Akalabhe 19
19
Mihilo jhenge
1Bhambo Chapanga ngannobholila Mucha, 2“Malobholela bhando bhoha bhu ku Ichilahele kubhehe, ‘Mipalwa kubhehe nyahinyahi, ngita chimii nenga Bhambo Chapanga, Chapanga gwino.’ ” 3Kila mundo antembekeya majhe mundo na tate mundo, nu kukamuu Lichiko lya Kupomolela. Nenga ndi Bhambo Chapanga, Chapanga gwino.
4“Mangaijhinamii jhe ichapanga amu kukitengenechela kinyagho cha shaba. Ne ndi Bhambo Chapanga, Chapanga gwino.”
5“Pumipiya litambiko lya kinyama lya uteeke kwa ne Bhambo Chapanga, umbiikiya ngita chiipalwa kupala ijheketelwa ku nhwalo gwino. 6Nyama jha litambiko lyenie, ipalwa ilyegwa lichiko lele lilipiitwe amu kilabho jhake. Chochoha chikihighala ade lichiko lyuutato kipalwa kikomelekelwa pa mwotu. 7Anda nyama jhojhoha jha litambiko lyenie ilegwitwe lichiko lya utato, mmanya litambiko lyoha lijheketilwa jhe. 8Mundo jhojhoha jwapakulye nyama jhenie, apalwa ahadabulwa ku ulemwa gwake, nhwalo akitei kikotokujheketelwa kilebhe chikipiitwe litambiko kwa Bhambo Chapanga. Mundo jwenio atama pakanjika na bhando bhake.
9“Pimpa kuhuna mahuno gha munng'onda gwino, mangahuna jhe ade mu mpaka gwa nng'onda gwino, hilu mangabhujha jhe unyuma kutola ghighahighilike. 10Mangabhujhii jhe kujhola kila kilebhe mu nng'onda gwa michabibo amu kulokota igwelii pahe, malekela akahocho na akaghene nenga ndi Bhambo Chapanga, Chapanga gwino.
11“Mangajhibha jhe hilu mangalonge uwange hilu mangakolowana jhe. 12Mangalapii jhe kuwange ku liina lyango amu kuliligha liina lyango. Ne ndi Bhambo Chapanga, Chapanga gwino.
13“Mangamponja jhe amu kunyibhii nnyino. Malepo gha mundo jwantenda lihengo ghangatama jhe kelu ndaa kwino ade lukela. 14Mangannigha jhe jwangajhoha amu jwangalola kummeke kilebhe nonge jhake kupala akobhale, mipalwa kunnomba Chapanga gwino. Ne ndi Bhambo Chapanga.
15“Pimihadabula, nhadabula changaloleke kumiho, mangampendele jhe nhwocho amu jhuna ilebhe twe. Nambo mipalwa kuhadabula ngita chiipalwa kwa nnyino. 16Mangalyunga jhe okwe na okwe pakate jha bhando bhino kupala kulonge uwange, nkoto kuntenda nnyino akomwe. Ne ndi Bhambo Chapanga.”
17“Mangammeke jhe maghonga nnongo gwino kumwojho gwino, mipalwa nnyinala nannyino, kupala mangato jhe malemwa ku nhwalo gwake. 18Mangalepa jhe mabhoho hilu manganchimwa jhe jhumo jwa yana ya ajhino bhando, nambo mpale nnyino ngita chimikipala mabhene. Ne ndi Bhambo Chapanga.
19“Miikamula mihilo jhango. Mangaileka jhe ipugho ibhelekana na makambako ghi inyama ya aina jhenge ghangalandana, nu munng'onda gwino mangapanda jhe mbejho ya aina ibhele, hilu mangawala jhe ngobho ipumwitwe kwa nyuche aina ibhele.
20“Munalome anda agholwike na mwikeghe mmanda jwatolwilwe na munalome jhonge, nambo amela anaghombolelwa jhe kubhehe mahulo, munalome jwenio ipalwa kuhadabulwa. Nambo mangakomwa jhe ku nhwalo mwikeghe jwenio akibha natolelwa jhe na munalome. 21Yene, munalome jwenio naleta limbelele lya nkambako palonge jha Lihema lyu Chapanga kubhehe litambiko lya kupepulila uhakaho kwa Bhambo Chapanga. 22Peniya, mpiya litambiko kukupete limbelele lyenio lya kupepulila uhakaho, nantendela ujhelanicho nnonge jha Bhambo Chapanga, ku nhwalo gwa uhakaho gwake, jwenio nalekekelwa uhakaho gwake.
23“Pumpa kuhika ku kilambo chuku Kanaane na kupanda aina jha mikongo jha uhoe, ku kipinde cha yaka itato uhoe gwenie mangalye jhe, nhwalo gheniya ndi ghangajheketelwa kwino. 24Pimpakuhika chaka cha ncheche uhoe gwake gwoha naubhaha gwa nyahinyahi, naupalwa kubhehe litambiko lya kunchengu Bhambo Chapanga. 25Nambo chaka chu nhwano mihoto kulye uhoe gwake, na mahuno ghino naghapambika twe. Nenga ndi Bhambo Chapanga, Chapanga gwino.
