Utumbuli 28
28
1Hela ndi Isaka ankema Yakobu, ampengaliya nukunndagalaki, “Wijukuu mmbomba jokapi juku Kanani. 2Gujenda ku Padanilamu, kunyumba ja ahoku baku Betueli, ukajukua kamwali jumu jwaka anijaja waku Labani. 3Sapanga jwana makili jugupengaliya gupata ibeleku hingi nukujonzukeka, ili gubiya atati bilikundi la bandu bingi banndema hingi. 4Jugupengaliya wehapa pamu ni ibeleku ngati eampengila Ibulaimu ahoku baku, ili ugulongusa nndema gongo mogutama sajenu gutama ngati gungeni, gogugwe Sapanga ampeki Ibulaimu!” 5Ndienu, Isaka antuma Yakobu, najombi jajenda ku Padani alamu kwaka Labani, mwana waka Betueli jojahumi mwilikabila lu Alami jojabii nndombu waka Lebeka jojaabeliki Yakobu na Esau.
Esau jujuku mmbomba jongi
6Esau jabiya jumanyiki ana Isaka ampengi Yakobu nu kuntuma jujenda kujuku mmbomba ku Padani alamu, na pajabiya ampenge ankana jijukuu mmbomba juku Kanani. 7Esau jamanya ana Yakobu jaajetakaliya anyongo na ahengo baki, jajenda ku Padani alamu. 8Ndienu, Esau jamanyiki Isaka atati baki ngasejaapai akammbomba buku Kanani. 9Henu, Esau jabii na akammbomba abeli, jajenda kwaka Isimaili mwana waka Ibulaimu, anzukua kabee Mahalati kamwali waka Isimaili, dada waka Nebayoti.
Ndotu jaka Yakobu ku Beseli
10Yakobu jaboka ku Beelisheba nu kujenda ku Halani. 11Pajahika pandu pangi, jagonila hapa ndaba lyoba lakabii lijingii. Jajukua lilibu limu la pandu je hapa jilibeka pai ju umutu waki nukugone. 12Jalota ndotu, mundotu je homu, jijibona ngasi jeajemiki punndema mbaka kunani kwa maundi na atumi baka Sapanga bukunani babiya akwela nukuhuluka mu ngasi je heji. 13Bambu Sapanga jajema panani ja ngasi je heji ampwagila, “Nepani ndi Bambu Sapanga, Sapanga waka Ibulaimu atati baku na Sapanga waka Isaka. Nagupekia wehapa ni ibeleku yaku nndema gongo gogugoluki. 14Ibeleku yaku ikuba hingi ngati msangi upunndema, nabombi bienia kila upandi Golipiti lyoba nu upandi Kolijingi lyoba nuku Kasikazini nu Kusini. Nukupete wehapa ni ibeleku yaku na makabila goti gupunndema giitenda kupengalewa. 15Nepani mii pamu nawehapa, nagulenda pokapi pawiijenda nukugukelabuu mu nndema gongo. Nganaguleki mbaka panijomulia lilagi lenugupeki.”
16Ndipala Yakobu jajumuka mu lugonu, nukupwaaga, “Sakaka, Bambu Sapanga jubii pandu pamba, nanepani ngasenamanyiki!” 17Yakobu jatenda kujogopa nukupwaaga, “Nandinoo! Kyee pandu pamba patisiki ngamaa! Sakaka pamba ndi nyumba jaka Sapanga ni litanga lu kunani ku maundi.”
18Yakobu jajumuka pulukela ngani, jajukua lilibu lela lejabiya jubekiki pai ju umutu waki, jilijemika wema ngati mpengu nu kulibeka la sapi sukujakanii mauta panani jaki. 19Japakema pandu je hapa Beseli maana jaki, “Nyumba jaka Sapanga,” lakini liina lu kutumbuli la musi we hogu labiya Luzu. 20Ndipala Yakobu jabeka lilaganu nukupwaaga, “Ana wa Sapanga wibiya pamu nanepani nukunenda mu sapwali jangu, koni gumbeke posu ni ingobu, 21nukunyangati kubuja kunyumba ja atati bangu sapi, ndienu wehapa wa Bambu Sapanga wibiya ndi wa Sapanga wango. 22Nalombi lilibu heli lenyemiki hapa ngati mpengu gubiya nyumba jaka Sapanga, nanepani nagupekiya pandu pamu pa komi pa indu yango yewimbekiya.”
ទើបបានជ្រើសរើសហើយ៖
Utumbuli 28: MaBV
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The New Testament in Matengo Language ©The Word for the World International and Matengo Language Translation, 2020. All rights reserved.
