Juan 14
14
Si Jisus ya dalan pasinan adti Ama
1Migpadeleg si Jisus miglong kanilan, “Diliꞌ magkakamang ya ginawa mayu. Salig kamu sa Tyumanem, aw salig kamu uman kanak. 2Adti balay na Ama ku, madég ya manga tambiꞌ. Diliꞌ aku seiy maglong kamayu kun bekeꞌ pa yeiy na matinaw. Yanagaw muna aku madtu na un magtagilan sa eya-anan mayu. 3Aw pagkatigkas ku tagilanen ya eya-anan mayu, lumikuꞌ aku aw angayen ta kamu, aw dun da kamu gayed pag-eyaꞌ ni tampid ku. 4Aw kya-ede-an mayu ya agiyanan pasinan adti banwa na un ku kadtuwan.” 5Miglong si Tomas kan Jisus, “Kay Magpalna-uway, walaꞌ kami paka-edeꞌ kun ayin kaw kadtu, yanagaw unun nami ya pagka-edeꞌ sa agiyanan yan?” 6Aw tyumubag si Jisus kanan, “Aku ya agiyanan, aku ya katinawan, aw aku ya lyekatan sa ginawa na walaꞌ ya katigkasan. Walaꞌ ya pangkay sambuk na makakadtu ni Ama kun diliꞌ magi kanak. 7Kun tengteng na kya-ede-an aku mayu, ka-ede-an da mayu uman ya kanak Ama. Yanagaw lekat adun, kya-ede-an da mayu sakanan aw kyinitaꞌ da mayu uman.”
8Pagkatigkas yan, miglong si Pilipi kan Jisus, “Kay Magpalna-uway, pakita͡an kanami ya Ama aw umbaꞌ da yan kanami.” 9Aw tyumubag si Jisus kanan, “Kadugay da naten mig-iyagad, walaꞌ pa mu aku ka-ede-i? Ya kyumitaꞌ kanakeꞌ, kyumitaꞌ uman sa Ama. Anangaꞌ kaw makapaglong na ‘Pakita͡an kanami ya Ama’? 10Unu, walaꞌ pa kaw pangintu-u na aku awun ni Ama aw ya Ama asini kanak? Ya manga pig-ubat-ubat ku kamayu, walaꞌ lekat adi kanak manang lyumekat adti Ama ku na asini kanak, aw magi kanak pig-imoꞌ nan ya kanan manga imo-unun. 11Yanagaw, pangintu-uwi mayu na aku awun ni Ama, aw ya Ama asini kanak. Manang kun diliꞌ mayu yan pangintu-uwan, pangintu-uwi aku mayu baling asuntu sa manga pigpan-imoꞌ ku. 12Matinaw ya un ku paglongun kamayu: Asuntu na lumikuꞌ aku adti Ama, ya utaw na nyangintu-u kanak, mabatug nan imo-un ya manga pig-imoꞌ ku aw to-o pa dun dakulaꞌ ya mabatug nan imo-un. 13Aw pangkay unu ya sekaten mayu magi sa kanak ngalan, imo-un ku pada madeyen ya Ama magi dun ni kanan Iseꞌ. 14Salutun ku ya paglong: Kun magsekat kamu sa pangkay unu magi sa kanak ngalan, imo-un ku saba.
Ya pagpakang ni Jisus na padala nan ya Ispiritu Santo
15“Kun pigginawa͡an aku mayu, dalugun mayu ya kanak manga suguꞌ. 16Aw sekaten ku adti Ama na padala͡an kamu nan na mag-apitay na magpalna-u kamayu kalyu kanak, aw agad-agadan kamu nan na walaꞌ ya tyamanan. 17Ya mag-apitay yeiy, yan ya Ispiritu Santo, aw alag matinaw ya paglongun nan. Ya manga utaw na walaꞌ pangintu-u sa Tyumanem diliꞌ nilan mabatug dawaten ya Ispiritu Santo, kay walaꞌ nilan sakanan kita-a aw ka-ede-i. Manang kamu nya-edeꞌ da kanan kay gayed sakanan awun ni kamayu, aw meyaꞌ pa dun ni anenganeng mayu.
18“Diliꞌ ta kamu pabaya-an kasiling na manga manélu. Kay lumikuꞌ aku saba asini kamayu. 19Dakman tagbiꞌ ya udas aw diliꞌ da aku na manga utaw kita-en. Manang kamu, kumitaꞌ pa kanak. Aw asuntu na awun ginawa ku na walaꞌ ya katigkasan, kamu uman awun ginawa na walaꞌ ya katigkasan. 20Yanagaw dun ni allaw na kita-en aku mayu salut, ka-ede-an da mayu na aku awun ni Ama. Aw ka-ede-an mayu uman na nyaka-akup kamu kanak, aw aku awun gayed ni kamayu. 21Aw ya utaw na dayaw dyumalug sa manga suguꞌ ku, yan ya utaw na tengteng gyuminawa kanak. Aw ya utaw na gyuminawa kanak, ginawa͡an uman na kanaken Ama. Aw maynan uman, ginawa͡an ku sakanan aw bukasan ku adti kanan kun singalan aku pada to-o nan kalabetan.”