26“Mangalye jhe nyama jhojhoha jhibhii na myahe jhake. Mangalondo jhe hilu mangalogha jhe. 27Mangachekuu jhe majhunjo ghino muupele umuto gwino hilu kuchekuu ndeho ino. 28Mangalemba jhe nembo jhojhoha payegha jhino, ku nhwalo gwa ungolongonde gwa malelo, mangakichola jhe nembo jhojhoha payegha, yane tatuu. Ne ndi Bhambo Chapanga.
29“Mangampe jhe hone kamwale gwino kukuntenda kubhehe nngongola, nhwalo kukutenda yene kilambo choha nakitwelela itendwa ya ngongola na ilebhe yanganandela. 30Mulikamula Lichiko lya Kupomolela, na mulitembekeya Lihema lya Chapanga. Ne ndi Bhambo Chapanga.
31“Mangajhendele jhe bhibhalondo, amu akahabhe, kupala kunnondola nhwalo naninyeketela jhe nenga Bhambo Chapanga, Chapanga gwino.
32“Pimibhehe nnonge jha akanahota mipalwa kujhema kupala kulangii ichima, namwe muntembekeya hake Chapanga gwino. Ne ndi Bhambo Chapanga gwino.
33“Anda abhii aghene mu kilambo chino mangantende ubhoho. 34Nn'gene jwenio jwaitama na namwe nabhaha kwino ngita nkolo kilambo nyino, namwe mupala ngita chimikipala mabhene, nhwalo namwenga makibha maghene mu kilambo chuku Michile. Ne ndi Bhambo Chapanga, Chapanga gwino.
35“Mangaponja jhe bhando pimapeme ilebhe itandamaho amu pamapeme ilebhe ina kutopa amu ilebhe yukutweleya. 36Mipalwa kutumii ipemo ipalwa na ipemo ibhii telatela. Ne ndi Bhambo Chapanga, Chapanga gwino, jhunimmohita ku kilambo chuku Michile. 37Mipalwa mighakamula malaghalikilo na mihilo jhango jhoha. Ne ndi Bhambo Chapanga.”
ទើបបានជ្រើសរើសហើយ៖
Akalabhe 19: NdeBV
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The Old Testament in the Ndendeule Language @The Word for the World International and Ndendeule Language Translation. All rights reserved
Akalabhe 19
19
Mihilo jhenge
1Bhambo Chapanga ngannobholila Mucha, 2“Malobholela bhando bhoha bhu ku Ichilahele kubhehe, ‘Mipalwa kubhehe nyahinyahi, ngita chimii nenga Bhambo Chapanga, Chapanga gwino.’ ” 3Kila mundo antembekeya majhe mundo na tate mundo, nu kukamuu Lichiko lya Kupomolela. Nenga ndi Bhambo Chapanga, Chapanga gwino.
4“Mangaijhinamii jhe ichapanga amu kukitengenechela kinyagho cha shaba. Ne ndi Bhambo Chapanga, Chapanga gwino.”
5“Pumipiya litambiko lya kinyama lya uteeke kwa ne Bhambo Chapanga, umbiikiya ngita chiipalwa kupala ijheketelwa ku nhwalo gwino. 6Nyama jha litambiko lyenie, ipalwa ilyegwa lichiko lele lilipiitwe amu kilabho jhake. Chochoha chikihighala ade lichiko lyuutato kipalwa kikomelekelwa pa mwotu. 7Anda nyama jhojhoha jha litambiko lyenie ilegwitwe lichiko lya utato, mmanya litambiko lyoha lijheketilwa jhe. 8Mundo jhojhoha jwapakulye nyama jhenie, apalwa ahadabulwa ku ulemwa gwake, nhwalo akitei kikotokujheketelwa kilebhe chikipiitwe litambiko kwa Bhambo Chapanga. Mundo jwenio atama pakanjika na bhando bhake.
9“Pimpa kuhuna mahuno gha munng'onda gwino, mangahuna jhe ade mu mpaka gwa nng'onda gwino, hilu mangabhujha jhe unyuma kutola ghighahighilike. 10Mangabhujhii jhe kujhola kila kilebhe mu nng'onda gwa michabibo amu kulokota igwelii pahe, malekela akahocho na akaghene nenga ndi Bhambo Chapanga, Chapanga gwino.
11“Mangajhibha jhe hilu mangalonge uwange hilu mangakolowana jhe. 12Mangalapii jhe kuwange ku liina lyango amu kuliligha liina lyango. Ne ndi Bhambo Chapanga, Chapanga gwino.
