Utumbuli 6
6
Mahakau ga bandu
1Bandu ebajonzukika nu kuenee punndema nu kubeleka aka kamwali, 2bana akakombu baka Sapanga bangi baabona aka kamwali ba bandu atei kunyamba, baajukua ba baapai na kuba aka ahanu babu. 3Hapa ndi Bambu Sapanga japwaaga, “Mbomu jangu ngajiitami nkati jaka mundu masoba goa ganga na mwisu, ndaba jombi ndi wa kuwa pena. Kutumbuli sajenu nu kuendalee ngabiitami kupeta yaka mia jimu ni ishilini.” 4Mumasoba ge haga hata ga monikatai, kwabii ni mimundu gagabiya gatama pani punndema. Mamundu gehaga bagakemika Anepili babii kibeleku sa bana akanalomi baka Sapanga na akakamwali babelikwi na bandu. Haba ndi bandu bababii baawesa ngondu na baabii nu ulumbi kipindi se hesi.
5Bambu Sapanga pajabona bandu ahenga mahakau gingi ngani pani punndema, na kila sejuholale mundu mmwoju jaki ndi mahakau masoba goti, 6Bambu Sapanga jasikatiki ngamaa, ndaba jukummbomba mundu. Bambu Sapanga jugubona usungu mmwoju jaki, 7henu, japwaaga, “Namputa nzwe punndema mundu jo nu mmbombiki, nambengila kutali kabee naaputa nzwe inyama ya mwikioli ni iumbi yeikwaba ni ijuni yu kunani. Nhyomiki ndaba naabomba punndema.” 8Lakini Noa, japatiki upali nkolongu palongi jaka Bambu Sapanga.
Noa
9Ganga majambu gaguhusu Noa jojabii jojujetakeka kajika jaki palongi jaka Sapanga na jojuwe ngasejabii na lawama ipindi yake. Jabii jutama sukunndengane Sapanga. 10Noa jabii na bana atatu akakombu, Shemu na Amu na Japeti. 11Sapanga jugubona nndema guhalabiki nu kutwele bandu banga ni ikia. 12Sapanga hejugulingalia nndema, jabona guhalabiki ngamaa, ndaba kila mundu japwata indela jaki ja mahakau.
13Sapanga ampwagila Noa, “Amwi kwaakoma bandu boti ndaba atweli bandu banga ni ikia. Naakoma pamu nu nndema. 14Henu, ujilenganakiya Sapina kwi imbau yu nkongu wu mpengu. Bagula yumba nkati je homu na gupakia lami kunza nu nkati. 15Gujilenganakiya ana, Ulasu waki gubiya meta mia moja na selasini na tisa, upana waki meta ishilini nunhwanu nu ulasu waki ukujenda kunani meta komi nu nhwanu. 16Sapina heji jibiya ja golopa itatu na jejibii nu nndyangu kulutengu. Jilenganakiya nu nhagaa, kabee ujileka napwasi nusu mita kati ju nhagaa nu ligolu. 17Niileta ling`aliku ili kukoma iumbi yomi yoti yeitama punndema. Kila sindu sekibii punndema siitenda kuwa. 18Lakini nihenga Lilaganu nawehapa. Wijingala mu Sapina, wehapa pamu nu nhwanu waku, bana baku naka akanamundu. 19Nawehapa wiijingisa mu sapina iumbi ibeli ibeli, sammbomba na sanalomi, ili kwiitunza ibiya yomi pamu na wehapa. 20Wijingisa kila aina ji ijuni yu kunani ku lianga, kila aina ji inyama na kila aina ji kiumbi sekikwaba na yoti hei ibiya ibeli ibeli ili kwiitunza ibiya yomi. 21Kabee gujukua aina yoti ya posu, ili mwiitunza ndaba jinu na ndaba ji iumbi hei.” 22Noa jahenga yoti ngati Sapanga eanndagalakiya.
ទើបបានជ្រើសរើសហើយ៖
Utumbuli 6: MaBV
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The New Testament in Matengo Language ©The Word for the World International and Matengo Language Translation, 2020. All rights reserved.
