ya katulus na Tyumanem sa pagguliꞌ sa manga magkedel. 18Na, awun manga eseg na dyumateng dun na migtingga sa pulid. Pigtibagsegan nilan na makaseled adti balay pada dala͡en ya pulid adti asdangan ni Jisus. 19Manang walaꞌ silan pakaseled asuntu sa kadég na utaw. Yanagaw nyanik silan dun ni agdan na awun ni luwaꞌ pasinan adti atep na balay aw mig-imoꞌ silan sa gawang dun ni atep, aw pigtonton nilan adti dalem ya pigpakulangan sa pulid dun ni asdangan ni Jisus. 20Sa pagkitaꞌ ni Jisus sa kadakulaꞌ na pagpangintu-u nilan, miglong sakanan adti pulid, “Kay Lew, ya manga salaꞌ mu adti Tyumanem, piglanas da.”
21Aw sa pagpakadengeg na manga Parisiyo aw manga magpalna-uway sa Uldin sa piglong ni Jisus, mig-anenganeng silan, “Anangaꞌ maglong sa maynan ya utaw yeiy? Migpa-unawa sakanan sa Tyumanem! Ya Tyumanem saba oloꞌ ya makalanas sa manga salaꞌ!” 22Manang kya-ede-an ni Jisus ya anenganeng nilan, yanagaw piglongan nan silan, “Anangaꞌ kamu mag-anenganeng sa maynan? 23Ayin kaꞌ ya molas paglongun adti eseg na pulid, ‘Ya manga salaꞌ mu nyalanas da,’ aw kun paglongun sakanan, ‘Pagbangun kaw aw panaw da kaw’? 24Manang matinawun ku adti kamayu na aku na Iseꞌ na Utaw, awun katundanan ku asini tas na lupaꞌ maglanas sa salaꞌ na manga utaw.” Tigkas yan, miglong si Jisus adti eseg na pulid, “Pagbangun kaw! Dala͡a ya pigtingga͡an nilan kanmu aw uliꞌ da kaw!” 25Aw maksay migbangun ya eseg na pulid dun ni asdangan na manga utaw aw dyala nan ya pigtingga͡an kanan aw nyuliꞌ adti balay nan na to-o migdeyen sa Tyumanem. 26Aw ya kadég na manga utaw na kyumitaꞌ sa nya-imoꞌ, nya-enneng-enneng silan aw nyallek aw migdeyen silan sa Tyumanem. Aw miglong silan, “Walaꞌ pa tadun kita-a ya maynini!”
Ya pagtawag ni Jisus kan Libi
27Pagkatigkas yan, nyanaw si Jisus aw kyinitaꞌ nan si Libi na mangungubla͡ay sa buwis na nyingkud adti bayadanan sa buwis. Aw miglong si Jisus kanan, “Agad kaw kanak.” 28Aw nyindeg si Libi aw pig-ayawan nan ya kadég aw nyagad kan Jisus.
29Walaꞌ kadugay, migpa-imoꞌ si Libi sa dakulaꞌ na kakan adti balay nan pada mamasa kan Jisus. Aw dun uman ya madég na manga mangungubla͡ay sa buwis aw eped na manga utaw na nyagad kanilan kyuman. 30Manang miggumudgumud ya manga Parisiyo aw ya manga eped nilan na magpalna-uway sa Uldin, aw migdiklamu silan adti manga umagakan ni Jisus, law nilan, “Anangaꞌ kamu sumambuk kuman aw minem sa manga mangungubla͡ay sa buwis aw manga makasasalaꞌ?” 31Aw tyumubag si Jisus kanilan magi sa pundinganan, “Ya manga utaw na mangkadyaw ya lawas, diliꞌ nilan ka-ilangan ya doktor. Manang ya manga utaw na awun magkedel, silan ya awun ka-ilangan sa doktor. 32Ya pigkadi ku asini tas na lupaꞌ yan ya pagtawag sa manga utaw na nyaka-edeꞌ sa manga salaꞌ nilan pada magselsel silan aw dumalug kanak. Manang ya manga utaw na iman nilan aw walaꞌ ya kanilan salaꞌ, bekeꞌ nilan ya pigtawag ku.”
