Utumbuli 27
27
Isaka ampenge Yakobu
1Isaka jabiya nseja na mihu gaki gabiya ngasegalinga. Ndienu, ankema Esau mwana waki nkolongu, ampwagila, “Mwanawango!”
Najombi jajetika, “Eee atati!”
2Isaka japwaaga, “Linga nepani nzejiki ni lisoba lakuwa ngasenilimanye. 3Ndienu, jukua nkoa waku nu lupende lwaku, gujenda kukioli wakabenga kinyama. 4Kabee gundelakiya posu jejinoi jenijipai gunetila ili ngula nukugupenge kabula ngase nhwii.”
5Kumbi kipindi sehesi Isaka pajabiya julonge na Esau mwana waki Lebeka jabiya jakajoannya. Esau pajabii ku kioli kubenga, 6Lebeka ampwagila mwana waki Yakobu, “Nyoini atati baku ampwagi mmbeli waku Esau, 7akummbengila kinyama nu kulenganake posu jejinoi, ili jukula, nu kumpenge palongi jaka Bambu Sapanga kabula ja kuwa kwaki.” 8Lebeka jaendaliya kupwaaga, “Mwanango gunyoanakiya nukuhenga ngati enugupwagila. 9Jenda ku likundi li imbui gunetila imbui ibeli ya sapi naalenganakiya atati baku posu jejinoi jebijipala kula. 10Ndipala waapelakiya atati baku akula, ili agupengaliya kabula ja kuwa kwabu.”
11Yakobu jaapwagila anyongo Lebeka, “Nkombuka mmbeli wane Esau jubii na majunzu gingipi nhyega jaki, nanepani ngasemii naku. 12Pangi atati biipala kumbapaa nanepani niibonikana ngati nndenda kwaalongama, henu niipata yaambamba badala jukupata mbengale.”
13Anyongo baki ampwagila, “Mwanango yaambamba yaku iimbata nepani, wehapa henga ngati enugulagalaki jenda ukanetila imbui heye.” 14Ndienu, Yakobu jajenda, jajukua imbui ibeli, jaaletila anyongo, najombi jaandia posu jejinoi ngani, sebikipala Isaka atati baki. 15Ndipala, Lebeka jajukua ingobu ya sapi yaka Esau mwana waki nkolongu, yejabii naku panyumba anhwatika Yakobu mwana waki nsoku. 16Anhwatika kabee na ngosi ji imbui yela mukuboku na pandu punhingu jaki. 17Ndipala ampekiya Yakobu posu jejinoi ni libumunda lejabiya juandii.
18Ndienu, Yakobu jajingala nkati kwa atati baki, jaakema, “Atate!”
Nabombi bajetakiya, “Boo, mwanangu, gwegwanyane?”
19Yakobu jaajibua atati baki, “Nepani Esau, ni kibeleku saku su utumbulii. Nhengiki ngati egunagalakiya. Mpepa koku, ntamakiya nkula inyama jenhumika kubenga ili mmbengaliyaje.”
20Lakini Isaka anndalukiya, “Kubiboo, kupata kinyama nyata nakanopi mwanangu?” Yakobu jajibua, “Bambu Sapanga, Sapanga waku ndi jojunyangatile.”
21Ndi Isaka ampwagila Yakobu, “Ndienu mwanangu, hegaliya ili nugupapia manya sakaka ngati wehapa ndi wa mwanawa wa Esau au boo.” 22Yakobu jaahegaliya atati baki Isaka, najombi ampapia nukupwaaga, “Sauti ndi sauti jaka Yakobu, lakini maboku gaka Esau.” 23Ngaseammanyiki ndaba maboku gaki gakabii ga majunzu gingi ngati gaka Esau mmbeli waki henu jatenda kumpenge, 24anndalukiya kabee, “Sakaka le we ndi wamwana wangu Esau?”
Najombi jajibua “Hena.”
