Utumbuli 19
19
Ubaja wa bandu buku Sodoma
1Atumi bukunani kwaka Sapanga abeli bala bahika ku Musi uku Sodoma pakamii, Lutu jojabii jutemi pi litanga la musi uku Sodoma pajaabona, jajumuka nukujenda kwaapengana sukupega magoti nakwajinami, 2japwaaga, “Akabambu bangu, kalibu kunyuma jangu nepani nu ntumisi winu. Nhwesa kusamba masi nu kugone nnyumba ja lelenu. Pulukela nangani mwiendaliya na sapwali jinu.”
Lakini bombi bapwaaga, “Ngahela, twepani ngiti tugonila papu lubanza lwa musi pani.”
3Lutu jaalobiki ngamaa, mwisuwe batenda kujetake nu kujingi mu nyumba jaki. Lutu jaandaliya posu, jajosa mabumunda ganga kujege amila, na batenda kula.
4Lakini ikilu kabula jukugone, akanalomi boti kuhuma kila pandu pa musi uku Sodoma, akakombu na aseja, bijiyongulata nyumba jaka Lutu. 5Bunkema Lutu nu kunndaluki, “Abii kwa akanalomi bala bahiki kunyumba jaku? Apiya kunza, tupala kugone nabu!”
6Lutu japita kunza kulonge nabu, nukupunga nndyangu mu nyuma jaki. 7Jaapwagila, “Mwalongu ba, nundoba mwiitenda kihakau hese. 8Nndinga, nepani mii naka kamwali abele babube ngaseawaiki kugone na akanalomi. Nnyetakaliya numpekiya akakamwali be haba mwakahenga ngati empai. Lakini mwaahenga sindu sokapi akanalomi haba ndaba ageni bangu mbalika kwaalenda.”
9Lakini bombi bapwaaga, “Utupeaje! Wamwe ungeni pe pa musi je pani na sajenu gupala kutuamuli sukuhenga! Ndienu twaguhenga liyaha kupeta ageni baku be haba.” Hapa ankanga Lutu munyuma kulagi atunu nndyangu waki. 10Lakini ageni bala batondabiya maboku gabu nu kuhogo nndyangu, bukamula Lutu nukunhuti nkati ja nyumba nu kupunga nndyangu. 11Ndipala ageni bala baahenga biiwesa kulinga bandu bababii kunza boti akolongu na soku, ndi ngasebawesa kugubona nndyangu.
Lutu juboka ku Sodoma
12Bandu abeli bala bumpwagila Lutu, “Boo, gubii na mundu jongi pamba, akakamwali na akaasumba baka kamwali baku au bandu bangi baka alongu bako baatama mone? Waboa pandu je pani nyata, 13ndaba twaakoma bandu ba musi gongo eheno, ndaba Bambu Sapanga jujoini mahakau ga bandu ba musi gongo gabii gingi ngamaa palongi jaka Bambu Sapanga ndienu jujutumiki tuhika kugukoma musi gongo.”
14Ndienu, Lutu jaajendila akasumba baka kamwali baki nakaapwagi, “Nnyata! Mmbokaninya panipanije, ndaba Bambu Sapanga juguhoa musi we goni.” Lakini bombi bummbona ngati mundu jojuhekesa pena.
15Kabula jukukusa, Atumi bu kunani bala anhingamaki Lutu su kupwaaga, “Jumuka, nnzukua nhwanu waku na akakamwali baku abeli biikuwa kipindi bandu ba musi gongo pabiipata azabu kuhuma kwaka Bambu Sapanga.” 16Lutu jabiya jutenda kuselewa. Lakini ndaba Bambu Sapanga eambonila ikia Lutu, atumi bala baakamula maboku Lutu nu nhwanamundu na akakamwali baki na kwapiya kunza ja musi. 17Pabaapiya kunza ja musi, ntumi jumu kati ja abeli bala jaapwagila, “Ntilaninya ili mwiikuwa! Mwilingalii mu nyuma wala mwiijema pokapi pi ligomba hale. Ntilila ku kitombi ili mwiikuwa.”