Ya usip sa pagpuwasa
33Awun manga utaw dun na miglong kan Jisus, “Anangaꞌ malikit magpuwasa aw magpanawagtawag ya umagakan ni Juan na Magba͡utismuway aw ya umagakan na manga Parisiyo, manang ya kanmu umagakan, kyuman silan baling aw nyinem?” 34Aw tyumubag si Jisus kanilan magi sa pundinganan, “Endaꞌ, kun awun kasal, diliꞌ magpuwasa ya manga utaw kun kenneꞌ pa dun ni sayid nilan ya eseg na nyangugnan. 35Manang dumateng ya allaw na kamangen sakanan lekat adti kanilan, aw dun ni manga allaw yan, magpuwasa la silan.”
36Aw pig-ubatan pa uman silan ni Jisus sa pundinganan, law nan, “Kasiling uman na kadégkadég, walaꞌ ya utaw na magtabas sa bagu aw pagleneb nan adti dadan. Kun imo-un nan yeiy, makisay baling ya bagu na kadégkadég aw diliꞌ uman mag-unawa ya batek na pigleneb adti dadan na kadégkadég. 37Aw maynan uman, walaꞌ ya utaw na mag-asag sa bagu na bino adti dadan na betanganan na pig-imoꞌ lekat adti kindal na ayep. Kay kun asag ya bino dun ni dadan na betanganan aw sumubuk, mutu ya betanganan, aw masapad ya bino, aw magkalat baling ya betanganan. 38Manang ya bagu na bino, pag-asag adti bagu na betanganan na kindal na ayep.#5:36-38 Ya kakawasan na duwa ya pundinganan ini, yan ya diliꞌ mag-isambuk ya bagu na palna-u ni Jisus aw ya dadan na palna-u aw manga katanem na manga Judiyu. 39Aw ya manga utaw na nyaka-inem da sa dadan na bino diliꞌ malim minem sa bagu, kay maglong silan, ‘Madyaw pa ya dadan.’ ”
ទើបបានជ្រើសរើសហើយ៖
Lukas 5: klgv
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2024, Wycliffe Bible Translators, Inc. All rights reserved.
Lukas 5
5
Ya pagtawag ni Jisus sa manga mangisda-ay
1Na, sambuk na allaw, nyindeg si Jisus adti baklayan na Danaw na Génésarét na migpalna-u sa manga utaw, aw mig-insekay silan migpalapit adti kanan kay kaliman nilan magpakanyeg sa tingeg na Tyumanem. 2Aw kyinitaꞌ ni Jisus ya duwa ya balangay adti ligad na danaw, manang ya manga mangisda-ay, nyanog pa silan pada mag-ugas sa kanilan manga pukut. 3Na, ya sambuk na balangay si Simon ya tagtun. Yanagaw nyanik dun si Jisus, aw piglongan nan si Simon na tulud tagbiꞌ ya balangay lekat adti ligad. Aw nyingkud si Jisus dun ni balangay aw pigpalna-uwan nan ya manga utaw.
4Pagkatigkas da nan magpalna-u, piglongan nan si Simon, “Pagpalawud kamu aw tontona mayu ya manga pukut pada makakamang kamu sa isdaꞌ.” 5Aw tyumubag si Simon, “Kay Magpalna-uway, sanggabi pa nami ya nyamukut aw walaꞌ ya nyakamang nami! Manang asuntu na ikaw ya miglong kanami, tontonun pa nami uman salut ya manga pukut.” 6Sa pagtonton da nilan sa kanilan manga pukut, madég to-o ya manga isdaꞌ na nyakamang nilan, aw nyangkakéséꞌ da galu ya kanilan manga pukut. 7Yanagaw pigkapay nilan ya manga eped nilan adti sambuk na balangay pada tumabang kanilan. Aw migpalapit ya manga eped nilan aw pig-atmuꞌ nilan na isdaꞌ ya duwa ya balangay aw agpet da galu malened asuntu sa kadég na nyakamang nilan. 8Pagkitaꞌ ni Simon sa nya-imoꞌ yeiy, lyumuhud sakanan dun ni asdangan ni Jisus aw piglongan nan, “Kay Magpalna-uway, pagpa-awat kaw beg kanakeꞌ kay makasasalaꞌ aku!” 9Piglong yeiy ni Simon kay nya-enneng-enneng sakanan aw ya kanan manga eped asuntu sa kadég na isdaꞌ na nyakamang nilan. 10Aw ya manga eped ni Simon na si Santiago aw si Juan na alag mangayseꞌ ni Zibidiyo, nya-enneng-enneng uman silan. Aw miglong si Jisus kan Simon, “Diliꞌ kaw magkallek. Lekat adun imo-un da ta kaw mangisda-ay sa manga utaw.” 11Pagkatigkas yan, pigguyud nilan ya kanilan manga balangay adti ligad na danaw aw pig-ayawan nilan ya kadég aw nyagad silan kan Jisus.
