Chukutumbula 8
8
Mache twe ghijhomolela
1Peniya, Chapanga ngankomboka Nuho na inyama yoha yukumanyahe na yukukoleka ikibha pamonga na jwenio mu mele. Bhahe, Chapanga ngatumita upepo upoghe pannema, mache ngaghatumbwila kupongoka. 2Kipinde chenie yembwe ya mache pamonga na madilicha kunane kwa Chapanga ghajhakudindwa. hula ngailekita kukoma, 3mache ghajhakujhendele kupongoka kachokochoko pannema. Kubhoke pa machiko miya jhimo na makome nu nhwano, mache pughachochite kupongoka hake. 4Lichiko lya kome na chaba lya mwehe gwa chaba, mele ngaijhemita pikitombe cha Alalate. 5Mache ngaghajhendelela kupongoka kachokochoko, lichiko lyukutumbula lya mwehe gwa kome, ilegheleghe ya itombe ngaibhonekana.
6Kubhoke pa machiko makome ncheche, Nuho ngajhogwila lidilicha lyakatengeniche mu mele jhenio, 7ngalitumita likongolo lipite panja, na jwene likabhujha jhe ngaligholwika okwe na okwe ade pighajhomita mache pannema. 8Peniya, Nuho ngatumita ngunda kupala akalole pange mache ghajhomite pannema. 9Nambo nhwalo mache ghakibha ghamela ghatwelile pannema, bhahe, ngunda jwenio ngabhujhita kwa Nuho mu mele. Na jwenio ngatondobhiya lubhoko lwake ngampukila na kunnyingii mu mele. 10Nuho ngalendila machiko ghange chaba, peniya ngantumita kabhele ngunda jwenio. 11Kimiye ngunda jwenio ngabhujha kongo agheghite lihamba libhehe lya ncheitune pannomo gwake. Ku yene, Nuho ngamanya kubhehe mache ghapongwike pannema. 12Peniya, ngalendila machiko chaba ghange, ngantumita kabhele ngunda jhola, nambo mwanja ghono ngunda ngahobhilila tyoo.
13Nuho akibha na yaka miya chita na chaka chimo, lichiko li kutumbula lya mwehe ghukutumbula, mache ghakibha ghajhomite njwe pannema. Nuho ngayekwila kiyekelelo cha mele, palingulila ngabhonita pannema pajhomite. 14Lichiko lya makome mabhele na chaba lya mwehe gwa ubhele, kilambo kikibha kijhomite chwaa.
15Peniya, Chapanga pannobholila Nuho, 16“Mpite mwenio umele mwenga pamonga nhwanagwino na yana hino na achikabhana bhino. 17Mwipiye ihumbe yoha ibhii ghome ya kila namuna bhubhabhii pamonga na mwenga. Ijhune na inyama na kila ihumbe ikwabha, ibhelekane na kubhehe ndii pannema kila chehemo.” 18Peniya, Nuho ngapita mu mele pamonga na nhwanamundo mundo na yana mundo na achikabhana bhake. 19Kila kinyama chikikibha mwenio ngakipitita kulandana na aina jhake. Inyama yukumanyahe na inyama ikwabha na ijhune yoha.
Nuho ampikii Chapanga litambiko lya kukomelekeya
20Bhahe, Nuho nganchengila Chapanga kachangwale kanyahinyahi, ngatoila chimochimo panakate jha inyama na ijhune ijheketilwe palonge jha Chapanga kupiya litambiko, ngapiita litambiko lyu kukomelekeya pamwotu panane jha kachangwale. 21Luumba lwambone lwa litambiko lwenio ngulunhanganicha Bhambo Chapanga, ngalongila jwene, “Nnema niulapanikii jhe kabhele kunhwalo gwa itendwa ya bhando, manye kubhehe mundo iwacha mawacho ghanganandela kuhumii umwana gwake, nikomeleke jhe kabhele ihumbe yoha ngita chindeila. 22Ngohe, nnema chiujhendelela kubhegha, napabhaha na kipinde chikupanda na kuhuna chikipupwe na kilangache na kiuko, muhe na kilo naikotoke ng'o.”
