Utumbuli 39
39
Nhwanu waka Potipa na Josepu
1Ndienu, Josepu ebunzukua mbaka ku Misili, mundu jumu juku Misili jobunkema Potipa jojuwe jabii ntumisi waka Falau nu nkolongu jwi likundi lu ulonda, andomba Josepu kuhuma kwa Aisimaili babundeta ku Misili. 2Bambu Sapanga jabii pamu na Josepu, anhwesisi mu kila sindu sejwahenga. Josepu jabiya juhenga lihengu mu nyumba jaka bambu waki hoju Mmisili. 3Bambu waki we hoju jamanyiki kubanga Bambu Sapanga jabii pamu na Josepu, na ndi anzangatiya mu majambu goti Josepu. 4Ndienu, Josepu jwapaliki ngamaa palongi jaka Potipa, jabiya ndi ntumisi waki, anhenga jujemaliya nyumba jaki na juangaliya mali gaki goti. 5Tumbuka kipindi Potipa paanhenga Josepu kuba jojujemale nyumba jaki na jojuangalii mali gaki, Bambu Sapanga jijipengaliya nyumba jaka mundu we hoju ndaba jaka Josepu. Mbenge yaka Bambu Sapanga yabiya panani ja kila sejabii naku, munyumba na ku matui. 6Kwa ndaba heji Potipa ampekiya Josepu ulongosi panani ja majambu gaki goa, najombi Potipa jakotuka kuhenga sokapi ila pee posu jaki mweni.
Josepu jabii nkombu jojubii na nhyega jejibi na makili na jojunyambiki. 7Ndienu egapeta masoba masokopi, nhwanu waka Potipa antokuliya Josepu nukumpwagi, “Gonila na nenga.” 8Lakini Josepu jakana nukumpwagi mmbomba hoju, “Nganhwese hata kulenga! Bambu wangu jumekiki kuba panani ja kila sindu pani panyumba na kwa ndaba nepani mii pamba ngasejuhenga sindu sokapi kabete. 9Pani panyumba jombi ngasejubii nu ulongosi kuliku nepani. Jombi ngasejunganiki kukamu sindu sokapi ila wehapa pena kwa ndaba wehapa gu nhanu waki. Nnhwesa boo, kuhenga kihakau kikolongu ngati hese nukunkose Sapanga.” 10Mmbomba hoju jaendaliya kunkolo kila lisoba, lakini Josepu ngasejajoani wala kujetake kuba pambipi naku.
11Lisoba limu, Josepu jajingala mu nyumba kuhenga lihengu laki ngati ejayobali, na baahenga lihengu ajaki ngasebabii panyumba. 12Ndienu, nhwanu waka Potipa jakamula ingobu jaka Josepu nukumpwagi, “Gonila na nepani.” Lakini Josepu anndekila kikwinda saki mumaboku gaki, nukutili kunza. 13Hapa mmbomba jola ejabona Josepu jililei lingobu laki mu maboku gaki nukutili kunza, 14jaakema atumisi bu nyumba jaki na kwaapwagi, “Nndinga! Mundu juku Ebulania jobutuleti jutupeke iyoni kwitu twepani twaboti. Jahika kwangu nukupala kungamu kwa makili, lakini ndendika kujamali. 15Ejajoana ndenda kujamali jikilekika kikwinda saki, nukutili kunza.”
16Ndienu, mmbomba jola jikibeka kikwinda sela mbaka nndomi waki ejakelubuka kunyumba. 17Ansimuliya sindu sela kukupwaga, “Ntumisi juku Ebulania hoju jogunndetiki kwitu junhikila ili jumboa lihamu. 18Lakini enyamaliya pe kulela ili bandu anyangatia, jikileka kikwinda sakiaki nukutili kunza.”
19Ndienu, bambu waka Josepu jagajoanakiya malobi gu nhwanu waki, japata inyela, 20anzukua Josepu nu kunzege mu ligelesa, pandu pabaakongiki bandu bahalabini baka bambu nkolongu. 21Lakini hata mu ligelesa Bambu Sapanga jabiya pamu na Josepu antunza nu kunhenga jupalika na akaakolongu bi ligelesa. 22Henu nkolongu ju ligelesa ammbeka Josepu jubiya nkolongu jwa apugwa boti mu ligelesa mola, kila sindu sesahengika homu sahengika ku ulongosi waki. 23Nkolongu ju ligelesa jola ngasejahenga kabee sindu sokapi seankabisi Josepu kwa ndaba Bambu Sapanga jwabii pamu na Josepu nukunhwesesa kila sindu sejuhengika.
ទើបបានជ្រើសរើសហើយ៖
Utumbuli 39: MaBV
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The New Testament in Matengo Language ©The Word for the World International and Matengo Language Translation, 2020. All rights reserved.