Ya pagpaguliꞌ ni Jisus sa utaw na ibungun
12Talana ni Jisus adti sambuk na lunsud, awun dyumulud kanan na eseg na ibungun.#5:12 Ya ibung, yan ya magkedel na magpambutu aw magpangkalandak ya kindal na lawas na utaw. Pagkitaꞌ nan kan Jisus, lyumuhud sakanan aw nyanginayuꞌ, law nan, “Kay Sir, kun malim kaw beg, guli-a ya ibung ku, pada kalinisan da ya lawas ku.” 13Aw pig-awidan ni Jisus ya eseg aw piglongan nan, “Kaliman ku saba. Na, kaguli-an da kaw!” Aw dayaw nyalanas ya ibung nan. 14Aw piglongan ni Jisus ya utaw yan na diliꞌ nan pag-ubat-ubat adti pangkay singalan utawa. Aw piglongan nan uman, “Kadtu kaw ni Témplo, aw patanawan ya lawas mu adti magdadugsu-ay, aw matinawun nan na kyaguli-an da kaw. Aw dala͡en mu kanan ya umbaꞌ na pagdugsuꞌ na pigsuguꞌ ni Moysis, pada ka-ede-an na manga utaw na kyalinisan da kaw.” 15Manang to-o pa baling nyabekkal ya ubat-ubat sa dengeg ni Jisus. Aw migkatipun adti kanan ya to-o madég na manga utaw pada magpakanyeg kanan aw pada pangguli-en ya manga magkedel nilan. 16Manang malikit si Jisus magkadtu ni kaligbinan na sayda nan pada manawagtawag adti Tyumanem.
Ya pagpaguliꞌ ni Jisus sa utaw na pulid
17Na, sambuk na allaw, talana ni Jisus migpalna-u, awun nyingkud dun na manga Parisiyo aw manga magpalna-uway sa Uldin na lekat adti madég na lunsud dun ni banwa na Galiliya aw Judiya aw syudad na Jérusalim. Aw awun ni kan Jisus ya katulus na Tyumanem sa pagguliꞌ sa manga magkedel. 18Na, awun manga eseg na dyumateng dun na migtingga sa pulid. Pigtibagsegan nilan na makaseled adti balay pada dala͡en ya pulid adti asdangan ni Jisus. 19Manang walaꞌ silan pakaseled asuntu sa kadég na utaw. Yanagaw nyanik silan dun ni agdan na awun ni luwaꞌ pasinan adti atep na balay aw mig-imoꞌ silan sa gawang dun ni atep, aw pigtonton nilan adti dalem ya pigpakulangan sa pulid dun ni asdangan ni Jisus. 20Sa pagkitaꞌ ni Jisus sa kadakulaꞌ na pagpangintu-u nilan, miglong sakanan adti pulid, “Kay Lew, ya manga salaꞌ mu adti Tyumanem, piglanas da.”
21Aw sa pagpakadengeg na manga Parisiyo aw manga magpalna-uway sa Uldin sa piglong ni Jisus, mig-anenganeng silan, “Anangaꞌ maglong sa maynan ya utaw yeiy? Migpa-unawa sakanan sa Tyumanem! Ya Tyumanem saba oloꞌ ya makalanas sa manga salaꞌ!” 22Manang kya-ede-an ni Jisus ya anenganeng nilan, yanagaw piglongan nan silan, “Anangaꞌ kamu mag-anenganeng sa maynan? 23Ayin kaꞌ ya molas paglongun adti eseg na pulid, ‘Ya manga salaꞌ mu nyalanas da,’ aw kun paglongun sakanan, ‘Pagbangun kaw aw panaw da kaw’? 24Manang matinawun ku adti kamayu na aku na Iseꞌ na Utaw, awun katundanan ku asini tas na lupaꞌ maglanas sa salaꞌ na manga utaw.” Tigkas yan, miglong si Jisus adti eseg na pulid, “Pagbangun kaw! Dala͡a ya pigtingga͡an nilan kanmu aw uliꞌ da kaw!” 25Aw maksay migbangun ya eseg na pulid dun ni asdangan na manga utaw aw dyala nan ya pigtingga͡an kanan aw nyuliꞌ adti balay nan na to-o migdeyen sa Tyumanem. 26Aw ya kadég na manga utaw na kyumitaꞌ sa nya-imoꞌ, nya-enneng-enneng silan aw nyallek aw migdeyen silan sa Tyumanem. Aw miglong silan, “Walaꞌ pa tadun kita-a ya maynini!”
