Utumbuli 7
7
Masi gingi gatwele mu nndema
1Bambu Sapanga ampwagila Noa, “Jingala nkati ja sapina wehapa pamu na bana baku boti, ndaba kati ja bandu boti baatama masoba gaku gani, nugubweni wehapa kajika jaku ndi weguhenga ganagajetake. 2Jukua inyama yeijetakiki kupiiki litambiku ikambaku saba ni mikolu saba na jukua inyama yanga kujetakeka kupiiki litambiku ibeli ikambaku ibeli imikolu. 3Ahelahela jukua ijuni yumunani ikambaku ni mikolu sabasaba ili kuitunza ibia yomi aina yabu yoti punndema. 4Egiipeta masoba saba kutumbuli sajenu, najilekakiya iyula jikuna punndema masoba alobaini ikilu na muhi, na kila kiumbi somi senikibombiki niitenda kukikoma.” 5Noa jahenga ngati Bambu Sapanga eanndagalakiya.
6Noa jabii na yaka mia sita kipindi masi pagatwelila pu nndema. 7Noa nu nhwanamundu na bana baki na aka ahanamundu bajingala nkati ja sapina ili kujepana nu kutwele kwa masi. 8Inyama yeijetakiki kupiki litambiku ni inyama yanga kujetakeka kupiki litambiku ni ijuni ni iumbi yoti yeikwaba, 9ibeli ibeli, ikambaku ni mikolu, bajingala nkati ja sapina pamu na Noa ngati Sapanga eanndagalakiya. 10Egapeta masoba saba, masi gingi gatumbuliya kuguyekale nndema.
11Noa pajabii na yaka mia sita, mu lisoba la komi na saba la mwei wa pili, lisoba leheli iliba yoti ya masi yapita masi nu kunani ku lianga kwatenda kuhogoka. 12Iyula jakuna mu nndema masoba alubaini ikilu na muhi. 13Lisoba alelale iyula pajatumbuliya kukuna, Noa nu nhwanamundu na bana baki, Shemu na Hamu na Yapeti, pamu na akahanamundu, bajingala nkati ja sapina. 14Bajingala beni pamu ni inyama na aina joti ji inyama imwikioli na inyama yeipugwa na inyama yeikwaba ni ijuni ya kila aina. 15Iumbi yoti yomi koni ibii ibeli ibeli yajingala mu sapina pamu na Noa, 16inyama yoti yeyajingala mu sapina babia makambaku nu nkolu ngati Sapanga eanndagalakia. Ndipala Sapanga jwapunga nndyangu ejajingala pe Noa.
17Masi gingi gaendaliya kuba munndema kwa masoba alubaini. Iyula jaendaliya kuna na masi gaendalia kujonzukeka nu kujitondabe sapina nukujebe panani ja masi. 18Masi gaendaliya kujonzukeka ngani punndema na sapina jajebala panani jaki. 19Masi haga gabii gingi ngamaa panani ju nndema, gayekaliya itombi yoti ilasu yupunndema. 20Gajonzukika mbaka kujiyekale milema ulasu wa ngati meta saba na nusu. 21Iumbi yoti yomi mu nndema yatenda kuwa, ijuni ni inyama yukupugwa ni inyama yu mukiholi ni iumbi yengi yoti pamu na bandu batenda kuwa. 22Kila kiumbi somi mu nndema satenda kuwa. 23Sapanga jakoma kila kiumbi sesabii punndema, bandu ni inyama ni iumbi yeikwaba ni ijuni yukulianga. Noa pe na bajabii naku pamu nkati ja sapina ndi babalama. 24Masi haga gaendaliya kuba mu nndema kwa masoba mia moja hamsini.
ទើបបានជ្រើសរើសហើយ៖
Utumbuli 7: MaBV
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The New Testament in Matengo Language ©The Word for the World International and Matengo Language Translation, 2020. All rights reserved.
Utumbuli 7
7
Masi gingi gatwele mu nndema
1Bambu Sapanga ampwagila Noa, “Jingala nkati ja sapina wehapa pamu na bana baku boti, ndaba kati ja bandu boti baatama masoba gaku gani, nugubweni wehapa kajika jaku ndi weguhenga ganagajetake. 2Jukua inyama yeijetakiki kupiiki litambiku ikambaku saba ni mikolu saba na jukua inyama yanga kujetakeka kupiiki litambiku ibeli ikambaku ibeli imikolu. 3Ahelahela jukua ijuni yumunani ikambaku ni mikolu sabasaba ili kuitunza ibia yomi aina yabu yoti punndema. 4Egiipeta masoba saba kutumbuli sajenu, najilekakiya iyula jikuna punndema masoba alobaini ikilu na muhi, na kila kiumbi somi senikibombiki niitenda kukikoma.” 5Noa jahenga ngati Bambu Sapanga eanndagalakiya.
6Noa jabii na yaka mia sita kipindi masi pagatwelila pu nndema. 7Noa nu nhwanamundu na bana baki na aka ahanamundu bajingala nkati ja sapina ili kujepana nu kutwele kwa masi. 8Inyama yeijetakiki kupiki litambiku ni inyama yanga kujetakeka kupiki litambiku ni ijuni ni iumbi yoti yeikwaba, 9ibeli ibeli, ikambaku ni mikolu, bajingala nkati ja sapina pamu na Noa ngati Sapanga eanndagalakiya. 10Egapeta masoba saba, masi gingi gatumbuliya kuguyekale nndema.
11Noa pajabii na yaka mia sita, mu lisoba la komi na saba la mwei wa pili, lisoba leheli iliba yoti ya masi yapita masi nu kunani ku lianga kwatenda kuhogoka. 12Iyula jakuna mu nndema masoba alubaini ikilu na muhi. 13Lisoba alelale iyula pajatumbuliya kukuna, Noa nu nhwanamundu na bana baki, Shemu na Hamu na Yapeti, pamu na akahanamundu, bajingala nkati ja sapina. 14Bajingala beni pamu ni inyama na aina joti ji inyama imwikioli na inyama yeipugwa na inyama yeikwaba ni ijuni ya kila aina. 15Iumbi yoti yomi koni ibii ibeli ibeli yajingala mu sapina pamu na Noa, 16inyama yoti yeyajingala mu sapina babia makambaku nu nkolu ngati Sapanga eanndagalakia. Ndipala Sapanga jwapunga nndyangu ejajingala pe Noa.
17Masi gingi gaendaliya kuba munndema kwa masoba alubaini. Iyula jaendaliya kuna na masi gaendalia kujonzukeka nu kujitondabe sapina nukujebe panani ja masi. 18Masi gaendaliya kujonzukeka ngani punndema na sapina jajebala panani jaki. 19Masi haga gabii gingi ngamaa panani ju nndema, gayekaliya itombi yoti ilasu yupunndema. 20Gajonzukika mbaka kujiyekale milema ulasu wa ngati meta saba na nusu. 21Iumbi yoti yomi mu nndema yatenda kuwa, ijuni ni inyama yukupugwa ni inyama yu mukiholi ni iumbi yengi yoti pamu na bandu batenda kuwa. 22Kila kiumbi somi mu nndema satenda kuwa. 23Sapanga jakoma kila kiumbi sesabii punndema, bandu ni inyama ni iumbi yeikwaba ni ijuni yukulianga. Noa pe na bajabii naku pamu nkati ja sapina ndi babalama. 24Masi haga gaendaliya kuba mu nndema kwa masoba mia moja hamsini.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The New Testament in Matengo Language ©The Word for the World International and Matengo Language Translation, 2020. All rights reserved.