Akalabhe 18
18
Malaghalikilo panane jha ndowa
1Bhambo Chapanga ngannobholila Mucha. 2“Malobholela bhando bhu ku Ichilahele kubhehe, ‘Ne ndi Bhambo Chapanga, Chapanga gwino.’ ” 3Mangatenda jhe ngita chibhateila bhando bhu ku kilambo chu ku Michile kwantamita, na mangatenda jhe ngita chibhateila bhando bhu ku kilambo chuku Kanaane, kwenio kunimpeleka. Mangakengama jhe itendwa yabhe. 4Mangota maghakamula malaghalikilo ghango nu kukengama nhwilo gwango. Ne ndi Bhambo Chapanga, Chapanga gwino. 5Anda mughakamwii malaghalikilo ghanga na mihilo jhango nannama. Ne ndi Bhambo Chapanga.
6“Mundo jhojhoha jwa ku Ichilahele ipalwa jhe kunheghele mundo jwannongo gwake jwa pahina kupala kugholoka nako. Ne ndi Bhambo Chapanga. 7Mangampe jhe hone tategwino kukugholoka na majhe gwino jwampapite. Mangampe jhe hone, jwenio ndi majhe. 8Mangampe jhe hone tategwino, kukugholoka na limo lya litala lyake. Bheniya ndi akamajhe bhino. 9Mangagholoka jhe na alombo bhino, abha bhikimama chimo amu jwabhelwike na majhe gwino jhonge. 10Mangagholoka jhe na nchoko gwino, mwana jwa mwana gwino munalome amu mwikeghe, nhwalo mikipehone mabhene. 11Mangagholoka jhe na alombo bhino jwabhelwike na jhumo pakate jha matala gha tate gwino, jwenio ndi alombo bhino. 12Mangagholoka jhe na ninhenga gwino, nhwalo jwenio ndi alombo bha tate gwino. 13Mangagholoka jhe na majhe gwino nkolo amu nchokombe, nhwalo bheniya ndi akalongo bha majhe gwino. 14Mangagholoka jhe na nhwana jwa tate gwino nkolo amu nchoko, jwenio ndi majhe gwino hele. 15Mangagholoka jhe na nhwana gwa mwana gwino, nhwalo jwenio ndi kamwana gwino, mangagholoka nako jhe. 16Mangagholoka jhe na nhwana jwa alongo bhino, jwenio ndi nnamo gwino. 17Anda nng'olwike na mwikeghe, mangagholoka jhe na ichikana yake amu ichokolo yake. Bheniya akalongo, kwahangalana mitenda ubhoho hake. 18Mangatolana jhe na nnombo gwa nhwana gwino na nhwana gwino ammela abhii ghome, kilebhe chenio nakileta bhulo pakate jhabhe.”
19“Mangagholoka jhe na mwikeghe jwabhii piye. 20Mangagholoka jhe na nhwana gwa nnyino jwa pahina, na yene mikilete gwangajheketelwa kukunyinamii Chapanga. 21Mangampiya jhe mwana gwino jhojhoha kubhehe litambiko ku kichapanga chuwange Moleke. Nhwalo kukutenda yene namililigha liina lyango ne Nachapanga gwino. Ne ndi Bhambo Chapanga. 22Mangagholoka jhe na munalome nnyino ngita chimigholoka na mwikeghe. Chenie ndi kilebhe chakichimwa Chapanga. 23Mangagholoka jhe na kinyama kupala gwangajheketelwa kukunyinamii Chapanga, munalome amu mwikeghe jhojhoha angatenda jhe yene, kukutenda yene ndi gwangajheketelwa palonge jha Bhambo Chapanga.
24“Mangakitenda jhe mme mangajheketelwa palonge jha Bhambo Chapanga kukutenda ilebhe yenio, ku nhwalo gwa ilebhe ngita yenio nganabhengita bhando bhiilambo bhibhabhii palonge jhino, ku nhwalo bheniya utenda gheniya na kukileke gwangajheketelwa palonge jha Bhambo Chapanga. 25Ata kilambo chabhe ngakihakila na nenga nganikihadabula na kilambo chabhe ngachatapika bhando bhake. 26Nambo mangota mwe na akaghene bhibhatama pakate jhino mipalwa kughakamu mabholo na mihilo jhango na hilu mangatenda jhe ilebhe inichimwa. 27Ilebhe yenie yoha inichimwa ihengitwa na bhando bhibhatamita kukilambo chuku Kanaane kabula jhino mangota, na bheniya bhakiteila kilambo ngakijheketilwa jhe palonge jha Bhambo Chapanga. 28Mangota mangatenda jhe ilebhe yenie, anda ntei yene kilambo chenie kipakuntapika ngita chibhatapika bhando bhibhakibha kabula mangota minatama jhe. 29Bhando bhoha bhibhapakutenda ilebhe yene yu kuchimwa, ndi mipalwa bhabhengwa bhabhoke pakate jha Akaichilahele.
30“Ku yene, nkamule mbone ghoha ghinnaghalikiye, makatende jhe ilebhe ngita ibhatendita bhando bhibhatamita pikilambo kabula mangota minatama jhe, mangaika jhe kulekwa kujheketelwa palonge jha Bhambo Chapanga. Ne ndi Bhambo Chapanga gwino.”
