Chukutumbula 7
7
Nnema uyekelelwa na mache twe
1Bhambo ngannobholila Nuho, “Nnyingile mu mele mwenga pamonga na bhando bhapakajha pino bhoha, nhwalo mwenga ndi jhuninyeketile palonge jhango kupeta bhando bhoha bhubhabhii ngohe. 2Nnyingiya inyama ya kila namuna ijheketelwa palonge jha Chapanga, chaba yankambako na chaba yankolo, nambo inyama yangajheketelwa palonge jha Chapanga ntola ibheleibhele yankambako na yankolo ibheleibhele. 3Hele nnyingiya ijhune ya kunane ya kila namuna, yankambako na yankolo, yankambako ibha chaba na yankolo chaba kupala mwitunje ibhaha ghome pannema. 4Kwa mana pighapeta machiko chaba, mbakuleta hula ikoma machiko makome ncheche muhe na kilo, na kila chikibhii ghome chinikipangine pannema nanikikomelekeya njwe.” 5Nuho ngateila ghoha telatela ngita chanaghalikiya Bhambo Chapanga.
6Kipinde nnema puyekulilwa na mache twe, Nuho akibha na yaka miya chita. 7Nuho na unaamundo na yana yabhe pamonga achikabhana mundo ngabhajhingila mu mele kujhepa nnema kuyekelelwa na mache twe. 8Na inyama ijheketilwe palonge jha Chapanga na inyama yangajheketelwa palonge jha Chapanga na ijhune yukunane ibheleibhele na ihumbe yoha ikwabha panane jha nnema, 9ibheleibhele yankambako na yankolo, ngaijhingila mu mele pamonga na Nuho ngita Chapanga chanaghalikiya. 10Kubhoke pa machiko chaba, mache twe ngaghayekelila nnema.
11Nuho pakibha na yaka miya chita, lichiko lya kome na chaba lya mwehe gwubhele, lichiko yene yembwe yoha ibhii pahe ngaitumbwila kupiya mache, na kubhoka kunane kumahunde ngiikoma kanonoha hula. 12Hula ngaikomita pannema machiko makome ncheche muhe na kilo. 13Lichiko lele hula puitumbwila kukoma Nuho na yana mundo Shemo na Amu na Yafete na akaana bhabhe ngabhajhingila mu mele. 14Ngabhajhingila bhene pamonga na kila inyama yukumanyahe na kila inyama ikolekwa na kila inyama ikwabha na ijhune ya kila namuna. 15Ngabhajhingila nkate jha mele pamonga na Nuho, ihumbe ibheleibhele ya kila namuna ibhii ghome. 16Inyama yenio ngaijhingila ya namuna jha yankolo na yankambako ngita Chapanga chanaghalikiya Nuho, peniya Bhambo ngadindita nnyango mbu.
17Bhahe, mache twe ngaghajhendilela kwa machiko makome ncheche. Mache ngaghajhonjikika kubhehe twe na kuijhinula mele na jhenio ngaitumbula kujhebhela. 18Mache ngaghajhendelela kujhonjekeka hake pannema na mele ngaijhebhila panane jhake. 19Mache gheniya ngaghatwelila hake pannema ade kuimila itombe itandamaho yoha iibhi pannema. 20Mache pighahelwika ade itombe itandamaho ngimilwa na kuika mita chaba na nucho. 21Ku yene, ihumbe yoha ikibha ghome pannema ngiwila. Ijhune na inyama yukukoleka na inyama yukumanyahe na kila ihumbe ikwabha na bhando bhoha, 22chakaka, ihumbe yoha ikibha ghome pannema ngiwila. 23Chapanga ngakomelikiya yoha inaughome pannema. Bhando na inyama na ihumbe ikwabha na ijhune yukunane. Ngaighala Nuho ndo na bhala bhakibha nako pamonga mumele. 24Mache ghakahighalika pa nnema kwa machiko miya jhimo nu nhwano.