18Lutu ampwagila, “Mpepakoku akabambu, nandi noba nijenda kutali hela. 19Manyiki monee ikia nukuoko womi wango. Lakini kwi itombi kola kutali ngani nanepani nganiiwesi kutili kola, kuwa hoku kwingolila kabula jukuhika kola na nepani niitenda kuwa. 20Nndingaliya, kolako gubii musi nsokopi goguwe nhwesa kutili ndaba gubii pambipi. Ndienu, nyetakaliya ndilila konioko. Linga musi we nsokopi pena nepani nhwesa kutili kola.”
21Ntumi jukunani jola jajibua, “Hena, nyeteki kuloba kwaku. Nganuguhoi musi go gupwagiki. 22Gutenda nnyata! Gutilila konioko, nanepani ngahengi sokapi mbaka pawihika hoku.” Henu ndi musi we hogu agukema Soali.
Kujoswa mwotu musi uku Sodoma nuku Gomola
23Lyoba labiya lipitiki kipindi Luti pajabiya juhikiki ku musi uku Soali. 24Ndienu, Bambu Sapanga jwahulua mwotu nkali wa malibu ga baluti gaganyaka ngati iyula kuhuma kunani kwa Sapanga ihuluka mmisi juku Sodoma nu ku Gomola. 25Jijijosa mwotu misi je heji, ligomba loti na bandu baki boti ni mimea joti mu misi je heji. 26Lakini pababii mwiindela nhwanu waka Lutu jojabii munyuma jaka Lutu, jalinga munyuma jang'anambuka kikola sa mwinyu.
27Pulukela ngani, jilisoba lelapwata Ibulaimu jajenda pandu pajabii jujemiki palongi jaka Bambu Sapanga. 28Pajabii pala, jalinga pai upandi uku Sodoma nuku Gomola ni lieneu loti li ligomba jasangia kulibona lihoi litutuma kukwela kunani, lihoi ngati lilijiku likolongu. 29Sapanga pajijijosa mwotu misi jukumosu mojabia jutama Lutu, ankombuka Ibulaimu kukumpia Lutu mu misi je heji, ili Lutu jwikuwa pamu nabombi.
Kutumbuli kwa Amoabu na Aamoni
30Lutu jajogupa kutama mu musi wa Soali, henu jahama musi we hogu, jombi pamu na akakamwali baki abeli, bajendannya kutama kukitombi mulikolu. 31Pababii hoku, kamwali nkolongu ampwagila nnuna, “Atati bitu aseja ngani nu mmusi gongo gwoti nga mwanalomi jukutujukuu ili tubelika bana ngati bandu eahenga punndema poti. 32Twaapekiya atati divai ingali alobila ili tuwesa kugone nabu nukuwesa kujonzukeka kukupata bana kupete bombi.” 33Ikilu heji baapekia atati babu divai ingali, kamwali ju utumbuli jola jajenda kugone nabu. Lakini atati babu ngasebamanyiki kipindi kamwali waki pajagonila naku, wala pajaboka.
34Kilabu jaki, kamwali ju utumbuli jola ampwagila nnuna, “Lisu ikilu nepani nagoni na atati, lelenu kabee twaapekiya divai ingali alobila na wehapa wakagonila nabu, nahela tubelika bana kupete jombi na atati bitu biipata ibeleku.” 35Ndienu, ikilu jeheji baapekiya kabee atati babu divai ingali ili alobila, ndipala kamwali nsoku jola jajenda kugone nabu. Lakini atati baki ngasebamanyiki kipindi kamwali wabu pabagonila nabu, wala pajabia jutenda kuboka. 36Henu akakamwali boti abeli baka Lutu bapata itumbu kuhuma kwa atati babu. 37Kamwali ju utumbuli jola jabelika mwana mwanalomi, ankema Moabu. Hoju ndi atati ba bandu buku Moabu mbaki lelenu. 38Kamwali nsoku kabee jabelika mwana mwanalomi, ankema Beniami. Hoju ndi atati ba bandu buku Wamoani mbaka lelenu.
ទើបបានជ្រើសរើសហើយ៖
Utumbuli 19: MaBV
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The New Testament in Matengo Language ©The Word for the World International and Matengo Language Translation, 2020. All rights reserved.