Ya pagtawag ni Jisus kan Libi
27Pagkatigkas yan, nyanaw si Jisus aw kyinitaꞌ nan si Libi na mangungubla͡ay sa buwis na nyingkud adti bayadanan sa buwis. Aw miglong si Jisus kanan, “Agad kaw kanak.” 28Aw nyindeg si Libi aw pig-ayawan nan ya kadég aw nyagad kan Jisus.
29Walaꞌ kadugay, migpa-imoꞌ si Libi sa dakulaꞌ na kakan adti balay nan pada mamasa kan Jisus. Aw dun uman ya madég na manga mangungubla͡ay sa buwis aw eped na manga utaw na nyagad kanilan kyuman. 30Manang miggumudgumud ya manga Parisiyo aw ya manga eped nilan na magpalna-uway sa Uldin, aw migdiklamu silan adti manga umagakan ni Jisus, law nilan, “Anangaꞌ kamu sumambuk kuman aw minem sa manga mangungubla͡ay sa buwis aw manga makasasalaꞌ?” 31Aw tyumubag si Jisus kanilan magi sa pundinganan, “Ya manga utaw na mangkadyaw ya lawas, diliꞌ nilan ka-ilangan ya doktor. Manang ya manga utaw na awun magkedel, silan ya awun ka-ilangan sa doktor. 32Ya pigkadi ku asini tas na lupaꞌ yan ya pagtawag sa manga utaw na nyaka-edeꞌ sa manga salaꞌ nilan pada magselsel silan aw dumalug kanak. Manang ya manga utaw na iman nilan aw walaꞌ ya kanilan salaꞌ, bekeꞌ nilan ya pigtawag ku.”
Ya usip sa pagpuwasa
33Awun manga utaw dun na miglong kan Jisus, “Anangaꞌ malikit magpuwasa aw magpanawagtawag ya umagakan ni Juan na Magba͡utismuway aw ya umagakan na manga Parisiyo, manang ya kanmu umagakan, kyuman silan baling aw nyinem?” 34Aw tyumubag si Jisus kanilan magi sa pundinganan, “Endaꞌ, kun awun kasal, diliꞌ magpuwasa ya manga utaw kun kenneꞌ pa dun ni sayid nilan ya eseg na nyangugnan. 35Manang dumateng ya allaw na kamangen sakanan lekat adti kanilan, aw dun ni manga allaw yan, magpuwasa la silan.”
36Aw pig-ubatan pa uman silan ni Jisus sa pundinganan, law nan, “Kasiling uman na kadégkadég, walaꞌ ya utaw na magtabas sa bagu aw pagleneb nan adti dadan. Kun imo-un nan yeiy, makisay baling ya bagu na kadégkadég aw diliꞌ uman mag-unawa ya batek na pigleneb adti dadan na kadégkadég. 37Aw maynan uman, walaꞌ ya utaw na mag-asag sa bagu na bino adti dadan na betanganan na pig-imoꞌ lekat adti kindal na ayep. Kay kun asag ya bino dun ni dadan na betanganan aw sumubuk, mutu ya betanganan, aw masapad ya bino, aw magkalat baling ya betanganan. 38Manang ya bagu na bino, pag-asag adti bagu na betanganan na kindal na ayep.#5:36-38 Ya kakawasan na duwa ya pundinganan ini, yan ya diliꞌ mag-isambuk ya bagu na palna-u ni Jisus aw ya dadan na palna-u aw manga katanem na manga Judiyu. 39Aw ya manga utaw na nyaka-inem da sa dadan na bino diliꞌ malim minem sa bagu, kay maglong silan, ‘Madyaw pa ya dadan.’ ”
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2024, Wycliffe Bible Translators, Inc. All rights reserved.