22Pagkatigkas yan, nyusip kan Jisus ya sambuk na umagakan nan na pigngalanan na si Judas, bekeꞌ na Judas Iskariyoti. Miglong si Judas, “Kay Magpalna-uway, anangaꞌ oloꞌ kami ya pigpa-edeꞌ mu aw bekeꞌ na kadég na manga utaw?” 23Aw tyumubag si Jisus kanan, “Pangkay singalan ya gyuminawa kanak, dalugun nan ya palna-u ku. Aw ginawa͡an sakanan na kanak Ama, aw meyaꞌ kami ya Ama ku adti kanan. 24Manang ya utaw na walaꞌ ya pagginawa kanak, walaꞌ nan uman daluga ya manga palna-u ku. Aw ya pigpalna-u ku na pigdengeg mayu, walaꞌ lekat adti kanak manang lekat adti Ama na migpadala kanak.
25“Piglong ku yeiy kamayu talana ini pa aku ni tampid mayu. 26Manang ya mag-apitay na un padala na Ama dun ni kanak ngalan, yan ya Ispiritu Santo na un magpalna-u aw magpa-anenganeng kamayu sa kadég na piglong ku.
27“Diliꞌ magkakamang ya kamayu ginawa aw diliꞌ kamu magkallek, kay ayawan ku kamayu ya kanak kalinaw. Aw ya kalinaw na un ku atag kamayu bekeꞌ na kasiling na kalinaw na asini tas na lupaꞌ. 28Pigdengeg da mayu ya piglong ku kamayu na ‘indegan ta kamu manang lumikuꞌ aku asini tampid mayu.’ Kun tengteng na pigginawa͡an aku mayu, magleya kamu galu asuntu na madtu aku ni tampid na Ama na matas pa kanak. 29Pig-ubat da ku yeiy dadan kamayu pada dun ni allaw na ma-imoꞌ da, pangintu-uwan mayu ya piglong ku. 30Dakman tagbiꞌ ya udas na pagbalawbalaw tadun kay awun da ya migdumala asini tas na lupaꞌ na si Satanas. Diliꞌ aku degen na katulus nan, 31manang pigdalug ku ya kadég na manga pigsuguꞌ na kanak Ama pada ka-ede-an na manga utaw na pigginawa͡an ku sakanan. Na, kitadun da!”
ទើបបានជ្រើសរើសហើយ៖
Juan 14: klgv
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2024, Wycliffe Bible Translators, Inc. All rights reserved.
Juan 14
14
Si Jisus ya dalan pasinan adti Ama
1Migpadeleg si Jisus miglong kanilan, “Diliꞌ magkakamang ya ginawa mayu. Salig kamu sa Tyumanem, aw salig kamu uman kanak. 2Adti balay na Ama ku, madég ya manga tambiꞌ. Diliꞌ aku seiy maglong kamayu kun bekeꞌ pa yeiy na matinaw. Yanagaw muna aku madtu na un magtagilan sa eya-anan mayu. 3Aw pagkatigkas ku tagilanen ya eya-anan mayu, lumikuꞌ aku aw angayen ta kamu, aw dun da kamu gayed pag-eyaꞌ ni tampid ku. 4Aw kya-ede-an mayu ya agiyanan pasinan adti banwa na un ku kadtuwan.” 5Miglong si Tomas kan Jisus, “Kay Magpalna-uway, walaꞌ kami paka-edeꞌ kun ayin kaw kadtu, yanagaw unun nami ya pagka-edeꞌ sa agiyanan yan?” 6Aw tyumubag si Jisus kanan, “Aku ya agiyanan, aku ya katinawan, aw aku ya lyekatan sa ginawa na walaꞌ ya katigkasan. Walaꞌ ya pangkay sambuk na makakadtu ni Ama kun diliꞌ magi kanak. 7Kun tengteng na kya-ede-an aku mayu, ka-ede-an da mayu uman ya kanak Ama. Yanagaw lekat adun, kya-ede-an da mayu sakanan aw kyinitaꞌ da mayu uman.”
8Pagkatigkas yan, miglong si Pilipi kan Jisus, “Kay Magpalna-uway, pakita͡an kanami ya Ama aw umbaꞌ da yan kanami.” 9Aw tyumubag si Jisus kanan, “Kadugay da naten mig-iyagad, walaꞌ pa mu aku ka-ede-i? Ya kyumitaꞌ kanakeꞌ, kyumitaꞌ uman sa Ama. Anangaꞌ kaw makapaglong na ‘Pakita͡an kanami ya Ama’? 10Unu, walaꞌ pa kaw pangintu-u na aku awun ni Ama aw ya Ama asini kanak? Ya manga pig-ubat-ubat ku kamayu, walaꞌ lekat adi kanak manang lyumekat adti Ama ku na asini kanak, aw magi kanak pig-imoꞌ nan ya kanan manga imo-unun. 11Yanagaw, pangintu-uwi mayu na aku awun ni Ama, aw ya Ama asini kanak. Manang kun diliꞌ mayu yan pangintu-uwan, pangintu-uwi aku mayu baling asuntu sa manga pigpan-imoꞌ ku. 12Matinaw ya un ku paglongun kamayu: Asuntu na lumikuꞌ aku adti Ama, ya utaw na nyangintu-u kanak, mabatug nan imo-un ya manga pig-imoꞌ ku aw to-o pa dun dakulaꞌ ya mabatug nan imo-un. 13Aw pangkay unu ya sekaten mayu magi sa kanak ngalan, imo-un ku pada madeyen ya Ama magi dun ni kanan Iseꞌ. 14Salutun ku ya paglong: Kun magsekat kamu sa pangkay unu magi sa kanak ngalan, imo-un ku saba.