Utumbuli 19
19
Ubaja wa bandu buku Sodoma
1Atumi bukunani kwaka Sapanga abeli bala bahika ku Musi uku Sodoma pakamii, Lutu jojabii jutemi pi litanga la musi uku Sodoma pajaabona, jajumuka nukujenda kwaapengana sukupega magoti nakwajinami, 2japwaaga, “Akabambu bangu, kalibu kunyuma jangu nepani nu ntumisi winu. Nhwesa kusamba masi nu kugone nnyumba ja lelenu. Pulukela nangani mwiendaliya na sapwali jinu.”
Lakini bombi bapwaaga, “Ngahela, twepani ngiti tugonila papu lubanza lwa musi pani.”
3Lutu jaalobiki ngamaa, mwisuwe batenda kujetake nu kujingi mu nyumba jaki. Lutu jaandaliya posu, jajosa mabumunda ganga kujege amila, na batenda kula.
4Lakini ikilu kabula jukugone, akanalomi boti kuhuma kila pandu pa musi uku Sodoma, akakombu na aseja, bijiyongulata nyumba jaka Lutu. 5Bunkema Lutu nu kunndaluki, “Abii kwa akanalomi bala bahiki kunyumba jaku? Apiya kunza, tupala kugone nabu!”
6Lutu japita kunza kulonge nabu, nukupunga nndyangu mu nyuma jaki. 7Jaapwagila, “Mwalongu ba, nundoba mwiitenda kihakau hese. 8Nndinga, nepani mii naka kamwali abele babube ngaseawaiki kugone na akanalomi. Nnyetakaliya numpekiya akakamwali be haba mwakahenga ngati empai. Lakini mwaahenga sindu sokapi akanalomi haba ndaba ageni bangu mbalika kwaalenda.”
9Lakini bombi bapwaaga, “Utupeaje! Wamwe ungeni pe pa musi je pani na sajenu gupala kutuamuli sukuhenga! Ndienu twaguhenga liyaha kupeta ageni baku be haba.” Hapa ankanga Lutu munyuma kulagi atunu nndyangu waki. 10Lakini ageni bala batondabiya maboku gabu nu kuhogo nndyangu, bukamula Lutu nukunhuti nkati ja nyumba nu kupunga nndyangu. 11Ndipala ageni bala baahenga biiwesa kulinga bandu bababii kunza boti akolongu na soku, ndi ngasebawesa kugubona nndyangu.
Lutu juboka ku Sodoma
12Bandu abeli bala bumpwagila Lutu, “Boo, gubii na mundu jongi pamba, akakamwali na akaasumba baka kamwali baku au bandu bangi baka alongu bako baatama mone? Waboa pandu je pani nyata, 13ndaba twaakoma bandu ba musi gongo eheno, ndaba Bambu Sapanga jujoini mahakau ga bandu ba musi gongo gabii gingi ngamaa palongi jaka Bambu Sapanga ndienu jujutumiki tuhika kugukoma musi gongo.”
14Ndienu, Lutu jaajendila akasumba baka kamwali baki nakaapwagi, “Nnyata! Mmbokaninya panipanije, ndaba Bambu Sapanga juguhoa musi we goni.” Lakini bombi bummbona ngati mundu jojuhekesa pena.
15Kabula jukukusa, Atumi bu kunani bala anhingamaki Lutu su kupwaaga, “Jumuka, nnzukua nhwanu waku na akakamwali baku abeli biikuwa kipindi bandu ba musi gongo pabiipata azabu kuhuma kwaka Bambu Sapanga.” 16Lutu jabiya jutenda kuselewa. Lakini ndaba Bambu Sapanga eambonila ikia Lutu, atumi bala baakamula maboku Lutu nu nhwanamundu na akakamwali baki na kwapiya kunza ja musi. 17Pabaapiya kunza ja musi, ntumi jumu kati ja abeli bala jaapwagila, “Ntilaninya ili mwiikuwa! Mwilingalii mu nyuma wala mwiijema pokapi pi ligomba hale. Ntilila ku kitombi ili mwiikuwa.”