25Ndienu, atati baki bapwaaga, “Netila inyama heji ngula mwanawa, nugupengaliya.” Hapa Yakobu jaapelakiya ahengo posu, nabombi bakula, jaapelakiya divai bombi nakunywa. 26Ndienu, Isaka atati baki ampwagila, “Hegaliya pambipi pamba gunyobatiya.” 27Ndienu, Yakobu jaahegaliya atati baki nakwaajobate, na atati baki pajanua kunungii kwi ingobu yaki, ampengaliya kupwaaga, “Linga kunungi kwaka mwanangu ngati litui lejupengi Bambu Sapanga! 28Sapanga jugujakaninya ulumi ukunani kwa maundi jugupekiya luhombi lwa sapi, ilebi na divai jingipi. 29Bandu ba makabila goti gagutumakiya, na bandu boti biitenda kugujinami kwi isima. Gubiya gukilongosi waka alongu baku na bana bingi akanalomi waka nyongo baku bagujinamiya kwi isima. Kila jojwalapila yaambamba andapila jombi, kila jojagupengaliya na jipengaliwa.”
Esau juloba mbenge
30Isaka pajabiya jujomwi kumpengale Yakobu, najombi Yakobu pajabiya jupita pena palongi ja atati baki Isaka, Esau mmbeli waki jabiya jutenda kuhika kuhuma kubenga. 31Esau kabee jalenganakiya posu jejinoi, nakwaapeleke atati baki, nakaapwagi, “Mwa atati nzumuka nkula inyama jenugunhandali nepani na mwanawi, ili mmbengaliya!”
32Isaka jaalalukiya, “Wehapa wanyane?” Najombi jajibua, “Nepani na mwanawi Esau, kibeleku saku su kutumbulii.”
33Papuje Isaka jabagiji ngamaa, nukupwaaga, “Boo, nya jojakabengiki inyama nukunete ngula, nanepani nguliki kabula wehapa jukuhika? Sakaka nummpengali, hena, numpengalike!”
34Esau pajajoa malobi ga ahengo baki, jalela ngamaa ku usungu. Ndienu, jaapwagila Atati baki, “Mwatati bangu mpepa koku mbengaliya na nepani kabete.”
35Lakini Isaka japwaaga, “Nndongu waku jahika nukungonga, najombi jujukwi mbengale yaku.”
36Esau japwaaga, “Ndi mana ankema Yakobu! Jujukwi napwasi jangu mala pabeli. Jatumbuliya oti kujuku haki ju utumbuli ukubelakeka, henu jujukwi kabee na mbengale yangu.” Boo ngasejibii mbengale jengi jegumekile?
37Isaka anzibua, “Nunhengiki Yakobu kuba kilongosi waku, nakwahenga akaalongu baki boti kuba atumisi baki. Numpeki ilebi na divai. Nuguhengila kii heno, wehapa wamwanango?”
38Esau jaapwagila atati baki, “Atati mmbii na mbengale jimu pena? Mbengaliya hata na nenga atati!” Papuje Esau jalela kwa sauti ngolongu.
39Ndi Isaka atati baki bumpwaagila,
“Kutama kwaku kwibiya kutali nu luhombi lwa sapi,
nu kutali nu ulumi ukunani kumaundi. 40Wiitumia makili ili kupata hindu yaku,
na wantumakiya nndongu waku.
Lakini pagwiwesa kulikombola,
walibopuliya mu ulongosi waki.”
41Ndienu, Esau ansukila Yakobu ndaba ja mbengale yejabiya jupatiki kwa atati baki. Esau japanga ana, “Masoba gukukanga luwai lwa atati gahegali, ndi nankoma nndongu wa Yakobu.”
42Lakini Lebeka pajajoa nia jaka mwanamundu nkolongu, ankema mwanawaki nsoku Yakobu, nukumpwaagi, “Nnzepa mmbeli waku Esau hoju juwasali kugukoma. 43Henu, mwanangu nyoanakiya malobi gangu. Boka nyata gutilila kwaka nndombu waminepani Labani ku Alani. 44Wakatama naku kwa masoba masokopi mbaka inyela yuku nndongu waku paikotuka. 45Inyela yuku nndongu waku paikotuka, najombi pajiibiya jujewiki gaunhengi, nagutumila lilobi jugukelubua. Ili niiwelewa na mwabana boti mwabeli lisoba limo?”
Yakobu jutumwa kwaka Labani
46Lebeka ampwagila Isaka, “Ngasemii na laha hata kidogu pandama pundema pani ndaba ja akammbomba Ahiti akaahanu baka Esau. Anakubii Yakobu najombi jujukwi akammboma Ahiti ngati haba nambanga nepani nguwe?”
ទើបបានជ្រើសរើសហើយ៖
Utumbuli 27: MaBV
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The New Testament in Matengo Language ©The Word for the World International and Matengo Language Translation, 2020. All rights reserved.