13“Mangamponja jhe amu kunyibhii nnyino. Malepo gha mundo jwantenda lihengo ghangatama jhe kelu ndaa kwino ade lukela. 14Mangannigha jhe jwangajhoha amu jwangalola kummeke kilebhe nonge jhake kupala akobhale, mipalwa kunnomba Chapanga gwino. Ne ndi Bhambo Chapanga.
15“Pimihadabula, nhadabula changaloleke kumiho, mangampendele jhe nhwocho amu jhuna ilebhe twe. Nambo mipalwa kuhadabula ngita chiipalwa kwa nnyino. 16Mangalyunga jhe okwe na okwe pakate jha bhando bhino kupala kulonge uwange, nkoto kuntenda nnyino akomwe. Ne ndi Bhambo Chapanga.”
17“Mangammeke jhe maghonga nnongo gwino kumwojho gwino, mipalwa nnyinala nannyino, kupala mangato jhe malemwa ku nhwalo gwake. 18Mangalepa jhe mabhoho hilu manganchimwa jhe jhumo jwa yana ya ajhino bhando, nambo mpale nnyino ngita chimikipala mabhene. Ne ndi Bhambo Chapanga.
19“Miikamula mihilo jhango. Mangaileka jhe ipugho ibhelekana na makambako ghi inyama ya aina jhenge ghangalandana, nu munng'onda gwino mangapanda jhe mbejho ya aina ibhele, hilu mangawala jhe ngobho ipumwitwe kwa nyuche aina ibhele.
20“Munalome anda agholwike na mwikeghe mmanda jwatolwilwe na munalome jhonge, nambo amela anaghombolelwa jhe kubhehe mahulo, munalome jwenio ipalwa kuhadabulwa. Nambo mangakomwa jhe ku nhwalo mwikeghe jwenio akibha natolelwa jhe na munalome. 21Yene, munalome jwenio naleta limbelele lya nkambako palonge jha Lihema lyu Chapanga kubhehe litambiko lya kupepulila uhakaho kwa Bhambo Chapanga. 22Peniya, mpiya litambiko kukupete limbelele lyenio lya kupepulila uhakaho, nantendela ujhelanicho nnonge jha Bhambo Chapanga, ku nhwalo gwa uhakaho gwake, jwenio nalekekelwa uhakaho gwake.
23“Pumpa kuhika ku kilambo chuku Kanaane na kupanda aina jha mikongo jha uhoe, ku kipinde cha yaka itato uhoe gwenie mangalye jhe, nhwalo gheniya ndi ghangajheketelwa kwino. 24Pimpakuhika chaka cha ncheche uhoe gwake gwoha naubhaha gwa nyahinyahi, naupalwa kubhehe litambiko lya kunchengu Bhambo Chapanga. 25Nambo chaka chu nhwano mihoto kulye uhoe gwake, na mahuno ghino naghapambika twe. Nenga ndi Bhambo Chapanga, Chapanga gwino.
26“Mangalye jhe nyama jhojhoha jhibhii na myahe jhake. Mangalondo jhe hilu mangalogha jhe. 27Mangachekuu jhe majhunjo ghino muupele umuto gwino hilu kuchekuu ndeho ino. 28Mangalemba jhe nembo jhojhoha payegha jhino, ku nhwalo gwa ungolongonde gwa malelo, mangakichola jhe nembo jhojhoha payegha, yane tatuu. Ne ndi Bhambo Chapanga.
29“Mangampe jhe hone kamwale gwino kukuntenda kubhehe nngongola, nhwalo kukutenda yene kilambo choha nakitwelela itendwa ya ngongola na ilebhe yanganandela. 30Mulikamula Lichiko lya Kupomolela, na mulitembekeya Lihema lya Chapanga. Ne ndi Bhambo Chapanga.
31“Mangajhendele jhe bhibhalondo, amu akahabhe, kupala kunnondola nhwalo naninyeketela jhe nenga Bhambo Chapanga, Chapanga gwino.
32“Pimibhehe nnonge jha akanahota mipalwa kujhema kupala kulangii ichima, namwe muntembekeya hake Chapanga gwino. Ne ndi Bhambo Chapanga gwino.
33“Anda abhii aghene mu kilambo chino mangantende ubhoho. 34Nn'gene jwenio jwaitama na namwe nabhaha kwino ngita nkolo kilambo nyino, namwe mupala ngita chimikipala mabhene, nhwalo namwenga makibha maghene mu kilambo chuku Michile. Ne ndi Bhambo Chapanga, Chapanga gwino.
35“Mangaponja jhe bhando pimapeme ilebhe itandamaho amu pamapeme ilebhe ina kutopa amu ilebhe yukutweleya. 36Mipalwa kutumii ipemo ipalwa na ipemo ibhii telatela. Ne ndi Bhambo Chapanga, Chapanga gwino, jhunimmohita ku kilambo chuku Michile. 37Mipalwa mighakamula malaghalikilo na mihilo jhango jhoha. Ne ndi Bhambo Chapanga.”
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The Old Testament in the Ndendeule Language @The Word for the World International and Ndendeule Language Translation. All rights reserved