ទើបបានជ្រើសរើសហើយ៖
Chukutumbula 8: NdeBV
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The Old Testament in the Ndendeule Language @The Word for the World International and Ndendeule Language Translation. All rights reserved
Chukutumbula 8
8
Mache twe ghijhomolela
1Peniya, Chapanga ngankomboka Nuho na inyama yoha yukumanyahe na yukukoleka ikibha pamonga na jwenio mu mele. Bhahe, Chapanga ngatumita upepo upoghe pannema, mache ngaghatumbwila kupongoka. 2Kipinde chenie yembwe ya mache pamonga na madilicha kunane kwa Chapanga ghajhakudindwa. hula ngailekita kukoma, 3mache ghajhakujhendele kupongoka kachokochoko pannema. Kubhoke pa machiko miya jhimo na makome nu nhwano, mache pughachochite kupongoka hake. 4Lichiko lya kome na chaba lya mwehe gwa chaba, mele ngaijhemita pikitombe cha Alalate. 5Mache ngaghajhendelela kupongoka kachokochoko, lichiko lyukutumbula lya mwehe gwa kome, ilegheleghe ya itombe ngaibhonekana.
6Kubhoke pa machiko makome ncheche, Nuho ngajhogwila lidilicha lyakatengeniche mu mele jhenio, 7ngalitumita likongolo lipite panja, na jwene likabhujha jhe ngaligholwika okwe na okwe ade pighajhomita mache pannema. 8Peniya, Nuho ngatumita ngunda kupala akalole pange mache ghajhomite pannema. 9Nambo nhwalo mache ghakibha ghamela ghatwelile pannema, bhahe, ngunda jwenio ngabhujhita kwa Nuho mu mele. Na jwenio ngatondobhiya lubhoko lwake ngampukila na kunnyingii mu mele. 10Nuho ngalendila machiko ghange chaba, peniya ngantumita kabhele ngunda jwenio. 11Kimiye ngunda jwenio ngabhujha kongo agheghite lihamba libhehe lya ncheitune pannomo gwake. Ku yene, Nuho ngamanya kubhehe mache ghapongwike pannema. 12Peniya, ngalendila machiko chaba ghange, ngantumita kabhele ngunda jhola, nambo mwanja ghono ngunda ngahobhilila tyoo.
13Nuho akibha na yaka miya chita na chaka chimo, lichiko li kutumbula lya mwehe ghukutumbula, mache ghakibha ghajhomite njwe pannema. Nuho ngayekwila kiyekelelo cha mele, palingulila ngabhonita pannema pajhomite. 14Lichiko lya makome mabhele na chaba lya mwehe gwa ubhele, kilambo kikibha kijhomite chwaa.
15Peniya, Chapanga pannobholila Nuho, 16“Mpite mwenio umele mwenga pamonga nhwanagwino na yana hino na achikabhana bhino. 17Mwipiye ihumbe yoha ibhii ghome ya kila namuna bhubhabhii pamonga na mwenga. Ijhune na inyama na kila ihumbe ikwabha, ibhelekane na kubhehe ndii pannema kila chehemo.” 18Peniya, Nuho ngapita mu mele pamonga na nhwanamundo mundo na yana mundo na achikabhana bhake. 19Kila kinyama chikikibha mwenio ngakipitita kulandana na aina jhake. Inyama yukumanyahe na inyama ikwabha na ijhune yoha.
Nuho ampikii Chapanga litambiko lya kukomelekeya
20Bhahe, Nuho nganchengila Chapanga kachangwale kanyahinyahi, ngatoila chimochimo panakate jha inyama na ijhune ijheketilwe palonge jha Chapanga kupiya litambiko, ngapiita litambiko lyu kukomelekeya pamwotu panane jha kachangwale. 21Luumba lwambone lwa litambiko lwenio ngulunhanganicha Bhambo Chapanga, ngalongila jwene, “Nnema niulapanikii jhe kabhele kunhwalo gwa itendwa ya bhando, manye kubhehe mundo iwacha mawacho ghanganandela kuhumii umwana gwake, nikomeleke jhe kabhele ihumbe yoha ngita chindeila. 22Ngohe, nnema chiujhendelela kubhegha, napabhaha na kipinde chikupanda na kuhuna chikipupwe na kilangache na kiuko, muhe na kilo naikotoke ng'o.”
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The Old Testament in the Ndendeule Language @The Word for the World International and Ndendeule Language Translation. All rights reserved