Utumbuli 27
27
Isaka ampenge Yakobu
1Isaka jabiya nseja na mihu gaki gabiya ngasegalinga. Ndienu, ankema Esau mwana waki nkolongu, ampwagila, “Mwanawango!”
Najombi jajetika, “Eee atati!”
2Isaka japwaaga, “Linga nepani nzejiki ni lisoba lakuwa ngasenilimanye. 3Ndienu, jukua nkoa waku nu lupende lwaku, gujenda kukioli wakabenga kinyama. 4Kabee gundelakiya posu jejinoi jenijipai gunetila ili ngula nukugupenge kabula ngase nhwii.”
5Kumbi kipindi sehesi Isaka pajabiya julonge na Esau mwana waki Lebeka jabiya jakajoannya. Esau pajabii ku kioli kubenga, 6Lebeka ampwagila mwana waki Yakobu, “Nyoini atati baku ampwagi mmbeli waku Esau, 7akummbengila kinyama nu kulenganake posu jejinoi, ili jukula, nu kumpenge palongi jaka Bambu Sapanga kabula ja kuwa kwaki.” 8Lebeka jaendaliya kupwaaga, “Mwanango gunyoanakiya nukuhenga ngati enugupwagila. 9Jenda ku likundi li imbui gunetila imbui ibeli ya sapi naalenganakiya atati baku posu jejinoi jebijipala kula. 10Ndipala waapelakiya atati baku akula, ili agupengaliya kabula ja kuwa kwabu.”
11Yakobu jaapwagila anyongo Lebeka, “Nkombuka mmbeli wane Esau jubii na majunzu gingipi nhyega jaki, nanepani ngasemii naku. 12Pangi atati biipala kumbapaa nanepani niibonikana ngati nndenda kwaalongama, henu niipata yaambamba badala jukupata mbengale.”
13Anyongo baki ampwagila, “Mwanango yaambamba yaku iimbata nepani, wehapa henga ngati enugulagalaki jenda ukanetila imbui heye.” 14Ndienu, Yakobu jajenda, jajukua imbui ibeli, jaaletila anyongo, najombi jaandia posu jejinoi ngani, sebikipala Isaka atati baki. 15Ndipala, Lebeka jajukua ingobu ya sapi yaka Esau mwana waki nkolongu, yejabii naku panyumba anhwatika Yakobu mwana waki nsoku. 16Anhwatika kabee na ngosi ji imbui yela mukuboku na pandu punhingu jaki. 17Ndipala ampekiya Yakobu posu jejinoi ni libumunda lejabiya juandii.
18Ndienu, Yakobu jajingala nkati kwa atati baki, jaakema, “Atate!”
Nabombi bajetakiya, “Boo, mwanangu, gwegwanyane?”
19Yakobu jaajibua atati baki, “Nepani Esau, ni kibeleku saku su utumbulii. Nhengiki ngati egunagalakiya. Mpepa koku, ntamakiya nkula inyama jenhumika kubenga ili mmbengaliyaje.”
20Lakini Isaka anndalukiya, “Kubiboo, kupata kinyama nyata nakanopi mwanangu?” Yakobu jajibua, “Bambu Sapanga, Sapanga waku ndi jojunyangatile.”
21Ndi Isaka ampwagila Yakobu, “Ndienu mwanangu, hegaliya ili nugupapia manya sakaka ngati wehapa ndi wa mwanawa wa Esau au boo.” 22Yakobu jaahegaliya atati baki Isaka, najombi ampapia nukupwaaga, “Sauti ndi sauti jaka Yakobu, lakini maboku gaka Esau.” 23Ngaseammanyiki ndaba maboku gaki gakabii ga majunzu gingi ngati gaka Esau mmbeli waki henu jatenda kumpenge, 24anndalukiya kabee, “Sakaka le we ndi wamwana wangu Esau?”
Najombi jajibua “Hena.”