ទើបបានជ្រើសរើសហើយ៖
Akalabhe 18: NdeBV
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The Old Testament in the Ndendeule Language @The Word for the World International and Ndendeule Language Translation. All rights reserved
Akalabhe 18
18
Malaghalikilo panane jha ndowa
1Bhambo Chapanga ngannobholila Mucha. 2“Malobholela bhando bhu ku Ichilahele kubhehe, ‘Ne ndi Bhambo Chapanga, Chapanga gwino.’ ” 3Mangatenda jhe ngita chibhateila bhando bhu ku kilambo chu ku Michile kwantamita, na mangatenda jhe ngita chibhateila bhando bhu ku kilambo chuku Kanaane, kwenio kunimpeleka. Mangakengama jhe itendwa yabhe. 4Mangota maghakamula malaghalikilo ghango nu kukengama nhwilo gwango. Ne ndi Bhambo Chapanga, Chapanga gwino. 5Anda mughakamwii malaghalikilo ghanga na mihilo jhango nannama. Ne ndi Bhambo Chapanga.
6“Mundo jhojhoha jwa ku Ichilahele ipalwa jhe kunheghele mundo jwannongo gwake jwa pahina kupala kugholoka nako. Ne ndi Bhambo Chapanga. 7Mangampe jhe hone tategwino kukugholoka na majhe gwino jwampapite. Mangampe jhe hone, jwenio ndi majhe. 8Mangampe jhe hone tategwino, kukugholoka na limo lya litala lyake. Bheniya ndi akamajhe bhino. 9Mangagholoka jhe na alombo bhino, abha bhikimama chimo amu jwabhelwike na majhe gwino jhonge. 10Mangagholoka jhe na nchoko gwino, mwana jwa mwana gwino munalome amu mwikeghe, nhwalo mikipehone mabhene. 11Mangagholoka jhe na alombo bhino jwabhelwike na jhumo pakate jha matala gha tate gwino, jwenio ndi alombo bhino. 12Mangagholoka jhe na ninhenga gwino, nhwalo jwenio ndi alombo bha tate gwino. 13Mangagholoka jhe na majhe gwino nkolo amu nchokombe, nhwalo bheniya ndi akalongo bha majhe gwino. 14Mangagholoka jhe na nhwana jwa tate gwino nkolo amu nchoko, jwenio ndi majhe gwino hele. 15Mangagholoka jhe na nhwana gwa mwana gwino, nhwalo jwenio ndi kamwana gwino, mangagholoka nako jhe. 16Mangagholoka jhe na nhwana jwa alongo bhino, jwenio ndi nnamo gwino. 17Anda nng'olwike na mwikeghe, mangagholoka jhe na ichikana yake amu ichokolo yake. Bheniya akalongo, kwahangalana mitenda ubhoho hake. 18Mangatolana jhe na nnombo gwa nhwana gwino na nhwana gwino ammela abhii ghome, kilebhe chenio nakileta bhulo pakate jhabhe.”
19“Mangagholoka jhe na mwikeghe jwabhii piye. 20Mangagholoka jhe na nhwana gwa nnyino jwa pahina, na yene mikilete gwangajheketelwa kukunyinamii Chapanga. 21Mangampiya jhe mwana gwino jhojhoha kubhehe litambiko ku kichapanga chuwange Moleke. Nhwalo kukutenda yene namililigha liina lyango ne Nachapanga gwino. Ne ndi Bhambo Chapanga. 22Mangagholoka jhe na munalome nnyino ngita chimigholoka na mwikeghe. Chenie ndi kilebhe chakichimwa Chapanga. 23Mangagholoka jhe na kinyama kupala gwangajheketelwa kukunyinamii Chapanga, munalome amu mwikeghe jhojhoha angatenda jhe yene, kukutenda yene ndi gwangajheketelwa palonge jha Bhambo Chapanga.
24“Mangakitenda jhe mme mangajheketelwa palonge jha Bhambo Chapanga kukutenda ilebhe yenio, ku nhwalo gwa ilebhe ngita yenio nganabhengita bhando bhiilambo bhibhabhii palonge jhino, ku nhwalo bheniya utenda gheniya na kukileke gwangajheketelwa palonge jha Bhambo Chapanga. 25Ata kilambo chabhe ngakihakila na nenga nganikihadabula na kilambo chabhe ngachatapika bhando bhake. 26Nambo mangota mwe na akaghene bhibhatama pakate jhino mipalwa kughakamu mabholo na mihilo jhango na hilu mangatenda jhe ilebhe inichimwa. 27Ilebhe yenie yoha inichimwa ihengitwa na bhando bhibhatamita kukilambo chuku Kanaane kabula jhino mangota, na bheniya bhakiteila kilambo ngakijheketilwa jhe palonge jha Bhambo Chapanga. 28Mangota mangatenda jhe ilebhe yenie, anda ntei yene kilambo chenie kipakuntapika ngita chibhatapika bhando bhibhakibha kabula mangota minatama jhe. 29Bhando bhoha bhibhapakutenda ilebhe yene yu kuchimwa, ndi mipalwa bhabhengwa bhabhoke pakate jha Akaichilahele.
30“Ku yene, nkamule mbone ghoha ghinnaghalikiye, makatende jhe ilebhe ngita ibhatendita bhando bhibhatamita pikilambo kabula mangota minatama jhe, mangaika jhe kulekwa kujheketelwa palonge jha Bhambo Chapanga. Ne ndi Bhambo Chapanga gwino.”
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The Old Testament in the Ndendeule Language @The Word for the World International and Ndendeule Language Translation. All rights reserved