Utumbuli 6
6
Mahakau ga bandu
1Bandu ebajonzukika nu kuenee punndema nu kubeleka aka kamwali, 2bana akakombu baka Sapanga bangi baabona aka kamwali ba bandu atei kunyamba, baajukua ba baapai na kuba aka ahanu babu. 3Hapa ndi Bambu Sapanga japwaaga, “Mbomu jangu ngajiitami nkati jaka mundu masoba goa ganga na mwisu, ndaba jombi ndi wa kuwa pena. Kutumbuli sajenu nu kuendalee ngabiitami kupeta yaka mia jimu ni ishilini.” 4Mumasoba ge haga hata ga monikatai, kwabii ni mimundu gagabiya gatama pani punndema. Mamundu gehaga bagakemika Anepili babii kibeleku sa bana akanalomi baka Sapanga na akakamwali babelikwi na bandu. Haba ndi bandu bababii baawesa ngondu na baabii nu ulumbi kipindi se hesi.
5Bambu Sapanga pajabona bandu ahenga mahakau gingi ngani pani punndema, na kila sejuholale mundu mmwoju jaki ndi mahakau masoba goti, 6Bambu Sapanga jasikatiki ngamaa, ndaba jukummbomba mundu. Bambu Sapanga jugubona usungu mmwoju jaki, 7henu, japwaaga, “Namputa nzwe punndema mundu jo nu mmbombiki, nambengila kutali kabee naaputa nzwe inyama ya mwikioli ni iumbi yeikwaba ni ijuni yu kunani. Nhyomiki ndaba naabomba punndema.” 8Lakini Noa, japatiki upali nkolongu palongi jaka Bambu Sapanga.
Noa
9Ganga majambu gaguhusu Noa jojabii jojujetakeka kajika jaki palongi jaka Sapanga na jojuwe ngasejabii na lawama ipindi yake. Jabii jutama sukunndengane Sapanga. 10Noa jabii na bana atatu akakombu, Shemu na Amu na Japeti. 11Sapanga jugubona nndema guhalabiki nu kutwele bandu banga ni ikia. 12Sapanga hejugulingalia nndema, jabona guhalabiki ngamaa, ndaba kila mundu japwata indela jaki ja mahakau.
13Sapanga ampwagila Noa, “Amwi kwaakoma bandu boti ndaba atweli bandu banga ni ikia. Naakoma pamu nu nndema. 14Henu, ujilenganakiya Sapina kwi imbau yu nkongu wu mpengu. Bagula yumba nkati je homu na gupakia lami kunza nu nkati. 15Gujilenganakiya ana, Ulasu waki gubiya meta mia moja na selasini na tisa, upana waki meta ishilini nunhwanu nu ulasu waki ukujenda kunani meta komi nu nhwanu. 16Sapina heji jibiya ja golopa itatu na jejibii nu nndyangu kulutengu. Jilenganakiya nu nhagaa, kabee ujileka napwasi nusu mita kati ju nhagaa nu ligolu. 17Niileta ling`aliku ili kukoma iumbi yomi yoti yeitama punndema. Kila sindu sekibii punndema siitenda kuwa. 18Lakini nihenga Lilaganu nawehapa. Wijingala mu Sapina, wehapa pamu nu nhwanu waku, bana baku naka akanamundu. 19Nawehapa wiijingisa mu sapina iumbi ibeli ibeli, sammbomba na sanalomi, ili kwiitunza ibiya yomi pamu na wehapa. 20Wijingisa kila aina ji ijuni yu kunani ku lianga, kila aina ji inyama na kila aina ji kiumbi sekikwaba na yoti hei ibiya ibeli ibeli ili kwiitunza ibiya yomi. 21Kabee gujukua aina yoti ya posu, ili mwiitunza ndaba jinu na ndaba ji iumbi hei.” 22Noa jahenga yoti ngati Sapanga eanndagalakiya.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The New Testament in Matengo Language ©The Word for the World International and Matengo Language Translation, 2020. All rights reserved.