25Ndienu, atati baki bapwaaga, “Netila inyama heji ngula mwanawa, nugupengaliya.” Hapa Yakobu jaapelakiya ahengo posu, nabombi bakula, jaapelakiya divai bombi nakunywa. 26Ndienu, Isaka atati baki ampwagila, “Hegaliya pambipi pamba gunyobatiya.” 27Ndienu, Yakobu jaahegaliya atati baki nakwaajobate, na atati baki pajanua kunungii kwi ingobu yaki, ampengaliya kupwaaga, “Linga kunungi kwaka mwanangu ngati litui lejupengi Bambu Sapanga! 28Sapanga jugujakaninya ulumi ukunani kwa maundi jugupekiya luhombi lwa sapi, ilebi na divai jingipi. 29Bandu ba makabila goti gagutumakiya, na bandu boti biitenda kugujinami kwi isima. Gubiya gukilongosi waka alongu baku na bana bingi akanalomi waka nyongo baku bagujinamiya kwi isima. Kila jojwalapila yaambamba andapila jombi, kila jojagupengaliya na jipengaliwa.”
Esau juloba mbenge
30Isaka pajabiya jujomwi kumpengale Yakobu, najombi Yakobu pajabiya jupita pena palongi ja atati baki Isaka, Esau mmbeli waki jabiya jutenda kuhika kuhuma kubenga. 31Esau kabee jalenganakiya posu jejinoi, nakwaapeleke atati baki, nakaapwagi, “Mwa atati nzumuka nkula inyama jenugunhandali nepani na mwanawi, ili mmbengaliya!”
32Isaka jaalalukiya, “Wehapa wanyane?” Najombi jajibua, “Nepani na mwanawi Esau, kibeleku saku su kutumbulii.”
33Papuje Isaka jabagiji ngamaa, nukupwaaga, “Boo, nya jojakabengiki inyama nukunete ngula, nanepani nguliki kabula wehapa jukuhika? Sakaka nummpengali, hena, numpengalike!”
34Esau pajajoa malobi ga ahengo baki, jalela ngamaa ku usungu. Ndienu, jaapwagila Atati baki, “Mwatati bangu mpepa koku mbengaliya na nepani kabete.”
35Lakini Isaka japwaaga, “Nndongu waku jahika nukungonga, najombi jujukwi mbengale yaku.”
36Esau japwaaga, “Ndi mana ankema Yakobu! Jujukwi napwasi jangu mala pabeli. Jatumbuliya oti kujuku haki ju utumbuli ukubelakeka, henu jujukwi kabee na mbengale yangu.” Boo ngasejibii mbengale jengi jegumekile?
37Isaka anzibua, “Nunhengiki Yakobu kuba kilongosi waku, nakwahenga akaalongu baki boti kuba atumisi baki. Numpeki ilebi na divai. Nuguhengila kii heno, wehapa wamwanango?”
38Esau jaapwagila atati baki, “Atati mmbii na mbengale jimu pena? Mbengaliya hata na nenga atati!” Papuje Esau jalela kwa sauti ngolongu.
39Ndi Isaka atati baki bumpwaagila,
“Kutama kwaku kwibiya kutali nu luhombi lwa sapi,
nu kutali nu ulumi ukunani kumaundi. 40Wiitumia makili ili kupata hindu yaku,
na wantumakiya nndongu waku.
Lakini pagwiwesa kulikombola,
walibopuliya mu ulongosi waki.”
41Ndienu, Esau ansukila Yakobu ndaba ja mbengale yejabiya jupatiki kwa atati baki. Esau japanga ana, “Masoba gukukanga luwai lwa atati gahegali, ndi nankoma nndongu wa Yakobu.”
42Lakini Lebeka pajajoa nia jaka mwanamundu nkolongu, ankema mwanawaki nsoku Yakobu, nukumpwaagi, “Nnzepa mmbeli waku Esau hoju juwasali kugukoma. 43Henu, mwanangu nyoanakiya malobi gangu. Boka nyata gutilila kwaka nndombu waminepani Labani ku Alani. 44Wakatama naku kwa masoba masokopi mbaka inyela yuku nndongu waku paikotuka. 45Inyela yuku nndongu waku paikotuka, najombi pajiibiya jujewiki gaunhengi, nagutumila lilobi jugukelubua. Ili niiwelewa na mwabana boti mwabeli lisoba limo?”
Yakobu jutumwa kwaka Labani
46Lebeka ampwagila Isaka, “Ngasemii na laha hata kidogu pandama pundema pani ndaba ja akammbomba Ahiti akaahanu baka Esau. Anakubii Yakobu najombi jujukwi akammboma Ahiti ngati haba nambanga nepani nguwe?”
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The New Testament in Matengo Language ©The Word for the World International and Matengo Language Translation, 2020. All rights reserved.