18Lutu ampwagila, “Mpepakoku akabambu, nandi noba nijenda kutali hela. 19Manyiki monee ikia nukuoko womi wango. Lakini kwi itombi kola kutali ngani nanepani nganiiwesi kutili kola, kuwa hoku kwingolila kabula jukuhika kola na nepani niitenda kuwa. 20Nndingaliya, kolako gubii musi nsokopi goguwe nhwesa kutili ndaba gubii pambipi. Ndienu, nyetakaliya ndilila konioko. Linga musi we nsokopi pena nepani nhwesa kutili kola.”
21Ntumi jukunani jola jajibua, “Hena, nyeteki kuloba kwaku. Nganuguhoi musi go gupwagiki. 22Gutenda nnyata! Gutilila konioko, nanepani ngahengi sokapi mbaka pawihika hoku.” Henu ndi musi we hogu agukema Soali.
Kujoswa mwotu musi uku Sodoma nuku Gomola
23Lyoba labiya lipitiki kipindi Luti pajabiya juhikiki ku musi uku Soali. 24Ndienu, Bambu Sapanga jwahulua mwotu nkali wa malibu ga baluti gaganyaka ngati iyula kuhuma kunani kwa Sapanga ihuluka mmisi juku Sodoma nu ku Gomola. 25Jijijosa mwotu misi je heji, ligomba loti na bandu baki boti ni mimea joti mu misi je heji. 26Lakini pababii mwiindela nhwanu waka Lutu jojabii munyuma jaka Lutu, jalinga munyuma jang'anambuka kikola sa mwinyu.
27Pulukela ngani, jilisoba lelapwata Ibulaimu jajenda pandu pajabii jujemiki palongi jaka Bambu Sapanga. 28Pajabii pala, jalinga pai upandi uku Sodoma nuku Gomola ni lieneu loti li ligomba jasangia kulibona lihoi litutuma kukwela kunani, lihoi ngati lilijiku likolongu. 29Sapanga pajijijosa mwotu misi jukumosu mojabia jutama Lutu, ankombuka Ibulaimu kukumpia Lutu mu misi je heji, ili Lutu jwikuwa pamu nabombi.
Kutumbuli kwa Amoabu na Aamoni
30Lutu jajogupa kutama mu musi wa Soali, henu jahama musi we hogu, jombi pamu na akakamwali baki abeli, bajendannya kutama kukitombi mulikolu. 31Pababii hoku, kamwali nkolongu ampwagila nnuna, “Atati bitu aseja ngani nu mmusi gongo gwoti nga mwanalomi jukutujukuu ili tubelika bana ngati bandu eahenga punndema poti. 32Twaapekiya atati divai ingali alobila ili tuwesa kugone nabu nukuwesa kujonzukeka kukupata bana kupete bombi.” 33Ikilu heji baapekia atati babu divai ingali, kamwali ju utumbuli jola jajenda kugone nabu. Lakini atati babu ngasebamanyiki kipindi kamwali waki pajagonila naku, wala pajaboka.
34Kilabu jaki, kamwali ju utumbuli jola ampwagila nnuna, “Lisu ikilu nepani nagoni na atati, lelenu kabee twaapekiya divai ingali alobila na wehapa wakagonila nabu, nahela tubelika bana kupete jombi na atati bitu biipata ibeleku.” 35Ndienu, ikilu jeheji baapekiya kabee atati babu divai ingali ili alobila, ndipala kamwali nsoku jola jajenda kugone nabu. Lakini atati baki ngasebamanyiki kipindi kamwali wabu pabagonila nabu, wala pajabia jutenda kuboka. 36Henu akakamwali boti abeli baka Lutu bapata itumbu kuhuma kwa atati babu. 37Kamwali ju utumbuli jola jabelika mwana mwanalomi, ankema Moabu. Hoju ndi atati ba bandu buku Moabu mbaki lelenu. 38Kamwali nsoku kabee jabelika mwana mwanalomi, ankema Beniami. Hoju ndi atati ba bandu buku Wamoani mbaka lelenu.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The New Testament in Matengo Language ©The Word for the World International and Matengo Language Translation, 2020. All rights reserved.