Ya pagpakang ni Jisus na padala nan ya Ispiritu Santo
15“Kun pigginawa͡an aku mayu, dalugun mayu ya kanak manga suguꞌ. 16Aw sekaten ku adti Ama na padala͡an kamu nan na mag-apitay na magpalna-u kamayu kalyu kanak, aw agad-agadan kamu nan na walaꞌ ya tyamanan. 17Ya mag-apitay yeiy, yan ya Ispiritu Santo, aw alag matinaw ya paglongun nan. Ya manga utaw na walaꞌ pangintu-u sa Tyumanem diliꞌ nilan mabatug dawaten ya Ispiritu Santo, kay walaꞌ nilan sakanan kita-a aw ka-ede-i. Manang kamu nya-edeꞌ da kanan kay gayed sakanan awun ni kamayu, aw meyaꞌ pa dun ni anenganeng mayu.
18“Diliꞌ ta kamu pabaya-an kasiling na manga manélu. Kay lumikuꞌ aku saba asini kamayu. 19Dakman tagbiꞌ ya udas aw diliꞌ da aku na manga utaw kita-en. Manang kamu, kumitaꞌ pa kanak. Aw asuntu na awun ginawa ku na walaꞌ ya katigkasan, kamu uman awun ginawa na walaꞌ ya katigkasan. 20Yanagaw dun ni allaw na kita-en aku mayu salut, ka-ede-an da mayu na aku awun ni Ama. Aw ka-ede-an mayu uman na nyaka-akup kamu kanak, aw aku awun gayed ni kamayu. 21Aw ya utaw na dayaw dyumalug sa manga suguꞌ ku, yan ya utaw na tengteng gyuminawa kanak. Aw ya utaw na gyuminawa kanak, ginawa͡an uman na kanaken Ama. Aw maynan uman, ginawa͡an ku sakanan aw bukasan ku adti kanan kun singalan aku pada to-o nan kalabetan.”
22Pagkatigkas yan, nyusip kan Jisus ya sambuk na umagakan nan na pigngalanan na si Judas, bekeꞌ na Judas Iskariyoti. Miglong si Judas, “Kay Magpalna-uway, anangaꞌ oloꞌ kami ya pigpa-edeꞌ mu aw bekeꞌ na kadég na manga utaw?” 23Aw tyumubag si Jisus kanan, “Pangkay singalan ya gyuminawa kanak, dalugun nan ya palna-u ku. Aw ginawa͡an sakanan na kanak Ama, aw meyaꞌ kami ya Ama ku adti kanan. 24Manang ya utaw na walaꞌ ya pagginawa kanak, walaꞌ nan uman daluga ya manga palna-u ku. Aw ya pigpalna-u ku na pigdengeg mayu, walaꞌ lekat adti kanak manang lekat adti Ama na migpadala kanak.
25“Piglong ku yeiy kamayu talana ini pa aku ni tampid mayu. 26Manang ya mag-apitay na un padala na Ama dun ni kanak ngalan, yan ya Ispiritu Santo na un magpalna-u aw magpa-anenganeng kamayu sa kadég na piglong ku.
27“Diliꞌ magkakamang ya kamayu ginawa aw diliꞌ kamu magkallek, kay ayawan ku kamayu ya kanak kalinaw. Aw ya kalinaw na un ku atag kamayu bekeꞌ na kasiling na kalinaw na asini tas na lupaꞌ. 28Pigdengeg da mayu ya piglong ku kamayu na ‘indegan ta kamu manang lumikuꞌ aku asini tampid mayu.’ Kun tengteng na pigginawa͡an aku mayu, magleya kamu galu asuntu na madtu aku ni tampid na Ama na matas pa kanak. 29Pig-ubat da ku yeiy dadan kamayu pada dun ni allaw na ma-imoꞌ da, pangintu-uwan mayu ya piglong ku. 30Dakman tagbiꞌ ya udas na pagbalawbalaw tadun kay awun da ya migdumala asini tas na lupaꞌ na si Satanas. Diliꞌ aku degen na katulus nan, 31manang pigdalug ku ya kadég na manga pigsuguꞌ na kanak Ama pada ka-ede-an na manga utaw na pigginawa͡an ku sakanan. Na, kitadun da!”
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2024, Wycliffe Bible Translators, Inc. All rights reserved.