Utumbuli 28
28
1Hela ndi Isaka ankema Yakobu, ampengaliya nukunndagalaki, “Wijukuu mmbomba jokapi juku Kanani. 2Gujenda ku Padanilamu, kunyumba ja ahoku baku Betueli, ukajukua kamwali jumu jwaka anijaja waku Labani. 3Sapanga jwana makili jugupengaliya gupata ibeleku hingi nukujonzukeka, ili gubiya atati bilikundi la bandu bingi banndema hingi. 4Jugupengaliya wehapa pamu ni ibeleku ngati eampengila Ibulaimu ahoku baku, ili ugulongusa nndema gongo mogutama sajenu gutama ngati gungeni, gogugwe Sapanga ampeki Ibulaimu!” 5Ndienu, Isaka antuma Yakobu, najombi jajenda ku Padani alamu kwaka Labani, mwana waka Betueli jojahumi mwilikabila lu Alami jojabii nndombu waka Lebeka jojaabeliki Yakobu na Esau.
Esau jujuku mmbomba jongi
6Esau jabiya jumanyiki ana Isaka ampengi Yakobu nu kuntuma jujenda kujuku mmbomba ku Padani alamu, na pajabiya ampenge ankana jijukuu mmbomba juku Kanani. 7Esau jamanya ana Yakobu jaajetakaliya anyongo na ahengo baki, jajenda ku Padani alamu. 8Ndienu, Esau jamanyiki Isaka atati baki ngasejaapai akammbomba buku Kanani. 9Henu, Esau jabii na akammbomba abeli, jajenda kwaka Isimaili mwana waka Ibulaimu, anzukua kabee Mahalati kamwali waka Isimaili, dada waka Nebayoti.
Ndotu jaka Yakobu ku Beseli
10Yakobu jaboka ku Beelisheba nu kujenda ku Halani. 11Pajahika pandu pangi, jagonila hapa ndaba lyoba lakabii lijingii. Jajukua lilibu limu la pandu je hapa jilibeka pai ju umutu waki nukugone. 12Jalota ndotu, mundotu je homu, jijibona ngasi jeajemiki punndema mbaka kunani kwa maundi na atumi baka Sapanga bukunani babiya akwela nukuhuluka mu ngasi je heji. 13Bambu Sapanga jajema panani ja ngasi je heji ampwagila, “Nepani ndi Bambu Sapanga, Sapanga waka Ibulaimu atati baku na Sapanga waka Isaka. Nagupekia wehapa ni ibeleku yaku nndema gongo gogugoluki. 14Ibeleku yaku ikuba hingi ngati msangi upunndema, nabombi bienia kila upandi Golipiti lyoba nu upandi Kolijingi lyoba nuku Kasikazini nu Kusini. Nukupete wehapa ni ibeleku yaku na makabila goti gupunndema giitenda kupengalewa. 15Nepani mii pamu nawehapa, nagulenda pokapi pawiijenda nukugukelabuu mu nndema gongo. Nganaguleki mbaka panijomulia lilagi lenugupeki.”
16Ndipala Yakobu jajumuka mu lugonu, nukupwaaga, “Sakaka, Bambu Sapanga jubii pandu pamba, nanepani ngasenamanyiki!” 17Yakobu jatenda kujogopa nukupwaaga, “Nandinoo! Kyee pandu pamba patisiki ngamaa! Sakaka pamba ndi nyumba jaka Sapanga ni litanga lu kunani ku maundi.”
18Yakobu jajumuka pulukela ngani, jajukua lilibu lela lejabiya jubekiki pai ju umutu waki, jilijemika wema ngati mpengu nu kulibeka la sapi sukujakanii mauta panani jaki. 19Japakema pandu je hapa Beseli maana jaki, “Nyumba jaka Sapanga,” lakini liina lu kutumbuli la musi we hogu labiya Luzu. 20Ndipala Yakobu jabeka lilaganu nukupwaaga, “Ana wa Sapanga wibiya pamu nanepani nukunenda mu sapwali jangu, koni gumbeke posu ni ingobu, 21nukunyangati kubuja kunyumba ja atati bangu sapi, ndienu wehapa wa Bambu Sapanga wibiya ndi wa Sapanga wango. 22Nalombi lilibu heli lenyemiki hapa ngati mpengu gubiya nyumba jaka Sapanga, nanepani nagupekiya pandu pamu pa komi pa indu yango yewimbekiya.”
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The New Testament in Matengo Language ©The Word for the World International and Matengo Language Translation, 2020. All rights reserved.