ទើបបានជ្រើសរើសហើយ៖
Chukutumbula 7: NdeBV
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The Old Testament in the Ndendeule Language @The Word for the World International and Ndendeule Language Translation. All rights reserved
Chukutumbula 7
7
Nnema uyekelelwa na mache twe
1Bhambo ngannobholila Nuho, “Nnyingile mu mele mwenga pamonga na bhando bhapakajha pino bhoha, nhwalo mwenga ndi jhuninyeketile palonge jhango kupeta bhando bhoha bhubhabhii ngohe. 2Nnyingiya inyama ya kila namuna ijheketelwa palonge jha Chapanga, chaba yankambako na chaba yankolo, nambo inyama yangajheketelwa palonge jha Chapanga ntola ibheleibhele yankambako na yankolo ibheleibhele. 3Hele nnyingiya ijhune ya kunane ya kila namuna, yankambako na yankolo, yankambako ibha chaba na yankolo chaba kupala mwitunje ibhaha ghome pannema. 4Kwa mana pighapeta machiko chaba, mbakuleta hula ikoma machiko makome ncheche muhe na kilo, na kila chikibhii ghome chinikipangine pannema nanikikomelekeya njwe.” 5Nuho ngateila ghoha telatela ngita chanaghalikiya Bhambo Chapanga.
6Kipinde nnema puyekulilwa na mache twe, Nuho akibha na yaka miya chita. 7Nuho na unaamundo na yana yabhe pamonga achikabhana mundo ngabhajhingila mu mele kujhepa nnema kuyekelelwa na mache twe. 8Na inyama ijheketilwe palonge jha Chapanga na inyama yangajheketelwa palonge jha Chapanga na ijhune yukunane ibheleibhele na ihumbe yoha ikwabha panane jha nnema, 9ibheleibhele yankambako na yankolo, ngaijhingila mu mele pamonga na Nuho ngita Chapanga chanaghalikiya. 10Kubhoke pa machiko chaba, mache twe ngaghayekelila nnema.
11Nuho pakibha na yaka miya chita, lichiko lya kome na chaba lya mwehe gwubhele, lichiko yene yembwe yoha ibhii pahe ngaitumbwila kupiya mache, na kubhoka kunane kumahunde ngiikoma kanonoha hula. 12Hula ngaikomita pannema machiko makome ncheche muhe na kilo. 13Lichiko lele hula puitumbwila kukoma Nuho na yana mundo Shemo na Amu na Yafete na akaana bhabhe ngabhajhingila mu mele. 14Ngabhajhingila bhene pamonga na kila inyama yukumanyahe na kila inyama ikolekwa na kila inyama ikwabha na ijhune ya kila namuna. 15Ngabhajhingila nkate jha mele pamonga na Nuho, ihumbe ibheleibhele ya kila namuna ibhii ghome. 16Inyama yenio ngaijhingila ya namuna jha yankolo na yankambako ngita Chapanga chanaghalikiya Nuho, peniya Bhambo ngadindita nnyango mbu.
17Bhahe, mache twe ngaghajhendilela kwa machiko makome ncheche. Mache ngaghajhonjikika kubhehe twe na kuijhinula mele na jhenio ngaitumbula kujhebhela. 18Mache ngaghajhendelela kujhonjekeka hake pannema na mele ngaijhebhila panane jhake. 19Mache gheniya ngaghatwelila hake pannema ade kuimila itombe itandamaho yoha iibhi pannema. 20Mache pighahelwika ade itombe itandamaho ngimilwa na kuika mita chaba na nucho. 21Ku yene, ihumbe yoha ikibha ghome pannema ngiwila. Ijhune na inyama yukukoleka na inyama yukumanyahe na kila ihumbe ikwabha na bhando bhoha, 22chakaka, ihumbe yoha ikibha ghome pannema ngiwila. 23Chapanga ngakomelikiya yoha inaughome pannema. Bhando na inyama na ihumbe ikwabha na ijhune yukunane. Ngaighala Nuho ndo na bhala bhakibha nako pamonga mumele. 24Mache ghakahighalika pa nnema kwa machiko miya jhimo nu nhwano.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The Old Testament in the Ndendeule Language @The Word for the World International and Ndendeule Language Translation. All rights reserved