Utumbuli 39
39
Nhwanu waka Potipa na Josepu
1Ndienu, Josepu ebunzukua mbaka ku Misili, mundu jumu juku Misili jobunkema Potipa jojuwe jabii ntumisi waka Falau nu nkolongu jwi likundi lu ulonda, andomba Josepu kuhuma kwa Aisimaili babundeta ku Misili. 2Bambu Sapanga jabii pamu na Josepu, anhwesisi mu kila sindu sejwahenga. Josepu jabiya juhenga lihengu mu nyumba jaka bambu waki hoju Mmisili. 3Bambu waki we hoju jamanyiki kubanga Bambu Sapanga jabii pamu na Josepu, na ndi anzangatiya mu majambu goti Josepu. 4Ndienu, Josepu jwapaliki ngamaa palongi jaka Potipa, jabiya ndi ntumisi waki, anhenga jujemaliya nyumba jaki na juangaliya mali gaki goti. 5Tumbuka kipindi Potipa paanhenga Josepu kuba jojujemale nyumba jaki na jojuangalii mali gaki, Bambu Sapanga jijipengaliya nyumba jaka mundu we hoju ndaba jaka Josepu. Mbenge yaka Bambu Sapanga yabiya panani ja kila sejabii naku, munyumba na ku matui. 6Kwa ndaba heji Potipa ampekiya Josepu ulongosi panani ja majambu gaki goa, najombi Potipa jakotuka kuhenga sokapi ila pee posu jaki mweni.
Josepu jabii nkombu jojubii na nhyega jejibi na makili na jojunyambiki. 7Ndienu egapeta masoba masokopi, nhwanu waka Potipa antokuliya Josepu nukumpwagi, “Gonila na nenga.” 8Lakini Josepu jakana nukumpwagi mmbomba hoju, “Nganhwese hata kulenga! Bambu wangu jumekiki kuba panani ja kila sindu pani panyumba na kwa ndaba nepani mii pamba ngasejuhenga sindu sokapi kabete. 9Pani panyumba jombi ngasejubii nu ulongosi kuliku nepani. Jombi ngasejunganiki kukamu sindu sokapi ila wehapa pena kwa ndaba wehapa gu nhanu waki. Nnhwesa boo, kuhenga kihakau kikolongu ngati hese nukunkose Sapanga.” 10Mmbomba hoju jaendaliya kunkolo kila lisoba, lakini Josepu ngasejajoani wala kujetake kuba pambipi naku.
11Lisoba limu, Josepu jajingala mu nyumba kuhenga lihengu laki ngati ejayobali, na baahenga lihengu ajaki ngasebabii panyumba. 12Ndienu, nhwanu waka Potipa jakamula ingobu jaka Josepu nukumpwagi, “Gonila na nepani.” Lakini Josepu anndekila kikwinda saki mumaboku gaki, nukutili kunza. 13Hapa mmbomba jola ejabona Josepu jililei lingobu laki mu maboku gaki nukutili kunza, 14jaakema atumisi bu nyumba jaki na kwaapwagi, “Nndinga! Mundu juku Ebulania jobutuleti jutupeke iyoni kwitu twepani twaboti. Jahika kwangu nukupala kungamu kwa makili, lakini ndendika kujamali. 15Ejajoana ndenda kujamali jikilekika kikwinda saki, nukutili kunza.”
16Ndienu, mmbomba jola jikibeka kikwinda sela mbaka nndomi waki ejakelubuka kunyumba. 17Ansimuliya sindu sela kukupwaga, “Ntumisi juku Ebulania hoju jogunndetiki kwitu junhikila ili jumboa lihamu. 18Lakini enyamaliya pe kulela ili bandu anyangatia, jikileka kikwinda sakiaki nukutili kunza.”
19Ndienu, bambu waka Josepu jagajoanakiya malobi gu nhwanu waki, japata inyela, 20anzukua Josepu nu kunzege mu ligelesa, pandu pabaakongiki bandu bahalabini baka bambu nkolongu. 21Lakini hata mu ligelesa Bambu Sapanga jabiya pamu na Josepu antunza nu kunhenga jupalika na akaakolongu bi ligelesa. 22Henu nkolongu ju ligelesa ammbeka Josepu jubiya nkolongu jwa apugwa boti mu ligelesa mola, kila sindu sesahengika homu sahengika ku ulongosi waki. 23Nkolongu ju ligelesa jola ngasejahenga kabee sindu sokapi seankabisi Josepu kwa ndaba Bambu Sapanga jwabii pamu na Josepu nukunhwesesa kila sindu sejuhengika.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The New Testament in Matengo Language ©The Word for the World International and Matengo Language Translation, 2020. All rights reserved.